Post: #1
Title: نكتة 2013 قبل ما تجي ذاتو
Author: صبري طه
Date: 10-09-2012, 09:37 AM
مسطول فتح دكان لكن ناس الضرائب والعوائد والمحلية كرهوهو
قام عمل مظاهرات قال اﻻ اقابل الرئيس عمر البشير
بي جاي بي جاي ادو موعد عشان اقابل بشة فلما جاه الموعد وقابل بشة قال
يا سعادة ناسك ديل كرهونا كل شوية ناطين لينا في الدكان
بشة قال ليو انا بسألك تﻼتة أسئلة لو جاوبتها صاح انا ح اعفيك من كل حاجة
المسطول قال ليهو أسأل
بشة قال ليهو السؤال اﻻول : اقوى حكومتنا وﻻ حكومة عبود ؟
المسطول قال ليو : اكيد اقوى حكومتكم
ﻻن عبود كان بخاف اﻻنجليز
بشة قال لي ممتاز يﻼ السؤال التاني :
اقوى حكومتنا وﻻ حكومة نميري ؟
المسطول قال ليو اقوى حكومتكم ﻻن
نميري كان بخاف الشعب
بشة قال لي جيد يﻼ سؤال رقم تﻼتة واﻻخير
اقوى حكومتنا وﻻ الصحابة ؟
المسطول قال لي هاهاهاهاهاها
اكيد اقوى حكومتكم ﻻن الصحابة كانوا بخافوا الله
ــــــــ
النكتة منقولة
|
Post: #2
Title: Re: نكتة 2013 قبل ما تجي ذاتو
Author: طلحة عبدالله
Date: 10-09-2012, 09:40 AM
Parent: #1
مساطيل اتنين بسفوا التمباك
واحد قال للتاني أديك سفة
التاني قال ليهو ما شفتو والله أنا كتا نايم .. كركركر كز كزكز قه قه قه .
.................
صبري طه :
وين السؤال ؟
|
Post: #3
Title: Re: نكتة 2013 قبل ما تجي ذاتو
Author: صبري طه
Date: 10-09-2012, 09:42 AM
Parent: #2
Quote: مساطيل اتنين بسفوا التمباك
واحد قال للتاني أديك سفة
التاني قال ليهو ما شفتو والله أنا كتا نايم .. كركركر كز كزكز قه قه قه . |
إنعل أبو دي سطلة 
Quote: صبري طه :
وين السؤال ؟ |
النكتة دي نكتّها من وين ؟
|
Post: #4
Title: Re: نكتة 2013 قبل ما تجي ذاتو
Author: Asim Fageary
Date: 10-09-2012, 09:43 AM
Parent: #2
بالإنابة عن صبري
لأنو صبري دا عشان يفهم العربي لازم في الأول يترجمو للغة النوبية
وأنا عندي خاصية الترجمة الفورية في برنامج هنا
السؤال هو : هل الديك (الما جدادة) سف أم لم يسف ؟
|
Post: #5
Title: Re: نكتة 2013 قبل ما تجي ذاتو
Author: صبري طه
Date: 10-09-2012, 09:50 AM
Parent: #4
عاصم فقيري ... ميسكاقمي*
Quote: لأنو صبري دا عشان يفهم العربي لازم في الأول يترجمو للغة النوبية
وأنا عندي خاصية الترجمة الفورية في برنامج هنا |
* ترجم لي معاك ميسكاقمي دي معناتا شنو وهل هي من عندينا
ـــــ
أحب المحس وأحب نوناتم 
|
Post: #6
Title: Re: نكتة 2013 قبل ما تجي ذاتو
Author: Asim Fageary
Date: 10-09-2012, 09:52 AM
Parent: #5
يا صبري معناها (أريتك تكون طيب)
|
Post: #7
Title: Re: نكتة 2013 قبل ما تجي ذاتو
Author: صبري طه
Date: 10-09-2012, 09:59 AM
Parent: #6
| Quote: يا صبري معناها (أريتك تكون طيب) |
أنا البي كلّو هيّن
ــــــ
هنا
|
Post: #8
Title: Re: نكتة 2013 قبل ما تجي ذاتو
Author: طلحة عبدالله
Date: 10-09-2012, 10:36 AM
Parent: #7
كتب صبري طه :Quote:
النكتة دي نكتّها من وين ؟
|
