Post: #1 Title: مفهوم الرومانسية عند المرأة السودانية - الحب الصامت Author: يحي قباني Date: 10-03-2012, 10:53 PM
لفيت كتير في الدنيا دى ... هند و سند و زنج و شام وحام وسام ...
لم اصادف و لو بالغلط ... مفهوم للرومانسية كما تفهمه المرأه السودانية ...
كترت بوستات الحب والزواج ... شي موريتانيا ...شي المغرب ... وشي ابدي وما ابدى ... وشي زواج الخواجة في حرب مضادة ...
لماذا يتطلع الرجل السوداني و يبحث عن المختلف ...
في اعتقادي الجازم ان المشكلة تقع في مجملها علي مفهوم المرأه السودانية عن الرومانسية ...
لو جينا لي بوست عرس الخواجة الافترعته اختنا حليمة 2 ... " كيتاً " في اصحاب بوستات الزواج الاخري كما قالت ...
نجد ان كل ما تحدثن عنه بنات حواء " قبال ما اصحي الخواجة جابلي الفطور ..."
وقبال ما انوم قال دايره حاجة يا عسل ..."
و الخواحة قبال ما يكب الاكل لي نفسه يكب ليك اول !!! "( انا والله كنت قايل الاكل بيقدموهو ما بيكبوهو !!! ولا شنو )
طيب هو ده الفرق بين الرجل السوداني و بقية رجال اوروبا و امريكا ؟؟؟
قبال مقارنة الرجل السوداني " المتخلف علي حسب مفهومكم " كدى نشوف انتو سويتو شنو عشان تلقو المعاملة الراقية و الحب المتبادل ؟؟
Post: #2 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-03-2012, 11:05 PM Parent: #1
المرأه السودانية ... مؤدبة ... ولا يختلف احد علي ذلك ....
ولكنه ادب يصل حد الصمت ....!!! اهلها علموها انو الدلع و الغنج و الدلال انها تكون ساكتة ....كاضمة ...
تكون خاطب ....انسانة رقيقة وانت بتحبها .... و ماشي في طريق الارتباط ....
تجي تحاول تشاغلها ... تعاين بعيد وتتلفت للجهة التانية ... لا كلمة لا نظره ... قال ده الخجل !!!
تمد يدك تقول تمسك يدها ... داير تحس بي نبضها و تحس بي نبضك ... بالله تدفرك ... زى الفيك جرب ...
وكانه حاسة اللمس دى اتعملت عشان تعرف الحلة حارة ولا كباية الشاي مولعة !!!
ولو اتجرأت داير قبله في الحلال ... تصارعك بالله تكسر فيك ضلع ...
وبعد المعاناة والمصارعة ... قبلتك لو نجحت تقع في اضانها ...او جنب عينها الشمال .... تقوم بي صرّة وش ...معاها قال ابتسامة مخفية ...
تقول ليك : حسي استفدت شنو ؟؟؟؟
استفدت شنو ؟؟؟ بالله ده كلام ده يا ناس ؟؟؟ ...
Post: #3 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-03-2012, 11:21 PM Parent: #2
Quote: نجد ان كل ما تحدثن عنه بنات حواء " قبال ما اصحي الخواجة جابلي الفطور ..." وقبال ما انوم قال دايره حاجة يا عسل ..." و الخواحة قبال ما يكب الاكل لي نفسه يكب ليك اول !!! "( انا والله كنت قايل الاكل بيقدموهو ما بيكبوهو !!! ولا شنو ) طيب هو ده الفرق بين الرجل السوداني و بقية رجال اوروبا و امريكا ؟؟؟
شفتا???...عشان كده قلوا على الخواجه انه احسن منكم... You couldn’t even understand what they are asking for!!!!! They want you guys to CARE. الفكرة ما فى الاكل و الطبيخ او الشغل
بعدين انت خاطب بس...ما من حقك تمسك ايدها او غيره. كويس انها طنشتك بس...مفروض كان تفسخ خطوبتها منك
Post: #4 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 00:12 AM Parent: #3
يا عزيزتي ... ال CARE ده مش لازم يكون متبادل ؟
يعني بداية بوستكم كان كلو خدمات .؟؟؟ لا اتكلمتو علي لمسة حنان لا لمسة وداد لا رمشة طريف ...
بس بقيت انا الما فهمت المقصود ؟؟؟ يعني انا اخترعت قصة كب لي الاكل ... وصحاني بالفطور ... وغير البامبرز للشفع ؟؟؟ ما ده كلام البوست يا عزيزتي ...
ياخي الاحاسيس لازم تكون متبادله ... لازم يكون في شي يجيب شي ... يعني انا لو بقيت قيس بن الملوّح وقدامي تمثال صامت ... حأعمل شنو ؟؟؟
اها قصة ما من حقي امسك يدها وانا خاطب بس ... خواجاكم ده يا ربي ... بيكون عامل شنو ؟؟؟ انتي عايشة في امريكا " اعتقد " وعارفة القصة كيف من اولها لاخرها ...
مش اخير مسكة اليد البريئة ؟؟؟؟
قال حسي استفدته شنو ...
بالله ده كلام ياخوانا ...!!!
Post: #5 Title: Re: مفهوم الرومانسية عند المرأة السودانية - الحب الصامت Author: محمد المرتضى حامد Date: 10-04-2012, 04:10 AM Parent: #4
Quote: و الخواحة قبال ما يكب الاكل لي نفسه يكب ليك اول !!!
تستاهلوا يا قبه ، وهل (يكب) الرجال في النار على وجوههم إلا حصائد ألسنتهم ، يللا تاني غنوا ليهن (كلمتي المست غرورك) و (كانت ذراعاك لرأسي مرقدا و.. إلخ) ديل ناس بيعشقوا الكُمَش والحِلَل والكب و(الكبابي) .. دايرنك تبقى كبكبابه ثم تدلى في ام روابه..
-
بالله قالت تفضله لأنه ب (يكب) الأكل؟؟
Post: #6 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 04:36 AM Parent: #5
Quote: تستاهلوا يا قبه ، وهل (يكب) الرجال في النار على وجوههم إلا حصائد ألسنتهم ، يللا تاني غنوا ليهن (كلمتي المست غرورك) و (كانت ذراعاك لرأسي مرقدا و.. إلخ) ديل ناس بيعشقوا الكُمَش والحِلَل والكب و(الكبابي) .. دايرنك تبقى كبكبابه ثم تدلى في ام روابه.. -
بالله قالت تفضله لأنه ب (يكب) الأكل؟؟
يا سعادة المستشار ... جيتني وانا محتاج ليك والله ...
عارف ... من شدة ادب الرجل السوداني " البيصل حد العوارة مرات " ... انو مافينا من قالها بصراحة ...
كل واحد شايل لوح تلجه في ضهره وماشي ... وريقه ناشف ...
يا رجل ... الكلام في الجنس بين الرجل وزوجته ... عندنا اسمه كلام قلة الأدب ...!!! تخيل ...
لا وجارين لغااااية الخواجات ... طيب ما نشوف اهلنا الشوام مثلاً ...
الواحدة تقوليك " اقبرني بس خد مني هاي " ...
ولا تقوليك ... شو بدك اطعميك اليوم ع الغدا ....
عليك الله الجملتين ديل قولهم لي بي خشم واحده من جماعتنا ...
والله مش تكب ليها الاكل ... تكبه و تقول يابو مروّه ...
قال انت ما من حقك تلمس يدها ... اها انا يدي لميتها علي ... انتو خواجاكم ده البيوقفو شنو ؟؟؟؟ ...
Post: #7 Title: Re: مفهوم الرومانسية عند المرأة السودانية - الحب الصامت Author: مازن فيصل هلال Date: 10-04-2012, 04:50 AM Parent: #6
اردم يا قباني .. أردم** ... حليمة و أخواتها
----------------------- ** الحقوق الادبية محفوظة يا ود الباوقة
Post: #8 Title: Re: مفهوم الرومانسية عند المرأة السودانية - الحب الصامت Author: منال Date: 10-04-2012, 05:43 AM Parent: #7
قبال مقارنة الرجل السوداني \" المتخلف علي حسب مفهومكم \" كدى نشوف انتو سويتو شنو عشان تلقو المعاملة الراقية و الحب المتبادل ؟؟
************************************
عملو شنو ؟؟
عايزاهو يغسل ليها العدة ويمسك الشفع ويطبخ وكمان يكب ليها قبل مايكب لي نفسو !!
وبعداك يجى يقوليها بحبك ,,,
عموما السودانيات يفتقدن للرومانسية ويملن للحدة فى التعامل مع ازواجهم
والرجل السودانى مظلوم فى الحتة دى ,,
Post: #9 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 06:22 AM Parent: #8
Quote: , اردم يا قباني .. أردم** ... حليمة و أخواتها
----------------------- ** الحقوق الادبية محفوظة يا ود الباوقة
والله يا ود هلال كنت هدي ورضي ... لكن لقيت قصة الخواجة
والموضوع استفزاني شديد ... يعني راضين بالهم و الهم كمان طلع ما راضي بينا
....
وقال شنو ... يكب لي الأكل بالأول ؟؟؟
طبعا ما ياها حلة المفروكة ؟؟؟ يعني حيكب ليها سموكد سالمون ؟؟؟
Post: #10 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 06:32 AM Parent: #9
Quote: ************************************
عملو شنو ؟؟
عايزاهو يغسل ليها العدة ويمسك الشفع ويطبخ وكمان يكب ليها قبل مايكب لي نفسو !!
وبعداك يجى يقوليها بحبك ,,,
عموما السودانيات يفتقدن للرومانسية ويملن للحدة فى التعامل مع ازواجهم
والرجل السودانى مظلوم فى الحتة دى ,,
منال ... سلمت اناملك ياخي ...
بس لو تصدقيني الرجل السوداني ما مظلوم في الحتة دي بس ..في حاجات تانية كتييييرة ...
بس ممكون و صابر لانه مهذب وعوير كمان ...
Post: #11 Title: Re: مفهوم الرومانسية عند المرأة السودانية - الحب الصامت Author: أزهري عبد الرحمن Date: 10-04-2012, 06:37 AM Parent: #7
كما قيل : إن أساس العلاقة الزوجية بين الرجل والمرأة هي علاقة المودة والرحمة كما بينها الله سبحانه وتعالى ـ في كتابه العزيز في قوله تعالى: {وَجَعَلَ بَيْنَكُمْ مَوَدَّةً وَرَحْمَةً} والمودة والرحمة هي علاقة مزدوجة بين العلاقة العاطفية والارتباط الفطري بالحب من جهة وعلاقة الجسد من جانب آخر. وبما ان العلاقة العاطفية ركن العلاقة الزوجية الأول، ولما له أثر كبير في استمرار هذه الحياة، فضلاً عن الاستمتاع بالحياة واثرها في السعادة الزوجية كان يجب أن نعرف كيف يحب الرجال والنساء. وبما ان الذكر غير الأنثى كما بين سبحانه في قوله تعالى: {وَلَيْسَ الذَّكَرُ كَالأنْثَى} فالذكر غير الأنثى في كل شيء سواء كان هذا الفرق فسيولوجيًا (المكونات الجسدية) أو( سيكولوجيًا نفسيًا). الصفات النفسية للمرأة والرجل لها علاقة بالزواج: هناك من يشبه بعض الجوانب النفسية للمرأة بأمواج البحر، حيث تتراوح عواطفها ومشاعرها بالارتفاع الشديد عندما تكون مسرورة مبتهجة، لتعود مشاعرها بالانخفاض عندما تنزعج، وتضعف ثقتها بنفسها، وما تلبث مشاعرها أن ترتفع من جديد، وهكذا كأمواج البحر المتقلبة. ـ وعندما ترتفع مشاعر المرأة وتعظم ثقتها بنفسها، فإنها تكون مصدرًا لا ينضب للحب والتضحية والعطف والحنان للآخرين وخاصة زوجها، ولكن عندما تنخفض أمواجها وتشعر ببعض الاكتئاب، فإنها تحس بفراغ كبير في داخلها، وبأنها تحتاج إلى الحب والرعاية من قبل الآخرين، وخاصة زوجها. وهناك من يشبه انخفاض مشاعر المرأة وعواطفها وكأنها تنزل في بئر أو جُب عميق مظلم، وما تلبث المرأة بعد أن تصل إلى قاع البئر، وخاصة إذا شعرت أن هناك من يحبها ويتمناها، أن تبدأ رحلة الصعود للخروج من هذا البئر وتعود كما كانت نبعًا معطاءً من الحب والرعاية لمن حولها وخاصة زوجها. وبناءً على ما سبق فكيف يتكيف الرجل مع تقلب أمواج المرأة؟ ـ إن الحياة مليئة بالمتغيرات الكثيرة وخصوصًا العلاقة الزوجية، ويجب أن يفهم الرجل أن تبدل مشاعر المرأة على هذا النحو من الارتفاع والانخفاض، ونزولها إلى البئر وصعودها منه، ليس من تصرفاتها، بل هو سجية وخلقة خلقها الله عليها، ويجب أن يتعامل معها كما هي. إذن من الأخطاء التي يمكن أن يقع فيها الرجل أن يمنع زوجته من تقلبات المشاعر والمزاج، أو أن يحاول أن يخرجها من ذلك البئر العميق. بل المرأة عندما تنزل إلى ذلك البئر فإنها لا تحتاج إلى من يخرجها منه، وإنما تحتاج أن تشعر بأن زوجها بجانبها يحبها ويرعاها، وتحتاج أن تسمع منه كلمات الرعاية والعناية وأن تحسن بدفء الحب ولطف المعاملة. إذن فالنزول إلى البئر هو أمر طبيعي كتبدل حالة الطقس والموج، وهي فرصة للرجل أن يقف بجوار امرأته ويظهر لها الدعم والتأييد والمحبة والمشاعر والفياضة تجاهها. ـ إن من الصفات النفسية للرجل عمومًا أنه عندما ينزعج فإنه لا يتكلم أبدًا عما يشغل باله، وبدلاً من أن يدخل أحدًا في مشكلاته فإنه يلزم الصمت ويعتزل الناس في 'الكهف' ليفكر في حل مناسب لهذه المشكلات، وعندما يجد الحل فإنه يخرج من عزلته ومن الكهف وهو أكثر سعادة وبهجة. وإذا لم يعثر على الحلول المناسبة، فإنه يحاول أن يقوم ببعض الأعمال التي يمكن أن تنسيه مؤقتًا هذه المشكلات، كقراءة صحيفة أو اللعب أو غير ذلك. وعلى المرأة أن تفهم أن أي ابتعاد للرجل عنها ليس دليلاً على عدم الحب والرعاية، بل يمكن أن يكون أمرًا آخر. وكما ذكرنا أن المرأة في الحب والعاطفة كموج البحر، كذلك فإن الرجل في علاقته مع المرأة أمر آخر، فهو يقترب جدًا من المرأة ثم يبتعد بلا سبب، ثم يقترب مرة أخرى. قد تفاجأ المرأة عادة عندما تلاحظ أن زوجها يبتعد قليلاً رغم قناعتها بمحبته وتقديره لها، والذي يجب أن تعلمه المرأة أن الرجل لا يقرر ذلك عمدًا وعن تخطيط، وإنما هي صفة تلازمه، وإنما هي جبلة خلقه الله عليها. وعلى الجميع أن يتذكر أن حب الرجل كالقمر يذهب ويأتي وأن حب المرأة كموج البحر صعودًا وهبوطًا، وأن المرأة تنزل إلى البئر وأن الرجل عندما تواجهه المشاكل يدخل إلى الكهف، وأن هذه أمور خلق الله الذكر والأنثى عليها ولا سبيل إلى تغييرها بل لا بد من التعامل معها كما هي. الحاجات العاطفية للرجل والمرأة: لابد أن يعرف الرجل والمرأة أن الحاجات العاطفية لكل منهما تختلف عن لابد أن يعرف الرجل والمرأة أن الحاجات العاطفية لكل منهما تختلف عن الآخر، فمن الخطأ أن يقدم الرجل الحب والعاطفة للمرأة على الطريقة التي يفضلها هو لا على الطريقة التي تفضلها هي أو العكس. فلكل منهما طريقته الخاصة. فالرجل مثلاً يحتاج إلى الحب الذي يحمل معه الثقة به وقبوله كما هو، والحب الذي يعبر عن تقدير جهوده وما يقدمه. بينما تحتاج المرأة إلى الحب يحمل معه رعايتها وأنه يستمع إليها، وأن مشاعرها تفهم وتقدر وتحترم. ويمكن أن نذكر تلك الحاجات فيما يلي: 1ـ ثقة المرأة بالرجل ـ رعاية الرجل للمرأة: ـ عندما تثق المرأة في قدرة زوجها، فإنه يصبح أكثر رغبة في رعايتها وخدمتها. وكذلك عندما يقوم الرجل برعاية زوجته فإنها تصبح أكثر قدرة على الثقة العميقة به وبإمكاناته. 2ـ قبول المرأة للرجل ـ تفهم الرجل للمرأة: يحتاج الرجل أن يشعر بأن زوجته تتقبله كما هو، دون أن تحاول تغييره، وتترك له أمر تحسين نفسه إذا احتاج لذلك. ـ وتحتاج المرأة أن تشعر بأن زوجها يستمع إليها ويفهمها، ويصغي إليها وإلى مشاعرها وعواطفها، وهناك دورة لكل من قبول المرأة للرجل وتفهم الرجل للمرأة، فكلما تقبلت المرأة زوجها، كلما كان أقدر على الاستماع إليها وتفهمها، وكلما استمع إليها أكثر، كلما زاد تقبلها له .. وهكذا. 3ـ تقدير المرأة للرجل ـ احترام الرجل للمرأة: ـ يحتاج الرجل أن يشعر أن زوجته تقدر ما يبذله من أجلها وما يقدمه لإسعادها. ـ بينما تحتاج المرأة أن تدرك أن زوجها يحترمها عندما يعطي أهمية أولى لمشاعرها وحاجاتها ورغباتها وأمانيها وذلك من خلال تذكر المناسبات الهامة لها، القيام بالأعمال المادية التي تظهر اهتمامه بها كالهدية أو باقة الورد. 4ـ إعجاب المرأة بالرجل ـ تفاني الرجل للمرأة: يحتاج الرجل إلى الشعور بأن زوجته معجبة به، وعندما يشعر الرجل بإعجاب زوجته به، فإن هذا يدفعه للتفاني أكثر في خدمتها ورعايتها. بينما تحتاج المرأة للشعور بأن زوجها يتفانى في خدمتها ويسخر نفسه لرعايتها، وحمايتها، وسيزداد إعجاب المرأة بزوجها عندما تشعر بأنها رقم واحد في حياته. 5ـ تشجيع المرأة للرجل ـ طمأنة الرجل للمرأة: ـ يحتاج الرجل إلى تشجيع المرأة، وهذا التشجيع يعطي الدافع القوي ..للرجل ـ طمأنة الرجل للمرأة: ـ يحتاج الرجل إلى تشجيع المرأة، وهذا التشجيع يعطي الدافع القوي للبذل والعطاء أكثر. ـ بينما تحتاج المرأة إلى استمرار طمأنة الرجل لها، ويكون ذلك من خلال إظهار رعايته وتفهمه واحترامه لها، وإقراره لمشاعرها وتفانيه في حبها ورعايتها كيف تحسب النقاط عند الجنسين؟ من المهم أن يفهم كل من الرجل والمرأة كيف يحسب كل منهما النقاط للآخر، فالرجل عادة يتصور أنه سيحقق نقاطًا أكثر ويزداد تقدير شريكة حياته له إذا قدم لها شيئًا كبيرًا، كأن يشتري لها سوارًا من ذهب أو يوفر مصروفات المدرسة لأبنائه. والمرأة تحسب النقاط على نحو مختلف، إذ لا أهمية لديها لحجم هدايا الحب، فكل هدية تساوي نقطة واحة، فالطريقة التي تحسب بها المرأة النقاط ليست مجرد عملية تفضيلية ولكنها احتياج حقيقي لكي تشعر بالحب في علاقتها. إذن لا شيء أهم من المشاعر بالنسبة للمرأة، وأي رجل يريد إسعاد زوجته، يجب أن يعرف كيف يدير مشاعرها. والرجل الذي يهين زوجته أمام الناس أو أمام أهله وأولادها، فهو حقيقة رجل بلا شعور. (منقول)
Post: #12 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 08:28 AM Parent: #11
أخوي أزهري
والله ما عرفت اقتبس شنو من كلامك لكن علي أي حال كتر خيرك ....
ولو انو ما عرفتك شايت علي وين ...
Post: #13 Title: Re: مفهوم الرومانسية عند المرأة السودانية - الحب الصامت Author: د.يوسف محمد طاهر Date: 10-04-2012, 09:18 AM Parent: #12
سلام يحي قباني وضيوفك الكرام لا عيب في الرجل السوادني ولا المرأة السودانية اللهم إلا العولمة التي نزلت علينا ..... قاتلها الله وهل شكى أهلونا الأوائل من شيء كما ورد في تراثنا ؟ !!!!
Post: #14 Title: Re: مفهوم الرومانسية عند المرأة السودانية - الحب الصامت Author: مهيرة Date: 10-04-2012, 12:36 PM Parent: #13
سلام ياقبانى اخوى
مفهوم الرومانسية عند المرأة السودانية ليس هو الحب الصامت كما ذكرت فى العنوان
رغم أن التعبير عن الرومانسية والحب عند المرأة السودانية مختلف وذلك ناتج عن اختلاف أساليب التربية وتنشئة الاطفال بين الشعوب المختلفة ، واختلاف طرق المعيشة كذلك
يعنى الشاب والفتاة السودانية لن يغيرا المفاهيم التى تربيا عليها يوم وليلة ولكن ذلك سوف يحدث بمرور الأيام وبسبب تيار العولمة الكاسح الآن كما ذكر لك أخى دكتور يوسف أعلاه
Quote: سلام يحي قباني وضيوفك الكرام لا عيب في الرجل السوادني ولا المرأة السودانية اللهم إلا العولمة التي نزلت علينا ..... قاتلها الله وهل شكى أهلونا الأوائل من شيء كما ورد في تراثنا ؟ !!!!
وذلك لا يعنى أن أهلنا لم يعيشوا الحب والرومانسية، عليك الله شوف المعانى الجميلة التى ذكرها الشاعر لزوجته وصاغها شعرا يغنى ويؤكد أن أهلنا كانوا رومانسيين ولكن بطريقتهم الخاصة
Post: #15 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 01:55 PM Parent: #14
Quote: سلام يحي قباني وضيوفك الكرام لا عيب في الرجل السوادني ولا المرأة السودانية اللهم إلا العولمة التي نزلت علينا ..... قاتلها الله وهل شكى أهلونا الأوائل من شيء كما ورد في تراثنا ؟ !!!!
والله يا دكتور العولمة لو كانت هي المحرك ... لكانت المرآه السودانية عدلت من أسلوبها الصامت
المتوارث بحرص من أمها و حبوبتها و تفاعلت مع الرجل الذي رأي كيف يمكن أن تكون المرآه وفي حدود اللياقة و الأدب
حتي بائعات الهوي في السودان ... الواحدة مارقه من بيتهم عارفه هي ماشه وين وتعمل شنو
برضه تلقاها كاضمه ...!!!! وتشاكل ؟؟؟ يعني نظام انا مؤدبه بس ظروفي الخلتني اعمل كده ؟؟؟
يعني حتي المهنة دى زاتها ما عارفات يدوها حقها .... ومافي أي سيرة لانها عندها رغبات دايره تشبعها ...
أما شكوى الأولين ... والله لو كان في إنترنت كانو ملو سيرفرات و سيرفرات
انت قائل الواحد منهم العصريات ديك بلف عمته و بيمرق بيمشي وين؟؟ ما بظن كلهم بيمشو المساجد
Post: #16 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 02:40 PM Parent: #15
Quote: وذلك لا يعنى أن أهلنا لم يعيشوا الحب والرومانسية، عليك الله شوف المعانى الجميلة التى ذكرها الشاعر لزوجته وصاغها شعرا يغنى ويؤكد أن أهلنا كانوا رومانسيين ولكن بطريقتهم الخاصة
المهيرة يا زينة بنات بلدى ...
اسمحي لي يا أميرة ... لاحق لي مواعيد ... وبرجع عندي ليك كلام كتير ....
Post: #17 Title: Re: مفهوم الرومانسية عند المرأة السودانية - الحب الصامت Author: rummana Date: 10-04-2012, 03:04 PM Parent: #16
Quote: ديل ناس بيعشقوا الكُمَش والحِلَل والكب و(الكبابي) .. دايرنك تبقى كبكبابه ثم تدلى في ام روابه.. - بالله قالت تفضله لأنه ب (يكب) الأكل؟؟
الأستاذ محمد المرتضى.. غايتو نحن السودانيات ما سمعنا أهلنا آلاف المرات بيقولوا لينا (يا بنات "قدموا" الغدا للرجال!) الكلمة المستعملة هي كبوا ..
Post: #18 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 10:42 PM Parent: #17
Quote: مفهوم الرومانسية عند المرأة السودانية ليس هو الحب الصامت كما ذكرت فى العنوان
هلا بالمهيرة ...
طيب ما وريتينا شنو المفهوم ...او شنو البتعمله المرأه السودانية غير موضوع الصمت الانا قلته لتعيش مع حبيبها او زجها حالة الرومانسية ...؟
Quote: وذلك لا يعنى أن أهلنا لم يعيشوا الحب والرومانسية، عليك الله شوف المعانى الجميلة التى ذكرها الشاعر لزوجته وصاغها شعرا يغنى ويؤكد أن أهلنا كانوا رومانسيين ولكن بطريقتهم الخاصة
بالنسبة لأهلنا ... والرومانسية الفي الشعر ,,, صديقيني ... معظم الأشعار مبنية علي الحرمان ...
عبدالرحمن الريّح جابو واحد من اولاد الموردة يا عطا كوكو يا محمود عبدالكريم ما بتذكر عشان عاجباهو واحده في الحلة ... لا قادر يكلمها لا قادر يقابلها ...
وطلب منو يكتب ليه كلام ... وعبدالرحمن الريح وصف ليهو حالته لما قال ...
يا من محاسنك بي قلوب العاشقين مستفردة خليتني أشكو من الغرام واقول حقائق مفردة أقول حبيبي عمل عدوي خلاني للأذي والردي ماعندى مانع حتى لو ضيعني ساكن "الموردة"
أنا بيك سعادتي مؤكدة وبلاك حياتي منكده حرام عليك ياجميل مابصح ليك تعمل كدا
شوفي براك يا المهيرة ... اول شي خلتو يشكي من الغرام ... ومافي زول بيشكي من الغرام لو حبيبو بيبادلو الحب والهيام ... جا راجع وقال حبيبي عمل عدوي ... يعني نفس الفقاره ... والحدة ... وبعد ده حياته بلاها منكده ...
سيد عبد العزيز قال: يا من تسر رؤياك تفرح تنسى النوح تكسو النهار بجمال خديك جمال ووضوح منو الغزالة تقف فى موقف المفضوح من الوله للقاك دمعى العزيز مسفوح ناقم على الأيام مع أنه طبعى صفوح انا والخيال فى جدال وانت بنداك منفوح
يا أنة المجروح ...
اها عايني يا مهيرة ... يا من تسر رؤياك ... ورجع قال من الوله للقاك .... يعني ما بيشوفها تب ... وصيف من بعيد لبعيد .... اها وين الرومانسية " المتبادله " ...
نجي لي عمك ودالرضي لما قال : عطفكم يا من ألمونى كالأشعة الاسهم رمونى الأنين والنوح علمونى لومعنعن قول ... كلمونى
احرموني ولا تحرموني ....
حرمان و انين و نوح ...
رأيك شنو يالمهيرة ...اها اغنيتك حقة ندي القلعة ... فطت كم سطر كده ... الحب ... والشباب و الخطوبه ... والعسل ...
وطوالي مشت للاولاد و ام الاولاد ... ولو عندي او ما عندي هي سندي ...
والقلب يا ناس ... البيغذيهو شنو ؟؟؟ ...
الصمت يا مهيرة ....؟؟؟
Post: #19 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-04-2012, 10:47 PM Parent: #18
Quote: الأستاذ محمد المرتضى.. غايتو نحن السودانيات ما سمعنا أهلنا آلاف المرات بيقولوا لينا (يا بنات "قدموا" الغدا للرجال!) الكلمة المستعملة هي كبوا ..
شايف يا مرتضي ذوق و رومانسية المرأه السودانية ...
الكلام موجه ليك انت ... و البرلوم صاحب البوست ... يكبّوهو ... زي اكلهم ...
الغريبه اسمها رمّانة كمان .... وطبعا برضو الرمّان هي الفاكهة المعروفة عند اهلنا من الاف السنين ...
Post: #20 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-05-2012, 00:02 AM Parent: #19
الأخ يحي ياخ أولا شكرًا علي هذا الطرح الظريف بعدين أنا غايتو عدم رومانسية المرأة السودانيه دي ما لاقتني......... وماتخلينا نقوم نفتو...... لكن المرأة أي مرآة سودانيه.... فلبينية ....سويدية..... خارقة ....حديديه....... خشبية رومانسية فطره .......تحب الإطراء ....لكن بلا ابتذال...... لذلك علي الرجل أن يجيد العزف علي أوتارها حتي ينعم برحيق روما نسيتها والكلام ده كله قبل العرس....... أما بعده فالرومانسيه بتروح .......وين ؟؟؟؟؟؟ده السؤال والرجل ذاتو ما شاء الله ما مقصر وكده ....يعني مش بكتم حبه وكلماته الرقيقة ....ده كمان بيوقف الرومانسية كلها وبعدين ياخ نحن أولاد دفعه في المنبر سلام
Post: #21 Title: Re: مفهوم الرومانسية عند المرأة السودانية - الحب الصامت Author: زينب محمد عبدالله Date: 10-05-2012, 00:12 AM Parent: #19
سلام يا صاحب البوست يحى قبانى غايتو بوست حليمه بتاع الخواجه عمل ليكم زغلله كل يوم تفتح عشرات البوستات ما قلنا اى حاجه بس كنا نتمنى انو الرجل السودانى ينظر لى روحو ويعرف انو هو ما perfect وشينين خلقه واخلاق ومفلسين وبرضو السودنيات مستحملنهم بى علا تهم دى كلها ..... وزى ما بتقول الحكمه رحم الله رجلا عرف قدر نفسه ووقف دونها
( قبال مقارنة الرجل السوداني " المتخلف علي حسب مفهومكم " كدى نشوف انتو سويتو شنو عشان تلقو المعاملة الراقية و الحب المتبادل ؟؟)
نحنا سوينا شنو!!!!!؟ الاجابه...نحن قبلنا نتزوجكم وبس يعنى الخواجه لمن يجثو على ركبتيه ويقول للمرأة will you marry me وهى تقول yes بموت من الفرح انتو الله ليكم من عملتو لينا شنو دى .......ما بتعرفو حاجه اسمها unconditional love ما بالضروره انو المرأة تعمل اى شىء عشان تلقى مقابل من زوجها من تعامل راقى وحب واحترام ... المرأة انسان مقدس ويجب بأن يعامل على هذا الاساس ..عشان لمن تجيب ابناء يتربو فى عز وكرامه
الله و أكبر ... زينب انتي بي جدك ؟؟؟ ... داخلين بمجهودكم بس يعني !!!!
Quote: المرأة انسان مقدس ويجب بأن يعامل على هذا الاساس
قمنا للهزار خلاص ؟؟؟ يعني المرأه السودانية انسان مقدس ...؟؟؟ وبنات بيروت العيونهم بتلمع زي ضرّاب البلّي برضهن مقدسات زى حقاتنا ؟؟؟
والله انا ما عارف ناس ود الرضي و ابوصلاح كان لحقو اتمشو كده في الروشة في بيروت ... ولا في شوارع ميلانو او باريس ...
كان كتبوا شنو ؟؟؟
قال شنو يا زينب تقول يكب لي الاكل قبال ما يكب لي روحه ...
والله بالغتو عديل كده ...
Post: #24 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-05-2012, 04:20 AM Parent: #23
Quote: والله يا ود هلال كنت هدي ورضي ... لكن لقيت قصة الخواجة
والموضوع استفزاني شديد ... يعني راضين بالهم و الهم كمان طلع ما راضي بينا
الاخ يحى والله بوست لقطة مشكور .... بس استفزانى استفزازك من البوست بتاع اختنا حليمة الشكرت فيهو الخواجه... إشمعنا ما استفزتك البوستات الهبطرش من كل انواع واشكال النساء فى العالم شي مورتانيات وشي مغربيات وعوووووووك الجماعة سارحين فى أحلى زيجات فى العالم شرق وغرب وشمال وجنوب الكرة الارضية ... ديل طبعا استفزونا ذى ما بوست حليمة استفزاك .... شكرا للبوست اللقطة دا والله ضحكت لما دموعى سالوا ..
Post: #26 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-05-2012, 04:40 AM Parent: #24
Quote: الاخ يحى والله بوست لقطة مشكور .... بس استفزانى استفزازك من البوست بتاع اختنا حليمة الشكرت فيهو الخواجه... إشمعنا ما استفزتك البوستات الهبطرش من كل انواع واشكال النساء فى العالم شي مورتانيات وشي مغربيات وعوووووووك الجماعة سارحين فى أحلى زيجات فى العالم شرق وغرب وشمال وجنوب الكرة الارضية ... ديل طبعا استفزونا ذى ما بوست حليمة استفزاك .... شكرا للبوست اللقطة دا والله ضحكت لما دموعى سالوا ..
سلام يا بت الشيخ ....
ياخي امسحي البوست كلو في وشي لو استفراك استفزازي من استفزاز بوست حليمة لرجولة الرجل السوداني ...( نفسي انقطع لغاية ما كملت الجملة دي ) ...
سيبك من الكلام حق احلي زيجات ده ... هي الفكره ما في الزيجات ... الفكره في الخلعه من البيعملوهو الزوجات ديل زاتهم ...
تخيلي لما الواحد يكون قايل انو الدنيا هي كده ... وتطلع ما كده ... مش بتدخلو خلعة ما بتمرق تاني ؟؟؟ فهمتي حاجة ؟؟؟
بصراحة الدنيا بره فيها قطعية من الحريم غير شِكِل ...
يعني المرأه السودانية لازم تلحق نفسها باشياء متجدده ... بدأً بامور العطور و الخمرات و الاشياء ديك ...
الناس شمّت منتجات الكريستيان ديور و الاستي لودر ... ومعطرات الجسم حقت البودي شوب ... وشربت الكبتشينو
واكلت البلو تشيز مع الفرنش باجيت .... تاني قصة تكبو لينا الاكل ما بتخارجكم ... التطور مطلوب ...
سعيد بان البوست لاقي قبول رغم الاستفزاز يا ست نجاة ...
Post: #25 Title: Re: مفهوم الرومانسية عند المرأة السودانية - الحب الصامت Author: حسين نوباتيا Date: 10-05-2012, 04:36 AM Parent: #22
Quote: المرأة انسان مقدس
والله يازينب بالغتي عديل كدا..
يعني الزول تاني يدخل على مرتو برجلو اليمين:)
_________________
قلت لي يا قباني تقول ليك هسي استفدت شنو؟؟ ههههههههههه
كنتا تقول ليها مرنّت عصب خشمي:)
انت غايتو يا صحبي يا ساكن براك يا الكاوتش عندك اكبر من السرير:)
بوستاتك متعة لا يقربها الا المخاطرون:)
عندي صحبي بشاغل في مرتو قال ليها ياخي انتو السودانيات ديل ما بتعرفوا للكلام العاطفي
قالت ليهو والله الكلام العاطفي بعرفوا لكن غلبني ادخلو في جملة مفيدة مع كلامك الكلو سب دين دا:)
Post: #27 Title: Re: مفهوم الرومانسية عند المرأة السودانية - الحب الصامت Author: منال Date: 10-05-2012, 04:47 AM Parent: #25
سلامات قبانى
عايزه اقول انو الرجل السودانى بعانى فراغ عاطفى كبير واهمال شديد من قبل الزوجة
والرجل بطبيعته شفاف جدا ورقيق تجذبه الكلمة الحلوة ويحتاج دايما للحنان والزوجة والسودانية بالذات مابتعرف تتعامل مع زوجها بحب وحنية
وابدا الرجل ما ملام لو فتش لطرف اخر ,,
هم بعرسو فيهم من شويه ,,, يستااااااااااهلن لووووووووووووووووووووولز
Post: #28 Title: Re: مفهوم الرومانسية عند المرأة السودانية - الحب الصامت Author: جميلة ابراهيم السيد Date: 10-05-2012, 04:54 AM Parent: #25
قباني انا جاياك للبوست التحفة دة
وللمعلومية لا ساكة عريس لا ساكة كيس لول
Post: #129 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-07-2012, 06:37 PM Parent: #28
Quote: يا سيدي ... امكن اتعدينا علي منطقة طلعت ما حرة ...او دسنا علي حتة بتوجع
معليش نحن ما مطالبين بعدم الغلط لكن الاعتذار مع عدم التمادي بلسم نقول للاخت رمانه لك العتبي والعترة بتصلح الكيبورد والتعدي ما كان مقصود ولكن الشيطان قوى عشان كده المريخ لابس احمر
Post: #29 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-05-2012, 05:01 AM Parent: #25
نوباتيا يا صاحب ... دايما حتلقاني راجيك فى الأماسى وفى المراسى وفى الملمات الخطيرة ...
حاسدني علي قصة الكاوتش دي شايفك ...
شفت يا حسين المحن ... والله اتحدي كل اعضاء المنبر ده ... خصوصا العاشو شبابهم في السودان في الستينات و السبعينات وشوية تمانينات ...
لو ما مرت عليهم جملة هسي استفدت شنو .... اراهن عليها ...
اسمعني يا صاحب ... خليك من بناتنا الطاهرات الجميلات الصامتات ...
قلت ليك الشابة مارقه من بيتها تتاجر بي رقبتها ... ( ما موضوعنا ليه بتعمل كده ) ... المهم تصل مع العريس المؤقت محلو ...
