توبة نصوحة يوجد ندم

ما عارف لكن بندم شديد جدا لدرجة الألم والدبرسة احيانا لما أحس إني كتبت ما يخدش الذوق حتى ولو عن طريق المزاح او إطلاق نكات الإيحاء

تكون عندي رغبة شديدة أغير ما كتبته ولكن أحيانا مسح المداخلات بيكون سبب في سوء ظن عريض من المخاطب خاصة عندما لا يقرأ المداخلة قبل مسحها

أعترف بأنني اتعاطى سفه الكلام احيانا مع القريبين جدا وجها لوجه ومن أثق بهم وليس على الملأ

ولكن عند الكتابة يغيب هذا الحذر والإحساس بخطورة ما يكتب إلا بعد كتابته وعندها يبدأ عقاب الضمير


عايز أتوب توبة ناصحة بس خايف من حالة ما بعد التوبة ديك

مافي زول يقول لي خلاس ما تكتب دي ما بقدر عليها

المعاي منو ؟

معا من أجل منبر مُعافى

تمام يا صاحب
وأحسن حاجة كمل الكوتة السفيهة بتاعتك مع أصحابك الخلص
وتعال للأخرين وللمنابر مؤدبآ مهذبآ

الأصحاب الخلص بالمناسبة نادرين جدآ جدآ جدآ
والونس والهتر معاهم بيكون زي بتعملها مع نفسك قدام مرايا
المشكلة صعب جدآ ، إن لم يكن مستحيلآ أن تجد صديق صافي النية

مراحب يا أبوساندرا

وينك مختفي؟ ما تختفي ياخ

Quote: وأحسن حاجة كمل الكوتة السفيهة بتاعتك مع أصحابك الخلص وتعال للأخرين وللمنابر مؤدبآ مهذبآ

بتاعت الاصحاب ما بتكمل لأنو أنا تبت أها ديلاك البخليهم يتوبوا شنو؟

المشكلة في المنبر دا مرات بجيك إحساس زي الكأنك داخل ليك حفلة في استاد وانت سكران لا بتعرف زول لا زول بعرفك إلا الفنان لا بتشوف زول لا زول بشوفك ترقص رقيصك وتتطلع

Quote: المشكلة صعب جدآ ، إن لم يكن مستحيلآ أن تجد صديق صافي النية

فعلا يعز وفاء الأصدقاء في هذا الزمن

بس ممكن تلقى صافي النية لكن يلاقي صعوبة في إنو يخلص ليك وتعذروا

دم ومن معك بخير

ياحمد انت من نضارتك دي وشنبك ده بتدي احساس انك تقول اى حاجة
فالتوبة ماليها لزمة مادام الناس ماخدة فكرة عنك من غير ماتكتب اى ايحاء ..
اتكل على الله وابقى زي طارق جبريل وحبيب نورة ..

حيّرتنا يا حمد
و نعم بقول ليك ما تكتب وما تقول لي ما بقدر
مافي شي جابرك تكتب حاجة ما مريحة دا أولا
وتانيا لو حسيت انك عايز تمسحها برضو ما في مشكلة تعدّلها و ممكن توضح سبب التعديل لو خفت سوء الفهم

فتلت البوست

Quote: تمام يا صاحب وأحسن حاجة كمل الكوتة السفيهة بتاعتك مع أصحابك الخلص وتعال للأخرين وللمنابر مؤدبآ مهذبآ الأصحاب الخلص بالمناسبة نادرين جدآ جدآ جدآ والونس والهتر معاهم بيكون زي بتعملها مع نفسك قدام مرايا المشكلة صعب جدآ ، إن لم يكن مستحيلآ أن تجد صديق صافي النية

كملا والله كملا يا بركوتة
كوتة السفاهة كملا زماااااان معانا في البركس ومرات كنا بنمشي ليهو في شمبات
لكن نقول شنو ؟؟؟
طفاسة ؟؟؟


حمد
مالك ياخوي
حلمان بي شنو ؟؟



_________________

لكن للضمان كدا

معا من أجل منبر مُعافى

يا فايز كيفك
ما ناوي تتوب موش

Quote: ياحمد انت من نضارتك دي وشنبك ده بتدي احساس انك تقول اى حاجة فالتوبة ماليها لزمة مادام الناس ماخدة فكرة عنك من غير ماتكتب اى ايحاء .. اتكل على الله وابقى زي طارق جبريل وحبيب نورة ..