وين السؤال هنا ؟
|
Post: #9
Title: Re: نكتة 2013 قبل ما تجي ذاتو
Author: Asim Fageary
Date: 10-09-2012, 10:47 AM
Parent: #8
Quote: كتب صبري طه :
Quote:
النكتة دي نكتّها من وين ؟
وين السؤال هنا ؟ |
يا طلحة طبعاً نحنا بنقرا ببراءة
يعني قرينا (نكتها) بمعنى حفرتها أونبشتها من وين
|
Post: #10
Title: Re: نكتة 2013 قبل ما تجي ذاتو
Author: صبري طه
Date: 10-09-2012, 10:50 AM
Parent: #9
Quote: يا طلحة طبعاً نحنا بنقرا ببراءة
يعني قرينا (نكتها) بمعنى حفرتها أونبشتها من وين |
ما قصّرت يا عاصم في الإجابة على الناطقين بها
|
Post: #11
Title: Re: نكتة 2013 قبل ما تجي ذاتو
Author: محمد مصطفي مجذوب
Date: 10-09-2012, 11:09 AM
Parent: #8
لا يا استاذ عاصم فقيري يا آخ لا...لا..حرام عليك قولك Quote: بالإنابة عن صبري ...لأنو صبري دا عشان يفهم العربي لازم في الأول يترجمو للغة النوبية
وأنا عندي خاصية الترجمة الفورية في برنامج هنا |
فالاستاذ صبري اشتهر بتناولة لامور السياسة و ... الدين ... بالكناية والصريح من الحديث. فمغزي سؤال الاستاذ صبري الذكي Lost in translation ...
انا في تقديري والعلم عند الله ، إن الاستاذ صبري كان يستفسر الكاتب عن المقصود هل هو وقد يكون شخص اشتهر بلقب الديك اوعرفت عنه الدياكة ... ام قصد الكاتب | Quote: الدين ....سف أو ما سف |
.وهنا الاستاذ صبري ببلاغة فيها اعجاز علي بساطتها يتسآل هل دين الكيزان اجاز مبدأ السف ام لا
اقول قولي هذا مستغفرا الله العظيم فهذه هي المره الثانية التي تجرني المواضيع التي يثيرها الاستاذ صبري للاشارة الي الدين
|
Post: #12
Title: Re: نكتة 2013 قبل ما تجي ذاتو
Author: مهدي صلاح
Date: 10-09-2012, 11:50 AM
Parent: #11
قال حكيم لرجل: هل ادلك على ثلاث إذا فعلتهن رضي عنك الناس ؟
|
فقال الرجل :
"لا"
ترقموها بمعرفتكو
|
Post: #14
Title: Re: نكتة 2013 قبل ما تجي ذاتو
Author: فايزودالقاضي
Date: 10-09-2012, 01:24 PM
Parent: #12
نكتة زي دى لنفسي مابحكيها
ياخي دي نكتة اقدم من عاصم فقيري مع الكسرة
وكمان فرحان بيها !!!!!!
من اكل الويكة نعرفه
من مشيته نعرفه
ومن شجع الهلال نعرفه
من نكتته نعرفه
|
Post: #15
Title: Re: نكتة 2013 قبل ما تجي ذاتو
Author: صبري طه
Date: 10-09-2012, 01:36 PM
Parent: #14
Quote: نكتة زي دى لنفسي مابحكيها
ياخي دي نكتة اقدم من عاصم فقيري مع الكسرة
وكمان فرحان بيها !!!!!!
من اكل الويكة نعرفه
من مشيته نعرفه
ومن شجع الهلال نعرفه
من نكتته نعرفه |
غايتو بحثت عنّها بعد ردّك دا في القوقل لقيتها هنا جكس الخرطوم
أتاريك مواصل !!!
|
Post: #13
Title: Re: نكتة 2013 قبل ما تجي ذاتو
Author: صبري طه
Date: 10-09-2012, 01:14 PM
Parent: #11
| Quote: انا في تقديري والعلم عند الله ، إن الاستاذ صبري كان يستفسر الكاتب عن المقصود هل هو |
أستاذنا محمد مصطفى مجذوب .. ياخي دا ما ديكي أنا دا ديك طلحة عبدالله .. فهو من أورد النكتة ...
