Post: #1 Title: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-13-2012, 11:33 AM
تعالوا نغني غنا الأيام الجاية ونلم ألوان الطيف
الفنان ابو عركي البخيت
ثالث أيام عيد الاضحى في استراحة القصر بالرياض - السعودية
/ مجموعة أصدقاء ابو عركي للإبداع
Post: #2 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Elmosley Date: 10-13-2012, 11:37 AM Parent: #1
كلنا اصقاء لزميلنا المبدع الكبير عركي وبالتوفيق ان شاء الله بلغوه تحياتي
Post: #3 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-13-2012, 11:38 AM Parent: #1
مجموعة اصدقاء ابو عركي للابداع مجموعة تعمل على توثيق ونشر كافة اعمال الاستاذابو عركي والعمل على نشر وتنوير الرسالة التويرية والجمالية لهذه الاعمال والاهتمام بابراز دور المبدعين السودانين الملتزمين بقضايا الوطن في كافة مناحي الحيياة
ولسه الاغاني ممكنة
Post: #4 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: طارق ميرغني Date: 10-13-2012, 11:50 AM Parent: #3
Post: #5 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Zomrawi Alweli Date: 10-13-2012, 11:54 AM Parent: #4
اختي عفاف اتمنى لكم امسية سعيدة
Post: #6 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: ساميه حامد Date: 10-13-2012, 12:00 PM Parent: #5
Quote: تعالوا نغني غنا الأيام الجاية ونلم ألوان الطيف
اكيد ها نجي ونغني يا عفاف لانه ده ابو عركي
Quote: / مجموعة أصدقاء ابو عركي للإبداع
شكرا ليك انت وكل افراد المجموعة على الجهد المقدر
وفعلا إبدااااااااااااااااع
Post: #7 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Elmosley Date: 10-13-2012, 12:00 PM Parent: #4
Quote: النيه واصله وحاصله باذن الله وليتنا نسقنا يا ابو الزمل تحياتي
Post: #8 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم دفع الله Date: 10-13-2012, 12:11 PM Parent: #7
تصوير الصديق عمران حسن صالح ..
ولسـه الأغاني ممكنه ..
Post: #9 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Khalid Saeed Date: 10-13-2012, 07:03 PM Parent: #8
انه يوم عركي القلب .. القابض على جمر القضية .. عركي السودان الذي نهواه ويهوانا ...سيقف شوقنا مشدوها بين ارواح الأغاني العركية المزاج .. واحشني .. وعن حبيبتى بقول لكم ، حال الدنيا ، حلوة عيونك انا باقى ليك ، بتغطى بيك من البرد وكل ما يجود به عركي من اغاني نصطفيه وتصطفينا .. والحانا ترسل لنا بريقا من على البعد من اقصى الضفافت التي نحن اليها ونشتهيها .
تحياتي لك عفاف ولكل المجموعة
Post: #10 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Zomrawi Alweli Date: 10-13-2012, 10:25 PM Parent: #8
والله يا معتصم الصورة دي خلت الحكاية ممكنة
Post: #11 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: طارق ميرغني Date: 10-13-2012, 11:23 PM Parent: #10
Quote: النيه واصله وحاصله باذن الله وليتنا نسقنا يا ابو الزمل تحياتي
يا ريت استاذنا الكبير موصلي
نحن اهو قاعدين في الرياض انت دق سدرك
وتعال عمره او زياره وحنرتب باذن الله
واصلو مجموعة اصدقاء ابوعركي هي عنوان لكل مبدع
وعنوان للخط الفني الملتزم قضايا الجماهير
ومرحب بك انت في اي وقت تشاء
Post: #12 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Khalid Saeed Date: 10-14-2012, 08:18 AM Parent: #11
.. في حضرت عركي سنوحد كل الألوان .. نناجي الحبيبة الوطن ... ونهدي الوطن الحبيبة احلى الأمنيات الأغنيات .. الطالعة من رحم غربتنا الإشتياق .. غربة الزمن الشتات .. سنلون كل الحروف بالفن الجاد الملتزم ..
Post: #13 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عبدالقادر علي عبدالرحيم Date: 10-14-2012, 10:17 AM Parent: #12
سنكون حضور طالما الود سيد الشغال المسمي ابو عاقلة ود مدني العركي البي ختموسيقدم الحفل كما سمعنا.
