Post: #1
Title: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 12:49 PM
Parent: #0
في خبر عااجل من مصادرنا في الخرطوم أن أول قرارات وزير الصحة بولاية الخرطوم أنه كون بصورة عاجلة لجنة لمراجعة الأداء ورصد المخالفات في مستشفى الزيتونة، وللأهمية فستكون اللجنة برئاسة وزير الصحة البروفسور مأمون حميدة. والجدير بالذكر أن المستشفي ملك لرجل الأعمال بروفسور مامون حميدة.
كما سيلتقي البروفسور مامون حميدة وزير الصحة بمكتبه الجديد بالسيد رئيس جمعية ملاك المستشفيات الخاصة بالخرطوم البروفسور مامون حميدة.
من ناحية أخرى سيقوم البروفسور مامون حميدة وزير الصحة بزيارة تفقدية لجامعة مامون حميدة يلتقي خلالها بمالك الجامعة البروفسور مامون حميدة وذلك لمناقشة ما رشح من انتقادات حول الاداء الاكاديمي لهذه الجامعة وخاصة كلية الطب.
|
Post: #2
Title: Re: قرارات عااجلة جداً لوزير الصحة الجديد
Author: محمد علي البصير
Date: 11-15-2011, 12:55 PM
Parent: #1
زيتنا في بيتنا يا العوض
|
Post: #3
Title: Re: قرارات عااجلة جداً لوزير الصحة الجديد
Author: Haju Muktar
Date: 11-15-2011, 01:10 PM
Parent: #2
ده الشغل
الثوره والكنس كان ما كفي البيت يحرم علي الجيران
|
Post: #5
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 01:16 PM
Parent: #3
كمان لو البروفسور مامون حميدة يستضيف لينا في برنامجه التلفزيوني الشهير
السيد وزير الصحة البروفسور مامون حميدة
يكون تم التاقصة
|
Post: #6
Title: Re: قرارات عااجلة جداً لوزير الصحة الجديد
Author: Alshafea Ibrahim
Date: 11-15-2011, 01:21 PM
Parent: #3
تحياتي يالعوض
والله صحيح ... الزول ما قادر يمشي أمور مامون حميدة الخاصة ... يقبل أن يكون وزيرا وللصحة كمان ؟
بس أتوقع أهم قرارته ستكون حسم الجدل الدائر عن آيلولة المستشفيات الاتحادية إلي الولايات ومن ثم بيعها لشركاء على شاكلة من (دقنو) وهي نفس الطريقة التي يعمل به المتعافي أيام كان والي للخرطوم وأستمرت معاه لمن مشى الزراعة ... أنا ما عارف ال24 ساعة دي هذا المأمون كيف يوزعها بين الخاص والعام ؟ غايتو زواج مبارك ثروة وأخيرا سلطة ...
الشفيع إبراهيم
|
Post: #4
Title: Re: قرارات عااجلة جداً لوزير الصحة الجديد
Author: Osama Siddig
Date: 11-15-2011, 01:15 PM
Parent: #1
الأخ الكريم العوض,B]
لك التحية و كل عام و انت بخير
اليك هذه القصة و التى كنت شاهد عييان عليها , يعنى لم أسمعها من أحد
ساقنى ظرف مرضى ألم بزوجتى الى مستشفى يستبشرون مصاحبا لها, كنا فى صالة الاستقبال بالطابق الاول المخصص للعيادات, بينا نحن فى انتظار مقابلة الطبيب , اذا بحالة من الجلبة, استبينا مصدرها فاذا بمجموعة من الناس يأتون برجل فى نقالة و يبدو عليهم الارتباك و القلق لحرج حالة مريضهم, ما زلت أذكر أن أحدهم يمسك بال"درب" بينما يدفع الباقون النقالة و هم يستجدون موظفى المستشفى أن ينقذوا مريضهم.
كان رد الموظفين أنه لا يمكن قبول المريض الا بعد دفع "أمنية" , لم تكن تتوفر عندهم, وكانت رقة الحال بادية على أهل المريض, لاحظ ذلك كل من كان متواجدا, فى هذه الأثناء مر مامون حميدة ليسمع كل ذلك , دون أن ينبس ببنت شفة,فما كان من اهل المريض الا ان رجعوا بمريضهم تملأهم الحسرة, هنا كان تعليق معظم الحضور: ما كان يضير مامون حميدة أن يوجه بقبوله و يتم علاجه و لو من باب زكاته لماله, أذكر أن أحد الحضور ذهب من المستشفى طالبا العلاج فى مكان آخر انكارا و احتجاجا على هذا الموقف.
