Post: #1
Title: العريفي يسخر ول يثني علي السودانيين العريفي شن نفرو !
Author: وليد التلب
Date: 10-10-2012, 06:44 AM
الراجل عنصري وتحدث عن مسلم يختلف معه في اللون بان رائحة الديتول احسن من رائحته !!!
السودانيون بهم من هو اعلم من العريفي
|
Post: #2
Title: Re: العريفي يسخر ول يثني علي السودانيين العريفي شن نفرو !
Author: علي دفع الله
Date: 10-10-2012, 07:18 AM
Parent: #1
دي ذكرتني النكتة بتاعة الصوفي الداير ليه شكلة مع السلفي ،،
قال ليك واحد سلفي فالق الجماعة التبرك بالقبور وزيارة الشيوخ والحلف بيهم شرك اكبر ،، وكل يوم على الموال دا ،،
اها في واحد صوفي مغبون عليه ،، ركب جنبو في الحافلة ،، وعدل سكينو وقعد في الكرسي وقال (يا الشيخ المكاشفي الخلقتني )
السلفي عاين فيه قوي وقال (انت عارفو ما خلقك بس داير شكلة معاي ساي)
كمان يا وليد التلب الجماعة بي هناك قالوا العريفي اجدع ناس ،،
وانت هنا قلت شن نفرو ،،،
وعلى فكرة شن نفرو دي مرة واحد فتح بيها بوست قال فيها عنصرية ،،
يعني الليلة شيل شيلتك
سلفية وجماعة ضد العنصرية ،،
تحياتي وليد ،،،
|
Post: #3
Title: Re: العريفي يسخر ول يثني علي السودانيين العريفي شن نفرو !
Author: وليد التلب
Date: 10-10-2012, 07:46 AM
Parent: #2
علي ود دفع الله
حبابك الف
البوست ما عشان انا شيعي ول بكره العريفي
البوست عشان عنصريتو البغيضة دي وانا سوداني
السواد البيعاير بيهو ده ربنا ختاهو ليهو فوق راسو وجوة عيونو ويخاف عليه
وادانا البياض تحت كرعينا بندوس عليهو في المشي *
ـــــــــــــــــــــــــــــــــــــــــــــــــــــ
* هو قايلنا مابنعرف ول كيف !
|
Post: #4
Title: Re: العريفي يسخر ول يثني علي السودانيين العريفي شن نفرو !
Author: MOHAMMED ELSHEIKH
Date: 10-10-2012, 08:37 AM
Parent: #3
| Quote: وادانا البياض تحت كرعينا بندوس عليهو في المشي * |
ياخي دي عجبتني عجب والله لمان داير اكورك....................
اهاااا
ماتنسى انو ربنا ادانا سواد الشعر وسواد العينين... أجمل مايهيم بهاعشاق الجمال..
وكيفن مابريد الليل وكت ينساب على الكتفين
تشابي ظلالو بتغازل عيون بترجع التايهين
اريتني نا فيهو لو أغرق وأضمك يا صباح العين
قال العريفي ,, قال
|
Post: #5
Title: Re: العريفي يسخر ول يثني علي السودانيين العريفي شن نفرو !
Author: وليد التلب
Date: 10-11-2012, 07:33 AM
Parent: #4
MOHAMMED ELSHEIKH
التطاول علي الاخرين لا يجلب الا التحقير لصحابه
اشكر مرورك
|
|