هههههههه ( دخلــه) ليهم جووووة ..

العربية طبعا ..

وذلك
قبل شوية...

دخلا ...ولا دخله ؟

عربية منو ؟
وان شاء الله ما زول اتعوق

دخلّها أصح

سلام

Quote: دخلّها أصح سلام

اكيد يا ايمو

بس تقول شنو مع الامخاخ دى

ههههههههه
يا تامبا لما تكون الشبكة عندكم تعبانة أبعد عن البورد وغنيلو ...
أربعة بوستات بعنوان واحد يا مفتري ؟
إتا قاعد تكتب من غيابت جب واللا شنو ؟

تمبس بيقول ليكم انو الشبكة ضعيفة عندو وهو دلوقت حيطلع السطوح عشان يرفع الصور :)

طبعا يا خضر دي مناسبة سعيدة جدا انك ممكن تضري عيشك هنا دا ..

وبالمناسبة دي انا حسع دي معلق في الشباك عشان اقدر ارسل ليكم ..
يا طلحـة .. هههههههههههه دا البوست الرسمي بتاع التدخيل ..
ويا باشمهندس انا مشيت الشباك .. وكان وقعته تحضر كنجالاتك بس ما تقول الايامات دي الفلس حاصل هههههههههه

..
هاك يا خضر عشان تبطل شلاقـة وضري عيش ..

طبعا يا جماعة كالعادة
يوم الخميس انا بمشي بجيب حق راسي .. الواحد بقى بتاع شيشة بس والحمد لله ..
..
اهــا
اللقى ليك العربية دي داخله جوه والجماعة واقفين ..
والزول الدخل العربية جوووه .. واقف ، قلت ليهو اسمع يا ابن العم ..
البتاعة دي دخلتا كيف هنـا ..
قعد يضحك وقالي .. والله ما عارف ...
الحمد لله انو ماف زول جاتو حاجة ..
بس المحيرني ..
انو الزول دا لو قلت ليهو دخل البتاعة دي تاني بالطريقةالحريفة دي .. كان بالغ ما بقدر عليها
..
ههههههههه

الحمد لله ود الصايم بكون عندو باقي استوك بتاع معسل .. حسع كان مشى هناك عشان يجيب المعسل كان جا كتب ليكم بوست بعنوان
وسسسسسسسسسسسسسسسسسسسع ..

أكيد بيكون واحد مُطوّع من الجماعة بتاعين محاربة الشيشة!!!


_________

تحياتي ياعلاء الدين.

سلامات يا تمبس ,,

المشكلة بتبقى لو سألوه دخلتها وين!!!!

ببقى فى أمرا ضيق!!!


قرشا تقريشة بتاعة معلمين والله,,
الله شافاك إنت وصاحبك الجنو شيشة دا,,


تحياتى ,,

Quote: الله شافاك إنت وصاحبك الجنو شيشة دا,,

ههههههه
ربك ستر والله يا ايمن ..
آخر مرة مشيت المكان دا قبل اسبوعين .. مشت معاي الزميلة .. وسبحان الله قرشت عربيتي في نفس المكان بتاع صاحبك دا لانو الدكان المجاور هو المحل البشتري منو المعسل ..
صاحبي داك لو كان مشى كان تلقاهو دايخ حسع من الضحك .. ههههههههههه قلبو ميت خلاص

لا والله يا دكتور ..
زول مسكين جدا وهو زاتو جاي يشتري معسل ..
لكن لقيتو ليك مخلوع خلعة عجيبة خلاص .. ههههههههههههه

Quote: طبعا يا خضر دي مناسبة سعيدة جدا انك ممكن تضري عيشك هنا دا ..

