Post: #1
Title: خمسة ألاف دولار لقدامى المحاربين بسودانيز 00 ممنوع دخول الركشات !!!
Author: ابوحراز
Date: 10-09-2012, 01:13 PM
Quote: سألت فتاة أحد الشيوخ { مفسري الأحلام } وقالت إنها رأت رئيس دولتها في المنام !!!!
وطلبت منه بكل براءة تفسير حلمها
وكنت متابع بشغف لأعرف رد ابونا الشيخ
فتفاجأت بان قال لها : حايرزقك الله بفلوس كثيرة جداً !!!!
فرؤية الرئيس أو الملك أو الأمير أو السلطان دليل على رزق وفير !!!!
ومن يومها قررت أن لا اتحصن !!!!
طمعا في ان أرى في منامي الرئيس البشير
أو صلاح إدريس !!!
أو أضعف الايمان { الوزير القال عليكم بالاستغفار والرجوع للكسرة } !!!
ولكن للأسف مرت شهور وأيام وليالي دون أن أرى أياً من هؤلاء
رغم أنني رايت محمد عبد الماجد الصائم يقول لتمبس ياماسورة
ورأيت { بوردابية } وهي تلبس سروال طويل وعراقي وسديري
وحينما لم أر لا هؤلاء ولا هؤلاء 00 أصابني احباط ويأس شديد
وعشت حالة من الكآآآآآآآآآآآآآآآبة لايعلم بها إلا الله !!!
إلى أن جاء الفرج في يوم من الأيام
ويزورني ذلك الرجل الأصلع بالقميص البرتقالي وكان باسماً
وقد مد لي ظرف به من الخارج قدامى المحاربين وبالداخل وهو الأهم خمسة آلاف دولار
وسالته مباشرة 00 هل أنت الرئيس البشير ؟؟
فقال لي للأسف أنا الريس بكري أبوبكر !!!!!
والله صحيت وأنا مستاء جداً
فحتى في الأحلام حظنا عاثر
ولا أدري لماذا ضل بكري طريقه الينا ؟؟؟
وقد يسأل أحدكم ببراءة مثلما سألت تلكم الفتاة شيخها
سيسأل 00 كيف عرفت أن هذا هو بكري أبوبكر ؟؟؟
وسأجيبه بنكتة البشير الشهيرة حينما قال له أحد المهووسين لقد رأيتك ياسيدي في المنام
فساله البشير ضاحكاً 00 هل رأيت معي عبد الرحيم محمد حسين
فاجاب الرجل 00 لاياسيدي !!!
فقال له البشير ضاحكاً 00 كضباَ كاضب علي بالطلاق دا ما أنا !!!!!!!
وهنا التفت اليه سلفاكير باسماً بخبث { إردم يابشير } !!!!!
وهنا التفت دي من عندي !!!!!
انا عرفت هذا بكري ابوبكر لأنه كان يحمل ورقة سوداء
وعليها كتابة بالأبيض
قرأت جزءاً منها 00
{ ولنبلونكم بشيء من الخوف والجوع ونقص من الأموال والأنفس والثمرات 00 وبشر الصابرين الذين اذا أصابتهم مصيبة قالوا إنا لله وإنا اليه راجعون }
فسروا لنا الحلم
هل هذا عزرائييل
أم بكري أبوبكر
وهل سيحظى قدامى المحاربين بالألف دولار شهرياً ؟؟
قال عراقي وسديري قال !!!!! |
|
Post: #2
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: أيمن الطيب
Date: 10-09-2012, 01:21 PM
Parent: #1
 | Quote: ورأيت {بوردابية} وهي تلبس سروال طويل وعراقي وسديري |
إتخيلت المنظر بس,,,
سلامات يا ابوحراز..
|
Post: #3
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: فايزودالقاضي
Date: 10-09-2012, 01:41 PM
Parent: #2
| Quote: ورأيت { وضاحة } وهي تلبس سروال طويل وعراقي وسديري |
| Quote: ورأيت { بوردابية } وهي تلبس سروال طويل وعراقي وسديري |
تخاف ياكبير ..
|
Post: #5
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-09-2012, 02:09 PM
Parent: #3
انت يافايز ماقاعد تنوم بعد العصر
قال تخاف قال !!!
نحن قلنا أحسن نحرر السوق شوية
ونترك العنان لأصحاب الخيال الخصب في سودانيز
عشان نشغلكم شوية بالتفكير
وتنسوا زواج الخواجات
والخواجيات
وتخلونا في ناسنا السمحيين وهينين ورضيين
بعدين أكيد الماسنجر بتاعنا الناشف وجاف دا حايشتغل
لأن الجماعة حايبدوأ يسألوا دي منو
وشفتها كيف
جيت انت وايمن بوظتوا المسابقة
قال مستقانمي قال !!!
|
Post: #41
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: وضاحة
Date: 10-18-2012, 10:25 PM
Parent: #3
Quote:
Author: فايزودالقاض
Quote: ورأيت { وضاحة } وهي تلبس سروال طويل وعراقي وسديري
Quote: ورأيت { بوردابية } وهي تلبس سروال طويل وعراقي وسديري
تخاف ياكبير .. |
؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
كدى فهمونى الموضوع دا علشان اعرف ارد
وايش يطلع هذا الاسموا أبو حراز لانى ما حصل اني اتداخلت معه من قبل في اي بوست ..
واعتقد انو مافي سبب بخليه يقحم اسمي في كتاباتة ..
واحقوا الناس تحترم نفسها شوى
وانت يا حبشى
دى اخر مرة اشوفك تجيب اسمى ولا تدخل لى فى اى بوست
واحسن تحترم نفسك قبل ما اخليك تحترمها غصبن عنك
رجال ماعندكم أحترام لنفسك
|
Post: #42
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-19-2012, 05:46 AM
Parent: #41
االأستاذة الفاضلة وضاحة
أقدم كامل الاعتذار لك واتاسف جدا ان كانت كلماتي قد خرجت عن حدها المألوف
والله لم اقصد اي شيء
انما فقط كنت صادقا فيما أكتب
مرة أخرى اعتذاري وتقديري
|
Post: #4
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-09-2012, 02:03 PM
Parent: #2
أخي ايمن 00 تحية
أأأأأأأأأأأي والله لابسة سديري وعراقي وشايلة معاها سوط عنج طويل
ورغم هذا ماعليك الا أن تقول بسم الله والصلاة على النبي !!!
|
Post: #6
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: خالد عبد الله محمود
Date: 10-09-2012, 03:20 PM
Parent: #4
Quote: هل هذا عزرائييل
أم بكري أبوبكر |
لا هذا و لا ذاكـ يا أبوحراز
الشايل دولارات ده بكون ربيع عبد العاطي جايب ليكـ إيراد الشهر 
|
Post: #7
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-09-2012, 03:48 PM
Parent: #6
من خشمك وللسماء أخوي خالد
Quote: لا هذا و لا ذاكـ يا أبوحراز
الشايل دولارات ده بكون ربيع عبد العاطي جايب ليكـ إيراد الشهر |
يعني تحلم بربيع
حياتك كلها بكرة تبقى ربيع
وقال بكرة أحلى قال !!!!
|
Post: #8
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: مهيرة
Date: 10-09-2012, 04:20 PM
Parent: #7
سلام ابو حراز
الله يبشرك بالخير اخوى
أما بالنسبة للحلم:
Quote: ورأيت { بوردابية } وهي تلبس سروال طويل وعراقي وسديري
|
وارد جدا
زمان زمن الزمان زين والشعر مغتى الاضنين
كان فى نهاية السنة الدراسية فى المدرسة الحكومية ( الأميرية) بنعمل معارض وليلة مسرحية ختامية
طبعا البنات بمثلوا أدوار الرجال والأولاد فى الاسكتشات والمسرحيات ، وعادى بلبسوا السروال والعراقى والجلابية
والبنطلون والقميص والبدلة كان سفارى كان فل سوت،، المافى شنو على قول قيقراوى!!