مع تحياتي
Post: #14 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: ismeil abbas Date: 10-14-2012, 10:32 AM Parent: #13
تسلمى أخت عفاف وأبوعركى لايمل لأنه مبدع ومتجدد..شكراً لأصدقاء عركى....
Post: #15 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-14-2012, 10:42 AM Parent: #13
Quote: كلنا اصقاء لزميلنا المبدع الكبير عركي وبالتوفيق ان شاء الله بلغوه تحياتي
استاذنا الرائع الموصلي ..هي لحظات نحلق فيها في رحاب ابو عركي والفرح المجنح في يانور النوار ....والسيرة والضريرة والشبال في فرح القبيلة ...تميمةالعاشقين ((بخاف))...
Post: #16 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: ود الباوقة Date: 10-14-2012, 10:53 AM Parent: #15
يا جماعة دايرين نسجل ضمن المعجبين
الطريقة كيف ؟؟
شكرا عفاف ....
Post: #17 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-14-2012, 10:56 AM Parent: #15
Quote: اكيد ها نجي ونغني يا عفاف لانه ده ابو عركي
العزيزة سامية حامد وح نعلي صوتنا يا سامية بالغنا الجميل الممكن في الزمن الصعب ليك حبل ود ممدود...
Post: #18 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-14-2012, 11:05 AM Parent: #17
Quote: .اختي عفاف اتمنى لكم امسية سعيدة
اكيد يا صديقي زمراوي بحضورك ..فانت من اصدقاء ابو عركي للابداع ...همتك معانا
Post: #19 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: Mohamed Abdelgaleel Date: 10-14-2012, 01:56 PM Parent: #18
الفنان أبوعركي البخيت ..
شكر عفاف .. شكرا القائمين على جعل الفرح ممكنا .. هذا مهم وقد أصبح الفرح عزيزا أيها الناس نحن من نفر .. أكلتنا المنافي ولم يبقى غير الحلم
Post: #20 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: طارق ميرغني Date: 10-16-2012, 10:58 PM Parent: #19
Post: #21 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: awad okasha Date: 10-17-2012, 00:19 AM Parent: #20
Quote: / مجموعة أصدقاء ابو عركي للإبداع
يعني برضو ما لجنة بورداب الرياض ..!!
Post: #22 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم دفع الله Date: 10-18-2012, 10:28 AM Parent: #21
تعالوا نغنى غنى الايام الجايه كتير ونفرح بيها سماء السودان تعالوا نلم الوان الطيف الفى الخرطوم ابناء شعبى والفى امدرمان تعالوا نفكر ايه البيحصل فى السودان الجوع.. المرض.. الخوف الشك عدم اطمئنان هد الانسان تعالوا نقعد نحسب خطونا من ما اخدنا الاستقلال لحدى الآن.. اتقدمنا ولا اتأخرنا اتأخرنا ولا اتقدمنا.. سؤال مطروح لى كل فئه من فئة الشعب بالف سؤال: دم اجدادنا بيحرض فينا على الحرية وبيذكرنا عشان ما نحافظ على وحدتنا الوطنية بس مكتسابتهم بصراعاتنا وبخلافاتنا دفناها وبقت منسية... حقو نشوف من وين بتجينا مشاكلنا ومنو البيعطل حركة شعبنا بالزندية ونجيبوا ونحاسبوا بعدالة وبديمقراطية انا شايف الجوع بيطل من وقت لاخر ليه!! وبلدنا سهول اطفال بيتشردوا فى الطرقات وبياكلوا الذل ومنو المسئول والحرب لعينة وممتدة وبتحصد فينا ويا للهول ويا للهول وبلدنا الغاليه ام الخير فيها كمان ظهر البترول اشياءنا بتنتاقض وفى الواقع نحنا كتير وكتير بندور فى الحلقة الواحده كما البندول.. نكسرها كيف!! الحلقة الواحدة دى نكسرها كيف!! ونمدها جسر يوصلنا والدنيا عجول.. يا حكامنا الدنيا عجول ياساستنا الدنيا عجول يا جنرالتنا الدنيا عجول يا ساداتنا الدنيا عجول
أخونا الحبيب زمراوي .. شكراً لأنك موجود معنا فنحن معكم وبكم .. تحياتي يا زول يا زين ..
