Post: #1
Title: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 05:45 PM
1- مقدمة:
يوم الثلاثاء الماضي إتصل بي صديقي وزميل المنبر عبداللطيف بكري وعرض علي الذهاب للبحرين يوم الخميس لحضور حفل محمد الأمين، إستحسن الفكرة خاصة وأن لدي تأشيرة خروج وعودة جاهزة فوافقت، وقام عبداللطيف بتدبير الأمر بالإتصال باللجنة المنظمة وقام بحجز 3 أماكن وقد أختار أعلى فئة للتذاكر (التذاكر 3 فئات) ووعده المنظم بذلك ذاكراً بأنه حجز لنا أماكن أمامية مميزة)، يوم الخميس توكلنا على الله وسافرنا للخبر لصديق هناك أسطحبنا للبحرين وهو خبير بدروبها وكان كريم الضيافة وخير دليل.
تلك الليلة قبل أن أصف تفاصيلها كانت مقسمة بين أغنيتين ونصف بحفل محمد الأمين والهروب لإكمال السهرة مع فلم رعب 3D بالسينما ثم العودة للمبيت بالخبر..
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #3
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 05:52 PM
Parent: #2
2- القاعة:
القاعة صغيرة وليست بمستوى حفل لمحمد الأمين وفي مملكة البحرين التي تتوسط دول الخليج ويسها على السودانيين الحضور لسهولة الدخول للمملكة والقرب النسبي للمسافات، وقد حضر الكثير من السعودية وقطر والأمارات، وأكتظت القاعة بالحضور ولم تكفي الكراسي فأخذ المنظمون في إحضار كراسي إضافية رغم ضيق المكان وكان هناك عدداً مقدراً من الحضور وقوف لعدم توفر كراسي.
سمعات نظام الصوت مكدسة يمين ويسار المسرح وكأن المكان مستودع وليست قاعة موسيقى وغناء، بالإضافة إلى أن نظام الصوت في غاية السوء.
= حضرت سيدة بصحبة إبنتها الشابة ولم يجوا لهن أماكن غير مقعد في أول الصف وآخر في آخره من الجهة الأخرى من القاعة،، والمنظم يسوي ليها // ما في نفس الصف وكده؟؟ فتطوع الجالس بالمقعد المجاور مع زوجته إلى أن ينازل عن مقعدة للسيدة وإبنتها ليجلسن جوار زوجته وذهب هو إلى أقصى الجهة الأخرى ؟؟؟
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #4
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 05:54 PM
Parent: #3
1- التنظيم:
التنظيم لم يكن بمستوى الحدث، وصلنا وإستقبلنا المنظم خارج القاعة مشكوراً وأدخلنا لنجلس في الأماكن المخصصة لنا، وبكل أسف وجدنا أشخاص يجلسون في أماكننا وحاول المنظم إقناعهم بالإنتقال لأماكن حجزهم ولكن لا حياة لمن تنادي عملوا أضان الحامل طرشه، مما أضطره تجنباً للمشاكل لإجلاسنا في الصف الرابع أقصى يمين المسرح، كان المكان سيء لأقصى درجة فالمسرح يقع على يسارنا بزاوية حادة تحجب معظم المسرح خاصة مع وجود رصة السماعات العشوائية، ويقف بجوارنا مجموعة من المنظمين لم يكفوا عن الكلام والصياح بأصوات عالية أفسدت علينا متعة الإستماع.
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #5
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 05:57 PM
Parent: #4
4- الشخصيات الهامة:
كان بالقاعة شخصيات رسمية على رأسها سعادة سفير السودان بالبحرين ومسئول بحريني رفيع لم أتمكن من سماع صفته واسمه عند تكريمة من شدة الضوضاء وأعتقد أنه وزير الإعلام البحريني؟
وطبعاً ما تنسوا فخامتنا وصديقي أبو عبداللطيف ومضيفنا الأخ/ إسماعيل أبو شره..VIP.. وكدة....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #7
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 05:59 PM
Parent: #5
5- الجمهور:
جمهور الدرجة الثالثة كان كجمهور هلال مريخ،، ضوضاء وكلام بأصوات عالية ومع بدء الغناء صفقة وصفير وصياح،، ولا أدري هل قطعنا مئات الكيلومترات لنستمع لمحمد الأمين أم سودانيي البحرين؟
هذا غير المشاجرات والعراك.