تحياتى
|
Post: #9
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: أيمن الطيب
Date: 10-09-2012, 04:37 PM
Parent: #8
عميق إعتذارى للأعزاء أبوحراز وود القاضى ,,
فالواضح أن مزاحى قد أفضى لإساءة وتجريح..
يا فايز وأبوحراز أرجوكما العفو عما أصابكما
بسببى,,
|
Post: #10
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابو عثمان
Date: 10-09-2012, 04:47 PM
Parent: #9
جينا جارين عشان نحفظ حقنا
تحياتي ابوحراز
|
Post: #15
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-09-2012, 06:58 PM
Parent: #10
تحياتي أبوعثمان
| Quote: جينا جارين عشان نحفظ حقنا |
أنا أكبر منك بـ 6 شهور
يعني دولاراتي حاتكون أكثر منك
مرحب بيك
ياخي يمكن يتحول الحلم الى حقيقة 00 من يدري ؟؟؟
|
Post: #11
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: خالد عبد الله محمود
Date: 10-09-2012, 04:58 PM
Parent: #9
| Quote: كدى ننتظر وضاحة ونشوف رايا شنو فى القصة الغريبة دى!!!! |
بس ياها قصيدة ربيع طه بتاعة الحبشي زااااتها البقول فيها :
الحبشي ساكن جبرة
كهرباء يقطع في العشرة يقولو الحبشي قطع الكهرباء
أصلو الحبشي بقي مطرة !!
بس بيني و بينكـ لزقها للحبشي ده عشان لو في رشة تجي فيهو
أصلاً ربع ما يترش فيهو الحبشي ده مفروض بكري ما يحسبو زاتو
|
Post: #12
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: Muna Khugali
Date: 10-09-2012, 05:39 PM
Parent: #11
كيف حالك يا ابو حراز..
بمناسبة الاحلام وبكري ابوبكر فيها..قبل تلاتة أيام حلمت بإني قاعدة لافة وسط ناس كتار في مكانات شكلها غريب..غرف حلوة وغرف مكسرة..المهم الفهم في المنام كان متل أكن المناسبة مؤتمر مع السودانيين ماها عرس شي..يازول فجأة كده قالو الغدا مواعيده
جات..والغدا شنو إنت قايلو؟؟
ملاح شمار شكله سجمان لأنه خضاره كده زي المضبلن وفيه لحمة كبيره شديد وشكلها ماياهو..بس أنا كنت جعانة شديد ..مديت يدي اشيل الصحن..بلا فجأة لقيت واحدة مادة يدها عايزة تجر الصحن قبل يصلني وقالت لي بلهجة خوفتني أديني ليهو.. وإنتي ذاتك ما بتاكلي الجداد..قت ليها لكن ده مطبوخ باللحمة مابالجداد..أنقر إشتغلت بي؟؟!
شالت صحني وانا مشيت منهامسافة زعلانة.. بس القي ليك بكري ابو بكر لابس قميص بصلي نص كم وقاعد في كرسي عالي ومغمض عيونه..
مالك يازول؟؟
الزول الجنبو قال لي بكري في غيبوبة!
اعوذ بالله قمت من النوم مهجومة لقيت الفجر لسة ماجه!!!
يكون الحلم ده شنو يا ابوحراز؟؟
وبكري مالو؟؟
واللحمة الكبيرة الفي الملاح دي شنو ؟؟
والكانت بتجر الأكل مني دي شنو كمان؟؟؟
خلينا يالله نعمل لينا كلاستر بتاع احلام..
(علي فكرة الحلم دي حقيقي ما تأليف)
بس ..سلام للزوار
|
Post: #13
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: عزيز
Date: 10-09-2012, 06:11 PM
Parent: #12
ابو حراز
فاكهتنا الزمان
ومعشمنا الأوان
شفت عنوان بوستك قلت فرجت!!
البركة في شوفتك
والله زمان
محبتي والأمنيات.
|
Post: #26
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-10-2012, 10:51 AM
Parent: #13
أخي العزيز عزيز
Quote: ابو حراز
فاكهتنا الزمان
ومعشمنا الأوان
شفت عنوان بوستك قلت فرجت!!
البركة في شوفتك
والله زمان
محبتي والأمنيات |
الفاكهة مدة صلاحيتها إنتهت
واصبحت معطوبة
عليك أمان الله جونا ناس في سودانيز لو الواحد { كلكلتو } مايضحك
بعدين كل الركشات
والأمجاد
والأتوسات
ولابيعرفوك بتكتب في شنو
لكن ماشاء الله على المحاربين القدامى
يمنحنونا ترياق الأمل كل صباح ومساء
شكرا لهذا الترحاب الجميل
الكز لينا بكري عشان يشوف لينا حاجة من الأرباح
عندنا ارض في السودان كل سنة نمشي نعاين فيها ونرجع
والله لاعرفناها ارض
ولاعرفناها نانسي عجرم
والمشكلة جماعة { الله أكبر الجديدة } شغال بنيان ورانا وقدامنا
وماعايزين اي { صرصور } يسكن معاهم
قلت ليهم { كيتاً } عليكم والله لن ابيعها ولن ارحل منها
|
Post: #21
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-10-2012, 06:30 AM
Parent: #12
Quote: بمناسبة الاحلام وبكري ابوبكر فيها..قبل تلاتة أيام حلمت بإني قاعدة لافة وسط ناس كتار في مكانات شكلها غريب..غرف حلوة وغرف مكسرة..المهم الفهم في المنام كان متل أكن المناسبة مؤتمر مع السودانيين ماها عرس شي..يازول فجأة كده قالو الغدا مواعيده
جات..والغدا شنو إنت قايلو؟؟
ملاح شمار شكله سجمان لأنه خضاره كده زي المضبلن وفيه لحمة كبيره شديد وشكلها ماياهو..بس أنا كنت جعانة شديد ..مديت يدي اشيل الصحن..بلا فجأة لقيت واحدة مادة يدها عايزة تجر الصحن قبل يصلني وقالت لي بلهجة خوفتني أديني ليهو.. وإنتي ذاتك ما بتاكلي الجداد..قت ليها لكن ده مطبوخ باللحمة مابالجداد..أنقر إشتغلت بي؟؟!
شالت صحني وانا مشيت منهامسافة زعلانة.. بس القي ليك بكري ابو بكر لابس قميص بصلي نص كم وقاعد في كرسي عالي ومغمض عيونه..
مالك يازول؟؟
الزول الجنبو قال لي بكري في غيبوبة!
