Post: #1 Title: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 09:56 AM
مرة مغربية ومرة مورتانية ..ومزعلين الناس مننا ياخ ديل صاحباتنا وزي الورد بخيتات وسعيدات عليكم يقلبوكم بالعيال والله يقدركم على المال ..
بناتنا بمشو لقسمتهم وما بتجيهم الحبة ..
القصة من وجهة نظري بسيطة ..
كلو زول ينوم على الجنب البتريحو ..ويختار من أي مكان في البسيطة المدورة دي ..ياخ ده حقو ..
دربكم أخدر من لون زينب بس ما تعملوا لينا فلقة ..
كلو زول يدير حياتو زي ما شايف ..وياكل نارو ..مغربية ..مورتانية.. بريطانية.. تركوازية ..ونحن مالنا ..؟ بعد تتقفل
البيوت كل زول بيتعامل مع اختيارو ومع مصيرو وهو ضميرو ..
والداير يعمل انقلاب في ليلة يفتقد فيها البدر برضو ..عديل عليهو يووووم البيان الاول إتذاع بنشيل بقجتنا ونتخارج ..
آز سنبل آز ذات ..المعلقات مبروكة عليكم ..وما تنسوا تأمنوا عليهم زي ما عملت "جنيفر لوبيز" أها قصرنا معاكم ..
تاني شنو؟
Post: #2 Title: Re: بعد البيان الاول ..طواااالي بنتخارج ..أها.. Author: Asim Fageary Date: 09-30-2012, 09:59 AM Parent: #1
والله يا داليا
كلامك كلام زعل عديل
وفيهو شيء من الحردان
عاوزين نسمع راي تمبس في الموضوع دا
!!
Post: #4 Title: Re: بعد البيان الاول ..طواااالي بنتخارج ..أها.. Author: هشام هباني Date: 09-30-2012, 10:02 AM Parent: #2
أم ( الملكة)
تحياتي
ولا يهمكم الاحتياطي المركزي جاهز في كل الاوقات والامن مستتب ( تب)!!
مع تحياتي للملكة وابيها الامبراطور
Post: #11 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:13 AM Parent: #4
يا أبو( نضال )
حبابك
Quote: وابيها الامبراطور
هسة في امبراطور بعمل انقلاب عشان يبقى واحد من الشعب
مستتب دي ما مريحاني ..
Post: #5 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:04 AM Parent: #2
Quote: كلامك كلام زعل عديل
وفيهو شيء من الحردان
غلطان بوست ده بتاع فرح
والداير اتزفا من هنا طوااالي بنزفوا ..
Post: #3 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 09:59 AM Parent: #1
بوست خاص بالنساء الغير مباليات بالغاغة دي ..
بِس عليكم ..
Post: #6 Title: Re: بعد البيان الاول ..طواااالي بنتخارج ..أها.. Author: Asim Fageary Date: 09-30-2012, 10:05 AM Parent: #3
Quote: بِس عليكم ..
كلمتك المتبسة الفوق دي لي أنا وتمبس ولا لمنو ؟
Post: #7 Title: Re: بعد البيان الاول ..طواااالي بنتخارج ..أها.. Author: محمد البشرى الخضر Date: 09-30-2012, 10:07 AM Parent: #6
يا خوانا زول يدي عاصم دا راسو
Post: #9 Title: Re: بعد البيان الاول ..طواااالي بنتخارج ..أها.. Author: Asim Fageary Date: 09-30-2012, 10:09 AM Parent: #7
Quote: يا خوانا زول يدي عاصم دا راسو
ود البشري
ازيك
غنت ما تديني راسي مالك
بتاكل في كوارع
قول لي و وجهني كان انحرفت بالبوست ؟
Post: #13 Title: Re: بعد البيان الاول ..طواااالي بنتخارج ..أها.. Author: محمد البشرى الخضر Date: 09-30-2012, 10:26 AM Parent: #9
والله شهيتني الكوارع يا عاصم إني هاو .. ست البوست دي داليا(خالد) هههههه ما داليا كباشي
Post: #14 Title: Re: بعد البيان الاول ..طواااالي بنتخارج ..أها.. Author: Asim Fageary Date: 09-30-2012, 10:29 AM Parent: #13
شكراً يا ود البشري
أنا عرفت إني لخبطت بين داليتين
لكن ما قدرت أعرف داليا التانية إسمها داليا منو
على العموم شكراً ليك وإعتذاري لداليا حافظ
والإعتذار موصول لداليا كباشي ايضاً
Post: #24 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 11:03 AM Parent: #14
يا عاصم هون عليك وما في داعي زاتو للإعتذار ..
