أحرجت القمر يا بشير القمر والكلاكلات أصبحت كوشة كبيرة-صور

يبدو أن هذا الرجل هو أفشل من أدار محلية إسمها محلية الكلاكلات

فحولها إلي كوشة كبيرة

صارت شوارعها غارقة في أكوام الزبالة

والبعوض والذباب قاسم أهلنا اللقمة

والغريبة الزول ده ما شغال باي شئ وكأن الأمر لا يعنيه

ا معتمد الكلاكلات كفى ضحكا على الذقون نظف محليتك اولا قبل الكاملين
من المضحك المبكى وبعد ان فتحنا بوست هنا عن اوساخ وقمامة الكلاكلات وقاذوراتها
ومما شاهدت وسمعت هذا الصباح فى اخبار قناة الخرطوم
ان معتمد الكلاكلات قد استقبل نظيره معتمد الكا

ملين وقد تشاورا فيماتشاورا فى العديد من المواضيع ومن ضمنها نقل خبرة محلية الكلاكلات
فى مجال صحة البيئة والنظافة
تخيلوا معتمد الكاملين سيعتمد على خبرة الكلاكلة فى موضوع الاوساخ والنظافة
غايتوا يا ناس الكاملين ياها الاوساخ الاتراكمت عندكم والامراض والذاباب سيضايقكم فى اللقمة الداخلة فى افواهكم
ونبشركم بالملاريا التى تضرب الكلاكلات والعفن الذى ينتشر فى الشوارع وغياب عربة النفايات منذ اكثر من شهر وحتى كتابة هذه الاسطر
إن كان معتمدكم يرجى خيرا فى معتمد الكلاكلات فنقول له ان فاقد الشيئ لايعطيه

ثم ثانيا معتمد الكاملين كايس شنو فى الكلاكلة؟
محمد النيل-منبر سودانيزاون لاين دوت كوم
Photo: يا معتمد الكلاكلات كفى ضحكا على الذقون نظف محليتك اولا قبل الكاملين من المضحك المبكى وبعد ان فتحنا بوست هنا عن اوساخ وقمامة الكلاكلات وقاذوراتها ومما شاهدت وسمعت هذا الصباح فى اخبار قناة الخرطوم ان معتمد الكلاكلات قد استقبل نظيره معتمد الكا ملين وقد تشاورا فيماتشاورا فى العديد من المواضيع ومن ضمنها نقل خبرة محلية الكلاكلات فى مجال صحة البيئة والنظافة تخيلوا معتمد الكاملين سيعتمد على خبرة الكلاكلة فى موضوع الاوساخ والنظافة غايتوا يا ناس الكاملين ياها الاوساخ الاتراكمت عندكم والامراض والذاباب سيضايقكم فى اللقمة الداخلة فى افواهكم ونبشركم بالملاريا التى تضرب الكلاكلات والعفن الذى ينتشر فى الشوارع وغياب عربة النفايات منذ اكثر من شهر وحتى كتابة هذه الاسطر إن كان معتمدكم يرجى خيرا فى معتمد الكلاكلات فنقول له ان فاقد الشيئ لايعطيه ثم ثانيا معتمد الكاملين كايس شنو فى الكلاكلة؟ محمد النيل-منبر سودانيزاون لاين دوت كوم

Saad Abdelrahman ديل بيني بينك لو غطسوهم في الوساخة دي زاتا بينوموا! قلبهم ميت ياخ


صدقت يا سعد this is ridiculus

Quote: Saad Abdelrahman ديل بيني بينك لو غطسوهم في الوساخة دي زاتا بينوموا! قلبهم ميت ياخ

سيف اليزل
اتفق معك أنه يجب الاهتمام بنظافة الكلاكلات وادعو دون شك إلى ضرورة اهتمام المحلية بنظافة الكلاكلات

لكن
أين مداخلة سعد المشار إليها أعلاه ؟

عمنا جعفر كل عام وانت بخير

الموضوع نقلا من صفحتي علي الفيس بووك والمداخلة من هنالك

فبعد ان بح صوتي في الفيس نقلته الي هنا عسي ان يتطوع احدهم لنقل صوتنا للمسئولين

ياخي الزول ده يا عم جعفر ما بحس اصلو ومفروض يتقاعد لو ما قدر يشتغل

وشكرا للمرور والمشاركة

وان شاء الله السنة الجاية سودان اروع وانظف وكلاكلات ازهي

مودتي

سيف

آل قمر آل
...