قل لى بربك هل يهتم أمثاله بصحة المواطن الضعيف ان تولى وزارة الصحة.
لكى الله يا بلدى
|
Post: #7
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 02:09 PM
Parent: #4
| Quote: زيتنا في بيتنا يا العوض |
شكرا يا محمد علي البصير على المرور الكريم
أيوة زيتم في بيتم
لكن صدقني القطاع الصحي حيبلع التعيين ده ناشف بدون أي زيت،
وسيضاف ذلك لرصيد معاناة الشعب السوداني
وتراكمات الفساد وانعدام الشفافية وغياب الحوكمة.
والجمهورية التانية شعارها حيكون - التمكين بدون تليين، في تمكين آخر ثقافة الإغتصاب بدءاً من الانقلاب العسكري مرورا باغتصاب النساء والأطفال والمناصب
يا أخوي الظاهر بقى ما في وقت عند الحكام للخجل والمضايرة والتجميل، والزومي متضايقي على اللغف.
|
Post: #8
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 02:14 PM
Parent: #7
Quote: ده الشغل
الثوره والكنس كان ما كفي البيت يحرم علي الجيران |
آآي ده الشغل - والصحة محرمة على الشعب الغلبان والعيان
عايز تقرأ طب إلا جامعة مامون حميدة
عايز تتعالج إلا مستشفى الزيتونة لصاحبه مامون حميدة
عايز تتكلم في التلفزيون في صحتك ما ليك إلا برنامج مامون حميدة
عايز تقابل وزير الصحة - وزير الصحة مامون حميدة
ياخ التمكين يا كده يا بلاش
|
Post: #9
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 02:17 PM
Parent: #8
Quote: تحياتي يالعوض
والله صحيح ... الزول ما قادر يمشي أمور مامون حميدة الخاصة ... يقبل أن يكون وزيرا وللصحة كمان ؟
بس أتوقع أهم قرارته ستكون حسم الجدل الدائر عن آيلولة المستشفيات الاتحادية إلي الولايات ومن ثم بيعها لشركاء على شاكلة من (دقنو) وهي نفس الطريقة التي يعمل به المتعافي أيام كان والي للخرطوم وأستمرت معاه لمن مشى الزراعة ... أنا ما عارف ال24 ساعة دي هذا المأمون كيف يوزعها بين الخاص والعام ؟ غايتو زواج مبارك ثروة وأخيرا سلطة ...
الشفيع إبراهيم |
يا الشفيع يا أخوي غايتو لو عندك ولد عايزو يكون دكتور ويشتغل إلا تسميهو مامون حميدة
|
Post: #10
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 02:26 PM
Parent: #9
Quote: الأخ الكريم العوض,B]
لك التحية و كل عام و انت بخير
اليك هذه القصة و التى كنت شاهد عييان عليها , يعنى لم أسمعها من أحد
ساقنى ظرف مرضى ألم بزوجتى الى مستشفى يستبشرون مصاحبا لها, كنا فى صالة الاستقبال بالطابق الاول المخصص للعيادات, بينا نحن فى انتظار مقابلة الطبيب , اذا بحالة من الجلبة, استبينا مصدرها فاذا بمجموعة من الناس يأتون برجل فى نقالة و يبدو عليهم الارتباك و القلق لحرج حالة مريضهم, ما زلت أذكر أن أحدهم يمسك بال"درب" بينما يدفع الباقون النقالة و هم يستجدون موظفى المستشفى أن ينقذوا مريضهم.
كان رد الموظفين أنه لا يمكن قبول المريض الا بعد دفع "أمنية" , لم تكن تتوفر عندهم, وكانت رقة الحال بادية على أهل المريض, لاحظ ذلك كل من كان متواجدا, فى هذه الأثناء مر مامون حميدة ليسمع كل ذلك , دون أن ينبس ببنت شفة,فما كان من اهل المريض الا ان رجعوا بمريضهم تملأهم الحسرة, هنا كان تعليق معظم الحضور: ما كان يضير مامون حميدة أن يوجه بقبوله و يتم علاجه و لو من باب زكاته لماله, أذكر أن أحد الحضور ذهب من المستشفى طالبا العلاج فى مكان آخر انكارا و احتجاجا على هذا الموقف.
قل لى بربك هل يهتم أمثاله بصحة المواطن الضعيف ان تولى وزارة الصحة.