اعوذ بالله قمت من النوم مهجومة لقيت الفجر لسة ماجه!!!
يكون الحلم ده شنو يا ابوحراز؟؟
وبكري مالو؟؟
واللحمة الكبيرة الفي الملاح دي شنو ؟؟
والكانت بتجر الأكل مني دي شنو كمان؟؟؟
خلينا يالله نعمل لينا كلاستر بتاع احلام..
(علي فكرة الحلم دي حقيقي ما تأليف)
بس ..سلام للزوار |
تحياتي منى خوجلي
وشكراً للمداخلة الرائعة والكاملة الدسم والممتعة
نكتة ابوداؤؤد القديمة بتاعت البنت القالت ليهو شافت انها راكبة حصان أبيض وضنبو أخضر
الزولة المسكينة مفتكراهو عريس الموسم
قام قال ليها إ إنتي كنتي راكبة ليك { فجلة } !!!!
الأحلام المصحوبة بالكوارع واللحم غالباً ماتكون مزعجة
واحياناً تكون { أضغاث احلام }
شخصياً في السعودية منذ أن إغتربت وحتى الآن فلا أحلم إلا وأنا طائر في الهواء
واللحظات التي التقيت فيها بكري هبطت لأجل قسط من الراحة
يعني صراحة بمجرد أن أنام 00 فإنني أغادر سريري
ولايرجعني له الا المنبه
المهم ست النفر كلما تسمع هذا الطيران
تقول { سجمي } يعني تخليني براي
فقلت لها 00 والله حينما أطير تاني لو ختفك كـــــــــلـــــــــــب انا مابجيب ليهو خبر !!!
والمدهش أنه حتى اللحظة لم تقابلني نساء طائرات في الهواء !!!!
|
Post: #14
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-09-2012, 06:30 PM
Parent: #8
تحياتي دكتورة مهيرة
Quote: وارد جدا
زمان زمن الزمان زين والشعر مغتى الاضنين
كان فى نهاية السنة الدراسية فى المدرسة الحكومية ( الأميرية) بنعمل معارض وليلة مسرحية ختامية
طبعا البنات بمثلوا أدوار الرجال والأولاد فى الاسكتشات والمسرحيات ، وعادى بلبسوا السروال والعراقى والجلابية
والبنطلون والقميص والبدلة كان سفارى كان فل سوت،، المافى شنو على قول قيقراوى!!
|
والله كمان واحدات في التمثيل بيكون فيهن { الشنب } ظريف جداً
وكمان ظريفة لخبطة النسوان والرجال
نسيبي رجل رائع وبتاع نكتة
كان في مناسبة في حوش كبير والمهم هو بينام بدري
قال لي مرتو ودي لي سرير في نهاية الحوش
المهم كان في برد والجماعة ماعندهم بطاطين
قامت زوجته قالت ليهو اتغطى بالتوب دا تخين وكبير
عمك طوالي اتغطى وراح في نوم عميق
النسوان يغسلن في العدة لحدت الساعة 2 صباحا
اها بعديها اي واحدة شافت ليها عنقريب ورقدت
في واحدة من ناس الاسكيرت والبلوزة
جماعة فير آند لفلي
فتشت مالقت اي سرير
اها قالت ليهم انا بدبل مع خالتي دي
خدعها التوب وافتكرت النائم في السرير خالتها
طوالي زولتك رقدت في الضلام
بعد شوية شعرت إنو الأمور غير طبيعية
ولعت الموبايل وتشوف ليك شعر راس ابيااااااااااااااااااااااااااااااااض
اها قعدت تكورك سجمي سجمي
والجماعة انفقعوا بالضحك
|
Post: #16
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: abas
Date: 10-09-2012, 07:07 PM
Parent: #14
الحبيب قريبن ابو حراز
ليك وحشه يا زول يا جميل
اسي انا قلت ارسل رقم الحساب تطلع حلمه ساي
غايتو الله يصبرنا
|
Post: #17
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ABUHUSSEIN
Date: 10-09-2012, 08:59 PM
Parent: #16
| Quote: خمسة ألاف دولار لقدامى المحاربين بسودانيز |
إنت كان عندك 5,000 دولار كان دا حالك
و بعدين ســـــــلام
|
Post: #18
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: rummana
Date: 10-09-2012, 09:43 PM
Parent: #17
Quote: أأأأأأأأأأأي والله لابسة سديري وعراقي وشايلة معاها سوط عنج طويل
ورغم هذا ماعليك الا أن تقول بسم الله والصلاة على النبي !!! |
أبوحراز ازيك..
شايفاك حوطت روحك باسم الله تحبسا لاي ضربات من سوط العنج ..:)
بكري بعد السكن المجاني في الحوش ده لمدة اتناشر سنة تاني ما عايزين منو حاجة ..!
| Quote: الزول الجنبو قال لي بكري في غيبوبة! |
 منى .. ما بتكون غيبوبة .. بكون بس دايخ من كتر الزحمة العاملينها ليه الناس هنا..
|
Post: #19
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: سلمى الشيخ سلامة
Date: 10-09-2012, 10:05 PM
Parent: #18
سجل عندك "لورى تراب عديل " كان مفروض يعملوه باص سفرى ومكنته "خفت "
عشان كدا بقى لورى تراب
جبت العواجيز كلهم وبقيت تتلفت للركشات ؟
ركشات مافى ليك يا ابوحراز
|
Post: #20
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: زهير عثمان حمد
Date: 10-09-2012, 10:37 PM
Parent: #19
الاخ أبو حراز
أزيك وتحياتي تمام أنت
لك كل الود
|
Post: #22
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: محمد عبد الماجد الصايم
Date: 10-10-2012, 06:43 AM
Parent: #20
| Quote: رغم أنني رايت محمد عبد الماجد الصائم يقول لتمبس ياماسورة |
حقيقة
حقيقة
حقيقة
_
|
Post: #36
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-14-2012, 10:11 PM
Parent: #22
تحية 00 محمد عبد الماجد الصائم
توارد أحلام عجيب
كنت اعتقدها اضغاث احلام
وفي النهاية طلعت حقيقة
معقول الزول طلع ماسووووووووورة
|
Post: #23
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: singawi
Date: 10-10-2012, 07:11 AM
Parent: #20
حبيبنا أبو حراز
خشمك فوقو اللبن .. وشنبك غاطس في العسل يا يابا
خمممممسة ألف دولار لكل بوردابي هرم .. زييينة ساي
أسمع .. رسل لي حقاتي وحقات خالي بناديها .. عندي وكالة منو
وبعدين يا حبيب وكت ريشت وأمورك زبطت بالخمسة دي
رسل لي قروشي السلفتك ليها في عشوة ذات الزيتون بجدة
أصلي بدور أصافح لي ركشة وكت مرقنا من القديم ملوص
والتحية لي أب إيداً عطية
|
Post: #24
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: منصوري
Date: 10-10-2012, 07:32 AM
Parent: #23
أنا برضو جيت جاري بي جاي.. لأني من قدامى المحاربين.. وفرحت شديد ، لكن لقيت الموضوع فشنك.. وحتى حاولت أمنطق الحكاية وقلتا طيب يا ربي بكري جاب القروش دي من وين؟
أكيد الدعاية المصاحبة للمنتدى، شركات كبيرة دفعت، ما أصلو الشركات قاعدة تدفع لإعلاناتها في القنوات الفضائية.. وحتى قلتا والله يا دوب بكري أبوبكر أثبت عفتو ونزاهتو.. وكان كدة بكري ده نرشحو رئيس للسودان لما تكون في انتخابات.ز لأنو إنت قاعد في ضلك وضراك حقك يجيك.ز يا نعم الإشتراكية..
