علاقة الدكتور صلاح بندر بحركة تحرير السودان الكبرى

الدكتور صلاح بندر اكاديمي وباحث سوداني معروف

يحظى باحترام وتقدير في الاوساط البحثية والاكاديمية

في المملكة المتحدة

تعرفت عليه قبل شهرين عندما كنت اعد لسلسة حوارات

حول العلاقات السرائيلية السودانية وتعاونا مع بعضا

لإخراج الحوارات بطريقة مرضية لنا الأثنين وقد كان والحمد لله

تفا جأت لبيان اصدره أمس ينفي فيه صلته بحركة تحرير السودان الكبرى

نشره على صفحات موقعي سودانايل وسودانيز أون لاين

لكنه لم يوضح ملابسات ما حدث قبل أن يعلن عن

اسمه في مستشارية حركة تحرير السودان الكبرى

**

مساء الخير يا سلمى .. ياريت لو جبتي لينا بيان السيد البندر؛
لنتابع و نحن على بينة.

أخي الفاضل حسين لك التحية

هذا هو البيان

Quote: بسم الله الرؤوف الرحيم والصلاة والسلام على الخاتم الأمين وعلى آله الطاهرين وصحبه الكرام بيان إلى لكل من يهمه أمر السودان لا صلة لي بحركة تحرير السودان الكبرى ** إلتزامي الصارم ، بالمشاركة مع الالآف ، في العمل على تحقيق السلام والديمقراطية والعدالة الاجتماعية في بلادي هو الدافع الوحيد لأن أضع معرفتي المتخصصة وتجربتي وشبكة علاقاتي المتواضعة في خدمة كافة أهل السودان دون تخصيص أو انحياز جهوي أو عرقي أو عقائدي. ** لقد ساهمت ما أستطعت مع المئات من أبناء وبنات السودان في تقديم المشورة وإبداء الرأي من موقع المسؤولية الوطنية لعدد من الهيئات والمؤسسات السودانية والاجنبية والتنظيمات والحركات السياسية ؛ لا بحثاً عن وظيفة أو طلباً لمقابل أو مغانم. وسأستمر في ذلك دون مزايدات أو مراهنات أو انحيازات جهوية أو عرقية أو عقائدية خدمة للسودان كوطن ولأهلنا الصابرين ومساهمة مع الجميع دون تمييز أو تفريط في ان يتحقق طموحنا في بلد ديمقراطي وشعب سعيد. ** اؤكد لكل من يهمه الأمر ان لا صلة ولا علاقة لي من قريب أو بعيد بصورة مباشرة أو غير مباشرة بما نشرته حركة تحرير السودان الكبرى من إنتمائي إليها في صفة "مستشار للشؤون السياسية".كما اؤكد في الوقت نفسه اني لا املك اي حق اخلاقي في ان احد لاي مجموعة كانت اي وسائل او طرق تراها مشروعة لنيل حقوقها. ** هذا ما لزم للتوضيح حفاظاً على ما إلتزمنا به من اخلاقيات العمل الوطني وإثباتاً للحقيقة وتأكيداً ، مرة أخرى ، لإلتزامنا بقضايا الوطن والمواطن في إطار مصالح السودان الحيوية وأمنه الوطني وسيادته ، طبقاً للمعايير والمواثيق الاقليمية والدولية. صلاح بندر تلفون : 00447903416591 كيمبردج ، المملكة المتحدة. 17 فبراير 2007

سلمى
تحياتى
د. بندر ده - اذا فى حاجة حاصل حصلت و انهت باعلانه- السوال
الما فى ملابسات دا فى محله اذا كان عنده اى صلةبحركةتحرير السودان الكبرى.
طيب ياترى وين المركزية العليالحركة تحرير الكبرى ده عشان تجرى اللازم
اذا اصلا فى عضو تمرد؟
ولا بيكون لسا يفتشوا لهم واحد تانى اسمه د. صلاح بندر؟

المشلكة مش فى د.صلاح فى رائى - المشكلة فيهم ذاتهم
ا

الأخ شوقار سلام

لم أفهم ماذا تقصدد

انا هنا لأوضح ملابسات كنت شاهدة عليها لصلتي بأطرافها

ولا تنسى انو الصحفي ما بنسى مهنتو اينما كان

لك تحيتي


التعديل لخطأ في اللغة

وحتى يكتمل نصف الحقيقة الآخر

نسأل : هل يمكن أن يتم الأعلان عن اسم شخص

بشهرة الدكتور صلاح في مستشارية الحركة دون علمه ؟

أو لنقل دون رغبته؟

طبعاً ما ممكن .. و دا السبب الخلى الناس تحتار.

____
اها الحصل شنو!

Quote: اها الحصل شنو!

سمح الكلام في خشم سيدو كما يقال

الدكتور بندر عضو في المنتدى وأتمنى شاكرة أن يوضح ما حدث

توضيحا للرؤية فقط

صلاح البندر ..

صورة حديثه للدكتور صلاح آل بندر، فى ندوة دريج بواشنطن دسى



بريمة

أخي بريمةشكر وتقدير

أوردت في بوست سابق ان الاستاذ ابراهيم علي ابراهيم

ايضا اورد اسمه مع حركة التحرير دون علمه

ولصلة قرابة أفخر بها وأحترمها تربطني بالاستاذ ابر اهيم

راسلني بخصوص اسمه ثم اصدر بيان نفى علاقته بالحركة

وبدوره المجلس الإستشاري للحركة أصدر هذا البيان في حينه

Quote: بيان توضيحي من المجلس الإستشاري لحركة تحرير السودان الكبرى Feb 16, 2007, 03:40 سودانيزاونلاين.كوم Sudaneseonline.com ارسل الموضوع لصديق نسخة سهلة الطبع حركة تحرير السودان الكبرى بيان توضيحي من المجلس الإستشاري لحركة تحرير السودان الكبرى تعرب الحركة عن أسفها لعدم التوضيح المبكر لملابسات تطابق إسم الأستاذ / إبراهيم على إبراهيم برناو الوارد ضمن أعضاء مجلس الحركة الإستشاري بصفته مستشارا قانونيا للحركة مع اسم الاستاذ ابراهيم علي ابراهيم المقيم بالولايات المتحدة الأميريكية ، و عليه نؤكد أن المعني هو الأستاذ إبراهيم على إبراهيم برناو ، المستشار القانوني و عضو المجلس الإستشاري للحركة . و هذا منا للإعتماد و ما لزم توضيحه حركة تحرير السودان الكبري المجلس الإستشاري حرر بتاريخ 15/01/2007

فصاحب الإسم ابراهيم برناو موجود الآن بانجمينا

ناذر

دكتور بندر من المهمومين بقضايا

السودان يشهد له بذلك الكثيرين

وله اهتمام خاص بقضية دارفور

وعلاقات طيبة بمعظم قادتها

و حتى تكتمل الصورة ننتظر تداخله هنا

مع التحية

صلاح البندر مع عدد من أفراد المعارضة البحرينية ..

سلمي التجاني تحياتي،
الملابسات عندي كقارئ مضيعة وكت لانو الرجل صرح انو ماعندو صلة بهذه الحركة الكبري كما تسمي. المهم عندي اعرف عن الحركة دي.

ممكن تعرفينا بالحركة دي؟ خالص الشكر.

الأخ كمال سلام

هناك فرق بين أن يعلن الآن عدم علاقته بالحركة

وبين عدم معرفته لنشر اسمه ضمن مستشاريها

Quote: ممكن تعرفينا بالحركة دي؟

كما ذكرت للأخ شوقار انا مجرد شاهد عيان

ولا علاقة لي بالحركة أي ليست عضوا فيها

وإن كانت حركة قادرة على النجاح فستستطيع تعريف الناس بنفسها

ولك الشكر

الأخت القديّره سلمي
والاخ د. صلاح البندر
لكُما التحيّه والإحترام.

Quote: الأخت القديّره سلمي والاخ د. صلاح البندر لكُما التحيّه والإحترام

ولكل تحياتي واحترامي

وللدكتور بندر

روابط مهمة :


الدكتور صلاح البندر يكشف خفايا العلاقات الإسرائيلية السودانية ( 1 )

دكتور صلاح البندر: أتوقع أن يرفرف العلم الإسرائيلى قريب...ً فى سماء الخرطوم..!

إلى الدكتور صلاح البندر بخصوص مقابلة الرأي العام!!!!

صلاح البندر !!!

السلطات البحرينية تتهم بريطاني من اصل سوداني بالتجسس ... مليون دولار بمسكنه


هاملتون تستضيف د.صلاح البندر فى ندوة سياسية كبرى

شنو ردمتو لينا البوست صور لصلاح بندر .. هو اصلو طلال عفيفي !!

ملاسي ناذر من اليوم داك ما جا راجع البوست

وانت ذاتك

العفو يا ملاسي ... هو حد يقدر يلحق طلال عفيفي ..
بس الصور والروابط مهمة عشان البحث للمهتمين وكدة ..

Quote: الصور والروابط مهمة عشان البحث للمهتمين

شكرا ناذر

Quote: ولا علاقة لي بالحركة أي ليست عضوا فيها

سلمي التيجاني سلام،

للاسف الشديد، من قولة تيت لجاتي لي فهلوة المراوغة الماحتوديكي انتي ولا اي عمل جاد اي حتة، لانو المصداقية هي كل شئ.