لكى الله يا بلدى |
نعم أخي اسامة، لنا الله ولبلادنا الكريمة وهي تلفظ أنفاسها الأخيرة وتتسرب من بين ايادينا نسأل الله حسن الخاتمة
|
Post: #11
Title: Re: قرارات عااجلة جداً لوزير الصحة الجديد
Author: nazar hussien
Date: 11-15-2011, 02:59 PM
Parent: #10
Quote: كمان لو البروفسور مامون حميدة يستضيف لينا في برنامجه التلفزيوني الشهير
السيد وزير الصحة البروفسور مامون حميدة
يكون تم التاقصة |
البرنامج بعد توزير البروف
حا يقدمو الدكتور عبدالحليم المتعافي...
عشان تاني كيس الحقنة البكشكش في الكوش ما يتلقي..
وهو من سيستضيف الوزير مأمون حميدة...
وحا يستضيف ليكم كذلك دكتور عبدالرحمن الخضر شخصيا...
في موضوع الرغيف...البقوا يكسروه بي فيتريتة
وأثر ذلك علي دخل مستشفي الزيتونة...
|
Post: #12
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 06:38 PM
Parent: #11
Quote: البرنامج بعد توزير البروف
حا يقدمو الدكتور عبدالحليم المتعافي...
عشان تاني كيس الحقنة البكشكش في الكوش ما يتلقي..
وهو من سيستضيف الوزير مأمون حميدة...
وحا يستضيف ليكم كذلك دكتور عبدالرحمن الخضر شخصيا...
في موضوع الرغيف...البقوا يكسروه بي فيتريتة
وأثر ذلك علي دخل مستشفي الزيتونة... |
الحقنة دي ذكرتني أخوانا الجنوبيين الله فكاهم من برنامج صحة...تك
بعدين الشغل الكتير ده ما كويس عشان صحة السيد الوزير
حقو يعملو ليهو مكتب بين الوزارة والجامعة والمستشفى زالتلفزيون
|
Post: #13
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 06:57 PM
Parent: #12
بعد الاستوزار
ترسل مشاركات الجمهور في برنامج صحتك على العنوان التالي
برنامج صحة تك
تلفزيون لا إله إلا الله
شارع الزيتونة
المتفرعة من جامعة مامون حميدة
عناية السيد وزير الصحة شخصيا
ربما يتم تغيير اسم البرنامج في الولاية الثانية من صحة تك الي صحت نا
|
Post: #14
Title: Re: قرارات عااجلة جداً لوزير الصحة الجديد
Author: Azhari Nurelhuda
Date: 11-15-2011, 07:42 PM
Parent: #13
سلام عليك يأخونا العوض الطيب
يا أخي والله راسي لفه وجاتني دوشة وبطني طمت من الدورانية دي.
من المأمون على صحة المواطن الهلكان منه وإليه.
|
Post: #15
Title: Re: قرارات عااجلة جداً لوزير الصحة الجديد
Author: MOHAMMED ELSHEIKH
Date: 11-15-2011, 08:08 PM
Parent: #14
أرجو اضافة ملكية ورئاسة مجلس ادارة الأذاعة الطبية(كم وتسعين اف ام) للبروف مامون قدس الله "أسراره"
واليكم آخر نكتة مفبركة:
قال لك واحد ليهو زمن بيتردد على مستشفى الزيتونة باحث عن أي شغلانة أو حتى وظيفة -غفير -نظافة-مراسلة-باشكاتب- اي حاجة ساهلة
وكل مرة يقولو ليهو مافي حاجة لسع من اكثر من 9 شهور.
امبارح الراجل سمع في الرادي (الأذاعة الطبية) انو البروف مامون رئيس مجلس الأدارة عينوه وزير , وزولك على طول على شئون الأفراد لانو مامون حايستقيل من المستشفى طبعا.
على العموم الراجل وصل هناك وقال ليهم" أها ماتقولو لي مافي وظيفة , أهو مامون زاتو استقال"
ردعليه بتاع الأفراد:" اها يا اللخو نعينك رئيس مجاس أدارة؟"
فقام أخونا قال ليهو:
"يعني ما ممكن تتجاردو؟"
|
Post: #17
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 08:32 PM
Parent: #15
Quote: أرجو اضافة ملكية ورئاسة مجلس ادارة الأذاعة الطبية(كم وتسعين اف ام) للبروف مامون قدس الله "أسراره"
واليكم آخر نكتة مفبركة:
قال لك واحد ليهو زمن بيتردد على مستشفى الزيتونة باحث عن أي شغلانة أو حتى وظيفة -غفير -نظافة-مراسلة-باشكاتب- اي حاجة ساهلة
وكل مرة يقولو ليهو مافي حاجة لسع من اكثر من 9 شهور.
