Post: #1
Title: الطيبون أولا --- أحمد الطيب فات قدامنا
Author: أبوذر بابكر
Date: 10-05-2012, 06:42 PM
Parent: #0
عشان الطيبين دائما بمشو قبل الناس
ربنا بختارهم ويصطفيهم يكونو هناك معاه
مع الناس البحبهم
الليلة انضم ليهم سيدناأحمد الطيب عبد المكرم
الأديب والحبيب
الزول الفعلا وقولا طيب
محيط بكل شئون الكتابة
وكل أمور الحبر والقراطيس المليانة بطيب ونفح الكلام
أحمد عبد المكرم
كان لى الشرف والفخر والفرح
انه كان اول زول ينشر لى نص شعرى فى الصحف والإعلام العام
ايام ما كان مشرف على الملحق الثقافى فى جريدة الخرطوم
وكان لى الفخر أعرف زول بطيبة ونقاء وسماحة عبد المكرم
يا زول ودعناك الله
شايفك استعجلت المشى
كلنا ليها
وكل أول ليه آخر
ما فضل شى بعد محبتنا ليك
غير نسال الخالق العظيم
يديك بقدر ما كنت بتدى الناس
ويحبك اكتر مما كنت بتحب الناس
يا زول يا طيب
|
Post: #2
Title: Re: الطيبون أولا --- أحمد الطيب فات قدامنا
Author: سلمى الشيخ سلامة
Date: 10-05-2012, 06:53 PM
Parent: #1
اللهم ارحم احمد الطيب واسكنه فسيح جناتك
ارحم من علمنا معنى الانسانية والمحبة فى الله
يا الهى رحمتك بعبدك الفقير احمد الطيب
الذى وسعته قلوبنا محبة
ووسع قلبه لمحبتنا
|
Post: #3
Title: Re: الطيبون أولا --- أحمد الطيب فات قدامنا
Author: الزاكى عبد الحميد
Date: 10-06-2012, 04:02 AM
Parent: #2
اللهم أرحمه رحمة واسعة والهم آله
وذويه الصبر والسلوان..
فقد جلل..
"إنا لله وإنا إليه راجعون"
|
Post: #4
Title: Re: الطيبون أولا --- أحمد الطيب فات قدامنا
Author: أبوذر بابكر
Date: 10-06-2012, 08:04 AM
Parent: #3
تعرفى يا سلمى
غالبا أى زول اسمه الطيب
بكون فعلا طيب
وأنا ما لقيت زول اسمه بنطبق معناه على سيده
اكتر واشد من أحمد الطيب
أكيد حيمشى مكان احسن وافضل من الدنيا البقت مسيخة وجائرة
القبح وعدم المعنى مسيطرين على واقع الناس
عشان كده الزى أحمد ما بطيقو يقعدو كتير
|
|