أها شفت ؟ من جيت أنت وجبت سيرة طارق جبريل وحبيب نورة أنا إتلخبت وفتلت البوست والكاروشة قامت ياخ ما تدخنوا قدامنا أنا خلاس

والله يا فايز أنا بحب المرح والبهجة جدا والدنيا شايفها ما بتستاهل الغتفتة والزول مفروض يعيشها كتاب مفتوح بس لما يجيك إحساس إنو مرحك ممكن يسبب ضيق لبعض الناس وتواجه بلوم مبطن كدليل عدم راحة مما كُتب

بتستشعر مسئولية إنك تحترم وجود الآخرين غايتو ربنا يقدرنا

وبعدين نظارتي دي ما تغشك تحتها عيون برئية جدا

Quote: وتانيا لو حسيت انك عايز تمسحها برضو ما في مشكلة تعدّلها و ممكن توضح سبب التعديل لو خفت سوء الفهم

ود البشرى
وين يمسحها
ياخى مداخلة ملصقه بصباع أمير ما بتتمسح أبدا أبدا..

ياحمد
اتسافه زى ماعايز بس خليك حريف..
المثل بقول: أرجا سفيه ماترجا عاطل.

Quote: وبعدين نظارتي دي ما تغشك تحتها عيون برئية جدا

هلا يا محمد البشرى

Quote: حيّرتنا يا حمد و نعم بقول ليك ما تكتب وما تقول لي ما بقدر مافي شي جابرك تكتب حاجة ما مريحة دا أولا وتانيا لو حسيت انك عايز تمسحها برضو ما في مشكلة تعدّلها و ممكن توضح سبب التعديل لو خفت سوء الفهم

ما اكتب بمعنى أبعد من البورد خاني التعبير سااااي ياخ

بعدين حكاية إنها ما مريحة دي أنا قلت ما بتشعر بيها إلا لما تجي تقراها مع الناس

في الأول بتكون ماخداك هاشمية (ممكن ظرافة) للمشاركة وعايز تصور الأشياء بما تراه لحظتها مناسب وممكن يتفهم في سياقو الانت قاصدو فقط (تقديم شيء من الفكاهة مثلا)

بعد داك تقوم تفكر في مآلاته ووقعه عند البعض في الجانب الآخر

تانيا مسح المداخلات وتعديلها قبل قرايتها دا ما بلفق في بعض البوستات وطوالي بتفهم غلط مهما تبين سبب التعديل

يا حبيب شووت ساي
ما دام لمن تخت راسك في المخدة بتنوم صاح ما تشتغل بالفارغة
شخصيا بجي شايت ضفاري وبمشي انوم

يا عاطف
أخبارك

Quote: كملا والله كملا يا بركوتة كوتة السفاهة كملا زماااااان معانا في البركس ومرات كنا بنمشي ليهو في شمبات لكن نقول شنو ؟؟؟ طفاسة ؟؟؟ حمد مالك ياخوي حلمان بي شنو ؟؟

مفروض تكون كملت بس تعرف مرات الجو ونوع البوستات وظرافتها بخلو الواحد يتفاعل معاها والفرامل تجلي

هسة صاحبك علي يوسف وعفيف ديل بخلو الزول يتوب ديل نا س مجارمة

بمناسبة الحلم ياخي أول أمس حلمان بطيارة هليوكوبتر ساكاني الليل كلو وكلما اندس منها الطيار يفك قنبلة مضيئة

ويتكلم معاي بالمكرفون ويقول لي بتمش وين الليلة واقعة فيك واقعة فيك

دكتور بلة
سلام

Quote: ياخى مداخلة ملصقه بصباع أمير ما بتتمسح أبدا أبدا.. ياحمد اتسافه زى ماعايز بس خليك حريف.. المثل بقول: أرجا سفيه ماترجا عاطل.