يا ابو السيوف بتقرش صوتك ساكت
الناس ديل قالوا ان 90% من المواطنين ادوهم اصواتهم فى الانتخابات
خليهم يهروهم
انت زول تبع ال 10%
انت مالك ومالهم؟
والشعب ما بيطلع مظاهرات رضيان بالوســــــخ دا

شوف ليك شغلة اقضيها

ومن الاشياء المضحكة والمبكية ان هذه المحلية حتى الدعم الملح اللى جاى منحة لمحاربة البعوض
رشوا ليهم بيت بيتن وناموا ببقية الامكانات وصحبك المعتمد عمل نايم
ومازال البعوض يمرح ويقدل مع الذباب
قال شنو؟
قال المبيد ذو الأثر الباقى
ياخى طخ

والخطير فى الامر حقا
هو ان الناس بعد ان يئسوا من نقل النفايات تجدهم قد لجؤوا لحرق النفايات التى تحوى على كميات مهولة من البلاستيك
ومنتجاته والذي يسبب دخانه العالق فى الاحياء السكنية بتهديد الاحياء من البشر بامراض صدرية تنفسية قاتلة
تهدد الاطفال والكبار وحتى الشباب والحيوانات
انها كارثة بيئية تحدث تحت بصر وانف وتنفس المسئولين الغير مسئولين

Quote: انها كارثة بيئية تحدث تحت بصر وانف وتنفس المسئولين الغير مسئولين

والمضحك فى الموضوع كل يوم ناطين عايزين فلوس النفايات

كل هذه الصور تم اخذها يوم 9-اكتوبر يعني فرش

معقولة بس زيادة الايرادات للمركز اهم من صحة اهلنا في الكلاكلات
كلو بفكر في الكرسي فقط
ورد اكثر لتبقي والتوريدة للمركز اهم من الصحة

محن سودانية

Quote: يبدو أن هذا الرجل هو أفشل من أدار محلية إسمها محلية الكلاكلات

الأخ سيف اليزل
السلام عليكم
تصويب في العبارة أعلاه

السيد / بشير القمر ابو كساوي هو معتمد محلية جبل أولياء والكلاكلات هي منطقة من ضمن
مناطق محلية جبل أولياء الكثيرة والتي تجعلها من أكبر محليات ولاية الخرطوم .

تأسست محلية جبل أولياء من المكونات الجغرافية للمحليات السابقة الكلاكله ، جبل أولياء ، النصر ، الأزهري ، بموجب أمر التأسيس الصادر من حكومة الولاية في مارس 2003م.

تمثل المحلية البوابة الجنوبية لولاية الخرطوم ويعود تأسيسها لتاريخ ضارب الجذور في القدم، وقد شهدت الهجرات الواسعة من مختلف بقاع السودان منذ أوائل الستينيات، والسكان يمثلون السودان المصغر بمختلف قبائله وأعراقه واثنياته ،وقد تمازجوا وانصهروا في بوتقة نسيج إجتماعي متجانس يمثل أنموذجا للسودان الموحد.

نتيجة الهجرات الواسعة من جنوب وغرب السودان منذ أوائل الثمانينات من جراء الجفاف والتصحر والحروب ،فقد ازداد وتضاعف عدد السكان حتى بلغوا حالياعدد 1,703,950 نسمة،ويسكن معظمهم في المناطق الطرفية بالمحلية مما فاقم من مشكلة السكن الاضطراري، والضغط علي الخدمات بالمناطق المخططة، وقد شهدت المحلية منذ أوائل التسعينيات مع وزراه الشئون الهندسية ( تنظيم القرى) خطوات جادة في تخطيط بعض القرى يالاضافة لمشروع تنظيم حرمات القرى.

ونسبة الهجرات من أقاليم السودان المختلفة والتوسع العمراني من جراء أنها المنفذ الجنوبي للولاية فان معدلات الزيادة السكانية السنوية أكثر من المتوسط المعروف وهي تتراوح بين 7% إلي 10% سنوياً.