شارع الثورة بالشنقيطي دقداقو طشش بيك وكدة
Post: #54 Title: Re: بعد البيان الاول ..طواااالي بنتخارج ..أها.. Author: Ahmed musa Date: 10-01-2012, 02:43 PM Parent: #14
وإعتذاري لداليا حافظ
والإعتذار موصول لداليا كباشي ايضاً
ـــــــــــــــ وتمبس ..؟! مافي اعتذار موصول او مفصول حتى ؟
Post: #23 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:53 AM Parent: #13
يا ود البشرى سلام
Quote: ست البوست دي داليا(خالد) هههههه ما داليا كباشي
كلو حلو نحن نطول ..
خلي الغمران بتاعك ده ياخ
Post: #10 Title: Re: بعد البيان الاول ..طواااالي بنتخارج ..أها.. Author: وضاحة Date: 09-30-2012, 10:12 AM Parent: #7
يا بت يا داليا
دى طرقعة فاضية
والله نحن السودانين ديل بالذات طبايعنا وعاداتنا وتقاليدنا ما بتمشى مع اى جنس فى اى دولة اخرى
واى واحد اتزوج غير سودانية زيجتوا كانت فاشلة واسرة مفككة
والتجارب كتيرة الواحد لو بعد عشرين سنة بطلق
ديل رجال وهم البفكروا يتزوجوا غير سودانية او ينسوا اصلن
Post: #16 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:29 AM Parent: #10
Quote: واى واحد اتزوج غير سودانية زيجتوا كانت فاشلة واسرة مفككة
وضاحة اللذيذة كيفنك ..
والله حبيبتي ما عندي موقف من الزواج من أي جنسية وفي تجارب ناجحة كتيرة ..
فاعملي رايحة وأرمي ضفيرتك وراك وأقدلي وماااااتعملي للموضوع راس وقعر ..الدايرنا يجينا والما دايرنا نسمة ما تعتر ليهو
Post: #8 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:08 AM Parent: #6
ياعم عاصم ..أفرز ياخ ..
Post: #12 Title: Re: بعد البيان الاول ..طواااالي بنتخارج ..أها.. Author: osman righeem Date: 09-30-2012, 10:23 AM Parent: #8
Quote: يا خوانا زول يدي عاصم دا راسو
ابو حتوت كده خليت داليا تكوس الفرز
______________________________________________ سلام داليا تركوازي ده جنسيتو شنو ؟؟؟
غايتو انا حسبت لحدي هسع نمانية بورداب متزوجين من بلدان اخري
وتلاته بوردابيات متزوجات من بلدان اخري
اعملي توازن رعب ؟؟؟؟؟؟؟
Post: #17 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:37 AM Parent: #12
رغيم سلامات
Quote: غايتو انا حسبت لحدي هسع نمانية بورداب متزوجين من بلدان اخري
وتلاته بوردابيات متزوجات من بلدان اخري
عجبنا وسر بالنا ..
أهم شيء الحب والتفاهم ..الباقي كلو حسابات انصرافية ساااكت
شنو ليكم
التركوازي ده كائن إفتراضي ..وأسفيري كمان لو حابي ..
Post: #15 Title: Re: بعد البيان الاول ..طواااالي بنتخارج ..أها.. Author: محمد إبراهيم علي Date: 09-30-2012, 10:29 AM Parent: #8
اديهم بالحتة الفيها الحديدة بالله العينهم زايغة ديل قال شناقيط قال :) عيبو لي البرازيليات مالن لا بعرفو عربي ولا انجليزي ولا نحن بنعرف لاتيني فيلم صامت بس لووووول
Post: #18 Title: Re: بعد البيان الاول ..طواااالي بنتخارج ..أها.. Author: tmbis Date: 09-30-2012, 10:40 AM Parent: #15
Quote: ست البوست دي داليا(خالد) هههههه ما داليا كباشي
ياخي مبالغة لكن البوردي دا اللايامات دي بقى طاعم كدا مالو ..؟ كل ما تدخل تلقى ليك واحد دايخ .. .. حايم بي هناك لقيت ليك سيف مساعد ود عدل الدرب لقيتو رايح في شارع الصناعات بحري .. لحدي ما اجيبو نص الخرطوم عمل لي وجع رقبـة .. عمك حمزاوي .. يقوليك ناس الهلال كانو فاتحين لي الخرطوم تلاتة .. معتصم نيسته الليلة جابه ليكم ضقله يكركب .. داليا حافظ قالت طالعة مظاهرة .. الباشمهندس عاصم .. متلتلني بي وجع الرقبة الماسكني دا .. ومجهجه زميلتنا في البورد داليا كباشي .. مالي انا وهذه الاحتفاليات ومواسم الأعراس الاقليمية التي انتظمت البورد في نهايات (ايلول) من هذه السنة وبدايات (تشرين الأول) من نفس العام.