امبارح الراجل سمع في الرادي (الأذاعة الطبية) انو البروف مامون رئيس مجلس الأدارة عينوه وزير , وزولك على طول على شئون الأفراد لانو مامون حايستقيل من المستشفى طبعا.
على العموم الراجل وصل هناك وقال ليهم" أها ماتقولو لي مافي وظيفة , أهو مامون زاتو استقال"
ردعليه بتاع الأفراد:" اها يا اللخو نعينك رئيس مجاس أدارة؟"
فقام أخونا قال ليهو:
"يعني ما ممكن تتجاردو؟" |
هه والله شر البلية ما يضحك - لكن زولك ده شكلو ما خريج مامون حميدة هسع كان ناس وزارة الصحة جابو ليهو خطاب تعيينو في بيتم
غايتو خير استثمار في الولاية الثانية زيتونة
بعدين تاني الفنانين يغيرو أغانيهم
يعني مثلا ما في معنى لأغاني مثل أسأل (العنبة) الرامية فوق بيتنا
الزيتون ده مالو ما برمي
|
Post: #16
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 08:25 PM
Parent: #14
Quote: سلام عليك يأخونا العوض الطيب
يا أخي والله راسي لفه وجاتني دوشة وبطني طمت من الدورانية دي.
من المأمون على صحة المواطن الهلكان منه وإليه. |
أزهري أخوي عليك الله أعمل حساب صحتك أوعك من كلام راسي لفه وجاتني دوشة - أنحنا هسة في الولاية التانية وبعدين يعني مستشفى الزيتونة دي تكفي منو ولا منو - بعدين ياخ الوزير هسع مفكر في الاستراتيجية والخطة الخمسية يعمل تخفيضات لمنسوبي الحزب وما في أي طريقة معالجة لعامة الناس
والكلام ليك يال المنطط عينيك أيوه انت يا المواطن السوداني
حقو من هسع الناس تخلي المغتربين يرسلو (حبوب السلفا) الزمان ديك وأي زول يقول عيان ولا كاني ماني يدوهو حبة
بغض النظر عن نوع المرض
ولا عزاء للعيانين
|
Post: #18
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 09:09 PM
Parent: #16
غايتو د. عبد الجبار يشيل شيلتو
الزول بقى وزير
د. عبد الجبار ده هو الدكتور المغترب والذي يملك القطعة المجاورة لمستشفى الزيتونة
وهي القطعة التي يرغب مالك مستشفى الزيتونة في امتلاكها من زمااااان
لضمها لإمبراطورية الزيتونة
باقي القصة هنا
http://www.alwatansudan.com/index.php?type=3&id=20185
|
Post: #19
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 09:11 PM
Parent: #18
زول يصحي د. عبد الجبار يا جماعة
ويقول ليهو والله لو عملتها (وقف) ده ما بحلك
|
Post: #21
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-15-2011, 09:32 PM
Parent: #20
|
Post: #22
Title: Re: قرارات عااجلة جداً لوزير الصحة الجديد
Author: نورالدين الفحل
Date: 11-16-2011, 10:24 AM
Parent: #21
العوض الله يجازى محنك ( نهاراتك بيض )
يازول عندك تار مع مامون حميدة ولامن عمايلو الميكافيلية
العلاج فى يستبشرون والتحاليل فى الزيتونة والنتائج فى صحة وعافية
والتسويق والاعلان فى الاذاعة الطبية التمكين سمح مقدرة وزيادة مفخرة
العوض ارقد قفا ان ماقبلتك الزيتونة الدرب اخضر الى منتجع رويال كيير.
|
Post: #23
Title: Re: قرارات عااجلة جداً لوزير الصحة الجديد
Author: الطيب بشير
Date: 11-16-2011, 11:29 AM
Parent: #22
.