ياعزيزة،

كيف لوما ليكي علاقة بالحركة، تكوني شاهدة عيان، بل كمان تستجوبي باسمها، الدكتور؟

هل مؤسس الحركة دي، مش هو زوجك؟

كيف تكوني ماعندك علاقة بحركة سياسية مؤسسها، هو زوجك الفاضل؟

اهو ده بقي البسمو استصغار لي عقول المتلقين، لوكنتي صحفية ولاحركة سودان كبري، اوعلي كده بتكوني غرقتي في شبر موية من جراء التعامل بي تعالي في مكان عام مفتوح، فيهو ناس عارفين بقولو في شنو!

علي العموم، نفسي افهم انتي فاهمة الشغلانة دي، شنو، من اولا لي اخرا؟

شغل منجهة او قشر مثلا ولا شنو يالله، عاملة مهمة خالص، ولاستة بي تعريفا!

لو بتفهمي في الشغلانة، مثقال ذرة، ماكان فوتي فرصة سؤال لايتكرر كثيرا، عن حركتكم دي، لانو الفرد العادي بطبعو ملول من هادي مواضيع او كلام رسمي او كده.

"يدي الحلق، قال للمالوش وضان"!

عمرها كلو قضتو اداة في يد صحافة انقاذ، نظام مجرمي الحرب، والان بقدرة قادر، نفتح اونلقاها في صدارة الثورة قالت!

دقيقة ياخي!

بشاشا ....

Quote: كيف لوما ليكي علاقة بالحركة، تكوني شاهدة عيان، بل كمان تستجوبي باسمها، الدكتور؟

إنت ما قريت جوارات سلمى التجاني مع صلاح البندر في جريدة الراي العام ولا شنو ؟!!!

سلمى دي صحفية محترفة وبالتأكيد بتكون أثناء مقابلتا مع صلاح (كصحفية مش كزوجة لي محجوب حسين) عندها معلومات كدا ولا كدا..

ولا شنو !!

Quote: سلمى دي صحفية محترفة

مافي ولا صحفي واحد محترف في السودان، خليك من سلمي ولن يكون. لانو ليس هناك اعلام محترف، ولن يكون في ظل نظام ووضع سياسي كهذا علي الاطلاق..

زيها او زي غيرا، صحافة انقاذ صفرا ولاغير.

ثم ده ما الموضوع.

الموضوع في فهلوة الجلابية دي، عامل مهمة خالص!

ماعندك دخل بي حركة زوجك، اقعدي بعيد، ست بيت مثلا.

مافي داعي للتمثيل.

هي الشغلانة شنو اصلا؟

ده الموضوع ياناذر.

بشاشا
انت موش قلت شتت ؟ حمد لله على السلامة

سلمى سلام

بشاشا

Quote: ماعندك دخل بي حركة زوجك، اقعدي بعيد، ست بيت مثلا.

المرأة السودانية ومنذ أن عرفت التعليم والجامعات

أصبحت الخيارات في حياتها أكثر من مثيلاتها في

دول العالم الثالث وصارت هي من تحدد خياراتها

بنفسها فخرجت للعمل العام واستوزرت واقتحمت

كل المجالات عن جدراة وبتفوق ..

ودالعمدة مشتاقين،
مشتت ياداب قريب! دايما مشتت!

بشاشا ...

Quote: ماعندك دخل بي حركة زوجك، اقعدي بعيد، ست بيت مثلا.

خيبت املي والله (الاصلو خيبان فيك من زمان) !!

دا كلام شنو دا ؟!!!!!

شنكل :

ما في واحد شيوعي في المنبر دا يرد علي كلام بشاشا يا أخوانا ؟!!!

Quote: خيبت املي والله (الاصلو خيبان فيك من زمان) !!

ناذر،
انت فهمت غلط.
المقصود انو ده الوضع الوحيد، الفعلا بيدي معني انها ماعندها دخل.
وقع ليك؟

الزميلة سلمى التيجانى

تحياتى وكيف حالك

ما فهمته من هذا البوست ان نفى دكتور البندر محل ريبة عندك لشى تعلمينه ... حسنا ..

اما ان تدلى بدلوك - بصفة الشاهد - خاصة ان البندر قد قال ببيان (مهذب ) مقالته ومضى

دردقني في النجيلة


سلام يا سعادة اللواء

Quote: ما فهمته من هذا البوست ان نفى دكتور البندر محل ريبة عندك لشى تعلمينه ... حسنا .. اما ان تدلى بدلوك - بصفة الشاهد - خاصة ان البندر قد قال ببيان (مهذب ) مقالته ومضى

البندر عضو منبر
لا يجب ان يمضى هكذا يا ود حامد
سلمى تقول انها شاهده على احداث وانا اصدقها
وعشان تبين الحقيقه لا بد من سماع البندر

ويبقى السؤال
هل تراجع البندر عن قرار سابق
ام ان الحركه اقحمت اسمه دون اخذ رايه ؟



بشاشا
تكون سلمى زوجة علان ولا فلان ليس هذا شانك
سلمى زميلة وعضو كامل الاهليه
جادلها فى طرحها بعيدا عن اسرتها

وبامانة وضع الدلوكه على كتفك شين شين
يا زول استحى
وبطل الحروب بالوكالة

بدا الناس يملونك واخشى ان يتحول الملل الى احتقار

أعتقـد ما يطالب به الأخ محمـد حامـد جمعـة من أن الأخت سلمى تركتنـا فى الصقيعـة سـاكت بعـد أن قالت أنهـا شـاهـدة عيان، هـو الرأى الصــواب.
حتى الأن لم تقل لنـا الأخت سلمى ما شـاهدتـه عيناهـا مما يقدح فى تصريح البندر.
وحتى تفعل فإن تصـريح البندر هـو المعتمـد ولا نملك إلا أن نصـدقـه.
حكايـة لا يعقل هـذه لا تنفع.. وما لا يعقل فى السياسـة السـودانيـة موو شويـة.
فقـط التحلى بالموضوعيـة، خاصـة أن الأخت سلمى صحفيــة وإيراد الوقائع فقـط
التى تثبت أن تصـريـح البندر لا يعكس الحقيقـة.

المحترم كمال أوسلي

وأنا أتساءل معك لحين:

Quote: هل تراجع البندر عن قرار سابق ام ان الحركه اقحمت اسمه دون اخذ رايه ؟

كل المتداخلين الكرام شكرا لحرصكم على معرفة الحقيقة

دكتور بيان وكوستاوي المديدة حرقتني

يا حبيبة مستر كوستا برحب بمحمد جمعة

لكن ولا يهمك واصلي معاهو عادي

دي الليله شكلها قويه يا كوستا

العزيزة سلمى التجانى بعيدا عن صلة البندر بحركة تحرير السودان الكبرى او تلك الصغرى عاملة شنو انت وكيفك ليك وحشة ياستى
عموما نشكر للبندر ان بندرك على المنبر وخلانا نشوف قلمك هنا ما همناك فى الراى العام التى اتحفتها بحوار خبطة ...
تحياتى لمحجوب حسين ... وعموما نتم الباقى بالتلفون ان وجدناه

الأخ الكريـم بشــاشــا،

أسمـح لى أن أقول أن قلمك لم يحالفه الصـواب هنـا.. علاقات الأسـر يجب أن تكون مقدسـة ومحرمـة دائمـا، وإلا تســود الفوضى. سلمى أمرأة عاقلة ورشيـدة وايضـا صحفيـة.. مهمـا كانت علاقتهـا الأسـرية هـذا لا يعنينـا، ما لم تتبرع هى وتقول أنهـا حصلت على المعلومات بعلاقتهـا الأسـريـة.. الهيكل التنظيمى لأى تنظيـم فيـه رئيس ونائب وسكرتيـر وهلمجـرا، وليس فيـه أى وظيفـة تسمـى زوجـة.

ما زلت أطلب من الأخت سلمى أن تقول لنـا ما لمحت به من أن حديث البندر ناقص، ولا يكفى أن تقول أنه غيـر منطقى.. يجب أن تورد أدلـة ملموسـة على عدم دقـة تصريح البندر وإلا يكون كلامهـا باطلا.

Quote: الأخ الكريـم بشــاشــا، أسمـح لى أن أقول أن قلمك لم يحالفه الصـواب هنـا.. علاقات الأسـر يجب أن تكون مقدسـة ومحرمـة دائمـا، وإلا تســود الفوضى. سلمى أمرأة عاقلة ورشيـدة وايضـا صحفيـة.. مهمـا كانت علاقتهـا الأسـرية هـذا لا يعنينـا، ما لم تتبرع هى وتقول أنهـا حصلت على المعلومات بعلاقتهـا الأسـريـة.. الهيكل التنظيمى لأى تنظيـم فيـه رئيس ونائب وسكرتيـر وهلمجـرا، وليس فيـه أى وظيفـة تسمـى زوجـة.

أسه عاجبك كده يا بشاشا

ود فضل الله فاقداكم نفر نفر والله

بس ارتحت شوية من زرزرة ناس ناس القسم السياسي

شكرا على كلماتك الجميلة

تحياتي لكل الزملاء

وتحية لمحمد وام محمد

!!!!!!!

Quote: فقـط التحلى بالموضوعيـة، خاصـة أن الأخت سلمى شيوعيـة،

يا زول !!!!!!!!!!!!!!

Quote: تفا جأت لبيان اصدره أمس ينفي فيه صلته بحركة تحرير السودان الكبرى نشره على صفحات موقعي سودانايل وسودانيز أون لاين لكنه لم يوضح ملابسات ما حدث قبل أن يعلن عن اسمه في مستشارية حركة تحرير السودان الكبرى

سلمى عليك بمزيد من الايضاح

الأخت سلمي التجاني
تحيّه طيبه.

