ابداااااااااع بالصور المعبرة حفل الفنان ابوعركى بقاعة الخلود فى جدة

ما شاء الله
حضور بسر القلب

مبروك عليكم ابو عركي الذي بيصحي الكهارب في شوارع ..

______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

التحية لكل الناس بجدة
ولعركي الجميل الحب والاحترام




........
غايتو يا أصحاب عركي بجدة فتو أصحابو بالرياض بالقاعة الجميلة والصور الرائعة وجلسة الأسر جنب بعض
وفتناكم بالابتسامات الواسعة ومشاركة عركي الغنا

التحية لأصدقاء عركي بجدة ..
على هذا المجهود العظيم والصورة الجميلة ..

شكراً عصام على نقل الحفل ..




يا عمران موش بقولوا جدة غير ؟
ياخي سلفونا قاعتكم دي

عصام
لك التقدير
اكيد في حضرة عركى يطيب الجلوس
حضور انيق وتحضيرات اكثر اناقة
دوما ملمومين ومسرورين .....

تغطيه ممتازه ياعصام

وكاميرا سنينه

شكراً لكم وعركي بحق ابدع وتألق كالعادة وفاق الوصف في جدة


الدليل :












..........................................................................حجر.

شكراً الزول الجميل
عصام يوسف ولو اننا كنا نطمع في بقائك حتى نهاية الحفل البديع .










.................................................................................................حجر.

Quote: ابداااااااااع بالصور المعبرة حفل الفنان ابوعركى بقاعة الخلود فى ج

فعلاً ابداع يا عصام ...... والله صحي
صور جميلة مختارة بعناية فائقة والأهم مضبوطة الحجم والمقاس
مش زي صور اساسي الفتلت البورد

يعجز لسانى ..
وقلمى
عن التعبير
وأقف أحتراما وإجلالا
لهذا القامة
بحق لو جمعت كل قواميس اللغة العربية
لكى أجد كلمة تليق بهذا الهامة
فلن أجدها
فهو أكبر
من الكلمات
والحروف
التى تسطر
له
وللجميع محبتى وتقديرى
وأحترامى
وأقف أجلالا
رافعا القبعات
لهؤلاء الشخوص
الذين
قاموا بهذا العمل
المقدر
والمميز فى كل شئ ..
الرفاعى
قيقراوى
السنوسى
وبقية العقد الفريد
لكم منا كل التقدير والتشكرات لهذه الاحتفائية الرائعة كروعة روحكم السمحه
حقيقة
يعجز قلمى
لذلك أستأذنكم
لان الكلمات لاتفى
مع جزيل شكرى وتقديرى

تاج السر

Quote: غايتو يا أصحاب عركي بجدة فتو أصحابو بالرياض بالقاعة الجميلة والصور الرائعة وجلسة الأسر جنب بعض

نفس الإحساس الوصلني يا عمران

بالجد القاعة مبالغة جميلة جدا جدا

وبالنسبة للصور الاخ عصام يوسف عودنا دائما نقل فعاليات جدة بي صور جميلة جدا

شكرا ليك اخونا عصام يوسف خليتنا نحس كاننا كنا معاكم

شكرا لاصدقاء ابوعركي بجدة

وفعلا جدة غير زي ما قال معتصم

يا سلام..
بختكم والله ومبروك عليكم كل هذا الإبداع..

بوست جميل نقلنا حقيقة الى عوالم الحفل
ابدع الذي رسم خلفية المسرح ببوستر جميل لعركي
رجاء ان تتحفنا باسمه
لك الشكر والاحترام

غنينا وطربنا حد الثمالة والانتشاء
كان ابوعركى على العهد فنا وخلقا
وان كان من نشاز فهو التأخير وقصر وقت الحفل والغناء الجميل
وفواصل الاستراحة الطويلة لم تمكننا من الاستمتاع بالرجل كما يجب
لم يغنى ابو عركى الا فاصلين فقط لم تتجاوز عدداغنياتهم العشرة
شكرا عصام للتصوير المبدع والعدسةاللماحة التى تحكى الكثير.

كانت ليلة عانقنا فيها الوطن وعانقنا وابدع ابوعركي كعهده وتجلي
طربنا حد الامتاع شكراً اخوتي اعضاء اللجنة وشكراً عصام لهذه
الصور الاحترافيه ..

يا اهل الرياض واصدقاء عركي بالرياض

سلااااااااااااام

نشكركم جداً ولكم القاعة فقط تعالوا جدة والله القاعة
علينا وما عليكم إلا الاستمتاع , نعم فالحفل كله كان
لوحة جميلة تكاتف فيه عدد من الاصدقاء والمحبيين
نشكركم على المرور والتحية للجميع والتقدير ونعود
اليكم فرداً فردا :





.................................................................حجر.

