Post: #1
Title: استقالة والي الخرطوم
Author: العوض المسلمي
Date: 10-09-2012, 09:04 AM
اصبحت استقالة والي الخرطوم اخر شئ يمكن ان يخفظ به الخضر ماء وجهه بعد ان اعترف امام الصحفيين بان حل مشكلة المواصلات بالخرطوم هو مشكلة كييرة واعترافه الصريح بان الولاية غير قادرة علي حل مشكلة النفايات
بالله عليكم والي فشل في ان يرفع مستوي التعليم وفشل في الشأن الصحي فاصبح اما ان تسافر للعلاج او ان تموت ، ويعلن الان فشله في حل مشكلة المواصلات وازالة النفايات ، ماذا تبقت له من مسئولية وكيف يجلس وغيره يموت من البعوض المتوالد في النفايات وكيف يبتسم والمواطنونلايجدون بصا لنقلهم الي بيوتهم !!
لا ادري بم سيجيب والينا المعظم اذا تم سؤاله ماذا قدمت لولاية الخرطوم ؟! هل يكذب ويقول فتحت المجاري ؟ ام سيقول اننيوطنت العلاج ام ماذا سيقول ؟
الاستقالة هي مخرج له بعد ان كا يخرج ارواحنا الما ومرضا واتمني قبولها فورا والا يعود محاربا في ولاية اخري فالقضارف شهدت قبل الخرطوم لهذا الرجل وما اصدقها من شهادة
|
Post: #2
Title: Re: استقالة والي الخرطوم
Author: احمد محمد احمد عتيق
Date: 10-09-2012, 09:13 AM
Parent: #1
استقالة !!! استقالة شنو ديل ما بعرفو الكلمة دي ..الكنكشة وبس ...
|
Post: #8
Title: Re: استقالة والي الخرطوم
Author: العوض المسلمي
Date: 10-09-2012, 09:38 AM
Parent: #2
الغالي ود عنيق حبابك
الكنكشة دي في اماكن ماليها علاقة بمعيشة وصحة الناس ولا شنو ؟
اكن والي فشل في حل اي مشكلة للمواطن فالكنكشة لزوما ايه ؟!
|
Post: #9
Title: Re: استقالة والي الخرطوم
Author: أيمن الطيب
Date: 10-09-2012, 09:39 AM
Parent: #2
سلامات يا مسلمى ,,
الفشل والإنهيار لا يحرك فى أمثال الخضر شيئا..
الخرطوم حالها يغنى عن سؤالها وهذا الرجل أوصلها لقاع التردى والفشل,,
بكرة دى ممكن واحد يجي يتفاصح فينا بكل غباء وإستهبال ويقول ليك عاصمة
حضارية ومشروع حضارى..
إستقالة!!!!!! غايتو إلا يطيرو الخال الرئاسى بقرار أسرى بحت...
تحياتى..
|
Post: #21
Title: Re: استقالة والي الخرطوم
Author: العوض المسلمي
Date: 10-10-2012, 12:11 PM
Parent: #9
انا بستغرب يا ايمن في انه الخضر وكل الوزراء زاروا العالم وشافوا البلدان دي متطورة كيف , غيرة ساهي ما عندهم ولا كمان الواخد ما بخجل علي مستوي البلد ؟؟
لا حة ولا تعليم ولا نظافة ولا اي شئ !!!!!
والواحد يتكلم في الاعلام بحلقوم بقرة !
والله لو انا مكان الخضر ده انتحر عديل ( استغفر الله العظيم )
احياتي يا ايمن
|
Post: #3
Title: Re: استقالة والي الخرطوم
Author: البحيراوي
Date: 10-09-2012, 09:17 AM
Parent: #1
الأخ العوض السملي
تحياتي - أحسن أجيك عديييييل كدا وأسألك هل هناك علاقة بين ما حدث بين جماعة منبرالسلام العادل وزعيمه الطيب مصطفى والوالي أم أنها مصادفة بحته تزامنت مع رؤيتك لتقصير الوالي عن أداء مهامة بالوجه المعقول ؟
بحيراوي
|
Post: #4
Title: Re: استقالة والي الخرطوم
Author: محمد حسن العمدة
Date: 10-09-2012, 09:21 AM
Parent: #3
Quote: قال المجلس الأعلى للأجور إن الحد الأدنى لتكاليف المعيشة في البلاد يبلغ «1947» جنيهاً وفقاً للأرقام القياسية الصادرة عن الجهاز المركزي للإحصاء. وأضاف بروفيسور سوار الدهب أحمد عيسى رئيس المجلس لـ «سونا» أن المجلس سبق أن رفع توصية بهذا المبلغ للوزير المختص لرفع الحد الأدنى الحالي ليصل لهذا المبلغ.
