Post: #1
Title: لقد سرقوا بريدي الإلكتروني
Author: Ahmed al Qurashi
Date: 03-03-2010, 12:13 PM
الأخوات والإخوة الأعزاء
السلام عليكم ورحمة الله
لقد سرق احدهم بريدي الالكتروني [email protected]
و [email protected]
الرجاء عدم التعامل مع اى رسالة تصلكم عبر هذا البريد ، وعدم مراسلتي على هذه العناوين بتاتا ،وكل الرسائل التي تصلكم عبر هذا الايميلات منذ يوم 28/2 /2010 لا تخصني من قريب أو بعيد ، فأرجو منكم شاكرا عدم التعامل معها نهائيا
أسف للإزعاج الذي سببه هذا الهكر لكم
ودامت المودة
احمد القرشي عبدالرحمن مهدي
سلطنة عمان
تلفون 0096899073589
|
Post: #2
Title: Re: لقد سرقوا بريدي الإلكتروني
Author: محمد عبد الماجد الصايم
Date: 03-03-2010, 12:28 PM
Parent: #1
كفارة يا عمكـ
ضريبة الشهرة ياخ!!
|
Post: #3
Title: Re: لقد سرقوا بريدي الإلكتروني
Author: جعفر محي الدين
Date: 03-03-2010, 12:54 PM
Parent: #2
كفارة يا دكتور
وأرجو أن تجد المساعدة من أخوانا المختصين هنا
لاستعادة بريدك
بالله ما تخليه ... أنا جن وجن الحقارة الزي دي
|
Post: #4
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 01:10 PM
Parent: #2
Quote: كفارة يا عمكـ
ضريبة الشهرة ياخ!! |
تسلم يا ودالصائم
الزول دا شال القدامنا والورانا
خلانا فى السهلة
لا صديق ولاقريب
ربنا يحفظ ايميلاتكم
شكرا لمؤاساتك
|
Post: #5
Title: Re: لقد سرقوا بريدي الإلكتروني
Author: بكري الخير
Date: 03-03-2010, 01:17 PM
Parent: #4
أحمد القرشي ازيك
حقيقة يا جماعة دي مشكلة كبيرة جدا انا شخصيا حصلت لي قبل يومين وسرقو أو هكرو الايميل بتاعي وفيهو أكثر من 2500 رسالة ومعظمها حاجات مهمة شديد وما عارف أعمل شنو؟ الرجاء المساعدة يا ذوي الاختصاص علما بأن الايميل في Yahoo.com
|
Post: #6
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 01:23 PM
Parent: #4
Quote: كفارة يا دكتور
وأرجو أن تجد المساعدة من أخوانا المختصين هنا
لاستعادة بريدك
بالله ما تخليه ... أنا جن وجن الحقارة الزي دي |
الاخ العزيز / جعفر محي الدين
سلامات
تعرف الهكر رسل رسالة الى كل اصدقائى يطلب منهم مبلغ 2500 جنيه استرلينى
وقال ليهم انا مقطوع فى لندن لا تلفون ولا قروش
الاخ هيثم لبيب يبذل جهده لاسترداد هذه الايميلات وربنا بوفقه يا جعفر
لانو كل عناوين اصحابى واهلى فى هنالك
مودتى
|
Post: #7
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 01:39 PM
Parent: #6
الاخ العزيز / بكرى الخير
سلامات
تعرف انا استلمت رسالة من الياهو تطلب منى
كتابة اسم المستخدم والايميل فى اماكن مخصصة والا سيتم
اغلاق البريد الالكترونى
تسرعت وقمت باللازم وقلبى ماكلن يا بكرى
ويا هو حصل الحصل الاتنين راحو
وفى انتظار المساعدة
تسلم يا بكرى
|
Post: #8
Title: Re: لقد سرقوا بريدي الإلكتروني
Author: عبد الحكيم نصر
Date: 03-03-2010, 02:06 PM
Parent: #7
سلامة يا استاذ والجاتك في ايميلك سامحتك
ــــــــــــ
انت مالك اليومين ديل طوالي منشول؟؟؟؟؟؟
|
Post: #9
Title: Re: لقد سرقوا بريدي الإلكتروني
Author: محمد أبوالعزائم أبوالريش
Date: 03-03-2010, 02:28 PM
Parent: #8
د. أحمد ... تحياتي
الرجّع ليك حقّك الأدبي في البوست، يرجع ليك إيميلك كامل الـ (Inbox).