دائما حلوين ياناس جدة
نتأسف على عدم استطاعتنا للحضور لكي نكون معكم قلبا وقالبا

التحية لاهل جده لهذا الحفل والجهد العظيم

التحية لعركي الفنان الانسان وفرقته الموسيقية التي تظهر في اسمي الجدية والاهتمام بالموسيقي والغناء

التحية لعصام والتغطية الاعلامية الجميلة

وشكر خاص ان وجدت فيها صورة صديقي العزيز غسان جعفر كرار

النحيف الملان الراس والقلب امامه موبايله وبالسعودي جوال هههههههه


سلام ينقص تعريف ببعض الصور لمن نعرفهم او نعرفهن



تحية كبيرة القاعة جميلة وكبيرة دي عندنا هنا في امريكا صعبه شويه عقبال مزيد من القاعات في السعودية ومزيد من الغناء

به سنهزم سلطة الهوس الديني

التحية لأبوعركى وفرقته وأصدقائه ..أينما حلوا بجملوا المكان.

التحية لمنظمى الحفل, فعلاً مجهود مقدر.

التحية لصاحب البوست وصاحب الكاميرة.

يا اسماعيل عباس
صباح الخير

كنت حضورا بيننا علي لسان ابو عركي الذي اشاد بك وازجي لك شكرا خاصا علي المنصة
وكنا فخورين بك

ـــــــ
يا اللمين البشاري انت ما جيت لحوار ابدن ^_^

Quote: وان كان من نشاز فهو التأخير وقصر وقت الحفل والغناء الجميل وفواصل الاستراحة الطويلة لم تمكننا من الاستمتاع بالرجل كما يجب لم يغنى ابو عركى الا فاصلين فقط لم تتجاوز عدداغنياتهم العشرة

عمل موفق من قبل اللجنة المنظمة بلا شك ..
التنظيم كان رائعا والقاعة فاخرة ..
ما هو مستغرب موعد بدء الحفل ..
بعد منتصف الليل بنصف ساعة ..
وختامه حوالي الساعة الثالثة والنصف ..
تخلل ذلك استراحة تجاوزت الخمسون دقيقة ..
اضافة لعدم اداء عركي لاى عمل وطني ..
على شرف ذكرى ثورة اكتوبر المجيدة ..
رغم مطالبة البعض بذلك وتذكيره به ..

اخونا وحبيبنا الرفاعي

Quote: يا اهل الرياض واصدقاء عركي بالرياض سلااااااااااااام نشكركم جداً ولكم القاعة فقط تعالوا جدة والله القاعة علينا وما عليكم إلا الاستمتاع , نعم فالحفل كله كان لوحة جميلة تكاتف فيه عدد من الاصدقاء والمحبيين نشكركم على المرور والتحية للجميع والتقدير ونعود اليكم فرداً فردا :

الصور تحكي عن روعة المشهد

دايماً تامين و لامين يا ناس جدة ..

و هنيالكم هذا الإبداع من أبو عركي الجميل ..

و كنت أمني نفسي بحضور هذا الحفل الرائع منذ أن كان فكرة حدثني عنها صديقي حجر ..

و يبدو أن حظي كان في قمة سوئه يوم الخميس ..

ذهبت إلى حيثما كنت أعتقد أنها الإستراحة و دخلت في دروب المنطقة الصناعية بين الشاحنات حتى ( بنشر ) لي كفرين ( مرة واحدة ) ..

و حينما أحضرت ( سطحة ) و سحبت السيارة في إتجاه ( البنشر ) أرتكب بتاع السطحة حادث مع دورية مرور سري ..

و حينما أتحليت من بتاع المرور الذي كان مصراً على عدم إنزال ( السيارة ) من السطحة إلا في البنشر كان البنشر أغلق أبوابه ..

و لما تركت السيارة لدى البنشر و أرتكبت ليموزين كان بتاع اللي مو زين أطرش ..

قلت ليهو كيلو عشرة .ز قام مرقني في أم طرقا عراض ..

و عشان يصحح وضعو رجع بيّ لحدت شارع الإسكان ..

و في شارع الإسكان نظلنا من الكبري عشان ( نلف ) لقينا تفتيش ..

و بتاع اللي مو زين كان وضعو غير نظامي .. و رخصة ذاتو ما عندو ..

قربت أقول للعسكري أقشطوا كف ياخي ..

نزلت من اللي مو زين و إرتكبت واحد تاني .. قال لي وين .. قلت ليهو البيت !!

قعد يضحك .. ( صديق أنا مافي معلوم بيت إنتا ) ..

و أنا زعلان ..

زعلان شديد ..

غير إني مبسوووط ليكم شديييد .. دامت أفراحكم ..

يا عصام دهب

القصة كوولها مصدقينها

لكن حتة إنك مشيت البيت دي ما أظن

بتكون مشيت محل شيشية

سلام يا عاصم ..

Quote: لكن حتة إنك مشيت البيت دي ما أظن بتكون مشيت محل شيشية

يا حليلك يا عاصم ..
إنتا ما سمعت و اللا شنو ؟؟
الشيشة بقت بيتوتي بأمر وزارة الداخلية بعد قرار منع التدخين في الأماكن المغلقة ..
كنت مع قريب لي في الجامعة مول ..
و أفترقنا حيث ذهبت إلى بني مالك ..
لقيت محل شيشة كدة فاتح بالكلوباوي ..
أخدت لي حجر بي مزاج و ركبت الخط ..
نزلت في المنطقة الصناعية في حتة كدة كلها شاحنات و منطقة تعبئة موية ( أشياب ) ..
و عينك ما تشوف إلا النور ..