الانتباهة |
طبعا يا شيخ العوض الاعتراف بالفشل بقى عند الناس ديل سبب اخر للاستمرار في المنصب , باعتبار ان هذا نوع من الشفافية !!!
زي محاكمة زول فاسد بعد ما الدنيا كلها تقوم وتقع والفاسد يرتع زي ما عاوز يعملو ليهم محاكمة صورية يقولو ليك بنحارب الفساد ودا حاجة كويسة
وزي لامن يفعلو ما سمي بفقه السترة عند نافع وسوار اهو كلو عواسة ولعب بالدين والناس لكن الناس تستاهل اكتر من كدا
|
Post: #6
Title: Re: استقالة والي الخرطوم
Author: يوسف محمد يوسف
Date: 10-09-2012, 09:33 AM
Parent: #4
يا شيخ العوض .. سلام
ولاية الخرطوم لا و لن تقوم لها قائمة ما لم يولى عليها احد ( ابنائها*)
ـــــــــــــــــــــــــــــــــــــــ
(ابنائها*) ... بالميلاد وليس النزوح !!
|
Post: #22
Title: Re: استقالة والي الخرطوم
Author: العوض المسلمي
Date: 10-10-2012, 12:16 PM
Parent: #6
يا سعادة العميد يوسف حبابك
ناس الانقاذ ديل جردوا البلد اولا من ابنائها وفرقوهم شذر مذر واصبح الكل في غير مكانه ويكفي ان والي القضارف السابق كرم الله قال انه اهلي هنا ما بملوا حافة هايس !!
زول ما من المنطقة كيف يحس بها او باهلها ؟؟
فعلا الخرطوم بكل محافظاتها تحتاج لابنائها واهل مكة ادري بشعابها
|
Post: #7
Title: Re: استقالة والي الخرطوم
Author: العوض المسلمي
Date: 10-09-2012, 09:35 AM
Parent: #4
يا ودالعمدة سلام
نعم فقه السترة ده عرفناه لكن الموضوع وصل كل بيت فالفشل اصبح يري بالعين المجردة ووالينا في وادي ونحن في وادي الضياع
|
Post: #5
Title: Re: استقالة والي الخرطوم
Author: العوض المسلمي
Date: 10-09-2012, 09:32 AM
Parent: #3
حباب الاخ بحيراوي
يا اخي الكريم ليس لذلك علاقة بما حدث بين الانتباهة والوالي ، وحتي ذلك الخلاف انتهي حسب صحف اليوم ولكن ...
هذا الوالي لا يقل سؤا عن من سبقه فلا مشروع نجح ولا فكرة تطورت !! وحتي الصحة والتعليم اصبحت اماني بعيدة المنال
تحياتي
|
Post: #10
Title: Re: استقالة والي الخرطوم
Author: مهدي صلاح
Date: 10-09-2012, 09:39 AM
Parent: #5
| Quote: استقالة !!! استقالة شنو ديل ما بعرفو الكلمة دي |
خاصة الخضر ... مستحيل يستقيل
دا بقى يتصرف وكأنما الولايه هي ضيعة تخصه ... قناة الخرطوم لا تفتأ تلمع صورته ... شوية وحنسمع عبر فضائية الخرطوم هتافات من شاكلة: الخرطوم خضر خضر الخرطوم
|
Post: #11
Title: Re: استقالة والي الخرطوم
Author: إدريس البدري
Date: 10-09-2012, 09:41 AM
Parent: #5
السملمي سلام
ديل بعرفو إقالة بس ..إستقالة ما ظنيت
|
Post: #12
Title: Re: استقالة والي الخرطوم
Author: صلاح أبودية
Date: 10-09-2012, 10:32 AM
Parent: #11
والله يا العوض نفسى ألاقى الوالى ده وأقول ليهو ..