يا باشمهندس عاصم .. تاني دوخـه زي دي يسالني الله ما بخليك بيها برشك طوالي
Post: #19 Title: Re: بعد البيان الاول ..طواااالي بنتخارج ..أها.. Author: وضاحة Date: 09-30-2012, 10:41 AM Parent: #15
Quote: عيبو لي البرازيليات مالن لا بعرفو عربي ولا انجليزي ولا نحن بنعرف لاتيني فيلم صامت بس لووووول
الحارث ابن المقفع
تعلم للغة الاشارة بتفيدك
Post: #20 Title: Re: بعد البيان الاول ..طواااالي بنتخارج ..أها.. Author: Asim Fageary Date: 09-30-2012, 10:44 AM Parent: #19
Quote: يا باشمهندس عاصم .. تاني دوخـه زي دي يسالني الله ما بخليك بيها برشك طوالي
رش طوالي يا تمبس
والله أنا إتخيلت إنك تكون صرحت ببعض التصريحات
ولخبطت كمان في صاحبة البوست وإفتكرتها داليا كباشي
لكن هي دوخة هينة دي والله تقول شارب فيها حجرين مع الإضافات
تم التعديل بسب خطأ في الإسم
Post: #22 Title: Re: بعد البيان الاول ..طواااالي بنتخارج ..أها.. Author: tmbis Date: 09-30-2012, 10:52 AM Parent: #20
Quote: دالي كباشي
دالي مين يا باشمهندس .. انتو بتجيو الحاجات الكويسة دي من ووين من الصباح كدا ..؟
Post: #27 Title: Re: بعد البيان الاول ..طواااالي بنتخارج ..أها.. Author: داليا الكباشى Date: 09-30-2012, 11:16 AM Parent: #20
يا باشمهندس عاصم .. دا ترحيل الضباط ، مواصلات الحاج يوسف بي غادي للظلط (:(:(:
على قولت طلحة ( لقد صنعت يومي ) ^_^
Post: #21 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 10:47 AM Parent: #15
Quote: عيبو لي البرازيليات مالن لا بعرفو عربي ولا انجليزي ولا نحن بنعرف لاتيني فيلم صامت بس لووووول
أها نيو كوليكشن ..
نشجع اللعبة الحلوة
Vivez Pelé
Post: #25 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 11:07 AM Parent: #21
Quote: داليا حافظ قالت طالعة مظاهرة ..
هي لكن بمبان عاصم بريح
يا أخونا نشطاء لله ..إن شاء وارد المغرب العربي
Post: #26 Title: Re: بعد البيان الاول ..طواااالي بنتخارج ..أها.. Author: د. ياسر عبد القادر Date: 09-30-2012, 11:12 AM Parent: #21
داليا سلامات
إستقدم مستشفي عملت به يوما ما عدد محدود من الطبيبات من إحدي دول الاتحاد السوفيتي سابقا....وبعد وصولهم بفترة بسيطةتزوج سودانيون نصف عدد الطبيبات... و أجلسوهن في المنزل......فإحتج مدير المستشفي...
Post: #28 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 11:43 AM Parent: #26
أهلين يا د/ ياسر
Quote: إستقدم مستشفي عملت به يوما ما عدد محدود من الطبيبات من إحدي دول الاتحاد السوفيتي سابقا وبعد وصولهم بفترة بسيطة تزوج سودانيون نصف عدد الطبيبات... و أجلسوهن في المنزل......فإحتج مدير المستشفي...
ماتفرز يادكتور يعني روس ولا أوكرانيات ولا أوزباكستانيات ..