تحية واحترام للجميع والشكر كل الشكر على المرور واخص كل من
شهاب الفاتح وعمران حسن و معتصم دفع الله وبدر الدين الامير وخضر الطيب والرفاعى حجر
والامين موسى وتاج السر حامد وسامية حامد ونجوان وخالد العبيد ونور الدين الفحل
وادم شحوتاى ووليد عبداللطيف وصبرى الشريف واسماعيل عباس واساسى وعوض عكاشة وعصام
دهب وعاصم فقيرى .. ولنا عودة بعد انزال باقية الصور وهى قيد التحميل

ثمّة أشياءٍ ملهمة تحتويها أغنيات عركي نستوقد من جذوتها بصيص أمل كلما خبت الرؤية وخبت قرائن الفأل ....
الفنان أبو عركي البخيت رجلٌ يتسق مع ذاته وقناعاته ووهو رجل كما قال (حجر في الحفل) أدّبه شعبه ومن يودّبُه شعبه لابد أن يكون بمثل هذا الإتساق والنقاء والصفاء والمقام العالي في قلوب الآخرين
نشكر اللجنة المنظمة لهذا الحفل الجميل الرائع .. المكتمل التنظيم .. ونشكر الأخ عصام يوسف على عدسته الحصيفة .. والشكر للفرقة الموسيقية الرائعة وكل من حضر





احمد صديق في لقطتين تاريخيتين مع فنانه المفضل ابو عركي البخيت --- جدة قاعة الخلود الخميس 11/اكتوبر/2012
نشكر الفنان الرائع ابو عركي البخيت علي جماله المتدفق وحرصه علي قاعدته العريضة من فئة الأطفال مروراً بالشباب وحتى الشيوخ














.
.
.
معذرة التعديل أملاه تصحيح نحوي ...

روعه كلكم وكل حاجاتكم

بوست كاميرا قاعه كلكم علي بعضكم حلوين


وبالتوفيق

كل زول فرحان بي صورة بتاعو إلا أنا ما عندي صورة ليي بس ليي بس ... مع تحياتي لاصحاب المنلوج .
شكرا عصام على هذا التوثيق الجميل ... وفعلا الحفل كان رائعا كروعة أبو عركي ...

تخريمة :

الشفيع رمزي نزل لي صورتي مع صديقي العتيق المخرج الفنان الأستاذ الشفيع إبراهيم الضو الذي كان حضورا في الحفل والذي أشاد بشجاعة وموهبة الطفلة أفنان صلاح رشوان التي تولت افتتاح الحفل والتقديم بين الفواصل وفعلا هي مشروع مذيعة ناجحة .

مع الشكر لكل من شارك في تنظيم هذا العمل الرائع .

أبو قصي

ابوقصي

تحياتي ,,,

شكراً فقد كان من صميم تركيزنا في لجنة التنظيم ان يخاطب الحضور جيل جديد لم تطرق آذانه معاني واغنيات عركي
كم كنتُ سعيد بألق وجمال وروعة اداء ابنتنا افنان صلاح رشوان بحق كانت نجم بعد نجمها الاوحد عركي وعندما تغنى
عركي ياقلب كانت تردد معه وتعيد الكلمات وتناظر في اوراقها هي بحق ممتازة وسعدتُ أيما سعادة بتعليق المخرج الاستاذ
الشفيع ابراهيم وسعداء بحضوره وكما قلت لك ياالشفيع الزول البشبه الحاجات السودانية الكويسة ... تحية يا ابوقصي لحضورك
الانيق وبرغم انك قررت الذهاب باكراً لارتباط عملي كما قلت لكن برغم ذلك لك صور عديدة تنزل في حينها ولك منا تحية لمجهود
كبير قمت به وحرضت على هذا الجمال فتشكراتنا لك بما يليق ودروك الكبير دوماً ,,, شكراً ,,,





....................................................................................................................................حجر.

يا أساسي .. شفطت الطرب كلو

Quote: . تحية يا ابوقصي لحضورك الانيق وبرغم انك قررت الذهاب باكراً لارتباط عملي كما قلت لكن برغم ذلك لك صور عديدة تنزل في حينها ولك منا تحية لمجهود كبير قمت به وحرضت على هذا الجمال فتشكراتنا لك بما يليق ودروك الكبير دوماً ,,, شكراً ,,,

التحية لك اخي الرفاعي

بالله عليك تنزل لينا صور ابو قصي ده ياخ الراجل ده عمي وخالي ويمكن يكون جدي زاتو

ولي سنييييييييييييين ما شفتو خلونا نشوف الزمن عمل فيهو شنو وشكلو كده كبر طالما مشى بدري وما تم الحفلة

ليلة و لا أروع .
ليلة جميلية و أنيقة .
فنان مترع بالجمال .... و مفعم بالمشاعر النبيلة .... فنان مسكون بالوطن .... وفنان في وطن .
التحضير كان متناهي في الدقة .
القاعة جميلة .
الحضور كان جميلاً.
و الأجمل من كل ذلك الإحساس العالي في الأداء من لدن أبو عركي و التفاعل من الجمهور . ستظل هذه اليلة في الذاكرة ................