إقترح أن تسحبي هذا البوست.
لحين تعرفي رأي الأخ
د.صلاح البندر.


تباين الرؤي بينك وبين د.صلاح
هي نعمه وليست نغمه.
أكيّد حنتعلم منها الكثير
ونوظفها نحو الإيجاب..


العدو مُشترك ويجب
أن نفوت عليّه هذه
الفرصه لكي لا يوظفها ضد القضيّه.

اخي محمد آدم

دكتور صلاح نكن له كثير من التقدير وهو أهل له

Quote: تباين الرؤي بينك وبين د.صلاح

هو ليست تباين فقد حدد خياراته ولكنه بحث عن نصف الحقيقة الآخر

Quote: صلاح البندر مع عدد من أفراد المعارضة البحرينية ..

!!!!!!!!!!
وديل الشربكهم معاهو شنو ؟؟؟
يا شيبة
الى حين اطلالة ودالبندر وعودة سلمس
اقترح تشتتوا وتشوفوا ليكم ضمناء بدل الدوران في حلقة مفرغة
معزتي

يا كوستا يا مستنير
هل يمكن ان ترضي ان يكتب لزوجتك في بوستها ما كتبت؟
يا جماعة ليه الناس بتعمل الما بترضاه يحصل لاخواتها
اي زول داسي مرتو واختو وبتو
مدور في الاخوات هنا
الممكن يكونو اخوات زوجات بنات ناس تانين...
دي من ناحية...

وذي ما شايفة انه الاخت سلمى بتفتح لدكتور البندر خط عشان يصحح معلومة وحده.
دون ان تضطر هي لكتابتها..

ربما لطفا منها... لكن يا سلمى لاجل الحقيقة والحق
لو لديك شهادة يجب ان تكتبيها..
زولك دا ما حيجي..
سؤالي لك
هل بيان البندر ونفيه صحيح على حسب علمك؟
انت محل تقدير لعدد ضخم من القراء..
اكتبي شهادتك بامانة وستجلي الامر...

لك المودة كلها

Quote: يا كوستا يا مستنير هل يمكن ان ترضي ان يكتب لزوجتك في بوستها ما كتبت؟ يا جماعة ليه الناس بتعمل الما بترضاه يحصل لاخواتها اي زول داسي مرتو واختو وبتو مدور في الاخوات هنا

كلام جادي لما يخلي الواحد يضحك

الأخت سلمى التيجاني
سلام

Quote: قبل أن يعلن عن اسمه في مستشارية حركة تحرير السودان الكبرى

إذا ممكن إيراد البيان الذي أعلن فيه إسم البندر في مستشارية الحركة...
هناك كثير مما قيل في هذا البوست ليس له علاقة بالموضوعية خاصة ما أورده بشاشا
أتمنى أن يشرح بشاشا حدة هذا الأسلوب الوارد في رده أدناه:

Quote: للاسف الشديد، من قولة تيت لجاتي لي فهلوة المراوغة الماحتوديكي انتي ولا اي عمل جاد اي حتة، لانو المصداقية هي كل شئ. ياعزيزة، كيف لوما ليكي علاقة بالحركة، تكوني شاهدة عيان، بل كمان تستجوبي باسمها، الدكتور؟ هل مؤسس الحركة دي، مش هو زوجك؟ كيف تكوني ماعندك علاقة بحركة سياسية مؤسسها، هو زوجك الفاضل؟ اهو ده بقي البسمو استصغار لي عقول المتلقين، لوكنتي صحفية ولاحركة سودان كبري، اوعلي كده بتكوني غرقتي في شبر موية من جراء التعامل بي تعالي في مكان عام مفتوح، فيهو ناس عارفين بقولو في شنو! علي العموم، نفسي افهم انتي فاهمة الشغلانة دي، شنو، من اولا لي اخرا؟ شغل منجهة او قشر مثلا ولا شنو يالله، عاملة مهمة خالص، ولاستة بي تعريفا! لو بتفهمي في الشغلانة، مثقال ذرة، ماكان فوتي فرصة سؤال لايتكرر كثيرا، عن حركتكم دي، لانو الفرد العادي بطبعو ملول من هادي مواضيع او كلام رسمي او كده. "يدي الحلق، قال للمالوش وضان"! عمرها كلو قضتو اداة في يد صحافة انقاذ، نظام مجرمي الحرب، والان بقدرة قادر، نفتح اونلقاها في صدارة الثورة قالت! دقيقة ياخي!

أتمنى يا بشاشا أن تظهر المصداقية فيما تقول قبل أن تطالب الآخرين بها ...
هذا الأسلوب في النقاش لا يصدر من شخص مثقف ويتمتع بحس وطني مهما كان ...
الإختلاف مع الآخر لا يقود إلى مثل هذا الأسلوب الردئ في المناقشات مهما كان ...
بغض النظر عن أي شئ يمكن أن يقال فأسلوب الهجوم على الآخر دون مبرر أمر مزعج للغاية في تناول موضوعات يرتجى من ورائها معرفة أو معلومة مهما كان ...
ولا أعتقد أن هناك استصغار لعقول المتلقين (جمعتنا معك) على أساس أن سلمى ليس لها علاقة بحركة سياسية مؤسسها زوجها... أيش المشكلة في ذلك ...
أتمنى أن يتناقش الناس في سودانيز على أساس الإحترام والموضوعية وليس على أساس الحدة التي ليس لها مبرر ...

الأستاذ عبد الله إبراهيم الطاهر

شكرا لمرورك
البيان كان منشور في سودانايل

سابحث عنه واورده هنا

تحيايت لك وللصغيرة الجميلة في بروفايلك

Quote: بشاشا تكون سلمى زوجة علان ولا فلان ليس هذا شانك

الشايقي اوسلي،

كالعادة خامي بقج غباينك او حايم.

شوف ياقبلي ياجلابي انت:

ده عمل عام، وعلاقة سلمي بالحركة عضويتا ومؤسس الحركة يندرج تحت هذا البند.

عشان كده من الاول لوعندك مشكلة في الحتة دي يااوسلي ماتزج بي زوجتك في العمل العام.

ده غيرو انو فهمك ده متخلف جدا اوعشائري يتعامل مع المراة كقارورة، والعمل العام كشان اسري علي غرار العلاقات الطائفية، اوشغل علي بالطلاق، ومعايير نظارة القبائل والادارة الاهلية!

لا ياهذا دي 2007 اي الالفية الثالثة!

عايز تتقدم لي عمل عام فيهو موت اورفع سلاح، اومعاك زوجتك في الواجهة تجي المنبر اوتستجوب العضوية، فطبيعي لمان تلف اوتدور نواجهك بي لفك او دورانك توش كده او نقول كيف ماتعرف اذا زوجتك هي المؤسسة للعمل ده.

الغلط شنو هنا؟

مافي زول حيصادر حقنا في السؤال بي حجة انو الحركة دي شان اسري.

العب غيرا، اوبرضو حافرطقا ليك في راسك زي كل مرة!

Quote: كوستا يا مستنير هل يمكن ان ترضي ان يكتب لزوجتك في بوستها ما كتبت؟ يا جماعة ليه الناس بتعمل الما بترضاه يحصل لاخواتها اي زول داسي مرتو واختو وبتو مدور في الاخوات هنا الممكن يكونو اخوات زوجات بنات ناس تانين... دي من ناحية... وذي ما شايفة انه الاخت سلمى بتفتح لدكتور البندر خط عشان يصحح معلومة وحده. دون ان تضطر هي لكتابتها.. ربما لطفا منها... لكن يا سلمى لاجل الحقيقة والحق لو لديك شهادة يجب ان تكتبيها.. زولك دا ما حيجي.. سؤالي لك هل بيان البندر ونفيه صحيح على حسب علمك؟ انت محل تقدير لعدد ضخم من القراء.. اكتبي شهادتك بامانة وستجلي الامر... لك المودة كلها

Quote: كوستا يا مستنير هل يمكن ان ترضي ان يكتب لزوجتك في بوستها ما كتبت؟ يا جماعة ليه الناس بتعمل الما بترضاه يحصل لاخواتها اي زول داسي مرتو واختو وبتو مدور في الاخوات هنا الممكن يكونو اخوات زوجات بنات ناس تانين... دي من ناحية... وذي ما شايفة انه الاخت سلمى بتفتح لدكتور البندر خط عشان يصحح معلومة وحده. دون ان تضطر هي لكتابتها.. ربما لطفا منها... لكن يا سلمى لاجل الحقيقة والحق لو لديك شهادة يجب ان تكتبيها.. زولك دا ما حيجي.. سؤالي لك هل بيان البندر ونفيه صحيح على حسب علمك؟ انت محل تقدير لعدد ضخم من القراء.. اكتبي شهادتك بامانة وستجلي الامر... لك المودة كلها

يا ظلاميه هوي لمن ما تفهمي أنا بقول في شنو أسألي
الكلام الكتبتو أنا قاصد بيه الأمنجي ود جمعة لأنو بصطاد في الماء العكر

لو ما بتعرفي لغة البندر بتتدخلي مالك?



أناداسي مرتي?
كويس ذي ما داسة إنتي راجلك
السدة بالسدة

يا رب ما تجي salma تقطعو ليك

Quote: علاقات الأسـر يجب أن تكون مقدسـة

ابوالريش تحياتي،
قطعا مافي زول سوي يتدخل في العلاقات الاسرية، اونفس الوكت، شخصيا مابقبل بي ذريعة كهذه متي اتصل الامر بالهم العام، بالذات اذا الازواج مشاركين فيهو او نحن استشهدنا بخلفية العلاقة دي كدليل علي فهلوة او لف دوران هذه السيدة.