مسألة الأطفال مذكورة بالتذكرة (ممنوع إسطحاب الأطفال أقل من 12 سنة) ورغم ذلك أحضر أحدهم أطفاله وأصر على دخولهم وهذه كانت موضوع وشكلة أدت لتوقف الغناء لبرهة.
أما الأزياء والملابس رجالية ونسائية فحدث ولا حرج،، سراويل كيس بندقية واخرى لاصقة من نوع سالومباز ما تديك الدرب، والقصير والمحزق خليه ساكت، غايتو نحنا الجايين من الرياض بقينا زي الهبابات في سموم يونيو، والله المستعان...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #8
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 06:01 PM
Parent: #7
5- الجمهور:
جمهور الدرجة الثالثة كان كجمهور هلال مريخ،، ضوضاء وكلام بأصوات عالية ومع بدء الغناء صفقة وصفير وصياح،، ولا أدري هل قطعنا مئات الكيلومترات لنستمع لمحمد الأمين أم سودانيي البحرين؟
هذا غير المشاجرات والعراك.
مسألة الأطفال مذكورة بالتذكرة (ممنوع إسطحاب الأطفال أقل من 12 سنة) ورغم ذلك أحضر أحدهم أطفاله وأصر على دخولهم وهذه كانت موضوع وشكلة أدت لتوقف الغناء لبرهة.
أما الأزياء والملابس رجالية ونسائية فحدث ولا حرج،، سراويل كيس بندقية واخرى لاصقة من نوع سالومباز ما تديك الدرب، والقصير والمحزق خليه ساكت، غايتو نحنا الجايين من الرياض بقينا زي الهبابات في سموم يونيو، والله المستعان...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #9
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 06:05 PM
Parent: #8
6- الخواجات:
كان ضمن الحضور بجوارنا مجموعة تتكون من أكثر من 10 أروبيين حضروا للإستماع للغناء السوداني ولكنهم بكل أسف خرجوا خلال الأغنية الثانية مستائين.....
والله حسينا بإحراج غير عادي وأحبطنا فقد أكتشفوا وبكل أسف أننا شعب همجي....
لا بنعرف ننظم ولا نستمع وحتى قممنا الفنية لا يحسنون التصرف...
وا أسفاي....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #10
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 06:17 PM
Parent: #9
7- فوائد الرحلة:
من فوائد هذه الرحلة أن ألتقيت الأخ إسماعيل أبو شره لأول مرة وقد عرفته من زمن من خلال الصديق المشترك عبداللطيف بكري، وسعدت كثيراً بهذا اللقاء..
كذلك ألتقينا بزميل المنبر بروفيسر المعز عمر بخيت وتبادلنا الأحاديث الشيقة وقتاً مقدراً رغم مشغولياته وكثرة معارفة فكل كلمة ونص ينقطع الحديث للسلام هنا وهناك،، لك التحية بروف.
الفائدة الثانية أنني دخلت السينما بعد أكثر من 30 سنة لآخر مرة دخلت فيها دار سينما وكانت ساعات ممتعة أعادت زكريات زمن الشباب،،،، يا حليلو....
وقبل ذلك شاهدت المنامة لأول مرة ورغم الليل فقد كانت مدينة جميلة ومنظمة والحركة بشوارعها سلسة رغم زحمة الخميس حيث يأتي عدد كبير من السعودية لقضاء هذه الليلة بها...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #6
Title: Re: حفلة ود الأمين بالبحرين – شاهد عيان...
Author: كمال مبارك
Date: 10-06-2012, 05:58 PM
Parent: #3
يا الشايقى ،، دى القاعه حقت المطعم السياحى جوار المتحف
بسبب هذه القاعه فضلت عدم الذهاب ،،، لانها صغيرة جداً
المهم بالله لو ربنا جابك تانى نحن برضو بالخبر يسعدنا تشريفك
بس برضو انا شمتان وفرحان وما طلعت حفلة جميلة لانىكان زعلت من نفسى شديد
وانا رجعت من المنامة ظهر نفس اليوم
تحياتنا
|
Post: #11
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 06:27 PM
Parent: #6
Quote:
يا الشايقى ،، دى القاعه حقت المطعم السياحى جوار المتحف
بسبب هذه القاعه فضلت عدم الذهاب ،،، لانها صغيرة جداً
المهم بالله لو ربنا جابك تانى نحن برضو بالخبر يسعدنا تشريفك
بس برضو انا شمتان وفرحان وما طلعت حفلة جميلة لانىكان زعلت من نفسى شديد
وانا رجعت من المنامة ظهر نفس اليوم
تحياتنا
|
شكراً أخ كمال على المرور
فعلاً القاعة صغيرة جداً ولا تصلح لغير مطعم...