المسألة دي حصلت لي ناس كتيرين، وتحديداً شقيقي (ماضي أبوالعزائم)، وعضو المنبر حصلت معاهو بي ضبانتها، والإنقطاع في لندن.
عموماً، في خطوات ممكن تسترد بيها حسابك، بس لازم تكون عارف ومتذكر المعلومات الدخّلتها لما فتحت الحساب.
|
Post: #10
Title: Re: لقد سرقوا بريدي الإلكتروني
Author: عبدالمجيد المقابل
Date: 03-03-2010, 02:45 PM
Parent: #7
دكتور قرشي
سلام
شنو يا زول الحكاية,قبل اسبوع كانت سرقة مقالااتك بالمنبر والان بريدك الاكتروني
يا اخوي الدور الجاي حسابك في البنك,خلي بالك
تسلم
|
Post: #11
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 03:07 PM
Parent: #10
| Quote: انت مالك اليومين ديل طوالي منشول؟؟؟؟؟؟ |
الاخ العزيز / عبدالحكيم نصر
لك التحية والتقدير
تعرف دا والله وجعنى شديد
عناوين كل الاصدقاء والاهل والاحباء
جمعتهم فى عشرة سنوات
كلها ضاعت فى دقيقة
ما عارف تانى الم فيهم كيف
شكرا ليك يا رائع
|
Post: #12
Title: Re: لقد سرقوا بريدي الإلكتروني
Author: Osama Mohyeldin
Date: 03-03-2010, 03:36 PM
Parent: #11
THIS IS URGENT
From: ahmed mahadi ([email protected])
Sent: Wed 3/03/10 2:06 AM
To:
Hope you are doing well. I am away in London on an business trip, unfortunately for me I was robbed overnight,even my mobile phone was stolen.I have access to only emails. Please can you send me £2500(GBP)British pounds. As soon as I get back I would refund it immediately. Please all I need you to do is to go to any Western Union outlet and send me the money before the bank here closes. Below are my details for the western union transfer.
Name: ahmed mahadi
Address/location: 25 old kent road,se8 4 lp.united kingdom,england
As soon as its sent, send me a copy of the money transfer receipt or just write out the money transfer control number(MTCN) and the full senders name.
Would be waiting.
best regards
ahmed
هذه صورة للe-mail ....من الهكرز...
لقد حدث نفس الشئ لاخونا الدكتور طارق الهد وتم تلافىه سريعا....
أعملوا حسابكم....
خالص الود للاخ أحمد القرشي
|
Post: #13
Title: Re: لقد سرقوا بريدي الإلكتروني
Author: الطيب شيقوق
Date: 03-03-2010, 04:14 PM
Parent: #12
يا زول كفارة
يعني يا ود القرشي بقيت تكيّة اسفيرية للنصابين الاسفيريين ؟
|
Post: #14
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 04:50 PM
Parent: #13
| Quote: عموماً، في خطوات ممكن تسترد بيها حسابك، بس لازم تكون عارف ومتذكر المعلومات الدخّلتها لما فتحت الحساب. |
الاخ العزيز / محمد ابوالعزائم ابوالريش
لك التحية والود
تعرف ايميلى بتاع الياهو عملتو قبل عشرة سنوات
وما قدرت اتذكر اى معلومة ، تعرف اول ما عرفت بالهكر اتصلت
بالاخ السنى ابو العزائم فارشدنى الى الخطوات اللازم عملها
وبالفعل نفعتنى كثيرا ، له الشكر اجزله
ولك انت عزيزى محمد
المودة والتقدير
|
Post: #16
Title: Re: لقد سرقوا بريدي الإلكتروني
Author: إسماعيل حسن
Date: 03-03-2010, 05:07 PM
Parent: #14
يادكتور سلامات ومشتاقين كتير
وكفارة
انت زولاً شاطر والشاطر غلطته كبيره .. ربنا يرجع ليك ايميلك
|
Post: #15
Title: Re: لقد سرقوا بريدي الإلكتروني
Author: Osman Musa
Date: 03-03-2010, 05:01 PM
Parent: #13
ده كيف ده ؟
على كل حال تعمل حسابك شديد .
تحياتى يا عزيز
|
Post: #17
Title: Re: لقد سرقوا بريدي الإلكتروني
Author: abubakr
Date: 03-03-2010, 06:05 PM
Parent: #15
بسيطة يا احمد ...حاول ان تحمي كمبيوترك ببرنامج مجاني من مايكروسفت ستجده هنا :
Microsoft Security Essentials 1.0.1961.0
http://www.softpedia.com/get/Antivirus/Microsoft-Securi...-Essentials.shtml[/B]
....