بالمناسبة هنالك فرق كبير بين أم رقيقة وملاح الويكة
أم رقيقة المقصود بيها الويكة العاملينها في مرق الحم وخفيفة جداً
أما ملاح الويكة بتكون فيهو لحمة هو ذاته وهو بالضبط كدا ملاح دمعة وملاقينها بويكة وبيكون تقبل وبيتاكل بالقراصة
زي التقلية مع الفرق في إنه التقلية باللحمة المفرومة أو المجففة
__________________
رايكم شنو في ؟
Post: #34 Title: Re: بعد البيان الاول ..طواااالي بنتخارج ..أها.. Author: عصام علي أحمد Date: 09-30-2012, 01:06 PM Parent: #31
Quote: بالجد كدة الفرق شنو بين ملاح الويكة وأم رقيقة ..مش كلها بامية
دى واحده من الاسباب الخلت الجماعة يتجهوا شطر المغرب العربي والدول المجاورة له
وبرضو مضامن مع ابوملك فى محنته هههههههههههه
Post: #36 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 01:26 PM Parent: #34
Quote: وبرضو مضامن مع ابوملك فى محنته هههههههههههه
المهمة أم رقيقة كانت طااااعمة ياعصام هههههه
هسة لو قالوا لي الفرق في (الصلصة) زي عاصم فقيري ده ما كان اخير من الاحراج ..
ابوملك لمن سألتو قال لي :
"الويكة هي الويكة "
Post: #32 Title: Re: بعد البيان الاول ..طواااالي بنتخارج ..أها.. Author: محمد البشرى الخضر Date: 09-30-2012, 12:56 PM Parent: #30
سلامات داليا و أنا ما غمران بس راجيكي تروقي عشان افرز الغاغا دي احتجاجا على الإنقلاب في رقبتو من حيث المبدأ كإنقلاب وكدا ولا إحتجاجا على الإستعانة بقوات أجنبية :) يعني لو الحكومة الجديدة محلية ما في مشكل ولاّ كيف ؟
Post: #35 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 01:10 PM Parent: #32
Quote: ولا إحتجاجا على الإستعانة بقوات أجنبية :) يعني لو الحكومة الجديدة محلية ما في مشكل ولاّ كيف ؟
سؤال صعب يا محمد ممكن استعين بصديق من المعارضة السورية
المهم الحكومة الجديدة تكون منتخبة ..إنقلابات نهي
Post: #37 Title: Re: بعد البيان الاول ..طواااالي بنتخارج ..أها.. Author: محمد البشرى الخضر Date: 09-30-2012, 01:48 PM Parent: #35
Quote: المهم الحكومة الجديدة تكون منتخبة ..إنقلابات نهي
هههههههههههههه أيوة كدا .. الديمقراطية قيمة في رقبتها والإنقلاب مذمة مش لو جاب محلي لو جاب ملايكة عديل كدا .. يبقى انقلاب حتى لو جمّلوه بناس ثورة و اتحاد اشتراكي ولجان مش عارف إيه :)
Post: #38 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 02:34 PM Parent: #37
Quote: والإنقلاب مذمة مش لو جاب محلي لو جاب ملايكة عديل كدا ..
الانقلابات جبــــااااانة..
لوكان الموضع عرس او سياسة ..سيم سيم ..
Post: #33 Title: Re: بعد البيان الاول ..طواااالي بنتخارج ..أها.. Author: محمد إبراهيم علي Date: 09-30-2012, 12:59 PM Parent: #30
وضاحة
Quote: الحارث ابن المقفع تعلم للغة الاشارة بتفيدك
اسمو الحارث بن كلدة وداك اسمو عبدالله بن المقفع ما تلخبتي لينا راسنا تعملي فيني عملا لي الله تشوفي لي حواشة تانية واوعدك بتعلم ليها لغة الاشارة ولغات اخرى
Post: #39 Title: Re: بعد البيان الاول ..طواااالي بنتخارج ..أها.. Author: داليا حافظ Date: 09-30-2012, 02:40 PM Parent: #33
Quote: أما ملاح الويكة بتكون فيهو لحمة هو ذاته وهو بالضبط كدا ملاح دمعة وملاقينها بويكة وبيكون تقبل وبيتاكل بالقراصة
شكرا كتير يا عاصم ..
