Post: #1 Title: حلات التووووووووب .. Author: وليد عبد اللطيف Date: 10-13-2012, 06:53 AM
ياخي التوب دا حلو حــــلا جميل جمال شديد شِـــده مره واحد سعودي شاغلني في الشارع قال لي حلو حلا جميل جمال طبعا قربت اقع بيهو الواطه بس قعد يضحك يظهر كل الناس معجبه حتى بغنانا ولبسنا وليس مفرداتنا فقط هسه شوفوا جنس الفيديو دا كيف قلنا نهديكم ليهو ياخي دا حتى فيهو رقصة الرقشه والكشف وووو
وليد عبداللطيف يا جميل ... اختيارك جميل .. وفكرة بوستك في توقيت الروحان دا جميلة ...
تسلم يا راقي ،،،
ــــــــــ غايتو الواحد ممكن يعمل مُقارنة بين الثوب السوداني وجكسا في خط ستة الموجودات في هذا اليوتيوب
Post: #3 Title: Re: حلات التووووووووب .. Author: وليد عبد اللطيف Date: 10-13-2012, 08:12 AM Parent: #2
Quote: غايتو الواحد ممكن يعمل مُقارنة بين الثوب السوداني وجكسا في خط ستة الموجودات في هذا اليوتيوب
ياصبريبرضو يفضل التوب السوداني هو سيد الموقف دائما لانه يعطي السودانية جمال من نوع اخر تسلم صبري على المرور الانيق لكن رايك شنو في رقيصنا المتطور حتى الناس بقت تقلدنا فيهو مره عندنا في البلد موشو شباب مناسبة من الخرطوم وقعدوا يرقصوا الطتش اها الوقت دا مدير شرطة الخرطوم قاعد في الحفل دا اها زعل وقال ليهم الاولاد ديل جيبوهم لي بكره
Quote: وليد عبداللطيف كتب: ياصبري برضو يفضل التوب السوداني هو سيد الموقف دائما لانه يعطي السودانية جمال من نوع اخر تسلم صبري على المرور الانيق لكن رايك شنو في رقيصنا المتطور حتى الناس بقت تقلدنا فيهو مره عندنا في البلد موشو شباب مناسبة من الخرطوم وقعدوا يرقصوا الطتش اها الوقت دا مدير شرطة الخرطوم قاعد في الحفل دا اها زعل وقال ليهم الاولاد ديل جيبوهم لي بكره
غايتو الغُربة عزلتنا عن مواكبة تطوّر الرقص في بلادي .. غايتو مرّات مرّات كدا الواحد بقع ليهو في شريط حفلة وبشوف الحاصل شنو ... وأفراح أفراح ذاتو ما قصّرت .. واليوتيوب ما قصّر ... لكن لمّا تشاهده على الطبيعة أحلى ... في زواجي بعد غُربة امتدت لست سنوات تقريباً عن البلد وفي حفلتي تركت العروس في إحدى الأغاني الرّابة ومشيت رقصت مع الشباب في دائرة كدا ... غايتو شيء فهمتو وشيء ما فهمتو ... قدّموا لي عروض كدا في برشلونة ما شفتها ...
تسلم يا حبيب ،،،
Post: #6 Title: Re: حلات التووووووووب .. Author: وليد عبد اللطيف Date: 10-13-2012, 10:06 AM Parent: #5
Quote: غايتو نحن من نفر ( اعز التوب وكت ينشال و يتفرّ..و علا الكتفين يتوه مرة.. يزغرد شوق و شلال فرحة ينشر... قال الخواجية قال)...
ياسلام ياكبار ياخي التوب وسيد التوب الاتنين حلوين لكن الناس ديل بتقول الخواجية انت عارفه اهم شي التواصل يعني الزول المابعرف حاجاتك ما بعمل معاك هارموني في اي شي اهم شيء الانسان يكون عارف انت عايز تقول شنو حتى قبل ما تتكلم ولا قاصد شنو غايتو شايف الاعلامي سليمان محمد سليمان جاب لينا مسطلح جديد قال في حاجه اسمها ال ( اي كنتاك ) يعني اهم شي تكون مفتح عيونك وانت بتغني عشان يكون في تأثير للطرفين اها الزول المابفهم غناي دا انا اعمل بيهو شنو ( قال الخواجية قال ) يابت بلدي يا اصلك سوداني تسلم على هدية موسى ابا الفنان الرائع جدا