لاقداسة في السياسة، وينبغي ان يذهب بلارجعة مفاهيمنا المتخلفة عن الموقع والمسؤولية العامة، بالذات التابوهات اوسلسلة المحرمات البتجعل من الناخب خادم، والمرشح هو المخدوم، ممااضعف قدرة الناخب او الفرد علي الرقابة، لتتحول المسالة كلها في شكلها الطائفي الي مجرد اشارة كاساس.

سلمي سالتها عن برنامج الحركة، للغرابة رفضت تجاوب، بحجة انها ماعندها علاقة بالحركة يعني ماعضو وهذه اجابة مضحكة كلها سذاجة واستصغار لي عقل المتلقي، اوعشان مااثبت استنتاجي ده نوهت للقارئ الماعارف، انو البتقول الكلام المضحك ده عن كيف ماعندها صلة بالحركة، هي زوجة مؤسس الحركة.

فوين المساس بي علاقات الاسر هنا ياابي الريش؟ صراحة هذا ارهاب بغض النظر عن نواياك العارفا سليمة، ولاتفسير اخر سوي مفاهيمنا المتخلفة العشائرية القبلية للعمل السياسي في مرحلة الدولة اوفي الالفية الثالثة. فما الغريب او الشاذ كونو المواطن السوداني يعرف الزولة البتستهبل دي اوتدعي عدم معرفة حتي بي برنامج حركة مؤسسا زوجها، ليست باهل للثقة.

ذي ما استجوابا لي دكتور البندر ما احتاج لي ختم عضوية في تنظيم مؤسسو زوجها، من اولي لبرنامج! سؤال اي زول عن برنامج اي تنظيم، هو غاية ذلك التنظيم، مش بيروقراطية العضو منو اوليه!

او بذات وضعيتا الاجتماعية الخلتا تكون شاهد لماحدث بخصوص عضوية دكتور بندر، ممكن سلما تتحصل علي البرنامج اوتنشرو. اي فرد عادي ممكن يعمل كده! ده ماعايز عضوية او بيروقراطية مكاتب، لانجازو! البتكلم كده لايفقه مثقال ذرة من ذرة عن اي عمل جماهيري.

من الجانب الاخر لوزوجتي هي مؤسسة لي تنظيم، اي كلام من جانبي عن كيف لاصلة لي بتنظيم زوجتي، استهبال والسلام. بالذات في مقام زي ده الناس شايفاني بستجوب في العضوية كمان!

ليس هذا مقام روتين الاجراءت الديوانية عن الاختام والتصريحات الرسمية الديوانية. المنبر ده مقام للطرح الفكري اولا وقبل كل شئ وليس بمحكمة، او مؤتمر يتطلب ورق مروس عليهو ختم كوثيقة تثبت تفويض المتحدث.

ship ship

Quote: انا هنا لأوضح ملابسات كنت شاهدة عليها لصلتي بأطرافها ولا تنسى انو الصحفي ما بنسى مهنتو اينما كان

نفترض أنك كنت شاهدة عيان كصحفية، فهل قمتِ بتغطية هذا الحدث، وفي أي صحيفة، لكي نطلع عليه. حدث مثل هذا لا أظن أن يتجاهله صحفي محترف.
كنتِ شاهدة عيان ولا علاقة لكِ بهذا التنظيم، فلماذا تتصدين أنت للطلب من صلاح بندر توضيح ملابسات الحدث؟. هل نفهم أن أعضاء التنظيم طلبوا منك القيام بذلك أم ماذا؟

Quote: ولصلة قرابة أفخر بها وأحترمها تربطني بالاستاذ ابر اهيم راسلني بخصوص اسمه ثم اصدر بيان نفى علاقته بالحركة وبدوره المجلس الإستشاري للحركة أصدر هذا البيان في حينه

الأستاذ إبراهيم بتصل بشخص لا علاقة له بالتنظيم المذكور ويصدر بياناً بعد ذلك يتبرأ فيه من انتمائه له!!!!. هنا برضو اتصل بيك إبراهيم لأنك شاهدة عيان؟!
حكاية عدم علاقتك بالتنظيم دي مسألة مُلغِزة شوية.
كلام صلاح بندر واضح .. وإذا عندك أي معلومات لم يوردها صلاح بندر في بيانه، فما المانع أن تورديها أنتِ هنا؟.

Quote: كلام صلاح بندر واضح .. وإذا عندك أي معلومات لم يوردها صلاح بندر في بيانه، فما المانع أن تورديها أنتِ هنا؟.

شكـرا شنتيــر،

هـذا هـو مربط الفرس. ودا الكلام اللى المفروض الناس تركز عليه وما يميعـوا القضيـة فى متاهـات تانيـة.
البندر قال العندو كما قال جمعـة.. الداير يقولو قالو.. مافى زول عندو حق تانى يطالبو بكلام تانى.. لو فى زول أو الأخت سلمى عندهـا ما يناقض البندر لفتأتى به مباشـرة.. وليس هناك ما يمنعهـا.. بل هـذا واجبهـا..

حذف لتداخل في الردود

الأخوة المتداخلين سلام

عذرا للتأخير

أخي شانتير

Quote: نفترض أنك كنت شاهدة عيان كصحفية، فهل قمتِ بتغطية هذا الحدث، وفي أي صحيفة، لكي نطلع عليه. حدث مثل هذا لا أظن أن يتجاهله صحفي محترف

.

كثيرون من الصحفيين لا يكتبون إلا ربع الحقيقة لأسباب تتعلق بمصادرهم وهم السياسيين فما يعلمه الصحفي
عموما اكثر بكثير مما يكتبه وهذا يقع ضمن شرف المهنةوأخلاقياتها

يا أخي أنا لم أتحدث عن مؤتمر صحفي أو إجتماع لهذه الحركة

بخصوص هذا

Quote: الأستاذ إبراهيم بتصل بشخص لا علاقة له بالتنظيم المذكور

فقد أوردت في بداية حديثي صلة القرابة التي تربطني بالأستاذ إبراهيم علي ابراهيم

لذلك عندا أراد الإستفسار ولانه لا صلة له بقادة الحركة ولصلة إجتماعية تربطني بأحد استفسر مني

هذا كل الأمر

Quote: فلماذا تتصدين أنت للطلب من صلاح بندر توضيح ملابسات الحدث؟

يا أخي اظنك لم تقرأ ما كتبته في أول البوست

فقد قلت أن هذا البوست لإكمال نصف الحقيقة الآخر

وأن أحد الذين يملكونه هو الدكتور بندر

أين اللغز

Quote: نفترض أنك كنت شاهدة عيان كصحفية،

شنتير مشتاقين،

او كيف اصلا، تنظيم رافع السلاح يناقش تفاصيل امر انضمام عضو، في مؤتمر صحفي؟

الزولة دي مستهبلة جدا منفوشة عاملة فيها ولا ملكة بريطانيا زاتا، وهي لاتفقه اي شئ علي الاطلاق عن العمل السياسي!

لاينبغي اطلاقا مناقشة ملابسات انضمام اي عضو علنا او بي زي الاريحية دي، لانو ده بكشف اوراق كتيرة للعين الامنية المدربة!

تحسبو لعب، قال، شليل ترتار اوقيرة، جري او نطيط بطان، فوق الدميرة!

هذه بحق مهزلة يا محجوب!

Quote: لاينبغي اطلاقا مناقشة ملابسات انضمام اي عضو علنا او بي زي الاريحية دي، لانو ده بكشف اوراق كتيرة للعين الامنية المدربة! تحسبو لعب، قال، شليل ترتار اوقيرة، جري او نطيط بطان، فوق الدميرة! هذه بحق مهزلة يا محجوب!

well said Bashasha
the whole narrative stinks
only idiots can volunteer information

دقيقة ياخي!

Ha Ha Ha
Bashash, like usual, you have said it all

Omer Omer

Adil Osman

Omer Abdalla Omer

أكرر شكري

Quote: Quote: فقـط التحلى بالموضوعيـة، خاصـة أن الأخت سلمى شيوعيـة، يا زول !!!!!!!!!!!!!!

الأخ ناذر الخليفـة،

أسـف على الخطأ الغيـر مقصـود.. والمقصـود كان "صحفيـة".. وأنت عارف انا ما قاعـد أدلع الشيوعيين.

صـلحتهـا.

بيش بيش
جاييك

Quote: او كيف اصلا، تنظيم رافع السلاح يناقش تفاصيل امر انضمام عضو، في مؤتمر صحفي؟

كيفنك يا بشاشا
ده إياه الجنن عبد القادر ذااااتو يا بشاشا. نحن دايرين نسوق الشغلانة بالهداوة ونشوف آخرتها شنو. وكلامك الدراش ده 99% منه في الصميم .. بس لأنك زول الناس ما بتتوقع منه إلا الشي الكعب .. طوالي كلامك الناس رفضتو. أنا ما شايف فيه شي غلط في سياق كلام سلمى وحضورها اجتماعات العضوية كشاهدة عيان أو كصحفية (ليه؟)، ونفيها علاقتها بالناس ديل، وفي نفس الوقت جاية تحاكم صلاح البندر، ليه؟ والله ما قدرت أفهم. يعني حتى لو صلاح البندر ده فعلاً انضمّ للجماعة ديل وفجأة أعلن انسحابه، فمن يحق ليه الاستيضاح من صلاح البندر؟ شخص لا علاقة له بالتنظيم؟. دي غلوطية.