Quote: التحية لك اخي الرفاعي بالله عليك تنزل لينا صور ابو قصي ده ياخ الراجل ده عمي وخالي ويمكن يكون جدي زاتو ولي سنييييييييييييين ما شفتو خلونا نشوف الزمن عمل فيهو شنو وشكلو كده كبر طالما مشى بدري وما تم الحفلة

الاستاذة سامية حامد

تقديري

بكل تأكيد ابو قصي زول جميل وحبوب وفوق هذا وذاك مسألة عجّز دي ما داير اتنين تلاتة
الزول دا لما خرج مظاهرات البوليس كان بيركب الكومر (ههههه) أها شن قولك (ههههههه)
تسلمي ياستي وقريبك منور البلاد وشوية كدا وتنزل لكم كل الصور بما فيها ابوقصي الجميل.





.........................................................................................................حجر.

شكرا عصام
على بوست التوثيق
وكل الحضور الانيق


نعم

ما زال الفرح بيننا

رسالة
نيابة عن عركي الجميل

انقل لكم شكره الجزيل لكل الحضور والغياب

وسعادته الكبرى بالحفل وتحياته للجميع

التحية للمبدع الجميل أبوعركي
والتحية لمجموعة اصدقاء ابوعركي بجدة
وكل الذين جعلوا هذا الجمال ممكن

أخوكم/ الأرباب

سامية ازيك وأخبار الناس معاك .

سنين عملت فينا كتيييييييير ومعترفين بالكبر بس إن شاء الله الناس التانين يعترفوا .

الرفاعي حجر وين باقي الصور يا أخي واللا عايزني أسمعك كلام جدي موسى ود قرافي لي عمنا عثمان التوم ,

أبو قصي

انا كمان زى عصام دهب منعنى منكم الاشد من الشديد
حصل لى حادث فى شارع المطار الساعة 11 مساء الخميس
وربنا قدر ولطف جات فى الحديد انا والعيال بخير
وما زلت حتى اللحظه مساسقا بين المرور والتامين
هنئا لكم بعركى الفنان والصحبة الجميله

Quote: سامية ازيك وأخبار الناس معاك . سنين عملت فينا كتيييييييير ومعترفين بالكبر بس إن شاء الله الناس التانين يعترفوا . الرفاعي حجر وين باقي الصور يا أخي واللا عايزني أسمعك كلام جدي موسى ود قرافي لي عمنا عثمان التوم , أبو قصي

اهليييييييييييين عمو محمد
اخبارك واحوالك انا تمام والحمد لله والمعاي زيك كده السنين عملت فيهم عمايل
يا الرفاعي يا اخوي الزول ده الحقو بالصورسريع لانه كلام جدو موسى ده اكيد بكون كلام ناشف وصعب

معليش يا ناس جدة إستلمنا البوست بتاعكم
بس نعمل شنو جدة غييييييير

من اجل جدهم موسى تحياتي سامية حامد ووجودك يسعدنا ابداً فالرياض صنو جدة الودود
وكلو شتات .




...................................................................................................................حجر.

سلامات والله الف سلامة وحضوركـ كان سعادة لكن ما بيد حيلة


الاخ احمد التجاني الف الف الف حمداً لله على السلامة .







....................................................................................حجر.