يعني الويكة ما بتتاكل بالكسرة
Post: #40 Title: Re: بعد البيان الاول ..طواااالي بنتخارج ..أها.. Author: سارة عيسى أحمد Date: 09-30-2012, 07:13 PM Parent: #39
نفس الشعور يا دلويه ... قششششششه ما تعتر ليهم دربهم اخضر
اديهم بالحتة الفيها الحديدة بالله العينهم زايغة ديل قال شناقيط قال :) عيبو لي البرازيليات مالن لا بعرفو عربي ولا انجليزي ولا نحن بنعرف لاتيني فيلم صامت بس لووووول
اوسكار يا م أ ع ذكرتني نكتة المرا العربيتا باظت في الطريق، ورجعت البيت لقت الدنيا مقلوبة.
ود البشرى الديموقراطية فرررررر ..دي اشاعات كرست ليها القوى الاستعمارية الكافرة ساااي.. من لم يحدث نفسه بالجهاد فقد مات ميتتن جاهلية. الانقلابات مطلب ديني .. مثنى وثلاث ورباع المافي شنو!؟
-------
عاصم بالغت كلو كلو
Post: #46 Title: Re: بعد البيان الاول ..طواااالي بنتخارج ..أها.. Author: محمد البشرى الخضر Date: 09-30-2012, 09:50 PM Parent: #41
Quote: بوست خاص بالنساء الغير مباليات بالغاغة دي ..
لو سمحت غير المباليات .... وليس الغير مباليات ... بين العبارتين يشبه الفرق بين عبارة "غير المغضوب عليهم" وعبارة "المغضوب على غيرهم" اها انت قاصدة منو ...اخت داليا؟؟
Post: #50 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 08:16 AM Parent: #43
استاذ عثمان سلام
Quote: لو سمحت غير المباليات .... وليس الغير مباليات ...
ما سمحت ..
Quote: بين العبارتين يشبه الفرق بين عبارة "غير المغضوب عليهم" وعبارة "المغضوب على غيرهم"
لو سمحت نسيت تخت كلمة الفرق في بداية الجملة اعلاها ..
Quote: اها انت قاصدة منو
قاصدة المغضوب على غيرهم ..لأننا عينا في الفيل ونطعن في ضلوا ..او الغلبا راجلا فشت غبينتا في المورتانيات وأخواتهن ..
Post: #45 Title: Re: بعد البيان الاول ..طواااالي بنتخارج ..أها.. Author: د. ياسر عبد القادر Date: 09-30-2012, 09:46 PM Parent: #40
داليا
اخر دولة في قائمتك.....المشكلة إنهم مسلمات كمان
أنا حضرت زواجات بعضهم.....لكن عملوا تعديل جيني في النسل.....مبالغة
Post: #51 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 08:19 AM Parent: #45
Quote: أنا حضرت زواجات بعضهم.....لكن عملوا تعديل جيني في النسل.....مبالغة
دي الجوانب المضيئة في الموضوع ..يا دكتور
في أروح من الروح البتحلى بيها دي ..هههههه
Post: #47 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 07:56 AM Parent: #40
عفراء ياحبيبة
Quote: نفس الشعور يا دلويه ... قششششششه ما تعتر ليهم دربهم اخضر
ايوة دة الكلام الصاح ..
Post: #52 Title: Re: بعد البيان الاول ..طواااالي بنتخارج ..أها.. Author: بشير أحمد Date: 10-01-2012, 08:24 AM Parent: #47
Quote: احنا يا خوي حكوماتنا (الديمقراطية) بتقرا معانا البورد وكدا
قلت لي ياود البشري حلف الناتو عامل حصار بري وجوي!!! تعرف القذافي حقي اليومين ديل عامل غاغة زي داليا وصاحباتها ؛ وقالت عايزة كمبيوتر عشان تعرفني قاعد اهبب شنو في المكتب.
Post: #53 Title: Re: بعد البيان الاول ..طواااالي بنتخارج ..أها.. Author: محمد البشرى الخضر Date: 10-01-2012, 02:32 PM Parent: #52
وانت ادرى يا بشير بالحكومات (الديمقراطية) و كيفية تعاملها مع فكرة الإنقلاب ناهيك عن الإنقلاب في رقبته تقويض للدستور ويعامل معاملة (الخيانة) العظمى هههههههههههه
________________
يا داليا عفراء دي منو ؟ و تقولي لي برضو ما شغالة بالغاغا هههههههههههه أختاً ليك قبل كدا حدثّوها بالإنقلاب كان ما مسكوها كانت ماشة تضبح الأولاد وتطهّر الخروف
Post: #55 Title: Re: بعد البيان الاول ..طواااالي بنتخارج ..أها.. Author: محمد على طه الملك Date: 10-01-2012, 07:39 PM Parent: #53
الويكة دي أكل الملوك أمال أيه ــ كويس إنك عملت لصاحبكم أم رقيقة ــ المرة الجاية كتري فيها الشطة ــ اصلو النظار ديل بحبو الوساع ـ . . شايف ود البشرى وقيقا استلمو البوست ــ يكونو؟
Post: #59 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 10:09 PM Parent: #55
أهلييين بالملك ..
