ما اعتيادي

ماللك ما اعتيادي
بقيت تزعل تعادي
كتير بتشوفنا انت
تمر بي غادي غادي

نعاين ليك ماشي
نقول بتجينا غاشي
بتابي كمان تسلم
برضنا ليك نماشي
لانك انت عارف
أمرك فينا ماشي
خليك اعتيادي

زي الطيف تعدي
وفي عينيك تحدي
فايت بي طريقنا
أبدا ما بتهدي
عايزين نحن نعرف
قبل الريد يعدي
مالك ما اعتيادي

الفي بالك انت
أشرحو حته حته
وقصدك قولو لينا
لو تجرحنا حتي
وزي ما كنت أول
أرجع تاني انت
خليك اعتيادي

يا سيد المشاعر
هل بحالنا شاعر
وكيفن تبقي ناكر
للعشرة الجميلة
ولشوقنا المسافر
كلو أملنا انك
ترجع لينا باكر
وتكون اعتيادي

رهيبة والله يا معاوية ..

الله يقطع سنين الزول السرق مني الشريط دا ..

الشريط دا فيهو أجمل أغاني العطبراوي زي النونو مالو و بين بنات الحور كانت الحفلة و جنة العشاق و واحدة تانية باللغة الفصحى ما مذكرا شنو ..

شنكل :

بس يا ريت لو كان العطبراوي وافق إنو يدي العود لي زول تاني يعزف ليهو لأنو ريشتو مجلية مرة واحدة وطبعا دا يرجع لي عامل السن ما أكتر وما أقل ..

بكل تأكيد كانت حا تكون النتيجة مختلفة تماما ..

ولدنا الصحافاوي المبين ... معاوية

صباح الخير ... والياسمين


أطربني إختيارك ... غنا حلو وحنين



كتر بالله من تطاريب العظام


فأشواقنا لا تفتر


مع مودتي

لا حول ولا قوة إلا بالله ...


العطبراوي مات قبل شوية يا معاوية !!!!!!!

حيدر و ناذر
البركة فينا و فيكم
لقد تأخر هذا البوست كثيرا
أنا في غاية الألم والحسرة
ربنا يصبرنا
ويديهو الرحمة والمغفرة
انا لله وانا اليه راجعون

له الرحمة ... ولنا حسن السيرة


لا حول ولا قوة إلا به العلي العظيم



البركة فيكم معاوية , ناذر وكل محبي

فن وإبداع العطبراوي ... دنيا ... مسيخة

... إلا من طعم حدوق ... كراحلنا ... وربما

لا يتكرر .

انا لله وانا اليه راجعون

ربنا يغفر ليو ويرحمو ...

شعور غريب جدا إنو الزول يبدأ بوست عن شخصية حية وعايشة بيناتنا وبعد كم مداخلة تسبق إسمو بي عبارة (المرحوم) ..

حال الدنيا يا ناذر
الله يدينا الصبر