تبلغ مساحة المحلية حوالي 327 كلم2 ويحدها من الغرب النيل الأبيض ومن الشمال محلية الخرطوم ومن الجنوب ولاية النيل الأبيض ومن الجنوب الشرقي ولاية الجزيرة .

مناطق محلية جبل أولياء

القرى والأحياء من الناحية الشرقية تتسلسل كالاتى.
البجة عبد الهادى ،العباسية ،اراضى الجيش ، الحلة الجديدة ، كمبو الضو ، اراضى الحلة الجديدة ، ديم البساطاب ، المستعمرة سابقا المنشأة حاليا , اراضى الديم ، قوز الشيخ حامد ، ود مختار , السليكاب ، ود النقيدة ، الفيلاب، مسرة ، أم قراقير , ود بلول ،ود ابو دروس، غمار ، الفكى دفع الله ،ام رباح ، العسال ، تريعة البجة، كجبى ، حلة حاج احمد ، النوبة ، المسيد ، تريعة الحسانية وقرى الشقيلاب( الجرف والحسانية وام حراز والخور وام حريز غريبة ) وأم عشر العقليين و الفتيح والدخينات والكلاكلات كلها بأحيائهاومسمياتهاالمختلفة ومدينة الزهراء بأحياءها ومسمياتها ، اما مع شارع الاسفلت الرئيسي الذي يربط الخرطوم بجبل أولياء نجد قرى قبل جاى واللدية والسلمانية شرق وطيبة الحسناب ومن الشرق وقرة وعسيلى ونعيم واراك صالح وأراك الكاتب والكمبو ومدينة الرشيد ودار السلام وابو ضريس .

شفت التمدد دا كيف يا سيف اليزن , يعني السيد المعتمد مسئول عن كل المحلية وليس عن الكلاكلات فحسب
ولا رأي لدي ولا دفوع حول ما أوردته من صور للأوساخ , ولكن الثابت أن كل محليات ولاية الخرطوم تعاني من هذه المشكلة
والمعالجات التي تقدمها الدولة والدعم لها ضعيف جدا مقارنه بالتمدد السكاني .

أخيرا
السيد / بشير القمر ابو كساوي رجل مجتهد ويسعى لخدمة المنطقة بكل ما أوتي من قوة ومن جهد وفقا للأمكانيات المتاحة
ويكفيه أنه رجل نزيه ونظيف لم تحم حوله الشبهات مثلما رأينا من منسوبي المؤتمر الوطني الآخرين .

Quote: السيد / بشير القمر ابو كساوي رجل مجتهد ويسعى لخدمة المنطقة بكل ما أوتي من قوة ومن جهد وفقا للأمكانيات المتاحة ويكفيه أنه رجل نزيه ونظيف لم تحم حوله الشبهات مثلما رأينا من منسوبي المؤتمر الوطني الآخرين .

يا البشير شكرا للمرور والمساهمة
بالمناسبة المعتمد ده ولدنا فأنا من الكلاكلة
ياخي انا من السنة الفاتت بكتب في الموضوع ده في كل المواقع ولا حياة لمن ينادي
لقد كانت امام منزلنا كوشة زالت بحمد الله لكن بعد عناء ومشاكل خسرنا فيها جيران كتار كانوا برموا الزبالة قدام بيتنا
بيتنا علي الزلط ولان عربية النفايات ما بتجي او بتجي نادرا وبخطفوا الشوالات خطف سريع من المنازل المطلة علي الشارع الرئيسي
قام الناس بتكويم الشوالات علي امتداد ساحل الزلط مما كون كوش متفرقة علي الشارع العام
ناس كتار بقوا يدفعوا لناس الكاروهات لكنهم بدل يودوها ويرموها جنب النيل الابيض ويلوثوه برموها بعد شارعين من الشارع الاستلموها منو
ناس كتار امام بيوتهم كوش الان
ناس بدوا يحرقوا الزبالة والبلاستيك وده براه سرطان جاهز
ناس برموها في مايو
ناس برموها قدام بيوت ناس تانين والشكلة الا يحلها البوليس
ذباب وزبالة مدفقة وشوالات متكلة علي الحيط حتي تعفنت
وحرائق متفرقة وتلوث وتدهور بيئي اكيد سيعقبه مرض
لكن المعتمد زول طيب وولدنا وزول نزيه
ربنا يحفظوا ويخليه
اكيد حننتخبوا تاني
ما هو زول طيب

