Post: #1 Title: مصري يغني غنية حقيبة و شاب يغني غنية باللغة النوبية و لا يعرفها...و أك Author: Kostawi Date: 09-29-2012, 05:53 AM
Post: #2 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: احمد محمد بشير Date: 09-29-2012, 07:36 AM Parent: #1
السلاام عليكم يا كوستاوي
اولا يا خي بشكرك على المتابعة على الرغم من الفيديو اكتر من ساعة لكن انت تابعت وعرفتنا بالشباب ديل
و الله في الحقيقة البرنامج عجبني شديد وخصوصا انه متنوع , وسأتابعه بإستمرار كان ربنا سهل. اغاني نوبية وحقيبة و حاجات جميلة اخير من الغناء الهابط الانتشر اليومين ديل ولعلها محاولة موفقة من مقدم البرنامج والاستاذ محمد سليمان لتغير الواقع الهابط
و الله دي محاولة كويسة من الشاب المصري ده وكذلك من الشاب السودان الغير ناطق بالنوبية وغنى بالنوبية وكأنما يتحدثها وعجبني الشاب ذو السبعة سنوات عازف الايقاعات , شكله ح ينافس مليجي .
الشباب ديل انا بديهم مليون بــــــــــــــــــــــــاص المافي شنو
Post: #3 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: احمد محمد بشير Date: 09-29-2012, 08:04 AM Parent: #2
بالصراحة الشاب القلد النور الجيلاني ده انا ما بديهو باص نهائي .. بعدين خربط اغنية خمسة سنين للباشكاتب ود المين كان يشوف ليهُ اغنية حقيبة ولّ اي حاجة تلفق مع صوتو إختياره غيره موفق .
إنتو محمد سلمان ده تخصوصو شنو ؟موسيقى؟ وكذلك مقدم البرنامج ... بعد مرات قاعد يجامل البعض من الجماعة المتنافسين ديل
بت ربك , طبعا الطوووب , وبديها البـاص كولو :)
Post: #4 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Kostawi Date: 09-29-2012, 08:16 AM Parent: #3
محمد سلمان ??? أحمد سلمان دا منو يا أبو حميد
الإنتا بتؤل عليه
Post: #5 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: احمد محمد بشير Date: 09-29-2012, 08:33 AM Parent: #4
ده عمّك الفي اللجنة اللابس جلابية وعمة وشايل عوكاز
عجبني تعليق جميل لهذا المحمد سلمان وذلك اثناء تقديم الشاب ابن جبال النوبة قال انه زار منطقة الجبال ومن الشخصيات التاريخية علي ود المي الذي يذكر اسمه في التاريخ وقال انه النوبة ساهموا في تحرير السودان من الانجليز وقال لا للعنصرية وحقو الناس ما تلخبط التاريخ وكون انه المتافس من جبال النوبة يغني لـ عبد العزيز محمد داؤود فا دي ابلغ رسالة لحملة السلاح و العنصرية فحقوا الناس ما تلخبط التاريخ ويتعايشو سواء في هذا البلد ومافي حل غير كده .
معليش يا كوستا الكلام الفوق ده يمكن يجيب ليك العنصريين في البوست الجميل ده . ناس فلانه وعلان ووو اليومين ديل شايفم اختفو من البورد بعد ما ادوا دورهم وكرهونا .
Post: #6 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: مهدي صلاح Date: 09-29-2012, 08:33 AM Parent: #4
المصري يغني (حئيبة ) زي ما عايز ... الكلام جماعتنا ... تحس بيهم ما في قمة الانفعال والفرح انو مصري بيغني باللهجة السودانية ... لسان حالهم ينطق بـ (يا سلام شوفوا المصري اللي نزل لمستوانا وراضي يغني بلهجتنا)
اللي عجبيني في المصري حرصه على الحفاظ على الطابع السوداني القح للاغنية .. مع انو في حتات ابت لهجته الاصلية الا وان تطل براسها مثلا لما جا في حتة (قلوبنا رميتن في التنور) دي حسيتو بيهو لخبط شوية ... انا بصراحة شفت الحلقة عند بثها مرة واحدة وملاحظتي دي يمكن ما تكون في محلها
Post: #7 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: فيصل محمد خليل Date: 09-29-2012, 08:56 AM Parent: #6
الود بتاع اسمر اللونا دا تلات شهورفي ارض المحس يرجع يطقطق الرطانة ذي السلام عليكم
Post: #8 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Kostawi Date: 09-29-2012, 09:04 AM Parent: #7
Quote: يطقطق الرطانة ذي السلام عليكم
يا عمو فيصل ما رطانة!
لغة لغة لغة
لغة سودانية 100%
Post: #9 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: فيصل محمد خليل Date: 09-29-2012, 09:31 AM Parent: #8
Quote: يا عمو فيصل
يا كوستاوي ما تخسر علاقتنا مع البلوم الزاجل
Post: #10 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Kostawi Date: 09-29-2012, 10:12 AM Parent: #9
Quote: يا كوستاوي ما تخسر علاقتنا مع البلوم الزاجل
حاضر أنت و البلوم مع بركة الله (بلومة واحدة تكفينا....واحدة فقط)
Post: #11 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: وضاحة Date: 09-29-2012, 10:21 AM Parent: #9
Quote: يا كوستاوي ما تخسر علاقتنا مع البلوم الزاجل
احلى شى فيك يا عمو فيصل ثقتك العالية دى
Post: #12 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Kostawi Date: 09-29-2012, 10:35 AM Parent: #11
المهم,,,,
ما بتعات تبارك
رفع الميم و تكسير الهاء و الألف و التصرف في اللام
Post: #13 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: وضاحة Date: 09-29-2012, 10:42 AM Parent: #12
كوستا يا غالى
طبارك دا بعانى من Culture Clash
Post: #14 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Elmosley Date: 09-29-2012, 01:54 PM Parent: #1
اعتقد بان المتنافسين أخافهم محمد تاج السر فصونوا ضده وهذا ذكاء منهم هههههه
Post: #15 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: فيصل محمد خليل Date: 09-30-2012, 10:51 AM Parent: #14
Quote: احلى شى فيك يا عمو فيصل ثقتك العالية دى
قول واحد يا كرمبا عملتها والعملة قاسية
عم كباسة يا وضاحة اسع احرش عليكي ودشيقوق يسكك بالعنكوليب دار دار بيت بيت زنقة زنقة. من انتم ؟ ثورة ثورة
______ تحياتي للوالد ياوضاحة
Post: #16 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Kostawi Date: 10-02-2012, 02:01 AM Parent: #15
و نواصل.......
Post: #17 Title: Re: مصري يغني غنية حقيبة و شاب يغني غنية باللغة النوبية و لا يعرفها... Author: Kostawi Date: 11-08-2012, 06:57 PM Parent: #16