ونظام الصوت كان ردئ جداً.....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #12
Title: Re: حفلة ود الأمين بالبحرين – شاهد عيان...
Author: nazar hussien
Date: 10-06-2012, 06:32 PM
Parent: #11
الشايقي تحياتي
هسي نفاوضك بلا زعل أم بي زعل...يا الشايقي
وبرضو متابعين
|
Post: #14
Title: Re: حفلة ود الأمين بالبحرين – شاهد عيان...
Author: smart_ana2001
Date: 10-06-2012, 06:53 PM
Parent: #12
شكرًا أخونا الشايقي انك نورتنا و ورتنا الحاصل شنو.
ما تتخيل انا من الصباح جيت داخلة البوست و لقيت بوست السقوط إياه. و افتكرتا الأستاذ محمد الأمين حصل ليه ( لا سمح الله) حاجه.
ليه زول يجيب أطفاله حفلة عامة بالليل؟
مره مشيت حفلة لكاظم الساهر في بلاد الفرنجة. يا اخي العرب بيجوا لابسين بدل عديل كده.
|
Post: #16
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-06-2012, 07:36 PM
Parent: #12
مرحب أخي نزار حسين
Quote:
الشايقي تحياتي
هسي نفاوضك بلا زعل أم بي زعل...يا الشايقي
وبرضو متابعين
|
أكيد بلا زعل، وأنا والله ما زعلان في روحي
لكن زعلان للوصلنا ليه....
أحترم فن محمد الأمين وأستمتع به كثيراً ومنذ أن أتي من مدني حاملاً نوته الموسيقية تحت أباطه في زمن لم يكن عازفي الإذاعة والتلفزيون يعرفون قراءة النوتة الموسيقية...
ولكن مأخذي عليه في تعامله في الحفلات سواء مع المنظمين أو الجمهور...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #15
Title: Re: حفلة ود الأمين بالبحرين – شاهد عيان...
Author: عاطف عمر
Date: 10-06-2012, 06:57 PM
Parent: #1
تحيات وتعظيم سلام الشايقي
كالعهد بك
بوست مرتب
تلخيص منصف حصيف
لا مبالغة ولا تقليل
|
Post: #17
Title: Re: حفلة ود الأمين بالبحرين – شاهد عيان...
Author: Kamal Karrar
Date: 10-06-2012, 07:54 PM
Parent: #15
أبو علي سلامات يا أخي...
تعرف أنا كنت مفكر امشي البحرين وقلت نحضر الحفلة..
لكن حبسني شاغل.. فالحمد لله,,
لكن هسع يا حسن وكت أصلك جيت الشرقية.. أكان خطفت رجلك
على الدمام وتقابلنا وتطايبنا مش كان أحسن ليك من الليلة المهببة دي..
تعرف يا أبو علي .. أنا عندي فكرة ما بتعجب الكثير...
إنو الفنانين أصنام يصنعها الناس... وينسوا أن الأصنام..
لا ترد لهم قولا... ده مش نظرة متطرفة لكن حتى الفنان الذي لا يفك الخط
نطلق عليه أستاذ.. ولا نحتفى بالاستاذ فعلا... ده ما معناه أني أقدح في
أبو اللمين أو غيره.. ولكن ..
طبعا المشكلة موضوع البوست من منظم الحفل وكان أبو اللمين
لو أصلا بيهتم بفنه يرفض الغناء... عشان كده الواحد بيحترم
وردي عشان قبل كده فرض على بيوت الأعراس أن تجعل له
مسرحا يتسع لكل أفراد الاوركيسترا
المهم المرة الجاية تعال لينا وجيب معاك أسعد وطارق...
|
Post: #25
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-07-2012, 06:33 PM
Parent: #17
هلا كمال
Quote:
لكن هسع يا حسن وكت أصلك جيت الشرقية.. أكان خطفت رجلك
|
ما كنت جاي برجلي!!!