الحصل لك ساهل ومقدور علي حمايتو انا تعرضت لاحدث اختراق اليكتروني حيث تمكنت جماعة او فرد من عمل سحوبات ثلاثين واحدة وراء الاخري من حسابي الجاري في زمن واحد مستعمليين اسمي وكلمة السر في خدمة اليكترونية لبنك عالمي كبير وما زال البحث جاريا ....استعمل الفرد او الجماعة ثلاثين شريحة هاتف وسحبو مقابل كل شريحة مبلغا معينا حيث توفر الخدمة الاليكترونية امكانية سحب مبالغ الي رقم هاتف جوال وليس الي بنك او كاش ...الجماعة كانت سخية معي وتركت لي مبلغ 66.79 درهم يعني اقل من 16 دولار ..في كل سحبية اخذو حوالي 160 دولار * 30 ....ولو كان الموجود اكثر لاخذوه كله ...انا طبعا استلمت ثلاثين اخطار اليكتروني علي عنواني البريدي يالسحوبات وكان ذلك بين الثالثة الخامسة صباح جمعة ..يعني الواحد في سابع نوم وعلبال ما الواحد ينتبه تكون مرت ساعات
كيف تحصلو علي معلومات الخاصة جدا وسرية امر ما زالت الشرطة والبنك المركزي والبنك العالمي يحاولون فك طلاسمه .. الحالة ليست فردية ولكن اخرون كذلك تعرضو الي ما تعرضت اليه ...
الاحتياط واجب في التعامل الاليكتروني وانا بعد تعامل اليكتروني جاوز ربع قرن ومع البنوك اكثر من عقد اهو تعرضت لهذا الاختراق ...التطور السريع في التقنية وسهولة الحصول علي معينات لفك الشفرات جعل الاحتياط صعبا ....القصد من السرد هو ان نحتلط اكثر فاكثر ...
|
Post: #18
Title: Re: لقد سرقوا بريدي الإلكتروني
Author: ismeil abbas
Date: 03-03-2010, 06:52 PM
Parent: #17
ألأخ/أحمد القرشى..كفارة ليك يازول..والله حاجة مؤلمة خلاص..أصلآ بتجى للناس الطيبين امثالك ده إبتلاء..
Quote: هذه صورة للe-mail ....من الهكرز...
لقد حدث نفس الشئ لاخونا الدكتور طارق الهد وتم تلافىه سريعا....
أعملوا حسابكم....
خالص الود للاخ أحمد القرشي |
أخى عثمان محى الدين..حصل لى قبل كده مع إبن خالى بروفيسر صلاح أحمد إبراهيم..قال لى عايز قروش أنا إتسرقت فى كينيا وكنت ماشى لمؤتمر ألأيدز...بس ربك رب الخير إتصلت بيهو قال لى والله ده كلو كلام ما حاصل وانا موجود ولا سافرت...دى مشكلة ومشكلة كبيرة والله
لكم التحية جميعآ..
|
Post: #19
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 06:54 PM
Parent: #17
| Quote: يا اخوي الدور الجاي حسابك في البنك,خلي بالك |
الاخ العزيز الدكتور/ عبدالمجيد المقابل
سلامات
تانى يا اخوى بحرص كتير، وياهو الباشمهندس ابوبكر ورانا طريقة
لحماية الكمبيوتر ، ولكن فقد التواصل مع الاصدقاء حار
تحياتى ومودتى
|
Post: #20
Title: Re: لقد سرقوا بريدي الإلكتروني
Author: خالد علي محجوب المنسي
Date: 03-03-2010, 06:58 PM
Parent: #19
يا أخوي بعد دا أبقى عشرة علي باقي القريشات ومفتاح العربية[
|
Post: #21
Title: Re: لقد سرقوا بريدي الإلكتروني
Author: الفاتح ميرغني
Date: 03-03-2010, 09:19 PM
Parent: #20
حبيبنا المبدع أحمد القرشي
يا ربي إنت جهاتكم دي ما فيها بخور تيمان؟
كدي شوف الطيب شيقوق بيكون مخزن الحاجات دي.
تسلم من كل شر وزي ما قال ليك ود الصايم | Quote: ضريبة الشهرة ياخ!! |
محبتي
|
Post: #22
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 09:21 PM
Parent: #20
الاخ والصديق العزيز / اسامه محى الدين الطيب
لك التحية والتقدير وشكرا لاتصالك الذى اسعدنى كثيرا
تعرف يا اسامه سارق الايميل ارتكب اخطاء كثيرة جعلت معظم اصدقائى المقربين لايصدقونه ....