ياخ مالك جايب الرابط

وبعدين قصة الحرفنة دي في المنبر دا ما بتمشي دا فيهو ناس مجرمين

هسة معقول تكتب حاجة محمد البشرى دا ما يفهم مغزاها ؟ والله كويس

تيسير عووضة



صدقيني
ليك وهبت ماضي أيامي وحنيني

ياخي أنا شدة ما برئ في سنة البرلم قريبتي دخلتني ال Common Room بتاعة بنات آداب نص ساعة ما جايب خبر لحدي ما شفت ضحك البنات بقى كتير بعدها بديت أشك في الأمر

زول يتبرلم برلمة زي دي ما برئ؟


بالمناسبة مؤخرا أنبسطت منك شديد بس أبيت أعبر في مكان الإنبساطة لأنو التعبير مرات بفسد جمال الأشياء
ما قمت به أنت يشكل نقلة نوعية ربنا يوفقك

طارق جبريل يا معلم

Quote: يا حبيب شووت ساي ما دام لمن تخت راسك في المخدة بتنوم صاح ما تشتغل بالفارغة شخصيا بجي شايت ضفاري وبمشي انوم

هسة أنا قلت طارق جبريل جاب معاه سيجارة عايز يدخنها قدامي ويرجعني للتدخين تاني خذلتني ياخ

والله شدة ما بنوم صاح لما أحلم
ياخي مرات الواحد ينسى كتب شنو بس لما تجي تقراها مع الناس بتلقى فيها شيء من حتى وخصوصا لما يشعرك زول إنه تألم مما كتبت

رأيك الأخير شنو ؟ نرجع

ألأخ/حمد السلام عليكم.

Quote: المعاي منو ؟ معا من أجل منبر مُعافى

أنا معاك..لكن أول شىء عايز أعرف هل هناك نموذج لمنبر معافى؟؟وطبعاً الشى ده تقديرى وبختلف من شخص لأخر.

التوازن فى كل شىء هو سبب النجاح..يعنى أهبش من هنا شوية ومن هنا شوية وما ترهق نفسك .

وزى ما قالوا ليك ألأخوان خليك حريف..أحياناً فى حاجات كده بتجى براها وبتحبك ما تندم فى إنك كتبتها إلا إذا كانت خادشة للحياة ودى بتختها فى ميزان عقلك وحكمتك قبل ما تنشرها..والقراءة قبل النشر مهمة جداً جداً.


بصراحة فى ناس هنا بعبروا عن ناس فى كتاباتهم زى الما بتقدر تكتبه ده إنت..لكن لو قلت ليهو تعال أكتبه إنت بيتردد لأنه غير معتاد أو ليس له الجرأة لمثل هذه الكتابة.

بعدين لما أجى أكتب رد فيه مثل هذا النوع بشوف الكاتب منو أو البرد عليهو منو؟؟ والمهم خلى ألأمر عادى ما بتجيك عوجة..

تقدير وإحترامى للجميع.

مرحب يا اسماعيل

Quote: التوازن فى كل شىء هو سبب النجاح..يعنى أهبش من هنا شوية ومن هنا شوية وما ترهق نفسك . وزى ما قالوا ليك ألأخوان خليك حريف..أحياناً فى حاجات كده بتجى براها وبتحبك ما تندم فى إنك كتبتها إلا إذا كانت خادشة للحياة ودى بتختها فى ميزان عقلك وحكمتك قبل ما تنشرها..والقراءة قبل النشر مهمة جد

والله يا اسماعيل كلامك جيد والنمذجة دي في العوالم المفتوحة من الصعب تحقيقها

وزي ما قلت بقليل من التوازن يمكن الوصول لحد وسط منها

بس شفت الحاجات البتجي براها دي ويساعدا خيال واسع مرات ما بتمسك وبتجيب اللوم

لأنو ما تراه انت طبيعي قد يراه غيرك غير ذلك

أنا في حاجة محيراني وهي مقولة

الحرام هو ما حاك في النفس وخشيت أن يطلع عليه الناس

شفت الدنيا دي مشربكة كيف أها الواحد يعمل شنو ؟

Quote: شخصيا بجي شايت ضفاري وبمشي انوم

اها، دا النوع البِقد الكورة ويخرب التمرين.

يا حمد خليك فرايحي، يعني ابقى زي ود القاضي.




تحياتي...

مرحب يا المدير

Quote: اها، دا النوع البِقد الكورة ويخرب التمرين. يا حمد خليك فرايحي، يعني ابقى زي ود القاضي. ...

ياخ دا في كل مباراة قادي ليهو كورتين وشارط الكدارة بالجنبة

ود القاضي معقول إلى حد ما الحمد لله الما قلت لي خليك زي صديق الموج


أرقد عافية