لكن ذهبت أحلامي أدراج الرياح كما ذهبت أحلام صاحب البوست من ذي قبل..
خسارة وياخسارة
عصفوري من إيدي طارا
|
Post: #25
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: حمزاوي
Date: 10-10-2012, 07:41 AM
Parent: #24
كل القدماء في البورد جوا جارين ( دفعة 2002 )
أنا اسمي مكتوب
|
Post: #27
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: المسافر
Date: 10-10-2012, 11:32 AM
Parent: #25
انتو يا نوامين ما لقيتو حد غير بكري تغطسو حجرو
|
Post: #28
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: saif massad ali
Date: 10-10-2012, 11:44 AM
Parent: #27
ابوحراز
فرحت لي جنس فرحة
قلت خلاس اسوق المره وعليك يا لاهاي اسبوعين هناك
|
Post: #48
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-26-2012, 07:27 PM
Parent: #28
أخي سيف 00 سلام كل عام وانت بخير
وكل بورداب وبوردابيات سودانيز أون لاين في جميع أنحاء العالم 00 عيد سعيد
وعقبال العيد القادم وأنتم جميعاً برفاهية وسعادة تامة
Quote: فرحت لي جنس فرحة
قلت خلاس اسوق المره وعليك يا لاهاي اسبوعين هناك |
والله ماشاء الله عليك يعني كنت عاوز تمشي رحلة مع المدام وتقضي على اليابس والأخدر
والله ياريت بكري يحقق ليك هذه الأمنية
حتى ولو بطريقة استثنائية
عشان شفافيتك واهتمامك العاطفي الجميل
|
Post: #47
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-22-2012, 12:00 PM
Parent: #27
المسافر 00 مشتاقين كتير جدا
| Quote: انتو يا نوامين ما لقيتو حد غير بكري تغطسو حجرو |
يازول تلقاك اغترابك كلو في الامارات ماوفرا ليك خمسة آلاف دولار
دي حيطة وقعت
ودا عاوز يعرس
وواحد عاوز حق السماية
اها لمن تجيك دقشة واحدة زي دي مش حاتحقق ليك الكثير من الأحلام التي ماتت
ياخي كلما نوفر لينا شوية قريشات تلم فيك مصيبة بالسودان تجيب خبرك
|
Post: #46
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-21-2012, 06:30 PM
Parent: #25
حمزاوي ياقديم 2003 تحية
تاريك يا ابن اللذين لوري تراب زينا
Quote: كل القدماء في البورد جوا جارين ( دفعة 2002 )
أنا اسمي مكتوب
|
اسمك مكتوب في القلب
كيف يامان
|
Post: #43
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-20-2012, 11:46 AM
Parent: #24
أخي منصوري
Quote: أنا برضو جيت جاري بي جاي.. لأني من قدامى المحاربين.. وفرحت شديد ، لكن لقيت الموضوع فشنك.. وحتى حاولت أمنطق الحكاية وقلتا طيب يا ربي بكري جاب القروش دي من وين؟
أكيد الدعاية المصاحبة للمنتدى، شركات كبيرة دفعت، ما أصلو الشركات قاعدة تدفع لإعلاناتها في القنوات الفضائية.. وحتى قلتا والله يا دوب بكري أبوبكر أثبت عفتو ونزاهتو.. وكان كدة بكري ده نرشحو رئيس للسودان لما تكون في انتخابات.ز لأنو إنت قاعد في ضلك وضراك حقك يجيك.ز يا نعم الإشتراكية..
لكن ذهبت أحلامي أدراج الرياح كما ذهبت أحلام صاحب البوست من ذي قبل..
خسارة وياخسارة
عصفوري من إيدي طارا |
قال { طارا } قال !!!
عصافير كثيرة طارت أخي المنصوري
ويبدو ان صاحبك بكري غلب الدكتور بشرى الفاضل 8 صفر
صاحب التحفة الفنية الشهيرة { البنت التي طارت عصافيرها } !!!
ربما يتحول الحلم الى حقيقة من يدري
وربما الشلاقة ستؤدي بابوحراز الى الخور
وذلك على طريقة أخونا السوداني العامل فيها { بجضم } القرآن
وهو قد اتى عمرة
وكان كثيراً مايقوم بتصليح الامام الخليجي
خاصة حينما يتوغل الأخير في قراءة سور من شاكلة البقرة وآل عمران
وكان يعطي الامام لكزة بعد كل آية والثانية
الامام زهج من الراجل واتلفت عليه وقال ليهو
هووووووووووووووي يازول غنت جاي هنا تترزق
وللا جايي تصلح فينا ؟؟؟
اها على قول الامام
نحن هسي جايين نكتب ونشخبط
وللا جايين نسأل من شهر ماعندنا لافيهو نفقة !!!
|
Post: #37
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-18-2012, 08:42 PM
Parent: #23
حبيبنا سنجاوي 00 كيف احوالك وبورداب جدة
Quote:
خشمك فوقو اللبن .. وشنبك غاطس في العسل يا يابا
خمممممسة ألف دولار لكل بوردابي هرم .. زييينة ساي
أسمع .. رسل لي حقاتي وحقات خالي بناديها .. عندي وكالة منو
وبعدين يا حبيب وكت ريشت وأمورك زبطت بالخمسة دي
رسل لي قروشي السلفتك ليها في عشوة ذات الزيتون بجدة
أصلي بدور أصافح لي ركشة وكت مرقنا من القديم ملوص
والتحية لي أب إيداً عطية |
غبت كم يوم واتيت ابحث عن البوست والخمسة آلاف دولار
ووجدته غاطساً بجوار فوائد الدخان وزواج الخواجة !!!!
قلت يازول هوووووووووووووي شيل { عدتك } واتخارج
قلت لي عاوز ركشة
يازول اعمل حسابك شوف ليك لوري تراب
الزمن دا المكنات غير اصلية
اغلبها صيني وكوري
مشوار مشوارين ونلقى دخاخينها في السماء
قال زيتون قال !!!!
|
Post: #35
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-12-2012, 09:22 PM
Parent: #20
مرحب يازهير
هل لك علاقة ببكري عثمان حمد ؟؟ صاحب ومؤسس الحصاحيصا دوت كم
Quote: لاخ أبو حراز
أزيك وتحياتي تمام أنت
لك كل الود |
ولك أطنان من الود
انا بخير
كيف أخبارك مع المحاولات الشعرية ؟؟
وأمورك الاجتماعية والعاطفية إن شاء الله ظابطة
يا أخي ما تستعجل على العرس
كدي انتظر نشوف حكاية الخواجة والأثيوبية والفلبينية والهندية بتنتهي على شنو
وبعداك الواحد يقرر
ياخي والله عندي صاحبي مشى عشان يعرس
في الآخر غش الجماعة وخلاهم يدقوا في الريحة
قام مشى الخرطوم وقروش العرس اشترى بيها قطعة ارض ورجع السعودية
هسي القطعة بتجيب ليها 400 مليون
بالله صقع وللا ماصقع على قول العربي
|
Post: #34
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-12-2012, 12:16 PM
Parent: #19
تحية بحجم العالم أختي سلمى
قال لوري تراب قال !!!!