21 December 2011 at 14:37 · عركي مناضلا ومبدعا وإنسانا
كان أكثر حِدةً عندما إتخذ مواقفه ضد السلطة في منتصف التسعينات الأولى ولربما كان وقع ما مارسته الاجهزة الأمنية وقتها
وأحاديث كبار قيادات الدولة ممن حُسِبوا يوماً علي الفئة المثقفة فى السودان ، للفنان الرمز أبوعركي البخيت عندما شكى لهم
حاله ومعاملة (صعاليك) ما يُسمى بجهاز الأمن له ، كان الجواب قاسيا ومخزيا وقتها . وكانت كرامة الفنان والإنسان والمبدع
أكبر من أن تُضام. ولذلك كان القرار الصعب .إعتزل الاستاذ (عركي ) الغناء بشكل كامل . ولا يعلم الاّ الله والقريبون منه كيف
عاش حياته فى تلك الأيام .بل وكيف عانى فى كثير من أوقات حياته وحياة أسرته لاحقا . (وهذا ما لانملك أن نبوح به ولكن ، وبكل
الإجلال نقول نحن لسنا أمام موقف عابر من فنان كبير بل نحن امام إنسان تجسّدت فيه جميع فيه جميع معاني القيم والبطولة والإقدام
والتحدي ليكون في طليعة المناضلين الحقيقيين،بصلابةٍ افتقدها عتاة السياسيون. بعد أكثر من عشرين عاما على مقاطعة الاستاذ عركي
للأجهزة الإعلامية يعود اليوم أكثر إشراقا وأمضى عزيمة وأفصح رسالة فى بقاء القيم الصحيحة مهما طال الزمن. وتثير عودة الاستاذ
ابوعركى البخيت أكثر من رسالة وأهمها لماذا نقاطع؟ ومن نقاطع؟ وكيف نعود؟ من المؤكد إن كثير من المبدعين فى بلادى إتخذوا بشكل
او بآخر مواقف قريبة او بعيدة من فِعل المقاطعة عند الاستاذ ابو عركى ولنفس الاسباب تقريبا . وهاجر من هاجر وعاد من عاد ، ولكن دون
توجيه رسالة محددة وواضحة المعالم كما ارادها الاستاذ المبدع ابو عركى البخيت . تختلف الآراء حول المقاطعة نفسها فبينما يرى البعض
أن المقاطعة نفسها مسألة ليست سليمة لانها تتيح للنظام الإنفراد بالاجهزة الاعلامية ، وتوصيل رؤاه دون غيره ، يرى جزء آخر أن مقاطعة
الاعلام واجهزته هو السبيل لعدم المشاركة فى تزيين حديقة النظام الزائفة والتى يريد من خلالها الاستدلال على عدم إنفراده بالساحة الإعلامية
والسياسية . وفئة أخرى ترى بمقاطعة الاجهزة الرسمية للنظام والمشاركة فى المؤسسات الاعلامية التى تُصف بأنها مستقلة أو خاصة ،
متناسين فى الوقت نفسه أن هذه الأجهزة ترتبط بشكل او بآخر بالنظام الرسمى السياسى والشمولى . إن مسيرة الفنان الرمز تفتح اكثر من نافذة
للتفكير ليس حول المقاطعة فقط ، بل كذلك حول ارتباط الإبداع بالإلتزام بقضية الوطن والمواطن. منذ النصف الأول من تسعينات القرن الماضى
ظنّ الكثير من الناس أن الاستاذ عركى لن يترك الساحة الغنائية فقط بل ربما تتكرر تجربته السابقة وتجربة الكثير من المبدعين بمغادرة السودان.
ولكنه لم يترك الساحة ولم يغادر، بل ظل على الدوام وفيا وأمينا لهذا الوطن يعانى ما يعانيه مواطنوه وشعبه . لذا لا يمكن المزايدة أو مرور الكرام
على مواقفه وترجمته الامينة لألام وشجون هذا الشعب . وهذا ما دعى أحد قادة المعارضة فى ذلك الوقت لأن يقول : إن ما يقوم به الاستاذ عركى من
غناء وابداع ملتزم هو فعل يوازى ويكمل ما تقوم به المعارضة فى ذلك الوقت . والغريب ان المعارضة ظلت تتأرجح فى مواقفها بينما ظل الاستاذ
ابوعركى البخيت صامدا فى موقفه. وأمتّد تقدير هذا الدور الذى يقوم به الاستاذ عركى الى ان يعتبر الشهيد د.جون قرنق وجوده ضروريا فى الاحتفال
بتوقيع اتفاقية نيفاشا .ولكن لاسباب نجهلها لم تتحقق هذه الامنية للشهيد د.جون قرنق ومن المؤكد ايضا ان الاستاذ عركى لم يكن له يد فى ان لا تتحقق
هذه الامنية فى ذلك الوقت. اللقاء :- بعد طول فراق دام اكثر من عشرين عاما فإذا بأمنية غالية جدا تتحقق وهى لقاء الفنان الاستاذ ابو عركى البخيت
فجاءنى وهو يسلم علىّ بطريقته المعهودة حمد لله على سلامتنا بعد ان وقفت امامه لبرهة مندهشا لعلها أمنيات اللقاء الطويلة ولعله الحب المفرط لعركى
الذى لا يعرفه الكثير من الناس سوى انه فنان ومغنى مجيد.