تسلم ،،،
|
Post: #16
Title: Re: نكتة 2013 قبل ما تجي ذاتو
Author: عبدالله احيمر
Date: 10-09-2012, 07:35 PM
Parent: #13
صبري
سـلام
و نسـتمر مع المسـاطيل و الديك
واحـد مسـطول متعود يشـرب القهوة عند ســت شـاي
اها يوم كانت قوية جا قعـد قدام ســـت شـــاي
ســالتو ( اديك جبنة )
رد ( ما شــفتو , لكن شـفت لي الجدادة حايمة شـايلة
ليها قدح مونة )
عاصم ســـاعدنا بالترجمة
|
Post: #17
Title: Re: نكتة 2013 قبل ما تجي ذاتو
Author: حمد عبد الغفار عمر
Date: 10-09-2012, 08:11 PM
Parent: #16
سلام يا صبري
انا غايتو رايح من المنبر دا لي 3-4 يوم وما فاهم الحاصل شنو بقول نكتة كنكتة بس
واحد أخوانو كلهم مسافرين وهو لوحدو قاعد مع أمو والجماعة يشيلوا ويرسلو ليهو في القروش
بعد فترة ساقوا أمهم معاهم وأشتروا ليهو بوكس قالوا ليهو عيش بيهو
صاحبك البوكس ما غطى معاه أتصل عليهم وقال ليهم هوي
رجعوا لي أمي وتعالوا شيلو بوكسيكم دا
|
Post: #18
Title: Re: نكتة 2013 قبل ما تجي ذاتو
Author: haroon diyab
Date: 10-10-2012, 06:09 AM
Parent: #17
مسطول بحشش بي تلفونو قدام واحده
قالت لي ما شاءالله تلفونك رهيييب مره
واحده اشتريتو بي كم ؟
المسطول قال
ليها ما اشتريتو ربحتو في سباق بتاع
جري
البت قالت لي واااااو شكلو كان
سباق صعب
المسطول قال ليها اسكتي
ساي صعب وبس ؟ ياخ انا قلبي قرب
اقيف ولساني طلع مترين
البت قالت لي
اها المتسابقين كان عددهم كم ؟
المسطول قال ليها كانو تﻼته
انا وسيد التلفون والعسكري الساكيني
|
Post: #19
Title: Re: نكتة 2013 قبل ما تجي ذاتو
Author: Asim Fageary
Date: 10-10-2012, 06:10 AM
Parent: #16
Quote: ســالتو ( اديك جبنة )
|
سلام يا أحيمر
وهاك الترجمة لأخونا صبري:
المسطول سمعها (الديك جا ماري بي هنا )
فكان رده (ما شفته لكن شفت الجدادة حايمة وشايلة ليها قدح مونة)
|
Post: #20
Title: Re: نكتة 2013 قبل ما تجي ذاتو
Author: زهير حيدر صديق
Date: 10-10-2012, 06:32 AM
Parent: #19
مسطول طالع من محل الكترونيات وشغال يقول لي
نفسو:
تويكس اسلم؟؟؟: ﻻﻻﻻ
سنيكرز كافر؟؟؟؟ ..ﻻﻻﻻﻻ
كيندر ملحد؟؟...!!!ﻻلاﻻﻻﻻﻻ دي بعيدة شديد
عمك رجع المحل وسال التاجر قال ليهو ي اصلي قلت
لي اسم الجهاز الجديد شنو؟؟؟
التاجر قال ليهو للمرة المليون جﻼكسي تااااااب
|
Post: #21
Title: Re: نكتة 2013 قبل ما تجي ذاتو
Author: مهدي صلاح
Date: 10-10-2012, 07:15 AM
Parent: #20
كنغر محشش بيسأل مرتو الاولاد وين قالت ليهوفي جيبي، ضحك وقال ليها لا بالجد والله وينم
Quote: المسطول سمعها (الديك جا ماري بي هنا )
فكان رده (ما شفته لكن شفت الجدادة حايمة وشايلة ليها قدح مونة) |
بصراحة ترجمتك لـ(اديك جبنة) فتح ما كان {مستغلقا على فهمي} ... خاصة جبنة دي ... (اديك) عرفتها بتكون اتفهمت الديك مع اخذ اللام الشمسية لكلمة الديك في الاعتبار
لكني محتار في حاجة واحدة الدخّل قدح المونة في الموضوع شنو ؟ يعني كلام بس من شدة السطلة ولّ فيها حاجة عايزة ترجمة ... اسئلتي دي حتثبت الي اي حد حالتي مستعصية من حيث الحاجة لإلحاق الترجمة بشرح اضافي وحتخليكم تترحموا على حالة تانية كنتوا مفتكرنها الاسوأ