وهاك يا مجابده ... نفسو ينقطع لغاية ما يعرف اسمها منو ...
ياخي الله يلعن ابو الدلع العلموكم ليهو .... حتي اقدم مهنة في التاريخ ... فاشلين فيها ...
يا راجل ... ديل قالو المرأه انسان مقدس .... والله كتاب المرأه المقدسة ده ما عارف لاقاهم في ياتو مكتبه ؟؟؟
Post: #30 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-05-2012, 05:10 AM Parent: #29
Quote: عايزه اقول انو الرجل السودانى بعانى فراغ عاطفى كبير واهمال شديد من قبل الزوجة
منال يالفُتّــــي الكُبار و القدرك ...
شفتي حتة الاهمال دي ... اصابت كبد الحقيقة ...
المرأه السودانية ... بتنتهي حاجاتها كلها عند نقطة الزواج ...
كل حاجة بعد داك بتنقص ... الا نقتها ...
اهمال في العواطف ... اهمال في الشكل العام ... اهمال في متابعة الاحداث الثقافية و السياسية ...
همها كلو دهبها و تيابها ... ونقتها فيك يوم تطلع لاصحابك ...
Post: #31 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-05-2012, 05:12 AM Parent: #30
Quote: قباني انا جاياك للبوست التحفة دة
وللمعلومية لا ساكة عريس لا ساكة كيس لول
راجيك بالحيل يا صاحبه ...
Post: #32 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-05-2012, 05:36 AM Parent: #29
Quote: كنا نتمنى انو الرجل السودانى ينظر لى روحو ويعرف انو هو ما perfect وشينين خلقه واخلاق ومفلسين وبرضو السودنيات مستحملنهم بى علا تهم دى كلها ..... ____________________________________________________________________________________________________________ ...نحن قبلنا نتزوجكم وبس يعنى الخواجه لمن يجثو على ركبتيه ويقول للمرأة will you marry me وهى تقول yes بموت من الفرح انتو الله ليكم من عملتو لينا شنو دى .......ما بتعرفو حاجه اسمها unconditional love ............... المرأة انسان مقدس ويجب بأن يعامل على هذا الاساس .. ملحوظه :- البنات البدخلو بوستات زى دى وعايزيين يعملو marketing لى روحهم بقول ليهم بطلو خفه وما تستعجلو على قسمتكم لعبتكم مكشوفه .................................
والله يا زينب بدعتي.....
اولا : اول مره اعرف ان الرجال السودانيين من طينه والنساء من كوكب اخر، الرجال شينين ونسوانا سمحين هههههههههههههه الشنا مقاييس يا استاذه ونحن فوله انقسمت نصين يعني برضو نساءنا بشبهونا خلقة واخلاقاوطالعين من رحم واحد في البيت الواحد (انت واخوك مثلا) صعودا للامة السودانية....ونحن برضو يا ستي مستحملنكم بعلاتكمالكثيرة ......! ثانيا : لا بالله ما تقبلن تتزوجونا عنسن او فتشن جنسيات اخري يا السمحااااات.....! ثالثا : خلاص يا شباب تاني كل واحد لمن يتقدم لستات الحسن والجمال ديل يجسو علي اربعه ويحبو كمان (ولو عنده ضنب ###### زي ###### البحث بتاع قوقل يلولحو يمين شمال )....ما تنسوا حتي لو مدت (بوزا) ...هي مقدسة زي (بوزا)...ما تزعلوا من الحته دي يا شبان حتي ابقار الهندوس مقدسة.. اخيرا : حتي مخالفة الرأي من بقية الشابات (ما جايي علي هواك) تعتبريه تسويق رخيص وخفه ولعبة مكشوفه .....عجبي.....ليه كده يا زينب؟
Post: #33 Title: Re: مفهوم الرومانسية عند المرأة السودانية - الحب الصامت Author: د.يوسف محمد طاهر Date: 10-05-2012, 06:54 AM Parent: #32
مكوعين ومتابعين ..... يعطيكم العافية .....بس أرجوكم ما تظلموا واحد من الطرفين
Post: #34 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-05-2012, 07:52 AM Parent: #1
أعجبني هذا البوست المتعة وأعجبتني قيادة ( البرلوم ) يحيى له بس الحتة دي بالغ فيها
Quote: والله انا ما عارف ناس ود الرضي و ابوصلاح كان لحقو اتمشو كده في الروشة في بيروت ... ولا في شوارع ميلانو او باريس ...
كان كتبوا شنو ؟؟؟
يا عمنا ديل خليهم "أمدر وعهودها" كانت كل عالمهم لذلك هم يشتاقون " متى يرجعون لها ويعودون " لكن شوف خلفاءهم الجو بعديهم قالوا شنو
ياخوانا الجمال موجود في كل مكان لكن الجمال الأصلي في السودان
أها قولك شنو تاني ؟؟
Post: #35 Title: Re: مفهوم الرومانسية عند المرأة السودانية - الحب الصامت Author: رأفت ميلاد Date: 10-05-2012, 11:04 AM Parent: #34
فى الـ favorite دى على وزن فى التنك ههههههه .. لامن أرجع بى
قلت لى حليمة قالت الخواجة بغرف لى مرتو فى الأول هههههههه
يانى الساكن هنا
Post: #36 Title: Re: مفهوم الرومانسية عند المرأة السودانية - الحب الصامت Author: رأفت ميلاد Date: 10-05-2012, 11:23 AM Parent: #35
واحدة سريعة كده يا قبانى وجد جد والله
واحدة مشت لى فكى .. قالت دايرة راجلا يسمع كلاما وينفذ ليها كل طلباتا .. الفكى قال ليها ولا يهمك يبقى خاتم فى صباعك .. قالت ليهو بش عليك ما شديد ياخ يقوم يبقى لى دلدول ههههههه
ما بعجبن العجب ولا الصيام فى رجب
Post: #37 Title: Re: مفهوم الرومانسية عند المرأة السودانية - الحب الصامت Author: ماجدة عوض خوجلى Date: 10-05-2012, 12:34 PM Parent: #36
بوست متعة الله يديك العافية والله انا من امس ساكنه فيهو وذى ماقال اخوى رافت يانى جايبه بمبرى وكمان مصنقرة فى الصف الاول ... يحى قبانى والله مرحب بيك كتير كتير فى حوشنا ... تسلم يارب ...
اخوتنا زينب ... تحياتى كنتى قاسية كتير فى كلامك بتاع التسويق ياريت لو شلتيهو ... تسلمى ...
Post: #38 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-05-2012, 02:54 PM Parent: #37
ماجده عوض خوجلي ...رأفت ميلاد و عاطف عمر ...
الليلة ليلتنا ليلية ...
كم مشوار اكل عيش كده و بجيكم راجع بالحيل ...
او زي ما بقول واحد صاحبنا " ان الله مدّ في العمر انشاء الله القعده يوم الخميس عندى "
Post: #39 Title: Re: مفهوم الرومانسية عند المرأة السودانية - الحب الصامت Author: منال Date: 10-05-2012, 05:36 PM Parent: #38
مساء الخير قبانى
اغلبية النساء بعد الزواج ياهبانى يهملن انفسهم وازواجهن بمعنى انى اتزوجت خلاص تانى شنو ( البعض وليس الكل ) فتصبح انسانة باردة خالية من المشاعر وفاقدة لروح الانثى وكل همها الطبيخ والغسيل وزوجها فى اخر القائمة ,,,
ونتأمل بس ,,,,,,,
Post: #40 Title: Re: مفهوم الرومانسية عند المرأة السودانية - الحب الصامت Author: محمد المرتضى حامد Date: 10-05-2012, 06:13 PM Parent: #39
قبه سلامات،
والله والله منذ زمن لم أضحك من الإثني عشر كما ضحكت اليوم.. ياخ في تعليقات هنا تستأهل جوائز تقول لجرامي قومي أقعد مطرحك، شوف زي تعليق نوباتيا:
Quote: انت غايتو يا صحبي يا ساكن براك يا الكاوتش عندك اكبر من السرير
والله ضحكت حتى بانت جمب المؤتمر.. أما تعليقك أدناه فقد أضحكني حتى فكرت في رئة ثالثة:
بنعرفا ، عند الأم فقط .. ممكن تغطيك بالليل درءا للبرد ولاتعلن لك عن هذا في اليوم التالي.. لكن في ناس لو عملوها باكر تلقاها في قناة الجزيرة.. من باب يد سلفت ..
-
قباني ، الأمرضني وما طباني .. ما بجيك هنا تاني ..
Post: #43 Title: Re: مفهوم الرومانسية عند المرأة السودانية - الحب الصامت Author: زينب محمد عبدالله Date: 10-05-2012, 11:18 PM Parent: #40
سلام للجميع وتحيه لى صاحب الدار يحى قبانى واشكرك اخى يحى على الاريحيه فى الرد ....كتبت مداخله هذا الصباح وفجاء دوسته لى حاجه بالغلط والمداخله طارت المهم انا بطيئه فى الطباعه بالاضافه لى انو بعمل حسابى عشان ماقوم اكتب لى كلمه اوعباره الناس تخلى الموضوع وتمسك فى الكلمه زى هسى انتو خليتو الموضوع كلو مسكتو فى كلمه ( يكب لى الاكل ) قالينها بتخارجكم من الورطه الورطو فيها روحكم بارسال صواريخ عابره للقارات كل يوم ما وقفت الا لمن رسلنا ليكم صاروخ مضاد طرشق ليكم صواريخكم دى فى الجو انا شايفه انو موضوع البوستات البتحدث عن زواج الاجانب ما كان القصد منها التقليل من الآخر سواء كان رجل او امرأة بقدر ما هو مقارنات بين ثقافتين مختلفتيين الاخ عمر خليل عمر تيك ات ايزى يا عزيزى انا بس بهظر وما قاصده حاجه وحشه بس بحاول برفع طغط الرجل السودانى وبشوف مين البستمر يتلقى الضربات دى وما يقع فى اختبار الثقه بالنفس يا عمر قلت لى خليكم عوانس او امشو اتزوجو رجال من جنسيات آخرى ههههههههه طيب انحنا نقدر نصبر على العنوسه انتو بتقدرو ؟؟؟ ما اظن ...عشان كده الله الخلقكم عارفكم ما بتمشو الحرب الا لو وعدوكم بى نسوان مش كده برضو...
محمد المرتضى سلام قلت لى الحب من غير شروط الا للأم ...طيب الام دى ما ياها البنت والزوجه و الاخت لو ما لقت الحنان والرعايه من الرجل فى كل مراحلها كيف حتعطى الحب للاجيال القادمه اللهم انتو ابنائها ....الرسول قال ما اهانهن الا لئيم وما اكرمهن الا كريم الضمير راجع لى كل النساء انا ما عندى شك بانو مقياس تحضر الامم يقاس بى تعاملوهم مع المرأة
ماجده عوض خوجلى سلام يا حبيبه والله ما فى اى قسوه لكن كدى اقرى المداخلات دى فى هذا البوست دا وبوست الخواجه وشوفى الشتاره وكسير التلج والقسوه على اخواتها وانحيازا السافر لى جانب الرجل دى مداخله اولى :
( الرجل بطبيعته شفاف جدا ورقيق تجذبه الكلمة الحلوة ويحتاج دايما للحنان والزوجة والسودانية بالذات مابتعرف تتعامل مع زوجها بحب وحنية)
بالله الرقيق وشفاف منو الرجل ولا المرأة؟؟ !!!غايتو الغرض مرض زى ما بقولو
دى مداخله تانيه
(عموما السودانيات يفتقدن للرومانسية ويملن للحدة فى التعامل مع ازواجهم
والرجل السودانى مظلوم فى الحتة دى ,,)
ودى مداخله تانيه
( لرجل بطبيعته شفاف جدا ورقيق تجذبه الكلمة الحلوة ويحتاج دايما للحنان والزوجة والسودانية بالذات مابتعرف تتعامل مع زوجها بحب وحنية سلام فتصبح انسانة باردة خالية من المشاعر وفاقدة لروح الانثى وكل همها الطبيخ والغسيل وزوجها فى اخر القائمة )
طبعا هى حره تكتب رأيها فى الموضوع وانا حره اكتب رأئى فى ما تكتب
Post: #44 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 00:19 AM Parent: #43
Quote: يا عمنا ديل خليهم "أمدر وعهودها" كانت كل عالمهم لذلك هم يشتاقون " متى يرجعون لها ويعودون "
يا عاطف ياخوي ازيك ....
انت بس مسكت في امدر و اعودها ...
ما قالو ووصفو كتير ... وبكو بكا الاولين و الأخرين ...
الواحد بجيهو وحي الشعر ده من وين ما بعرف ... ياخي الواحد الوكت داك مرتو ما بيكون عارف اسمها شنو ...
لكن نقول زمن قديم ...
حسي البنات قالو ممكن ابقو زي انجلينا جولي ... مالم ما انكتب فيهم كلام؟؟
Quote: ياخوانا الجمال موجود في كل مكان لكن الجمال الأصلي في السودان
برضك دقسته يا سنيار ... الهضربة الحاصلة دى ما في الجمال ...
القصة في اكتشاف عالم اخر اسمه المرأه ... لا تمت للحاجة العندنا دي بي صلة ...
Post: #45 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 00:32 AM Parent: #44
Quote: ما بعجبن العجب ولا الصيام فى رجب
رافت يا حبيب ...
قالو انحنا ما بنفهم في الرومانسية !!!! كانو الرومانسية دي " سويتش " الواحد يقفله و يفتحه وكت ما داير ...
ياخي الرجل في اي مكان حاجات كتيره بتشعله " ... تشعله دى ترجمه ل Turns him on
والغريبة ... لو بعد سنوات الاهمال ديك كلها ... بما فيها الانفصال عن العالم الخارجي ... والتتلش " دى جايه من انها متلشة طول اليوم " ...
وكمية السعرات الحرارية والتي ادت حتما الي تضاعف الوزن ... من وزن يوم الزواج ...
لو بعد السنوات ديك ... حست انك عاينت جاي ولا جاي ... تقووووم كده من بياتها الشتوي داك وتحاول تلحقك قال ...
تمسك هدوم الدلع الزمان ... تلقاها في ضراعاتها ما تنحشر ... تمسك علبة المكياج ... " طبعا نست اي حاجة "
ما تاني في شنو ... ماخلاص بقي راجلها لحد ما يموت ولغاية ما دين ابو اهلو يطلع ؟ ... بالله تتمكيج بعد العمر داك ...
يا لطيييف بس ...محمد معانا ما تغشانا ...لامن تشفق عليها ... وتقرب تقول ليها هسي استفدتي شنو ؟؟؟
Post: #46 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 00:38 AM Parent: #45
Quote: بوست متعة الله يديك العافية والله انا من امس ساكنه فيهو وذى ماقال اخوى رافت يانى جايبه بمبرى وكمان مصنقرة فى الصف الاول ... يحى قبانى والله مرحب بيك كتير كتير فى حوشنا ... تسلم يارب ...
هلا ببت الشيوخ ... الراقية ماجده عوض خوجلي ...
وسامحينا ياخي لو خدشنا بعض الحياء ...
و انا كنت متأكد انو الفاهمات و المكملات بس ... الما حياثر فيهن البوست ده ... وحيستمتعوا بالونسة دى ...
شكرا لترحيبك الجميل الما بيجي إلا من انسان جميل ...
تشرقت بزيارتك استاذتي ...
Post: #47 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 00:50 AM Parent: #46
Quote: مساء الخير قبانى
اغلبية النساء بعد الزواج ياقبانى يهملن انفسهم وازواجهن بمعنى انى اتزوجت خلاص تانى شنو ( البعض وليس الكل ) فتصبح انسانة باردة خالية من المشاعر وفاقدة لروح الانثى وكل همها الطبيخ والغسيل وزوجها فى اخر القائمة ,,,
ونتأمل بس ,,,,,,,
صباحك خير يا اميرة المنبر ...
كلامك بلسم ...
لكن داير اقول ليك حاجة ... انتي قلتي همها الطبيخ و الغسيل ... في الاول ...
guess what .... موضوع الطبيخ ده زاتو راح شمار في مرقه ...
خصوصا العايشات بره ... الفي الخليج ... بس مجمد و مبرد ... ده لو صحت من النوم طبعاً ...
اما الفي اوروبا و الامريكتين ... خصوصا الشغالات منهن ... الدلفري محمدك محمدك ...
بالله تستني الويك اند ... وتجتهد رغم المنفرات كلها عشان ترضيها لاجل أكله مدنكله في الويك اند .. " انشالله ترمي ليك طعمية " ..." تقول ليك ببرود " بيتزا " ...
علي قول الشاعر الذى مات جوعاً :
"الا هبى بصحنك فاصبحينا.. فقد بتنا- لعمرك- جائعينا.. فإنا نشهد الأطباق ملأى ونتركهن بيضا قد فضينا.. فقالت: ليس فى "الويك إند" طبخ ولا نفخ فلا تثقل عليــــنا.. تفضل..دونك التلفون فاطلب لنا "بيتزا" تســـر الآكلــينا....
Post: #48 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 01:06 AM Parent: #47
Quote: والله ضحكت حتى بانت جمب المؤتمر.. أما تعليقك أدناه فقد أضحكني حتى فكرت في رئة ثالثة
Quote: واليوم الخلاص التكون قضيت معاها وقت جميل وتبقي راضية عنك ... تصحي الصباح ترمي ليك طعمية ....
اكيد ده القصد .... لانو شقي عمر الرجل السوداني كلو تلقاهو مكدذّس تحت الضراعين ... وفي بعض الاماكن الاخري ...
علي اساس انو ده نص الجمال زى ما علموها حبوباتا ....
اما حكاية الطعمية والرمي يا صديقي ... فهو افتقاد للcreativity
طبعا في تفكيرها ...لانها ما بتعمل اي حاجة ... انها يوم ترمي الطعمية ده معناتها خرمت التعريفة ...
عجن و خلط ...وزيت ونار .... شغلانية ... زي كانو انت راجي يوم العيد حقها ده ...
وما عارفه انو الرجل السوداني طعميتك دي بلقاها في اي ملف ...
مش طعميتك بس ... ومعاها حاجات تانيه حامياني ...
Post: #49 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 01:26 AM Parent: #48
Quote: سلام للجميع وتحيه لى صاحب الدار يحى قبانى واشكرك اخى يحى على الاريحيه فى الرد ....كتبت مداخله هذا الصباح وفجاء دوسته لى حاجه بالغلط والمداخله طارت المهم انا بطيئه فى الطباعه بالاضافه لى انو بعمل حسابى عشان ماقوم اكتب لى كلمه اوعباره الناس تخلى الموضوع وتمسك فى الكلمه زى هسى انتو خليتو الموضوع كلو مسكتو فى كلمه ( يكب لى الاكل ) قالينها بتخارجكم من الورطه الورطو فيها روحكم بارسال صواريخ عابره للقارات كل يوم ما وقفت الا لمن رسلنا ليكم صاروخ مضاد طرشق ليكم صواريخكم دى فى الجو
زينب و العرش ... سلام تاني ياخ ... والله انتي زول جميل ... لكن عاملين ليك غشاوة ناس حليمة ...
اول القصيدة كان كفر يا زينب ... و حليمة 2 بدت بموضوع يكب لي الاكل ...
اها خليتو الموضوع ده ...
في واحدة ما متذكر هي منو ... قالت انتو لو اديتونا حبة رومانسية والله نبقي ليكم زي انجلينا جولي ...
عليك الله كان ما وريتيني دي حتتعمل كيف ؟؟؟ ادفع نص عمري ... واشوف " الترانسفورميشن " ده حيتعمل كيف !!
وبعدين انا كلمتك ... القصة ما خرمجة رجال ولا قصة عرس ... الشباب ديل بس اعادو اكتشاف نفسهم ... واكتشفو انو النساء
نوعين ... واحد نايم ... والباقيات يا هن البيهاتو بيهن ديل ... النوع الكل ما تصحي من النوم تعاين ليها ...تفرح ...
بالله في زمتك هسي بوست عرس الخواجة ده بوست يتلملمن فوقه كده كان ما الفي بطنو حرقص !!!
" سوري الكلام اتعمم وشملك و كمان شمل ناس تانين ... لكن بس بوستكم ده ذكرني بي حاجة ...
المهندس الفتران في هندسته بيمشي يشوف ليهو وظيفة في محله فيها 7000 واحد شبهه ... عشان يتدسه وسط الجماعة ...
Post: #50 Title: Re: مفهوم الرومانسية عند المرأة السودانية - الحب الصامت Author: منال Date: 10-06-2012, 05:51 AM Parent: #49
صباح الرومانسية
عموما ياقبانى ثقافة الرومانسية والحب غير موجودة فى قاموس الزوجة السودانية
و اى حياة بين زوجين ما فيها رومانسية ما بتعتبر حياة
واقولها بصدق الزوجة السودانية فاقدة للرومانسية والتعامل بحب مع زوجها ( ايضا البعض وليس الكل )
وكل انثى امرأة ,,,,, ولكن ليس كل امرأة انثى !!!
رشة جريئة
انا طبعا ياقبانى ما بتخيل نفسى اعيش بدون حب ولا رومانسية واتزوجت من عمرى 13 سنة ومازالت حياتى تجرى فيها السعادة والحب انهارا يعنى ما كان عندى فرصة للتسويق لوووووووووووووووووووولز
Post: #51 Title: Re: مفهوم الرومانسية عند المرأة السودانية - الحب الصامت Author: إدريس محمد إبراهيم Date: 10-06-2012, 07:28 AM Parent: #50
الأستاذ / يحي قباني
تحية واحتراما ...
Quote: تمد يدك تقول تمسك يدها ... داير تحس بي نبضها و تحس بي نبضك ... بالله تدفرك ... زى الفيك جرب ...
وكانه حاسة اللمس دى اتعملت عشان تعرف الحلة حارة ولا كباية الشاي مولعة !!!
ولو اتجرأت داير قبله في الحلال ... تصارعك بالله تكسر فيك ضلع ...
حقيقة يا يحيي بالغت في الحته البي فوق دي ... ياخ ضحكت لامن استغفرت ...
حقيقة نحن السودانيين مهما درنا ولفينا لن نجد غير السودانيه تحتملنا وتحتمل طبعنا الحامي فهي بحق وحقيقة نعم الزوجة حقيقة يا قيحيي يكفي اهتمامه بنفسها وببمنزلها وبتريسة أبناءها على النهج القويم ... حقيقة أن مع زواج السودانية ... وحقية يا يحيي أخوي الكما ل لله .. فالننظر لعيونا نحن الرجال وكما قال الاستاذ / محمد أحمد في مداخلة في البوست بناع الخواجه (أنحنا لايقين على بعض) ...
Post: #52 Title: Re: مفهوم الرومانسية عند المرأة السودانية - الحب الصامت Author: rummana Date: 10-06-2012, 08:49 AM Parent: #51
Quote: الغريبه اسمها رمّانة كمان
يعني في احتمال تستغرب أكتر لو عرفت اسمي الحقيقي..؟! يا برلوم* .. يا سمي يحيى** الذي كان تقيا وسيدا وحصورا الرومانسية ليست مجرد قبلة طائشة بل هي تعبير صادق عن الاهتمام بالآخر والحرص على اظهار هذا الاهتمام بكافة الطرق ..
أنا حأحكي عن مشاهدات ومعايشات في الرومانسية في الزواج - حسب رؤيتي ، في امكانك تجاريني لو حبيت : هي أن "يقدمها" دائما للآخرين بكل فخر .. يعني بالعربي الفصيح يعرف الآخرين بها حتى لما يكون عارف الآخرين عندهم فكرة عمن تكون... هي أن يسجل لها المحاضرة أو الندوة التي كان من المفروض أن يحضروها سوا لولا حدوث طاريء منعها من الحضور – بدون ما تطلب منه.. هي أن يتصل بها تلفونيا ويسمعها صوته ويسأل عليها لما يكون قاعد وسط أصحابه (أو أهله) ومستمتع آخر متعة وتكون هي قاعدة لوحدها في البيت.. هي أن يحرص على الهدوء الشديد وهو بيجهز نفسه للشغل الصباح لما يكون بيطلع بدري وهي نايمة ، رغم إنها ما حتزعل لو صحاها.. هي أن "يكب" ليها الاكل ويقدمه لها لما يكونوا في مناسبة الأكل فيها على طريقة البوفيه المفتوح قبل ما يخدم نفسه.. هي أن يعتذر ليها أمام أسرته لما أخته المسيخة تغلط عليها .. بدون ما يزيد الطين بلة بينها وبين أخته... هي أن يشتري كارت بدون مناسبة ويكتب ليها هو وأولاده رسالة امتنان وحب... هي أن يحرص على أن يبلغها لما يكونوا وسط مجموعة في مكان ما ويكون هو ناوي مغادرة المكان لدقائق .. هي أن يكون عنده استعداد لرعاية العيال لما يكون عندها مناسبة خاصة مع صديقاتها أو أهلها (بالعربي الفصيح يهتم بيهم بصدر رحب وبدون مواويل المن والاذى في الحاضر والمستقبل) هذا بعض من كثير ... يلا الدور عليك... ------
* طيب ، محمد حسن محمد ادم ده ما برلوم برضو .. ولا بطن البورد بطرانة ...! ** التجاهل في المداخلة الاولى كان مقصود ومدروس بعناية ويعبر عن موقف..
Post: #53 Title: Re: مفهوم الرومانسية عند المرأة السودانية - الحب الصامت Author: عبدالمجيد الكونت Date: 10-06-2012, 09:28 AM Parent: #52
Quote: هي أن يحرص على الهدوء الشديد وهو بيجهز نفسه للشغل الصباح لما يكون بيطلع بدري وهي نايمة، رغم إنها ما حتزعل لو صحاها
ده البودي الناس يعرسوا من هونلولو ولا لوممابشي
Post: #54 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-06-2012, 09:43 AM Parent: #52
Quote: رشة جريئة
انا طبعا ياقبانى ما بتخيل نفسى اعيش بدون حب ولا رومانسية واتزوجت من عمرى 13 سنة ومازالت حياتى تجرى فيها السعادة والحب انهارا يعنى ما كان عندى فرصة للتسويق لوووووووووووووووووووولز .
---------------------------
هههههههههههههه والله لكن يا منال طلعتي رومانسية 100% وفاهمه الرجل السوداني برضو 100% بدليل الكنكشة فيه من سن 13...... والجماعه عايزين قالوا يرفعوا ضغطنا هذارا... لكن الله اسده لينا فيهم (رفع ضغط) حقيقي من عيار 13 ههههههههه..... (برضو هذار ساكت يا جماعة ولعب وضحك وبدون زعل وتسلمن كلكن لي اخو البنات محمد احمد ويسلم ليكن ) --------------
يا رمانة هو : ان تبوسي التراب التحت (نعالو).... هو: من تسمعي صرير مفتاح الباب تحبي (من تحبو حبوا) تستقبليه وتقلعي ليه الشراب والجزمة وتغسلي ليه رجولو.... هو:تعملي ليه مساج حتي تسمعي شخيرو....وتنسلي تترزعي في اي مكان اخر دون اي شوشرة... هو : تجهزي ليه الحمام وخلال حمامو تكوني (غرفتي الغدا)....ناس امدرمان بقولوا غرفنا الغداء ...كب دي للرملة وللزوغة ) الفتره المسائيه خليتا لقباني ----------------------------------
Post: #55 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 10:46 AM Parent: #54
Quote: يا رمانة هو : ان تبوسي التراب التحت (نعالو).... هو: من تسمعي صرير مفتاح الباب تحبي (من تحبو حبوا) تستقبليه وتقلعي ليه الشراب والجزمة وتغسلي ليه رجولو.... هو:تعملي ليه مساج حتي تسمعي شخيرو....وتنسلي تترزعي في اي مكان اخر دون اي شوشرة... هو : تجهزي ليه الحمام وخلال حمامو تكوني (غرفتي الغدا)....ناس امدرمان بقولوا غرفنا الغداء ...كب دي للرملة وللزوغة )
سجم خشموا وخشم اموا معه
زمن سي السيد انتهاء
يا عمر دى حرقتنى شديد
يبقى الود والاحترام بين الازواج والاحساس بالحب الصادق الحقيقي المتبادل
Post: #56 Title: Re: مفهوم الرومانسية عند المرأة السودانية - الحب الصامت Author: rummana Date: 10-06-2012, 11:50 AM Parent: #55
عبد المجيد يا كونت كيفك.. تعرف الجزئية دي كتبتها وأنا متوقعة حد يعلق عليها .. بس المسلي دائما بيكون لما تكتشف منو العلق عليها ..! :) سين سؤال: هي الــ من هنولولو والحتة التانية ديك ح تعمل شنو؟ وليه؟ _______
البرلوم الديمقراطي عمر خليل علي سلامات.. بس حبيت أقول ليك انه مداخلتي كانت جادة .. فعلا أنا شايفة التصرفات المعينة دي تدل على الحب والاهتمام... أنا مصنفاها كده حتى لو العملوها نفسهم ما كانوا شايفنها رومانسية.. مكسب ليهم مداخلتك البادية بالـ (هوهوات) دي بتخليني أشك إنك امدرماني أصيل... لكن لو فعلا ده مفهومك للرومانسية بنصحك تشوف ليك اقتصادي عبقري يسوقها ليك ...
وإن جيت للجد أهلنا بقولوا ختوا الغدا ... الغرف ده للبلاعات سوري يعني ... وسواء كانت الكلمة كبوا أو أغرفوا أو ختوا أو كما عند الراقيين خالص قدموا .. في النهاية هن النساء البعملوها .. وفي الغالب بكل أريحية ورضى .. _________
Quote: سجم خشموا وخشم اموا معه
بصراحة يا وضاحة تعليقاتك دايما متعة...
Post: #59 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 11:56 AM Parent: #56
Quote: بصراحة يا وضاحة تعليقاتك دايما متعة...
عليك الله شوفتى حقارة الراجل دا الحكاية دى حرقتنى شديد
انتى الايام دى الرجال ديل مالن قايمين علينا هههههههههههههه
زى ما بتقول جدتى ان شاء الله يقوموا من فقرن
Post: #57 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 11:54 AM Parent: #55
Quote: صباح الرومانسية
عموما ياقبانى ثقافة الرومانسية والحب غير موجودة فى قاموس الزوجة السودانية
و اى حياة بين زوجين ما فيها رومانسية ما بتعتبر حياة
واقولها بصدق الزوجة السودانية فاقدة للرومانسية والتعامل بحب مع زوجها ( ايضا البعض وليس الكل )
وكل انثى امرأة ,,,,, ولكن ليس كل امرأة انثى !!!
صباح الهواء النقي والهوي العذري ...
فتحت عيني علي كلامك ده ... وكأنك حاسة انو " كنتوشة " جاية تكتب بعدك ...
الساعة عندي 6:40 صباحاً ...فاتح شباك مكتبي ... درجة الحرارة 10 درجات مئوية ...
لسعة برد خفيفة ولشغة مطر رزاز ... ولا يوجد علي الطريق سوي بعض السناجب ...
بحضر في قهوة الصباح ...انا يا منال بعشق ساعة بزوغ الشمس ...
بحس اني بتولد من جديد ... وبسرح بالخيال وبقول .... يارب ... كم من مولود جا للدنيا في اللحظة دي ...
وكم حبيب غادرها ...
منال هنيئا لك برومانسيتك ... وتذكري ماقاله الشاعر :
أجمل البحار هي التي لم تبحر بها بعد .
وأجمل الأطفال لم يترعرع بعد ،
وأجمل أيامنا هي تلك التي لم نعشها بعد .
وأجمل مايمكن أن أقوله لك هو مالم أقله لك بعد ...
طاب يومك يا عزيزتي ...
( عن إذنك البس وش القبــــاحه عندى ردود كتيرة )
Post: #60 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 12:12 PM Parent: #57
Post: #58 Title: Re: مفهوم الرومانسية عند المرأة السودانية - الحب الصامت Author: ابو جهينة Date: 10-06-2012, 11:55 AM Parent: #55
تحياتي أخي يحى ولكل المتداخلات والمتداخلين
موضوع دسم بلا شك.
مدخل : تزوج رجل مثقف ومتعلم من إمرأة شبه أمية، في الحقيقة زوجوه، وذلك في أيام تطبيق مقولة ( لازم تغطي قدحك ). فقام بتغطية قدحه عن جدارة ومهارة. ذات ليلة قمرية سألها : بتحبيني يا بت العم؟ ثم أردف سؤاله بحرف الإستفهام السوداني البحت : آآآآآآآآآآآآآآآآآآ؟؟؟ فقالت : يعني كيفن؟ قال : يعني بتريديني؟ قالت : كيفن ما بريدك؟ أمورك كلها قاضياهن ليك، وكلامك فوق العين والراس، وعيني ما بتعلا على حاجبك...هي الريدة دي كيفنها لو ما كدي؟ فبُهِتَ الذي سأل... وواصل قضاء حوائجها ورزق منها الذرية.
*** أما بعد الرومانسية هي التمرد على العقل والسلطان وإتباع القلب. أما جينات السودانيات فمطبوع على الإنصياع الكامل للعقل وسلطان الأسرة والمجتمع. هذه الثوابت بدأتْ تندثر شيئا فشيئا حديثا لأسباب عديدة ( إقتصادية وإجتماعية وأسرية وتربوية وثقافية إلخ .. )
أعتقد جازما بأن حب الزوجة لزوجها نابع من المودة والرحمة بينهما، فإن فُقدتْ الرحمة والمودة فلا مكان للحب.ويمكن القول بأن لا مودة ورحمة بدون حب ولا حب بدونهما بالطبع. الحب الصامت لا يزال قابع في قرانا وأمصارنا ، ومصيره للإندثار طال الزمن أو قصر. الزوجة المحبة لزوجها في صمت، إن لم يفهمه الزوج، فإن في قلبه ومشاعره وإحساسه خلل. ففي نظرة الزوجة المحبة تطفر كلمات أبلغ من قصيدة، وفي نظرات زوجة محبة يرقد زخم من حب تخاف عليه حتى من بوحها هي له، فتكتمه يقينا بأن روحها موصولة بروحه بحبل سري مترع بحب لا يحتاج إلى كلمات، فطوبى لهكذا زوجات.
Post: #61 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 12:15 PM Parent: #58
Quote: ده البودي الناس يعرسوا من هونلولو ولا لوممابشي
يا كونت ... بالراحة ياخي عليهن ... ترفق يا رجل ...
Post: #62 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 12:23 PM Parent: #61
Quote: تجهزي ليه الحمام
ذكرتني يا عمر ... واحد صاحبنا زمان ... كان جنو يتفرج علي افلام مصرية ابيض واسود ...
وكان منبهر بحكاية تجهيز الحمام ... تقريبا كانت بتتقال في كل الافلام القديمة ...
لغاية ما اتزوج ... بعد ما رجعو من شهر العسل ... صاحبنا كان حريص جدا انو يكون عندو كم روب حمام كده ... وكم مستلزمات اخري ...
اها قام قال لي ست البنات ... ممكن لو سمحتي تحضري لي الحمام ؟؟؟
فتأمل يا صديقي .... علي قولة واحد صاحبكم هاهنا ...
Post: #63 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 12:28 PM Parent: #62
Quote: يبقى الود والاحترام بين الازواج والاحساس بالحب الصادق الحقيقي المتبادل
الاخت وضاحة ... رغم انك قد تكوني درستي بعناية انك برضو ما توجهي لي كلام ...
لكن لازم انصحك نصيحة من أخ اكبر والله ...
موضوع الود والاحترام ده علي العين والراس ... لكن كان مافي حوافز تانية ... والله راجلك عصفور وطار ...
رمي الطعمية زاتو ما بحلك ...
اسمعي كلام عمك ده كوييييس ... وخلي الميزان و متر القياس قريبين دائماً ...
Post: #64 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 12:35 PM Parent: #63
Quote: الحب الصامت لا يزال قابع في قرانا وأمصارنا ، ومصيره للإندثار طال الزمن أو قصر.
يا ابا جهينة ...
والله ما قصدت اهمل باقي كلامك ...لانه جميل ... لكن مين بس يفهمو ...
لكن اقتبست السطر الخاص بالحب الصامت ده .. ... يعني لغاية ما يندثر الكلام ده ...انحنا نعمل شنو ؟؟؟ نلوك القرض بس ؟؟؟
انت قايل قصة موريتانيا و الفلبين و المغرب دي شنو ؟؟؟ ... ما جابتها لواكة القرض دى ...
تتذكر حكاية الرجل الورع ... الكل يوم بيصلي المغرب ويجره للعشاء في المسجد ؟؟؟
لما اتوفي في نهاية رمضان ... ظهرت ليهو زوجة تانية وجات بيت البكا ؟؟؟ مرته الاولانية قالت انتي كضابة ...
ده من المغرب للعشا للتراويح ... قال ليها يا خاله ...التراويح دي ما انا زااااااتها ...
Post: #66 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 12:52 PM Parent: #64
Quote: حقيقة يا يحيي بالغت في الحته البي فوق دي ... ياخ ضحكت لامن استغفرت ...
ادريس ... انا اسف ياخ ... سقط سهواً ...
مداخلتك كانت بعد اناقة ست البنات منال طوالي ...
فكنت طالع منتشي ومخدر من بوست منال ...وطوالي رديت ...وقبال ما اجيك بديت اشم في ريحة القدحة من البوست البعديك ...
و انا ما بحب ريحة الاكل تمسك في ملابسي ...
فجريت من المكان ... السماح يا ملك ....
Post: #68 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 01:05 PM Parent: #63
Quote: لكن لازم انصحك نصيحة من أخ اكبر والله ...
موضوع الود والاحترام ده علي العين والراس ... لكن كان مافي حوافز تانية ... والله راجلك عصفور وطار ...
حوافز زى شنو ؟؟؟
Post: #65 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-06-2012, 12:49 PM Parent: #58
الاستاذة رمانه تحيات يا مخضرمة(لو مخضرمة او قديمة عكس برلوم) ما عارف حكاية برلوم معاك شنو (قباني يا برلوم .....محمد حسن محمد ادم يا برلوم ....عمر يا برلوم ...!)