كان ذلك اللقاء فى شهر اكتوبر 2010 فى مدينة انتويربن ببلجيكا . وعركى خجول قليل الحركة داخل المنزل رغم انه يجلس لساعات طويلة امام البيانو
ليكتب بضع موازيير جديدة او يضيف توزيعا جديدا لاحد اعماله الخ.. بعد ان يبدأ صباحه بوجبة خفيفة جدا يظل عليها حتى يغادر اليوم نصفه الاول او
الى حين مغيب الشمس . وغالبا ما كانت هذه هى المساحة التى نبلُ فيها بعضا من ظمأ شوقنا لعركى. فيحدثنا عن مناسبة هذه الاغنية او تلك او لماذا اتخذ
هذا الموقف او ذاك و عندها تعرّفت على كثير من رؤى وافكار الاستاذ ابو عركى البخيت . بسرعة اعتاد علينا كما اعتدنا عليه اوصانا ببعضنا حدثنا عن
عشقه الذى عبّر عنه مغنيا (ما حباه جِن لى جِن ولا حباه زول لبشر) وكأنه يريد ان يقول لنا فى ذلك الوقت كونوا مثلنا وحسبنا بوصيته نلوذ مهما (تعددت الدروب).
قليلة هى الرمزية فى غناء عركى فهو يحب المباشرة والوضوح لذلك كانت مواقفه واضحة قاطعة كحد السيف. اقول ان الاستاذ عركى وصل مرحلة، كنا ولا
زلنا نحاول الوصول اليها رغم سنين النضال الطويلة وهى التوحد بين العشق والفكرة والمبدأ. لا يمكن أن يجلس عركى دون أن يقدّم درسا مجانيا للعشاق
عن حالة عشقه لـ د. عفاف التي تخللت روحه ومسامه وتحدى بها سخف اللئام ، وتغطى بها من البرد ويوم رحيلها من البلاد ترصع الدار بالسواد وغيرها وغيرها.
فعركى رسول العاشقين وهو الذى يعلمنا الحب وكيف يكون. ابو عركى البخيت عودة الروح للفن وعودة الروح للوطن: فرض الاستاذ عركى كل شروطه كى يعود
الى جماهيره عبر الوسائط الاعلامية التى اعتزلها لأسباب معروفات كما قال. ما بين عركى فى النصف الاول من التسعينات الماضية وهو فى قمة القه وعطاءه وبين
عركى بعد عقد من الألفية الثانية ، كثير من المتشابهات , الصمود والعزيمة ، بينما يزداد الوعى ووضوح الرؤية عبقا وتعتقا كلما اوغل فى السنين . فى النصف الاول
من التسعينات توقف عركى من الغناء بسبب مضايقات جهاز الامن ومنعه احيانا من أداء بعض اغانيه والتى توقف عن ادائها الان اختياريا لسبب آخر حينما تلقى طعنة
نجلاء من اقرب الاصدقاء ، مما جعل عركى يغلق دائرته عليه . كانت الطامة الكبرى فى ذلك الحين حين شكى حاله الي وزير الثقافة والإعلام آنذاك (والذى كان من
المحسوبين سابقا على اليسار والحركة التقدمية ) ، ليرد عليه بتهكم ######رية بأن اى من منشدى الثورة قادر على منافسته من خلال ليلة جهادية .. وهذا الحديث انقله
بتصرف لأن العبارة كانت أقسى من ذلك بكثير. راجع مقال الجبهة ومشنقة الابداع رصد وتحليل لبعض ممارسات حكومة الجبهة فى مجال الثقافة والفنون .
ورحم الله ايام هذا الوزير(الخوالى) او ما يسميه هو الآن بالجاهلية . ولأن مأثور القول والحكمة تقول :- لا يصحُّ الا الصحيح ، ذهب صاحب الصولجان وبقى الفنان
الانسان ابوعركى البخيت . ثم واصل الاستاذ عركى الغناء دون الظهور فى الاجهزة الاعلامية بجميع انواعها . تحُفهُ إلفة معجبيه وتعطشهم له ولفنه داخل السودان وخارجه.
ولذا كانت مناشداتهم العديدة التى وجدت استجابته المتأخرة ولكن: ما لا يعلمه كثير من الناس ان عركى ظل وحيدا لمدة طويلة من الزمن يصارع من اجل حقوق زملائه
من الفنانين والموسيقيين دون أن سند من هذا المحيط بالوقوف معه. من شهِد تنوع الاوركسترا التى صاحبت الاستاذ ابوعركى البخيت عند عودته من ضمها للمعتّقين واليافعين
يُدرك أن عركي أراد أن يوجِه اكثر من رسالة إذا تركنا مسألة الغناء ومدلولاته جانبا، ومنها ان عودة الاستاذ عركي رهينة بأن لا يحجر عليه احد فيما يريد قوله بالاضافة
الى ما حققه من مكاسب مطلبيه لمحيطه من الموسيقيين والمغنيين اصحاب المهن الموسيقية. وحين قابلته فى اكتوبر 2010 فى رحلته لبلجيكا ، قلت له أريد ان احاورك صحفيا .
فقال: لم يحن بعد آوان الكلام واضاف لقد قلت كل ما اريد عبر الغناء . وقد صدق. كان الاستاذ ابو عركى دقيقا وذكيا فى اختيار زمان ومكان عودته . كان على قدر العزم والتحدى
ولكنهم (اى من استجابوا لشروط عودته )، لم يكونوا على قدر وعودهم . فحجبوا أبلغ رسالة أرادها أن تصل للناس حينما دعاهم للغناء والحوار . ولعمرى كانت ابلغ رسالة سياسيفنية
للشعب السودانى. نقول للاستاذ عركى لقد وصلت الرسالة فى ابلغ معانيها رغم المنع ورغم الحجب . أشد ما كان يحيرنى هو الإيمان العميق بالشعب السوداني عند عركى فما اسباب ذلك؟
وعندما حكى لى الاستاذ ابو عركى البخيت بعض مواقف الشعب السوداني معه ، عرفت لماذا كل هذا الوفاء من جانبه . حكى لى أنه أبان إشتداد ازمة البنزين الخانقة فى الثمانينات فى
عهد النظام المايوى قضى هو ليلته فى طلمبة البنزين مثلما يفعل غالبية الناس وقتذاك حتى وصل الى مقدمة الصف . ومن ذوقه أفسح المجال لعربة التانكر التى تحمل البنزين حتى تقوم
بالتعبئة فاذا بمن يليه فى الصف يتقدم ليأخذ مكانه . وحين افاق الناس الى ان من حدثت معه هذه الحادثة هو ابو عركى ،ما كان منهم الا أن حملوا سيارة الاستاذ عركى حملا على الايدى
بوضعها فى مكانها المستحق . ومن المواقف الاخرى والتى لم يحن آوان سردها بعد ، انه وحين اعتزل الغناء فى بداية التسعينات وفى ظل هذا النظام الاسود(يونيو) المستمر حاليا،
وصل بهم الحال حد الفاقة. واذا بهم فى شدة ضيقهم يطرُق الباب ليجدوا سلة من النقود لا يعلمون حتى الآن من وضعها . لذلك هذا ما يدفعنى للظن بأن يقول عركى انه ياخذ راتبه مباشرة
من الشعب السودانى. والسؤال : من من السياسيين أو الفنانين او اى فئة من فئات الشعب ظل صامدا ووفيا لموقفه رغم الفاقة والضنك وعاد بشروطه هو وليس عبر تركيعه ورمى الفتات
له كما يحدث مع كل عباد الله فى السودان سوى واحد؟ وهو الشامخ والأبى الاستاذ ابو عركى البخيت . وللحديث بقية إن اراد الله .
عركى والمجتمع والاسرة:
كما قال الاستاذ عركى بأنه لم يكن إلاّ نتاجا للآخرين بدءا من والديه وجمهوره ومعلميه وأسرته الصغيرة التى لعبت دورا محوريا ومهما فى
صلابة الاستاذ عركى ولا بد من اسجاء التحية للشامخة الدكتورة عفاف الصادق
حمد النيل ولأبنائه البررة . يُعرف عن الاستاذ عركى قوة تواصله الاجتماعى وحتى عندما تعرفت عليه لاول مرة فى السنين الاولى من التسعينات وهو فى ظروفه تلك ومعتزل للغناء ،
فانه جاء ليؤدى الواجب الاجتماعى فى عزاء لشخص فى اسرة الراحل د.عوض دكام .وجاء بالمواصلات العامة (حافلة خط وليست ايجار مثلا مع مجموعة فهل تتخيلون؟) وهذا نشاط
معروف عنه بل هو الذى يوصل الاصدقاء ببعضهم ويتفقدهم وينقل اخبارهم لبعض وماقاله عنه الاستاذ الراحل خليل اسماعيل و(حادثة تفقده للفنان الراحل زيدان ابراهيم ) رحمها الله يفصح
عن عركى.فاي إنسان نادر هو الاستاذ ابو عركى البخيت؟ لذلك خالص التحية له وللاسرة بدءا من الشامخة الدكتورة والمبدعة عفاف الصادق وابنائه البررة محمد المرتجى وذو اليزن وسماهر
ونيلوفر وسِبويهِ وسيزار الذين ساعدوا عركي بوفقتهم الصلبة على تجاوز محنته بكل إباء وشمم . ولذلك كان لا بد ان تكتمل الدهشة بتقديم نموذج لهؤلاء الابناء والبنات البررة . وكانت سماهر
وهى نموذج واحد من ابناء عركى وعفاف ,وها هم محمد المرتجى ويزن ملء السمع والبصر موسيقيون موهبون وذوي اخلاق رفيعة ونادرة فى هذا المجتمع لذا يحق لنا تقديم التحية لهم/ن
وللرائعين الاستاذ ابوعركى البخيت ود. عفاف الصادق .