Post: #23 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: MOHAMMED ELSHEIKH Date: 10-18-2012, 10:37 AM Parent: #22
أحباب وأصدقاء الفنان عركي بابها يتمنون لكم ليلة عيدة وعقبال عندنا يارب
Post: #24 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-22-2012, 08:20 AM Parent: #23
شكرا لكل المتداخلين ...وتالت ايام العيد باستراحة القصر بالرياض
Post: #36 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: محمد علي عثمان Date: 10-23-2012, 11:28 PM Parent: #20
التحية لصاحبة البوست الاخت عفاف علي ميرغني
الأخ طارق ميرغني، كل عام وأنتم بخير
تحياتنا للاستاذ أبو عركي البخيت
ارسلت لك رسالة على الماسينجر ، رجاء الاطلاع عليها والرد، مع خالص الشكر
Post: #25 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: طاهر بدر Date: 10-22-2012, 09:37 AM Parent: #1
الطاقم المميز ... عفاف مرغني - رحاب جريس - عبد العزيز ابو عاقله - الرشيد فهمي - عوض موسى - معتصم دفع الله - شعبان بيرم - خالد سعيد (الارباب) - اسماعيل علي - عصام حسن
والطاقم الباطن شكراً لكم ... ونتمنى ان يكون إخراج الليلة مستوعباً للاعداد المتوقعة سيما والدنيا عيد ... .
Post: #26 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم دفع الله Date: 10-22-2012, 02:02 PM Parent: #25
حبيبنا طاهر .. أكيد منكم وبكم كل شئ جميل .. نتمنى أن تكون جميع حفلات الرائع دوماً عركي في أروع صورة ..
تحياتي ونتلاقى قدام ..
Post: #27 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: بله محمد الفاضل Date: 10-22-2012, 03:25 PM Parent: #26
سلامٌ ومحبة
يا رب ليلة تشبه عركي وتشبهكم جمالاً
ولسه الأغاني ممكنة
تحياتي واحترامي
Post: #28 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم دفع الله Date: 10-23-2012, 08:52 AM Parent: #27
Post: #29 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: إدريس سليمان الشريف Date: 10-23-2012, 11:39 AM Parent: #28
عركي !
ياسلااااااااااااااااااااااااااااااااام
ذلك الفنان الانسان
عركي
. . بيدي الناس جمال احساس اصيل وعريق
وخاطراً فيك يا كل القول
حلاوة زول جديد في طبعو متفرد
وبي مضمون فريد.. وعميق.. ومتعدد
وديمة عليهو متجدد
حضوووووووووووور ان شاء الله
Post: #30 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: طارق ميرغني Date: 10-23-2012, 12:35 PM Parent: #29
الاليفه ندي الشروق الغني لي زراع ارضنا
الاصيله زي الشعاع تدخل رواكيبنا واوضنا
هي ذاتا
Post: #31 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: ياسر السر Date: 10-23-2012, 01:20 PM Parent: #30
التحية لكم اختي عفاف ولبقية العقد الفريد والتحية للقمة الشماء ابو عركي البخيت فإنه يستحق منا الحضور والإلتفاف حول هذه الليلة التي سنحلق فيها فوق سماوات الإبداع مع مرسال الشوق ومع واحشني ومن معزتك انتي ليا ويا قبل والكثير الجميل من هذا الرجل الجميل .. واكيد حضور بإذن الله .
تحياتي : ياسر العيلفون
Post: #32 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم ود الجمام Date: 10-23-2012, 01:39 PM Parent: #31
معاكم كلاكيت تاني مرة ... ولكم جميعا تحياتي
Post: #33 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: ABUHUSSEIN Date: 10-23-2012, 01:41 PM Parent: #32
Quote: معاكم كلاكيت تاني مرة ...