مودتي

سيف البرعي

أتفق معك يا سيف إن مدينة الكلاكلة تحتاج الدعم الصحي والبيئي .
مسألة التخلص من النفايات هاجس بأرقى الدول .
المناظر التي بهذا البوست حقيقة ويوجد أفظع منها من كثرة الذباب و-تجلبط- القمامة بالماء الملوث والعكر
نتيجة لدحرجة الشوارع وعدم استقامتها والذي يسبب تراكم المياه وذلك لعدم وجود مصارف لها.
المصارف المائية وسفلتة الشوارع هو من أهم العوامل المنظمة لهذا الأمر .
هنالك طاقات شبابية في الأحياء عطالة
لماذا لا يستفاد من هذه الطاقات والموارد البشرية في تشكيل برامج بيئية منظمة ؟!
قمنا بذلك ونجح بشكل محدود لكن نتيجة للإمكانيات المحدودة لم نستطع الإستمرار .

وأيضاً الإهتمام بالمراكز الصحية من قبل وزارة الصحة مطلوب لأن هنالك مناظر فظيعة جداً في
بعض المراكز الصحية في احياء العاصمة القومية لماذا لا توجد دورات لتفقد أحوال المراكز الصحية والتأكد من سلامة أوضاعها من أجل صحة المواطن؟!
.

 

Quote: لكن المعتمد زول طيب وولدنا وزول نزيه ربنا يحفظوا ويخليه اكيد حننتخبوا تاني ما هو زول طيب مودتي سيف البرعي

سيف اليزل
نعم أعلم أنك من الكلاكلة ولا أعتقد بأنك تعرف المعتمد جيدا .
لم أدخل لهذا البوست الا لتوضيح لا بد منه ربما غاب عنك أو أنك علمته ولم تشأ أن تذكره
ايضاح الحقائق ككل لكي لا يفهم القارئ أن السيد بشير القمر ابو كساوي هو معتمد لمحلية الكلاكلة وكفى
كان لا بد من هذا التوضيح الذي تجاهلته أنت الآن تماما وان أقررته ضمنا .

ولم تأخذ من مشاركتي الا كلمة حق كتبتها في هذا الرجل ووظفتها في غير محلها لتخدم غرضك من البوست .
ولك أقول ان المعتمد لم ينتخبه أحد وانما تم تعيينه , وهو تعيين صادف أهله فعلا لا قولا , ولم يكن في حيثيات
تعيينه ( الطيبه ) بالطريقة التي تتحدث بها ( التريقة ) , وانما الكفاءة ولأنه الأصلح .

و طالما أن لديك قضية هامة ويشاركك فيها كل أبناء محلية جبل أولياء وليس الكلاكلة فقط فمن الانصاف تمليك الحقائق للقارئ قبل أن تصل للمسئول .

وأعود فأقول ( اذا أذنت لي ) أنني سأرفد هذا البوست بصور مماثلة بل وأكثر بشاعة ( تراكم أوساخ وزبالة ) من داخل سوق جبل أولياء وبالقرب من خزان جبل أولياء تحديدا , والتي يكون من تبعاتها أمراض وأوبئة , فضلا عن منظرها غير الحضاري واللا انساني والتي لا تنم الا عن التقصير الكبير من مسئولي البلدية بالمحلية والتي على رأسها معتمد المحلية.

ولن أقول لك ان الأوساخ تملأ عاصمتنا الحضارية الخرطوم من أقصاها الى أدناها( باعتبارها أمرا عاديا ) مع أنه فتحت عدة بوستات في هذا المنبر بهذا الخصوص وتم قتلها بحثا وتنظيرا وسب وكيل للمسئولين بولاية الخرطوم ولا حياة لمن تنادي ,

ولكني أقول لك أني معني تماما بنظافة المحلية التي أنتمي اليها( جبل أولياء ) بما فيها الكلاكلات والصورة الجميلة التي أتمناها لها , ولا أحد فوق النقد ولا فوق المساءلة ان كنا قد أخترناه بمحض ارادتنا أو تم تعيينه من الأعلى .