ألف شكر عزيزي الرفاعي
اسأل الله أن يحفظكم ويحفظنا وكذلك جميع أحبابنا وأصحابنا ومن يحضرنا من مخاطر القيادة الطائشة

كانت الأ غنية التي مطلعها إنت يا ناكر غرامو التي ابتدر بها أبو عركي الحفل نوارة أغنياته في تلك الليلة . طلبتها أم كاتبة سودانية شهيرة وكلاهما كانتا من الحضور لكن عركي غناها في مفتتح الحفل دون أن يعلم ان هناك من طلبها .توارد خواطر.
سمعت هذه الأغنية أول مرة مطلع السبعينات عبر التلفزيون بالعود حين كان التلفزيون أبيض -أسود وحين استمعت إليها ليلة الخميس الماضي سعدت بها مثل الآخرين هي ربما تكون الماستر بيس لعركي .لكن عركي فاجأني بعد الحفل يوم الجمعة حين قال لي :هذه الأغنية من عام 68م .وهكذا فالغناء المعتق دائماً جديد..
من اجمل لقطات الحفل صعود بعض الزهرات فوق جسر صغير داخل الصالة يسع لخطواتهن الرشيقة فلا يتعثرن ورقصن مع إيقاع الأغنيات بينما كان بعض الكبار من آبائهن مشغولين بالإقتراب من المسرح ولعل الكاميرا لم تلتقط صورة من ذلك المشهد الذي يقول إن السودان بخير.وإن اجياله تتواصل.كان رقصاً عفوياً وجميلاً تابعته وأنا أسمتمع لانفعالات الفنان بأغنيتاته.
التحية لمنظمي الحفل.

ما صفّدت
الحزن القايم
يوم لاقيتك
ولا اتيممت
جبينك قِبلة
ولا سكنتك
جوه الروح
وبنيتك
يوم تاتيت
الفرحة عشانك
واهديتك
طعم القُبله

شكرا عركى الانسان.. شكرا لفرقته الموسيقية ..
شكرا للاسر نضيدة الفرح.. شكرا للمصور الجميل عصام..
شكرا لعضوي المنبر الشاعر عبد الله داش وصديقه محمد
اللذان تكبدا مشاق السفر من الرياض الى جدة.. ومافى زول جاب ليهم خبر
شكرا للذين البسوا الامسية ثوبها القشيب من النشطاء
شكرا بورداب جدة لحضوركم الاخضر.