هل تعلمي ان البرلوم ده بكتب عموما بعمرك (لو فرضنا ان عمرك ثلاثون ربيعا) ويقراء سودانيز اونلاين منذ تاسيسهاوبكتب في مواقع كثيرة معظمهاهادفة و جادة(مش كتابة ونسات ومشاحنات واشياء غير هادفة) مثل مواضيع الساعة التي اخذت تطفو وفاضت هذه الايام واخذت تبعد الموقع عن شأن البلاد وكأن المقصود ابعادها فعلا ...وقد تطرقت لذلك من خلال التعليق علي بوست الاخت حليمة....عموما ما شايف فرق بين عضو قديم او جديد الا عندك فكل عضو جديد مرحب به وله كامل الحقوق كبقية الاعضاء حسب علم البرلوم. بعدين الانتماء لامدرمان المولد والمنشأ ما فخر ولا اعتزاز ولا تميز ولك ان تشكي او لا فهو لا يغير شي من الحقيقة.. اما الهوهوات فلا تعليق يا مخضرمة....
Post: #67 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-06-2012, 01:02 PM Parent: #65
Quote: يا عمر دى حرقتنى شديد
يبقى الود والاحترام بين الازواج والاحساس بالحب الصادق الحقيقي المتبادل
معليش يا وضاحة قلنا الموضوع هزار في هزار وسعيد ما ببقي بدون سعيدة والعكس صحيح لكن تقولي شنو في موجة التمرد القادمة من خلف المحيطات دي .....الناس زي القنعت من خيرا فيها ....تسلمي
Post: #69 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 01:27 PM Parent: #67
Quote: حوافز زى شنو ؟؟؟
بشار بن برد قال : وذات دل كـــــأن الــبـــدر صـورتــهــا باتـت تغنـي عميـد القـلـب سكـرانـا ان العيـون التـي فـي طرفـهـا حــور قتلـنـنـا ثـــم لـــم يـحـيـيـن قـتـلانــا قلت احسنت يـا سؤلـي ويـا املـي فاسمعـيـنـي جـــزاك الله احـسـانـا يــا حـبـذا جـبـل الـريـان مــن جـبـل وحـبـذا سـاكـن الـريـان مـــن كـانــا قالت فهلا فدتك النفس احسن من هـذا لمـن كـان صـب القلـب حيرانـا يا قوم اذنـى لبعـض الحـي عاشقـة والأذن تعشـق قـبـل العـيـن احيـانـا فقلت احسنت انت الشمس طالعة اضرمت في القلب والاحشـاء نيرانـا فاسمعيـنـي صـوتـا مـطـربـا هـزجــا يـزيـد صـبــا مـحـبـا فـيــك اشـجـانـا يــا ليتـنـي كـنــت تـفـاحـا مفـلـجـة او كنـت مـن قضـب الريحـان ريحـانـا حتـى اذا وجــدت ريـحـي فأعجبـهـا ونـحـن فــي خـلـوة مثـلـت انـسـانـا فحـركـت عـودهـا ثــم انثـنـت طـربـا تـشـدو بــه ثــم لا تخـفـيـه كتـمـانـا اصبـحـت اطــوع خـلــق الله كـلـهـم لاكثر الخلق لي في الحـب عصيانـا قـلـت اطربيـنـا يـــا زيـــن مجلـسـنـا فــهــات انــــك بـالاحـســان اولانــــا لـو كنـت اعـلـم أن الـحـب يقتلـنـي اعـددت لـي قبـل ان الـقـاك اكفـانـا فغـنـت الـشـرب صـوتـا مؤنـقـا رمــلا يذكي السـرور ويبكـي العيـن الوانـا لا يـقـتـل الله مـــن دامـــت مــودتــه والله يـقـتـل اهـــل الــغــدر احـيـانــا
والكابلي قال ... نور و زهور و عطور واستلم المجال صوت منساب بلور و شبه ناس قلال خفة روح عصفور و إشراقات خيال خلى قلوبنا طيور و حال أرواحنا حال
بالله كدي وريني ... عنكم شنو من الكلام الفوق ده ...
اقري الحتة ده تاني بالله... امكن تفهمي مقصدى عن الحوافز ... يا وضاحة المحيّا ...
بس خلي مترك قريب و ماتنسي الميزان ... نصيحة لوجه الله تعالي ... ستجني ثمارها يوماً ما ...
Post: #70 Title: Re: مفهوم الرومانسية عند المرأة السودانية - الحب الصامت Author: منال Date: 10-06-2012, 01:33 PM Parent: #69
مساء الرومانسية
طبعا يا قبانى بوستيك ده عاجبنى شديد وحاجزه فيهو الصفوف الاولى
ولسه البوست فى بدايتو وماقلنا حاجه لسه
بجيك برواااااااااقه للمفيد
تحياتى ,,,
Post: #71 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-06-2012, 02:23 PM Parent: #70
ابو جهينة : كلام يقطر شهدا.....فهل من مدكر....؟
Post: #73 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-06-2012, 02:56 PM Parent: #70
Quote: * طيب ، محمد حسن محمد ادم ده ما برلوم برضو .. ولا بطن البورد بطرانة ...! ** التجاهل في المداخلة الاولى كان مقصود ومدروس بعناية ويعبر عن موقف.. رمانه بردتي بطني شويه ....... ويا يحي خذ الكتاب بقوه .....أنا حا أعاملك بنفس ألطريقه واتجاهلك وأوجه كلامي لي رمانه شايفه يا رومانه .... كلامك كله صاح للرومانسية أشكال متعدده وطرائق قدده ....وممكن تظهر في كل القلتيه وذياده وأنا بشوف انو بمجهود بسيط ممكن نحول حياتنا الزوجيه لأحسن مرات ورده صغيره ممكن تقلب دنيا وصاحبكم يحي بقول علي بروم في كله ..... بعد اربعتاشر سنه خدمه في الرومانسية أنا بقولوا علي برلوم في كله يايحي أهنئك مره تانيه انو نوع طرحك ده هو ما نحتاجه ولا اقصد الموضوع لكن ( نوع الحوار) ...... عمقه .....بعده عن المهاترات
Post: #72 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 02:47 PM Parent: #69
Quote: اقري الحتة ده تاني بالله... امكن تفهمي مقصدى عن الحوافز ... يا وضاحة المحيّا ...
عندنا احترام الزات واحترام الرجل والاخلاص والوفاء له
والسودانية اذا عشقت تعشق بصمت وحياء
وتترجموا لى زوجها احساس رومانسي له نكهة وطعم خاص
وانا احب العشق الصامد الفيه حياء وادب
فالمراة بلا حياة تصبح ما انثى
لانوا الانثى بطبيعتها خولة والحياء زينتها
والسودانية احلى واغلى امراة فى الدنيا
Post: #74 Title: Re: مفهوم الرومانسية عند المرأة السودانية - الحب الصامت Author: rummana Date: 10-06-2012, 03:00 PM Parent: #72
Quote: الاستاذة رمانه تحيات يا مخضرمة(لو مخضرمة او قديمة عكس برلوم) ما عارف حكاية برلوم معاك شنو (قباني يا برلوم .....محمد حسن محمد ادم يا برلوم ....عمر يا برلوم ...!) هل تعلمي ان البرلوم ده بكتب عموما بعمرك (لو فرضنا ان عمرك ثلاثون ربيعا) ويقراء سودانيز اونلاين منذ تاسيسهاوبكتب في مواقع كثيرة معظمهاهادفة و جادة(مش كتابة ونسات ومشاحنات واشياء غير هادفة) مثل مواضيع الساعة التي اخذت تطفو وفاضت هذه الايام واخذت تبعد الموقع عن شأن البلاد وكأن المقصود ابعادها فعلا ...وقد تطرقت لذلك من خلال التعليق علي بوست الاخت حليمة....عموما ما شايف فرق بين عضو قديم او جديد الا عندك فكل عضو جديد مرحب به وله كامل الحقوق كبقية الاعضاء حسب علم البرلوم. بعدين الانتماء لامدرمان المولد والمنشأ ما فخر ولا اعتزاز ولا تميز ولك ان تشكي او لا فهو لا يغير شي من الحقيقة.. اما الهوهوات فلا تعليق يا مخضرمة....
Quote: هو : ان تبوسي التراب التحت (نعالو).... هو: من تسمعي صرير مفتاح الباب تحبي (من تحبو حبوا) تستقبليه وتقلعي ليه الشراب والجزمة وتغسلي ليه رجولو.... هو:تعملي ليه مساج حتي تسمعي شخيرو....وتنسلي تترزعي في اي مكان اخر دون اي شوشرة... هو : تجهزي ليه الحمام وخلال حمامو تكوني (غرفتي الغدا)....ناس امدرمان بقولوا غرفنا الغداء ...كب دي للرملة وللزوغة ) الفتره المسائيه خليتا لقباني
عمر خليل علي : طبعا المقتبس الأخير هو مداخلتك الأولى .... إنت شايف إنها كلها ما فيها شيء بزعل ولا بيضايق .. لكن كلمة برلوم بتضايق.. ولا يهمك يا أخي ما دام كلمة برلوم بتضايقك نأسف لمخاطبتك بيها.. كلمة برلوم وردت في سياق مداخلة لصاحب البوست هنا لما وصف نفسه بالبرلوم.. ما عارفة عمري دخله شنو في الكلام الكتبته.. لكن يا ريت لو ما تهتم للعمر بقدر اهتمامك بالكلام المكتوب... حتى كلمة استاذة مافي داعي ليها... في امكانك تخاطبني برمانة حاف.. بعدين كلام البرلوم (3) عجبني .. ولو ما عجبته صفة البرلوم نعتذر ليه برضو ... المافي شنو شكرا ليك..
Post: #75 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 03:12 PM Parent: #74
Quote: مساء الرومانسية
طبعا يا قبانى بوستيك ده عاجبنى شديد وحاجزه فيهو الصفوف الاولى
ولسه البوست فى بدايتو وماقلنا حاجه لسه
بجيك برواااااااااقه للمفيد
تحياتى ,,,
تصدقي يا منال رجعت غفيت شوية .. وتاني جيت فتحت عيني علي ردك ده ...
ياخ انا متفائل من اليوم ده ...
Post: #76 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 03:15 PM Parent: #75
Quote: بعد اربعتاشر سنه خدمه في الرومانسية أنا بقولوا علي برلوم في كله
ما تزعل يا زميل ...
بس صدقني الاريعتاشر سنة الاوائل ديل اصلهم كده ... بعد داك بجيك كلامي ...
Post: #77 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 03:26 PM Parent: #76
Quote: وانا احب العشق الصامد الفيه حياء وادب
وفسرتي " الصمت " بعد الجهدِ بالـــ"صمتِ "
تعرفي ... صدقتي حينما اخطأتي يا وضاحة المحيا " فعلا العشق الصامد " ... صمد السنين ...
Quote: والسودانية اذا عشقت تعشق بصمت وحياء
وتترجموا لى زوجها احساس رومانسي له نكهة وطعم خاص
انا بقي داير حتتة تترجمو دي ؟؟؟ ممكن تترجمي لي حتعمل شنو ؟؟؟
غير رمي الطعمية تان يوم الصباح طبعاً ... " غالبا الرومانسية في طريقة خت السمسم علي جنبتي الطعمية " ؟؟؟ إمكن ؟
ما لقيتي فيديو سوداني جبتي لي كاظم الساهر ...وبنات الشام ؟؟؟
انا داير ترجمة بالسوداني لو سمحتي ...
Post: #78 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 03:33 PM Parent: #77
Quote: انا بقي داير حتتة تترجمو دي ؟؟؟ ممكن تترجمي لي حتعمل شنو ؟؟؟
غير رمي الطعمية تان يوم الصباح طبعاً ... " غالبا الرومانسية في طريقة خت السمسم علي جنبتي الطعمية " ؟؟؟ إمكن ؟
ما لقيتي فيديو سوداني جبتي لي كاظم الساهر ...وبنات الشام ؟؟؟
انا داير ترجمة بالسوداني لو سمحتي ..
يحي انت شكلك ممكون وصابر هههههههههه
صحى والله
اى امراة عندها سقنل واحساس عالى بشرط يكون الراجل بعرف كيف يخلي يشتغل هههههه
يعنى المفتاح عند الرجل
وما كل الرجال شاطريين وبعرفوا يحركوا حساس المراة علشان تكون رمانسية
انت شكلك ساقط سقنلات هههههههههههههههههه
علشان كده شانى هجوم على المراة السودانية
Post: #79 Title: Re: مفهوم الرومانسية عند المرأة السودانية - الحب الصامت Author: rummana Date: 10-06-2012, 03:52 PM Parent: #78
تعرف يا محمد حسن الرجال فاقدي الرومانسية الغيرة "بتنهش" قلوبهم نهش لما يعرفوا إنه في رجال رومانسيين وهم الله سلبهم هذه النعمة .. كل البقدروا عليه هو الاستنكار أو الاستخفاف.. ما عليك منهم..
---- يحيى قباني مش عارفة مخاطبتك لي بـ بت قضيم* ولالوبة وكنتوشة أفسرها بشنو .. خفة دم ، خفة بس ولا خفة وطيارة ... في كل الاحوال فشلت ألقى ليها تفسير مبني على حسن الظن .. رمانة هو اختياري يا تخاطبني بيه يا تصلح اسمك الكاتبه غلط ده.. هو واحد اسمه ما عارف يكتبه صاح ايش عرفه بالرومانسية..!
كلامك كله على أحسن الفروض ما جادي .. موغل في السااايية وبعضه لا يوصف إلا بالهضربة أنت لم تأتي لحوار لذلك لا ينفع معاك إلا التجاهل التجاهل التجاهل ثم ايه قصة "قولي ليها دي" لا تكون انت برضو فاكرني بنية بتترسل ... وش أحمر واحد يبلعوك بيه لسانك... وعامل لي فيها قبضاي ...؟! قول ليها انت ... _____
* ايــــــــه يا بت قضيم يا حليل أيامك في المنتدى أيام ما الناس كانوا بكوا الغدا ما بقدموه والبرلوم ما بتولد بسنونه ولسانه متبري منه... والله المولد ده ما كان ح يثبت عجاجته إلا انت... الله يرحم أيامك وأيامنا الزمان... السلام يغشاك وين ما كنت .. مشتاقين كتير والله
Post: #80 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 03:54 PM Parent: #78
Quote: يحي انت شكلك ممكون وصابر هههههههههه
صحى والله
اى امراة عندها سقنل واحساس عالى بشرط يكون الراجل بعرف كيف يخلي يشتغل هههههه
يعنى المفتاح عند الرجل
وما كل الرجال شاطريين وبعرفوا يحركوا حساس المراة علشان تكون رمانسية
انت شكلك ساقط سقنلات هههههههههههههههههه
علشان كده شانى هجوم على المراة السودانية
قلتي لي Signal ... عندكم انتو ؟؟؟
علي الموجة القصيرة ؟؟؟ ولا الاف ام ؟؟؟
والله انتو ما شفتو السقنال ساكت بس ... يا حليلكم يا وضاحة ...
عليكي الله تاني ... بس اشرحي لي كيف المرأه السودانية بتترجم الرومانسية ... بليييييز
اعتبريني ساقط سقنال ... وسوبر كريستال كمان ... بس اشرحى لي ... امكن اعيد اكتشاف نفسي ...
Post: #81 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 03:57 PM Parent: #80
Quote: يحيى قباني مش عارفة مخاطبتك لي بـ بت قضيم* ولالوبة وكنتوشة أفسرها بشنو .. خفة دم ، خفة بس ولا خفة وطيارة ... في كل الاحوال فشلت ألقى ليها تفسير مبني على حسن الظن .. رمانة هو اختياري يا تخاطبني بيه يا تصلح اسمك الكاتبه غلط ده.. هو واحد اسمه ما عارف يكتبه صاح ايش عرفه بالرومانسية..!
كلامك كله على أحسن الفروض ما جادي .. موغل في السااايية وبعضه لا يوصف إلا بالهضربة أنت لم تأتي لحوار لذلك لا ينفع معاك إلا التجاهل التجاهل التجاهل ثم ايه قصة "قولي ليها دي" لا تكون انت برضو فاكرني بنية بتترسل ... وش أحمر واحد يبلعوك بيه لسانك... وعامل لي فيها قبضاي ...؟! قول ليها انت ... _____
* ايــــــــه يا بت قضيم يا حليل أيامك في المنتدى أيام ما الناس كانوا بكوا الغدا ما بقدموه والبرلوم ما بتولد بسنونه ولسانه متبري منه... والله المولد ده ما كان ح يثبت عجاجته إلا انت... الله يرحم أيامك وأيامنا الزمان... السلام يغشاك وين ما كنت .. مشتاقين كتير والله
اتفقنا ... ما يهمك ...
Post: #82 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 04:16 PM Parent: #81
يلا يا استاذة رمانه ...
مسحت مداخلاتي معاكي ..." من الخوف طبعاً " ...
وانشالله حاكلم " عمو " بكري " يعمل لينا منتدى صغير نتمرن فيهو بعدين يصعدونا لما نصل زي مستواك ده
Post: #83 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 05:07 PM Parent: #80
Quote: عليكي الله تاني ... بس اشرحي لي كيف المرأه السودانية بتترجم الرومانسية ... بليييييز
بترجم الرومانسية بكلماتها الرقيبقة الحنية لى زوجها
بهتمامها بنفسها وبى بيتها وبعيالها
بترجموا فى غرفتها الخاصة اكثر طالما بينهم حب وعشق صادق
والله فعلا يا وضاحة انت صافية السريرة وربنا يديك حسب نيتك البيضا ارقصي وفرفشي طالما في السليم يديك العافية(طول ما الجدادة حافية) ...وابعدي من غبائن ناس بت(قرضيم) عشان الدنيا ما بنجح فيها الا ذوي السرائر البيضاء ....تسلمي
Post: #98 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-06-2012, 06:03 PM Parent: #97
Quote: والله فعلا يا وضاحة انت صافية السريرة وربنا يديك حسب نيتك البيضا ارقصي وفرفشي طالما في السليم يديك العافية(طول ما الجدادة حافية) ...وابعدي من غبائن ناس بت(قرضيم) عشان الدنيا ما بنجح فيها الا ذوي السرائر البيضاء ....تسلمي
ههههههههههههههههه
والله يا عمر انا بتونس وبضحك معاكم ساى ونيتى نقية ومجرد ما اقفل الاب توب دا ما بتذكر انا زاتوا كتبت شنو هههههههه
زهج وروتين بس والله
Post: #99 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 08:00 PM Parent: #98
Quote: ارجى الراجيك الليله مع ناس الفضيلة لووووووووووووووووووووووووووولز
بالمناسبة دي واحد صاحبنا لما جا يتزوج قال للحبيبة انو هو راجل بهجة
وبحب حياة الرومانسية و الأمور اللليلية من سهر و حفلات
بعد ماكانت بتقشر لبهو الخيار و تظبط لبهو جبنة الدويم
القصة قلبت مواعظ و الحجاب بقي زي القناع
والسبحة كل يوم تطول زيادة
يوم لقيتو مكتئب سالتو مالك؟
قال لي كلو فهمنا لكن ياخي بقيت ما بقدر اسمع مزازيك في العربية لما تركب معاي
قلت لبهو خلاص حرمتها!!!
قال لا بس ما مدياني فرصه
دي بقت كل ما نقيف في أشارة مرور تبدأ تقرا دعاء السفر من اول و جديد
Post: #100 Title: Re: مفهوم الرومانسية عند المرأة السودانية - الحب الصامت Author: نادر الفضلى Date: 10-06-2012, 08:15 PM Parent: #98
Quote: يازولة ارقصي وزيدي الساحة سماحة ...
والله انا لو علي ... اعمل ليها عامود في نص الاودة ...
ملعوبة .. يا قبانى
كب الأكل دى جديدة .. كانت غرف الأكل .. أغرفى الغدا ..
الحب الصامت عبر عنه الفنان المرحوم الفاضل سعيد فى أحدى أدوار بت قضيم حين قالت: الواحدة فينا كانت لو دايرة تقول كلمة أحبك تتلفت حولها تتطامن ما فى زول فى الحوش وتقفل بابه بالترباس .. وتخش الأوضة وتقفل الباب بالمفتاح .. وتعاين بى رقراق الشباك تتأكد ما فى زول .. بعد داك تقول ... أحبك ... فى سرها !
Post: #101 Title: Re: مفهوم الرومانسية عند المرأة السودانية - الحب الصامت Author: تيسير عووضة Date: 10-06-2012, 09:15 PM Parent: #100
Quote: ارجى الراجيك الليله مع ناس الفضيلة لووووووووووووووووووووووووووولز
صحي يا منال مالك عاملة رايحة من موضوع المتر والميزان؟ العصفورة قالت 150 كيلو(متر)
ــــ ياخ أنا لي تلاتة يوم بضحك في كلام يحي قباني دا ممكون وصابر
ولا جميلة الما جاية ساكة كيس نايلو الهوا شايلو
هل يرضيك كدا يا جميلة
Post: #102 Title: Re: مفهوم الرومانسية عند المرأة السودانية - الحب الصامت Author: osama fadlalla Date: 10-06-2012, 09:39 PM Parent: #101
اخونا يحي
ياخ اسعد الله اسباتك __ دي من سبت وكده ضحكنا حتى اثرنا حفيظة ام العيال وبعد داك طبعا حرقا الشمار وجات ضحكت معاي واهو كسبنا لحظة رومانسية .... فشكرا ان هيئات لنا هذا
Post: #103 Title: Re: مفهوم الرومانسية عند المرأة السودانية - الحب الصامت Author: منال Date: 10-06-2012, 09:46 PM Parent: #102
مساء الرومانسية والحب الصامت
ماذا تفعل الزوجة لزوجها كى يزوب فيها عشقا وولها ؟؟؟
مافى رجل فى الدنيا بصعب على المرأة تكسر جموده بالحب والحنية والكلمة الرقيقة الرجل دائما بحوجة للمشاعر الصادقة
الزوجة والسودانية بالذات مابتعرف تبدع فى كلمات الحب والغزل لزوجها
رشة جريئة
اكسرى الروتين
وكونى دائما كالفاكهة الطاااااااااااازجة ( وشوفى تانى ببعد منك ))
عن اذنك يا استاذ يحي انا داكة الحصة دى لووووووووووووووووووووولز
Post: #104 Title: Re: مفهوم الرومانسية عند المرأة السودانية - الحب الصامت Author: صلاح النصري Date: 10-06-2012, 10:02 PM Parent: #102
ماعارف يايحي دي اكتبت ولا لا , اخو البنات الرجل السوداني يضحك ويتونس مع اصحابو ولمن يجي داخل البيت يركب وش حديد ويعمل فيها ليمونة في بلد قرفانة وكلامه تلغرافات وبعد الغداء نومه ويلف عمته ويفر ويجي نص الليل وطبعا دا كان زمان والزمن دا بعد المغرب بقول ماشي التلاوة , وبرضو بيطفش ويطش والرومانسية دي أظنها زي الوست دايره زميل حريف , ولو مافي زميل حريف احسن الحريق وكل زول يموت بي ورقه
Post: #105 Title: Re: مفهوم الرومانسية عند المرأة السودانية - الحب الصامت Author: تبارك شيخ الدين جبريل Date: 10-06-2012, 11:23 PM Parent: #104
إقتراح غنية لمساعدة الدكتورة وضاحة في تمارينها اليومية ...
سؤال يا يحي قباني: غنا البنات دا مش تعبير عن الرومانسية برضو؟
(كل دقيقة والتانية تستشهد لينا بى غنية حقيبة!)
... المهم ....
Post: #106 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 11:41 PM Parent: #105
Quote: سؤال يا يحي قباني: غنا البنات دا مش تعبير عن الرومانسية برضو؟
(كل دقيقة والتانية تستشهد لينا بى غنية حقيبة!)
والله تعبير ونص يا تبارك ... لكن البفهم منو بس ...
ناس الحقيبه و ايضا غنا البنات ... والله بالغو ...تعرف انا في اعتقادي الحرمان الشافوهو هو الولّد الكلام العجيب الانكتب ...
يعني الواحد يشوف ليهو طرف توب يقول ليك أخدت نظرة أنا من قصاد الطاقة توب (الكرب) الجابوبك النقادة ياسيد الناس أنا عاشقك زيادة فوق الجيد أنا ببقى ليك قلادة
والعجب لو التوب وقع ولمح الصدر ...لاحظ كل شي مستر ...لكن بس التوب زحه شوية ... عمك ود البنا يقول ليك
بالبان والاسي مال قوامك ظافر علي صدرك قنبل كم أسلم كافر العيون والضمره والوريد الوافر
Post: #107 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 11:46 PM Parent: #106
Quote: والله فعلا يا وضاحة انت صافية السريرة وربنا يديك حسب نيتك البيضا
اوافق و ابصم معاك بالعشره يا عمر ...
وضاحة انسان جميل ... خفيف الظل ... وخالي من العقد تماماً ...
يا وضاحة ياخ الله يديك علي قدر جمال نيتك الصافية دي ... وعريسك ده ابقي عليهو عشره
ارقصي ليهو الليل والنهار لغاية ما يجيهو حَوَلْ ...شوفيهو تاني بيقول ليك موريتانيا ...
Post: #109 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-06-2012, 11:50 PM Parent: #107
Quote: الحب الصامت عبر عنه الفنان المرحوم الفاضل سعيد فى أحدى أدوار بت قضيم حين قالت: الواحدة فينا كانت لو دايرة تقول كلمة أحبك تتلفت حولها تتطامن ما فى زول فى الحوش وتقفل بابه بالترباس .. وتخش الأوضة وتقفل الباب بالمفتاح .. وتعاين بى رقراق الشباك تتأكد ما فى زول .. بعد داك تقول ... أحبك ... فى سرها !
عارف يا نادر ...بكره حأضرب تلفون للفرجوني ... اسأله عمو عمر البنا ده لما قال : هجد الانام وأنا وحدي مساهر والنحول علي جسمي ياحبايب ظاهر أسبابي الحب الطاهر
ما كان بيغنوها تحت تحت كده ... أسبابي ..." الحب الصااامت " ...
Post: #108 Title: Re: مفهوم الرومانسية عند المرأة السودانية - الحب الصامت Author: فيصل عثمان الحسن Date: 10-06-2012, 11:48 PM Parent: #105
يا قبة أنا زولى ما جا ... يا قبة أنا زولى ما جا . تعرف يا قبة طبارك ده نسف ليك البوست بتاعك ده بالغنية دى بس , تأمل يا قبة كمية الرومانسية الكبوها ناس ريماز واخواتها , أرفع يدينك فوق يا قبة بلاش مشاكل معاك .
Post: #110 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 00:00 AM Parent: #108
Quote: ياخ أنا لي تلاتة يوم بضحك في كلام يحي قباني دا ممكون وصابر
كان الرجل السوداني ما ممكون وصابر ... يكون ياتو رجل يعني ؟؟؟
عليك الله شوفي الناس سافرت كم بلد في بوستاتها كايسه الرومانسية ...
تخريمة :
تيسير ... رغم اني من قراء المنبر ده ...كنت كل ما اشوف اسمك من بره افتكرتك الأخ تيسير ...
والله العظيم الليله انا حصل الشرف يا ستي ...
انا عندي صاحب اسمه تيسير ... امكن لانه في البال ده كان احساسي ...
غالباً طلعت ما بفهم ...
اسمعيني ... لو عندك مزاج ... بحكي ليك قصة شفتها الاسبوع الماضي في مطعم ...مع رجل وزوجته سودانيين ...
ما بعرفهم ...ولا اتعرفت بيهم ...بس شفته و سمعته ..
توريك كيف المسكين ده ممكون وصابر ... اديني خبر بس ....
اوعي تقولي لي عرفتها سودانية كيف ؟؟؟؟
بقوم بفتح ليك بوست تاني عن كيفية فرز المرأه السودانية من بين نساء العالم اجمعين !!!!
Post: #111 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 00:04 AM Parent: #110
ود الباوقة والكونت ... مالكم الحاصل شنو ؟؟
Post: #112 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 00:14 AM Parent: #111
Quote: اخونا يحي ياخ اسعد الله اسباتك __ دي من سبت وكده ضحكنا حتى اثرنا حفيظة ام العيال وبعد داك طبعا حرقا الشمار وجات ضحكت معاي واهو كسبنا لحظة رومانسية .... فشكرا ان هيئات لنا هذا
أحدك جميل اسامه ...
والله حقو امشي اسجل الجملة دي باسمي تكون " تريد مارك "
Post: #114 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 00:22 AM Parent: #113
Quote: والرومانسية دي أظنها زي الوست دايره زميل حريف , ولو مافي زميل حريف احسن الحريق وكل زول يموت بي ورقه
ود النصري يا صديق ...
جبته من الاخر ... انا عارفك رجل حكيم ...
هي فعلا دايره زميل حريف ... ما شايف الجماعه كلهم مسنفكين ...
Post: #115 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-07-2012, 10:18 AM Parent: #105
Quote: إقتراح غنية لمساعدة الدكتورة وضاحة في تمارينها اليومية ...
Post: #116 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-07-2012, 10:23 AM Parent: #115
يا يحيى صباحك عثل
يا يحيى شكل الراجل برضوا بلعب دور بالنسبة للرومانسية عند المراة
فى رجال بقطعوا الخميرة زى دا هسي بدى المراة احساس برومانسية ياخى ههههههههههههه
Post: #117 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 12:29 PM Parent: #116
صباح الورد و الياسمين با وضاحة ...
حضرت شروق الشمس خلاص ...
درجة الحرارة الليلة 9 ...
باخد غفوة تاني لأني ساهرت امس ... وبرجع أشوف موضوع قطع الخميرة ده ...
سلمي علي منال لغاية ما ارجع ليكم ...
Post: #118 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 04:33 PM Parent: #117
تم بحمد الله الان ... بعد الاستفاضة في كتابة هذا البوست كسب عداوة 90% من آنسات و سيدات هذا المنبر
وعدد لا يستهان به من زوجات اعضاء هذ المنبر ... وعدد من رجال هذا المنبر اما تضمنا مع زميلاتهم او تحسبا لغضب زوجاتهم
ولا يفوتني ان اشكر كل المتداخلين و المتداخلات ...لاتاحتهم لي الفرصه لي لعمل تمرين كافي في كيفية الرد و السؤال والجواب ...
لعلي اتعلم ...
Post: #119 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-07-2012, 04:50 PM Parent: #118
حيا الله الأديب عثمان محمد صالح كان أحد علامات هذا المنبر .. كآخرين رافقوه لكنه تفرد بشئ أتى معه واختفى بعده تفرد بنجر مفردات - عفو الخاطر - لكنه ما إن يطلقها حتى تنتشر إنتشار النار في الهشيم وتصبح - مفردة - المنبر المحببة لعهود
كان إن أعجبه بوست كتب
" قررت تمديد إقامتي هنا "
______________
وأنا كذلك
" قررت تمديد إقامتي هنا "
Post: #120 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-07-2012, 05:06 PM Parent: #118
Quote: تم بحمد الله الان ... بعد الاستفاضة في كتابة هذا البةست كسب عداوة 90% من آنسات و سيدات هذا المنبر
وعدد لا يستهان به من زوجات اعضاء هذ المنبر ... وعدد من رجال هذا المنبر اما تضمنا مع زميلاتهم او تحسبا لغضب زوجاتهم
ولا يفوتني ان اشكر كل المتداخلين و المتداخلات ...لاتاحتهم لي الفرصه لي لعمل تمرين كافي في كيفية الرد و السؤال والجواب ...
لعلي اتعلم ...
تكب الذوقه ياخ لو أصول الحكاية تمرين ما كان تقول كده من البدايه عشان نلبس هدوم تمرين ومانجي بي لبس مباره انت ظاهر عليك مريخابي وكمان شيوعي
Post: #121 Title: Re: مفهوم الرومانسية عند المرأة السودانية - الحب الصامت Author: منال Date: 10-07-2012, 05:10 PM Parent: #120
انت قفلت البوست ياقبانى ؟؟؟؟
ماعلى كيفك يتفتح
البوست جميل يا يحي ولسه فى بدايتو والنقاش فيهو مفيد جدا
كن بخير ...
Post: #122 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 05:11 PM Parent: #120
Quote: وأنا كذلك
" قررت تمديد إقامتي هنا "
عاطف عمر ...
تشرف و تآنس يا جميل ... خلاص مادام قاعدين ... احنا زاتنا نمدد اقامتنا هنا ...
Post: #123 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 05:18 PM Parent: #122
Quote: تكب الذوقه ياخ لو أصول الحكاية تمرين ما كان تقول كده من البدايه عشان نلبس هدوم تمرين ومانجي بي لبس مباره انت ظاهر عليك مريخابي وكمان شيوعي
انا اخوك يا منال ... انا بكب الزوغة ؟؟؟ انا بكب الاكل بس يا محمد حسن يا رومانسي ...
مريخابي ... نعم ... ولي قصص وحاكايات مع الكورة ... وكنت من منظمي دورة سيكافا في تمانينات القرن الماضي ... ولي عضوية في اتحاد الكرة السوداني العام حينما كان رئيسها العميد عبدالمنعم النذير والسكرتير الصديق الراحل فيصل محمود مرسي ... شيوعي ... في داخلي يسارية معتدلة ...كتلك التي بداخل اي انسان طبيعي ... بعبد عن التكلف و التخلف والتعصب ...
Post: #124 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 05:28 PM Parent: #123
Quote: انت قفلت البوست ياقبانى ؟؟؟؟
ماعلى كيفك يتفتح
البوست جميل يا يحي ولسه فى بدايتو والنقاش فيهو مفيد جدا
كن بخير ..
ولا علي كيفي ...يا منال ...
انتي تأمري ... وليك يا ستي نفتح البيبان والطاقة ... ابدا ما علي كيفي ...علي كيفك انتي دي ...
وزي ماقال الفارس ازهري محمد علي ... على كيفك تفوت على كيفك تعال ادخل براحات البيوت فى العتمه او نصة نهار لمتين مبارياك غربتك ملت حدود الرحله حالات الدوار يوماتى بتلاقيك مدن يوماتى راجيك كم مطار قست الديارولا الرحيل والغربه نسوك الديار صالبنى فى وجع النهارات غربه وهواجس وانتظار مرات اشوف بعدك حقيقه ومرات احسه هظار هظار كان اعتذارك بالغياب عن بيتنا محتاج اعتذار
Post: #125 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 05:35 PM Parent: #124
اهداء لكل الرومانسيات ...
وللأُخريات ... علهن يستيقظن من تلك النومة الابدية ...
Post: #126 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-07-2012, 05:38 PM Parent: #123
Quote: شيوعي ... في داخلي يسارية معتدلة ...كتلك التي بداخل اي انسان طبيعي ... بعبد عن التكلف و التخلف والتعصب ...
أنا شعاري :ميل يمين وميل شمال كله تمام بس ما (دور ودور ودور) وان مع رأي الأخت منال .........الطرح جميل وطريقه الحوار جميله جداً كنت اتمني أن تواصل الأخت رمانه تحياتي لك يا صهيوني
Post: #127 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-07-2012, 05:56 PM Parent: #126
Quote: أنا شعاري :ميل يمين وميل شمال كله تمام بس ما (دور ودور ودور) وان مع رأي الأخت منال .........الطرح جميل وطريقه الحوار جميله جداً كنت اتمني أن تواصل الأخت رمانه تحياتي لك يا صهيوني
محمد حسن يا رومانسي ... ما انت السبب بريدتك الكتيرة دي ...
قاعدين مع مجموعة من الشباب .... معانا صاحبنا المرتو قربت تستلم الإمامة في مسجد حلتهم ...
قال النسوان كانو بيتونسو ...ومرته من ضمنهم ... والكلام في الله قال و الرسول قال ...
جا يسألنا ... صحي ياخوانا زي ما قالت مولانا حرمنا دي ... انو زوجاتنا الفي الدنيا هنا ...
هم زاتهم الحيكونوا لينا " حـــــــــور عين " ....
قلتليهو ... حسب عمايلك يا حبيب ... ومن اعمالكم سُلّط عليكم ....
بالله ده كلام ياخوانا ...
يعني دنيا و آخره ....!!!!!!
منال هاك ضحتك باك ...خلاص لوووووووووووووووووولز
Post: #138 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-08-2012, 03:49 AM Parent: #137
يا بنات بلدي ...خذوا الحكمة من جدكم محمد ود الرضي حين قال :
ست البيت اريدا براها ترتاح روحي كل ما اطراها ست البيت قالت جارتا مجاوراها تجي شايله وتجي مزاوراها تلحظ احتياجنا براها نشكر سعيها بي وراها ست البيت
ربنا بالجمال كافاها لامن قال قواما كفاها المسروره مي تافاها ياحلاة الكلام الكلام في فاها
ست البيت راقيه سكوته من ميلادا مو سكاتاً تنوبو بلاده نضيفه ومنظمين اولادا برضها عندي حلوه جلاده
ست البيت تتلاصف سرور وجناتا الراقيه الكتار حسناتا طيبة عشره مي غلاتا ماسابت الشباب لي بناتا
ست البيت مابتحسب علي كليا تكرم كل منسوب لي أطوع من بناني الي واشفق من جنايا علي
ست البيت ماقالت بقيت حبوبه وتركت بوخته المحبوبه لوجات من رياحا هبوبه بتحيي عروقك المهبوبه
ست البيت من صابحتها وماسيتا طاعمه وناعمه لومسيتا ماقاستني ماقاسيتا وتشكر فضلي كل ماكسيتا
ست البيت مي العزايه دايما ًساقده ومي الغبشه المفبره حاده مي اللهفانه بي ورا الماده دي اللي شبابا ديمه موادا
ست البيت فاضي البال حليللا جنابو مااتغضبن لمس اشنابو ولايوم سوء تفاهم نابو دي الامثالا نتغنابو
ست البيت لو كان يوم حبيب واصلي الكرم العريض يوصلي منها قط خلاف ماحصلي بس ازعاجا لي قوم صلي
ست البيت ليه م أاشكرها مطاوعاني وحافظه لمتعتي وحافظاني حاويه من الانوثه معاني ومهما ابقى مر بالعاني
Post: #139 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-08-2012, 03:22 PM Parent: #138
شكلي ما طلعته براي ...ناس كتار معاي
Post: #140 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-08-2012, 04:35 PM Parent: #139
رومانسية سودانية
في تسعينات القرن الماضي قررت أحد الصديقات المقربات لزوجتي زيارة مدينة دبى لأمور خاصة بها .... فرحنا بزيارتها فهى سيدة لطيفة المعشر حاضرة الطرفة، وزاد سرورنا أنها إختارتنا من بين أهلها وأصدقائها الكثيرين مقراً لإقامتها... لم تكن ثورة الإتصالات أيامها قد وصلت للشأو الذي وصلته حالياً فلم تكن الموبايلات منشرة في السودان ولم يكن الإتصال يتم بسهولة .... إستقبلناها في المطار زوجتي وأنا عندما دخلنا البيت بدأ التلفون يرن ذهبت للرد عليه فوجدته زوج ضيفتنا بعد السلام والمطايبة سأل
" أها الهبلة دي وصلتكم ... لا حرقت الطيارة .. لا دمرت المطار ؟؟ " دخلت في نوبة هستيرية من الضحك وعلى صوت ضحكي أتت زوجتي وصديقتها يستطلعون ما الخبر .. وصديقي من الضفة الأخرى يردد
" ياخي أنا بسأل فيك الهبلة دي وصلتكم ... لا حرقت الطيارة .. لا دمرت المطار ؟؟ " من بين ضحكي سلمت السماعة للضيفة وزولها من الطرف الآخر يردد في كلامه قاطعته بضحكة صافية قائلة له
" ود اللزينا... لحقت تشتاق قدر دا .. ما أنا أصلو عارفاك من لسانك يتبرا منك بكون الشوق كتلك "
وانسحبنا
Post: #141 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-08-2012, 04:39 PM Parent: #136
Quote: وضاحة ... يا فجر المشارق الصباح الباهي لونك ... وغابة الأبنوس عيونك ...