Quote: ولك أقول ان المعتمد لم ينتخبه أحد وانما تم تعيينه

لقد علموا انها بقرة حلوب وهي اغني محلية في السودان اذن

NO EXECUSE يا ولدنا
الزول ده في محل سلطة وهو المسئول
وغرضي من البوست هو صحة اهلنا البسطاء الما عندهم حق الاكل ناهيك عن حق الدواء
وانت ما فتئت تسوق المواضيع والمبررات والاعذار لرجل معين من قبل المركز ليورد وما ادراك ما التوريدة
محلية بكل هذه الاطراف المترامية اكيد غنية الموارد من عوائد ورخص ورسوم وهلما جرا
وهل تعلم كم بوست افترع في هذا المنبر من اشخاص غيري
وانا الاخير منهم الان
الزول ده يا ينظف لينا محليتنا يا كمان يدينا عرض اك######## لياتي غيره من اهل الهمة
الصور الفوق دي بتحكي فشله الذريع
والصور ابلغ من الكلام

Quote: ولك أقول ان المعتمد لم ينتخبه أحد وانما تم تعيينه , وهو تعيين صادف أهله فعلا لا قولا , ولم يكن في حيثيات تعيينه ( الطيبه ) بالطريقة التي تتحدث بها ( التريقة ) , وانما الكفاءة ولأنه الأصلح .

وهذه هي المشكلة الحقيقة ان الرجل غير منتخب و لا يسعى لارضاء ناخبيه

بل بكل تاكيد لارضاء من عينه ... اما حكاية انه تعين صادف اهله الخ ... فهو كلام انشائي مكرور

هذه مشكلة مطروحة يعاني منها سكان (الكلاكلة) بغض النظر انهم كل او جزء من رعية هذا المعتمد

ماذا فعل لحلها هذا المعتمد المعيّن الذي صادف تعيّنه "اهله" واين هي الكفاءة التى تتحدث عنها والصور

تقف كشواهد ان كفاءته كلام مبذول دون دلائل يخالف الحقائق المعاشة من اصحاب الوجعة..


سيف سلام,,

Quote: وهذه هي المشكلة الحقيقة ان الرجل غير منتخب و لا يسعى لارضاء ناخبيه بل بكل تاكيد لارضاء من عينه ... اما حكاية انه تعين صادف اهله الخ ... فهو كلام انشائي مكرور هذه مشكلة مطروحة يعاني منها سكان (الكلاكلة) بغض النظر انهم كل او جزء من رعية هذا المعتمد ماذا فعل لحلها هذا المعتمد المعيّن الذي صادف تعيّنه "اهله" واين هي الكفاءة التى تتحدث عنها والصور تقف كشواهد ان كفاءته كلام مبذول دون دلائل يخالف الحقائق المعاشة من اصحاب الوجعة..

لقد اصبت كبد الحقيقة يا حسين
سلم يراعك

الحلول؟
ما هي؟
إذا بدأ هو جديا فكلنا خلفه بإذن الله

والمسئولية هي المسئولية :ووالله لو عثرت بغلة في العراق لسألك الله لم لم تسوي لها الطريق يا عمر

بشير ازيك ياخ

الانا فهمتو من كلامك حول حول القمر
انو رجل جيد وانو تعينو صادف اهلو ..
يلي وين اسهاماتو ان كان الرجل بحجم منطقة جبل اولياء المترامية الاطراف ولها زعانف في كل مكان ..
ان كان الاساس حياة الانسان في ظل جو مريح وصحي ومعافي هو غير متوفر .. يبقي مطالبتنا بان نشد علي ايد الرجل بي ياتو منطق ..
منطقة الكلاكلات ومن زمن ماهو قليل تنجز كل احتياجاتها بالعون الذاتي .. ابتداءا من التعليم وانتهاءا بانشاء مرافق صحية .. وبقي ده ديدن انسان المنطقة حتي انشدهـ
بالاقتصادي الطاحن في لقمة عيشو ..
الجهات الحكومية كسولة جدا تجاه المنطقة برغم مردود العائدات التي ترد الي خزائنها .. طيب ان لم تم توجيه تلك العائدات في خدمة
انسان المنطقة .. وين بتروح ...
وبرضو ح نمشي معاك بي انو راجل نظيف اليد .. ولكن ما آلت اليه المنطقة من تردي متواصل بيضع الف علامة استفهام علي ذات الرجل
ولك الفال
ولنا الله في هذا المصاب

2

Quote: الانا فهمتو من كلامك حول حول القمر انو رجل جيد وانو تعينو صادف اهلو ..