اولا اننى لا امارس التجارة اطلاقا
وثانيا معظم اصدقائى فى انجلترا ومنزلتى وسكنى
عندهم لذلك لا احتاج الى ارسال ايميل لطلب اموال منهم وبهذا الحجم
وثالثا الكل يعرف اننى زرت انجلترا قبل اشهر
وعدت الى عملى كطبيب اسنان بسلطنة عمان
ورابعا اننى لا استعمل اسم احمد مهدى نهائيا
حيث اكتفى باحمد القرشى او احمد القرشى عبدالرحمن
وكثيرا ما استعمل قرشى عبدالرحمن وهكذا ينادين الاهل والاصدقاء
دا هكر تعبان يا اسامه .
مودتى
|
Post: #23
Title: Re: لقد سرقوا بريدي الإلكتروني
Author: منتصرمحمد زكى
Date: 03-03-2010, 11:23 PM
Parent: #22
كفارة ليك يازول يارائع
اللهم اجعل كيدهم في نحرهم ......... صادق مواساتي
|
Post: #24
Title: Re: لقد سرقوا بريدي الإلكتروني
Author: Ahmed al Qurashi
Date: 03-03-2010, 11:29 PM
Parent: #22
| Quote: يعني يا ود القرشي بقيت تكيّة اسفيرية للنصابين الاسفيريين ؟ |
تعرف ياود شيقوق الزول دا شال الايميلات بعضمها
يعنى تانى ما حالقاها اصلا
غايتو ربنا يوفق هيثم لبيب ياهو مجتهد وبقاتل وبناتل فى الحرامى دا
شكرا ليك
|
Post: #25
Title: Re: لقد سرقوا بريدي الإلكتروني
Author: سارة علي
Date: 03-04-2010, 02:52 AM
Parent: #24
Quote: اولا اننى لا امارس التجارة اطلاقا
وثانيا معظم اصدقائى فى انجلترا ومنزلتى وسكنى
عندهم لذلك لا احتاج الى ارسال ايميل لطلب اموال منهم وبهذا الحجم
وثالثا الكل يعرف اننى زرت انجلترا قبل اشهر
وعدت الى عملى كطبيب اسنان بسلطنة عمان
ورابعا اننى لا استعمل اسم احمد مهدى نهائيا
حيث اكتفى باحمد القرشى او احمد القرشى عبدالرحمن
وكثيرا ما استعمل قرشى عبدالرحمن وهكذا ينادين الاهل والاصدقاء
|
كن يا دكتور جبت آخرك سريع..
يعني الهكرة الجاية المعلومات كللللها جاهزة,, ما تجي تخرخر بعدين
كفارة وربنا يجمعكك بايميلك..حصلت لي قبل كدة اتهكرتا...
|
Post: #26
Title: Re: لقد سرقوا بريدي الإلكتروني
Author: Osama Mohyeldin
Date: 03-04-2010, 03:23 AM
Parent: #25
تعرف يا إسماعيل لما إتهكر أخونا طارق....وصلت الe-mails لكل الcontact فى الe-mail ..
فعندنا واحد أخو أخوان وضكران جد ود بلد..
قام رد على الe-mail واعطاه أسماء أقرباء له فى لندن..
الحمد لله لحقناه سريع وما خسر حاجة...