والله افتكرت ... وحضرت شعوري ...
طلعت آوت ...
ما انت قلت السودانيات ما بعرفن غير رمي الطعمية
تانى عاوز بيهم شنو ؟
Post: #142 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-08-2012, 05:08 PM Parent: #141
Quote: رومانسية سودانية
في تسعينات القرن الماضي قررت أحد الصديقات المقربات لزوجتي زيارة مدينة دبى لأمور خاصة بها .... فرحنا بزيارتها فهى سيدة لطيفة المعشر حاضرة الطرفة، وزاد سرورنا أنها إختارتنا من بين أهلها وأصدقائها الكثيرين مقراً لإقامتها... لم تكن ثورة الإتصالات أيامها قد وصلت للشأو الذي وصلته حالياً فلم تكن الموبايلات منشرة في السودان ولم يكن الإتصال يتم بسهولة .... إستقبلناها في المطار زوجتي وأنا عندما دخلنا البيت بدأ التلفون يرن ذهبت للرد عليه فوجدته زوج ضيفتنا بعد السلام والمطايبة سأل
" أها الهبلة دي وصلتكم ... لا حرقت الطيارة .. لا دمرت المطار ؟؟ " دخلت في نوبة هستيرية من الضحك وعلى صوت ضحكي أتت زوجتي وصديقتها يستطلعون ما الخبر .. وصديقي من الضفة الأخرى يردد
" ياخي أنا بسأل فيك الهبلة دي وصلتكم ... لا حرقت الطيارة .. لا دمرت المطار ؟؟ " من بين ضحكي سلمت السماعة للضيفة وزولها من الطرف الآخر يردد في كلامه قاطعته بضحكة صافية قائلة له
" ود اللزينا... لحقت تشتاق قدر دا .. ما أنا أصلو عارفاك من لسانك يتبرا منك بكون الشوق كتلك "
وانسحبنا
زولتك عارفه زوله مظبوط يا عاطف ...
تعرف عندي صاحبي زوجته بتمشي السودان كتير ...
وكل سفرية تمشيها اقوم اضرب ليهو ... اها انشالله المدام وصلت بالسلامة ...
يقول لي ... والله ما عارف ... انت سمعت في طياره وقعت ..؟؟ ... اقول ليهو لا ...
يقول لي اذا بتكون وصلت ...
لامن قبضتو ليك يوم ... كنت معاهو في مكالمة طويلة ...ووصلت خشم باب مكتبه و انا بسأل منها في اللحظة ديك ...
قام قال الطيارة ووقعت وخرمجته ديك ... بس دخلت فجأه ... انقر ما دخلت لقيت ليك شاشة كمبيوتره مفتوحة علي الوب سايت حق اير كندا
وعامل flight tracking
قلت ليهو ود الكب ...تاني تجي ...
Post: #143 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-08-2012, 05:13 PM Parent: #142
Quote: ما انت قلت السودانيات ما بعرفن غير رمي الطعمية
تانى عاوز بيهم شنو ؟
يا وضّاحة ... العسل و الزبده و المربي السنة كلها ... بيعملو شرقَــــه ...
مش لازم الواحد " يحـَــدِّق " علي قولة المصريين ...
Post: #144 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-09-2012, 05:10 AM Parent: #143
ناس حليمة كلامهم شكلو صاح ... بالله شوفو اندريا ده وصّفوهو كيفن ... اندريا شكلو كان "خواجة "... شغال في شركة شل الشعر دهبي ... والعيون زي جوز البلّي الجديد ...شي ازرق و شي اخدر ... والله بختكم يا بنّوت ... احلموا سااااااااكت ...
يا الزارعنك في الصريف اندريا بسقيك بلا خريف اندريا كان ما الصبر تكليف اندريا من بيتكم ما بقيف اندريا حلاوة القرطاس اندريا الفي الخشيم تنماص اندريا لو ماكلام الناس اندريا برحل معاك خماص اندريا
Post: #145 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-09-2012, 03:47 PM Parent: #144
سرحت بالخيال ... اتخيلت كل السودانيات عرسو خواجات
طيب لو خواجهم ده قرر يشترك في المسابقة دى ... يكون ذنبه شنو ؟؟؟؟
لي في المسالمه غزال نافر بغنى عليه .....
Post: #146 Title: Re: مفهوم الرومانسية عند المرأة السودانية - الحب الصامت Author: عبدالمجيد الكونت Date: 10-09-2012, 04:09 PM Parent: #145
Post: #147 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-09-2012, 06:16 PM Parent: #146
يحيى يا قباني
تم إحالة تعليق د. بلة الواردة في البوست المرفق رابطه لمعاليكم الرجاء ( النظر بعين الإعتبار )
Post: #148 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-09-2012, 11:58 PM Parent: #147
الكونت ...
يا ربي ناس محمد موسي ديل كضابين ؟؟؟
يكونو قاصدين " نساء " ياتو بلد ؟؟؟
Post: #149 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 00:23 AM Parent: #148
Quote: يحيى يا قباني
تم إحالة تعليق د. بلة الواردة في البوست المرفق رابطه لمعاليكم الرجاء ( النظر بعين الإعتبار )
عاطف عمر ...
د. بله رجل واعي و فاهم ...
وجاييك لي كلامه ده ...
المهم ... وردني من احد الصديقات ... ان كبسولاتي هذه " كما سميتها " ...اكسبتني عداء 90% من " سيدات و آنسات " هذا المنبر
قلتليها ...لكن بس معقول 90% منهن ... عدمانين الثقة في النفس كده ...؟
قالت لي ... كان ما عدمانين الثقة ... مالهم مكسرات وواقفات صف في بوست الخواجة !!!
قلت ليها امكن حمقة ساكت ...؟
قالت لي انا معاهم من زمان وعارفة " الفولة " ...
قلت ليها ياخي انا كلامي عن الحالة العامة ...او الغالبية ... وده ما بيعني انو اي واحده مقصودة ...
مالم الكلام لم يصادف هوي في نفسها ...
عموما طالما انتي متأكده ... كان كده انشالله بي باقي ليلي ... انتهي ليك من ال10% الفضلن ...
ويبقي لي بس الواثقات الباشقات ... التشوفن العين تنجهر ... والفؤلد ينصهر ... والجوف يولع نار ...
ونعبي كبسولة جديده بعد قليل ...
Post: #150 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-10-2012, 00:48 AM Parent: #149
Quote: اما الفي اوروبا و الامريكتين ... خصوصا الشغالات منهن ... الدلفري محمدك محمدك ...
بالله تستني الويك اند ... وتجتهد رغم المنفرات كلها عشان ترضيها لاجل أكله مدنكله في الويك اند .. " انشالله ترمي ليك طعمية " ..." تقول ليك ببرود " بيتزا " ...
يحيى قبانى...عندى صحبتى بتهرج ليها يومين فى كلامك ده حرام عليك و الله. انا شغالة 40 ساعة فى الاسبوع اقل شيء. و جماعتى ديل كل يوم بياكلوا اكل مطبوخ فى البيت. ده غير العصيدة و الملاحات فى رمضان و فى الويك اند. و الله صعبت على روحى لما قريت كلامك ده. انا زولة الساعة 6:30 صباحا بيبدا يومى. بينتهى 10:00 مساء لما اغسل عدة العشا و انظم المطبخ و اجهز لليوم التانى. ناسي ديل بياكلوا بيتزا لما يشتهوها. مرة فى الشهر او الشهرين. ما متزكرة اخر مرة جبتا دلفرى متين. بعلى حتى غداه للمكتب كنت بعمله ليه يشيله معاه. هسي بقى مدير كبير و كل يوم غدا عمل...الله ريحنى. هسي انا جارية اجيب الاولاد من المدارس و احصل اعمل الغدا. طبيخ رجلة و سمك محمر. الله يسامحك يا قبانى
Post: #151 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 01:08 AM Parent: #150
Quote: يحيى قبانى...عندى صحبتى بتهرج ليها يومين فى كلامك ده حرام عليك و الله. انا شغالة 40 ساعة فى الاسبوع اقل شيء. و جماعتى ديل كل يوم بياكلوا اكل مطبوخ فى البيت. ده غير العصيدة و الملاحات فى رمضان و فى الويك اند. و الله صعبت على روحى لما قريت كلامك ده. انا زولة الساعة 6:30 صباحا بيبدا يومى. بينتهى 10:00 مساء لما اغسل عدة العشا و انظم المطبخ و اجهز لليوم التانى. ناسي ديل بياكلوا بيتزا لما يشتهوها. مرة فى الشهر او الشهرين. ما متزكرة اخر مرة جبتا دلفرى متين. بعلى حتى غداه للمكتب كنت بعمله ليه يشيله معاه. هسي بقى مدير كبير و كل يوم غدا عمل...الله ريحنى. هسي انا جارية اجيب الاولاد من المدارس و احصل اعمل الغدا. طبيخ رجلة و سمك محمر. الله يسامحك يا قبانى
والله كنت متأكد انك ماشبه ناس كتار ...
ووالله تاني ... ياخي انا بتكلم علي غاليبة عظمي من الحاصل ...انتي وصاحبتك الله يديكم العافية ياخي ...
تاني بقول ليك ... اي انسانة ثقتها كامله في نفسها ...كلامي ده تعتيره ونسة وفض مجالس ...
لكن يا سمارت ...انا باني كلامي ده علي حوامة في الدنيا قوامها كتير خلاص ...
عشت في الخليج فتره وبعدها 18 سنة في كندا ... واشتغلت وانا طالب من عمري 15 سنة لقيط الفراولة لغسيل الصحون في انجلترا لما الله غفر لي ...
وشايف و راصد ...
المهم يا سمارت ...الواحدة ما تنسي نفسها ... سواء كانت قاعده في بيتها ما شغاله ... ولا تكون مرأه عامله ...
" كدى النحرشك " ... وكت هو بقي مدير كبير وانتي شغالة طول اليوم ... ما تشوفي ليك حاجة من الفلبين كده تقوم بحاجات الغسيل و العدة ...
عشان انتي كمان ما تنسي رقبتك ... لأانو عشاءات العمل الكتيره دي ... بتبقي ليك زي زولة التراويح ديك ... الرجال زي الموية في الغربال اساليني انا ..
خليكي في هيأه تخليهو داير يكلفت عشا العمل ده ويجي طاير البيت طوالي ...
وصدقيني ... سيبك من اي شي ... لا علم ...لا طبيخ ...لا بطيخ ... لا مرأه عامله ...لا قاعدة في بيت ...لا دكتوراه ...لا محو امية لا رمي طعمية ...
التوافق الروحي و الجسدي بين الطرفين هو سر الحياه ... الباقي غشة ساكت ...
Post: #152 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 01:49 AM Parent: #151
اها يا سمارت ... الطعمية زاتها اصبحت مهدده في امريكا ...
Post: #153 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-10-2012, 03:02 AM Parent: #152
يحي المجرم. طلعتا ديناصور. 15 في كندا و 20 في الخليج و 30 في انجلترا ^_^ عشاء عمل؟؟؟؟ هسي منو جاب سيرة عشاء؟ غدا بس. العشا خارج البيت ده لازم بإذن. عندي زولة بتجي تنظف و تطبق الغسيل. و انا و أولادي ما بنلبس هدوم دايره مكوة. و أبونا بيودي القمصان الدري كلين. لكن الطبيخ و العدة ديل ما في فكاك منهم. العمالة اليدوية في البد دي غالية جداً. الزولة اللي بتجي تنظف دي بتاخد 18 دولار في الساعة. ده غير الزول البيقطع النجيلة و الزول البينظف الحوض. لكن ده ما بيمنع اننا تعبانات شكرًا على حسن الظن. مشيل بكمان دي متخلفة عقليا.
Post: #154 Title: Re: مفهوم الرومانسية عند المرأة السودانية - الحب الصامت Author: سارة علي Date: 10-10-2012, 03:12 AM Parent: #153
أخير النعاين بس...
------------ رمانة ...أنا من زمان ليه ما بقرا ليك؟؟
Post: #155 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 05:09 AM Parent: #154
Quote: يحي المجرم. طلعتا ديناصور. 15 في كندا و 20 في الخليج و 30 في انجلترا ^_^ عشاء عمل؟؟؟؟ هسي منو جاب سيرة عشاء؟ غدا بس. العشا خارج البيت ده لازم بإذن. عندي زولة بتجي تنظف و تطبق الغسيل. و انا و أولادي ما بنلبس هدوم دايره مكوة. و أبونا بيودي القمصان الدري كلين. لكن الطبيخ و العدة ديل ما في فكاك منهم. العمالة اليدوية في البد دي غالية جداً. الزولة اللي بتجي تنظف دي بتاخد 18 دولار في الساعة. ده غير الزول البيقطع النجيلة و الزول البينظف الحوض. لكن ده ما بيمنع اننا تعبانات شكرًا على حسن الظن.
كمان ما لدرجة ديناصور ... يعني فيني حبة رقشة ...
اتخرجت سنة 83 بس من معمار جامعة الخرطوم ... يعني لسه بنقول يا هادي
بالنسبة لموضوع الدري كلين .... ما تلاوزي يا سمارت ... لكن نومي قافله عين و فاتحة عين ....
Post: #156 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 05:11 AM Parent: #155
Quote: أخير النعاين بس...
------------ رمانة ...أنا من زمان ليه ما بقرا ليك؟؟
و عليكم السلام ورحمة الله تعالي و بركاته
Post: #157 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-10-2012, 05:20 AM Parent: #156
Quote: اتخرجت سنة 83 بس من معمار جامعة الخرطوم ... يعني لسه بنقول يا هادي
وأنا أقووووووووول كنت ساكن مع مصطفى حمدتو في داخلية عطبرة الطابق الرابع ؟؟؟
هل كتبت موضوع في الصحف زمان أدى لحذف قصة من منهج دراسي ؟؟ أظن الموضوع عن اليهود في مقرر إبنة شقيقتكم أثناء مراجعتك لدروسها
أم تشابهت الأسماء على ؟؟
_______________
إختبار لذاكرتي
Post: #158 Title: Re: مفهوم الرومانسية عند المرأة السودانية - الحب الصامت Author: منال Date: 10-10-2012, 05:31 AM Parent: #156
صباح الرومانسية والحب الصامت
تظل الرومانسية امنية بعيدة المنال لدى بعض الازواج لاهمال زوجاتهم الشديدد لهم
الرجل لما يفكر يتزوج وحده تانيه بكون عندو فراغ عاطفى
يحي بجيك برواقه خلينى اصحصح بس ,,,
Post: #159 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 08:49 AM Parent: #158
Quote: وأنا أقووووووووول كنت ساكن مع مصطفى حمدتو في داخلية عطبرة الطابق الرابع ؟؟؟
هل كتبت موضوع في الصحف زمان أدى لحذف قصة من منهج دراسي ؟؟ أظن الموضوع عن اليهود في مقرر إبنة شقيقتكم أثناء مراجعتك لدروسها
أم تشابهت الأسماء على ؟؟
_______________
إختبار لذاكرتي
الذاكرة حديد يا عاطف ... ما شاء الله ويا حليل درش ... فردتي الجميل ....
ياهو يحي قباني شخصيا ...
القصة صحيحة ... بس مش أدت الي حذف المادة بس... كمان الي تسفير الاستاذ
ما زلت محتفظ بكتاباتي في جريدة الايام ... بعد الانتفاضة ...
يبقي السؤال .... من هو عاطف عمر؟ والله انا ذاكرتي ما زالت بخير ولكن للأسف
لم أتذكر الاسم ...
Post: #160 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 09:02 AM Parent: #159
Quote: صباح الرومانسية والحب الصامت
تظل الرومانسية امنية بعيدة المنال لدى بعض الازواج لاهمال زوجاتهم الشديدد لهم
الرجل لما يفكر يتزوج وحده تانيه بكون عندو فراغ عاطفى
يحي بجيك برواقه خلينى اصحصح بس ,,,
صباحك أصفي من ماء الزلال يا ست الناس ...
صحصحي يا منال ... و فهميهم ... لعل وعسي ...
شفتي كيف عاطف عمر مرقلي القديم كلو ...
طلعت بكتب في الجرائد من 27 سنة ... و برضو قالو برالمة و لساننا طويل
الله يمسيك بالخير يا صديقي يا هاشم صديق
هاشم قال:
قرالو كتاب
حفظ اسمُه واسِم كاتبُه
وجُمَل من أولُه وآخرُه
وبِقى مثقف خَطير شأنُه
يقَعّر فى الكلام دُراب
ويقول رأيُه
فى كل الشعرا والكُتّاب
صباحك عجوة معطونة بي عسل يا منال
Post: #180 Title: Re: مفهوم الرومانسية عند المرأة السودانية - الحب الصامت Author: جميلة ابراهيم السيد Date: 10-11-2012, 00:12 AM Parent: #160
ابو الياء وضيوفك الكرام
متابعة لصيقة للبوست دة ... كل يوم انوي بالرد الطويل ومفسر تخذلني الظروف ... لكن يا صديقي بيني وبينك مندهشة جدا وانا اقراء بعض الاقلام .
يلا قلنا نقول متابعين لحين ميسرة
تحياتي
Post: #161 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-10-2012, 09:11 AM Parent: #159
Quote: يبقي السؤال .... من هو عاطف عمر؟ والله انا ذاكرتي ما زالت بخير ولكن للأسف
لم أتذكر الاسم ...
عاطف عمر محمد صالح - من أبناء مدينة رفاعة هندسة مدنية جامعة الخرطوم 1984 تجاورنا في السكن في داخلية عطبرة في الطابق الرابع غرفتنا كانت الغرفة الثانية بعد السلم الغربي وغرفتكم كانت أظنها الرابعة أو الخامسة كان يشاركني في السكن الأعزاء عفيف مشرف ( كهرباء ) وعبدالكافي الطيب ( مدنية ) ومحمد عوض ( ميكانيكا ) ويجاورنا في الغرفة الأولى محمد ميرغني ( كيميائية ) وطارق حسن الشيخ ( كهرباء ) ثم ناس مامون سيد أحمد وعصام الفاضل وعصام حسن عبدالوهاب كنا نطلق على غرفتكم - دون معرفتكم بالطبع - كنا نطلق عليها إسم ( الهيلتون ) نظراً لما فيها من وسائل الرفاهية
كان ذلك زمان ما أجمله .. زمان يسكن فيه أبناء العاصمة ( المرتاحين ) يسكنون الداخليات مع نظرائهم القادمين من الأقاليم
______________________
Quote: ما شاء الله ويا حليل درش ... فردتي الجميل ....
لا أدري لماذا شعرت بإحساس غير مريح أين مصطفى حمدتو الآن ؟؟ أنا طبعاً في الخليج منذ 1986
Post: #162 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 09:35 AM Parent: #161
يا سلاااام يا عاطف ... تذكرتكم تماماً ... بس كنتو هادين ... وانحنا كانت كشاتينا تقول يا ليل
انا اعرف قمر الدولة الأخ الأكبر لعفيف حق المعرفة ...
مصطفي بخير لكن انقطعت أخباره إلا لماما
بعدين ياخي كانت غرفتنا تتكون مني انا ومصطفي " أولاد أم در " ونصر الدين عبده ود الجريف و اللوبيا و محمد أبو صالح ود شندي
يعني ما ناس مرتاحين بس .. هههه
بجيك راجع تاني ...
مأمون سيد احمد صديقي الجميل ... ود مدني ... وعاطف الزبير ... والمرحوم عادل سليمان
وذكريات طويييييله
Post: #163 Title: Re: مفهوم الرومانسية عند المرأة السودانية - الحب الصامت Author: تيسير عووضة Date: 10-10-2012, 10:42 AM Parent: #162
يحيى وعاطف
البوست إتقلب بقدرة قادر لبوست اليوم الحار قال رومانسية قال
احكي قصة السودانية ..
Post: #164 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-10-2012, 10:58 AM Parent: #163
Quote: البوست إتقلب بقدرة قادر لبوست اليوم الحار قال رومانسية قال
دي إسمها ( إستراحة رومانسي ) يا تايسا لا حولاااااا
يلا يا عم يحيي لا تأخذك بهن رأفة
Post: #165 Title: Re: مفهوم الرومانسية عند المرأة السودانية - الحب الصامت Author: منال Date: 10-10-2012, 01:32 PM Parent: #164
نحن ما صدقنا انو جانا زول قال داير يعمل عمود في نص الاوضة:)
_________
وهذه قصة تدعم تضحية المراة السودانية بالاضافة لرومانسيتها المتدفقة:)ض
صحبي مرتو جننتو قالت دايرة دهب لانو بحفظ المال وقيمتو دائما فيهو
وهو احسن استثمار وبنفع في اليوم الاسود و و و نقة كتيرة المهم اتصل علي
وطلب اسماء ناس في دبي عشان لمن تمشي يساعدوها في شراء الدهب
وحاوت احرضو انو ما يسمع كلام اليوم الاسود والكلام المجاني دا لانو كان شحد
ما حتبيع دهبا المهم الراجل فشل في مواجهة الاعصار وسافرت واشترت دهب
بــمبلغ كبير ...المهم الزولة شالت المجنزرات الدهبية بتاعتها ونزلت السودان
وجات بعد كم شهر لامريكا .. الراجل اخد اجازة اسبوع وفهمها انو وفقوه من العمل ومحتاج
للقروش بشدة والا حيفقدوا البيت.. الزولة كضمت وفكرت زين وقالت ليهو ما عندك حل غير تبيع العربية:)
نوباتيا ... انا أي واحده جات بالدرب و قالت انا واثقة من مقدراتي و محفزاتي ... وختت قفازها ارضا .... طوالي بنقالدها ونقعدها لوج ... وننور ليها سكتها
هي تتعلم و تمشي تعلم " رفقاتها" ....
بالله انا افتكرت عمودي الاستيل ده عدي فات ... اتاريك ناقش ... لكن شنو ليك ... بالله ما فكره؟
انت ساره دي شنو ؟ كانت نايمة وصحوها وحرشوها علي ولا شنو؟
قالت ليهو تبيع العربية يا حسين ؟؟؟
أبو التبيعة الشالت قولي آمين ....
Post: #170 Title: Re: مفهوم الرومانسية عند المرأة السودانية - الحب الصامت Author: سلمى الشيخ سلامة Date: 10-10-2012, 03:21 PM Parent: #165
يحى قبانى ازيك ود امى المشكلة مافى الرومانسية او العكس المشكلة فى التربية حقتنا تربيتنا قائمة على اساس الرجل هو الذى لا يبكى ولا يلعب مع البنات ولا يقعد معهن "تالتن الفى الدلكة والدخان مخالطهن " والبنات ، هن امهات منذ الطفولة يخلفن الام فى تربية الاطفال يخلفنها حتى يدخلن الى بيوتهن فيقمن بنفس الواجب تجاه الزوج "لا لمسة حنان لارمشة طريف " ولو حدث ان قالت كلمة "حبيبى " فهى طالق وهذا ما حدث لصديقتى التى يشتغل زوجها فى السعودية جاءتنى تبكى ذات يوم وحين اشرقت بالاجابة حين سالتها عن السبب ذهب عجبى لانها فقط قالت لزوجها "حبيبى " الرومانسية مطلوبة والمحبة بين الناس حتى ان كانوا غير متزوجين مطلوبة لكن لاننا تربينا تربية فى منتهاها "الراجل هو البتحكم " اخوك الصغير يمكن ان يقيم الدنيا ولا يقعدها ان فقط راى اخته تتحدث الى ولد الجيران فى براءة تتحول البراءة من ثم الى عنوة واقتدار "كيتا كدى " المراة السودانية شخصية قوية والرجل الضعيف هو من يكسب شخصيتها القوية نتاج ازمة اجتماعية ترى نفسها دائما المهزومة فتنجرف الى القوة بحيث تثبت انها الاقوى وينتج عن ذلك عدم المساواة فى التعاطى "ويجئ نتاجا لذلك المثل " المابخاف من مرتو ما راجل " اتمنيت على صعيد شخصى ان اكون تلك المراة التى "تخوف " لكنى مجبولة على الخوف ا لذى تربيت عليه اذن نتفق ان المسالة اجتماعية وليست شخصية فى المجالس الخاصة للرجال والنساء يجرى الحديث عن تلك التخوفات لكن لايجرى حديث اجتماعى علمى للخروج منها كازمة يجب ان نديرها لنخرج عن دائرتها ربما فى موقع اخر تحدثت عن ازمتى الخاصة وكيف انى وجدت الحل الاسهل هو الخروج عن تلك الازمة بلا منتصر او مهزوم ثم يا صديقى انظر الى ارتال النساء الوحيدات اللاتى ربين اطفالهن فى منعزل عن الزوج بسبب تعنت الزوج واخرجن الى هذه العالم رجالا ونساء اقوياء هذه ظاهرة ربما تحتاج منا الى وقفة ودراسة بل ان الامر يتعدى القوة والضعف الى هروب "راسو عديل من جهة الاب ووقوف الام وحدها فى مواجهة ازمة تديرها بقوة لانها وحيدة وعزلاء الا من اطفالها " اذن المراة ليست ضعيفة ولا هى مخاتلة ولاهى اى صفة بل هى وهو ايضا نتاج تربية غبية ان صحت التسمية تجعل المرونة اسا غائبا فى هذا المتن ومحاولة رأب الصدع تتوجب دخول عنصر الدراسة والتحليل والمعرفة الشاملة الاجتماعية لوضع الامور فى نصابها وهذا ما يحدث فى الدول التى تحترم مواطنها حتى ذلك الحين نظل اسيرى الاتهامات المتبادلة بيننا رجال ونساء ولك الانحناء والتجلة وارمى لينا تلفونك لو سمحت
Post: #171 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-10-2012, 05:41 PM Parent: #170
والله يا اخت سلمي الشيخ ما عرفت اخذ ليك جزء (quote) اشير ليه كلامك كله مريح جداوكامل الدسم واختصر الشغلانة والنقه الفوق دي كلها في نظرة بت البلدالحقيقية للانثي السودانية وصنوها الذكر من واقع حقيقي وملموس عشناه ولا زالت ضلاله تغطي مساحات من مفاهيمنا خاصة تلك الخاصة بالرومانسيه ولنسمها (احلام البنات الحلوه المشروعه)المتعلقة طبعا بالعاطفة ، واصدقك القول يكاد ينعدم (هذا الشيئ) في مجتمعنا الذكوري الذي عايشناه ....والذي امام اعيننا حاليا ... تسلمي يا سلمي
Post: #172 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-10-2012, 07:31 PM Parent: #171
نوباتيا...وينك يا اخى??? مالك عينا???...يحي زول لسانه طويل لكن مجامل...خليه يجاملنا
Quote: هسي زي اسمارت دي كنت تصارحها انو غدا العمل البقولو راجلها دا عشان يزوغ من طبيخها وانا القدامك دا بعملها تلاتة مرات في الاسبوع .. اها .. موت موت كاوتش كاوتش...
احنا ناسنا ديل ممسوكين جامد.... اول حاجه اهم شي نعمل Shared Calendar.....عشان اعرف اصلا الغداوات ده الماشي فيها منو!!!! ده غير ان ابل (كتر خيرها) عملت لينا تطبيقات تخلينا نعرف الجماعة ديل وين طول ما التلفون فى الجيب. بعدين انت و كت خايف من الكاوتش ما تمشي عديل ^_^.... بعدين الله ريحنى يا اخى اقعد كل يوم اعمل غدا و عشاء.
Quote: وهو احسن استثمار وبنفع في اليوم الاسود و و و نقة كتيرة المهم اتصل علي
تعرف ان موضوع الدهب ده طرحى واااضح فيه. انا دهبى ده قاعده اتعب فى عزله و زوقي صعب و بلاد الفرنجة دى ما فيها دهب سمح بالساهل. عشان كده دهبى ما للاستثمار. الواضح ما فاضح واحد صاحبنا قبل ٣ سنوات زوجته بكل حسن نية ادته كل دهبها باعه عشان مشروع تجارى....يا زول كم شهر كده و اسعار الدهب بقت طايرة بصاروخ. اها صاحبنا مشروعه ماشي كويس...لكن اسعار الدهب اتضاعفت (اظن ) 3 مرات. and there is no way that his project will have the same return on investment as gold اها صاحبنا محرررروج.
Post: #173 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-10-2012, 09:32 PM Parent: #172
بما انكم جبتو سيرة الدهب، امس كنت بفكر في النقطة دي.. المرأة السودانية بتعز الدهب ليه... يعني انا بتخيل انه السودانيه ممكن جدا لو زوجها جاب ليه بوكيه ورد، ممكن تقول ليه "كان جبتهن في دهب ما كان احسن!" واضعف الايمان انها تقولها في سرّها... الامهات زاتو بزنّوا في النقطة دي كتير.. والمجتمع بشكل عام بقيس تقدير الراجل لمرته بكمية الدهب المشتريه ليها... صحي الصرف بشكل عام ممكن نعتبره دليل "تقدير".. لكن اشمعنا الدهب تحديداً!... او كمان انه يسجّل ليها البيت باسمها .. .. الفكرة شنو؟
في تقديري المسألة مسألة شعور بالأمان.. المرأة بتكون عايزه تشعر بشي يسندها لو الراجل قرر يبيعها ويتزوج عليها او يطلقها... عشان كده ما بتبيع ليه دهبها... الاستقلال المادي من جانب المرأة من الحاجات البتخلي العلاقة اقوى (في رأيي).. لما الامور المادية ما تكون مطروحه كجزء من الموزنات، بتبقى بعداك ابعاد أقوى واعمق للعلاقة.من كونها علاقة صارف ومصروف عليهم، لعلاقة شراكة ممكن تكون 50% 50% وممكن تكون 80% 20% ما مشكلة.. اعتمادية المرأة على الرجل اقتصادياً بتخليها بشكل من الاشكال، الطرف الاضعف حتى لو ظهرت قوّتها.. يا ما سمعنا عن نساء طلعوا من الزواج بلا شيء.. وبقت كمان مسؤولة عن اطفال وعن تربيتهم... لو قلنا انه حقو الراجل يبذل مجهود يحسسها بالامان، ما اعتقد انه حينجح.. الخوف الجوا المرا ده أصيل وعميق بعمق المثل "يا مآمنه للرجال...."
وجب التنويه انه انا عندي حببببة دهيبات، وبحب الاكسسوار.. ولو قح ساي ببيعهم ليه... واحلفه واخصّمه لحدي ما يشيلهم... عشان ما تشخصنو التحليل ده وتقولوا ببرر... حاكم ده بوست مليان ناس صعبين!
غايته!
Post: #174 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-10-2012, 09:48 PM Parent: #173
Quote: وجب التنويه انه انا عندي حببببة دهيبات، وبحب الاكسسوار.. ولو قح ساي ببيعهم ليه... واحلفه واخصّمه لحدي ما يشيلهم... عشان ما تشخصنو التحليل ده وتقولوا ببرر... حاكم ده بوست مليان ناس صعبين!
ضحكتينى يا مريوم.....يديك العافية..
Post: #175 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 10:50 PM Parent: #174
Quote: اذن المراة ليست ضعيفة ولا هى مخاتلة ولاهى اى صفة بل هى وهو ايضا نتاج تربية غبية ان صحت التسمية تجعل المرونة اسا غائبا فى هذا المتن
سلمي يا جميلة مشتاقين والله ...
راجعي كلامي سطر سطر و زنقة زنقة ... لو لقيتيني قلت المرأه السودانية ضعيفة ... حقك علي ...
انا بقول المرأه السودانية في بيات شتوي من اهتمامها برقبتها ... وده شي مهم من اجل ان تكون هناك حياة عاطفية و جنسية كاملة العافية بين الزوجين ...
طبعا ما في زول واحد بالغلط جا داير اتكلم في الحتة دى ...لأنه ده يعتير كلام " قلة الأدب " ... مع انو كل بوستات الرجال بتتكلم عن المرأه سواء كانت موريتانية او شيطانية
القصة في النهاية ...اللقاء الروحي و الجسدي ... والبقول ليك غير كده كضاب ... الحكاية ما جيب اولاد ... وخلاص قضيت ...
الحكاية انو التلاحم الروحي و الجسدي بيخلي الدورة الدموية بين الاتنين وكانها جارية في وريد واحد ... القلب واحد و النبض واحد ...
ده بيخلق نوع من التفاهم غير عادي ...
انا هنا ما بعني انو المرأه تسيب كينونتها و شخصيتها و عملها ...نهائيا ... بس لازم الحكاية تكون فيها حتة الانوثة ... البتمرق حتة الرجولة في الرجل ...
تلفوني جاييك في الطريق ...
Post: #176 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 11:00 PM Parent: #175
Quote: مالك عينا???...يحي زول لسانه طويل لكن مجامل...خليه يجاملنا
كتر خيرك ... ندي في الدروس المجانية و آخرتها يطلع لساننا طويل ...
مقبولة منك ... انا شخصيا بحب المرأه الشرسة ...
Quote: اول حاجه اهم شي نعمل Shared Calendar
صدقيني ... لا كاليندر لا دياولو ... خليهو دايما يشتاق ليك ... و بس ....
Quote: تعرف ان موضوع الدهب ده طرحى واااضح فيه. انا دهبى ده قاعده اتعب فى عزله و زوقي صعب و بلاد الفرنجة دى ما فيها دهب سمح بالساهل. عشان كده دهبى ما للاستثمار. الواضح ما فاضح
ماي جود .... حتي انتي يا سمارت ؟؟؟
Post: #177 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-10-2012, 11:09 PM Parent: #176
Quote: في تقديري المسألة مسألة شعور بالأمان.. المرأة بتكون عايزه تشعر بشي يسندها لو الراجل قرر يبيعها ويتزوج عليها او يطلقها... عشان كده ما بتبيع ليه دهبها... الاستقلال المادي من جانب المرأة من الحاجات البتخلي العلاقة اقوى (في رأيي).. لما الامور المادية ما تكون مطروحه كجزء من الموزنات، بتبقى بعداك ابعاد أقوى واعمق للعلاقة.من كونها علاقة صارف ومصروف عليهم، لعلاقة شراكة ممكن تكون 50% 50% وممكن تكون 80% 20% ما مشكلة.. اعتمادية المرأة على الرجل اقتصادياً بتخليها بشكل من الاشكال، الطرف الاضعف حتى لو ظهرت قوّتها.. يا ما سمعنا عن نساء طلعوا من الزواج بلا شيء.. وبقت كمان مسؤولة عن اطفال وعن تربيتهم... لو قلنا انه حقو الراجل يبذل مجهود يحسسها بالامان، ما اعتقد انه حينجح.. الخوف الجوا المرا ده أصيل وعميق بعمق المثل "يا مآمنه للرجال...."
اختنا مريم ...
التحية ليك يا عزيزتي ...
الامان للمرأه و للرجل علي السواء هو علمهم ..وعملهم و ثقافتهم ... المرأه ليست سلعة حتي يكون مقياس الامان عندها كنز الذهب و الفضة ...
الاستقلال المادي لو ما خلقتو بيدها ...ما اسمو استقلال مادي ... اسمو اتكالية و خمول بس راجية المسكين ده يكدح و هي تأمن حياتها ؟؟؟
هو يموت ...وهي تعيش باقي العمر من خيرو ؟؟؟
طول ما الرجل السوداني بيموت قبال مرتو بي 30 سنة ...اذا المشكلة قائمة ... عمره المسكين يقصر ...من ورا تأمين مستقبل ست الحسن و الجمال ...
وبعد ده يا مريم .." وانا بتكلم عن نسبة ضخمة " ... مافي مقابل للرجل ... مافي شي يعوضه تعبه و شقاه ...
كوني بخير يا ستي ...والعتبي لو لم يصادف ما قلته هوي في نفسك ...