تحياتي أباذر النضيف

دا كلام ورد كجزء من كلامي في المشاركتين أعلاه , ولكن الغرض الأساسي من المشاركة تصحيح معلومة أوردها الزميل
صاحب البوست في بداية البوست أسفل صورة المعتمد و(التصحيح حتى يكون الحديث موضوعيا):

Quote: يبدو أن هذا الرجل هو أفشل من أدار محلية إسمها محلية الكلاكلاتفحولها إلي كوشة كبيرة صارت شوارعها غارقة في أكوام الزبالة والبعوض والذباب قاسم أهلنا اللقمة والغريبة الزول ده ما شغال باي شئ وكأن الأمر لا يعنيه

وأيا من المشاركتين لم أقصد بهما الا التوضيح لمحلية جبل أولياء بأطرافها المترامية والتي من ضمنها الكلاكلات
مما يجعلها من أكبر المحليات امتدادا جغرافيا وكثافة سكانية , وهذا وان كان يصب في خانة صعوبة نجاح الخدمات لرقعة
كبيرة الا أنه لا يعفي الرجل من مهمته ومسئولياته ,

وأضيف لك الآن
هذه المنطقة كان يجب تقسيمها لأكثر من ثلاثة محليات ليسهل تقديم الخدمات المناسبة لها .

وأتفق تماما مع صاحب البوست ودون أن يقدم صور على أن محلية جبل أولياء عموما تمتلئ بالأوساخ والزبالة وتفتقر الى
الكثير من الخدمات الصحية خاصة والاهتمام بصحة البيئة وهي أشياء مشاهده ولا ينكرها أحد.

قبل أربعة أشهر كنت بالسودان وآلمني ما رأيت من مآس , والأمر أكبر من المعتمد ومن المحلية .

والقصور للأسف الشديد أخي أباذر ليس بمحلية جبل أولياء فقط , وانما يشمل كل محليات ولاية الخرطوم .

والتقصير عام وشامل , وتجدني أتفق معك فيما أوردته من تساؤلات .

وأخيرا

ما فهمته أنه مدح للرجل جاء للرد على صاحب البوست الذي وصف المعتمد بأنه

Quote: أفشل من أدار محلية إسمها محلية الكلاكلات

وأيضا

Quote: والغريبة الزول ده ما شغال باي شئ وكأن الأمر لا يعنيه

وهو رأيه الخاص وقد أوردت رأيي أيضا وفقا للمعطيات التي ذكرتها أعلاه

بس الزول دا يارااااااااااااااااااااااجل دا من البشير وانت ماشي .










..........................................................................حجر.

تحيات للجميع
الأخ بشير عبد القادر زميل سابق وبلدياتنا ... وشهادة حق في حقه في ذلك الزمان كان أخو أخوان وطيب جداً ... آخر تواصل لي معه قبل أكثر من خمسة سنوات ....
أستبعد أن يغيره الزمن... الغريب في الأمر كان في ذلك الوقت ( قبل أكثر من 23 سنة تقريبابمدرسة المحيريبا الثانوية ) كثير المزاج والضحك وكان بيمثل أنه شخصية مهمة يعني بيحلم أنه يكون vip ويهظر معنانا على هذا الأساس سبحان الله كأنما كان بيقرأ مستقبله ....