والله تلقاك {BMW} وماجايبة خبر لنفسك !!!!
غايتو ياسلمى من أكثر الأشياء التي تعجبني فيك أنك متصالحة مع نفسك لدرجة التطرف
فالذين يحبون جلد الذات هم أكثر الأشخاص ثقة في أنفسهم
السودانيون يعملون اشياء في هذه اللواري لايفعلها حتى ابليس
البص يتقلب لوري
واللوري فجأة تلقاهو بص
والله مرة واحد مركب مكنة تركتور في لوري !!!
والمشكلة الباص يأتي من اليابان او الصين باربعين مقعد
فجأة بقدرة قادر تلقاهو اتحول لخمسة وسبعين مقعد
ياحليل جيل الباصات المكتوب فيها { العفش داخل البص على مسئولية صاحبه } !!!
هسي عليك أمان الله يقعدوك في مقعد في ودربيعة
وعفشك في كاب الجداد !!!
الزول بتاع ابوحراز لو كان استاذ بالكلية اكيد بعرفو
انا من ودربيعة وليس من ابوحراز
لكنني قرأ ت في هذه الكلية الجميلة والرائعة والمدهشة
وبرضو كانت كلها رجال
ااااااااااااااي الكلية كلها كانت مذكر
ومابتقدر تدخل اي قاعة الا تكون متوضيء ومتعوذ من الشيطان الرجيم
اها مسئولة من الخير أختي سلمى من حكابية لواري التراب دي
خكايتها شنو مع زولتنا ست النفر !!!!
لمن يجوها في البيت ناس لواري التراب تجيك جارية زي الصاروخ وتقول ليك تعال يا ابوحراز سلم على خالاتك ديل !!!!
لمن يجوها بنات كلية التربية الحصاحيصا
ناس الاسكيرت والبلوزة وفير آند لفلي نهائي ماتناديك
عليك امان الله الا تسمع صوت الشباشب وطق اللبان
قال خالاتك قال !!!!
|
Post: #31
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-11-2012, 08:56 PM
Parent: #18
رمانة إزيك 00
Quote: شايفاك حوطت روحك باسم الله تحبسا لاي ضربات من سوط العنج ..:)
بكري بعد السكن المجاني في الحوش ده لمدة اتناشر سنة تاني ما عايزين منو حاجة ..!
|
مالك افزرتي يارمانة 00 خلي الحلم يتحول الى حقيقة
بكري على الهبشة لو عرف كلامك عا يعمل نائم
والله انا اليومين ديل محتار مع حكاية القروش دي
أمس قابلت طبيب أسنان آسيوي
عندي { سن } مفارقة أختها
ومزهجاني 00 لأنها تتعبني عند استخدام الفرشاة
وكنت عاوزهن يتلمن على بعض
سن تكون بجوار سن ونخلص
الراجل مما قلت ليهو تشوف لينا طريقة تجمع السن دي على أختها 00 شوفي رده كان شنو
لالالا 00 كلي { يعني } خلي !!!
قلت ليهو اخليها ليه ؟؟
فقال في مسافة بين سن وسن بعدين في قروش كتييييييييييييييييييييير !!!!
اها خليناها
وقلنا ننتظر ونشوف !!!
|
Post: #30
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-10-2012, 10:25 PM
Parent: #17
حبابك أبوحسين
| Quote: إنت كان عندك 5,000 دولار كان دا حالك |
تعرف كلما نقرب نتمهن خمسة آلاف دولار تجيك طامة
ياحيطة وقعت
ياواحد عاوز يعرس
جربنا مرة مع ست النفر انها تستلم الماهية
والواحد بس ينفزر وياكل
فعلاً وفرنا
لكن نقصنا خمسة كيلو
|
Post: #57
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: 7abib_alkul
Date: 10-31-2012, 02:42 PM
Parent: #30
| Quote: والله لابسة سديري وعراقي وشايلة معاها سوط عنج طوي |
ابحراز انت عارف من عرسته انا حاسي انه مكنتك خفت شديد لانه حتي لابسة عراقي وسديري دي ما داير اجتهاد دي ا اختنا الجندرية ما شايفها جاءات راجعة مع عودة الحلم القديم دا هههههههههههه
مع احترامي للجميع
|
Post: #65
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-04-2012, 07:00 PM
Parent: #57
حبيب الكل 00 سلامات
Quote: ابحراز انت عارف من عرسته انا حاسي انه مكنتك خفت شديد لانه حتي لابسة عراقي وسديري دي ما داير اجتهاد دي ا اختنا الجندرية ما شايفها جاءات راجعة مع عودة الحلم القديم دا هههههههههههه
مع احترامي للجميع |
هسي عليك الله المكنتو خفت منو
انت كتبت المداخلة
وجيت تاني كتبتها
على قول الفنان محمد الأمين جاهو مجذوب أونسة قال ليهو يا ود الأمين بكرة معزوم معانا سماية
قال ليهو ماشاء الله مبروك جابو ليك شنو
رد أونسة 00 جابو لي { ولد }
أونسة قابل محمد الأمين بعد نص ساعة
وقال ليهو بكرة معزوم معانا ياود الأمين سماية
قام قال ليهو في شنو
مجذوب أونسة قال ليهو جابو لينا ولد
رد عليه محمد المين { تاااااااااااااااااااااااااااااااااااني جابو ليك ولد } !!!
انت عارف بعد الزواج اشياء كثيرة بتفك منك
والمشكلة لو كنت مغترب
والله الجماعة يفكو ليك الشارع !!!
الجندرية إمراة عظيمة
وقلم طاعم
ياليتها تسمعك وتاتي لتكتب هنا
قال مكنتك خفت قال !!!
|
Post: #67
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: الجندرية
Date: 11-12-2012, 02:55 PM
Parent: #65
انت يا يابا يعظمك رب البيت
لكن يا ابوي ان قايلة الجية هينة.. كان نفضت يديك من كل شئ وقعدت تقول تكتب ليك كلمة كلمتين هنا
تكابس لمن روحك تمرق حتى تقدر تخش .. ياربي هي كلمة السجم دي كانت شنو؟ وتحاول وتحاول وتحاول حتى تجي معاك
في الاثناء دا خلاص الكلمتين يكون طارن والمزاج اتلخبط
صحي كان الموت خلاك الكبر ما بخليك :)
|
Post: #68
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-16-2012, 06:52 AM
Parent: #67
الأخت أماني الجندرية تحية ليك وللأسرة
Quote: انت يا يابا يعظمك رب البيت
لكن يا ابوي ان قايلة الجية هينة.. كان نفضت يديك من كل شئ وقعدت تقول تكتب ليك كلمة كلمتين هنا
تكابس لمن روحك تمرق حتى تقدر تخش .. ياربي هي كلمة السجم دي كانت شنو؟ وتحاول وتحاول وتحاول حتى تجي معاك
في الاثناء دا خلاص الكلمتين يكون طارن والمزاج اتلخبط
صحي كان الموت خلاك الكبر ما بخليك :) |
والله كم انا سعيد بطلتك عبر بوستاتي بعد غياب طويل
اها كل البوردابيات الرائعات كن حضورا بهذا البوست
معاك أختك سوما ورمانة والزولة 123 بعد غياب وسلمى الشيخ سلامة
الكثير من المغتربين لاحظت انهم يخرفون بسرعة
وهم كثيرو النسيان
غايتو الله يستر علينا
انا شاعر بأنو الخرف بتاعي حايكون كعب جداً
في الحصاحيصا { 3 } مغتربين يقومون بتلقيط الورق والأكياس والحبال من الشوارع
غايتو مريحيين ناس المحلية من تنظيف الشارع
ولمن سالت عن السبب قالوا الجماعة اكلوا قروشهم
اها من يوم شفتهم بقيت اي قرش عندي اختو تحت المخدة
قال استثمار قال !!!