Quote: المرة الجاية كتري فيها الشطة ــ اصلو النظار ديل بحبو الوساع ـ .
والله يا الملك قريتنا قراية عن الشطة حدث ولا حرج ..واستخدام الصحون الصغيرة ممنوع بمرسوم رئاسي
عن ود البشرى شايفاهو ضاغط على الديمقراطية ..أما قيقراوي فضاغط على الشجاعة ..وفي كل خير
طيب على كيفك وقد قيل بان الموريتانية لا تعرف الكجار :)
Quote: لو سمحت نسيت تخت كلمة الفرق في بداية الجملة اعلاها ..
آي والله .----...
Quote: قاصدة المغضوب على غيرهم ..لأننا عينا في الفيل ونطعن في ضلوا ..او الغلبا راجلا فشت غبينتا في المورتانيات وأخواتهن ..
غير المغضوب عليهم كان احسن - ديل بيقولو ا المرة بدقوها باختها على الاقل بتكون "زولة" اما المغضوب على غيرهم مع عوالم الديجتال قالوا (المرة بدقوها بالمورتانية والفليبينية من استطاع اليه سبيلا ) اها حتغيري رايك ولا في فهم تاني
Post: #60 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 10:34 PM Parent: #56
Quote: اها حتغيري رايك ولا في فهم تاني
مافي أيييي فهم تاني ..أبطال الديجتال حاجة ما تخلص ..
لكن انا بفضل الأوزباكستانيات بتاعات د/ ياسر ..
Post: #57 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 09:43 PM Parent: #53
سرورة أمسحيها لي في وشي ..ما عارفة عفراء دي جبتها من وين ههههه
البركة في ضابط السجن ده ..
ود البشرى عفيت منو لاحاااظ ..
Post: #58 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-01-2012, 09:56 PM Parent: #52
الًانقلابات ما كلها شر ... لولا الانقلابات .. ما كنا في ذاتو .. انا ود المرا التانية اها دي ما حسبتوها كويس يا ديموقراطيين!
Post: #62 Title: Re: بعد البيان الاول ..طواااالي بنتخارج ..أها.. Author: د. ياسر عبد القادر Date: 10-01-2012, 10:55 PM Parent: #58
Quote: لكن انا بفضل الأوزباكستانيات بتاعات د/ ياسر ..
جور الحبيب في الحالة دي بيكون مسموح.......مش كدا يا داليا
Post: #63 Title: Re: بعد البيان الاول ..طواااالي بنتخارج ..أها.. Author: Afraa Sanad Date: 10-02-2012, 02:07 AM Parent: #62
والله يا داليا فيك الخير انتي البتستني البيان الأول...عليك أمان الله انحنا اكياسنا جمب الباب وقيل كان عصلجوا نقرا ليهم نحن البيان بالعمل...واحدة صاحبتي ما ولدت وقلقت شوية قلت ليها مالك مستعجلة علي الولادة...قالت لي والله أنا مستعجلة علي الطلاق ما علي الولادة...شفتي جنس التطرف ده
Post: #64 Title: Re: بعد البيان الاول ..طواااالي بنتخارج ..أها.. Author: سارة عيسى أحمد Date: 10-02-2012, 03:57 AM Parent: #63
ما مشكله أنا وعفورة واحد ورائينا واحد هدا هى زاتا بقجتا جمب الباب ،،
شوفى الانقلاب دا كيف
Post: #65 Title: Re: بعد البيان الاول ..طواااالي بنتخارج ..أها.. Author: محمد إبراهيم علي Date: 10-02-2012, 05:31 AM Parent: #64
يا داليا في اجازتي الاخيرة للسودان في يناير الماضي وجدت اثنين من اصدقائي عملو انقلابات واحدة فيهم عملت زي جنس تهديداتكم دي مشت بيت ابوها حردانة والتانية كتمت في نفسها فقلت لي صاحبي اعمل حسابك دي اكيد بتكون راقدة ليها في راي الكتمة خطرة جدا ههههههههههه لكن من ملاحظة للواقع في السودان الموضوع ده منتشر وحكاية الدبل والتلتيت بقت قصة نسمعها بمعدل متسارع وما عندها علاقة بتعليم ولا وضع اجتماعي ولا جينات زي قيقاراوي ظاهرة كدة زي العدوى (الواحد ما عارف يقول نسال الله السلامة ولا العدوى هنا هههههه)
قيقا الراوي
Quote: لكن اسرتنا مشهورة بالدبل ... عندي تلاتة اخوان مدبلين .. ؤ واحد تلت
ده سبب جوهري جدا انو ما يسلموك حكومة في الاساس هههههههههه
Post: #66 Title: Re: بعد البيان الاول ..طواااالي بنتخارج ..أها.. Author: محمد حيدر المشرف Date: 10-02-2012, 05:43 AM Parent: #65
كلهن كويسات .. سودانيات, شناقيط, تركواز الخ ..