Post: #179 Title: Re: مفهوم الرومانسية عند المرأة السودانية - الحب الصامت Author: عبدالله احيمر Date: 10-10-2012, 11:27 PM Parent: #176
يحـي سـلام يا زول الزمن داك , علك طيب
ياخـوي انتو رومانسـيتكم كانت
( حني حنـي علي انا يا ســتي )
و قضيـو الزمن كلو تسـتجدوا الرومانسـية
ولكن بالمقابل لم تقدموا غير الكـلام السـمح من بعـيد والفقارة من قريب ( طبعا اناو صاحبك سـامي ما معاكم )
اراك قسـوت عليهـن
سـلامي لك و لاسـرتك وخاصة بتاعة ( جرعة )
Post: #178 Title: Re: مفهوم الرومانسية عند المرأة السودانية - الحب الصامت Author: ابن النخيل Date: 10-10-2012, 11:14 PM Parent: #175
يا قبة التحيات...اظن انا جيت لى مؤتمر علمى فى مدينتكم والتقيتك مع صديق مشترك.... بعدين كلو جاجة ولا دهب النسوان دا لانو امى الله يديها العافية حتى قيل اسابيع ابان زيارتى لها تردد كل ما اصتصعب عليها شئ ماديا.... تقول اكان ابيع دهبى الا اسوي الشى دا... هذا استثمار بعيد المدي وللحليفة ايضا
مع التحية
Post: #181 Title: Re: مفهوم الرومانسية عند المرأة السودانية - الحب الصامت Author: سارة علي Date: 10-11-2012, 00:51 AM Parent: #178
نوباتيا...
"الشئ" دا سالك قال ليك سارة دي "شنو".؟
Post: #182 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 01:19 AM Parent: #181
Quote: يحـي سـلام يا زول الزمن داك , علك طيب
ياخـوي انتو رومانسـيتكم كانت
( حني حنـي علي انا يا ســتي )
و قضيـو الزمن كلو تسـتجدوا الرومانسـية
ولكن بالمقابل لم تقدموا غير الكـلام السـمح من بعـيد والفقارة من قريب ( طبعا اناو صاحبك سـامي ما معاكم )
اراك قسـوت عليهـن
سـلامي لك و لاسـرتك وخاصة بتاعة ( جرعة )
يا حليلك يا عبدالله ...
ياخ انا ما سألتك في بوست تاني انت ياكا احيمر المنصورة ولا زول تاني ...
حليل ايامك يا رجل ... والله مشتاقين ليك و للزمن الجميل ...
سامي صاحبك قابلته قريب في تورنتو ... و انت عارف طبعا انو في السودان ...
السلام يوصل فردا فردا و سلم علي الجميع ...
اما بالنسبة للقسوة ... فوالله ما المقصود غير انها تكون " ويك أب كول " ... للشابات ديل ...
ابقي قريب يا حبيبنا ...
Post: #183 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 01:21 AM Parent: #182
Quote: يا قبة التحيات...اظن انا جيت لى مؤتمر علمى فى مدينتكم والتقيتك مع صديق مشترك.... بعدين كلو جاجة ولا دهب النسوان دا لانو امى الله يديها العافية حتى قيل اسابيع ابان زيارتى لها تردد كل ما اصتصعب عليها شئ ماديا.... تقول اكان ابيع دهبى الا اسوي الشى دا... هذا استثمار بعيد المدي وللحليفة ايضا
مع التحية
هلا يا حبيب ... كدى ذكرني ...ابن النخيل براها ما جابت نتيجة ...
حبوباتنا يا قريبي كان ياهو راس مالن ...اها بنات الزمن ده القروهن و علموهن ... برضو جارين ورا الهد البيجيبو ابو العيال !!!
بس معقولة ...
Post: #185 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 01:32 AM Parent: #183
Quote: نوباتيا...
"الشئ" دا سالك قال ليك سارة دي "شنو".؟
زعلتي لانك ما فهمتي طبعا ...
لما اقول فلانة دي شنو ...بعنى منو + صفتها شنو + و كينونتها شنو
يعني بالانجليزي what is she , means is she a VIP is she the CEO of the forum, is she a doctor in physics .. and so on my dear
when who is she means who is that woman, don't know her
اتوقعتك حاجة مهمة ... ما علينا ...
اما رد فعلك بالرد انو " الشي " ده قال ... فده حسب شخصيتك و طريقتك في الحياة ...امكن ده العادي حقك ...
علي اي حال ..مافارق معاي اطلاقا ... خدي راحتك تماما ...انا موضوعي ما معاكي ...
Post: #188 Title: Re: مفهوم الرومانسية عند المرأة السودانية - الحب الصامت Author: سارة علي Date: 10-11-2012, 03:09 AM Parent: #185
أنا رديت على رمانة لانو ما قريت ليها قبل كدا واسلوبا كيفني.. باقي المداخلات فطيت اغلبا.. ما عدا طبعا مداخلات حاجة مشاعر "منال" المهم كلمة"شنو" دي ما عجبتني.. طبعا أنا من النوع السكاتو صعب في البورد دا لو فتح.. اسأل مني الرومانسية صديقتي الصدوقة حبيبة ألبي ام حلق "منال" قدامي كان حلين عشان ابلع "شنو" دي.. يا كان ارد.. او ارد..
Quote: .انا موضوعي ما معاكي ...
مع منو طيب.. يا ربي اكون مرأة ما سودانية؟ ولا اكون ما مرأة سودانية؟ سجمي.. ولو ما عندك معاي موضوع.. أنا عندي من ما علقت وقلت:
Quote: كانت نايمة وصحوها وحرشوها علي ولا شنو؟
وتعليقك بتاع "يمكن دة العادي بتاعك" ما تستغرب.. زي العادي بتاعك القلبني بقدرة قادر من سارة لي "شنو" ولا شنو يا نوباتيا؟ الليلة عامل لي فيها شدو :) مع تحياتي سارة علي غرافة-كبكابة ---------- منال شكرًا على التعزية وبلغي سلامي لرشا
Post: #189 Title: Re: مفهوم الرومانسية عند المرأة السودانية - الحب الصامت Author: سارة علي Date: 10-11-2012, 03:29 AM Parent: #188
عاين.. أنا راجعت مداخلتي ولقيت كلمتي شينة بتاعت ال"شئ" فمعليش .. بس كمان ان ذاتك غلطان
Post: #186 Title: Re: مفهوم الرومانسية عند المرأة السودانية - الحب الصامت Author: حسين نوباتيا Date: 10-11-2012, 02:31 AM Parent: #181
يا سارة اعتقد انك حمّلتى "شنو" قباني اكثر مما تحتمل ..
وذهبت بك الظنون مذهبا بعيدا ... انا فهمتها من السياق انه
يسال عن اتجاهك في موضوع البوست ... فالرجل رغم سخريته اللاذعة
الا انه يحاور الاخوات باحترام ويحرص على اختيار مفرداته بعناية
فلا يعقل ان ياتي بـ "شنو" السالبة لشخص اصلا هو لا يعرفه...
الموضوع رغم جديته الا انه مطروح بشكل خفيف ومرح
فيبدو انك overlooked الروح التى طرح بها قباني الموضوع..
تحياتي ..
____________
Post: #184 Title: Re: مفهوم الرومانسية عند المرأة السودانية - الحب الصامت Author: سلمى الشيخ سلامة Date: 10-11-2012, 01:25 AM Parent: #175
الحبيب قبانى وحات سيدى الحسن ما قلت انك قلت انها ضعيفة لكن بتكلم من وجهة عامة البعض يفتكر انها ضعيفة وبستغل "الطيبة فى قلبك وباسم العواطف خدعوك " او كما قال شيخى اسماعيل حسن المسالة تحتاج الى وقفة والى رؤية اجتماعية وثورة تقدر تقول اجتماعية شاملة فالضعف انسانى وليس غير احب ضعفى الانسانى وازعم انه لولا هذا الضعف لما كنا محل محبة والرجل ايضا لديه ضعفه وقوته بالمناسبة احكى لك قصة خاصة كان فى زول عامل فيها بحبنى وما ادراك ، المهم عندى صديق رحمة الله عليه كان معانا هنا فى ايوا كنت امشى اليه كل يوم تقريبا اغسل ملابسه واعد له ما استطعت من طعامه وانظف بيته كنت افعل ذلك بحب لانه شخص يستحق الحب المهم هذا الذى ادعى انه يحبنى منعنى ان امشى لصديقى او اقدم له اى خدمة كنت اقدمها له باختصار قلت لمن ادعى محبتى ـ شكرا لك وما تكلمنى تانى ولا بعرفك وابقيت على صداقتى لصديقى الذى شاء الله ان يرحل الى ابديته رحمة الله تغشاه واقسم انى لو كنت متزوجة لما تركت صديقى يحتاج لاحد غيرى المسالة يا سيدى هى هذا الحس المتملك الحس الذى يتعاطى مع النساء وكانهن قطعة ديكور فى المنزل او تربيزة ما الانسانية لها عدة اوجه ولها عدة ملامح ليس اولها العطف والاشتياق ولا نهايتها السرير فمن الممكن ان تكون الى جانب من هو زوجك او هى زوجتك لكن ليس من واصل بينكما ليس من لغة مشتركة بينكما واللغة هى لغة الجسد واللغة المحكية واللغة التى احيانا لاتبدى ولاتعيد "نمة " بالعيون تكون بالتواصل الحميم تفهم ان نظرت اليها ويفهم ان نظرت اليه يتقاطعان فى الكلام "الحس السادس " وان لم تتوفر هذه العناصر بتصورى هذه العلاقة "مامنها فايدة " اقول فى نهاية الامر ان هذه الامور ليست حتمية ولكنها ضرورية لتمشى العلاقة بين الزوجين
Post: #187 Title: Re: مفهوم الرومانسية عند المرأة السودانية - الحب الصامت Author: حسين نوباتيا Date: 10-11-2012, 02:36 AM Parent: #184
غايتو يا قباني بوستك دا كشف لينا ريا وسكينة الجد جد اسمارت ومريم بت الحسين
رغم العلم والثقافة الا عندما ياتي الموضوع للدهب نفسن بقطع وبنسن الكلام..
بعدين ما تسمع الديسكيمر بتاعت بت الحسين انو لو قحة بتديهو ليهو - اظنها نست كلمة "دم" :)
لم ارى او اسمع طيلة حياتي انو في مرة باعت دهبا - الرجال باعوا البيوت والعربات وحتى الكلاوي لكن دهب يطرشنا:)
Post: #190 Title: Re: مفهوم الرومانسية عند المرأة السودانية - الحب الصامت Author: منال Date: 10-11-2012, 06:00 AM Parent: #187
صباح الخير على الرومانسية
منال شكرًا على التعزية وبلغي سلامي لرشا *****************************
تسلمى وآخر الاحزان انشاءالله
سلامك وصل ,,
Post: #191 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 06:26 AM Parent: #190
Quote: عاين.. أنا راجعت مداخلتي ولقيت كلمتي شينة بتاعت ال"شئ" فمعليش .. بس كمان ان ذاتك غلطان
معليش ... حصل خير ... وما مني قصد ...
البوست زي ما قال حسين رسالته واضحة ...
انتي بداية قصيدتك كانت كفر ... وجيتي طوالي قلتي نعاين بس ...
فمن الطبيعي اسأل انتي منو ... وانتي شنو ...
والسؤال ما زال قائم ... يعني انتي شنو ....؟؟؟ زول شكال ... زول صاحب مواقف معينة ... زول سمح ...
نفهم بس ... عشان لما نتكلم تاني نحافظ علي الحقوق ...
Post: #192 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 06:27 AM Parent: #191
Quote: الموضوع رغم جديته الا انه مطروح بشكل خفيف ومرح
فيبدو انك overlooked الروح التى طرح بها قباني الموضوع..
تسلم البطن الجابتك يا حبيب ...
Post: #193 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 06:41 AM Parent: #192
Quote: المسالة يا سيدى هى هذا الحس المتملك الحس الذى يتعاطى مع النساء وكانهن قطعة ديكور فى المنزل او تربيزة ما الانسانية لها عدة اوجه ولها عدة ملامح ليس اولها العطف والاشتياق ولا نهايتها السرير
سلمي يا صديقة ...
ما تزعلي مني ...ولكن استخدام تجربتك الخاصة جدا لتبرير مشاكل تقصير المراه السودانية ... ما شغال معاي ...
انا بتكلم علي نسبة كبيرة جدا ... بتشوفيهم في كل مكان ... والله حاجة تحير ... وكأنه بيصيبهم بلم فجائي ...
العولمة كما يحلو للكثيرين تسميتها ... وتقلص العالم الي شبه قرية صغيرة ... لم تغير من حال المراه السودانية "
المشكله هنا ان كل ردود الافعال جاية وكاني اقصدهم جميعا ...
والله انا مستغرب ... واقولها بصراحة ... امكن حسين ختاها بصيغة فكاهة ... وهي مسالة الدهب ...
يعني سمارت ... انسانة ناجحة بكل المقاييس .. تعمل بثقة في اميركا ... وسلاحها علمها و ثقافتها ...
مش معقول يكون الدهب حتي ليهو مجال في مجرد التفكير فيهو ... ولكن !!!
عموما الحديث طويل ... وانا بالي اطول ... والدنيا خبرتها و خبرتني ...
Post: #194 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 06:44 AM Parent: #193
Quote: غايتو يا قباني بوستك دا كشف لينا ريا وسكينة الجد جد اسمارت ومريم بت الحسين
رغم العلم والثقافة الا عندما ياتي الموضوع للدهب نفسن بقطع وبنسن الكلام..
بعدين ما تسمع الديسكيمر بتاعت بت الحسين انو لو قحة بتديهو ليهو - اظنها نست كلمة "دم" :)
لم ارى او اسمع طيلة حياتي انو في مرة باعت دهبا - الرجال باعوا البيوت والعربات وحتى الكلاوي لكن دهب يطرشنا:
لا وما كده و بس ... بالله شفت الحدة و الجفاف وعدم طولة البال ...
اها دي الحالة تلقاها مع رجالهم ...
بت الحسين تلقاها بتخت ليهو دوا القحة مع الطعمية ... عشان اصلو ما يقح ...
Post: #196 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 06:58 AM Parent: #194
Quote: صباح الخير على الرومانسية
منال ... والله انتي مفروض ما تكتبي بيدك ...
انتي بس تتكلمي و يجو القاعدين يسوطوا كايسين الخواجة " قال " ... يعملو " تايبنج " هم ...
والله لو تسمعي كلامي ... افتحي ليك فصل لتعليم الرومانسية و الاناقة و الجمال ...
يعنى حاجة زي محو الامية كده ...
تصبحين احلي و اجمل يا عزيزتي ... فقد حان وقت نومي ...
" حسه يقولو في سرهم ...نوم الظالم عباده " ... يلا ... كلو اجر و عافية ...
Post: #198 Title: Re: مفهوم الرومانسية عند المرأة السودانية - الحب الصامت Author: سلمى الشيخ سلامة Date: 10-11-2012, 01:00 PM Parent: #193
Post: #195 Title: Re: مفهوم الرومانسية عند المرأة السودانية - الحب الصامت Author: جميلة ابراهيم السيد Date: 10-11-2012, 06:52 AM Parent: #192
سلام قباني ورواد البوست
يا قباني بداية كدة تقول لي ما رومانسين وبوست حق برلوم يحصل خمسة صفحات؟ ههههههههههه
عارف يا قباني المرأة السودانية رغم انها حنونة وتتوق للكلمة الحلوة اخد وعطاء لكن طريقة التربية ما خلت ليها طريقة للرومانسية .. البنت من صغيرة محاصرة بفكرة الغلط والعيب وما تكوني خفيفة واتقلي وروقي و و و .. حتي ان من ضمن الوصايا للعروس قبل زفافها ان لا تستسلم لزوجها بسهولة وكانما هي مقبلة علي معركة ... الفهم للجنس عندنا يحتاج كثير من التوعية .. ونحتاج ان يطرح علي انة "ممارسة للحب" وتعبير عنه وليس "بعبع" وكثير من القصص التي تروي همسا تصيبك بالعجب لو استمعت اليها ... علي المستوي العام ومع طفرة التعليم وكسر الحواجز بدأت ملامح التغير تظهر علي حواء السودانية .. الام عادي بقت متابعة الموضة وبتمشي الجيم تتريض وبتمشي تتسوق مع بتها وكمان يتلابسن .. بس للاسف دي نسبة بسيطة لكن علي الاقل هي بارقة امل . دفاع البنات دائما عن وجة نظر مثل الاتبنيتا يا قباني بتكون هجوم مضاد علي الرجل وان لية انا اعمل كدة وهو مفروض يعمل كدة ....... اها خليني اوجة كلامي دة للبنات المقبلات علي الزواج وايضا للمتزوجات .. نصيحة هي اتنمني يسمعوها مني وما ياخدووها علي انها هجوم ....... مستوي الرومانسية في البيت مفتاحوا في يد المرأة ... غض النظر عن جنسية الزوج او خلفيتة الثقافية او الاجتماعية .. في النهاية هو رجل . المصريات عندهم مثل ظريف بقول "ابنك علي ما تربية وجوزك علي ما تعوديه" اها عودوا ازواجكم الكلمة الحلوة واللمسة الحنونة ... "تبرجي" لزوجك داخل عش الزوجية .. حاصرية بالحب والاهتمام والرعاية .. سيستجيب ويتحول الحال .. ابو الهول حينطق وحيلاحظ تسريحتك المختلفة وفستانك الجديد وتفاصيل صغيرة جدا يمكن انت نفسك ما تكوني منتبهة ليها .. نحن خلقنا الاحن والاقرب للرومانسية بطبيعتنا الانثوية.. اشهري اسلحة انوثتك ضد هذا الرجل وسيخر لك ساجدا مستسلما .. الاستسلام هنا سيكون في صورة حب وحنان وليس فكرة "تلبسي خاتم" ...... لا شي يوازي شخصية الرجل القوية ولكن المتفهمة والمتفاهمة .. القصة باختصار .. خليك صديقة عندما يحتاج صديق.. وام عندما يحتاج حنانك .. وخليك عشيقة حين تجمعكم غرفة النوم ... ودائما اتزكرن .. زوجي هو حلالك .. طيب لو ربنا ادانا الرخصة دي.. لية ما نستغلها لاقصي درجة؟
قباني
فكرة العمود في غرفة النوم .. فكرة مجنونة بعد شوية حتقول لينا مرايات من العرش لي تحت ههههههههههههه
قبل الخروج
بوستك جاب ليهو شخصيات غاية في الجمال لو تعرفهم ........ تحياتي مريومة "مشتهياك زي العافية".. سمارت .. نجوان .. ويا تايسا كيسي كان جاء طاير خلي لي انا بجي ساكاهوا لول منال احي فيك رومانسيتك الواضحة ... ياريت كل الناس تكون واضحة كدة في حياتها .. وتجاهر بحبها . سلمي شوق كتير.سمعينا صوتك.
Post: #197 Title: Re: مفهوم الرومانسية عند المرأة السودانية - الحب الصامت Author: جميلة ابراهيم السيد Date: 10-11-2012, 07:05 AM Parent: #195
بعد كتبت ردي الفات جيت لقيت كلامك دة والظاهر كتبنا في نفس الوقت .. قبال مريم وسمارت يجوا خليني "ادلي بدلوي"
Quote: والله انا مستغرب ... واقولها بصراحة ... امكن حسين ختاها بصيغة فكاهة ... وهي مسالة الدهب ...
يعني سمارت ... انسانة ناجحة بكل المقاييس .. تعمل بثقة في اميركا ... وسلاحها علمها و ثقافتها ...
مش معقول يكون الدهب حتي ليهو مجال في مجرد التفكير فيهو ... ولكن !!!
الدهب يا قباني زيوا وزي الاكسسوار العادي .. هو جزء من زينة المرأة الانت عامل عليها مظاهرة دي .. كل نساء شعوب العالم يتفقن في حب المجوهرات من دهب او احجار كريمة .. السبب ببساطة ان جميل ويضيف علي الانثي جمال وجاذبية .. ومؤخرا ومع ظهور الجيل الجديد من السيدات زي الاتكلمت عنهم في في ردي السابق .. ومن ضمن الاهتمام بالمظهر بقي في تركيز علي الاكسسوار .. وكل وقت وكل مناسبة ليها طريقة لبس مختلفة وفي النهاية الهدف هو الظهور بمظهر جميل .. شي تاني بالنسبة للدهب .. اسهل يتلبس في البيت ما زي الاكسسوار لان يدنا في الموية من عدة لغسيل لي نضافة فهو مريح ويحافظ علي جمالوا ما زي الاكسسوار الذي يجب التعامل معة بعناية فائقة.
Quote: لا وما كده و بس ... بالله شفت الحدة و الجفاف وعدم طولة البال ...
اها دي الحالة تلقاها مع رجالهم ...
بت الحسين تلقاها بتخت ليهو دوا القحة مع الطعمية ... عشان اصلو ما يقح ...
بت الحسين دي شهادتي فيها مجروحة .. لكن اقول ليك .. هي زوجة كاملة مكملة .. ربة بيت ممتازة .. ام من الطراز الاول .. ومحبة عاشقة لزوجها .... سفرتها "او صفرتها" دائما متنوعة ومجددة واتعملنا منها كتير من الوصفات وفوق لكل ذلك هي متعلمة وعاملة .. يعني باختصار يا بختوا نادر بيها وتستاهل وزنها "رغم انه خفيف" دهب ... يلا دي عينة بس من المجموعة الجميلة الفي بوستك دة عشان كدة انا متاكدة ان مريم اكيد ما واحدة من المعنيات بهذا البوست .
Post: #199 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 02:30 PM Parent: #197
Quote: (عدل بواسطة سلمى الشيخ سلامة on 11-10-2012, 01:32 PM)
بت الشيخ ... الحاصل شنو ؟
Post: #200 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 02:45 PM Parent: #199
Quote: عارف يا قباني المرأة السودانية رغم انها حنونة وتتوق للكلمة الحلوة اخد وعطاء لكن طريقة التربية ما خلت ليها طريقة للرومانسية .. البنت من صغيرة محاصرة بفكرة الغلط والعيب وما تكوني خفيفة واتقلي وروقي و و و .. حتي ان من ضمن الوصايا للعروس قبل زفافها ان لا تستسلم لزوجها بسهولة وكانما هي مقبلة علي معركة ... الفهم للجنس عندنا يحتاج كثير من التوعية .. ونحتاج ان يطرح علي انة "ممارسة للحب" وتعبير عنه وليس "بعبع" وكثير من القصص التي تروي همسا تصيبك بالعجب لو استمعت اليها ... علي المستوي العام ومع طفرة التعليم وكسر الحواجز بدأت ملامح التغير تظهر علي حواء السودانية .. الام عادي بقت متابعة الموضة وبتمشي الجيم تتريض وبتمشي تتسوق مع بتها وكمان يتلابسن .. بس للاسف دي نسبة بسيطة لكن علي الاقل هي بارقة امل .
جميلة سلامات ياخي ...
حاجتين هنا ...
قصة التربية دي شماعة بقت ما عندها معني .. ما ممكن الواحدة تكون عايشه هنا في أميركا مثلا ليها 25
وتجي تقول التربية...
الحاجة التانية
قصة انها تفهم انو الجنس ممارسة حب دي لازم يتدخل ليها مدرسة ؟؟
بعدين الأنثي لو ما اهتمت بما لديها... من ثقافة و لباقة و ذكاء وأنوثة
لأنو لما تجي الحتة بتاعة ممارسة الحب دي لازم تكون عارفة وين مفاتيح الرجل ده
Quote: بت الحسين دي شهادتي فيها مجروحة .. لكن اقول ليك .. هي زوجة كاملة مكملة .. ربة بيت ممتازة ..
ام من الطراز الاول .. ومحبة عاشقة لزوجها .... سفرتها "او صفرتها" دائما متنوعة ومجددة واتعملنا منها كتير من الوصفات وفوق لكل ذلك هي متعلمة وعاملة ..
يعني باختصار يا بختوا نادر بيها وتستاهل وزنها "رغم انه خفيف" دهب ... يلا دي عينة بس من المجموعة الجميلة الفي بوستك دة عشان كدة انا متاكدة
ان مريم اكيد ما واحدة من المعنيات بهذا البوست .
مرحب ببت الحسين وبكل الجميلات ... وأنا لا أعني أي منهم علي الإطلاق...
Post: #206 Title: Re: مفهوم الرومانسية عند المرأة السودانية - الحب الصامت Author: ماجدة عوض خوجلى Date: 10-12-2012, 11:24 AM Parent: #200
الاخ الكريم حسن تحياتى
Quote: لم ارى او اسمع طيلة حياتي انو في مرة باعت دهبا - الرجال باعوا البيوت والعربات وحتى الكلاوي لكن دهب يطرشنا:)
انت هنا جبت المفيد والمختصر وصدقنى ماظنيك تسمع ابدا .... حقيقة كلو كوم وحته الدهب ده كوم تانى ... صدقنى ماعندها اى علاقة بحكاية متعلمة وغير متعلمة ابدا تتساوى جميع النساء فيه ... انا كن مااخاف الكضب اظنها حاجه ليها علاقة بالوراثه وكده ههههه يعنى فى جنياتنا بنتوارثا من الام ... اظنها هى برضو بتكون ورثتا من امها وحبوبتا وكده ... بصراحه اسهل اشتغل اليوم كلو واساعدو ولا اهبش دهبى ...
يحيى قبانى انشالله انت بخير مصاقرة بوستك عديل ... وشايفه انو فى كل يوم بيتجدد بااراء جديدة ومفيدة وهو فى مجملو بوست جميل خفيف الدم ومفيد ... اعتقد انو اتاح للجميع فرصة انها يقدر يوصلو وجهه نظرم فى موضوع مهم شديد ... تسلم يارب ....
Post: #201 Title: Re: مفهوم الرومانسية عند المرأة السودانية - الحب الصامت Author: تيسير عووضة Date: 10-11-2012, 02:45 PM Parent: #199
طيب احكيها ..
نشوف مظاهرات أسرار الولية فكتوريا ..
Post: #202 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-11-2012, 03:26 PM Parent: #201
Quote: طيب احكيها ..
نشوف مظاهرات أسرار الولية فكتوريا ..
كنت في المول للتبضع ... " بحب الشوبنج بالمناسبة" ودي ميزة نادرة عند الرجل السوداني ..المهم...
مشيت شيروي موول عندى كم محل كده انا زبونهم ... وقلت فرصة اسأل متين " نوردستروم " حيفتح عندهم لانو اخيرا جاي كندا ...
المهم وانا " براوزنج" بين المحلات كده سمعت جوطة مبالغة فيها ...
كمية من السيدات السودانيات واقفات قدام فيكتوريا سيكرت ... ومدير المحل قافل الباب و مانعهم من الدخول ؟؟
" ما تقولي لي عرفتهم سودانيات كيف " ...قلت ليك قبيل بقوم افتح ليك بوست اسميهو كيفية فرز المرأه السودانية من بين كل نساء العالم " ... المهم ...
اخدت ركن كده قلت افهم القصة شنو ...
المهم لما حمي الـــوطيـس ...طبعا النخوة السودانية ... طوالي شقيت الجموع وسط دهشتهن ... ومشيت لمدير المحل ...
قلت ليهو ديل مش زباين ؟؟؟ مانعهم من الدخول ليه ؟؟؟
قال لي انت منو ؟ قلت ليهو مواطن كندى ..؟
قال لي ياخي ما في شي ؟ بس انا حاولت افهمهم انو فيكتوريا سيكرت ده ثقافة و فهم و لغة يونيفيرسال
مش مجرد قطعة الواحدة تلبسها حتقوم تتكلم براها وتحل ليها كل مشاكلها ؟؟؟
قلت ليهو طيب مشكلتك وين ؟؟؟
قال لي كدى خليني انا انت رايك شنو ؟؟؟
عاينت علي الجمع الغفير ... وما قدرت اتكلم ... قالي لي ياخ بس معقول ....
اولا ... نصهم ما عندنا ليهم مقاس ....
ونصهم جاي ريحتو تحمير ....ما عارف محمرين شنو زاتو ... " قلت في سري الله يلعن ابو الطعمية و الاخترع الطعمية " .... المهم
قلت ليهو بس انت لو رجل ذكي ما بتخسر الجنسية دي .... انا لو منك ابدا ليهم بمحاضرات " تفهيمية " لثقافة فيكتوريا سيكرت ...
لانو ثقافة حبوبات الشباب ديل في حتة الاندروير دي كانت " طاقتين " ينجابو في السنة لتفصيل الكركات و السراويل ...
والله العظيم قلتليهو ... انت لو كسبت الجنسية دي من النساء ... وفهمن سر فيكتوريا ... حيبيعو دهبهم كلو و حيجو استثمروهو
في استوكات فكتوريا سيكرت ... و كل " اللنجري دزاينرز " ....
...... انتهت .....
Post: #203 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-12-2012, 01:08 AM Parent: #202
منال ...وضاحة ... وبقية الحلوات ...
وين انتو ...
Post: #204 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-12-2012, 03:26 AM Parent: #203
Quote: اخدت ركن كده قلت افهم القصة شنو ...
مساء الخير قبانى .... حاولته أصدق قصتك دى وماقادره والله صحي ... قول لى ليه ما مصدقة القصة ....... لمة فى فكتوريا سكرت ومن سودانيات !!!!! لو قلت وول مارت أو ك مارت ممكن ..... ولا فكتوريا سكرت تكون معلنة Big sale 80% Off يعنى قصدك يفتحوا ليهم محل حبوبه عشة سكرت ولا شنو؟ اسأل مجرب ولا تسأل طبيب فى أمور محلات التسويق الفيها كراع البقر جيابه ههه..
بعدين من الأقتباس الفووق دا الشمار ليك شنو ماكان تمشى وتريحنه من الكلام الصعب داا.. تسلم وتحياتى.
Post: #205 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-12-2012, 04:30 AM Parent: #204
Quote: مساء الخير قبانى .... حاولته أصدق قصتك دى وماقادره والله صحي ... قول لى ليه ما مصدقة القصة ....... لمة فى فكتوريا سكرت ومن سودانيات !!!!! لو قلت وول مارت أو ك مارت ممكن ..... ولا فكتوريا سكرت تكون معلنة Big sale 80% Off يعنى قصدك يفتحوا ليهم محل حبوبه عشة سكرت ولا شنو؟ اسأل مجرب ولا تسأل طبيب فى أمور محلات التسويق الفيها كراع البقر جيابه ههه..
بعدين من الأقتباس الفووق دا الشمار ليك شنو ماكان تمشى وتريحنه من الكلام الصعب داا.. تسلم وتحياتى.
بت الشيخ حبابك ياخي ...
اكون رأيتهم فيما يري النائم ؟؟؟
لكن لقيت ما عندك ثقة في بناتنا نهائياً ...
والله ما شمار ... انا كنت جعان وانا في المول ورمتني ريحة الطعمية ...
Post: #207 Title: Re: مفهوم الرومانسية عند المرأة السودانية - الحب الصامت Author: حبيب نورة Date: 10-12-2012, 11:44 AM Parent: #205
سلامو عليكم يا قباني قريت لغاية الصفحة التانية من البوست ده وأعتقد إنو دي مرحلة كافية لكي أجعل كاتبي المفضل لهذا الربع
صراحة متعة ما منظور مثيلاً
يديك العافية
Post: #208 Title: Re: مفهوم الرومانسية عند المرأة السودانية - الحب الصامت Author: منال Date: 10-12-2012, 12:53 PM Parent: #207
Post: #209 Title: Re: مفهوم الرومانسية عند المرأة السودانية - الحب الصامت Author: تيسير عووضة Date: 10-12-2012, 12:55 PM Parent: #207
يا قباني ياخ كدا ما معانا
ياخ أنا بضحك وأقحقح من أول سطر في المداخلة لي آخر كلمة وقدر ما أقول أصر وشي عشان الشغل الـ بالبارد دا أضحك زيادة
أول شي السودانيات بعرفوهن بي ريحة الريحة طعمية بتاعة فنيلتك؟
بعدين أقول ليك سر ولا سر فكتوريا بتاعتك دي المرأة السودانية من أكتر النساء البيستهدفها السوق لعدة أسباب: 1. السودانية ذوقها رفيع جداً وبتهتم بخامة ما تلبس جداً ويكفي إنو بعض المحلات بتتنافس وتتسابق في تقديم أجود وأغلى أنواع الحرير الطبيعي لخاطر عيون السودانية لثقتهم في قدرتها على شرائه رغم إرتفاع سعرو .. أما التوتل الأصلي فنحن فاتحين بيوت السويسريين ولولانا لماتوا من الجوع 2. السودانية تعشق الدهب وتشتريهو بكميات (عارف مزاج السودانيات والدهب الكبار كبار) دوناً عن معظم نساء الأرض عشان كذا السودانية لمن تدخل الصايغ بيرمي الفي يدو ويجيها جاري عارفا كان ما إشترت في لحظتا بتلف وتجي بعد يومين يعد ما تكون قرقرت راس أبو الشباب .. 3. الريحة السودانية من أغلى العطور وصناعتها مكلفة جداً اسأل وقية الصندلية بي كم وخشب الصندل بي كم (مئات الدولارات أقل شي) مش تقول لي ريحة فكتوريا سيكرت أم تلتين ولا أربعين دولار 4. معروف في العالم كلو إنو المقاسات الكبيرة سعرها أزيد بي كتير حتى شوف ناس آدمز وبق آند تول والجماعة ديل (بتكلم عن الهدوم العادية) أما الكركات والبتاعات القلتها فوق دي بقى "إتس نوت ماي كب أوف تي" كويس إنو حبيب نورة جا ممكن تتفاهمو في الموضوع دا بي طريقتكم وما هنا بالله عشان ما تصحوا الصفايح باقي بدوروا سيرة الحاجات دي
أقول قولي هذا وأختمه بأن تقوم تلف إنت وبتاع المحل وحبيب نورة زاتو معاكم ..
ـــــــ مشتاقين يا إنت يا السمّوك ياسين ..
Post: #210 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-12-2012, 01:41 PM Parent: #209
Quote: . السودانية تعشق الدهب وتشتريهو بكميات (عارف مزاج السودانيات والدهب الكبار كبار) دوناً عن معظم نساء الأرض عشان كذا السودانية لمن تدخل الصايغ بيرمي الفي يدو ويجيها جاري عارفا كان ما إشترت في لحظتا بتلف وتجي بعد يومين يعد ما تكون قرقرت راس أبو الشباب .. 3. الريحة السودانية من أغلى العطور وصناعتها مكلفة جداً اسأل وقية الصندلية بي كم وخشب الصندل بي كم (مئات الدولارات أقل شي) مش تقول لي ريحة فكتوريا سيكرت أم تلتين ولا أربعين دولار 4. معروف في العالم كلو إنو المقاسات الكبيرة سعرها أزيد بي كتير حتى شوف ناس آدمز وبق آند تول والجماعة ديل (بتكلم عن الهدوم العادية) أما الكركات والبتاعات القلتها فوق دي بقى "إتس نوت ماي كب أوف تي"
تيسير الله يجازى محنك ياخ you Made my day.. والله صحى تربيع ههه. ياخى بوست متعة الربع الخالى ،،،،،، يديكم العافية ويخدر ضراعكم ...
Post: #211 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-12-2012, 02:34 PM Parent: #209
يا اخوانا جميلة دي بتريدني ساي...
اما بالنسبة للدهب... يا حسين نوباتيا، تف من خشمك، يبرا ابو محمود من قحة الدم.. مالك علينا، يطير نقاشكم عليكم! حالتك قريبه! دهب شنو الهين ده الما ببيعه لأبو محمود! والله انتو ما عندكم موضوع زاتكم!
وعليه اقفل في يومه وتاريخه لعدم موضوع ناس البوست كلهم
Post: #212 Title: Re: مفهوم الرومانسية عند المرأة السودانية - الحب الصامت Author: منال Date: 10-12-2012, 03:14 PM Parent: #211
من اخطر واعنف وافقر الزوجات الزوجة البسترجل وتسيطر على زوجها ودى بتكون فاقده الانوثة كليا
والله يكون فى عون الزوج مع هكذا زوجة
عموما ايتها الزوجة لا تهملى الابتسامة ابدا ابدا
وابعدى من صرة الوش فالابتسامة من فنون الاغراء ,,,
شكلك مولع نار يا اكتوبر الله يستر لووووووووووووووووولز
Post: #213 Title: Re: مفهوم الرومانسية عند المرأة السودانية - الحب الصامت Author: osama fadlalla Date: 10-12-2012, 03:21 PM Parent: #211
غايتو مداخلة الاخت تيسير الاخيرة دي ادتني فكرتين
1- افتح دكان للسودانيات 2- اطلق ام الاولاد
------- وقال عندهم ذوق كمان :) :)
Post: #214 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-12-2012, 06:11 PM Parent: #213
سلام سيد البيت ...... الاخ اسامة ياخ افتح دكان ، وخلي المدام في حاله. علي الاقل تفتح دكان انت كسبان تطلق المدام انت خسران ....مريوم اذيك قلتي لي دفاع مستميت ضد البلس سايز والابيوز. هههههه مشتاقين ومعاك في هيئة الدفاع عن السايزس ....
Post: #215 Title: Re: مفهوم الرومانسية عند المرأة السودانية - الحب الصامت Author: Egbal Elmardi Date: 10-12-2012, 06:50 PM Parent: #214
سلام يا سيد البوست والضيوف....