|
Post: #59
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: 7abib_alkul
Date: 11-01-2012, 09:45 PM
Parent: #30
حزف للتكرار
كل الاحترام للجميع
|
Post: #29
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-10-2012, 01:21 PM
Parent: #16
أخوي عباس
Quote: الحبيب قريبن ابو حراز
ليك وحشه يا زول يا جميل
اسي انا قلت ارسل رقم الحساب تطلع حلمه ساي
غايتو الله يصبرنا |
يعني على الهبشة
طوالي عاوز تجيب كيسك وتعبيء الدولارات
كيسك في السعودية معناها جيبك
كيسي = جيبي
زميلنا سعودي محروق من المؤذن المصري عشان بياخذ 1500 ريال مقابل الآذان
اها اصر الا يسعود الوظيفة دي
لكن مشكلته ماحافظ الآذان
اها اول شيء طلب مننا نحفظوا الآذان
وزولك ماشاء الله بعد يومين بدأ يطبق لينا عملي جوة المكاتب
مرات يؤذن لينا تسعة صباحا
ومرات الساعة 11
وعيييييييييييييييييييك 00 بعد نجض الآذان طوالي مشى الجامع وبدأ يؤذن
والتعيين لابد يكون عند الشيخ في الأوقاف
زولك كل يوم يلقى الشيخ مشغول ويطلب منه الحضور في اليوم التالي
اها 18 يوم ومافي اي تعيين رسمي
اها يوم جانا راجع وصلى معانا الظهر
استغربنا ياراجل مالك الليلة ما مشيت الآذان في الجامع ؟؟
قال 00 انا 18 يوم أأذن ليهم من كيسي 00 ليه
|
Post: #32
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: sari_alail
Date: 10-11-2012, 09:32 PM
Parent: #29
UP
|
Post: #33
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: حبيب نورة
Date: 10-12-2012, 00:37 AM
Parent: #32
|
Post: #38
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: كمال سالم
Date: 10-18-2012, 09:21 PM
Parent: #33
معقوله يا أب حراز ؟؟!!!
يأخ إنت زول عسل عديل كده !
حرم إنت فت جعفر عباس والفاتح جبرا بهناك !
والله أنا نص عمرى ضاع لأنى ما قريت ليك من زمان !
لكن أظن الغلط ما منى ,,, منك ,, لأنك حارمنا من المتعه دى
وطلتك هنا ما كتيره .
من الليله يأخ إنت كاتبى المفضل .
وحقيقة الدهن فى العتاقى .
قال خمسه ألف قال ,,
يأخ إنت تستحق مليون ,,
( يورو ) .
|
Post: #39
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: اسماء الجنيد
Date: 10-18-2012, 09:39 PM
Parent: #38
حرووزة على قول الحنكوشة الكانت بتدلعك زمان لووووووولز
كان نفسي تسمعها ست النفر وتنفرد بيها في جيهات حواشاتنا القصبها محروق ديك
عشان تكيل من رمادها وتكتحها ,, والله صحي
ابو حراز يا العتبة قزاز الشوق ليك غيم ورذاذ
قلت لي خمسة ألف عدييييل والدنيا قبائل عيد ؟؟
اها ارسل ليك الحساب في المسنجر؟
اتيمنت ما تقول شيء .. انا مالي ومال الأحلام
تتندل بطنك رز وتقوم تهضرب بالليل وتجي تفكها فينا احلام ؟؟
يا زول نحن لينا بالظاهر ,, ما تنسا بلد الخواجات دي حاجاتها غالية ,, دحن إت الجبتني حوش بكري ده
وإت البتديني خلو رجل وامرق الضحاكات وما تبقى فسل
قال اضغاث احلام قال ,,,
قوم لف
وجيب القروش وتعال
|
Post: #55
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-30-2012, 11:12 AM
Parent: #39
الشاعرة المتألقة سوما 00 تحية لك ولأسرتك الكريمة
اها انتو ناس دولارات أم دراخما ؟؟؟
Quote: حرووزة على قول الحنكوشة الكانت بتدلعك زمان لووووووولز
كان نفسي تسمعها ست النفر وتنفرد بيها في جيهات حواشاتنا القصبها محروق ديك
عشان تكيل من رمادها وتكتحها ,, والله صحي |
قال تكتحها قال !!!
والله دا كان زمان ايام الزواج وبعده شوية
ايام يقولوا ليك تعال سلم على خالاتك ديل
مشلخين تسلم عليهم
لكن ناس الاسكيرت والبلوزة وفير آند لفلي ديل مابتعرف عنهم اي حاجة
زول واحد بناديك تسلم مافي
لكن عليك امان الله هسي بقت تخليك قاعد معاهم وتطلع
كل مرة تقول ليك خلاص انت جاك وهايمر
لأنو بصراحة وجودنا فترة طويلة في الغربة خلانا كل ما الواحد يشوف ليهو { مرة } في السودان يقوم جاري صوووووووووووف !!!
Quote: بو حراز يا العتبة قزاز الشوق ليك غيم ورذاذ
قلت لي خمسة ألف عدييييل والدنيا قبائل عيد ؟؟
اها ارسل ليك الحساب في المسنجر؟
اتيمنت ما تقول شيء .. انا مالي ومال الأحلام
تتندل بطنك رز وتقوم تهضرب بالليل وتجي تفكها فينا احلام ؟؟
يا زول نحن لينا بالظاهر ,, ما تنسا بلد الخواجات دي حاجاتها غالية ,, دحن إت الجبتني حوش بكري ده
وإت البتديني خلو رجل وامرق الضحاكات وما تبقى فسل
قال اضغاث احلام قال ,,,
قوم لف |
والله فعلاً اول ماتملأ كرشك دي رز تحلم ليك باحلام عجيبة جدا
والمشكلة يا سوما في السعودية احلامي كلها وانا طاير
والله في السودان نهائي ماقاعد احلم زي الأحلام دي
حتى ان احلامي كلها ارضية
هنا عليك امان الله اول شخرة وتلقى نفسك طاير في السماء
والغريب سالتني ست النفر هل انني اقابل نساء طائرات أم لا ؟؟
وكالعادة فرحت بعد ان عرفت حتى احلامي { مذكرة }
|
Post: #40
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: جدو
Date: 10-18-2012, 09:44 PM
Parent: #38
إبداع والله يا أبو حراز
بالله شوف ناس الفين واتنين والفين وتلاتة جو طايرين على البوست دا كيف؟؟
كان اتجيهنا بالخمسة ألف دي...
|
Post: #44
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: zola123
Date: 10-21-2012, 05:37 AM
Parent: #40
ابو حراز ازيك...