.. غايتو الحمدلله .. الله كريم ..
Post: #70 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-02-2012, 08:00 AM Parent: #66
حمدلتك ما بناباها لكن الفيك اتعرفت يا مشرف
Post: #71 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-02-2012, 08:41 AM Parent: #65
Quote: واحدة فيهم عملت زي جنس تهديداتكم دي مشت بيت ابوها حردانة
يا محمد ابراهيم زولتنا كان رجعت ..تكون بتاعت تهديدات..ساي
في حالتنا دي نحن نعني ما نقول حرف حرف ونقطة نقطة..
Post: #69 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-02-2012, 07:53 AM Parent: #64
ههههههه يا سارة مبالغة ..
الراجل بهناك قال ساي كفيل صحبو شنو كدة ما عارفة على مرتو الجماعة أكلوه البوست بجزموا ..
Post: #67 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-02-2012, 07:37 AM Parent: #63
Quote: والله يا داليا فيك الخير انتي البتستني البيان الأول
يا عفراء نحن قلنا نتعامل بالثابتة ..البيان الأول لو ما اتذاع الانقلاب بكون لسة مجهج
تعرفي مرة زوجي وقريبو كان بتكلموا عن صاحبا ليهم في واحد من الدول المهتمة جدا بالانتصار للمرأة ، فصاحبهم عمل ارهصات ساي بتاعت إنقلاب ..أنقري صحبتنا ما ناولتوا بقجتو بالبلكونة
لكن اللذيذة ما كدا لمن ليقوني منتبهة للقصة ومتفاعلة ..زوجي اتنحنح وقال : لكن دي ما حركات بنات أصول
Post: #68 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-02-2012, 07:42 AM Parent: #62
Quote: جور الحبيب في الحالة دي بيكون مسموح
جور زي ده لمن احصل ..الحب بكون في خبر كان ..
بس قصة الطفرة الجينية دي محفزة ..الفكرة علمية بحت
Post: #72 Title: Re: بعد البيان الاول ..طواااالي بنتخارج ..أها.. Author: محمد حيدر المشرف Date: 10-02-2012, 09:26 AM Parent: #68
لو كنت مكانهن .. لاحتفيت صمتا ببوست الكفيل ازاء بوستات الماعرس تركوازيه ومثلها ..
Post: #73 Title: Re: بعد البيان الاول ..طواااالي بنتخارج ..أها.. Author: داليا حافظ Date: 10-02-2012, 09:58 AM Parent: #72
ده سبب جوهري جدا انو ما يسلموك حكومة في الاساس هههههههههه
السغير لمن رفضو للاسباب المذكورة اعلاه يا هندسة، رقد قش .. وهاك يا التزامات طلعت من جنس الذهاب الى السجن حبيساً ساي .. عليك امان الله الاولى ما حال عليها الحول ذهب للقفص الذهبي تاني عريساً... ؤ ردّف !!
------
ودبنادم ما بنضمن ... والمؤمن مصاب من ناحيتن الاخرى:
الديموقراطية بت الك_لب دي مش معناها المشاركة وقبول بالاخر؟ (القارئة العزيزة على ألب طلعت، انتي اقري "قبول بأخرى“ ... المافي شنو؟)
