Post: #1 Title: وخاشى الفيس بوك و فى جيبى ميه جنيه وبى صحه وعافيه وساكن فى الحاره 76 Author: فرح Date: 10-13-2012, 01:59 PM
رسلت لى عيشتين من الفرن وجبنه بى جنيهين و طعميه حاره وشطه بدره و بيبسى فى قزازه ما فى باغه وخاشى الفيس بوك و فى جيبى ميه جنيه وبى صحه وعافيه نايم بدرى وصاحى بدرى ومتعشى و متحنن مع صاحبى فى عرسو و سادى دى بى طينه ودى بى عجينه ساكن فى بيتى فى الحاره 76 سكن شعبى واقساطه 130 ج شهريا وفيه مويه وكهربه و زير ودجاج و خليه نحل نايم فى عنقريب وجوارى جك مويه و كيس تمباك والموبايل رصيدى جنيه و ملاحى قرع و .زيادتى عيشه و معجونى اب صفقه وصابونى فنيك وسفنجتى حمراء وطاقيتى بيضاء شادى اربعه مسامير فى الغرفه واحد شماعه والتانى فاضى والتالت فيه فنيله مكتوب فيها يو اس اى ارمى الرابع سكين بى جفير بستحم بالجردل و بسمع لندن و بصلى فى الزاويه و بسف من جارنا و بفطر فى اخر محطه بمشى كدارى وباكل سلطه بطبخ الفول و بزيد ليه الشطه و الشمار نايم وحايم وقايم بدندن بى قايمى الصباح متكفلتى شايلى الحليلى على المراح بمسكل وبرسل مسج و بزبل راس البيت واصدقاى من شرطه الاداره العامه للمرور والجوازات و معلمى الكليه الحربيه باكل بطيخ فى الموسم لمن يكون رخيص با كل طماطم فى الشتاء الكيلو بجنيه بفك قروشى حديد قبل ما اركب الحافله مطمئن وجاعل الطمأنينه لمن هم حولى بكون لطيف وودود مع النساء والاطفال والعجزه والشحادين كاظم الغيظ وعافى عن الناس بفك الريق الصباح بمويه صاقطه سقوط شديد من النقاع بفك الريق للناس من الصباح بكيف اصبحتو بمسيهم بى عباره كله فى محله ذاكرتى محدوده وذكائى متوسط وصحتى ميه ميه ونظرى سته على سته وشعرى خفيف مافى اى شخشخه وفى اتم الصحه والعافيه
Post: #2 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: خالد الرزيقي Date: 10-13-2012, 07:39 PM Parent: #1
الناموسية وين؟؟ ما ذكرتها لينا ... ولا ما عندكم باعوض؟؟
تحياتي
Post: #3 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: أمجد الزين Date: 10-13-2012, 08:49 PM Parent: #2
والله ياعمك جهجهت الملعقة ذاتو
Post: #4 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: كمال سالم Date: 10-13-2012, 09:10 PM Parent: #3
سلام يافرح ,,
يأخ ماتفك المية جنيه دى عشان تصلح الرصيد ده شويه يمكن يجيك مس كول من أمريكا . يالله شفت العولمه دى كيف ؟ على الحرام نحنا سكنا الحاره الرابعه مويه ما كان فيها ,,, تقول لى فيسبوك فى الحاره 76 ؟؟!! ياخ تصويرك جميل الله يديك العافيه .
Post: #15 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 10-16-2012, 01:15 PM Parent: #4
Quote: سلام يافرح ,,
يأخ ماتفك المية جنيه دى عشان تصلح الرصيد ده شويه يمكن يجيك مس كول من أمريكا . يالله شفت العولمه دى كيف ؟ على الحرام نحنا سكنا الحاره الرابعه مويه ما كان فيها ,,, تقول لى فيسبوك فى الحاره 76 ؟؟!! ياخ تصويرك جميل الله يديك العافيه .
يا كمال العولمه لحدى شقلبان بس
Post: #5 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: سفيان بشير نابرى Date: 10-13-2012, 09:11 PM Parent: #3
يافرح انت ما ملاحظ كلامك كتر و نشاطك بقى زياده في اليوم دا!!؟ الموضع كدا بقى عايز القعده القاله محمد حيدر و بي شائيها كمان بس محمد حيدر العرف محمد ابراهيم حميمة دا ما بعرف تجاني الحاج!!!؟ و الله حيرتني يا ود المشرف !!!