الخرطوم ######انة ######انة ######انة ومعفنة كمان !
|
Post: #13
Title: Re: استقالة والي الخرطوم
Author: saif massad ali
Date: 10-09-2012, 10:37 AM
Parent: #12
ناس الطيب مصطفي جونا بالنجيضة
|
Post: #14
Title: Re: استقالة والي الخرطوم
Author: MOHAMMED ELSHEIKH
Date: 10-09-2012, 11:09 AM
Parent: #13
لا لا لا لا
خليهو في محلو
يقومو يجيبو لينا وزير صحة اتحادي
|
Post: #15
Title: Re: استقالة والي الخرطوم
Author: عبد الخالق امن الله
Date: 10-09-2012, 11:19 AM
Parent: #14
شيخ العوض سلام
عنوانك مثير يعطي ايحاء بان هنالك خبر في حين انه رأي
|
Post: #16
Title: Re: استقالة والي الخرطوم
Author: أحمد الشايقي
Date: 10-09-2012, 12:19 PM
Parent: #15
آخر إنجازات الوالي الهمام .... مؤتمر الحركة الإسلامية الجهادية السياسية الرسالية غير المسجلة
وأحسن استضافة ضيوفه الأئمة الأعلام الكرام من دول الجوار وغير الجوار ...
لذلك فهو قد ضمن مقعده (من المناصب الدستورية) إلى آخر يوم في عمر الإنقاذ
أحمد الشايقي
|
Post: #17
Title: Re: استقالة والي الخرطوم
Author: الزبير صالح الزبير
Date: 10-09-2012, 02:12 PM
Parent: #16
| Quote: (ابنائها*) ... بالميلاد وليس النزوح !! |
يوسف محمد يوسف
دي ولاية الخرطوم ولا امريكا البميلاد دي
الخرطوم محتاج لواحد بيحس وبيعرف يتصرف ما اكتر ولا اقل
هسي امشي قدام الكبري الجديد شرق السوق المركزي أتحداك لو تقدر تقيف ربع ساعة من العفن
|
Post: #18
Title: Re: استقالة والي الخرطوم
Author: rummana
Date: 10-09-2012, 02:31 PM
Parent: #17
سلام...
| Quote: طبعا يا شيخ العوض الاعتراف بالفشل بقى عند الناس ديل سبب اخر للاستمرار في المنصب , باعتبار ان هذا نوع من الشفافية !!! |
أوافق
|
Post: #19
Title: Re: استقالة والي الخرطوم
Author: صديق الموج
Date: 10-09-2012, 02:41 PM
Parent: #18
العوض ..سلام
يستقيل كيف واخر فتوحاته اهاب بالمواطنين ان يقابلو السيد الرقيص بعد
عودته متأبطاً الاتفاقية الاضحوكة التى ما حلت مشكلة واحدة من مشاكل السودان..
لا لاستقالة نبى الخرطوم الخضر،،،
|
Post: #20
Title: Re: استقالة والي الخرطوم
Author: عبدالله ود البوش
Date: 10-09-2012, 03:03 PM
Parent: #19
شيخ العوض سلام ياخي
جبت اخوي السعودية وشغلتو في نفس الشركة الشغال فيها
صاحب الشركة انقنق منو ساهي ... وخجلان مني انا ما داير ارفدو
اخوي مشى اجازة فتمنى صاحب الشركة الا يعود
قمت ختيت في مكانو واحد زي الزفت
بعد شهر صاحب الشركة سألني اخوك لسع ماخلص اجازة عشان نرتاح من ها المرض ؟
والله اخوك زين انا كنت ظالمو
.
.
.
خلاص رجعو المتعافي ههههههههه
قسة والله
|
Post: #23
Title: Re: استقالة والي الخرطوم
Author: عبد الحي علي موسى
Date: 10-10-2012, 12:21 PM
Parent: #13
| Quote: استقالة والي الخرطوم |
دي رؤيا منامية ولًا شنو!!!؟
|
Post: #24
Title: Re: استقالة والي الخرطوم
Author: بشير جبريل علي
Date: 10-10-2012, 07:38 PM
Parent: #23
المسلمي .. سلامات
الإنقاذ دي من ما الشيطان جابة ..سمعت بمسؤول إستقال؟
|
Post: #25
Title: Re: استقالة والي الخرطوم
Author: jini
Date: 10-10-2012, 07:46 PM
Parent: #24
غايتو البشير يا قاعد تجيهو ايميلات من السماء يا متواصل بالاسكاى بي !
Quote: قال للحشود رزقكم ما على البشير ولا على عبدالرحمن الخضر رزقكم على الله!
وباقى الكرة الارضية البرزقها منو!
واشمعنى نحن غير مرزوقين والابتلاءات لنا وحدن من دون خلقه الباقين والبالغ قدرهم سبعة مليارات!
طيب انت وعبد الرحمن الخضر معناهو رزقكم على الشعب السودانى وليس الله جل وعل!
عشان كدة متنغنغين
جنى |
يا العوض أخوى البشير غفر للخضر ما تاخر وما تقدم من ذنبه
جنى
|
|