Quote: للعين الامنية المدربة!

يا سلاااام يا بشاشا إنت ختيت يدك في الجرح

عارف يا بشاشا إنت ختيت يدك على جرح شايلاهو لي سنة كاملة
قدر ما أقول يبرأ يجي زول زيك كدة يهبشو
زي الجرح البكون وسخان من جوة ويبرا وهو وسخان أقل حاجة بنفتح تاني
بس دي حالتي
موش الزول بيحس بالألم في مكان محدد أنا بحس بالجرح دة في كياني كلو
في أي حتة فيني
وكل ما زول بقول لي إنتي أمنجية أروح منكفية على نفسي وانتظر يومين تلاتة عشان الجرح يبرا تاني
وما ببرا
الليلة قررت بعد ما انت والشباب ديل هبشتوهو أفتحو هنا وانضفو
تعبت ياخاي سنةكاملة أنا شايلاهو جرح هو ولا لعنة
وعشان أنضفو كويس دايرة اتكلم من يوم مشيت الأراضي الحررة
بالتنسيق مع ناس حركة العدل ... مشيت نيالا وغامرت واتلفحت بي توب البوليستر وركبت اللوري ونمت في ا على كيس نايلو وقبل ما الشمس تشرق ركبت اللوري عشان أصل الأراضي المحررة وفيها قعدت قريب إسبوعين ولمن رجعت قايلة نفسي عملن خبطة صحفية تهز الدنيا اتاريني كنت بمشي لي جرحي دة بي رجلي ولمن موادي بدت تنزل واحد زميلي في الجريدة سأل واحد من رجال الأمن البيراقبو الصحف قبل صدورا .. قال ليهو إنتو ليه سلمى التجاني دي ما قاعدين تحذفو من موادا ...الشاب رد ليهو بأنو الزولة دي زولتنا
ومن اليوم داك بقيت زولتم
في زول بيكذب الحكومة ؟
ومن يوما بدت معاي محاولات ابتزاز واستدعاءات واستجوابات
ما خلو لي فيها حاجة مرة انتي عندك مرض شهرة عشان كدة مشيتي مناطق المتمردين
ومرة دخلوك مناطقم من دون الصحفيين ليه
ومرة ما أمينة في نقل الحاجات
وبي هنا بلقى نفس الكلام من ناس دارفور
محمد سليمان بقول لي نفس كلامهم واسئلتم
ولمن اتنشر خبر استدعائ في سودان جيم الدنيا قامت علي
المعارضين يقولو كضابة ما استدعوها
وديلك يقولو لو ما عندك علاقة بالحركات عرفو خبر استدعائك كيف
واستمر معاي المسلسل دة
عقدتو الدرامية كانت لمن قررت قرار اعتبرتو شخصي وحياتي
وقامت الدنيا وما قعدت
الدنيا من كل الأطراف
وفجأة ظهر اسم كنين الدكتور واللي ما في وجود حقيقي ليهو
وكتب مقالين عنونم لأنو كان مألمني حا أكتبو بالخط العريض
سلمى التجاني فيروس حركة تحرير السودان
وأداني رتبة ضابط
من الأول كنت عارف إتكتب وين وبعد مراجعة الآي بي طلع من الخرطوم
ويلا من اليوم داك ثبت إني غواصة
الغواصة الواحدة دي
وأنا لا إيدي لا كراعي مفروض أقبل الكلام دة واتعايش معاهو
ولما تكون في حاجة مهمة عاوزة اكتب عنها أول حاجة بجيني زول زيك كدة بقول لي يا غوووووواصة

بقعد أفكر براي بقول يا ربي الناس بتميز براها إنو في غلط في الحتة دي ولا لا
خاصة إنو الناس البقرو ما أغبيا
يعني ممكن يقولو في جهاز أمن في الدنيا دي كان زكي ولا غبي بعلن عن ناسو وبقول فلان دة معانا وعلان دة ما معانا ؟
وممكن إكونوا فاهمين إنو في حسابات معقدة من أطراف مختلفة بتتم تصفيتا في الظروف الزي دي ؟
وممكن وممكن؟
يلا أجي الليلة ألقي كلامك انت والشابين ديل
أول ما شفت الكلام دة يا بشاشا زي الزول القرصتو عقرب
حسيت إني وجها لي وجه مع جرح أنا زايغة منو لي سنة
ولمن جا عيد زواجي السنة الفاتت كنت دايرة أكتب الكلام دة وأقول إني سنة كاملة شايلة الجرح دة وما قادرة أعيش بيهو أكتر من كدة
لكن جبنت
النفس البشرية مرات جبانة
الليلة لمن كتبت لي كلام دة قلت يا بت إنتي حا تعيشي كم سنة يعني
حا تقضي باقي عمرك كلو تتزاوغي من جرحك
أها وكتبت كلامي دة
وحاسة إني مرتاااحة هسة
كأني نزلت صخرة من ضهري
يا خي دي ما صخرة دة جبل عدييل كدة
أشكرك جدا جدا بشاشا
وضعتني وجها لوجه أمام جرحي
وها أنا زي أضمده بنفسي
ومن الليلة دي لو الدنيا كلها قالت لي إنتي غواصة ولا شغالة في الأمن
ولا يمنهي
لأني قلت العندي كلو
وارتحت
ياسلاااااااااام
حا أمشي أنوم وأنا مرتاحة

شكرا بشاشا
شكرا عمر عبد الله عمر
شكرا عادل عثمان
ومن الليلة أخدو راحتكم البقول لي غواصة وبتاعة أمن
بقول ليهو فتش نفسك الببادر بي الإتهامات بيكون عندو حاجة داسيها
يلا تصبحوا على خير

Quote: يعني حتى لو صلاح البندر ده فعلاً انضمّ للجماعة ديل وفجأة أعلن انسحابه، فمن يحق ليه الاستيضاح من صلاح البندر؟

شيخ العرب،

طبعا العرب هنا بي معني الخلا، معني المفردة القاموسي ياشنتير!

اها نزيدك من شعرنا الدراش، بيتين:

الزولة دي فاهمة المسالة غلط ضمة ضمة!

يعني هي ولا الحركة، اخدو كلام الدكتور بي صورة شخصية، وهذا مضحك حقيقة!

كيف هي تعزم ناس فلانة للحنة اومايجو، يبقي ناس فلانة دي، عندهم راي فينا، علي كده لازم النشوف اخرتا!

علي كده سلمي تقوم او تمشي لي فلانة او تدورا معاها!

الاغرب من ده كلو، الزولة عاملة تفتيحة درجة اولي!

حولا!

Quote: المرأة السودانية ومنذ أن عرفت التعليم والجامعات أصبحت الخيارات في حياتها أكثر من مثيلاتها في دول العالم الثالث وصارت هي من تحدد خياراتها بنفسها فخرجت للعمل العام واستوزرت واقتحمت كل المجالات عن جدراة وبتفوق ..

سلمي التجاني سلام،

لوكده فهمتي كلامي غلط تماما، بالذات انا بردد دايما، كيف لن ينصلح حال السودان الا اذا تولت امره امراة وهذه حقيقة قناعتي الراسخة، وهي في جزء منها غيبية، متصلة بعودة "اوزريس" واللتي سوف تتم اولا وكخطوة اولي تنجزا "ايزيس" اللتي ستقوم بتجميع اشلائيه، وهكذا.

وهذا جزء اساساي من اركان عقيدة التوحيد المروية الاسلام الحق، بالنسبة لي، وهذا ليس للنقاش، وفقط ذكرته، لاوضح ليكي انا جايي من وين، اوكيف ايماني بالمراة السودانية لايحده حدود، وهذه المراة وحتي 700 سنة مضت كانت هي اساس الدولة السودانية ولاكثر من 5000 سنة وليس الرجل.

الاساس في ثقافتنا هي المراة تاريخيا وليس الرجل.

الرجل ظهر لاحقا، والاتنين وصلو لي معادلة دقيقة قل ان تتكرر في تاريخ الثقافات.

المقصود بي كلامي انو دي الطريقة الوحيدة، بيها سلمي ممكن "نظريا" تكون ماعندها صلة بي حركة تحرير السودان الكبري.

كتب داعية بعث حضارة الختان الفرعوني
ومروج الأساطير التوراتية أمير المزابل كلعام طلاشا:

Quote: قطعا مافي زول سوي يتدخل في العلاقات الاسرية،

وعشان يؤكد فعلا للناس إنو زول (ماسوي ) كان كاتب:

Quote: الموضوع في فهلوة الجلابية دي، عامل مهمة خالص! ماعندك دخل بي حركة زوجك، اقعدي بعيد، ست بيت مثلا.

Quote: توش كده او نقول كيف ماتعرف اذا زوجتك هي المؤسسة للعمل ده. بالذات اذا الازواج مشاركين فيهو او نحن استشهدنا بخلفية العلاقة دي كدليل علي فهلوة او لف دوران هذه السيدة. كيف ماعندها صلة بالحركة، هي زوجة مؤسس الحركة. هذه بحق مهزلة يا محجوب!

العزيزة سلمي التيجاني،

اولا هون عليكي.

شخصيا مامشيت لحدي ده كلو، او ابدا ماتشتغلي بي كلام الغير في الحاجات الذي دي، وهذا ديدني من فتحت، لااحفل اطلاقا بي كلام الناس.

من الجانب الاخر جميل جدا انك فتحتي الموضوع ده، وانا لااعرف عنو اي شئ، او فتحو صحي جدا، اوياريت لوكتي بدرتي بيهو.