الحلم ده محرف
وبكري زاته كان لابس بدلة سوداء
وكان في حفلة كبيرة...
شكلك خنصرت الباقي!!
ياخي انتي لسة بتكتب كويس!!:)
|
Post: #45
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: أيمن الطيب
Date: 10-21-2012, 06:58 AM
Parent: #44
السلام عليكم
يا زوله إزيك إنت ياخ !!!!!!!!!!!!!!!!
عاش من سمع عنك ومنك,,
والله ياأبوحراز نفضت غبار السنين,,
تحياتى,,
|
Post: #49
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: تبارك شيخ الدين جبريل
Date: 10-26-2012, 08:03 PM
Parent: #45
كامل التضامن مع الدكتورة وضاحة ...
وأهلنا البيجا ...
(انتو العراقي والسروال والسديري ديل بيلبسن فايز ودالقاضي ولاّ انا رايح؟)
... المهم ....
|
Post: #50
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: PLAYER
Date: 10-27-2012, 04:14 AM
Parent: #49
| Quote: وايش يطلع هذا الاسموا أبو حراز لانى ما حصل اني اتداخلت معه من قبل في اي بوست .. |
عشان نوع الكلام الزي دا قال لكم
| Quote: ممنوع دخول الركشات !! |
| Quote: رجال ماعندكم أحترام لنفسك |
كل الرجال مرة واحدة كدة
حكمة اليوم
احرج المواقف ان تزعل من الهزار
حكمة الغد
ولا يهمك يا ابوحراز عارفنك وواثقين منك
|
Post: #51
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: يحي ابن عوف
Date: 10-27-2012, 04:23 AM
Parent: #50
بس حبيت اتعرف عليك زول جديد
كل سنة وإنت طيب كيف حالك عساك طيب
والله ايام يا زمان ببكي واتحسر عليك
|
Post: #62
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-03-2012, 11:01 PM
Parent: #51
أخي يحيى بن عوف 00 تحية وتقدير
بس حبيت اتعرف عليك زول جديد
كل سنة وإنت طيب كيف حالك عساك طيب
والله ايام يا زمان ببكي واتحسر عليك
يا اخي يحيى أول شيء لابد ان أحترم لأنك أكبر مني بشهر ويومين في سودانيز أون لاين
وبيننا صولات وجولات
كيف انت 00 مشتاقين كتير
شكرا للكلمات الجميلة لمصطفى سيد احمد
|
Post: #61
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-03-2012, 10:54 PM
Parent: #50
أخي بلير 00 شكراً يا اخي على دخولك البوست وانت من المحاربين القدماء
شكرا لرفع المعنويات والتعاطف المتطرف جدا
| Quote: وايش يطلع هذا الاسموا أبو حراز لانى ما حصل اني اتداخلت معه من قبل في اي بوست . |
أدهشتني هذه العبارة كثيراً 00 وساجيب الآن عليها
أبوحراز انسان عادي وبسيط جداً
وإن تداخلت الكاتبة ام لم تتداخل فهي ستكون محل احترامنا وتقديرنا
بل أنا أحترم كل القراء الذين يتفقون معي أو يختلفون
واي كاتب يجب ان يحترم قراؤه وان لايحاول اغتيال شخصياتهم أو ان يفرد عضلاته عليهم
فالكتابة مسئولية
والقلم مسئولية أكبر
Quote: كل الرجال مرة واحدة كدة
حكمة اليوم
احرج المواقف ان تزعل من الهزار
حكمة الغد
ولا يهمك يا ابوحراز عارفنك وواثقين منك |
بالطبع هناك رجال ابرياء كثيرون
واجير هذه العبارة { عدم احترام النفس } اجيرها لشخصي الضعيف
واقدم اعتذاري لكل من اصابته عباراتي بأي خدوش
حتى ولو كانت سطحية
تحياتي لك وشكرا على ثقتك الكبيرة
واتمنى ان أكون بحجم هذه الثقة
|
Post: #60
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-03-2012, 03:39 PM
Parent: #45
أخي ايمن 00 تحياتي 00 شكرا على المشاركة والدعم
Quote: السلام عليكم
يا زوله إزيك إنت ياخ !!!!!!!!!!!!!!!!
عاش من سمع عنك ومنك,,
والله ياأبوحراز نفضت غبار السنين,,
تحياتى, |
فعلاً نفضنا الغبار عن الكثير من بورداب سودانيز أون لاين
ياليتنا ننفث على هذا الفبار ماءا
فيتحول الى طمي
ومن ثم نزرع عليه ملائيين الأزهار !!!
|
Post: #58
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-01-2012, 02:35 PM
Parent: #44
يا الله 00 معقول 00 الزولة 123 هنا ؟؟؟
Quote: ابو حراز ازيك...
الحلم ده محرف
وبكري زاته كان لابس بدلة سوداء
وكان في حفلة كبيرة...
شكلك خنصرت الباقي!!
ياخي انتي لسة بتكتب كويس!!:)
|
تحية وتقدير
والله لو كنت اعلم ان كلماتي البسيطة هنا ستأتي بالزولة 123 لطالبت بكري منذ سنين عددا بهذه الخمسة آلاف دولار
سعيد انا بطلتك عبر بوستي بعد غياب طويل
اين انتي واين قلمك الرشيق وكلماتك المضيئة ؟؟؟
لك التحية ولكل النساء الباسقات الشامخات في هذا البوست
رمانة
وسلمى
ومنى خوجلي
والشاعرة سوما
والتحية لكل المناضلات معنا دفعة 2002 و2003
|
Post: #56
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-30-2012, 09:55 PM
Parent: #40
الأخ جدو 00 تحية وكل سنة وانت طيب
Quote: إبداع والله يا أبو حراز
بالله شوف ناس الفين واتنين والفين وتلاتة جو طايرين على البوست دا كيف؟؟
كان اتجيهنا بالخمسة ألف دي.. |
لا والله ياجدو الابداع ليس عند ابوحراز
بل في طلتكم على هذا البوست
وفي طلة الكثيرين الذين ظهروا هنا بعد غياب
ياسلام على هذه الدفعات 2002 و2003
ما أحلى تلك الأيام الجميلة
ايام بنكهة البراءة والألق
تستاهل خمسة آلاف دولار
واوعدك لو بكري وافق حتى الخمسة آلاف الخاصة بي ساقتسمها معك
اها قصرت معاك
|
Post: #54
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-29-2012, 02:57 PM
Parent: #38
الأخ كمال سالم 00 تحية وعيدية مباركة
Quote: معقوله يا أب حراز ؟؟!!!
يأخ إنت زول عسل عديل كده !
حرم إنت فت جعفر عباس والفاتح جبرا بهناك !
والله أنا نص عمرى ضاع لأنى ما قريت ليك من زمان !
لكن أظن الغلط ما منى ,,, منك ,, لأنك حارمنا من المتعه دى
وطلتك هنا ما كتيره .
من الليله يأخ إنت كاتبى المفضل .