العوض طيبون
كيف حالك
أظن ناس القانون بيسموهوConflict of interst
لما يكون بصدد تنظيم عمل المستشفيات الخاصة..هو ح يتعامل كوزير أم مالك مستشفيات؟
يعني مخالفات مستشفياتو يشكوها لمنو؟
و منافسو السيد الوزير يقبلوا وين؟
غايتوالحمد لله إنو الواحد ما عندو مستشفيات
.
|
Post: #25
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-17-2011, 01:02 AM
Quote: العوض طيبون
كيف حالك
أظن ناس القانون بيسموهوConflict of interst
لما يكون بصدد تنظيم عمل المستشفيات الخاصة..هو ح يتعامل كوزير أم مالك مستشفيات؟
يعني مخالفات مستشفياتو يشكوها لمنو؟
و منافسو السيد الوزير يقبلوا وين؟
غايتوالحمد لله إنو الواحد ما عندو مستشفيات |
صدقت أخي الحبيب الطيب بشير
فهذا التعيين يخالف أبسط قواعد (تضارب المصالح)
فكيف إذا أضفنا قواعد الحمك الرشيد من شفافية وأبسط قواعد محاربة الفساد
دعك من قواعد الإسلام وعادات وأعراف السودانيين
لكن أنا أرى في كل أمر خير - فحكمة الله سبحانه وتعالى تابى إلا وأن تجمع بؤر الفساد كما السرطان حتى يقضي عليها بإذن الله كيماوي الثورة الشعبية ويستأصلها مجتمعة من الجسد السوداني المنهك - وسنتعافى منهم بإذن الله فالتاريخ والإرادة السودانية وإرادة العدل التي قامت عليها نواميس الكون كلها تنبيء بذلك الفجر القريب
|
Post: #24
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-17-2011, 00:53 AM
Parent: #22
Quote: العوض الله يجازى محنك ( نهاراتك بيض )
يازول عندك تار مع مامون حميدة ولامن عمايلو الميكافيلية
العلاج فى يستبشرون والتحاليل فى الزيتونة والنتائج فى صحة وعافية
والتسويق والاعلان فى الاذاعة الطبية التمكين سمح مقدرة وزيادة مفخرة
العوض ارقد قفا ان ماقبلتك الزيتونة الدرب اخضر الى منتجع رويال كيير |
يا ود خالتي الكيزان ديل حيرو الشيطان
وكتاب الأمير لماكيافيللي ده بيحفظوهو من هم في الروضة
الناس ديل هسع وصلو مرحلة تفوق الصهاينة في تطبيق (بروتوكولات حكماء صهيون)
وتغلبوا على محاذير فسلسفة الطاو
ونظريات عولمة الإسلام لأوليفيه روا
وأضافوا 22 قاعدة لقواعد روبرت غرين ال 48 في كيف تمسك بزمام القوة
وإبليس زاتو قاعد في السودان بيتدرب في أواخر عمرو وبيعيد في كتابة مذكراتو من واقع تطبيقات الكيزان
حتى الأديب الراحل المقيم الطيب صالح تساءل في حسرة (من أين أتى هؤلاء)
ياخي ديل زي ما قال الأستاذ (فاقوا سوء الظن)
لكنهم في ظني في النهاية (مستدرجون) لمصيرهم المؤلم الذي يشبه خبث نواياهم وسوء أفعالهم
فهم قد جمعوا بين الأصولية والوصولية لذلك سيسبقون القدر إلى قدرهم المحتوم تدفعهم دفعا نحو حتفهم دعوات المظلومين وأنات الكاظمين الغيظ
وكن بخير أنت والأسرة الكريمة
|
Post: #26
Title: Re: قرارات عااجلة جداً لوزير الصحة الجديد
Author: انعام حيمورة
Date: 11-17-2011, 11:46 AM
Parent: #24
بس منو العوض وعليه العوض يا العوض
حقوا مقالك دا تنزله في كل الصحف اليومية ..
|
Post: #27
Title: Re: قرارات عااجلة جداً لوزير الصحة الجديد
Author: Elawad Eltayeb
Date: 11-18-2011, 01:11 AM
Parent: #26
Quote: بس منو العوض وعليه العوض يا العوض
حقوا مقالك دا تنزله في كل الصحف اليومية .. |
شكرا أختي انعام حيمورة على الكلمات الطيبة
المشكلة أنا لسة ما وصلت مرحلة الكتابة في الصحف اليومية حدي بس سودانيزأونلاين
لكن أي كلا بكتبوا هنا بدي صحف المعارضة ومنظماتها ومواقعها المختلفة مطلق الحرية في نقله
ولك خالص المودة والتحية عبرك لأخوانك الكرام.
بعدين الناس الأيام دي بعد حفلة ندي القلعة الأخيرة مشغولين برقيص الرئيس
والكيزان في كل زنقة عندهم بالونة
لحدي نا تجيهم زنقة زي حقت القذافي ويطرشقوا هم معاها بدل حنابكم الجابت الهوا دي
|
|