يا امجد الزين ياخ شوق الشوق طولنا منك ياخ !
Post: #6 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: Rawia Date: 10-13-2012, 09:37 PM Parent: #5
76 ولا 80 بركة بالشوفة وشخصيا مشتــــــــــــــاقة أسمع أغاني من إختيارك
Post: #7 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: منتصر صلاح Date: 10-13-2012, 10:17 PM Parent: #6
Quote: وحضور المطار على طيران ناس اير مساء والسفر فجرا والوصول صباحا الى الاراضى السعوديه
يا زول الحق .. الطيارة بتفوتك
Post: #13 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: أمجد الزين Date: 10-14-2012, 10:39 AM Parent: #5
Post: #14 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 10-15-2012, 12:13 PM Parent: #3
المعلقه اخت الشوكه يا امجد
Post: #11 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 10-14-2012, 09:06 AM Parent: #2
يا الرزيقى ازك الناموسيه ما بحتاج ليها عشان الطراوه شديده تطرد كل الحشرات مودتى
Post: #8 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: Zomrawi Alweli Date: 10-13-2012, 10:17 PM Parent: #1
Quote: رسلت لى عيشتين من الفرن وجبنه بى جنيهين و طعميه حاره وشطه بدره و بيبسى فى قزازه ما فى باغه وخاشى الفيس بوك و فى جيبى ميه جنيه وبى صحه وعافيه نايم بدرى وصاحى بدرى ومتعشى و متحنن مع صاحبى فى عرسو و سادى دى بى طينه ودى بى عجينه ساكن فى بيتى فى الحاره 76 سكن شعبى واقساطه 130 ج شهريا وفيه مويه وكهربه و زير ودجاج و خليه نحل نايم فى عنقريب وجوارى جك مويه و كيس تمباك والموبايل رصيدى جنيه و ملاحى قرع و زيداتى عيشه وفى اتم الصحه والعافيه
والله دا كل المنى لكل زول ولكن اتمنى ان لا تكون احلام يديك العافية
Post: #9 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: مهدي صلاح Date: 10-13-2012, 10:34 PM Parent: #8
انت وصلت السودان يافرح .... طب ابقى شوفلي شقة جمبك
Post: #10 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: مهدي صلاح Date: 10-14-2012, 08:52 AM Parent: #9
Quote: انت وصلت السودان يافرح .... طب ابقى شوفلي شقة جمبك
Post: #12 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: عبدالمنعم الزين Date: 10-14-2012, 09:26 AM Parent: #1
والله و الله والله انت فرح عديل كدا .....يالله عليك ....فيك كمية من الفرح مش عادية جعلتني اشعر براحة في جسمي ...وبعدين ياخي عيش وطعمية وجبنة وقزازة ببسي وموية من الزير .....ربي يديمها عليك سعادة يارب العالمين وعلي كل المسلمين يارب ...
Post: #16 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 10-30-2012, 11:21 AM Parent: #12
مهدى عبد المنعم امجد وسفيان كل سنه وانتو طيبين
Post: #17 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: مزمل خيرى Date: 10-30-2012, 11:49 AM Parent: #16
الله يديك العافية يافرح مرتاح ومريح بالك !