وحقيقة الدهن فى العتاقى |
شكراً أولاً لرفع المعنويات
وان تضعني في كنبة واحدة مع العمالقة جعفر وجبرا فهذا أكبر مني كثيرا
رغم ان طموحي أن أسير على خطاهم
وان تكون الكتابة الساخرة هي اللون الذي أضعه في فرشاتي المتواضعة
أما أن أكون كاتبك المفضل فهذه مسئولية كبيرة لا استطيع أن أحققها لك
انا أشخبط هنا وأذهب
شكراً لك وانت تحلق بي في عالم أكبر مني
عوالم لا اجنحة لي لها ولافضاء
تحياتي مرة أخرى
|
Post: #52
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 10-27-2012, 02:11 PM
Parent: #33
ساري الليل 00 حبيب نورة
مرحب بيكم في البوست
وكل سنة وانتو طيبين
وان شاء الله لمن ياتي توزيع الدولارات ما حاننساكم
نسبة لهذا التضامن الكبير بالمشاركة
وكذلك الأقدمية
|
Post: #53
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: تبارك شيخ الدين جبريل
Date: 10-27-2012, 03:49 PM
Parent: #52
ابو حراز ارجع لينا لى الحلم بتاعك دا لأنو في تفاصيل دايرين نتأكد منها ...
أولاً البى العراقي والسروال دي ياها "كتاحة" دي ... ولاّ دا فايز ودالقاضي بعد حلاقة الشنب (وشيل الحواجب) ؟
الحاجة التانية ... انا استلمت ظرف؟ ... ولاّ امسك بكري ابوبكر دا ارقد بى واطا؟
لو ما حسمت لينا الموضوع دا غايتو ...
.... المهم ....
|
Post: #63
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: عمار عبدالله عبدالرحمن
Date: 11-03-2012, 11:49 PM
Parent: #53
البوست ده لو شافو بكري
يجيب ليكم بتاع جمارك يطالبكم بفرق موديل ,,,
اعيادكم سعيدة
|
Post: #66
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-06-2012, 12:59 PM
Parent: #63
الأخ ع ع ع !!!
ياخي ماخليت ليك { ع } حايمة
كيفك ياعمار 00 عساك طيب وكل عام وانت بخير
معانا باكستاني اسمه تاعبنا تعب شديد جدا
اسمه لحاله دون اسم ابوه { محمد رفيق بهتي }
حينما يكون هناك نموذج لكتابة الاسم رباعي لازم نعمل له نموذج خاص به
ومعنا باكستاني برضو أتى من باكستان وهو يحمل جواز سفر فيه اسمه الحقيقي وهو كالتالي
الله نواز ولي محمد !!!!!
اها ناس الجوازات بالسعودية حلفوا مايطلعوا الاقامة بهذا الاسم
والراجل الباكستاني اصر ان يظل اسمه { الله } دون اي تغيير
اها بعد محاولات حثيثة بالعربي والانجليزي والأوردو الراجل اقتنع على مضض بان يتم التحويل من الله الى { عبد الله }
وكان زعلان عاوز يطق وذكر لنا قائلاً
انا 25 سنة في باكستان في الله
كيف هنا انا اسم عبد الله !!!
Quote: البوست ده لو شافو بكري
يجيب ليكم بتاع جمارك يطالبكم بفرق موديل ,, |
تعليق جميل ورائع لايحتاج الى تعليق
|
Post: #64
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-04-2012, 05:11 AM
Parent: #53
أخي تبارك 00 تحية طيبة وكل سنة وانت طيب
شكراً على المداخلتين
وأحييك على تضامنك الكامل ووقفتك الصلبة
Quote: ابو حراز ارجع لينا لى الحلم بتاعك دا لأنو في تفاصيل دايرين نتأكد منها ...
أولاً البى العراقي والسروال دي ياها "كتاحة" دي ... ولاّ دا فايز ودالقاضي بعد حلاقة الشنب (وشيل الحواجب) ؟
الحاجة التانية ... انا استلمت ظرف؟ ... ولاّ امسك بكري ابوبكر دا ارقد بى واطا؟
لو ما حسمت لينا الموضوع دا غايتو ... |
الجلم يا أخي الكريم كان حلماً صادقا وأتيت لأترجمه هنا
وشفنا بالفعل زولة لابسة عراقي وسروال طويل
المهم جميلة
ربما تكون اضغاث أحلام من يدري
ولكن من يدري ربما يتحول الحلم الى حقيقة
استلم ظرفك من بكري
وشوف لينا كمان حاجة معاك
تحياتي ليك ياراقي
|
Post: #69
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: falcon
Date: 11-17-2012, 01:49 PM
Parent: #64
ابو حراز
سلام وتحايا لامن اجيك راجع في بوست الكوامر دا
|
Post: #70
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-26-2012, 02:16 PM
Parent: #69
سلالالالالالالالالالالالام فالكون
| Quote: سلام وتحايا لامن اجيك راجع في بوست الكوامر دا |
غيبة طويلة يافالكون 00 كيف ايامك وكيف هم بورداب جدة
هذا البوست أتى بالكثيرين من المحاربين القدماء
الظاهر جميعهم يتفقون في ان ظروفهم المادية لازالت متعثرة
اتمنى أن تاتيكم هذه الدولارات
وتطفيء نيران الأسعار والمتطلبات الكثيرة للحياة
|
Post: #71
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: المريود
Date: 11-26-2012, 04:24 PM
Parent: #70
ودخلت هنا على استحياء
وفي الخاطر سؤال عن عقد فريد ونضيد وتحيايا لهم أين ما كانوا
الصادق فنان الميديا وحرمه
الدكتورة السارة
بناديها
ود عازة
الخواض
بامسيكا
حبيب الكل
ود الجيلي
ووووووووووووو ................... القائمة تطول
وتحية خاصة لأبو حراز
وللناس الظهرت
سوما
وزولة 123
وأعتقد شفت بت الأحفاد لافحة طرحتها وعملت ليها نظارة حايمة قبل كم يوم هنا
و أتبرع بالخمسة ألف دولار كجائزة لكل من يدخل هنا ويقول سلام وأنا موجود
وسلام خاص للحبيب جدا سيد الحوش بكر البكور
مجموع المشاركات: 9
مشت وين الألفين ودقداقة يا بكري
[/red/]
|
Post: #72
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: المريود
Date: 11-26-2012, 04:34 PM
Parent: #71
برضو بسأل عن
بت قضيم الكتابة جدا جدا
دريمز
الدكتورة نهى
بورداب جدة
حبيبنا قرشو
الزول الكعب السماني
ووو كل اتذكر زول حا أرفع البوست دا
....................................
|
Post: #73
Title: Re: خمسة ألاف دولار لقدامى المحاربين بسودانيز 00 ممنوع دخول الركشات !!
Author: ابوحراز
Date: 11-26-2012, 07:42 PM
Parent: #72
ياسلام عليك يامريود وأنت تطرز هذا البوست بهذا العقد الجميل المضيء والمشرق
نعم 00 هؤلاء كانوا كل يوم ينبتون على ضفاف المنتدى
فيعطر اريجهم المكان
ويجعل له الف معنى ومعنى ومعنى
ياليتهم يعودوا جميعا
ويرسموا لنا لوحة العشق والفرح
|
|