|
Post: #22
Title: Re: نكتة 2013 قبل ما تجي ذاتو
Author: عبدالله احيمر
Date: 10-10-2012, 07:36 AM
Parent: #21
Quote: لكني محتار في حاجة واحدة الدخّل قدح المونة في الموضوع شنو ؟ يعني كلام بس من شدة السطلة ولّ فيها
حاجة عايزة ترجمة |
أخـونا مهدي
كلمة جبنة , المســطول ســمعها ( جا بنى )
بنى دي ماضي يبني بمعنى يشــيد , المسـطول فهمها كأنما الديك
هــو البناء
وهـو طبعايحتاج لمن يوصل له المونة والطوب ..............الخ
يعني المسـطول كان طاشي في الكلمتين , ( اديك فهمها الديك كما قلت انت
جبنة فهمها جا بنى / جاء بنى )
آســف للإطالة
|
Post: #23
Title: Re: نكتة 2013 قبل ما تجي ذاتو
Author: Asim Fageary
Date: 10-11-2012, 07:34 AM
Parent: #22
عبد الله أحيمر ترجمتك هيىالصحيحة فعلاً
|
Post: #24
Title: Re: نكتة 2013 قبل ما تجي ذاتو
Author: فايزودالقاضي
Date: 10-11-2012, 07:46 AM
Parent: #23
عبدالله احيمر برغم انو نكتتك قديمة ومن زمن حامد على شاش الا كمان ماممكن تقول نكتة ومهدي يستفسر عنها تقوم تشرح ليهو باضافة كلمة ماكانت موجودة في النكتة في اول مداخلة ليك - رغم انها بديهياً معروفة بحكم قدمها المعنكب - بعدين يامهدي انت عارف النكتة وشرحها بتجرر الراجل مالك ؟
ساعدونا بالنكات الحديثة او اصمتوا يرحمكم الله ...
كان في اب نفاش دخل الاوضة انقلب قفه ...
|
Post: #25
Title: Re: نكتة 2013 قبل ما تجي ذاتو
Author: تيسير عووضة
Date: 10-11-2012, 09:07 AM
Parent: #24
Quote: مسطول طالع من محل الكترونيات وشغال يقول لي
نفسو:
تويكس اسلم؟؟؟: ﻻﻻﻻ
سنيكرز كافر؟؟؟؟ ..ﻻﻻﻻﻻ
كيندر ملحد؟؟...!!!ﻻلاﻻﻻﻻﻻ دي بعيدة شديد
عمك رجع المحل وسال التاجر قال ليهو ي اصلي قلت
لي اسم الجهاز الجديد شنو؟؟؟
التاجر قال ليهو للمرة المليون جﻼكسي تااااااب |
ياها دي نكتة 2015 زاتو
مبالغة ..
يا صبري ياخ نكتتك دي قديييييييمة وعلى العليها مسودنة من المصرية
دا الفيرجن الأصلي يا أصلي ..
حسني مبارك (أيام عزو) وفي لحظة صفا قبَل على أحمد نظيف وقال ليهو
مين الأحسن؟ أنا ولا عبد الناصر
نظيف: لا يا ريس عبد الناصر كان بيخاف م الروس .. وإنت ما بتخفش
مبارك: طب أحسن أنا ولا السادات
نظيف: السادات مين يا ريس دا كان بيخاف م الأمريكان .. وإنت ما بتخفش
مبارك (شالتو الهاشمية): طب أحسن أنا ولا عمر بن الخطاب
نظيف: لااا يا ريس ابن الخطاب كان بيخاف من ربنا .. وإنت ما بتخفش
|
Post: #26
Title: Re: نكتة 2013 قبل ما تجي ذاتو
Author: مهدي صلاح
Date: 10-11-2012, 12:20 PM
Parent: #25
ورب الكعبة ياود القاضي انا (جا بنا) دي ما فهمتها غير بعد الشرح المستفيض الذي تفضل به احيمر
بعدين تعال هنا ... قفت شنو ... جابت ليها تحريف في نكات معنكبة كمان ؟
طيب خد دي نكتة قديمة من بداية رمضان الفات:
واحد طوالي خارج الشبكة وماعندو شريعة لا بي صلاة ولا بي صوم ، اول ليلة في رمضان قال لي مرتو صحيني للسحور
مرتو قالت ليهو يوم متين انتا كنت قاعد تصوم
قال ليها: ليه اصلو.. بقينا كفّار للدرجة دي ... لا صوم لا سحور
|
|