Post: #18 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 10-30-2012, 11:56 AM Parent: #17
يا مزمل الله يديك راحه البال وكل سنه وانت طيب
Post: #19 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: اميرة السيد Date: 10-30-2012, 05:32 PM Parent: #18
والله يا فرح العيشة الوصفتها دي ما بلقاها إلا الزول السعيد والله راضي عنه..عيشة فيها راحة بال وما فيها توتر نفسي.. بس العيشة دي للناس العايشين داخل السودان.. وانت مرات بتقول انك عايش في السعودية ومرات في امريكا.. ارسى لينا على بر وورينا الحقيقة.. وكل سنة وانت طيب والله يديك العافية
Post: #20 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 11-06-2012, 01:36 PM Parent: #19
يا اميره ربنا يسعدك و تكونى هاديه البال ويحقق امانك
Post: #21 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 11-10-2012, 11:09 AM Parent: #20
أيها الراحل فى الليل وحيا .. ضائعا منفردا أمس زارتنى بواكير الخريف .. غسلتنى فى الثلوج .. وبإشراق المروج أيها الراحل فى الليل وحيدا حين زارتنى بواكير الخريف كان طيفى جامدا وجبينى باردا و سكوتى رابضا فوق البيوت الخشبية مخيفا حيرته فى الشجن .. وغروب الأنجم .. وانحسار البصر لوحت لى ساعة حين انصرفنا .. ثم عادت لى بواكير الخريف حين عادت وثب الريح على أشرعتى المنفعلة سطعت شمس الفراديس على اروقتى المنعزلة ومضت تحتضننى الشمس الندية والتى ما حفنتنى فى الزمان الأول فى الومان الغائب المرتحل أيها الراحل فى الليل وحيدا موغلا منفردا إنتظرنى ..إنتظرنى فأنا أرحل فى الليل وحيدا ضائعا منفردا فى الدهاليز الغصيات إنتظرنى فى العتامير وفى البحر .. إنتظزنى .. أنتظرنى فى حفيف الأجنحة والماوات الطيور النازحة حين تنهد المزارات و تسود سماء البارحة.. إنتظرنى .. إنتظرنى
ابو ذكرى
Post: #22 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: ALGARADABI Date: 11-10-2012, 11:57 AM Parent: #21
فرح الغلابة...
وين الغنا الراقي؟؟
Post: #23 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: الصادق محمد احمد Date: 11-10-2012, 12:05 PM Parent: #22
يديك العافيه يا فرح ،،،،،،
وصف يفوق (الوصف) ،،،،،
Post: #25 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 11-10-2012, 01:10 PM Parent: #23
شكرا الصادق على الطله
Post: #24 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 11-10-2012, 01:00 PM Parent: #22
Quote: فرح الغلابة...
وين الغنا الراقي؟؟
لسا بتتذكر لحن الخميس تصدق شده ما طولت بقيت الغنيه بتنزل كيف ما عارف بهدى ليك اغنيه خسوسى لكن
Post: #26 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: الطيب عبد الرحيم خلف الله Date: 11-13-2012, 08:18 AM Parent: #24
فرح
Quote: والله و الله والله انت فرح عديل كدا .....يالله عليك ....فيك كمية من الفرح مش عادية جعلتني اشعر براحة في جسمي ...وبعدين ياخي عيش وطعمية وجبنة وقزازة ببسي وموية من الزير .....ربي يديمها عليك سعادة يارب العالمين وعلي كل المسلمين يارب ...
تعليق أخونا عبدالمنعم الزين هذا ختفو من خشمي،،
Quote: ....و زير ودجاج و خليه نحل.....
أنا يا الفرح لا أهتم بالخلفيات ولا أركن للبروفايلات، لذلك تجدني لا أعرفك بغير الفرح الذي أنت فيه، ولكن أجزم أنك بتربيتك للنحل تصبح أسعد إنسان يعيش بين المدارين (على الأقل داخل السودان بحدوده القديمة)...
خليني آخد من وكتك الجميل شوية وأصحبك في زيارة للـ 75، فهناك إبداع آخر..
نبدأ من محطة الفيل (نهاية شارع الشنقيطي لمن لا يعرف المنطقة) ونتناول كوب شاي على حسابي (حرَّم ما تقول شيء) ونصعِد حتى نصل لمكتب المهندسين في الـ 75 الواقع عند الظلط ونعرج غرباً لمسافة 500م ونسأل عن مشتل الشايقي، وندخل لا عندو...
فرح، هناك سترى العجب وسيغمرك الفرح..
أحس أن سكان هذه الضواحي من شقلبان وسافل (أنا أحدهم)، نعيش في نعيم..
وددت لو اطيل الحديث عن هذه الأماكن الهادئة الجميلة..
أترككم في نعيم..
Post: #27 Title: Re: وخاشى الفيس بوك و فى جيبى ميه جنيه وبى صحه وعافيه وساكن فى الحاره Author: فرح Date: 11-13-2012, 09:26 AM Parent: #26
الطيب شوقنى لزيارتك وزياره مشتل الشايقى حسب تصوراتى فخاريات وشاى احمر و ندى وصبر و مثابره فى المشتل نمشى صابرين ناكل كمونيه و نشرب بارد و نركب الكارو نتونس مودتى يا حبيب