الخواجيات والعربيات شفناهم... أنا بتكلم عن الناس البي نفس المستوى الإقتصادي ما نجوم السينما... الواحده لو إشترت ليها فستان بي 300 دولار بتعتبر نفسها عملت حاجه... أناقة السودانيه وصرفها علي نفسها مافي زول بلحقها خاصه بنات العاصمه والمدن الكبيره.... لما تضيف تمن التوب للجزمه للفستان للدهب والريحه والشنطه...حدث ولا حرج الصيف الفات ده كنت في إجازه في السودان...مشيت عرس... لقيت التياب البى 400 دولار وما فوق ما تديك السكه.... شئ مصمماه تشكيليه من سودانيه من الخليج ...وشئ من لندن... توب العروس حق الجرتق بألف دولار.... وفي عرس تاني العريس هدي لخالات العروس تياب الواحد بي مليون سوداني تكلفة الخمره والأرياح والذي منو الوووف الدولارات... تقول لي فكتوريا سكرت شنو....!!!؟؟؟؟
بمناسبة الغيظه دي... البت وضاحه دي كان ركزت لي عل بر ....والله بتريحني... الحنكوشات شفناهم وعارفنهم.... شعر بطانه...وقبليه إلا تجيب ليهم مترجم...وفيها يفهموك غلط... وفيها ما يفهموك خالص... يا بت أركزى...يا حنكوشه ...يا ما حنكوشه
Post: #216 Title: Re: مفهوم الرومانسية عند المرأة السودانية - الحب الصامت Author: عاطف عمر Date: 10-12-2012, 07:50 PM Parent: #215
إقبال المرضي الله عالم وشاهد مشتاقين لى طلتك في البورد
Quote: شعر بطانه...وقبليه إلا تجيب ليهم مترجم...وفيها يفهموك غلط... وفيها ما يفهموك خالص... يا بت أركزى...يا حنكوشه ...يا ما حنكوشه
يعني يا إقبال بناتنا - بنات البطانة - ما يتحنكشوا ؟؟ ولاّ الفهم شنو ؟؟
Post: #217 Title: Re: مفهوم الرومانسية عند المرأة السودانية - الحب الصامت Author: هاشم محمد الحسن عبدالله Date: 10-12-2012, 08:25 PM Parent: #216
الحبيب يحيى قبانى ، تحياتى وأحييك بحرارة على هذا البوست الرائع الذى عبر عن دواخلى بكل صدق وشفافية وأتفق معك فى كل ماذكرت فلقد مس هذا الموضوع جوانب هامة مسكوت عليها،كما ان النقاش كان مميزا وشاملا وعبر الكثيرون من الزملاء والزميلات عن وجهات نظر مختلفة ولكن واقعية، ولقد عالجت من خلاله جوانب هامة كنت أثرتها فى البوست الخاص بى (عيوشة)، والذى أرى أنه فتح المجال لكثير من البوستات الخاصة بالزواج من غير سودانيات ، ولعل ماجاء فى هذا البوست وماسيأتى سيكون مفيدا للغاية ، خالص الود وانا حضور دائم فى هذا الابداع المتجدد.
Post: #218 Title: Re: مفهوم الرومانسية عند المرأة السودانية - الحب الصامت Author: osama fadlalla Date: 10-12-2012, 09:17 PM Parent: #217
هههه تامري يا نجاة خليناها في حالها...لكن تضمني لي انها تخلي الدكان في حالو كمان ;);)
سيد البوست ده لمن فيه نسوان فكتوريا سكرت ولاشنو
Post: #219 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-12-2012, 10:22 PM Parent: #218
Post: #220 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-12-2012, 11:13 PM Parent: #218
جاييكم جاييكم ...
وكمان حاحكي ليكم حكاية السودانيات الشفتهن في الجم قبيل ...
Post: #221 Title: Re: مفهوم الرومانسية عند المرأة السودانية - الحب الصامت Author: Egbal Elmardi Date: 10-13-2012, 00:46 AM Parent: #216
عاطف كيفك يا صديق وكيف الدنيا معاك والله مشتاقين
بنات البطانه مافي زول حماهم الدلع ياعاطف الحنكشه والدلع ده ممكن يكون باي لهجه لكن عليكم بال consistency ما دى ما فاهماها وبتقصد شنو ما عرفتها...وابوعركي البخيت وبعد شويه تنزل لي جنس الشعر ده البت جننتني يا عاطف قربت أفتح بوست بتاع من الذي يكتب بإسم داك....
Post: #222 Title: Re: مفهوم الرومانسية عند المرأة السودانية - الحب الصامت Author: جميلة ابراهيم السيد Date: 10-13-2012, 02:25 AM Parent: #221
سلام يحيي وكل قاطني البوست والضيوف
تيسير قالت ضمن ما قالت
Quote: 1. السودانية ذوقها رفيع جداً وبتهتم بخامة ما تلبس جداً ويكفي إنو بعض المحلات بتتنافس وتتسابق في تقديم أجود وأغلى أنواع الحرير الطبيعي لخاطر عيون السودانية لثقتهم في قدرتها على شرائه رغم إرتفاع سعرو ..
عارفة يا تيسير بتفق معاك في كل القلتي فوق داك الا بس بداية النقطة دي حقت الزوق الرفيع ... لو راجعتي نفسك بأمانة كدة وسرح تفكيرك لاقرب مناسبة جامعة سودانية كنتي فيها اول شي ممكن يجي في بالك كمية الدهب الكبار كبار داك ومالي اليدين من اولهم لي اخرهم من غير زوق ولا اناقة والقصة بتكون البس الفي صندوقي وتلبسي الفي صندوقك ونشوف صندوق منو فينا شايل اكتر .. خليك من المناسبات اتفرجي اي سهرة في التلفزيون السوداني فيها جمهور وحتلقي المنظر دة ...تاني شي كمية البدرة في الوجه الما مناسبة نهائي لي لون البشرة واول احساس بجيني ان الواحدة استعملت بدرة اطفال بدل مكياج ودي امثلة بس .. لكن من حيث القوة الشرائية للسودانين من ذهب وتياب وعطور اكيد السودانيات مستهلك كبير وحتي لو اضطر الامر لضغط ميزانية البيت ومن عدم خالص كدة لكم في الذهب الصيني مخرج. رغم كلامي دة لكن يوجد "بعض" السودانيات الكان لبسوا التوب تشتهي فيهم ولو لبسوا الاكسسوار تخلي ليهم وكان لبسوا الدهب تقولي ما تلبسوا بعدهم واحدة تانية .. اناقة وقطع تحفة تستاهل تتخت في معرض وبدت شوية شوية تظهر ثقافة لبس قطعة واحدة في اليد تكون فخمة وجميلة .. لكن ياريت لو القصة شتارة في اللبس بس المشكلة في الاسلوب وطريقة التعامل وطريقة الكلام وفي دي عندنا قصص كتيرة تفوق قصص "جدي التاريخ" .. طبعا دة لقب العزيز قباني وسر اللقب دة داير لي بوست منفرد.
بالنسبة لبيع الدهب رغم ان السودانية نعم ما بتحب تفرط في دهبها لكن كتيرات جدا البقيفوا مع رجالهم ويبيعوا دهبهم حتي لو كان جاي من حر مالها ومرتبها فالتعميم في الحتة دي جائر .. لكن الاهم من كدة راجل الجن دة مالوا بدخل نفسوا في زنقات ما يعمل حسابوا ويرتب صرفوا لول
Post: #223 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:15 AM Parent: #222
Quote: يحيى قبانى انشالله انت بخير مصاقرة بوستك عديل ... وشايفه انو فى كل يوم بيتجدد بااراء جديدة ومفيدة وهو فى مجملو بوست جميل خفيف الدم ومفيد ... اعتقد انو اتاح للجميع فرصة انها يقدر يوصلو وجهه نظرم فى موضوع مهم شديد ... تسلم يارب ....
ماجِدَه ...بتعطيش الجيم و كسرها و فتح الدال ... هكذا يجب ان يُنطق ... زى كلام الشوام الربنا خلقهم بس عشان يتكلموا ...
سعيد انو البوست جلب اقلام و افكار و اشياء ناس كتيره بتتحاشاها ... لحساسيتها حسب المفهوم العام ...
انا بقي شليق .. وقلت احمل علي عاتقي مسئولية تحرير المراه السودانية من افكار وطن الجدود ...
تسلمي و ابقي قريبة ... الجاي احلي ...
Post: #224 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:19 AM Parent: #223
Quote: سلامو عليكم يا قباني قريت لغاية الصفحة التانية من البوست ده وأعتقد إنو دي مرحلة كافية لكي أجعل كاتبي المفضل لهذا الربع
صراحة متعة ما منظور مثيلاً
يديك العافية
هلا و مرحبا بإحسان عبدالقدوس السودان ...
كاتبك المفضل حتة واحدة ..." يا بيه ده احنا تلامذتك " ...
سعيد بي وجودك هنا ... لكن عليك الله ما تخليني اخرمج ... انا راسي خفيفة وبحب كلام الخرمجة ...
والبوست ده الكتابه فيهو زى الزول الشاقي المقابر بالليل ... اي زوغة يمين شمال تدوس ليك علي قبر طوالي ...
Post: #225 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:24 AM Parent: #224
يا زمن ريدي الخرافي و زول بريدك زيي مافي شلت ريدك في الحنايا وشفت فيك أحلام صبايا أنت يا ريدي ويا منايا وحبي ليكـ والله صافي
احلي مساء لاحلي منال ...
Post: #226 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:51 AM Parent: #225
Quote: أول شي السودانيات بعرفوهن بي ريحة الريحة
تيسير عووضة دي دايره ليها رد بي مزاج ...
ريحة الريحة دي يا تيسير موضوعها انتهي ... واها انا الأسرك سر اهم من سرك المكشوف ده ...
زمان الشفع لم يصلو سن المراهقة ... ويكونو بدو يفهمو في المسائل الجنسية ... بشمو الريحة دي في بيتهم ... وبيسمعو شوية كركبه بيجاي و بيغادى بفهمو القصة ...
اهاااا القصة دي بقت راسخة في الراس و بتكبر معاهم ... زى جرس الحصة التانية ...اول ما يضرب ...الواحد بطنه تقرصه ... لازم ياكل ...
مش قالو التور شمه الويكة وقال تمليكة ...؟
اها المشكلة وين ...والسر الجديد الفايت عليكن كلكن يا بنات بلدى ...
الرجال السوداني مرق و هاجر و طفش من السودان ... في ناس الان قربت علي 30 سنة في الخارج ...
الرجل ده ...بعقلية وطن الجدود ...خلي شهرزاد في البيت تنوم ... وتصحي تتكلم في التلفون تشوف آخر دقات الدهب شنو ...
اها الراجل البيكدح ده ... ليهو تلاتين سنة بيشم فى حاجات جديدة ... وكريمات و مستحضرات ...شي إيف روشيه ..وشي بي فالجاري ...
وبقت تحرك اشياء مختلفه ... و اخير من الويكة و التمليكة ... والحاجة قايلة القصة طابق البوخة و الحكاية انتهت ...
الرجل دخل عوالم تانية وعرف انو الكان في البيت ده كان اسمو تطعيم ...ما زي الشي الجديد ده ...
Quote: عشان كذا السودانية لمن تدخل الصايغ بيرمي الفي يدو ويجيها جاري
لانو عارفها عويرة وفي واحد اهبل و اعور منها يكاتل الليل والنهار ... عشانها تأمن مستقبلها بعد وفاة المرحوم ...
Quote: ريحة فكتوريا سيكرت أم تلتين ولا أربعين دولار
والله يا منال كلام من ده بفقع مرارات ناس براحه بالله .......الضحية قربت والناس دي تقعد بدون مراااارات؟
يعدين يا حبة يا قباني قالوا ليك من سن 13 الكنكشه تمت ...ههههههههه --------------------------------------------- الناس طلعت من موضوع (الرومنسسة) وقلبوها سوق دهب ومفتخر وفشخرة التياب.... ملخص القول ....الرومانسية موجوده(بس اشحنوا بطارياتها) ، فقدانها عند احد الطرفين لا يعني بالضرورة انعدامها كليا عند الطرف الآخر.. فهي تعبير واحساس وممارسة وهي ليست حكرا علي ملة فهي موجوده حتي بين الحيوانات والطيور ...وهي شي لا يدرس وقد تكون من طبيعة الشخص وقد تكتسب وتنعدم عندالاخر لظروف التربية والشخصيةوالمجتمع والحالة العاطفية....والحمد لله بنوتنا المتدفقات رومانسية بالكوم وكذلك شبابنا..بس كيف تجد كل فولة نصفها الآخر وتتلمه عليه ويحصل توافق..... تفاءلوا خيرا فهذا الاحساس فيكم/ن....وخلونا من مكايدات الخواجة /الخواجية .. والموريتانية وبقية العقد الدسيس....
Post: #235 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 04:32 AM Parent: #233
Quote: الكوارث ديل كان اتلمن واتحالفن على زول بيخلن ريحتو طعمية طعمية ..
والله يا ود الشيوخ ... نص كلامى البكتبو ده ...انت في بالي ...
الكوارث انحنا ديل ... المشينا نفهم مسائل كلها " كلام قلة الأدب " ...
مالو التطعيم عيبو لي ؟؟؟
Post: #236 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 04:36 AM Parent: #233
Quote: الحبيب يحيى قبانى ، تحياتى وأحييك بحرارة على هذا البوست الرائع الذى عبر عن دواخلى بكل صدق وشفافية وأتفق معك فى كل ماذكرت فلقد مس هذا الموضوع جوانب هامة مسكوت عليها،كما ان النقاش كان مميزا وشاملا وعبر الكثيرون من الزملاء والزميلات عن وجهات نظر مختلفة ولكن واقعية، ولقد عالجت من خلاله جوانب هامة كنت أثرتها فى البوست الخاص بى (عيوشة)، والذى أرى أنه فتح المجال لكثير من البوستات الخاصة بالزواج من غير سودانيات ، ولعل ماجاء فى هذا البوست وماسيأتى سيكون مفيدا للغاية ، خالص الود وانا حضور دائم فى هذا الابداع المتجدد.
استاذنا الحبيب هاشم ...
سعيد انو البوست صادف هوي في نفسك ...
واحيي شجاعتك في الرد المباشر ... " علي اليمين في ناس ضربو لي تلفونات قالو البوست ده نومهم في البيزمنت ..."
ابقي داخل و ما تنقطع ...
Post: #237 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 04:43 AM Parent: #236
Quote: فهي تعبير واحساس وممارسة وهي ليست حكرا علي ملة فهي موجوده حتي بين الحيوانات والطيور ...وهي شي لا يدرس وقد تكون من طبيعة الشخص
والله يا عمر خليل ... من الله خلقني ما شفت لي حيوان مشي سوق الدهب و لا طيره جابو ليها حَلَق ..
الا الحُمار طبعاً ...
Quote: تفاءلوا خيرا فهذا الاحساس فيكم/ن
ما قلت ليك ... الشباب قنطرو الدهب ... واستنو التفاؤل ده لحدي ما لحقو السمحين ...
احنا ما ناس تفاؤل ... دايرين حقنا حاضر ... " وما تغشونا بالحور العين وماشابه " ...داك موضوع براهوا ...
Post: #238 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 04:47 AM Parent: #237
وضاحة .. والله ما داير اشاغلك ...
عامل حسابي ...لكن احساسك عالي ...
بالله يا سيدات يا جميلات ...
اي واحده قرت والدتها في الخرطوم الاميرية بنات من 72-75 و الخرطوم الثانوية بنات او الام الثانوية من 75-78 او جامعة الخرطوم من 78-83
ترفع يدها ... ما دايرين نخلط الكيمان ...
Post: #239 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 04:49 AM Parent: #238
Quote: سلام يحيي وكل قاطني البوست والضيوف
جميلة ... والله فترته ... يومي كان طويل ..وكلو شغل و مواعيد " وعشا عمل " ...
كان الله حيانا ...بجيك راجع ... وكمان بحكي ليك قصة السودانيات اللقيتهم قبيل في الجِم ...
Post: #240 Title: Re: مفهوم الرومانسية عند المرأة السودانية - الحب الصامت Author: تيسير عووضة Date: 10-13-2012, 05:56 AM Parent: #239
نجاة بت الشيخ أيامك حلوة ومصنوعة قولي آمين ..
يا أسامة زي ما قالت ليك نجاة افتح الدكان وخلي المدام في حالا لكن من هسي دكانك دا حا يكسر معاك
جميلة يا جميلة .. مداخلتك دي جاياها بي مداخلة منفصلة لكن مبدئياً كدا السودانيات الفي الحتة الأنا فيها "سودانيات أبوظبي" بيعتبرو من أرقى السودانيات بل وكمان هن البيحددوا موضة السنة ياخ ديل بدقوا الدهب بالألوان عشان يطقموا التياب
أما بصورة عامة الدهب الكبار منتشر بين السودانيات نعم لكن أنا عن نفسي جني وجن الدهب الكتير حاجة سمبل وبسيطة مع توب جميل بتخلي الواحدة أنيقة أكتر ناس كشلو كشلو دا ما تبعي وبرضو ما بحجر على العايزة تتكشكش وقالوا يا جميلة الدهب زينة وخزينة
وكان لي بيع الدهب أمي باعت دهبا قبل كدا وبدون تردد لغرض نبيل
قباني بركة يا يمة الفترتا
شايل حسهن وحايم أنا قلت ريحة ما حددت بتاعة جرس الفطور ولا صفارة الإنذار وديك زاتا ما حقت مرقة طوالي وعموماً نادر ما تلاقيني سودانية ريحتا ما حلوة "أياً كان نوع العطر"
لكن أنا ما حابة أتكلم عن حاجة خاصة وحميمة في منبر عام عشان كمان أضطر أتكلم وأعرض خصوصيتي وتجربتي الشخصية فيها ..
إنت ثقف الدايرات ثقافة في الجانب دا أنا هينة
Post: #241 Title: Re: مفهوم الرومانسية عند المرأة السودانية - الحب الصامت Author: عبدالله احيمر Date: 10-13-2012, 08:41 AM Parent: #240
يحـي الرومانســي
كيف حالك
بالله عاوز اطلب منـك , تخلي الطعميـة في حالهـا
لأنهـا برضـو بتعبـر عن حـب
عموما المرأءة السـودانية لما تهتـم و تشـقى في تجهيز ( أعداد و كب وجبة الطعـام ) دافعا الحـب
ياخي أنت ما شــفت البنية البتقول لأمها ( شـنو اكل هلو دا) لغلية مايصـلو لـ ( ما مهم المناسـبة , المهـم يعجبكم) ويردوا عليها ( تسـلمي لينا )
يحي دا ما ياهـو الشـيء البسـموه الحـب ذاتـو
رجاءا تاني ما تجيب طاري الطعميـة
Post: #242 Title: Re: مفهوم الرومانسية عند المرأة السودانية - الحب الصامت Author: مهيرة Date: 10-13-2012, 12:25 PM Parent: #241
باشمهندس يحيى الرومانسى ،سلام يغشاك
طلعت معمارى ، أنا عارفة المعماريين ديل ذوقهم عالى ، وحنااااااااااااان حتى لو قسوا شوية ،،
عن تجربة واخد بالك :(()((0 (وش باسم )
والله كتر خيرك ماقصرت مع السودانيات
ونبهتهن لى حاجات هامة وأخطاءشائعة زى ما بقولوا ،ودة يدل على حبك ومعزتك ليهن ، واهلنا قالوا المادارك ما لامك
Quote: اي واحده قرت والدتها في الخرطوم الاميرية بنات من 72-75 و الخرطوم الثانوية بنات او الام الثانوية من 75-78 او جامعة الخرطوم من 78-83
ترفع يدها ... ما دايرين نخلط الكيمان ...
أنا غايتو واحدة من الأمهات ديل ،، أعمل حسابك ماتغلط معانا
بالمناسبة انت بتقرب لى د.حمدى القبانى؟
تحياتى
Post: #243 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:28 PM Parent: #242
Quote: يحـي الرومانســي
كيف حالك
بالله عاوز اطلب منـك , تخلي الطعميـة في حالهـا
لأنهـا برضـو بتعبـر عن حـب
عموما المرأءة السـودانية لما تهتـم و تشـقى في تجهيز ( أعداد و كب وجبة الطعـام ) دافعا الحـب
ياخي أنت ما شــفت البنية البتقول لأمها ( شـنو اكل هلو دا) لغلية مايصـلو لـ ( ما مهم المناسـبة , المهـم يعجبكم) ويردوا عليها ( تسـلمي لينا )
يحي دا ما ياهـو الشـيء البسـموه الحـب ذاتـو
رجاءا تاني ما تجيب طاري الطعميـة
عبدالله احيمر يا جميل
وين اراضيك يا زول ... وين اخونا حلوللي ... بالله الدنيا دي ما فرّاقة ...
والله خلاص حاخلي الطعنيه في حالها ... لك الوعد .. وللعلم يا ودالاحيمر اخوك بحب الطعمية حب شديد ...
تحياتي للاسره
Post: #244 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:44 PM Parent: #243
Quote: باشمهندس يحيى الرومانسى ،سلام يغشاك
طلعت معمارى ، أنا عارفة المعماريين ديل ذوقهم عالى ، وحنااااااااااااان حتى لو قسوا شوية ،،
عن تجربة واخد بالك :(()((0 (وش باسم )
المهيرة ... الكلام دخل الحوش ...
والتجربه انتي زاتك ولا نصفك الاخر ؟؟؟ عشان نفهم ...
Quote: والله كتر خيرك ماقصرت مع السودانيات
ونبهتهن لى حاجات هامة وأخطاءشائعة زى ما بقولوا ،ودة يدل على حبك ومعزتك ليهن ، واهلنا قالوا المادارك ما لامك
في رايك كده ؟ ... يعني خلاص ابدا اكتب عن الكوره ؟؟ ... لانو سياسة الكي بورد دى انا ما بعرف ليها ...
والبلد زاتها قنعت من خيرا فيها و جريت عليها خط ... واخر عهدى بسياستها مظاهرات الانتفاضة ...
" يا حليل خيري عبدالرحمن ...هشام طه ... مامون سيد احمد ... واخرين كانو بحبو البلد وفدوهو بي عمرهم جوه السجون ...
المهم ...
تركت ليهم ذكري لي حسي حارقاني ...كنا تالت يوم بنظاهر والمسأله بدت تميل لصالح الشعب ...
وكان ناس الاحتياطي المركزي اقل شراسة من اول يومين .. عينهم لينا و ما بيهبشونا خلاص ...
اها شلنا مظاهرتنا من جنب المريديان و مشينا لحد القيادة العامة ...
ولما حازينا مكاتب امن عمر محمد الطيب ...جماعته فتحو فينا ذخيره حية و الجري حصل ...
وانا ومعاي مجموعة قمنا جارين وشقينا مقابر الكومون ولث الجنب مدرسة سانفرانسيس ...وغايتو من قبر لي قبر
وانا مع الاسف لابس شبط خفيف لزوم الحركة السريعة و الحر طبعا ...
وقامت اتملصت منو فردة مع الجري داك ... وطوالي جدعت التانية ...وما وقفنا الا في السكة حديد ...
غار النميري وعمر محمد الطيب و شبطي غار معاهم في ستين داهية ...
اها ...نبدا نكتب في الكوره ؟؟؟
Quote: أنا غايتو واحدة من الأمهات ديل ،، أعمل حسابك ماتغلط معانا
بالمناسبة انت بتقرب لى د.حمدى القبانى؟
بالحيل ...رحم الله العم د.حمدى صالح احمد عثمان القباني ...
حتطلعي بت عمي بعد شوية ؟؟
Post: #245 Title: Re: مفهوم الرومانسية عند المرأة السودانية - الحب الصامت Author: منال Date: 10-13-2012, 03:46 PM Parent: #243
مسا كم ممزوج بنسائم امدرمان الخريقية ورائحة الدعاش والمطر
عندنا جو مبالغه الليله
يحي شايفاك قلبتو سوق دهب نخلى الرومانسية يعنى ولاشنو ؟؟
اقوم هسى انافسك وافتح بوست براى ,,, وكان فتحتو بوستيك ده مابياكل عيش معاى
لوووووووووووووولز
Post: #246 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:51 PM Parent: #245
Quote: مسا كم ممزوج بنسائم امدرمان الخريقية ورائحة الدعاش والمطر
عندنا جو مبالغه الليله
يحي شايفاك قلبتو سوق دهب نخلى الرومانسية يعنى ولاشنو ؟؟
اقوم هسى انافسك وافتح بوست براى ,,, وكان فتحتو بوستيك ده مابياكل عيش معاى
لوووووووووووووولز
معليش يا منال .. الحقيقة كان لازم نكسر حاجز سوق الدهب ده ...لانو عامل غشاوة مبالغة ل90 في المية من الشباب ...
بالله الجو مطر و دعاش يملا الانوف ...
زمنا كن بنقول جو فول ...
والله كنا رومانسيين و رومانسيتنا كانت بريئة ...
تتمشي معاها مع الهندسة لغاية النشاط وتجي راجع ... معاكم كبايتين ليمون
ترجع البركس تحكي 3 يوم ...
ايام ...
Post: #248 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-13-2012, 03:59 PM Parent: #246
المرأة السودانية في سطــــــور
1- قبل الزواج ....
-2 اثناء الزواج ...
-3 مطلقة او بعد وفاة المرحوم :
Post: #247 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-13-2012, 03:52 PM Parent: #240
Quote: نجاة بت الشيخ أيامك حلوة ومصنوعة قولي آمين ..
يا أسامة زي ما قالت ليك نجاة افتح الدكان وخلي المدام في حالا لكن من هسي دكانك دا حا يكسر معاك
تيسير عوضة قريبة أبونا فرحات ، والله ايامنا مصنوعة بس ما منقوشة بالدهب ، كيفك ياغالية والله كلامك من دهب ذاتو خليك من دهب قبانى القلاد دا ههه.
Quote: اتحدي لو في واحده عارفه الــ cup size حقها كم ...
بالله الواحده تكون خانقه رقبتها بي سايز اقل منها بمقاسين تلاته ... وواحدة ما عندها سايز زاتو ...
ههههه ...... منو القال ليك كدا ... انا غايتو بلبس سايز اكبر من سايزى العارفاهو ... وما بحب الدهب خالص والحمد لله .... وبمشى الجم تلاتة مرات فى الاسبوع اسأل مريم بت الحسين ههه. وفى انتظار قصة الجم ...
----------------------
نسيت اقول ليك مابعرف أعمل طعمية ذاتو دى حقيقة.
Post: #249 Title: Re: مفهوم الرومانسية عند المرأة السودانية - الحب الصامت Author: منال Date: 10-13-2012, 04:12 PM Parent: #247
لوووووووووووووووووولز يا يحي الصور مبالغة
لكن الفى النص النافشه ريشه دى انا بريئة منها ,,,,
Post: #250 Title: Re: مفهوم الرومانسية عند المرأة السودانية - الحب الصامت Author: مهيرة Date: 10-13-2012, 04:20 PM Parent: #247
Quote: بالحيل ...رحم الله العم د.حمدى صالح احمد عثمان القباني ...
حتطلعي بت عمي بعد شوية ؟؟
رحم الله عمكم د.حمدى ، والد زميلى فى كلية طب الخرطوم ودفعتى ود عمك، د.صالح حمدى، لك وله تحياتى،
أما المعمارى الحنين فهو نصفى الآخر، حفظه الله
تحياتى
Post: #251 Title: Re: مفهوم الرومانسية عند المرأة السودانية - الحب الصامت Author: Rawia Date: 10-13-2012, 07:45 PM Parent: #250
سلامات يا باشمهندس وكل ضيوفك البوست بالصدفة سمعت عنه (ماعاوزة اقول اني مهمة لكن فعلا بعيدة عن سودانيز الايام دي) ولقيته في الصفحة السابعة محتاجة وقت فعلا عشان امر عليهو لغاية مايحصل بقول ليك مرحب بيك قلم ذكي ومرح وراقي كنا محتاجين ليهو
Post: #252 Title: Re: مفهوم الرومانسية عند المرأة السودانية - الحب الصامت Author: عمر خليل علي Date: 10-14-2012, 04:12 AM Parent: #251
Quote: -3 مطلقة او بعد وفاة المرحوم :
بس المطلقة احلي......!
Post: #253 Title: Re: مفهوم الرومانسية عند المرأة السودانية - الحب الصامت Author: عبدالله احيمر Date: 10-14-2012, 10:13 AM Parent: #252
يحـي الرومانســي لك الشـوق و الود
حلولي يقيم باسـتراليا و هـو عضـو بالمنبر لكنه يغتـس ثـم يقـلع ( شـوفني كيف بغتس , بغتس وشـوفني اقلع ) وكأنه دخلو في جيب ( كيس ) كنغــر
يجي كديسـتك الفي النص دي ما بتعبـر عن امهاتنا الهديات الرضيات و لا عـن زوجاتناالرومنسـيات الوفيات و لا عـن بناتنا الحنينات
عشـان كدي عاوز اقول رأي و ســـجن ســجن غرامة غرامة عارف جزء كبير من مشـاكلنامع الطرف الأغر ديل و انعدام الرومانسـية بجي من اختلاف ترتيب الأولويات ( ذي حكومة السـودان الماعندها أولويات )
النسـاء اولوياتهم منطقـية و واقعيـة تنحـو نحـو النظـرة الشـاملة و المسـتقبلية بعـيدة النظـر أما نحـن فأولوياتنامعاهن مرتبكة ما بين المغامـرة و عدم الشـعور بالمسـئولية
كمان عارف يا يحـي انا بفتكـر أن حكاية الرومانسـية دي محتاجة فرز كيمان بي غربال ناعـم ( غربال حرير ) عشـان نفـرز الناس الدبل زيـرو من الفينـو من قليل الاسـتخلاص ونعـرف درجة الرومانسـية المحتاجة لكل كـوم
بالله خلينا نخوض ونسـوط مع الســايطين
Post: #254 Title: Re: مفهوم الرومانسية عند المرأة السودانية - الحب الصامت Author: عبدالله احيمر Date: 10-14-2012, 01:22 PM Parent: #253
أهـا يا يحـي شـوف الجاتنا في تولا دي
الزول دا قال على عقولنا أقفالها ( بالله رد غليهـو ) و دا جزء من كلامو بجيب ليك الباقي بعـدين
Quote:
عقل الرجل مكون من صناديق مُحكمة الإغلاق
، وغير مختلطه .
هناك صندوق السيارة وصندوق البيت وصندوق الأهل
وصندوق العمل وصندوق الأولاد وصندوق الأصدقاء وصندوق المقهى ........... الخ
وإذا أراد الرجل شيئاً فإنه يذهب إلى هذا الصندوق ويفتحه ويركز فيه ...
وعندما يكون داخل هذا الصندوق فإنه لا يرى شيئاً خارجه ،
وإذا إنتهى أغلقه بإحكام ثم شرع فى فتح صندوق آخر وهكذا.
وهذا هو ما يفسر أن الرجل عندما يكون فى عمله ،
فإنه لا ينشغل كثيراً بما تقوله زوجته عما حدث للأولاد ،
وإذا كان يُصلح سيارته فهو أقل اهتماماً بما يحدث لأقاربه ،
وعندما يشاهد مبارة لكرة القدم فهو لا يهتم كثيراً بأن الأكل على النار يحترق ،
أو أن عامل التليفون يقف على الباب من عدة دقائق ينتظر إذناً بالدخول ..
عقل المرأة شئ آخر :
إنه مجموعة من النقاط الشبكية المتقاطعة والمتصلة جميعاً فى نفس الوقت والنشطة دائماً .. كل نقطه متصله بجميع النقاط الأخرى
مثل صفحة مليئة بالروابط على شبكة الإنترنت.
وبالتالى فهى يمكن أن تطبخ وهى تُرضع صغيرها
وتتحدث فى التليفون وتشاهد المسلسل فى وقت واحد ،
ويستحيل على الرجل - فى العادة - أن يفعل ذلك ..
كما أنها يمكن أن تنتقل من حالة إلى حالة بسرعة ودقة ودون خسائر كبيرة ،
ويبدو هذا واضحاً فى حديثها فهى تتحدث عما فعلته بها جارتها والمسلسل التركى وما
قالته لها حماتها ومستوى الأولاد الدراسى ولون ومواصفات الفستان الذى سترتديه فى
حفلة الغد ورأيها فى الحلقة الأخيرة لنور ومهند وعدد البيضات فى الكيكة فى مكالمه
تليفونية واحدة ،
أو ربما فى جملة واحدة بسلاسة متناهية ،
وبدون أى إرهاق عقلى ، وهو ما لا يستطيعه أكثر الرجال احترافاً وتدريباً.
الأخطر أن هذه الشبكة المتناهية التعقيد تعمل دائماً ،
ولا تتوقف عن العمل حتى أثناء النوم ،
ولذلك نجد أحلام المرأة أكثر تفصيلاً من أحلام الرجل ..
المثير فى صناديق الرجل
أن لديه صندوق إسمه " صندوق اللاشئ "
فهو يستطيع أن يفتح هذا الصندوق ثم يختقى فيه عقلياً ولو بقى موجوداً بجسده وسلوكه ،
يمكن للرجل أن يفتح التليفزيون ويبقى أمامه ساعات يقلب بين القنوات فى بلاهه ،
وهو فى الحقيقة يصنع لا شئ ،
يمكنه أن يفعل الشئ نفسه أمام الإنترنت ،
يمكنه أن يذهب ليصطاد فيضع الصنارة فى الماء عدة ساعات ثم يعود كما ذهب ،
تسأله زوجته ماذا اصطدت فيقول " لا شئ " لأنه لم يكن يصطاد ،
كان يصنع لا شئ ..
جامعة بنسلفانيا فى دراسة حديثة أثبتت هذه الحقيقة بتصوير نشاط المخ ،
يمكن للرجل أن يقضى ساعات لا يصنع شيئاً تقريباً ،
أما المرأة فصورة المخ لديها تبدى نشاطاً وحركة لا تنقطع.
وتأتى المشكلة عندما تُحدث الزوجة الشبكية زوجها الصندوقى فلا يرد عليها ،
هى تتحدث إليه وسط أشياء كثيرة أخرى تفعلها ،
وهو لا يفهم هذا لأنه - كرجل - يفهم انه إذا أردنا أن نتحدث فعلينا أن ندخل صندوق الكلام وهى لم تفعل ،
وتقع الكارثة عندما يصادف هذا الحديث الوقت الذى يكون فيه الرجل فى صندوق اللاشئ
، فهو حينها لم يسمع كلمة واحدة مما قالت حتى لو كان يرد عليها.
ويحدث كثيراً أن تُقسم الزوجة أنها قالت لزوجها خبراً أو معلومة ،
ويُقسم هو أيضاً أنه أول مرة يسمع بهذا الموضوع ،
وكلاهما صادق ، لأنها شبكية وهو صندوقى.
والحقيقة انه لا يمكن للمرأة أن تدخل صندوق اللاشئ مع الرجل ،
لأنها بمجرد دخوله ستصبح شيئاً .. هذا أولاً ،
وثانياً أنها بمجرد دخوله ستبدأ فى طرح الأسئلة : ماذا تفعل يا حبيبى ، هل تريد مساعدة ،
هل هذا أفضل ، ما هذا الشئ ، كيف حدث هذا ...*
وهنا يثور الرجل ، ويطرد المرأة ..
لأنه يعلم أنها إن بقيت فلن تصمت ، وهى تعلم أنها إن وعدت بالصمت ففطرتها تمنعها من الوفاء به.
فى حالات الإجهاد والضغط العصبى ، يفضل الرجل أن يدخل صندوق اللاشئ ،
وتفضل المرأة أن تعمل شبكتها فتتحدث فى الموضوع مع أى أحد ولأطول فترة ممكنة ،
إن المرأة إذا لم تتحدث عما يسبب لها الضغط والتوتر يمكن لعقلها أن ينفجر ،
مثل ماكينة السيارة التى تعمل بأقصى طاقتها رغم أن الفرامل مكبوحه ،
والمرأة عندما تتحدث مع زوجها فيما يخص أسباب عصبيتها لا تطلب من الرجل النصيحة
أو الرأى ، ويخطئ الرجل إذا بادر بتقديمها ،
كل ما تطلبه المرأة من الرجل أن يصمت ويستمع ويستمع ويستمع .... فقط .
الرجل الصندوقى بسيط والمرأة الشبكية مُركبة .
واحتياجات الرجل الصندوقى محددة وبسيطة وممكنة وفى الأغلب مادية ،
وهى تركز فى أن يملأ أشياء ويُفرغ اخرى ...
أما إحتياجات المرأة الشبكية فهى صعبة التحديد وهى مُركبة وهى مُتغيرة
قد ترضيها كلمة واحدة ، ولا تقنع بأقل من عقد ثمين فى مرة أخرى ..
وفى الحالتين فإن ما أرضاها ليس الكلمة ولا العقد وإنما الحالة التى تم فيها صياغة الكلمة
وتقديم العقد .. والرجل بطبيعته ليس مُهيئاً لعقد الكثير من هذه الصفقات المعقدة التى لا تستند لمنطق ،
والمرأة لا تستطيع أن تحدد طلباتها بوضوح ليستجيب لها الرجل مباشرة ..
وهذا يرهق الرجل ، ولا يرضى المرأة.
الرجل الصندوقى لا يحتفظ إلا بأقل التفاصيل فى صناديقه ،
وإذا حدثته عن شئ سابق فهو يبحث عنه فى الصناديق ،
فإذا كان الحديث مثلاً عن رحلة فى الأجازة ،
فغالباً ما يكون فى ركن خفى من صندوق العمل ،
فإن لم يعثر عليه فإنه لن يعثر عليه أبداً
* ( دي اسـمها النقـة )
Post: #255 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-14-2012, 05:21 PM Parent: #254
Quote: وبمشى الجم تلاتة مرات فى الاسبوع اسأل مريم بت الحسين ههه. وفى انتظار قصة الجم ...
----------------------
نسيت اقول ليك مابعرف أعمل طعمية ذاتو دى حقيقة.
بت الشيخ سلام من الجِمْ ...
اقبضي قوي في الجم و الرشاقة ... ويكفيكي فخرا انك ما من ناس الطعمية ...
بس يا ريتك لو كان جيتي حليتيني من الجمع الغفير من السودانيات اللقيتهم في الجم هنا ...
تخيلي دايرات يشتركن في لايف تايم ؟؟؟
Post: #256 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-14-2012, 05:28 PM Parent: #255
Quote: لوووووووووووووووووولز يا يحي الصور مبالغة
لكن الفى النص النافشه ريشه دى انا بريئة منها ,,,,
اها نشوف كمان الرجال اللابدين و ما بيتداخلو معانا هنا موقفهم كيف من الكدايس الفوق ديك يا منال ...
- الرجل السوداني في سطور ...
1- ايام العزوبية ...
2- اثناء الزواج الميمون ...
3- اها ودى الحالة كان طلاق كان موت ... كما ولدته امه ...
مساءكم فل ... برجع ليكم بعدين ...