بختتتتتتكم يا ناس جده وفعلا جده غير
لما شفت شفاتت حفلات ابوعركي اطمنت
ابوذر
محمد عبدالرحمن
رفاعي
ناصر الليندي .

كنت وستظل رائع يا عركي ياراقي

لمن فاتهم الألق والجمال

ولمن يريدون تكرار الفرح

الفكرة قائمة لتنظيم حفل اخر

ندرسها الان بعناية فائقة

بعد تقييم الحفل السابق


فانتم جميعا موعودون

بفجر جديد قادم

وكل بمشيئة الله تعالى

Quote: شكرا لعضوي المنبر الشاعر عبد الله داش وصديقه محمد اللذان تكبدا مشاق السفر من الرياض الى جدة.. ومافى زول جاب ليهم خبر شكرا للذين البسوا الامسية ثوبها القشيب من النشطاء شكرا بورداب جدة لحضوركم الاخضر.

بالامس تحدثت للاخ بلة الفاضل وفي معرض الحديث ذكر لي عبدالله داش :
قلت: زميل المنبر
قال : نعم
طيب ليه ما عرفتونا بيه والله عيب , هل هو موجود في جدة ادوني جوال
استلمت رقم من بلة الفاضل وللاسف لم يرد في العموم لا علم لنا بزيارة
احد من الرياض حتى انت يا شاعرنا حسين يوسف في اي لحظة كان ممكن
توقفنا وترحب بالرجل ونستضيفه داخل حدقات العيون مادام ضيفنا فالتقصير
عليك ولا علم لنا بوجوده غير حديث عابر مع صديقي بلة الفاضل .






........................................................................................حجر.

حقا كانت ليلة جميلة

احني هامتي لكل من ساهم ورتب وساهر .. لاشراقة هذا اليوم
اخصهم جميها بالشكر

اباذر النضيف حمد لله على السلامة .










............................................حجر.

للذين يشككون في وجود ود القاضي في الحفلة







وحمد لله على السلامة يا عصام ودهب ويا أحمد التيجاني وبركة بالسلامة وإن شاء الله ما تشوفوا شر ...



ونأسف لعدم معرفتنا بالأخ عبدالله داش وصديقه محمد والله مافي زول عرفنا عليهم خالص ،،،،
وكذلكـ تفأجات في الحفل بوجود الاخ عوض عكاش قادماً من الدمام ، وكمان الأخ محمد حسن العمدة قادماً من الطائف ، والحبيب معتصم ود الجمام قادماً من المدينة ...

وألف مرحباً بكم بيننا في جدة ... يا رفاعي شغل العلاقات العامة محتاج مراجعة شوية في الملمات دي

Quote: ونأسف لعدم معرفتنا بالأخ عبدالله داش وصديقه محمد والله مافي زول عرفنا عليهم خالص ،،،، وكذلكـ تفأجات في الحفل بوجود الاخ عوض عكاش قادماً من الدمام ، وكمان الأخ محمد حسن العمدة قادماً من الطائف ، والحبيب معتصم ود الجمام قادماً من المدينة ... وألف مرحباً بكم بيننا في جدة ... يا رفاعي شغل العلاقات العامة محتاج مراجعة شوية في الملمات دي

والله زعلت بالامس من اخونا بلة لكن اتضح الان ان الخطأ خطأ حسين يوسف فهو بوردابي
ورجل لا يمكن إلا وصفه بالذكاء الاجتماعي ببساطة ممكن يوقفنا ويقول دا فلان وفلان ضيوف
نحن طبعاً معتصم ما بنعتبره ضيف فهو في جدة عضو اساس لكن بقية الضيوف واللي ما بنعرفهم
بجد يعني انا بعرف داش كاسم لكن فوجئت بالحضور ولما شفت الصور زعلت انه بينا ولا نعرفه
وهو يتحمل جزء فبعض البورداب يتخيلون ان البوردابي لازم يكون معروف للجميع يعني انا الا
اجيئ شايل فانوس فالمسألة تحتاج الى تواضع .




.............................................................................................................حجر.

جنس الحركات دي هي البتخلي البارد ينتهي قبل يجي الفنان ..




.

هو موديهم وين .....كل السفن اتنين اتنين .












............................................حجر.

فووووووووق إلى أن نأتيكم بمساهمة من الأستاذ الشفيع إبراهيم حول الحفل .

أبو قصي

سلامٌ ومحبة



مزامير عركي في أوقات بعيدة هي كان ما يعيد لنا ماتناثر من إنسانيتنا هنا وهناك
في مساء بعيد كان عركي يترنم في قصر الشباب والأطفال نتلمس ماتبقي فينا بين همس المزمار والصوت الملائكي بعد أغنيتين خطوت خطوات كثيرة إلي خارج القصر أول حافلة قفزت فيها كما الهارب منها منه مني دسست يدي مابين قلبي وجيبي واخرجت نصف تذكرة وأهديتها لأحدهم تساءل ببراءة إنت دي حفلة منو؟ قلت ليهو عركى عايز تخش؟ قال ايوة وذهب برفقة تذكرة اخيرة
ومن يومها لازال بعضي مبعثرا هناك
صاحبي اللذيذ: أميري
http://sudanyat.org/vb/showthread.php?t=21384


تحياتي واحترامي

فوق