والله ماجيت اضرى عيش لكن العنوان جهجهنا

بس متوقع منك

الظاهر الخرمه شديييده الخلت الزول دا يدخل الجمس دا

وانت الخرمه خلتك تكتب العنوان دا .. خاصه واليوم خميس

Quote: والله ماجيت اضرى عيش لكن العنوان جهجهنا بس متوقع منك الظاهر الخرمه شديييده الخلت الزول دا يدخل الجمس دا وانت الخرمه خلتك تكتب العنوان دا .. خاصه واليوم خميس

لالا والله يا خدر انت زاتو بقيت ما (بتحبني) زي زمان ..
ياخ زمان لما كنت هنا كنت بتجي تجيب لي ساندوتشات الطعمية .. وعصير ماما نورة .. وتجيب (الكبسـة) و ( المندي) وتحكي لي عن قصص فاطنة السمحة
حسع لندن دي بقتك كيف كيف ما عارف .. واضف لذلك بقيت تقرا الكف بتاع كيبورد الواحد ومرات بتقرا الماوس عديل حتى لو كان ويرليس ..
..
خميس شنو ياخ .. البجازفو ليهو .. والله انا كل خميس اللقى لي اتنين زي صاحبك (تضخم) دا .. احتمال كبير اكتب ليكم نظريات رياضيات زي ناس فيثاغورث

دي مشاكل العربات الاتوماتيك .. أقل سرحة بتجيب خبر القدامك والوراك

ود خشني السبعيني مزنوق

شايل الموبايل في جيبه ولابس نضارة قليدة

دخل الحمام اتشمر قوم يا الموبايل اقع جوة الحفرة

عاين ليهو النضارة برضو وقعت جوة الحفرة

قام قال

انعل ابو دي خرية

Quote: ود خشني السبعيني مزنوق

يا بوشكاش .
والله ود خشني دا تفكيرو (معفن) عديل كدا

Quote: دي مشاكل العربات الاتوماتيك .. أقل سرحة بتجيب خبر القدامك والوراك

فعلا والله يا ملاسي .. صاحبك دا قلت ليهو عملتها كيف .. ؟
قعد يحكي لي انو كان تحت رجلو تقريبا حبل او حاجة شغلتو دنقر تحت علشان يشوف الحاصل شنو والعربية مدورة وبدون ما يشعر الظاهر لي داس ليهو حاجة بي ايدو واللا بي رجلو والعربية (جفلت) والدفع الرباعي الاوتو طبعا زي ما عارف ولا بيرحمنك
قبل فترة حصلت حادثة مشابهة للحادثة دي .. وديك عن مثبت السرعة واحد سايق في الخط السريع وخاتي مثبت السرعة في سرعة عالية والظاهر لي اخدتو نومة والعربية علقت .. هههههههه
اتضطرت قوات امن الطرق انها تفضي ليهو الشارع وبقى سايق لحدت ما البنزين بتاع العربية انتهى حتين لقو ليهو طريقة انو يوقف العربية من سرعته الجنونية دي
الحمد لله نحن بتاعين كورلات ساكت .. ما لينا في الحصين دي خالص ..

Quote: لحمد لله نحن بتاعين كورلات ساكت .. ما لينا في الحصين دي خالص

يا زول الحصين دي هي السلامة زاتا
هسي الزول ده لو سايق كورولا كان لقيت الخرطوش بتاع الشيشة راكب في خشمو وبدخن باضنينو
العربات الجديدة اتعقدت اكتر باستخدام الكومبيوتر وبقت زي الطيارات واي غلطة ما في محلها او كهربائي شليق بخليها ليك قطعة حديد

التحت ده دخل بيها فرع فروع الراجحي من القهر ايام انيهار سوق المال السعودي

Quote: اكيد يا ايمو بس تقول شنو مع الامخاخ دى

ولا يهمك يا ايمو المرة الجاية لما اجي اكتب .. ح اكتب ليكم بالفرنسية وبعض الالمانية ويسير من البرتغالية
يا كمان لو ربنا فتح علي .. ادخل قوقل واشكله ليكم .. اتفقنا ؟
..

يا خدر ..
والله الواحد لا يملك الا وانو يعفي ليك بس .. لانو قدرما حاولته استعداك ما قدرته .. يعني زي ما تقول كدا .. حسع الواحد يعملليك شنو غير يخليك ..
اقوليك حاجة ..؟
خليتك .. اها شفته الفنجرية دي كيفن ..؟؟

موبالغة لكن

Quote: يا خدر .. والله الواحد لا يملك الا وانو يعفي ليك بس .. لانو قدرما حاولته استعداك ما قدرته .. يعني زي ما تقول كدا .. حسع الواحد يعملليك شنو غير يخليك .. اقوليك حاجة ..؟ خليتك .. اها شفته الفنجرية دي كيفن ..؟؟ موبالغة لكن

عارفك حنين وفنجرى لما الصنف يكون كويس .. ماركة GMC دخلا

الجي بي اس ... ههههههههه












... المهم ....