بالنسبة لي راي في الصحافة الحالية، فده راي عام رددتو كتير جدا جدا هنا، فما تاخديهو بي صورة شخصية.

مافي صحافة محترفة في السودان ولايمكن زي ماقتا.

علي العموم، الجزء الخاص من حياتك يظل خاص او مقدس، والجزء العام بتاع غواصة اوغيرو، مهم جدا فعلا تفتحيهو او تناقنشيهو او مجرد استعدادك لفتح الموضوع في حدي زاتو يعني الكثير جدا.

اهنيكي علي الخطوة دي، واعتذر مقدما لو كلامي مساكي بي اي صورة من الصور، وهذا الخيط مهم لانو فيهو دروس، تقبلي الكلام الفيهو كراي اخر، مفيد جدا.

مودتي.

واهم من يظن الأشياء هي الأشياء
بشاشا لا يهمهم محجوب حسين ولا يهمه البندر
بشاشا يصفي حسابات قديمة لصالح تراجيه
للإرشيف ذاكرة
____
بشاشا أخر مواعيد ذهابك،
ولا أقول ليك!
أمشي يازول تصحبك السلامة،
(البهيم) معانا
بنعرف نجيبك كيف

الزميلة سلمى

اعتقد ان البوست (انحرف ) عن المسار الذى نود ان يمضى فيه

يا زميلة - وانا اكن لك تقديرا وافيا وللاخ محجوب حين يكون منزوع من الغل السياسى كثير من الاحترام - وبعيدا عن ايما ايماءات وظنون فانا شخصيا حين تساءلت عن حقيقة انضمام البندر للحركة لم اكن اعترض على الامر لكن كنت ادقق فى دروب ومسارات الحيرة لجهة ان شخص فى حجم هذا الرجل (الخطير ) والممسك باعنة علوم معرفية كبيرة ليس شخصا عاديا ليمر خبر انضمامه للكبرى هكذا كعلامة ترقيم فى وسط مقال مسطور ولا اشك فى ان انضمامه كان سيحدث حديثا كثيرا ايجابيا بالطبع لصالح الحركة لهذا تعجبت حين شعرت ان انضمامه (حدث همسا ) عبر بيان يتحدث فى اوله عن هيكلة الحركة ثم فى وسطه واخره يطلق التهديدات وبلغة فظة لا تشبه قناعات البندر نفسه وربما قناعات كثيريين ممن ورد اسمهم فى البيان
واطلقت اسئلتى ورد الرجل - قبلها وبعدها - ببيان مهذب صيغ بعناية وحفظ للحركة ماء وجهها فى تقديرى لكنه شدد على انه (لم ينضم ) وبالتالى فان بيان الحركة برمته يصير محل شك وسخرية الا اذا كان الرجل يكذب - وهذه كبيرة طبعا - ويتملص لسبب او اخر عن التزام قطعه لمحجوب حسين .
الجزء الاخير من حديثى (ان الرجل بدل وغير موقفه ) يستند على الثقة العالية التى تطلقين بها تلميحات بان البندر انضم وان انضمامه صحيح غير مقدوح فيه
اذن نحن الان امام قصتين (نفى البندر ) و(شهادتك الغائبة حتى الان ) واشير اليك بان المسالة حتى الان تحسب لصالح البندر .. ليه ؟؟؟ لان الرجل قال بلغة واضحة وببيان صريح دعمه بهاتفه انه لم ينضم و(لن ينضم ) بينما لزمت الحركة الكبرى الصمت لان حديثك كما تقولين حتى الان منطلقاته مهنية ولكونك شاهدة على حدث وربما حديث لم يشهده سواك واهل الحركة والدكتور البندر
اذن اما ان تقولى ما لديك واما ان تلزمى الصمت ايضا ولتاكل الحركة نار كذبها وانتحالها لاسماء الناس ..
ودام الود

سلمي يا حبيبة..
هوني عليك يا اخية..

كوني سعيدة في حياتك مع من اخترتيه زوجا..ولا يهمك ما يرجفه المرجفون
والحساد والحاسدات..
ربنا يسعدك كمان وكمان..

بعدين كلام غواصة وامنجية دا كلو كلام استهلاكي من ناس دمها فاير وروحها محرقاها لا غير..
اسع اها دا بشاشة ليه يومين بيقولي ا"نغاذية"
بيعرفني وين؟

بس كلام حراق روح لارضاء الشلة وحروب الوكالات التي صارت ديدنه..

اي زول عارف انك ما غواصة وانه ما ممكن الزول يبقى غواصة ويتزوج..

عايزة تغيظي الناس ديل كوني سعيدة..

تحياتي لك ولزوجك..

Quote: واهم من يظن الأشياء هي الأشياء بشاشا لا يهمهم محجوب حسين ولا يهمه البندر بشاشا يصفي حسابات قديمة لصالح تراجيه للإرشيف ذاكرة

جبتها من الاخر يا طيفور

بشاشا مرتاح للدور الدلوكى
لا تقطع استمتاعه

دكتور بيان سعيدة بمرورك وبمعرفتك

دمتي

Quote: الزميلة سلمى اعتقد ان البوست (انحرف ) عن المسار الذى نود ان يمضى فيه يا زميلة - وانا اكن لك تقديرا وافيا وللاخ محجوب حين يكون منزوع من الغل السياسى كثير من الاحترام - وبعيدا عن ايما ايماءات وظنون فانا شخصيا حين تساءلت عن حقيقة انضمام البندر للحركة لم اكن اعترض على الامر لكن كنت ادقق فى دروب ومسارات الحيرة لجهة ان شخص فى حجم هذا الرجل (الخطير ) والممسك باعنة علوم معرفية كبيرة ليس شخصا عاديا ليمر خبر انضمامه للكبرى هكذا كعلامة ترقيم فى وسط مقال مسطور ولا اشك فى ان انضمامه كان سيحدث حديثا كثيرا ايجابيا بالطبع لصالح الحركة لهذا تعجبت حين شعرت ان انضمامه (حدث همسا ) عبر بيان يتحدث فى اوله عن هيكلة الحركة ثم فى وسطه واخره يطلق التهديدات وبلغة فظة لا تشبه قناعات البندر نفسه وربما قناعات كثيريين ممن ورد اسمهم فى البيان واطلقت اسئلتى ورد الرجل - قبلها وبعدها - ببيان مهذب صيغ بعناية وحفظ للحركة ماء وجهها فى تقديرى لكنه شدد على انه (لم ينضم ) وبالتالى فان بيان الحركة برمته يصير محل شك وسخرية الا اذا كان الرجل يكذب - وهذه كبيرة طبعا - ويتملص لسبب او اخر عن التزام قطعه لمحجوب حسين . الجزء الاخير من حديثى (ان الرجل بدل وغير موقفه ) يستند على الثقة العالية التى تطلقين بها تلميحات بان البندر انضم وان انضمامه صحيح غير مقدوح فيه اذن نحن الان امام قصتين (نفى البندر ) و(شهادتك الغائبة حتى الان ) واشير اليك بان المسالة حتى الان تحسب لصالح البندر .. ليه ؟؟؟ لان الرجل قال بلغة واضحة وببيان صريح دعمه بهاتفه انه لم ينضم و(لن ينضم ) بينما لزمت الحركة الكبرى الصمت لان حديثك كما تقولين حتى الان منطلقاته مهنية ولكونك شاهدة على حدث وربما حديث لم يشهده سواك واهل الحركة والدكتور البندر اذن اما ان تقولى ما لديك واما ان تلزمى الصمت ايضا ولتاكل الحركة نار كذبها وانتحالها لاسماء الناس .. ودام الود

الأستاذ محمد حامد جمعة

كيفك يا أخي

أولا أشكرك على التوقف عن الكتاب

في البوستين الكتبتهم عن الموضوع

وفعلا الموضوع بيستحق كدة

أرجوك أن تتابع

تحياتي

محمد إي سليمان

ياسر طيفور

شكرا على مروركما

علينا التركيز في موضوع البوست وهو:

Quote: علاقة الدكتور صلاح بندر بحركة تحرير السودان الكبرى

إني أري مُعظم المداخلات Off point

يجب التركيّز في مثل:

Quote: هل يمكن أن يتم الأعلان عن اسم شخص بشهرة الدكتور صلاح في مستشارية الحركة دون علمه ؟ أو لنقل دون رغبته؟

Quote: Quote: اها الحصل شنو! سمح الكلام في خشم سيدو كما يقال الدكتور بندر عضو في المنتدى وأتمنى شاكرة أن يوضح ما حدث

الأخت سلمى،
أولا لا يهمنى تكونى غواصـة، دبابـة، بى ففتى تو.. دا ما موضوعنـا وبشـاشــا لو كان صاحى ما كان جـر الموضـوع فى الإتجاه المغايــر دا.. دا إنحراف بالموضـوع.