Post: #257 Title: Re: مفهوم الرومانسية عند المرأة السودانية - الحب الصامت Author: منال Date: 10-14-2012, 05:45 PM Parent: #256
لوووووووووولز يحي الصور مبالغة
لكن فى حالتى انا بالذات عايزاك تبدلنى برقم واحد ختو لى رقم اتنين
مش انا استثنائية ,,,,,؟؟
Post: #258 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-14-2012, 06:16 PM Parent: #256
يا يحى يا اخي اليوم فيه 24 ساعة بس. و رجال الزمن ده ( السودانيين بالذات) عاوزين زوجة مثقفة ( عشان ما تحرجه) و متعلمة و جميلة و رومانسية. طباخة( عشان ترفع راسه قدام الضيوف) و مجيهة و بتسوق عربية ( عشان تودي الأولاد المدارس). تمسك حسابات البيت ( عشان الصداع و كده). لازم برضو تكون رشيقة و بتمشي الجم. للأسف الحجات دي كلها ما بتبقي لان اليوم فيه 24 ساعة بس. هسي انت فاتح بوست باسم الرومانسية و عاجن معاها الزوق( ما بيعرفوا يلبسوا) و الجيهة( ريحتهم طعمية) و قلة الزمن للرياضة( سمان) و جهل ( ما عارفين مقاساتهم) و أشياء أخري كثيرة.
Post: #259 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-14-2012, 06:38 PM Parent: #258
أحب الشموخ
كااااااااااااااااااااااك يا يحي
Post: #260 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-14-2012, 07:43 PM Parent: #259
Quote: رحم الله عمكم د.حمدى ، والد زميلى فى كلية طب الخرطوم ودفعتى ود عمك، د.صالح حمدى، لك وله تحياتى،
أما المعمارى الحنين فهو نصفى الآخر، حفظه الله
تحياتى
دكتورتنا مهيرة ... يا سلام علي ابن عمي صالح حمدي الرجل المهذب
من مساوئ الهجرة أنها فرقت بين الناس
لا ادري اين هو الآن ...
اما بالنسبة لزوجك المعماري فانا كده اتطمنت عليك تماماً
ألما تزوجت معماري ما اتزوجت..
Post: #261 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-14-2012, 07:49 PM Parent: #260
Quote: سلامات يا باشمهندس وكل ضيوفك البوست بالصدفة سمعت عنه (ماعاوزة اقول اني مهمة لكن فعلا بعيدة عن سودانيز الايام دي) ولقيته في الصفحة السابعة محتاجة وقت فعلا عشان امر عليهو لغاية مايحصل بقول ليك مرحب بيك قلم ذكي ومرح وراقي كنا محتاجين ليهو
من الناس الجميلين الإتمنيت اشوفهم في البوست هو راوية
بالجد سعيد بحضورك وعساك بخير
زمن طويل يا راوية
Post: #262 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-14-2012, 10:14 PM Parent: #256
Quote: بس يا ريتك لو كان جيتي حليتيني من الجمع الغفير من السودانيات اللقيتهم في الجم هنا ...
تخيلي دايرات يشتركن في لايف تايم ؟؟؟
عليك الله يا قبانى كلامك دا صاح ولا حلم برضو ذى بتاع فكتوريا سكريت.؟ المهم الجم فوائدو كتييير ليكم ولا ليهن .... بس قصة لايف تايم دى ماعرفناها .... تحياتى..
Post: #263 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 01:54 AM Parent: #262
Quote: يحي كديسـتك الفي النص دي ما بتعبـر عن امهاتنا الهديات الرضيات و لا عـن زوجاتناالرومنسـيات الوفيات و لا عـن بناتنا الحنينات
صديقي ود الإحيمر ...
والله انا ما بقصد الا نسبة وفي نظرى كبيرة جدا من النساء السودانيات ...
واتفق معاك تماما ... في حتة الوفاء و حنية بناتنا ...و رضي امهاتنا ... لكن الرومانسية
زى ما كان بيقول الزول الجميل الاسمه زيدان ابراهيم " أمي " وتنطق AMEH
اصلو ما بطاوعاك يا عبدالله ... شاباتنا ديل قصتهم بايظة و فهم مسألة الرومانسية دي
بعيدة من استيعابهم المحصور بين سوق الدهب ... وعبد الصمد حق التياب ..
وتاني بكرر ... نسبة كبيرة ... واي واحدة شعرت بانو كلامي ده مساها او زعلها ...
تمشي تعاين في داخلها و تفتش مشكلتها وين ... لانها حتما هي من ضمن النسبة المقصودة ...
Quote: النسـاء اولوياتهم منطقـية و واقعيـة تنحـو نحـو النظـرة الشـاملة و المسـتقبلية بعـيدة النظـر
والله بالغت عديل يا عبدالله !!! قاسم امين بس !!!!
Quote: الزول دا قال على عقولنا أقفالها
انا الكلام ده قريته قبال 5-6 سنين وعندى في هارد درايف قديم ... واعتقد لسه حايم في يو تيوب ...
ومعمول علي عقل المرأه الاجنبية ... يعني ما " ابلكابل " اصو علي ناسنا ديل ... والله لا خيوط لا اسلاك ...
خيط وااااحد فى اوله نكد و في اخره دهب ...
خليها علي الله بس ...
Post: #264 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 01:58 AM Parent: #262
Quote: مش انا استثنائية ,,,,,؟؟
واليقول غير كده يكون ما بشوف من الغربال ...
ولا شنو ...
Post: #265 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 02:13 AM Parent: #264
Quote: رجال الزمن ده ( السودانيين بالذات) عاوزين زوجة مثقفة ( عشان ما تحرجه) و متعلمة و جميلة و رومانسية. طباخة( عشان ترفع راسه قدام الضيوف) . تمسك حسابات البيت ( عشان الصداع و كده). لازم برضو تكون رشيقة و بتمشي الجم. للأسف الحجات دي كلها ما بتبقي لان اليوم فيه 24 ساعة بس. هسي انت فاتح بوست باسم الرومانسية و عاجن معاها الزوق( ما بيعرفوا يلبسوا) و الجيهة( ريحتهم طعمية) و قلة الزمن للرياضة( سمان) و جهل ( ما عارفين مقاساتهم) و أشياء أخري كثيرة.
صحي سمارت ...
بيعجبني في المرأه الذكية الاهتمام بالتفاصيل ... وانتي متابعة بدقة ...
" جوود فور يو " والله ...
زوجة مثقفة عشان ما تحرجة رأيك شنو في زوجة مثقفة ... يفتخر و يتباهي بيها ... ويقدرو يتونسو ويتسامرو في امور مختلفة ...!!!
طباخة( عشان ترفع راسه قدام الضيوف) رأيك شنو في طباخة ... عشان توفر اكل صحي للاسره ... للعيش دون مشاكل صحية ولحياة اجمل و اطول ...!!!
و مجيهة و بتسوق عربية ( عشان تودي الأولاد المدارس) رأيك شنو في تسوق عربية و تودى الاولاد للمشاركة في حمل بعض المسئولية !!!
برضو تكون رشيقة و بتمشي الجم. لانو العقل السليم في الجسم السليم " ا ب ت ث " ... اتعلمناها في اولي كتاب ... ولا شنو ؟؟؟
البوست ما للتهكم والله ...انما جرس تنبيه " شامل " ... وكلام في الممنوع والمحرم " بحكم الوراثة " ... ... والساكت عن الحق شيطان اخرس
Post: #266 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 02:15 AM Parent: #265
Quote: أحب الشموخ
وضاحة ... كيفنك ياخي ...
Post: #267 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 02:44 AM Parent: #266
Quote: يك الله يا قبانى كلامك دا صاح ولا حلم برضو ذى بتاع فكتوريا سكريت.؟ المهم الجم فوائدو كتييير ليكم ولا ليهن .... بس قصة لايف تايم دى ماعرفناها .... تحياتى..
Post: #268 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 03:06 AM Parent: #267
ما أصلو قالو الريده زاتها تعلم الزول العباده حوا من زمن بعيد زايده دايما في عنادها اصلو كان آدم بريدها مسكين يطاوع في حلاتها يبرا في حوا و حلاتها لما فات الجنة زاتها
بسمع في الجابري بيغني فيها و بتعلم من الحكم الكتبها جمال حسن سعيد دى ...
غفيت علي الانغام ....
وجاني سيدنا آدم في المنام ....
قصة غريبة خلاص ... اللهم اجعله خير ...
Post: #269 Title: Re: مفهوم الرومانسية عند المرأة السودانية - الحب الصامت Author: تيسير عووضة Date: 10-15-2012, 06:38 AM Parent: #268
Quote: وعبد الصمد حق التياب ..
منك جكة
Post: #270 Title: Re: مفهوم الرومانسية عند المرأة السودانية - الحب الصامت Author: عبدالله احيمر Date: 10-15-2012, 01:03 PM Parent: #269
يحي يا صديـق
عارف الهيصة دي كلها عبارة عن حـراق روح للناس العاشـوا في دول يصبح فيها الانسـان جزء من ترس مدور في ماكينة كبيرة فقـدوا دفء العلاقات الاجتماعية وونســة العصرية فطفقـوا يبحثون عن رومانســية ناس مهـند ونــور وافلام ذهـب مع الريح علهـا تعـوض عن عطش أصاب النفوس بجفاف و تصحـر لفقـد مشـاعر الأهل ( الحبوبة و الخالة والعمـة و الجيران , الأصدقاء ....الخ ) أهـا قعـدوا يشــيلوا / ن ويلتخـوا / ن في التربية و ما أدراك ما التربية وطلعت كل حياتنا كلها غلط في غـلط و عاوزننا نغير حياتنا ( في السـودان لتصبح على ما يعيشـونه في تلك الدول ودي زتها من اوجه الأزمة ) و عاوزننا نكون نسـخة كربونية من الخواجة و الخواجية
شــوف يا يحي فعـلا نحـن نعيش في أزمـة اجتماعية متعـددة الجوانب و المدخل لفهمها و التعامل معهالا يمـر من بوابة الرومانســية الأ لدى بعض مهاجري الغـرب لما رسـخ في أذهانهم / ن من فهـم للرومانســية , اما الناس في السـودان فرومانســيتهم مختلفة و في الغالب يعبرون عنها بطرق غيـر ( ابعدني من رومانسـية الأفلام الهندية و افلام الخواجات )
يا شــباب نحـن مازلنا مجتمع رعـوي زراعي بسـيط , خـلو التطـور يأخـد مجراه وما تحاكمونا بالمجتمعات التي تعيشـون فيها لا في انتاجها ولا في العلاقات الزوجية و لا الاجتماعية
( العاوز /ة يعرس جـن احمـر هـو حـر , بس حقـو يبعـد عن المقارنة لأنها مجحفــة و ظالمة شــديد للطرفين و فيهـا تعميم مخـل و بايخ و يظل عرسـو / ها حاجة خاصة وفـردية )
رفقـا يحـي
نحـن في السـودان نهـوى اوطانا و إن رحلنـا بعـيد نطرى خلالنا
Post: #271 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 04:13 PM Parent: #270
Quote: Quote: وعبد الصمد حق التياب ..
منك جكة
حيرتك ... ما كده ؟؟
Post: #272 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-15-2012, 08:32 PM Parent: #271
Quote: اختنا مريم ...
التحية ليك يا عزيزتي ...
الامان للمرأه و للرجل علي السواء هو علمهم ..وعملهم و ثقافتهم ... المرأه ليست سلعة حتي يكون مقياس الامان عندها كنز الذهب و الفضة ...
الاستقلال المادي لو ما خلقتو بيدها ...ما اسمو استقلال مادي ... اسمو اتكالية و خمول بس راجية المسكين ده يكدح و هي تأمن حياتها ؟؟؟
هو يموت ...وهي تعيش باقي العمر من خيرو ؟؟؟
طول ما الرجل السوداني بيموت قبال مرتو بي 30 سنة ...اذا المشكلة قائمة ... عمره المسكين يقصر ...من ورا تأمين مستقبل ست الحسن و الجمال ...
وبعد ده يا مريم .." وانا بتكلم عن نسبة ضخمة " ... مافي مقابل للرجل ... مافي شي يعوضه تعبه و شقاه ...
كوني بخير يا ستي ...والعتبي لو لم يصادف ما قلته هوي في نفسك
قبّاني.. ولا اقول ليك عمّو؟ والدي من دفعتك في جامعة الخرطوم! فخلينا نتفق من حسي...
objectifying المرأة بالصورة دي ما عجبني منّك والله.. يعني هل المرأة لما راجلها يصلّع او تطلع ليه كرش بتتذمّر او تتضايق!! الزواج ده علاقة عمر مستمره، بمر الواحد فيها بتغييرات كتيره في جسمه.. لانه بنفس منطقك ده، المرأة ما من حقها تكبر زاتو في العمر! من مواصفات العلاقة الصحيّة بين الرجل والمرا انها ما بترتبط بحاجات زي دي... انا ما بعني بالضرورة انه الناس يتبهدلوا وما يهتموا بأشكالهم... بس طبعا ضمن المستطاع... بعدين انت قد تكون الاستثناء، في عدد مقدّر من الرجال السودانيين بفضّلوا السمنة، لما تجي تتكلم عن النساء الوزنهم زايد بالصورة دي انت بتعبّر عن رأيك انت فقط، عشان كده قلت ليك ده اسمه abuse! وعليه انا بطالبك بإعتذار للمرأة السودانية الفخورة بي الله اداه ليها... ومبسوطه مع زوجها وهو مبسوط بيها.. بس انت اطلع من بين البصلة وقشرتها!
بعد ما تعتذر، ممكن بعداك نتفاهم في عقدتك من رمي الطعمية... ومشكلتك معاها شنو بالضبط... علما اني ما بعرف اعملها والله! وما بختار التحمير بشكل عام بفضّل البدائل الصحّية .. شوي او بالفرن...
يا نجاة... Go يا زميلة...
Post: #273 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 10:36 PM Parent: #272
Quote: عارف الهيصة دي كلها عبارة عن حـراق روح للناس العاشـوا في دول يصبح فيها الانسـان جزء من ترس مدور في ماكينة كبيرة فقـدوا دفء العلاقات الاجتماعية وونســة العصرية فطفقـوا يبحثون عن رومانســية ناس مهـند ونــور وافلام ذهـب مع الريح علهـا تعـوض عن عطش أصاب النفوس بجفاف و تصحـر لفقـد مشـاعر الأهل ( الحبوبة و الخالة والعمـة و الجيران , الأصدقاء ....الخ )
معقول يا عبدالله نكون بالسطحية دى بعد ما شعرنا شاب ؟؟؟
ولا تكون مراهقة متأخره ....؟؟؟
ما اتوفقت في تحليلك ده ابدا ... وانا يا عزيزي لا ابحث عن الحب و الهيام ولكن ابحث عن الحياة المتزنة بين الزوج والزوجة السودانيين ...
ومين قال ليك انو الناس بقت ترس مدور ؟؟؟
يعني الانسان لازم يبقي خامل حتي يتفرغ للعاطفية ؟؟؟
Quote: و عاوزننا نكون نسـخة كربونية من الخواجة و الخواجية
اخفقت التقدير مرة تانية يا صاحبي ...
مش صحيح الكلام ده ... وانا لما حكمت علي تلك النسبة بعدم الرومانسية ...
كنت قاصد اطلعهم من قمم الحبوبات ...العملوهو شماعة ...وشوية يتطورو ... بس ما لدرجة الخواجات ...
Quote: شــوف يا يحي فعـلا نحـن نعيش في أزمـة اجتماعية متعـددة الجوانب و المدخل لفهمها و التعامل معها لا يمـر من بوابة الرومانســية الأ لدى بعض مهاجري الغـرب لما رسـخ في أذهانهم / ن من فهـم للرومانســية , اما الناس في السـودان فرومانســيتهم مختلفة و في الغالب يعبرون عنها بطرق غيـر
مرة تانية بقول ...الرومانسية المطلوبة هي ... ليس تبادل الورود ... وانما الرقة في التعامل ...
والاحساس بتعب الطرف الآخر ,,, وتبادل المشاعر و الهموم ... بدل تحميل الرجل " لانه رجل " كل الهموم ياخي !!!
حتي المتعلمة فيهم قالت دايرة الدهب كأمان و ضمان للمستقبل ؟؟؟؟
بالله ده كلام ده !!!!
Quote: يا شــباب نحـن مازلنا مجتمع رعـوي زراعي بسـيط , خـلو التطـور يأخـد مجراه وما تحاكمونا بالمجتمعات التي تعيشـون فيها لا في انتاجها ولا في العلاقات الزوجية و لا الاجتماعية
لا تعليق !!!
خلينا متعولقين في عولاقنا يعني ...
Post: #274 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-15-2012, 10:57 PM Parent: #273
Quote: قبّاني.. ولا اقول ليك عمّو؟ والدي من دفعتك في جامعة الخرطوم! فخلينا نتفق من حسي...
objectifying المرأة بالصورة دي ما عجبني منّك والله.. يعني هل المرأة لما راجلها يصلّع او تطلع ليه كرش بتتذمّر او تتضايق!! الزواج ده علاقة عمر مستمره، بمر الواحد فيها بتغييرات كتيره في جسمه.. لانه بنفس منطقك ده، المرأة ما من حقها تكبر زاتو في العمر! من مواصفات العلاقة الصحيّة بين الرجل والمرا انها ما بترتبط بحاجات زي دي... انا ما بعني بالضرورة انه الناس يتبهدلوا وما يهتموا بأشكالهم... بس طبعا ضمن المستطاع... بعدين انت قد تكون الاستثناء، في عدد مقدّر من الرجال السودانيين بفضّلوا السمنة، لما تجي تتكلم عن النساء الوزنهم زايد بالصورة دي انت بتعبّر عن رأيك انت فقط، عشان كده قلت ليك ده اسمه abuse! وعليه انا بطالبك بإعتذار للمرأة السودانية الفخورة بي الله اداه ليها... ومبسوطه مع زوجها وهو مبسوط بيها.. بس انت اطلع من بين البصلة وقشرتها!
بعد ما تعتذر، ممكن بعداك نتفاهم في عقدتك من رمي الطعمية... ومشكلتك معاها شنو بالضبط... علما اني ما بعرف اعملها والله! وما بختار التحمير بشكل عام بفضّل البدائل الصحّية .. شوي او بالفرن...
يا نجاة... Go يا زميلة...
بتنا بت الحسين ...
لو رجعتي كم صفحة لي ورا ...تلقيني اساسا معتذر لاي واحده بيمسها الكلام ده ...
حاجتين هنا ...
الاولي ...انا قلت لو من الاول انا اختياري ليك كزوجة انك تكوني بدينة ... او اختيارك لي اني اكون بدين فده توافق و اختيار ...
انا اعترضت علي انو الاختيار يتم بان يكون احد الطرفين خفيف الوزن و رشيق ... وبعد 15-20 سنة القصة تبقي مضروبة في تلاته ...
انا هنا ما اتكلمت عن الكبر ...كلنا بنكبر ...وغصبا عننا بنتغير جسمانيا ... ولكن في وسائل كثيرة للمحافظة والبقاء في حد المعقول ...
نسبة البدانة عند المرأه السودانية تساوي علي الاقل الضعف من الرجل السوداني ...وده ما قريته في كتاب ...بس من المشاهده ...
اما بالنسبة للطعمية ... او كما سميتيها عقدة ...
فهي وصف لحالة الرومانسية لدي المراه السودانية ...
اشرح ليك ...
المرأه السودانية لما تتكرم و تكون مبسوطة من بعلها ...بتتفضل عليهو بأكله طيبة ..كانو خرقت المستحيل ...
والاستعارة مني بموضوع رمي الطعمية " كمجرد مثل " ...معظم النساء بفتكرو انها عملية شاقة ... فلما تعملها تحس انها ابرزت كمية من العواطف و الاهتمام ...
لا يا عزيزتي ... تخيلي ...مجرد نص رغيفة ... بي طحنية انشالله ...مع كباية شاي ...مقدمة منك بي نفس ... وبي حنان
و بتبدل احاسيس ... ورقة ... وبدون نقة ... او طلبات في وقت غلط ... هو المطلوب ...
المطلوب ان تصل المرأه السودانية لفهم ... انو مجرد تقطيع خضار طازج ... او فواكه طازجة ...خارج مواعيد الوجبات العادية
وتقديمها للزوج و للاولاد ...يسوي مليون مدافرة في حلة دسمة ...وبصلة ...ودهون ...
بتنا بت الحسين ... تحياتي ليك ...
Post: #275 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-16-2012, 01:40 AM Parent: #274
سيدنا آدم ... جاني في المنام ... كنت بسمع في حوا و آدم و مستمتع بالجابري ايما استمتاع لغاية ما دقسته ...
كان لابس جلابية و عمة و ملفحة ...كلهم ابيض بياض ناصع ...
سألته يا بو البشر ... انت بتلبس سوداني ليه ؟؟؟
قال لي يا قباني لانك سوداني ... والكلام البتكتب فيهو ليك كم يوم ريحني في روحي دي ...
انا ميت بيهو الاف السنين ...ومافي جنس بشر اتكلم فيهو بالوضوح ده ... الا انت ...
بس يا قُبه انا عاتب عليك ... ياخ بنات حوا " السودانيات " ديل انت عاصر عليهم شديد
وما تفهمني غلط ... انا اول رجل اخد خازوق من امرأه في الاخرة قبل الدنيا ...
وللاسف ما كان قدامي زول ينصحني و لا ينور بصيرتي ... الا رب العالمين ...
وطبعا بسذاجة الرجل ... و غريزته ..ما سمعت كلام ربنا و باريت حوا وحلاتها ...
قلت ليه طيب رأيك شنو يا ابونا ...
قال لي انت بنات حوا الدايرهم يكونو مثقفات و رومانسيات و مجيهات ديل ...
دايرهم يسوو ده كلو لي منو ...؟؟؟ ما الرجال السودانيين المبشتنين ديل ؟؟؟
قلت ليهو يا ابو البشر كيف يعني ... وما احنا بنحاول ...قال لي في رجل إستثنائي ...
وكمان في مرأه استثنائية " قلت في سري والله انا بعرف واحده " ...
لكن نسبة كبيرة من الرجال السودانيين مبشتنين ... ياخي لو اقنعتهم يرجعو لي زي لبسي ده يكون افضل ...
لانهم ما بيتعلمو ... يا قبقب تلقي الواحد منهم لابس قميص كم طويل ... تخيل كم طويل ... وجادعة من برة البنطلون ...
والادهي من ذلك ...تلقاهو لابش شبشب ...؟؟؟ حسي زى ده رومانسية شنو البيفهمها ..؟؟؟
اسمعني يا قباني ..انت مش قلت الشي ... بالشي المقابله ما كده ...؟
قلت ليهو صحيح يا ابونا آدم ...
قال لي طيب تخيل انو السودانيين الكانو مضرب مثل بالنضافة ... طلعو بلاد الغرب دي الواحد تقول نسي درب الحمام ...
الريحة ترمي الصقر ... يعني معقول زي ده يجي خاشي البيت ...مبهدل .. و ريحته بالبلا ... وامكن كمان سافّي ... يقوم يلقي المدام
علي سنجة عشره ... بالله قوم لف يا قباني ياخ ... والله الزي ده مش مفروض ترمي ليهو طعمية ... مفروض ترميهو هو زاتو في صاج التحمير ...
يا قباني ... فك بنات حوا شوية ... وشوف جماعتك المبهدلين ديل و حاول تكون عادل ...
صحيت ... وانا مشدوه ... قعدت اعاين اشوف رقبتي لابس شنو ... واشمشم في رقبتي و اقول ...الحمد لله ده ما انا ...
جاييكم يا شمات ... تاني البسو لي قميص اصفر و بنطلون اخضر ...
Post: #276 Title: Re: مفهوم الرومانسية عند المرأة السودانية - الحب الصامت Author: نجوان Date: 10-16-2012, 05:26 AM Parent: #275
Now we're talking
_____ سلام قباني.. ذكرت بعض تحفظاتي لناس خابزنك وعاجننك فقالوا لي الموجة مصيرها تقلب.. (بس اللي ليهم اسبوعين يقزقزوا في البوب كورن حننوني ياخ حتى قبل ما الارسال يبدأ ذاتو)
وبما انه شهدنا سقوط اقنعة كثيرة خلال الأسبوعين المنصرمين ممكن طلب بسيط، يا ريت تبدأ لينا بملاحظاتك عما يسمى بالمثقف السوداني.. عايزين الشخصية والسلوك في الأول، المظهر بعدين..
So, do your thing وأديهم في التنك..
Post: #277 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-16-2012, 05:42 AM Parent: #276
حمدالله علي سلامة الوصول اختنا نجوان ...
البوست نور ياخي ... يعني الا حليمة تقفل ابوابها ...وانا افتح ملف الرجل السوداني الراقص علي السلم
يمسك بعصاة الرقص بيمناه خارج المنزل ... وعصاة الطاعة والصرامة بيسراه داخل المنزل ..
كما كان سيد بشبش ...!!!
Quote: سلام قباني.. ذكرت بعض تحفظاتي لناس خابزنك وعاجننك فقالوا لي الموجة مصيرها تقلب..
بالله سلمي عليها ...وقول ليها قباني قال ليك كان كده ماكي عارفاهو ...
Quote: يا ريت تبدأ لينا بملاحظاتك عما يسمى بالمثقف السوداني.. عايزين الشخصية والسلوك في الأول، المظهر بعدين..
مع انهم ما بينفصلوا في منهجي ... لكن انشالله نشوف حكاية سلوك و شخصية " المسغّف " السوداني
اها اخواننا الطيبين ديل انا معافر معاهم من سنة صفر ...ما عليكي ...
اللينا لينا و العلينا علينا ...
بس طبعا ... في السكة كده ...لازم اديكم حاجة كده ... والله ما بقدر لو حبكت ....
Post: #278 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-16-2012, 06:59 AM Parent: #277
هههههههههههه والله يا قباني اكتر حاجه مكيفاني في بوستك ده انك بتجرح وبتداوي...
بخصوص "الطعمية" و"وش البامية"، أنا ممكن أقول أني بعمل حركة مشابهة... بحب اظبط الأكل وبكون سعيدة بكده، لكن القال ليك منو أبو محمود ما مبسوط! إها يوم في الشتاء والجو بارد، عجنته لقيماتي من بالليل وختيته جنب الدفايه يخمر، وصحيت دغش رميتها... عشان بتذكر ريحة اللقيمات الحاره بالصباح لما أمي "ترميها" لينا... كان لقيت ليك صحن من اللقيمات دي مع كباية الشاي بالقرفه، ما بترفع يدك فووووق وتقول احمد الله؟
غايته ما قصر أبونا ادم، ادا الجماعة على راسهم، لكن عشان أكون منصفة، الراجل السوداني في الغالب الأعم، زول نضيف... وبهتمه بي نظافته الشخصية والعطور وكده، لكن اللبس ده، استغفرتك يا مالك روحي!
تعرف انه العلماء بعتقدوا انه ادم وحواء نزلو في منطقة السودان/الحبشة! يعني الجلابية حقتو ويعرفها تمام!
فيما يخص موضوع السمنة، عايزين اعتذار مخصص بالله، لانه موضوع حساس ... بعدين إدينا معيار للوزن الممكن نزيده بعد الزواج عشان نعمل حسابنا!
Post: #279 Title: Re: مفهوم الرومانسية عند المرأة السودانية - الحب الصامت Author: حسين نوباتيا Date: 10-16-2012, 08:29 AM Parent: #278
ياخي مشيتو بعيد خلاص..
لا لا يا قباني في استفراد حاصل...
مدعوم بطابور خامس:)
وعشان ما الموضوع دا يروح لينا في الموية ..
الرجل السوداني به عبر كثيرة ونادرة الخ لكن دا ما موضوعنا في البوست دا..
وبالمناسبة هذه واحدة من مشاكل المراة السودانية ...
تحاول تناشقها في موضوع انت ترى انها يمكن ان تتحسن فيه
فاذا بها ترص ليك اشياء لا حصر لها انت واصحابك وناس حلتكم محتاجين ليها..
في حين انو المنطق بقول The calls should be answered in the exact order in which it was received:-)
مريم بت الحسين انتي بما تحمليه من صفات وعلم في مجال الاسرة وتربية الابناء والله المفروض تكوني في صفنا:)
التحية لجميلة السيد صاحبة المداخلات الرائعة وماجدة عوض خوجلي الادتنا المفيد في موضوع الدهب واحب اقول ليها
نحن ذاتنا ما عندنا مشكلة مع الدهب من حيث المبدأ لكن مشكلتنا في المجنزرات الدهبية البتخليك نص ساعة تربّط معاه
في الصواميل قبل اي مناسبة وفي النهاية تجي ماشة جمبك تكشكش زي حصان الصعايدة:)
واخليكم مع المثل السوداني البقول : الرجال جزم لكن ما بنقدر نمشي حفايا :)
so much for رومانسية .
Post: #280 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-16-2012, 12:28 PM Parent: #279
Quote: مريم بت الحسين انتي بما تحمليه من صفات وعلم في مجال الاسرة وتربية الابناء والله المفروض تكوني في صفنا:)
لووووووووووول....هو اذا قباني زاتو ما في صفكم، انا اقيف في صف فاضي مالي!
لكن محاولة جيّدة لتحييدي :)
لحدي ما نتفق على المطلوب من المراة السودانية.. شوفو الاغنية دي...
وجب التنويه إلى انه انا بكتب بصفة غير شخصية هنا، مافي زول يقول لي انت بتسوي شنو... ده بوست تعميمي بجدارة...
ناس صعبين يا سمارت، لازم عملي تنويهات زي دي...
Post: #281 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-16-2012, 02:39 PM Parent: #280
Quote: كان لقيت ليك صحن من اللقيمات دي مع كباية الشاي بالقرفه، ما بترفع يدك فووووق وتقول احمد الله؟
سؤال: اللقيمات الحارة دي حاجة عادية يعني كل اسبوع مثلا ... ولا لمن تكوني راضية عن ابو محمود فقط ... جاوبي بأمانه ...!!!
Quote: لكن اللبس ده، استغفرتك يا مالك روحي!
حاجة محيراني شديد ... والله لو عرفته اولا حاجاتهم دى بشتروها من وين .... ارتاح...
يعني كأنو الواحد منهم بيجتهد شديد عشان ينقي البهدله البيلبسها دي ... غايتو ...الا الفلي ماركت بس ...
ولا كمان الولد لو اشتري بدلة ... لازم تكون اكبر منو ...ولازم يتأكد انو ماركة البدلة قااااعدة ملصقة في الكًم الشمال ...
Quote: تعرف انه العلماء بعتقدوا انه ادم وحواء نزلو في منطقة السودان/الحبشة! يعني الجلابية حقتو ويعرفها تمام!
غريبة ... لانو في اتجاه تاني بيقول اساسا ما كان مفروض ينزلو ناس في الحتة الاسمها السودان دي ...
Quote: فيما يخص موضوع السمنة، عايزين اعتذار مخصص بالله، لانه موضوع حساس ... بعدين إدينا معيار للوزن الممكن نزيده بعد الزواج عشان نعمل حسابنا!
Post: #282 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-16-2012, 02:42 PM Parent: #281
Quote: لكن مشكلتنا في المجنزرات الدهبية البتخليك نص ساعة تربّط معاه
في الصواميل قبل اي مناسبة وفي النهاية تجي ماشة جمبك تكشكش زي حصان الصعايدة:)
بالله يا حسين انت من الجماعه اياهم ...
اربط في ال######شات اربط يا نوباتيا ...ياخي دي ما الرومانسية زاتها ... كان الله في عونك يا صديقي ...
Post: #283 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-16-2012, 09:30 PM Parent: #282
Quote: سؤال: اللقيمات الحارة دي حاجة عادية يعني كل اسبوع مثلا ... ولا لمن تكوني راضية عن ابو محمود فقط ... جاوبي بأمانه ...!!!
ما قلنا ما تخصصوني كحالة... انت حسي بتتكلم عن سيرة مسز قباني!
بعدين ما جاوبتني، انا بفاوض هنا بإسم المرأة السودانية، انتو حتقدموا شنو في الشراكة دي، عشان نشوف مطالبكم دي ونقيّمها!....
أغنية آدم ساندلرز ما اديتنا رأيك فيها!
اما الاعتذار، فما بفيد بأي شي ... ودي واحده من ازماتكم، نادراً جداً تلقى ليك سوداني بعرف يقول انا متأسف... say it like you mean it...
Post: #284 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-16-2012, 09:52 PM Parent: #283
مستر قباني يا اخي موضوع الدهب ده جليه بعد كده. موضوع الدهب ده بالنسبة لي ما ليه علاقة بالقروش. ما عاوزه افكها فيك ساي لكن انا شغالة لي حوالي 8 سنوات و بوفر لمعاشي قدر ما بقدر. الدهب العندي قيمته بسيطة جداً مقارنة بالقروش اللي بختها في المعاش سنويا. يعني الدهب ما هو الضمان الاقتصادي بتاعي. الدهب بالنسبة لي ذي الهدوم و الجزم It is just something nice I have عشان كده قبيييل قلت ليك دهبي ما للاستثمار. لكن أبو الأولاد لو قال عاوز قروش نسحب ليه أي قروش ممكن تتسحب من المعاش. بس ما يكون عاوز يعرس بيها. و انا ذي مريم أختي دي، ما تجي تقول لي عارفك فهيمة و خطرة. انا بدافع عن السودانية الزوجة. مريم، ميستر قباني ده ما تخليه كلو كلو
Post: #285 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-16-2012, 10:31 PM Parent: #284
Quote: ما قلنا ما تخصصوني كحالة... انت حسي بتتكلم عن سيرة مسز قباني!
بعدين ما جاوبتني، انا بفاوض هنا بإسم المرأة السودانية، انتو حتقدموا شنو في الشراكة دي، عشان نشوف مطالبكم دي ونقيّمها!....
أغنية آدم ساندلرز ما اديتنا رأيك فيها!
اما الاعتذار، فما بفيد بأي شي ... ودي واحده من ازماتكم، نادراً جداً تلقى ليك سوداني بعرف يقول انا متأسف... say it like you mean it...
بتنا بت الحسين ...
ده ما اسمو تخصيص ... ولكن " إكسامبل " حي ... لانو معظم السيدات السودانيات ... ده مسلكهم ...
بالنسبة للاعتذار ... انا يا مريم ... لم اعيب المرأه البدينة ... انا قلت في بداية كلامي ...
انو الطرفين لما اتلاقو ...وقرروا الارتباط و هم في السن الصغيره ديك ...
في 75% من الحالات المرأه هي الإتضاعف وزنها ...وانا بفتكر ده شي غير عادل ...
لو كان الاختيار من الاول بين الطرفين متفق عليه ...نحيفة بدينة ...ما عندي مشكله ...
لكن احيك ...واكون عاشق لرشاقتك ... ما ممكن تبيعي القضية و تبقي القصة ميل و عرض ...
وبرضه قلته في زيادة معقولة ...من الولادة من الكبر ... 15 - 20 % حتي ...من وزن الشباب قبل الزواج
لكن زيادة النسبة الكبيرة من السيدات السودانيات بتصل ل 60% ...
عندي احساس بانو الواحده فيكم ما بينطبق عليها الكلام ده ...لكن محموقة دفاعا عن بقية النساء ...
دفاعكم ده حقو تحددو ... لانه المراه السودانية نوعين ...
نوع مواكب لمتطلبات رتم الحياه السريع ... وقادر يعمل توازن بين كل الامور ...
ونوع مستني ...
Post: #287 Title: Re: مفهوم الرومانسية عند المرأة السودانية - الحب الصامت Author: حسين نوباتيا Date: 10-17-2012, 01:42 AM Parent: #286
يا قباني ياخي بقيت تجليها واقفة:)
دهب شنو البربطو انا ياخي زي ما قالت بت الحسين نحن لا نتحدث عن زواتنا هنا..
انا كل النساء الحولي اقنعتهم انو الدهب حرام وفي احسن الاحوال مكروه والافضل اجتناب الشبهات:)
اذا اي واحدة اتكلمت عن الذهب امامي بتجيني seizure ....ولكنا قلنا ما قلنا من باب شق المقابر..
ما علينا ... نيران صديقة هذه والاخرى "الما عرس معماري ما عرس" :)
يا بت الحسين ابدا والله الحكاية ما تحييد لكن انا كنت متابع كتاباتك انت واسمارت انا
في بوست تربية الاطفال وتتطرقتي كثيرا لمعاملة ابو محمود واعجبني اولا التزامك بالطرق
العلمية في ادارة شئون الاسرة من تغذية لتبرية وحتى المعاملة والتفاهم والتقدير المتبادل
وكلها اشياء نادرة عند المراة السودانية التى تستقي جل معلوماتها وثقافتها من سماعة التلفون
(الا من رحم ربي طبعا) - صدقيني هذا البوست لا يعنيك اللهم الا في حالة عملناك سامبل
لما نريد الوصول اليه...فياخي تعالي اقيفي بي جاي وساعدينا ينوبك ثواب:)
عندي تعليقات كتيرة بجي ليها بكرة ان شاء الله..
Post: #288 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-17-2012, 07:35 AM Parent: #287
سلاما أخونا زمان نوباتيا. وينك؟ قلت لي الدهب مكروه؟ *_^ مريوم دي ست البنات لحدهن. علم و دين و أخلاق و جمال و ثقافة و زوق.
Post: #289 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-17-2012, 03:34 PM Parent: #288
Quote: يا قباني ياخي بقيت تجليها واقفة:)
دهب شنو البربطو انا ياخي زي ما قالت بت الحسين نحن لا نتحدث عن زواتنا هنا..
انا كل النساء الحولي اقنعتهم انو الدهب حرام وفي احسن الاحوال مكروه والافضل اجتناب الشبهات:)
اذا اي واحدة اتكلمت عن الذهب امامي بتجيني seizure ....ولكنا قلنا ما قلنا من باب شق المقابر..
ما علينا ... نيران صديقة هذه والاخرى "الما عرس معماري ما عرس" :)
يا بت الحسين ابدا والله الحكاية ما تحييد لكن انا كنت متابع كتاباتك انت واسمارت انا
في بوست تربية الاطفال وتتطرقتي كثيرا لمعاملة ابو محمود واعجبني اولا التزامك بالطرق
العلمية في ادارة شئون الاسرة من تغذية لتبرية وحتى المعاملة والتفاهم والتقدير المتبادل
وكلها اشياء نادرة عند المراة السودانية التى تستقي جل معلوماتها وثقافتها من سماعة التلفون
(الا من رحم ربي طبعا) - صدقيني هذا البوست لا يعنيك اللهم الا في حالة عملناك سامبل
لما نريد الوصول اليه...فياخي تعالي اقيفي بي جاي وساعدينا ينوبك ثواب:)
عندي تعليقات كتيرة بجي ليها بكرة ان شاء الله..