Quote: عارفك حنين وفنجرى لما الصنف يكون كويس .. ماركة GMC دخلا

ماركة رجال اقولك ...

والنعم والنعم

Quote: المشكلة بتبقى لو سألوه دخلتها وين!!!!

يعني يا أيمن الطيب المشكلة ح تكون شنو من وجهة نظرك ؟
الإجابة بكل بساطة أنو دخله في الشيشة آآآآقصد محل الشيشة ..
وين الصعوبية أو المشكلة في كدا ؟؟؟
من جهة تانية أنا شايف أنو الحركة بتاعت العربية دي أنسب وصف ليها لا دخله ولا دخلا بل (كبسا) أو (حشرا ) ، عشان ذاتو منعا للتأويلات
والفتاوي الخبيثة .
غايتو بعد كدا ما فاضل لينا إلا الطباشير والخرطوش الأسود تلاتة لينى .

Quote: لالا والله يا خدر انت زاتو بقيت ما (بتحبني) زي زمان .. ياخ زمان لما كنت هنا كنت بتجي تجيب لي ساندوتشات الطعمية .. وعصير ماما نورة .. وتجيب (الكبسـة) و ( المندي) وتحكي لي عن قصص فاطنة السمحة حسع لندن دي بقتك كيف كيف ما عارف .. واضف لذلك بقيت تقرا الكف بتاع كيبورد الواحد ومرات بتقرا الماوس عديل حتى لو كان ويرليس .. .. خميس شنو ياخ .. البجازفو ليهو .. والله انا كل خميس اللقى لي اتنين زي صاحبك (تضخم) دا .. احتمال كبير اكتب ليكم نظريات رياضيات زي ناس فيثاغورث

لا والله ياتامبا ما مسالة حب وكراهيه ..انت عارف ياتامبا انا مابكره ..بس ممكن اجلى الفكره

وبعدين ماما نورا ماكانت عندها سندوتشات طعميه .. كانت شاورما .. انت الظاهر تمت اعادة برمجتك ياحنين

شاووورما ياتامبا .. والله غايتو الله يكون فى عونك ...زهايمر مبكر ..دى حالتا سنه واحده بس

غايتو بعد (خمشه) سنه صدقنى اسبيرات ماحتنفع .. الله غالب

بجيك ياخ ..عندى مشوار

بالليل دا ماشى وين

Quote: هههههههه ( دخلــه) ليهم جووووة ..

الاخ تمبس
سلام

من أمس الصباح ما دخلت المنبر الا هسي الساعة 7م = 11:00 ص قرينتش
حاولت أزوغ من عنوان البوست ده.
عتّر لي 3 مرات
وكل مرة أقول الزول مهكّر ولا شنو!!!

شوف هسي كم مداخلة كدا والجيكس حايم بعيد بعيد..

ألحق بكري يصلح ليك العنوان
حسن النية موجود
الا ...

ههههههههههههههههههههههههههه
والله فعلا وسسسسسسسسع بالمسائل خالص خالص!!


إن شاء الله بعد دا لقيتو شوية معسل!!

الكويسة معلقين ورقة علي باب المحل مكتوب فيها: ممنوع دخول النساء و دون ال18 سنة!!
باين البوست دا زاتو مفروض يعلقو عليهو لافتة زي دي!!!
تمبس تحياتي...

برضو معلقين لافتة بتقول ..

تحذير رسمي ...

التدخين سبب رئيسي لأمراض القلب والشرايين والسرطان ...

يا ربي قاصدين دخان الشيشة ولا دخان الجمس أب شكمانين ده؟؟؟

تامبا ...

تحياتي يا حبيب ...

العنوان لخبطني شديد قلت العربيه دي القناه

تاني قلت الدخله بالضمه يعني عرس طيب صلتا شنو بالعربيه القناه

بعدين جووووه دي بقولوها للكوره


مش قبل كده الرشيد بدوي عبيد وقفوهو من اذاعة المباريات

وكت قال ظووووووووووووووووط



لكن تعرف يا تمبس

ود الصايم لو في كان اتلحس

هسس لو جا يقول ليك البذار دا شنو ؟؟؟

ولو في السودان الشعبيه كلها كانت خمست