البندر قال الكلام من خشــم سيـدو، وقال دى كل الحقيقـة.. سيادتك قلتى لينـا لا.. دى نص الحقيقـة.. إذا عليك وواجبك انتى تجيب لينـا نص الرغيفـة التانى.. واللا موو كدى؟

أخي ابو الريش

Quote: البندر قال الكلام من خشــم سيـدو، وقال دى كل الحقيقـة.. سيادتك قلتى لينـا لا.. دى نص الحقيقـة.. إذا عليك وواجبك انتى تجيب لينـا نص الرغيفـة التانى.. واللا موو كدى؟

عارف في مبادئ الصحافة قيمة اسمها الموضوعية

وهي الحياد يعني عدم الإنحياز لأي طرف

ولو استدعينا القيمة دي في الموقف دة تحديدا

بتلقى إني حتى هذه اللحظة أقف في المنتصف بين الطرفين

يعني أتحت الفرصة للطرفين حتى يعلنوا النص التاني

وما في زول قال حاجة

وخلينا نديهم مزيد من الوقت

وأهو نحن قاعدين

وفي قعدتنا دي حا أحكي ليك موقف مر بي سنة

2002 تقريبا مع شيخ العرب الرحوم عمر نور الدائم

في أثناء حوار بمكتبو في دار حزب الأمة وأثناء

الكلام اتكلمنا عن حادثة التعدي عليهو

حكى القصة من أولا لي آخرها وبعد ما انتهينا

قال لي الكلام عن الموضوع دة وجيش الأمة ما للنشر

وكنت بكتب على ورق ما قاعدة أسجل

مسحني ( بتشديد السين ) ليهو قدامو

أها مت بي الكلام لي يوم الليلة

والنماذج كتيرة

وأهو الأستاذ عثمان فضل الله و الأستاذة صباح أحمد زملاء مهنة وممكن

يساهموا بكتاباتهم

وقس على ذلك

أخي المحترم محمد آدم

Quote: يجب التركيّز في مثل: Quote: هل يمكن أن يتم الأعلان عن اسم شخص بشهرة الدكتور صلاح في مستشارية الحركة دون علمه ؟ أو لنقل دون رغبته؟

شكرا

رواد هذا الخيط، العزيزة سلمي فهمت الحاصل بي طريقتا.

هام وعاجل:

الي كل العاملين بالسياسة في المعارضة الشمالية، وقوي السودان الجديد:

تاكدو تماما عميل امن نظام مجرمي الحرب موجود في المنبر ده للقيام بعمله.

هذا الفضاء بطبعو يوفر كم هائل من خام المعلومة لجهاز الامن وهذه للاسف حقيقة لاسبيل اطلاقا تفاديها.

بامكان المعارضة وحلفائها من قوي ثورة السودان الجديد ايضا بدورم الاستفادة بطريقتهم الخاصة بمتابعة سلوك امثال محمد حامد والعديدين من العملاء المندسين بالمنبر.

حتي الان كل القوي السياسية تتعامل مع هذا الكادر الامني بكثير من حسن النية، باعتباره عضو عادي، والرجل فعلا نجح في تقديم نفسو علي هذه الشاكلة، بفضل تلميع كوادر الجبهة الاسلامية والاسلام السياسي، له عن قصد.

لانطالب بفصل كادر الامن جمعة والشريعة عليها بالظاهر، مستلفين لغة مستلبة الاعراب، وبذلك ندافع مرة اخري عن حقو في التعبير والعضوية كمان، لاننا قادرين علي بذر بذرتنا فيه، كمؤمنين بقيمة حرية التعبير.

شكرا للاستماع.

Quote: لا نطالب بفصل كادر الامن جمعة

لا أحسن تطالب بفصلو .. دي سودانيز اون لاين يا سيد .. مش سودانيات!!

Quote: هام وعاجل: الي كل العاملين بالسياسة في المعارضة الشمالية، وقوي السودان الجديد: تاكدو تماما عميل امن نظام مجرمي الحرب موجود في المنبر ده للقيام بعمله. هذا الفضاء بطبعو يوفر كم هائل من خام المعلومة لجهاز الامن وهذه للاسف حقيقة لاسبيل اطلاقا تفاديها. بامكان المعارضة وحلفائها من قوي ثورة السودان الجديد ايضا بدورم الاستفادة بطريقتهم الخاصة بمتابعة سلوك امثال محمد حامد والعديدين من العملاء المندسين بالمنبر.

بشاشا :

شوف يا زميل الحكاية بتاعة عميل وامنجى دى بقت ما جايبة حقها ، يا حبيب انا عضو فى المنبر دا لى عقل واميز غض النظر عن انتمائى ووظيفتى .. كويس ..
يوم من الايام لقيت حركة تحرير قدر الضربة مطلعة بيان فيهو اسم زول علم ومعروف فانا تساءلت ببراءة انتو يا جماعة دا فلان !! قام فلان الفلانى دا قال (دت ) الجماعة ديل لا بعرفهم لانى مستشار معاهم ، اها وزى ما كلنا شايفين الكلام ما عجب الزميلة سلمى قامت قالت (كو ) الزول دا نفى حاجة واقعة وحقيقية يعنى النفى بتاعو شنو .. مضروب ..
ودى كل القصة يا زميل ، اها انا ذنبى شنو فى ناس قدمت رواية كلها ثقوب قدر الليلة وبكره ، البندر زول كبير وفاهم ورمز وما بيصح منو الا الصحيح ومحجوب حسين قال عندو قضية والكضب منكور منو فى الحتة دى والشايفو دا فى واحد فيهم كضاااااااااب
يا بشاشا القصة ما مخطط امنى ولا وهمة جيش الحكاية كلها انكم براكم بتجيبو القوون فى نفسكم وتقعدو تزعلو من الجمهور ... نحنا ..

Quote: شوف يا زميل الحكاية بتاعة عميل وامنجى دى بقت ما جايبة حقها ، يا حبيب انا عضو فى المنبر دا لى عقل واميز غض النظر عن انتمائى ووظيفتى .. كويس ..

محمد جمعة،

كلامك اعلاه بي بساطة يثبت كل حرف قتو في حقك.

كان اخير تمرر الجزئية دي، او تواصل رمي الشباك او "مدودرة" القماري!

للماعارفين، في الشمال، لمان كنا اطفال، او نشرك للقمري، سبحان الله كنا بنعمل ذي ماتقول اشياء محددة عشان مانسوق القمرية للشرك، وهذه الطقوس في توجيه الدباس للشرك، كانت فعالة لدرجة!

وهي في شكل تحريك للكفين، مضمومين مع بعض، بطئ، للاعلي والاسفل.

اوفي العادة الكفين بكونو بالضبط في محازاة الانف، مع ترديد عبارات محددة نسيتا الان!

للغرابة القمراية كانت بتغير اتجاه سيرا، باتجاه الشرك، او كب الشرك يقبض، لمان تنقر الحبة البارزة علي سطح الارض!

Quote: كل المتداخلين الكرام شكرا لحرصكم على معرفة الحقيقة دكتور بيان وكوستاوي المديدة حرقتني يا حبيبة مستر كوستا برحب بمحمد جمعة لكن ولا يهمك واصلي معاهو عادي

شكرا العزيزة سلمى

أها الظلامية دي حا تودي وشها وين?
أقصد مفراكتا وين?

تصدقي الدكتورا دي يا سلمى معرفة 8 سنين
يا ربي تكون شبهتني على زول تاني? ولا شنو يا ربي?

Quote: ما في واحد شيوعي في المنبر دا يرد علي كلام بشاشا يا أخوانا ؟!!!

____________
تخريمة مهمة جدا:
سلمي ازيك واخبارك شنو؟
كلاااااااااام كتير محتاجة اقولو ليك..
تحياتي لمحجوب

الأستاذة صبوحة كيفنك وأخبارك

Quote: كلاااااااااام كتير محتاجة اقولو ليك..

عارفة يا حبيبة عندك كلام كتير في موضوعي البوست

الموضوع الرئيسي والجانبي حا اتصل بيك

كوني بخير

ومحجوب يقريك التحايا

كوستاوي

Quote: تصدقي الدكتورا دي يا سلمى معرفة 8 سنين

بالله بس ؟

يا باشمهندس الدكتورة الضلامية دي بتعزك جدا





وأنا برضو لكن طفشتني من البوست بتاع العيد

أها يا جماعة من الأول

موضوع البوست ده شنو? و مالو محمد جمعة حامد?

كوستاوي جهرتنا ياخي

أولا بالتبادي

صلاح البندر ده كان إسمه صلاح بندر
الألف و اللام دي جابا من وين

أها يا العاملين فيها مقددنها ديل

"ال" دي جات من وين

سلمى عملتي لينا وجع وش

و بعدها سوف نتحدث عن بيان بندر

Quote: سلمى عملتي لينا وجع وش

الله يسلمك

الحضور الان بالمنتدى العام لسودانيز أون لاين دوت كوم 454 شخص » (38 )عضو و (416) زائرا

»Abdelmuhsin Said
»Adrob wad Elkhatib
»Ahmed Abdallah
»altahir_2
»Deng
»Dr Salah Al Bander»HAYDER GASIM
»Imad Khalifa
»Kostawi
»Mahjob Abdalla
»Mohamed Ahmaed Olyesh
»oudenoord
»saadeldin abdelrahman
»saif addawla
»salma altijani
»shaheed gadora
»Shams eldin Alsanosi
»Walid Safwat
»Yassir Tayfour
»ابراهيم على ابراهيم المحامى
»الطيب بشير
»الملك
»بشرى محمد حامد الفكي
»بكرى ابوبكر
»تاج السر حسن
»حنين للبلد
»حيدر حسن ميرغني
»د.خالد اصيل احمد محمد
»د.معز عجيمي
»عبدالقادر محمد عبدالقادر
»عزاز شامي
»عزان سعيد
»فيصل نوبي
»ماجدة عوض خوجلى
»محمد عثمان محمد طه
»محمد على النقرو
»محى الدين ابكر سليمان
»نصار

Dr Salah Al Bander

علاقة الدكتور صلاح بندر بحركة تحرير السودان الكبرى



و عليه
الصحفية الأستاذة سلمى
لازم تحل لغز ال"ال"
Al
or
no
Al

عشان نمشي للخطوة البعد دي

بيان بندر
أو "ال" بندر

Kostawi

الأخت سلمي التِجانِي
لك التحيّه والإحترام.