يا زول هوي شغلة هي ....؟؟؟
عفاف إزيك
Post: #34 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: الحاج عبدالرازق الحاج Date: 10-23-2012, 02:21 PM Parent: #33
Post: #35 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: طارق ميرغني Date: 10-23-2012, 09:25 PM Parent: #34
رساله من الاخ خالد عمر
ارجو اختنا عفاف التكرم بعمل خارطه او رسم توضيحي لمكان الحفل ان امكن
الاستاذ طارق ميرغني السلام عليكم ورحمة الله وبركاته .. ارجوا ان تكون بخير .. اسمي خالد عمر .. من اعضاء سودانيز اونلاين القدماء لكن كسلان شديد .. ارسلت لك لابلغك تحياتي واسالك عن استراحة القصر في الرياض اين موقعها لحفل الاستاذ عركي. لك خالص شكري وتقديري 0592828688
Post: #37 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم دفع الله Date: 10-24-2012, 08:24 AM Parent: #35
Quote: أبوعركي البخيت يحي ذكرى أكتوبر بالعاصمة الرياض
تنظم مجموعة أصدقاء أبوعركي البخيت بالسعودية، يوم الأحد ( ثالث أيام عيد الأضحى ) بالعاصمة الرياض حفلا غنائيا كبيرا يحييه الفنان المبدع أبوعركي البخيت، وذلك باستراحة القصر جنوب الفحص الدوري. ويأتي هذا الحفل بمناسبة ذكرى ثورة أكتوبر المجيدة، حيث سيفرد الفنان أبوعركي مساحة كبيرة من الحفل للأغاني الوطنية والتي من أبرزها ( المسئولية، وعزه في هواك وغيرها ) وذلك إحياء لذكرى هذه المناسبة العطرة. فيما سيخصص الجزء الأخير من الحفل للأغاني العاطفية التي اشتهر بها المبدع أبوعركي مثل بخاف وواحشني وجسمي انتحل ويا قلب ولو كنت ناكر الهوى وغيرها من الأغاني الجملية لهذا الفنان القامة. ومن المتوقع أن يشهد هذا الحفل جمهور غفير من محبي الفنان أبوعركي الذي قدم عدد من الحفلات المتميزة للجالية السودانية بعدد من المدن السعودية بمصاحبة الفرقة الموسيقية التي قدمت أداءا رائعا ومتميزا، حيث عانق ابو عركي جمهوره الكبير في لوحة تعبر عن الدور الكبير الذي يلعبه الفن في إثراء الوجدان وإشاعة البهجة والفرح بين الناس. ويعد الفنان ابوعركى البخيت أحد أكبر العلامات المضيئة في مشوار الغناء والموسيقى في السودان، حيث ولد وترعرع بقلعة الفن والرياضة بمدينة ود مدنى فتشرب منها حلاوة النغم ونهل من نبع الطرب الأصيل ليبدأ خطواته الأولى على أرض صلبة متسلحاً وواثقاً من نفسه في دروب الفن الوعرة وهو بعد لم يزل يافعاً، إذ أطل في الرابعة عشرة من عمره لأول مرة عبر الأجهزة الإعلامية حينما استضافه الإذاعي الكبير عمر عثمان في برنامج (مع الأقاليم) في العام 1962 عندما شارك في مهرجان الأقاليم ممثلاً للإقليم الأوسط، وعندما بدأ نوره في البزوغ في العام 1964 قدمه الإعلامي الكبير الراحل محمد خوجلى صالحين في حلقة من برنامج (مع فنان) بمشاركة الفنان محمد الأمين، مما لفت أثناءها أنظار وأسماع المستمعين بصوته المتميز وأدائه المتفرد. ومن أوائل الأعمال الفنية التي تغنى بها أبوعركى ( يا دنيا ليه) و(حلمك أرحم) وبعدها تعاون مع الشاعر الصحافي فضل الله محمد الذي قدم له (وعد) من ألحان المطرب محمد الأمين، ليقدم بعدها مجموعة من الأغنيات الرائعة أبرزها ( بحلفلك بعمرى) وغيرها الكثير من الأغاني الرائعة.
Post: #38 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: صديق الموج Date: 10-24-2012, 09:00 AM Parent: #37
عفاف حضور يا جماعه استراحة القصر امتداد مخرج 9 بعد تقاطع مخرج 9 مع شارع السلطان قابوس بعد 400 متر الى اليسار ، والقادمين بمخرج 8 مع اشارة كوبرى الفحص الدورى اتجه لليمين اول اشارة اتجه يسار وده مخرج 9 بعد تقاطع هذا الشارع مع شارع السلطان قابوس ب400 متر الى اليسار استراحة القصر.. الدعوة للجميع والجميع يدعون،،،
Post: #39 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: معتصم دفع الله Date: 10-24-2012, 09:23 AM Parent: #38
والله يا ودالموج ما قصرت خالص .. أها أمسكوا في الوصف دا كويس .. ومعاه الخريطة دي ..
Post: #40 Title: Re: تعالو نغني ...الفنان ابوعركي البخيت ثالث ايام عيد الاضحى في الرياض Author: عفاف علي ميرغني Date: 10-24-2012, 10:30 AM Parent: #39