الاخوة الاعزاء المتداخلين وحاملي هم محلية جبل اولياء التي ابتلاها الله والمسوليين بالاهمال والفساد وعدم الضمير والاخلاق ...فنحن هنا لانقييم الافراد بمحاسنهم ولكن بانجازاتهم فكل من مر بهذة المحلية لم يكن همه المواطن ولا الخدمات بها فالمحلية حجمها كبير جدا وتوسعت بدون تخطيط اداري سليم لاستيعاب التوسع الافقي والراسي بها وكان الاولي تقسيمها الي محليتين حتي تعم الخدمات بصورة متوازنة فبرغم ان المحلية اكبر مورد مالي للولاية الا انه بها اسواء طاقم اداري لا هم له الا رضا الوالي عنه وتكديس المال الحرام بخزاينهم والاستيلاء علي الاراضي والمزارع الواقعة علي طول الطريق ...
ماتشهده المحلية الان هو سوء ادارة وفشل للمعتمد ومحليته وعليه الجلوس مع المواطنين ان كان همه المواطن والاستماع لهم او علي المواطنين اقتلاعهم اقتلاعا بالاضراب والتمرد وعدم دفع الجبايات ...
وعلي مواطني الكلاكلات ان يرموا بالاوساخ والنفايات امام المعتمدية بدل رميهاعلي الشارع الرئسي لتوصيل رسالتهم للمعتمد بالفعل لا بالقول ...
لي عودة.....
تحياتي زميلي البشير دفع الله.

Quote: الاخوة الاعزاء المتداخلين وحاملي هم محلية جبل اولياء التي ابتلاها الله والمسوليين بالاهمال والفساد وعدم الضمير والاخلاق ...فنحن هنا لانقييم الافراد بمحاسنهم ولكن بانجازاتهم فكل من مر بهذة المحلية لم يكن همه المواطن ولا الخدمات بها فالمحلية حجمها كبير جدا وتوسعت بدون تخطيط اداري سليم لاستيعاب التوسع الافقي والراسي بها وكان الاولي تقسيمها الي محليتين حتي تعم الخدمات بصورة متوازنة فبرغم ان المحلية اكبر مورد مالي للولاية الا انه بها اسواء طاقم اداري لا هم له الا رضا الوالي عنه وتكديس المال الحرام بخزاينهم والاستيلاء علي الاراضي والمزارع الواقعة علي طول الطريق ... ماتشهده المحلية الان هو سوء ادارة وفشل للمعتمد ومحليته وعليه الجلوس مع المواطنين ان كان همه المواطن والاستماع لهم او علي المواطنين اقتلاعهم اقتلاعا بالاضراب والتمرد وعدم دفع الجبايات ... وعلي مواطني الكلاكلات ان يرموا بالاوساخ والنفايات امام المعتمدية بدل رميهاعلي الشارع الرئسي لتوصيل رسالتهم للمعتمد بالفعل لا بالقول ... لي عودة.....

سيف وضيوفه سلامات اقراء الكلام ده من صفحة يوميات البشير:


وصلتنا الرسالة الآتية: نيابة عن مواطني طيبة الحسناب وخصوصا حلة المزارع واخر الظل
ط نشكر المعتمد بشير القمر ابو كساوى على الردمية التى توصل الظلط ببيته بمناسبة السماية وبنقول ليهو لو جريتا حبة لى عند عمك حاج اللمين كان ينوبك ثواب لانو الخريف تعبو السنة دة...وربنا يرزقك كلو سنة بيت ووليد يااااااارب

Quote: نشكر المعتمد بشير القمر ابو كساوى على الردمية التى توصل الظلط ببيته بمناسبة السماية وبنقول ليهو لو جريتا حبة لى عند عمك حاج اللمين كان ينوبك ثواب لانو الخريف تعبو السنة دة...وربنا يرزقك كلو سنة بيت ووليد يااااااارب

**

سلام يا سيف

شاءت الظروف أن أسافر للسودان خلال شهرين مرتين الأولى في أوائل يوليو12م والثانية في نهاية سبتمبر المنصرم ، كالعادة القاذورات في معظم شوارع الخرطوم منتشرة ، حتى أصحاب المنازل الذين يجمعون النفايات ، يجمعونها في أكياس بلاستيكية قابلة للتمزق من أول رمية وترى ذلك الكيس قد تفتت وقد تجمعت القطط ناشبة تلك النفايات مما يزيد من إنتشار النفايات ويصبح منظر الشارع قبحاً .