ووالله الرحلة كانت مفاجأة وسريعة الرياض الخبر المنامة فللي ..... وبالعكس
إنشاء الله في المرات الجاية إن الله مد في العمير
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #18
Title: Re: حفلة ود الأمين بالبحرين – شاهد عيان...
Author: nazar hussien
Date: 10-06-2012, 07:54 PM
Parent: #15
| Quote: ولكن مأخذي عليه في تعامله في الحفلات سواء مع المنظمين أو الجمهور... |
يا هلا بالشايقي
إذا مأحذك دا عام,,,فليس لدي عليه تعليق ويمكن أن أستنطق
محمد الأمين للرد عليك فهو لا يزال بيننا...
أما اذا كان خاصا بالحفلة التي كنت أنت وعبداللطيف
شاهدي عيان فيها...وعينكم لي أنا في المسرح...
يبقي نحن جزء من المنظمين وجزء من الجمهور وليس لدينا
مآآآآخذ عليه....فقد غني...كمحمد الامين الذي يغني ويبدع
في كل مكان يا الشايقي....لا فرق...ولا طلع برة السلم
|
Post: #19
Title: Re: حفلة ود الأمين بالبحرين – شاهد عيان...
Author: طارق ميرغني
Date: 10-06-2012, 09:12 PM
Parent: #18
شنو يا الشايقي
كمان جابت ليها محمد الامين وبحرين وشنو ما عارف
ما عارف اخوك من احباب ابو اللمين
تستاهل انت وعبد اللطيف بكري اكان تضربوا السمك بالنهار وابو اللمين بالليل
ما نزلت لينا تسجيل من الحفل ليه؟؟؟
تحياتي لاخي كمال ....... الشايقي ما حاسد ما بكلمنا بي ملمات زي دي
|
Post: #21
Title: Re: حفلة ود الأمين بالبحرين – شاهد عيان...
Author: عبد اللطيف بكري أحمد
Date: 10-06-2012, 10:45 PM
Parent: #19
Quote: تستاهل انت وعبد اللطيف بكري اكان تضربوا السمك بالنهار وابو اللمين بالليل
ما نزلت لينا تسجيل من الحفل ليه؟؟؟
تحياتي لاخي كمال ....... الشايقي ما حاسد ما بكلمنا بي ملمات زي دي |
هههههههه
ليه كدا الشماتة ياهندسة ياخ ؟؟؟
والله هذا ثاني حفل في حياتي بتذاكر احضره في حياتي
الأول كان قبل اثنين عشرين سنة لكابلي في قصر الشباب والأطفال
والثاني في الالفية التالته وللعملاق محمد اللمين
كان الاول قمة في التنظيم والرقي والتقنية الرائعة في الصوت والاضاءة والتكييف والنغم الواضح الجميل
الثاني كان رديئاً بكل ماتحمله الكلمة لماتوقعنا من جماليات العرض في بلد منفتح على كل جديد فتوقعنا الاخراج المميز والكواليتي التي تمنينا ان نستمع فيها لهذا الصوت المصون!!
والله إني لأقسم إن كان المؤدي اي صوت غيره لما تبين لنا شيء من الاغنيتين التين جلسنا على مضد للاستماع لهما،،
حتى كلمات المقدم والسفير والبحريني ضاعت هباءاً في الفضاء
اليوم فقط تأكدت ان الشايقي دا فعلاً حاسد والا لما فشلت مهمتنا ،،
السمك بنعوضو ليك لكن الحسرة دي البعوضنا ليها منو؟؟ ووين تاني في الزمن القريب دا نحظى بأبو اللمين يغني كما تمنينا ان يتحفنا ؟؟؟
|
Post: #22
Title: Re: حفلة ود الأمين بالبحرين – شاهد عيان...
Author: محمد أبوالعزائم أبوالريش
Date: 10-07-2012, 05:58 AM
Parent: #21
سلام يا أهلنا .....
شايف في بوست تاني عن فشل الحفلة لسة ما دخلتو ...
لكن ما يُفهم من الكلام، إنو الفشل كان في التنظيم (إختيار القاعة .. مسرح ضيق .. تنظيم الجلوس ... خلل في الحجز .... إلخ.)