حسين ياخ انا بشاغلك بس ...ووحياتك اخوك بشوتها وهو لسة بربط في الكدارة ...
بس للعلم ...انا ما بفتكر انو مسألة انو الرجل يساعد وجته في انها تربط شي في ايدها او رقبتها ...
بالعكس وانا اقصد كلامي ...ده شي من ا" انتماسي " بين الاتنين ...ولا تعيب الرجل في شي اطلاقاً ...
عموما في انتظارك يا جميل ...
Post: #290 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-17-2012, 03:37 PM Parent: #289
اختنا سمارت ... مازلت في انتظار تقيبك علي ردى ده ...
Quote: زوجة مثقفة عشان ما تحرجة رأيك شنو في زوجة مثقفة ... يفتخر و يتباهي بيها ... ويقدرو يتونسو ويتسامرو في امور مختلفة ...!!!
طباخة( عشان ترفع راسه قدام الضيوف) رأيك شنو في طباخة ... عشان توفر اكل صحي للاسره ... للعيش دون مشاكل صحية ولحياة اجمل و اطول ...!!!
و مجيهة و بتسوق عربية ( عشان تودي الأولاد المدارس) رأيك شنو في تسوق عربية و تودى الاولاد للمشاركة في حمل بعض المسئولية !!!
برضو تكون رشيقة و بتمشي الجم. لانو العقل السليم في الجسم السليم " ا ب ت ث " ... اتعلمناها في اولي كتاب ... ولا شنو ؟؟؟
Post: #291 Title: Re: مفهوم الرومانسية عند المرأة السودانية - الحب الصامت Author: smart_ana2001 Date: 10-17-2012, 06:52 PM Parent: #290
كلامك صحيح 100% يا مستر قبانى...ما عندى عليه اعتراض. و والله(و ما طالبنى حليفة) انا و اخواتى و كتير جدا من السودانيات بنجتهد فى الغربة و فى السودان عشان نكون كل الحجات دى لازواجنا. بس ده ما ساهل. و ذى ما قلت ليك اليوم 24 ساعة بس. فى نهاية اليوم الواحدة بتكون عاوزه كلمة طيبة....رومانسية
Post: #292 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-17-2012, 08:45 PM Parent: #291
أي نعم انا خواجة في حاجاتً معينة مافي كل حاجة بس مستر دي كدي خليها عليك الله
Post: #293 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-18-2012, 03:37 AM Parent: #292
هل تعلم ان الهدهد اذا غابت أنثاه لا ياكل ولايشرب
ولايقطع الصياح حتى تعود اليه
فإن ماتت لاينظر لأي انثى بعدها ابدا
ويصيح عليها طالما هو عايش
.........
اسأل الله ان " يُهدهِد " جميع الرجال ....
Post: #294 Title: Re: مفهوم الرومانسية عند المرأة السودانية - الحب الصامت Author: نجوان Date: 10-18-2012, 08:53 AM Parent: #293
Post: #298 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-18-2012, 11:12 PM Parent: #293
Quote: هل تعلم ان الهدهد اذا غابت أنثاه لا ياكل ولايشرب
ولايقطع الصياح حتى تعود اليه
فإن ماتت لاينظر لأي انثى بعدها ابدا
قباني الهدهد ده غاب من سيدنا سليمان وخلا (الهدهدايه) ومشي لبلقيس في سقط لقط وكمان بتاع شمارات بلله ماتخلينا نبقي ذيه بعدين ياخوي انت مشغول بالرومانسية دي بي هنا وأنا رسلت ليك هديه انت وهشام هباني ولا عبرتني طيب هشام هباني عضو قديم وعادي انو ما يعرني أي اهتمام لكن (شينه منك) نحن برضو دفعه
Post: #299 Title: Re: مفهوم الرومانسية عند المرأة السودانية - الحب الصامت Author: Nagat Sid Ahmed Elshiekh Date: 10-19-2012, 03:24 AM Parent: #298
Quote: يا نجاة... Go يا زميلة...
جيناكم ياحبايبنا ولقينا البوست ريحتو طعمية ولقيمات وطعنات قاتلة من صاحب البوست قبانى وانا شخصيا وصلته لخلاصة الموضوع ..... المرأه السودانية ما عندها اى حق تتكلم عن الرومانسية للأسباب التالية:- 1) سمينة ولا علاقة للمرأة التخينة بالرومانسية .... 2) همها فى الطعمية والحشو 3) الدهب 4) عدم المواكبة بالموضة نسبة لعدم معرفة مقاسه... 5) الضجة بصوت عالى فى الأماكن العامة.... 6) التعامل بعشوائية ......... ولسة القصص ما إنتهت ومازالت الأحلام متواصلة....... نجيك من الأخر ما خليت لينا صفحة ننوم عليها طالما المخدة فيها زيت وريحة الطعمية.... ياخى نحن طالبنا بحق طبيعى وتعامل انسانى المفروض يكون بالفطرة وكدا ما عاوز ليه درس عصر . نواصل معاك التعليق على بنى جنسك قبل وبعد الزواج ...
Post: #300 Title: Re: مفهوم الرومانسية عند المرأة السودانية - الحب الصامت Author: مبارك محمد Date: 10-19-2012, 03:44 AM Parent: #39
الباشمهندس ..قباني سلامات يازول مليان طيبة ومحنة..كيف الحال والاحوال؟ سعدت كثيرا ان اجدك هنا...! رومانسية وقمم الأحلام...وسفوح الضوء و أنهار الشوق... كلها تترنم باسمك دونما هوادة ياقباني اما هي ورومانسيتها الكثيفة وخطيئتي وخوفي و خذلاني خير خصيم خير خسران.. وجودك يشجعني علي الحضور الدائم .. وكذلك اتمني ان اري دكتور\ماجد مبارك هناااااا كن بالقرب....
Post: #301 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-20-2012, 03:10 AM Parent: #300
Quote: احترام المواعيد ده مش بيقع تحت مظلة الـ commitment
بالحيل يا نجوان ...
لكن الشباب متعلمين علي " الهبلسة " ...
تصدقي مرة واحد سوداني ... كان مقدم لي شغله ... واتعذبت لغاية ما جيهت ليهو الانترفيو ...
وفهمته كل حاجة ... وقلت ليهو المواعيد الساعة 11:30 في الدور السابع ... والعمارة زحمة يعني حاول تكون قدام الاسانسير
من الساعة 11 ...
صاحبنا ساكن علي بعد 30 دقيقة بالسب وي ...
وحياتك كلمني الساعة 11 صاحي من النوم قال كان مساهر ... !!!!
لك ان تتخيلي ...
Post: #302 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-20-2012, 03:12 AM Parent: #301
Quote: قباني الهدهد ده غاب من سيدنا سليمان وخلا (الهدهدايه) ومشي لبلقيس في سقط لقط وكمان بتاع شمارات بلله ماتخلينا نبقي ذيه بعدين ياخوي انت مشغول بالرومانسية دي بي هنا وأنا رسلت ليك هديه انت وهشام هباني ولا عبرتني طيب هشام هباني عضو قديم وعادي انو ما يعرني أي اهتمام لكن (شينه منك) نحن برضو دفعه
يا دفعة معليش العتب علي النظر ... والله ما شفت الاهداء ... بالله اديني رابط هنا ...
Post: #303 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-20-2012, 03:20 AM Parent: #302
Quote: جيناكم ياحبايبنا ولقينا البوست ريحتو طعمية ولقيمات وطعنات قاتلة من صاحب البوست قبانى وانا شخصيا وصلته لخلاصة الموضوع ..... المرأه السودانية ما عندها اى حق تتكلم عن الرومانسية للأسباب التالية:- 1) سمينة ولا علاقة للمرأة التخينة بالرومانسية .... 2) همها فى الطعمية والحشو 3) الدهب 4) عدم المواكبة بالموضة نسبة لعدم معرفة مقاسه... 5) الضجة بصوت عالى فى الأماكن العامة.... 6) التعامل بعشوائية ......... ولسة القصص ما إنتهت ومازالت الأحلام متواصلة....... نجيك من الأخر ما خليت لينا صفحة ننوم عليها طالما المخدة فيها زيت وريحة الطعمية.... ياخى نحن طالبنا بحق طبيعى وتعامل انسانى المفروض يكون بالفطرة وكدا ما عاوز ليه درس عصر . نواصل معاك التعليق على بنى جنسك قبل وبعد الزواج ...
نجاة يا بت الشيخ ...
انا ما عممت الكلام علي جميع النساء السودانيات ...
انا قلت نسبة كبيرة ... وما عندى ادني شك انو كلامي في محله 99.9%
بالنسبة للرجل السوداني ...
جاييكم والله ... بس برتب في افكاري ...
Post: #304 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-20-2012, 03:22 AM Parent: #303
Quote: الباشمهندس ..قباني سلامات يازول مليان طيبة ومحنة..كيف الحال والاحوال؟
مبارك يا جميل ...
مشتاقين يا مسافر ... والله ليك وحشة يا رجل ..
Post: #305 Title: Re: مفهوم الرومانسية عند المرأة السودانية - الحب الصامت Author: محمد حسن محمد ادم Date: 10-20-2012, 02:33 PM Parent: #302
Post: #306 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-21-2012, 06:04 PM Parent: #305
وصلت هديتك يا جميل ...
وتعال زورنا ياخي فى مكتبة الاغنية السودانية ...
زى ده عندنا كتير ... ويعجبك ...
Post: #307 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-21-2012, 06:17 PM Parent: #306
بعض من خصال الرجل السوداني ... في حلقات ...
الحلقة الاولي ...
هنالك نوع من الرجال في السودان ... مغرور ...
نرجسي ... يعشق نفسه المريضة ...
يدعي الإنجازات والنجاحات ... وهو طبل اقرع ...
يرسم حول نفسه صورة البطل الهمام ... وهو يحارب في طواحين الهواء ...
ويجد من هم اجهل منه ليبجلوه ...
لا ادري ان كان يجوز تصنيف هذا النوع ضمن قبيلة الرجال ...
... البعيش ياما بيشوف ...
Post: #308 Title: Re: مفهوم الرومانسية عند المرأة السودانية - الحب الصامت Author: Muna Khugali Date: 10-21-2012, 06:46 PM Parent: #307
Quote: الحلقة الاولي ...
هنالك نوع من الرجال في السودان ... مغرور ...
نرجسي ... يعشق نفسه المريضة ...
يدعي الإنجازات والنجاحات ... وهو طبل اقرع ...
يرسم حول نفسه صورة البطل الهمام ... وهو يحارب في طواحين الهواء ...
ويجد من هم اجهل منه ليبجلوه ...
لا ادري ان كان يجوز تصنيف هذا النوع ضمن قبيلة الرجال ...
... البعيش ياما بيشوف ...
لالالا كده ما حلو..
لازم الحلقات تكون في بوست جديد لنج تحت عنوان جذاب.. هو الراجل ده هملة ولا همله تجيب الكلام عنه كده في آخر البوست كده؟؟
هملة الأولي غير همله التانية علشان كده اختلفت التهجئة..
...... ......
تحياتي لك مع تهنئة بالعيد
Post: #309 Title: Re: مفهوم الرومانسية عند المرأة السودانية - الحب الصامت Author: نجوان Date: 10-21-2012, 07:36 PM Parent: #308
Quote: لالالا كده ما حلو..
لازم الحلقات تكون في بوست جديد لنج تحت عنوان جذاب.. هو الراجل ده هملة ولا همله تجيب الكلام عنه كده في آخر البوست كده؟؟
اوووووو.... صدقتي يا منى... اثني، انطلاقا من مباديء وسنن العدالة الاجتماعية..
Post: #310 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-21-2012, 09:07 PM Parent: #309
Quote: لالالا كده ما حلو..
لازم الحلقات تكون في بوست جديد لنج تحت عنوان جذاب.. هو الراجل ده هملة ولا همله تجيب الكلام عنه كده في آخر البوست كده؟؟
هملة الأولي غير همله التانية علشان كده اختلفت التهجئة..
...... ......
تحياتي لك مع تهنئة بالعيد
مني خوجلي ... لحظة من فضلك ...
اي رياح اتت بك الينا ...
والله اسعدتني الطلة التي طال انتظارها ...
والله عشان خاطر مني خوجلي نفتح بوست جديد لنج ...
الي ان اصل الي عنوان يناسب مزاجية الحديث عن الرجل السوداني
ساواصل الحلقات ثم انقلها الي البوست الجديد ...
" بونو ؟؟ " ...
Post: #311 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-21-2012, 09:11 PM Parent: #310
Quote: اوووووو.... صدقتي يا منى... اثني، انطلاقا من مباديء وسنن العدالة الاجتماعية..
نجوان ... يا زورق من الألحان فوق البحار البيض سابح بلا ربّان مكتوبة فوق سطحه قصة حياة انسان أملاكه في العالم ريشة وضمير وكمان
انا زاتي " اثلّث " ... وجاييكم بالبوست الجديد ...
Post: #312 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-21-2012, 09:41 PM Parent: #311
الحلقة التانية :
الرجل السوداني المتشبب ...
الذى يرفض ان يستجيب لنداء الطبيعة ...
لا يحترم سنه ... ولا الشيب الذى ملأ رأسه ...
متشبث بالطفولة ... يلبس ما لا يناسبه ...
ويقول ما لا يشبه سنه ...
خفيف ... وزن الريشة ... يخالط النساء من هم في سن بناته ...
ويبدأ في النظر الي شريكة حياته وكأنها أمه ...
ولا يكلف نفسه بالنظر في مرآة الزمن ...
... غايتو الاختشو ماتوا ...
Post: #313 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-21-2012, 10:01 PM Parent: #312
الحلقة التالتة ...
الرجل الجهلول ...
وهو يختلف عن الرجل الجاهل ...
الجهلول هو من يعتقد انه يفهم ... وهو يا مولاي كما خلقتني ...
هذا النوع الذى لا يزيل قلمه بلمه ...
مخة اضيق من قد الابرة ... يعتقد ان كل قراراته الحياتية هو الذي يتخذها ...
في حين ان القرار الاخير دائما يكون لدي نصفه الحلو ... والتي تعايشت مع نصيبها و " جهلوليته " ...
اقول لذلك الرجل ... اصحي يا ابو جهل ... فاخر قرار انت اخذته في حياتك هو اختيارك لها كزوجة ...
Post: #314 Title: Re: مفهوم الرومانسية عند المرأة السودانية - الحب الصامت Author: ماجدة عوض خوجلى Date: 10-21-2012, 10:43 PM Parent: #313
سلام قبانى الظاهر كده انى برضو هااستمتع بالبوست الجديد وافتكر هتكون درجه استمتاعى اكبر من البوست الحالى ... ماعارفه لكن ده احساسى بامانه شديدة الحاله بس قريت الخطوط العريضه الت ترتيب الافكار حقتك ... بوستك الجديد هيكون عندو شان كبير فى هذا الحوش ... تسلم يارب ...
Post: #315 Title: Re: مفهوم الرومانسية عند المرأة السودانية - الحب الصامت Author: Huda AbdelMoniem Date: 10-22-2012, 04:17 AM Parent: #314
هل تعلم ان الهدهد اذا غابت أنثاه لا ياكل ولايشرب
ولايقطع الصياح حتى تعود اليه
فإن ماتت لاينظر لأي انثى بعدها ابدا
ويصيح عليها طالما هو عايش
.........
اسأل الله ان " يُهدهِد " الرجل السوداني ويصبح بين يوم وليلة هدهد
هدهد عبدالمنعم
Post: #316 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-22-2012, 04:33 AM Parent: #314
Quote: سلام قبانى الظاهر كده انى برضو هااستمتع بالبوست الجديد وافتكر هتكون درجه استمتاعى اكبر من البوست الحالى ... ماعارفه لكن ده احساسى بامانه شديدة الحاله بس قريت الخطوط العريضه الت ترتيب الافكار حقتك ... بوستك الجديد هيكون عندو شان كبير فى هذا الحوش ... تسلم يارب ...
الليلة الظاهر امي داعية لي ...زاروني بنات الشيخ الاتنين في فد يوم ...
قلت للشباب في البيت ... الساعة 7:45 تكونو في العربية ...
وصلنا الساعة 8 ... شكينا انو ده الفندق ...ولا عربية بره ...
دخلنا ... التربيزات آخر ديكورات ... والترتيب اخر اناقة ...
قعدنا ...براااانا ...
الساعة 8:45 وصلت اسره تانية ....
الساعة 9:15 وصلت اسرة تالتة ...
الساعة 9:30 فتحو البوفية ... وكنا زي 5 اسر ...
اول زول من طرف العروسين وصل 10 ...العرسان الساعة 11 ...
وبعض الاسر وصلت بعد 12 ...
سألت احد اصدقائي ...ياخوانا التأخير شنو ...
قال لي ياخ من النسوان ... ياخ ديل شغلتهم طوييييلة ...
الكلام ده نهايتو شنو يا سيدات ...؟؟؟؟
Post: #319 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-24-2012, 07:54 AM Parent: #318
اهااااااااااااا رجعنا تااااااني للفلّيق يا عمو قباني!
اي سيدة في العالم عندها الحركة دي، ودي مشكلة عالمية.. لكن عدم إلتزام السوداني بالوقت دي ممكن نكتب فيها كتب!
كا تجي تسألني بتتأخري في شنو ولا ما بتتأخري... its not about me..
سمارت، تعالي عليك الله، عمو قباني ده مما نسكت منه يرجع تاني!
Post: #320 Title: Re: مفهوم الرومانسية عند المرأة السودانية - الحب الصامت Author: أبو ساندرا Date: 10-24-2012, 08:57 AM Parent: #319
لم كنا بنذاكر للشهادة السودانية ونحن مجموعة تلتقي في الكلية المهنية العليا نذاكر ساعات وساعات نقطعها مرتيت ، مرة في المغرب لشرب الشاي المقنن عند احمد العربي ومرة العشاء عند عم عشيري كان معانا زميل بيقعد نص ساعة بس قبل شاي المغرب ويشتت وكلنا توقعنا له سقوط داو فاجئنا باعلى نسبة نجاح وأفضل كلية في احسن جامعة يومها ، طب الخرطوم صديقي بشرى المكي صاحب التعليقات اللاذعة والقرصات اللاسعة قال : اتاريهو الزول ده كان بيجي يعمل بريك معانا ويرجع يكسر في بيتهم بعيدآ عن الانظار
اها قبة ده شكلو كان برضو بيذاكر من ورانا قعد سنين عددا في مقاعد الزوار والمتفرجين ودرس احوال البورد ومزاجه فأتى بما لم يأتي به الأولين من البورداب فتهنئة حارة
Post: #321 Title: Re: مفهوم الرومانسية عند المرأة السودانية - الحب الصامت Author: أبو ساندرا Date: 10-24-2012, 09:05 AM Parent: #320
بت عوض خوجلي:
Quote: انت هنا جبت المفيد والمختصر وصدقنى ماظنيك تسمع ابدا .... حقيقة كلو كوم وحته الدهب ده كوم تانى صدقنى ماعندها اى علاقة بحكاية متعلمة وغير متعلمة ابدا تتساوى جميع النساء فيه انا كن مااخاف الكضب اظنها حاجه ليها علاقة بالوراثه وكده ههههه يعنى فى جنياتنا بنتوارثا من الام اظنها هى برضو بتكون ورثتا من امها وحبوبتا وكده ... بصراحه اسهل اشتغل اليوم كلو واساعدو ولا اهبش دهبى ...
ياخ ما تشككيني في نسونة أهم إمرأتين في حياتي الحافلة أمي ست الحبايب أسماء بت السرة والغالية رشيدة زوجتي ، رضي الله عنهما ما حصلت زنقة في أي من البيت الكبير وبيتي إلا ونهضن للصناديق وأخرجن الدهب الماخمج وطيران على الصائغ شييء رهن وشييء بيع ، إلى أن تتحل الزنقة ويعودن مبتسمات راضيات
ابي ، مليون رحمة تتنزل عليه ببركات الأيام العشر من ذي الحجة كان بيعوضها ويزيد ولسان حاله يقول : النوفر عندها ونرضيها بينما كنت بفشل في التعويض المادي ، وبعوض معنويآ وتتقبله برضا و إبتسامة
Post: #322 Title: Re: مفهوم الرومانسية عند المرأة السودانية - الحب الصامت Author: مناهل عبد الله مصطفي Date: 10-24-2012, 09:18 AM Parent: #320
والله البوست دا اعاين فيهو وأضحك وأجري وأجيهو راجعة
يا يحي ياخ حرام عليك والله الراجل السوداني كمان ليهو دور في الحته دي
دا غير التربية .. التربيه دي المشكلة
ثم أنه الراجل البقرف للمرا قبل روحو دا ما عندو أخو عليكم الله ههههههه
Post: #323 Title: Re: مفهوم الرومانسية عند المرأة السودانية - الحب الصامت Author: أبو ساندرا Date: 10-24-2012, 09:46 AM Parent: #322
مناهل: ثم أنه الراجل البقرف للمرا قبل روحو دا ما عندو أخو عليكم الله ههههههه ------------------------------------------------------------------------------- في ، أخوهو بيطبخ الحلة ذاتها،ويمكن يعمل وليمة من 7 اصناف على الاقل لعشرين واحد مع التحلية وبعدين يغسل العدة ، أها ؟
Post: #324 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 04:17 AM Parent: #323
Quote: اي سيدة في العالم عندها الحركة دي، ودي مشكلة عالمية.. لكن عدم إلتزام السوداني بالوقت دي ممكن نكتب فيها كتب!
دي بقى يا بت الحسين طلعت آوت منك ... اصلوا ما عالمية ولا شي ... بس السودانيات البيجو متأخرات للمناسبات ...
والواحدة مجنزرة من كل الجهات بالله تخش الحفلة ماشة زى الروبوت من كترة المثقلات الفي كل انحاء الجسم ...
Post: #325 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 04:20 AM Parent: #324
Quote: اها قبة ده شكلو كان برضو بيذاكر من ورانا قعد سنين عددا في مقاعد الزوار والمتفرجين ودرس احوال البورد ومزاجه فأتى بما لم يأتي به الأولين من البورداب فتهنئة حارة
هلا بالشيخ ابوساندرا ... زارتنا البركة الليلة ...
والله ما قصة الاولين ولا الاخرين ...فصاحة ساكت منّي ... ولف في الدنيا العجيبة دى ...
مشكور كتير علي الاطراء ...
Post: #326 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 04:25 AM Parent: #325
Quote: والغالية رشيدة زوجتي ، رضي الله عنهما
السيدة الفاضلة رشيدة ...
بعد التحية والاحترام ...
نصيحة من العبد الفقير لله ... نومي عين فاتحة وعين نص قافله ...
الحب الزايد ده ... too good to be true
مجرد ملاحظة من زول ركب طيارات كتير ونزل في مطارات كتير ...
مع خالص الود للاستاذ ابو ساندرا ...
Post: #327 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 04:27 AM Parent: #326
Quote: يا يحي ياخ حرام عليك والله الراجل السوداني كمان ليهو دور في الحته دي
دا غير التربية .. التربيه دي المشكلة
المشكلة يا مناهل نقعد نقول التربية و الجينات ... بكره يقولو عنصري ...
خلينا في الطعمية احسن ...
Post: #328 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 04:40 AM Parent: #327
Quote: في ، أخوهو بيطبخ الحلة ذاتها،ويمكن يعمل وليمة من 7 اصناف على الاقل لعشرين واحد مع التحلية وبعدين يغسل العدة ، أها ؟
ابوساندرا لكن " ال CV " ما عندكم ...
Post: #329 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 06:14 AM Parent: #328
سالت صديق عزيز ...
كم يوم حتصوم من ذي الحجة ؟؟؟
قال لي ذي الحجة ؟؟؟ إلا تعلم يا صديقي أني متزوج من سودانية ؟؟؟
فقلت و إذا ؟؟؟
فقال لي من تزوج من سودانية كمن صام الدهر كله ..
عيدكم سعيد يا أجمل ناس .....
Post: #330 Title: Re: مفهوم الرومانسية عند المرأة السودانية - الحب الصامت Author: مريم بنت الحسين Date: 10-25-2012, 03:13 PM Parent: #329
قلت لي شنو يا عمو قباني؟
Post: #331 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-25-2012, 06:26 PM Parent: #330
بتنا .. بت الحسين ...
عيدك سعيد انتي و زوجك الرجل البديع ...
... نجيكم بعد ما تعيّدو ... نحكي ليكم قصة " نسوان" السودان يوم " الغيامة " ... " يعني القيامة " ...
Post: #332 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-27-2012, 08:09 PM Parent: #331
يوم " الغيامة " ... ***
يوم قامت القيامة ... قاليك الغيامة رابطة ... والجوطة شديدة
الاف الملائكة شغالين يوزعو في الناس ... الخاشي الجنة والماشي النار ...
اللهم الا " السيدات و الآنسات " ا السودانيات ...!!! يا ربي الحاصل شنو ...
الملك المسئول من ادخال الجنس اللطيف و توزيعهم ... اموره كانت ماشة ظبط ...
انتهي من الموريتانيات ... والمغربيات و الفلبينيات ... لغاية ما " جن " جماعتنا ...
قدر ما قلب الدفاتر ... اصلو ما لقي اي خبر عن وين يودوهم !!!! ما في سيرة ليهم نهائياً ...
المهك ركنهم علي جنبة كده لغاية ما اتذمرن ... والشكلة دورت ... قام قاليهن اصبروا خلوني اراجع كل الدفاتر ...
ولكن دون فائدة ...
في النهاية قال لازم يمشي لكبير الملائكة العنده الدفتر الأصلي من يوم ما القصة بدت ...
طبعا انتظره لأنو مشغول ... ما الدنيا " غيامة " ...
المهم قال ليهو انو " السودانيات " عاملات جوطة !!!! لانو ما لقيناهم في اي دفتر ...
قال منو .؟؟؟ سودانيات ؟؟؟ كدي دقيقة ...
بعد ما فتح الدفتر الأصلي ...قلب شوية قام اتذكر ... وضحك ...قال ليهو الظاهر انك نسيت ...
السودان ده انحنا ما ودينا ليهو اي جنس " حريم " نهائيا ... ما بعرف ديل جو من وين ...علي اي حال
اتصرفو معاهم ... لانو ما حتخلصوا من نقتهم ...
بشرط ...
تفتشو رجالهم وين ... وتودوهم الجنة بدون حساب ... كفاية الشافوهو في الدنيا ...
*** غيامة هي " القيامة " ... واستخدامها هنا لتبسيط المعني ...
Post: #333 Title: Re: مفهوم الرومانسية عند المرأة السودانية - الحب الصامت Author: وضاحة Date: 10-27-2012, 09:08 PM Parent: #332
Quote: بعد ما فتح الدفتر الأصلي ...قلب شوية قام اتذكر ... وضحك ...قال ليهو الظاهر انك نسيت ...
السودان ده انحنا ما ودينا ليهو اي جنس " حريم " نهائيا ... ما بعرف ديل جو من وين ...علي اي حال
اتصرفو معاهم ... لانو ما حتخلصوا من نقتهم ...
بشرط ...
تفتشو رجالهم وين ... وتودوهم الجنة بدون حساب ... كفاية الشافوهو في الدنيا ...
حقاااااااار يا يحي
مافى احلى مننا وغنوا لينا يا زاهية
Post: #334 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-28-2012, 09:22 AM Parent: #333
Quote: مافى احلى مننا وغنوا لينا يا زاهية
انتو ما اكسبشن لكن يا دكتورة ...
وانا لما بقول السودانيات ... ما بعنيها بالمعني التقريري الشامل ...
المقصود السودانيات المقصرات في حق نقسهن و بالتبعية حق ازواجهن ...
ويا زاهية زي ما بقولوا سمح الكلام في خشم سيدو
Post: #335 Title: Re: مفهوم الرومانسية عند المرأة السودانية - الحب الصامت Author: آدم صيام Date: 10-28-2012, 04:52 PM Parent: #334
قباني تحياتي أنا ما عندي اعتراض على بوستك ده لكن المنطق بقول الرجوع لمصدر هذه الرومانسية المقلوبة هو ما يقود لمعرفة الخلل. الرجل السوداني عامة رجل كلاسيكي متخلف ولو حصل على أعلى الشهادات العلمية وهو الرافد والمتحكم الأول في كل هذه الترهات: أولاً: الانثى السودانية دي بنص الدين والكجور قمتوا معطوها من كل مكامن الإحساس، معطك معطك معطك من: بظر إلى دق شلوفة إلا إحداث جروح غائرة في الخدود، يعني بصراحة اتلاف تام ( anti-feminine mass destruction) أذكروا لي منبت إحساس واحد تبقى لها حتى ترفدكم بالبسمة؟ وبعد داك أدخلتموها في التابو من سن سنتين: يا بت عيب لمي رجلينك؟ يا بت عيب تتلكمي مع الغرباء؟ يا بت عيب تمرقي راسك مكشوف؟ يا بت عيب تبكي من الولادة وهي وضعت في اختبار ولادة بحيث تلد كما يلج الجمل من سم الخياط. يا بت الكورة للأولاد بس! يا بت يا حطب النار، ويا بت يا عيب الشوم، يا بت عيب تطلبى تلميح أو صراحة حاجتك البايولوجية من زوجك. الراجل لو مرتو صرحت ليهو بالحاجة الجنسية، يقوم طولاي يوديها لناس أمها نوهائي ومرفق معها الوليدات كمان!!! دي مرة سافرة قال، ويختم على هذا الحكم شيخ القرية وإمام الجامع كمان!
تـُخطب المرأة السودانية وتزوج وتحمل وتلد ولا تعرف أي معلومة عن بعلها الخبزقة!!! تسجن العروس من الخروج تحت الشمس عدة شهور قبل الزواج وعدة شهور بعده! في العرس يتجالد الناس أمامها كما تتجالد الإبل النافرة حتى يطير الدم على وجهها وعليها أن تفرح والشبال! تعالج النساء في الطهور بالمر وفي الملاريا بالمر وفي الحمى الصفراء بالكي وفي الولادة بالحبل وفي الموت بصفق الهجليج المر! حتى (السلطة الخدراء) لا يـُحبب إليها إلا الموليتة المرة.
وليلة الدخلة!!! ها هي تراجيديا الهول التي يؤازرها فيها كل سكان الفريق والقرى المجاورة والأطفال والبالغين يتسورون الحوش تلصصاً، وأمها وخالاتها وصاحبات الشتم ينتظرن الظفر بالمنديل الدامي حت تعبر الصراط بسلام، كل هذا ولاتنسى أن لا ثقب لها غير مسبار قشة الكبريت التي أجازها لها الرجل بعد لأي وتفضل منه!
السودانية التي تلد بسلام ولم تمت من الولادة تعتبر معجزة سماوية يجب إدراجها في مقدمة أكثر شخصين في العالم محظوظين. أها أول ما تلد للرجل زوجته يلتحف حـُجة جاهزة، بأن زوجته أضحت باردة باردة مثل الجنة كثيرة الماء والسعة ولا بد من زواج حار حار!
إنتو مفترين والله لو المرأة السودانية أدتكم أم دلدوم أو رمتكم بدانة حارقة يجب تفسيرها بصورة عكسية على أنها تنضح بالرومانسية الضافرة وتضوع أنتيماً.
هذا الناتج هو حصاد أدمغتكم الذكورية يداكــم أوكتا وفوكـم نفخ
Post: #336 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-28-2012, 07:51 PM Parent: #335
Quote: لكن المنطق بقول الرجوع لمصدر هذه الرومانسية المقلوبة هو ما يقود لمعرفة الخلل. الرجل السوداني عامة رجل كلاسيكي متخلف ولو حصل على أعلى الشهادات العلمية وهو الرافد والمتحكم الأول في كل هذه الترهات: أولاً: الانثى السودانية دي بنص الدين والكجور قمتوا معطوها من كل مكامن الإحساس، معطك معطك معطك من: بظر إلى دق شلوفة إلا إحداث جروح غائرة في الخدود، يعني بصراحة اتلاف تام ( feminine mass destruction) أذكروا لي منبت إحساس واحد تبقى لها حتى ترفدكم بالبسمة؟
مرحب بيك أخي آدم صيام ...
كتر خيرك اولا انك ما عندك اعتراض علي البوست ...
بالنسبة لما ذكرته في الاقتباس أعلاه ...
لا اود الخوض في تفاصيل قد تخدش الحياء ... ولكني احترم وجهة نظرك تماما يا عزيزي ...
ولكن ...
الا تتفق معي ان الكثيرات جدا من السيدات اسودانيات تخطن كل المراحل التي ذكرتها اعلاه ...
و ان الكثير من العائلات في العاصمة و خارج العاصمة بعُدت كثيراً من تلك العادات " المؤذية " ...
ورغم ذلك ما زال الوضع الانثوي العام هو المتوارث اماً عن " حبوبةً" ....
Quote: السودانية التي تلد بسلام ولم تمت من الولادة تعتبر معجزة سماوية يجب إدراجها في مقدمة أكثر شخصين في العالم محظوظين. أها أول ما تلد للرجل زوجته يلتحف حـُجة جاهزة، بأن زوجته أضحت باردة باردة مثل الجنة كثيرة الماء والسعة ولا بد من زواج حار حار!
I don't know what are you talking about.
Post: #337 Title: Re: مفهوم الرومانسية عند المرأة السودانية - الحب الصامت Author: أبو ساندرا Date: 10-28-2012, 08:58 PM Parent: #336
صاحب الصاروخ :
Quote: نصيحة من العبد الفقير لله ... نومي عين فاتحة وعين نص قافله ...
شكرتك على النصيحة وقالت ليك : مفتحاهم الإتنين ( قاصدة العيون يا عمك ، فبالك ما يمشي بعيد ) ومع ده ما قادرة عليهو ( تقصد العبد لله ) وهسع بتفتش على جهاز بتستخدمه السفن للتبع من بعد لو عندكم في بلادكم البعيدة ديك دلها عليه ( أوعك تفعل ف طياراتنا بتصل أبعد من اليرموك ويرفعوك )
Post: #338 Title: Re: مفهوم الرومانسية عند المرأة السودانية - الحب الصامت Author: أبو ساندرا Date: 10-28-2012, 09:03 PM Parent: #337
سيد العدة :
Quote: ابوساندرا لكن " ال CV " ما عندكم ...
وما خفي أعظم ف الله لا وراك وإن فعل ف هبشك الماضراك
زمان ذات سيرة وردت عن احدهم قال الذي ظن انه عارف : حمدو في بطنو أما العارف فصحح المقولة قائلآ : حمدو تحت بطنو
ف وزع السيرة الذاتية المعدلة وما تمحقونا فتحمقونا
مع المعزات الممكنة
Post: #339 Title: Re: مفهوم الرومانسية عند المرأة السودانية - الحب الصامت Author: يحي قباني Date: 10-30-2012, 03:21 PM Parent: #337
Quote: شكرتك على النصيحة وقالت ليك : مفتحاهم الإتنين ( قاصدة العيون يا عمك ، فبالك ما يمشي بعيد ) ومع ده ما قادرة عليهو ( تقصد العبد لله ) وهسع بتفتش على جهاز بتستخدمه السفن للتبع من بعد لو عندكم في بلادكم البعيدة ديك دلها عليه ( أوعك تفعل ف طياراتنا بتصل أبعد من اليرموك ويرفعوك )
كل التحايا للقيادة " الرشيدة " بمنزلكم العامر ...
عندنا والله بس قولوا عوووك ...
Post: #340 Title: Re: مفهوم الرومانسية عند المرأة السودانية - الحب الصامت Author: أبو ساندرا Date: 10-31-2012, 10:07 PM Parent: #339
عيد مبارك و ساندي خفيف، على القلب
Post: #341 Title: Re: مفهوم الرومانسية عند المرأة السودانية - الحب الصامت Author: مناهل عبد الله مصطفي Date: 11-01-2012, 06:46 AM Parent: #332
ههههههههههههههههههههههه أضحك الله صباحك يا يحي
طيب الحاصل في السودان دا شنو أجسام غريبة هههههههههه شكيت محنك
ياخ زكرتني قصة المغترب البشاهد في ساحات الفدا وجابوا اخوات نسيبة هيح هاح يحملن في السلاح والباقي تموا خيال
قام صاحبه في السكن من جنسية غير قال ليهو هادول حريمكم الله يعينكم
لكن برضو إنت حقار
Post: #342 Title: Re: مفهوم الرومانسية عند المرأة السودانية - الحب الصامت Author: يحي قباني Date: 11-24-2012, 07:17 PM Parent: #341
Quote: ههههههههههههههههههههههه أضحك الله صباحك يا يحي
طيب الحاصل في السودان دا شنو أجسام غريبة هههههههههه شكيت محنك
ياخ زكرتني قصة المغترب البشاهد في ساحات الفدا وجابوا اخوات نسيبة هيح هاح يحملن في السلاح والباقي تموا خيال
قام صاحبه في السكن من جنسية غير قال ليهو هادول حريمكم الله يعينكم
لكن برضو إنت حقار
مناهل سلامات ...
جيت براي متضهب قلت اتونس بقراءة بوستي القديم ...
لقيت ردك و ما كنت منتبه ...
وبيني و بينك اصلا كنت ناوي ارفعه لانو فيهو ونسه مبالغه ...
وكمان كان في كم زوله كده ناويه لي ... وما ظهرن ... فقلت امكن ما لاقيات البوست ...
اها جبتو مقنطر ...
المهم البوست الان في مرحلة القراءه للاستمتاع بما كتب ...
ودعوه جديده للفاتو المولد ده ...
يعني بوست مفتوح للجميع ... ما داير قيادة بعد ده ...
ما برلوم برضو .. ولا بطن البورد بطرانة ...!
ده البودي الناس يعرسوا من هونلولو ولا لوممابشي