وأكبر كارثة وجدتها بشارع محمد نجيب وأنت خارج من جهاز المغتربين جنوباً وعلى الرصيف الفاصل بين الاتجاهين وجدت جيفة كـلـب يبدو أنها مطولة حتى ظهرت أضلاعها وذابت شحومها على الرصيف ، ويبدو أن أحد قد قام بالتبرع ووضع عليها كمية من التراب ، ولكن لم يصمد التراب بعوامل التعرية وأصبح جزء منها مشكوفاً ، وبالرغم من وصولي للرياض قبل 17 يوم إلا أنني على قناعة أنها ما زالت في موقعها- جنوب المغتربين وقبل أن تصل كلية الخرطوم التقنية .

والفاجعة الثانية إكتشفت وجود جيفة أخرى في نفس الاتجاه وقبل أن تصل نهاية الصحافة شرق .

من المسؤول عن هذه الفظائع التي تحدث في شوارع العاصمة .

Quote: من المسؤول عن هذه الفظائع التي تحدث في شوارع العاصمة .

أشاد الاستاذ بشير عبدالقادر القمر أبوكساوي بعمل منظمة حسن الخاتمة وأهدافها الرامية لإكرام الموتى .. و تفردها في هذا المجال مهنئا بإحقاق الحق وإعلان براءة منظمة حسن الخاتمة من تهم الفساد الموجهة اليها والتى سبق وان أثارتها بعض الصحف ..



جاء ذلك لدى زيارته لمقر المنظمة شمال مقابر فاروق يوم الاحد 30/7/2012 م بمناسبة الافطار السنوي الذي اقامتة المنظمة لأعضائها .. وقال ابو كساوي .. اننا نسعد بأن ننال عضوية هذه المنظمة ونكون في زمرة من يخدمون الموتى .. ونكون سندا وعوناً لها بإذن الله .. منبهاً الى ضرورة ان يسعى الجميع للعمل في هذا المجال المهم .. هذا وكان في استقبال المعتمد الاخ امين امانة الاعلام بالمنظمة وأمين امانة التدريب والارشاد .. اللذان قدما له شرحا ضافيا عن عمل المنظمة واهدافها .. وتم تسليمه نسخة من قرارات لجنة تقصي الحقائق التى انعقدت بتوجيه من النائب الأول لرئيس الجمهورية للنظر فيما اثارته الصحف حول وجود فساد مالي بمنظمة حسن الخاتمة .. وفي الختام .. هنأ السيد المعتمد ادارة المنظمة على نزاهتها وصبرها على هذا العمل وهذا الابتلاء واعداً بمزيد من الزيارات والتواصل مع المنظمة .


يته هذا مايقوم به معتمد جبل اولياء المحترم بدلا من خدمة الاحياء الذين يموتون بالاهمال في محليته

**

إهمالك يا سيف..
لما قلته وتجاهلك لي أحرجني ويعرض البوست للغرق والخطر على  حد سواء.
لا تسألني كيف؟! فذلك لا يحتاج لسؤال؟؟؟؟
-موضوع الغازورات هذا حقيقة  بالصور التي طرحت في البوست وغير ذلك ولا يقبل الهزار مطلقاً لما يلحق ضرر  صحي وبيئي بالمواطنين والمدن المحلية والمجاورة .
بالإضافة للأشياء التي ذكرتها من أهمية القيام  بمشروع سفلتة الكلاكلات وتحديد ميزانية لذلك -عشان الناس ما تتدحرج  في المشي- وعشان حاجات تانية -
 والحلول المؤقتة التي قمنا بها لم تجد الإهتمام الكامل والدعم .
هنالك هذه الإضافات بالترتيب:-
1/الدومسترات :
براميل مكعبة بحجم يناسب محتويات القمامة لمربوع  كامل  او أثنين في كل مربوع.
2/توفير أكياس قمامة بحجم البراميل لتفادي الصدأ والقاذورات بأرضية البراميل.
3/الإلتزام بالحضور الإسبوعي أو المحدد بما يناسب الخدمة  تفاديا لمعاضل  أكثر تعقيدا تتسبب في مشكلات قد لا يكون لها حلول في الوضع الراهن.
4/وضع قوانين حاسمة لكل من لا يلتزم بوضع  القمامة  داخل تلك الدومسترات.

يجب  البدء في هذه المشاريع بدون تفاوضات تؤدي الى خسائر.

قد أعود إذا سمح لي الوقت.


شكرًا