إذاً محمد الأمين وفنه لا يزالا بخير.
|
Post: #23
Title: Re: حفلة ود الأمين بالبحرين – شاهد عيان...
Author: وليد عبد اللطيف
Date: 10-07-2012, 09:34 AM
Parent: #22
دائما لانهتم بالتجويد في اعمالنا ...
حتى ابو الامين غلطان كيف يمشي حفل في مكان لايتسع لجمهوره
يظهر وصله احساس بان ليس له قيمه بعد الان لذلك ارتضى بهذا الوضع
| Quote: إذاً محمد الأمين وفنه لا يزالا بخير |
ليس بخير يا ابو العزائم لان الامبراطور وردي ما كان برضى بهذه المهازل
ياخي في الحله وسط الاحياء كان اذا ما جابوا له مسرح ( قاطره ترلا ) ماكان بطلع يغني
هذا هو الفرق بين العملاقين وردي وابو الامين
|
Post: #24
Title: Re: حفلة ود الأمين بالبحرين – شاهد عيان...
Author: Al-Shaygi
Date: 10-07-2012, 09:38 AM
Parent: #15
Quote:
تحيات وتعظيم سلام الشايقي
كالعهد بك
بوست مرتب
تلخيص منصف حصيف
لا مبالغة ولا تقليل
|
شكرأ أخي عاطف على المداخلة
وكما ذكرت سابقاً أحترم فن محمدالأمين وأعشقه منذ عقود
ولكن مأخذي على سلوكه الشخصي أمام جمهوره
مثلاً عملية طرد قناة النيل الأزرق بعد أن تم الإتفال في اليوم السابق بمنزل السفير على أن تحضر وتسجل الحفل والإتفاق لاحقاً حول إذاعة الحفل، كما علمت من أخ كريم أثق في روايته، حضر الإتفاق أو نقل له لست متأكد من هذه النقطة...
(كان ممكن يخليهم يصوروا ويلبد ليهم لو ذاعوا التسجيل يقاضيهم ويتمنى التعويض الدايرو،،، بس تقول شنو ما عندو مستشارين؟؟؟؟)))
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #26
Title: Re: حفلة ود الأمين بالبحرين – شاهد عيان...
Author: nazar hussien
Date: 10-07-2012, 07:01 PM
Parent: #24
كنت حاضرا مع زوجتي للحفل ولدي تسجيل كااااامل ...وكلما أقرأ قدحا
ما أرجع إلي الشريط...وألقاه بكل بساطة ما موجود..
حبيبنا عبداللطيف بكري....من الشريط برضو لقيت نفسي
صورت كل القاعة...وهي حسب قناعتنا نحن في البحرين..
تتسع لهذا الحفل وأكثر...من واقع تجارب سابقة
كنت طرفا فيها...وصديقنا الموصلي يمكنه أن يوضح لكم
كطرف محايد ما أعنيه هنا...
أتفق معكم بأنه كانت هناك مشكلة في الصوت في البداية ولكنها ليست
بالمشكلة التي يمكن أن تؤثر علي الحفل بدليل أن ود الامين
أكمله الي الآخر...وكنت قريبا بعض العازفين القريبين من بتاع الساوند: كل
يشير الي بتاع الساوند وهو سوداني بأن يزيد صوت الكمان
زيد صوت الباص....نقص الباص من المايك وهكذا الي ان وصلنا
الي الصوت المقبول...
موضوع الاتفاق مع قناة النيل الأزرق من عدمه أفتي فيه الرجل
المسئول من الفرقة وهو لا يزال مع محمد الامين هنا..بان
قناة النيل الأزرق لم تتفق مع محمد الأمين ولديه تجربة
قريبة جدا معهم...
موضوع عدم إصطحاب الاطفال أمر خاص ومطبوع بالتذاكر
وإرسل لنا في رسائل عبر الهاتف ولا علاقة لمحمد الأمين به
يا الشايقي وعبداللطيف....والله شخصيا أكثر حزني أنكم
حضرتم الي البحرين ورجعتم دون أن نتعرف عليكما...
وكان يمكن أن ننقل ملاحظاتكم مباشرة للمنصة...
يا جماعة نحن فضل لينا محمد أمين واااااااحد
لكل الغناء السوداني
فالرجل سيرته هنا علي كل لسان....برغم سماعهم له أول مرة
|
|