أختي سلمي أرجوكِ ، ثُمَ أرجوكِ
أن لا تأتي لهذا البوست مرّه أخري
لقد نبهتك قبل كدا بسحب هذا البوست
ولم تُلبِي نِدائي..


البوست فقد معناه

و دا رجاء خاص مني
أترجاكِي فِيّهو..

أن لا تُخيبي ظني..



مودّتِي.

Quote: أها الظلامية دي حا تودي وشها وين? أقصد مفراكتا وين? تصدقي الدكتورا دي يا سلمى معرفة 8 سنين يا ربي تكون شبهتني على زول تاني? ولا شنو يا ربي?

الكرمبا مستر كوستا

أنعم من صداقة ومعزة تربت لاعوام وضربت مثل الاختلاف لا يفسد للود قضية..

سلمى دي مواليد سبعينات ما بتكون فهمت كلامك الفوق الانا ما عجبني..
لكن نحنا ناس البقوجي وفرح ديبة بالحيل بنعرفو السن تضاحك نديدها ولا كيف؟

لك يا حطب النار كل مودة..

اما بتنا سلمي
موضوعك دا ما ماشي لقدام احسن تاني ما تجي هنا..
ستكون دائما في شكوك ولا تحسم الا بحديث الطرفين..
وانت ممكن توصلي الحمار الغدير لكن ما ممكن تجبريه يشرب..

يلا تاني ما نشوفك هنا..
محبتي ليك
ونحذرك من الكرمبا دا.. اي كلام متاحف ما تفهميه
خالتك قاعدة...

المفراكة إشتغلت
أكان دي أو دي

ليه ما إعترفتي بالخطأ العظيم
أولا
ya
Doc

Fi rasna ghanbour
قبل السيرة بتاعتك دي

أها أنا مواصل في البليع كا العادة

لو إنفقعت شوفي البخارجك

سلمى سبعينات يعني أبعدي
من سلمى ستينات
right?

إقتراح
سماع غنية باب السنط
موجودة
some where here

Quote: سلمى دي مواليد سبعينات ما بتكون فهمت كلامك الفوق الانا ما عجبني..

هو ما كلام
هو تلات كلمات

دردقني في النجيلة

سؤال:
ما معنى دردقني في النجيلة?
الفهمتيها أنت!!!

أتبرا تتحدث


من عمري خمس سنوات أستعمل هذه العبارة
و تعني "عندكم" يا ناس الأقاليم
"المديدة حرقتني"

لأنو ناس أتبرا ما إتصالحوا مع واقع إنو في نجيلة ممكن يسموها نجيلة

عشان كدي النجيلة عملت ليهم عقدة مستدامة


وبعدين يا دكتورة لو كلامي الفوق ده كلو غلط عرفتي من وين المقصود سلمى?


حتى لو سلمى بت التسعينات

still
she came and told you what I meant
سلمى قالت ليك المعنى الصاح

أها ح تودي وشك وين

______________________________________
في ضلام بنور
و في ضلام مضلم طبيعي

معليش يا جماعة
إستنارة ظلام
____________________________

الموضوع هو:

الكبرى قالت
و بندر قال



الصاح منو?

في شاهد ملك بيناتنا

أسمه

سلمى التجاني

الكورة الأن في سايد بندر

regards

يا كوستا

انا عارفة انك ما قلتها لسلمى

انا اعترضت فقط في استخدام كلام بذئ في بوست اخت.
فهمتا ولا اطلع سير المحفضة..
انت عارف العبارة دي معناها شنو
هي عبارةسجستف" وبذيئة..
وكان البقولها بياخد 6 شهور سجن..
ذي كلمة تي تي...... او اي كلمة معاكسة
ثم سميت بعد ذلك على تسريحة...
وهي عبارة عن بقجي كلو على بعضو..
مدور مدور..
يوم يا كوستا تعال نفتح بوست ادب شفاهي شعبي
ونقوللا حياء في العلم
لغاية اليومداك
يكون جلب عبارات مثل هذه حاجة ما جميلة..
انا عارفة قصدك شريف(وش عارف انه بيكضب)

Quote: هي عبارةسجستف" وبذيئة.. وكان البقولها بياخد 6 شهور سجن.. ذي كلمة تي تي...... او اي كلمة معاكسة

عليك الله يا خالة ده كلام ما بدينك?

و بعدين إنتي من زمن تي تي? الونستني بيها حبوبتي?

طيب يا شاطرة كمال ترباس ليه ما كلبشوه 6 شهور

حني حني علي أنا يا تي تي


لأنك زولة موجودة في هذا الكون قبل الفتح المبين لأم دبيكرات و فيضان خور أبو عنجة, عبارة دردقني في النجيلة تطورت لمعاني أخر
و حاليا تعني المديدة حرقتني
و تقوم المديدة تتدردق

عالم من سنت دو!!!

Quote: البوست فقد معناه و دا رجاء خاص مني أترجاكِي فِيّهو.. أن لا تُخيبي ظني..

up

سلمى سلامات ..

Quote: أختي سلمي أرجوكِ ، ثُمَ أرجوكِ أن لا تأتي لهذا البوست مرّه أخري لقد نبهتك قبل كدا بسحب هذا البوست ولم تُلبِي نِدائي.. البوست فقد معناه

أأيد بشدة وشبط كلام محمد ادم ..
أرجو إنك ترسلي لي بكري لسحب البوست ..
البوست فقد معناه وضل طريقه إلى طرق وعرة بعيدا عن الغرض الذي إبتدأ به ..


تخياتي ..

شنو يا جماعة اسحبو البوست

تانى براكم خشيتو (السيك )

يا عالم زول بيطلع بيان بيقول فيهو انو اسمو انتحل من جانب حركة تحرير السودان ، والحركة لزمت الصمت - سلمى صحفية وليست عضوة فى الحركة - وفجاءة اتت الزميلة سلمى بشهادة لم تفصح عن فحواها تقدح وتغمز فى جانب صلاح البندر

عليه

اما ان صلاح بندر - بان الف ولام - كاذب او ان محجوب حسين كاذب او ان سلمى تجتهد لتكذيب احدهما .

عليه (ودردقنى فى النجيلة ) هناك مطلوب اثباته

يا محمد حامد ..

القصة لا سيك لا بطيخ ..

الحوار فلت ودي الصفحة التانية من البوست وما في أي نتيجة غير محاولات من البعض للنيل من سلمى التجاني والطعن في شخصيتا والتقليل من شأنها ..

دا كل الموضوع ..

علا إنت قول لينا :

الغرض شنو من مداخلاتك مع سلمى طالما إنو صلاح البندر نفى علاقتو بالحركة ببيان رسمي ؟!

شنكل :

ما تحكها إنت كمان شديد وخلي الأمور تمشي eezee !!

Quote: eezee

مافى مشكلة فى (الايزى ) دى وانا معاك فيها ولاحظ انو انا بتفق معاك فى رفضى لمسلك شخصنة موقف سلمى والايحاءات الصعبة والخشنة لكن فى النهاية لا يصح شنو الا الصحيح الزميلة سلمى التيجانى غمزت فى صحة او لنقل دقة صلاح بندر ولم تقدم شيئا سوى همهمات منها والرجل كان واضحا وقال كلمته جهرا
يبقى سلمى غلطانة من (قولة تيت ) وعليها اما الاعتذار للبندر او كشف ما لديها عشان القصة ما تكون طق حنك ساى وانك تقول اى حاجة وتطنش
انا غلطان فى كدا ... لو غلطان اقنعنى بطالب معاك بسحب البوست

Quote: اؤكد لكل من يهمه الأمر ان لا صلة ولا علاقة لي من قريب أو بعيد بصورة مباشرة أو غير مباشرة بما نشرته حركة تحرير السودان الكبرى من إنتمائي إليها في صفة "مستشار للشؤون السياسية".

التوقيع \ صلاح بندر

Quote: نسأل : هل يمكن أن يتم الأعلان عن اسم شخص بشهرة الدكتور صلاح في مستشارية الحركة دون علمه ؟ أو لنقل دون رغبته؟

التوقيع \ سلمى التيجانى

أخي محمد حامد جمعة

لك تحيتي وتقديري

أشكر لك تداخلك في البوست عدة مرات لحرصك على معرفة الحقيقة

ويا سيدي تجدني لم ادن أحد هنا

ولم أقل كل ما لدي

وأعلم أنك أفضل من يقرأ ما بين السطور

ويا أخي مستعدة للإعتذار إذا ثبت ما تقول

واستجابة لرغبة أخوة أعزاء أتوقف عن الكتابة في هذا البوست

إلا إذا جد جديد

شكرا للجميع

Quote: واستجابة لرغبة أخوة أعزاء أتوقف عن الكتابة في هذا البوست إلا إذا جد جديد شكرا للجميع

الأستاذه سلمي التجاني شُكراَ لهذه الإستجابه الطيّبه.
لكِ وللأخ د. صلاح البنّدر كلّ الإحترامّ.








عاطر
مودّتنا.

العزيزة سلمى

تحياتى ولك وافر التقدير والاحترام


احترم جدا قرارك والتزم من جانبى بالتوقف فى هذه المسالة هنا

وربنا يديم المعروف ولك ولمحجوب وللبندر خالص التقدير

شكرا الأخت سلمى

البوست مغلق
و مفتوح
Only
للأخ صلاح بندر