كل الود
|
Post: #27
Title: Re: لقد سرقوا بريدي الإلكتروني
Author: Moneim Malik
Date: 03-04-2010, 04:21 AM
Parent: #26
قرشى سلامات احوالك والجميع
كيف اخبار الاهل معاك
Quote: تعرف ياود شيقوق الزول دا شال الايميلات بعضمها
يعنى تانى ما حالقاها اصلا
غايتو ربنا يوفق هيثم لبيب ياهو مجتهد وبقاتل وبناتل فى الحرامى دا |
حاول اتصل بناس الياهو حيرجعو ليك حسابك وبيطلبو منك تغير الباسورد
حاول دائما ماتنسى log out وتنظف كمبيوترك من cookies بعد اى استخدام
ونصب ميكروسوفت إيسنتيال أنتى فايروس مجانا من ميكروسوفت
وتحياتى
ونسمع منك
|
Post: #28
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 05:40 AM
Parent: #27
| Quote: انت زولاً شاطر والشاطر غلطته كبيره .. ربنا يرجع ليك ايميلك |
الاخ العزيز / اسماعيل حسن
سلامات وسعيد جدا بحضورك وكلماتك التى خففت عنى هذا المصاب
وشكرا على حسن ظنك ، لكن لو كنت شاطر كان رجعت ايميلى يا اسماعيل
ياهو متمحن ومنتظر المساعدة
تسلم يا حبيب
|
Post: #29
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 06:46 AM
Parent: #28
الاع العزيز / عثمان موسى
تحياتى
تعرف يا عثمان الحل يكمن فى العودة الى الجوابات
والله فقدنا فرحة استلام الخطابات المرسلة من الاصدقاء والاهل
والطوابع الجميلة
وعشمنا تكونوا بخير وصحة جيدة
ولم نفقد شئ سوى عدم رؤياكم الغالية
مرسل لكم مبلغ خمسين جنيه مصاريف
وبعهدها اتحولت الى ارسلو لنا
وفلانه جابت ولد وفلان عرسو بعد شهر
وحبيبى اكتب لى وانا اكتب ليك
ومافى حتى رسالة واحده بيها اصبر شويه
يا حليل الجوابات يا عثمان خاصة لو جاياك من البلد
تسلم يا حبيب
|
Post: #30
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 08:45 AM
Parent: #29
الاخ العزيز الباشمهندس/ ابوبكر
تحياتى
تعرف يا ابوبكر وصلتنى رسالة معنونه من الياهو
تطلب منى ارسال اسم المستخدم والباسويرد وتاريخ الميلاد
والا سيغلق حسابى فى الياهو
الرسالة تشعر بانها حقيقية عليها شعارات الياهو المعروفة
تشككت فى بداية الامر انو يكون هكر
ولكن اخيرا توكلت على الله وكتبت المطلوب فى اماكن مخصصة
واظن انه كان هو الهكر لان هذا الامر حصل بعد يومين من ارسالى الرسالة
اظن ان الخطأ كان منى حيث تسرعت ولم استشير احد خبراء الانترنت
لكن الحمد لله
وربنا يستر على القريشات الفى البنك.. بقى يا ابوبكر اخوى انحن خيطنا رقيق
الا نجيبها نختها معانا فى البيت ، او نحتفظ برسالة الهكر دى ممكن تفيد شكلهاممكن تكون رسالة شحده مكربة
مع بعض التعديل
حاولت تنزيل البرنامج لكنه يتطلب برنامج وندوز اصلى
تحياتى وتقديرى عزيزى ابوبكر
|
Post: #31
Title: Re: لقد سرقوا بريدي الإلكتروني
Author: abubakr
Date: 03-04-2010, 09:14 AM
Parent: #30
يا ود القرشي
| Quote: حاولت تنزيل البرنامج لكنه يتطلب برنامج وندوز اصلى |
يعني انت هكر ؟؟؟ كل الترفيعات التي تقفل الثغرات التي يتسلل منها الهكر لا تقدر علي اضافتها الي الويندوز لانو مهكر وبالتالي تعرض جهازك الي كثير من الاختراقات امر بديهي .. معليش كدة اتنازل عن 150 دولار واتوكل علي الواحد القهار واشتري نسخة اصلية او رخصة لترفيع النسخة التي لديك لتكون مرخصة ...
ومعليش .. انا الايام دي اخر انبساط لانو ميزانتي عملت ليها تخفيف وزن لاستيعاب المبلغ الذي تهكر واها الشهر دة ابتديت بالماينص وساكون احسن من جنرال موتورز في استيعاب الخسارة والنشوف ياانا يالهكر ... قايلني يعني حاهرب من اعلان التفليسة ؟؟؟
|
Post: #33
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 09:31 AM
Parent: #31
ياريت يا ابوبكر كان رجعت ايميلاتى الاتسرقت دى
تعرف يا باشمهندس انا اشتريت الكمبيوتر جديد بالبرامج مثبتة فيهو
سلفا من شركة التوشيبا
وما كنت متوقع انها ما اصلية
البرنامج الوحيد الاشتريتو الانتى فابرس
لكن بعد الحصل دا احسن اسمع كلامك واشترى لى نسخة وندوز اصلية
سرقة الايميل مؤلمة
تسلم يا حبيب
ولك التحية والتجلة
|
Post: #34
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 09:42 AM
Parent: #33
عزيزى ابوبكر
انا مثبت برنامج كاسبراسكاى antivirus &intrnet security
واصلى وكل سنة بشترى واحد جديد
لكن اغلب الظن انو الهكر دخل من الايميل الرسلو باسم الياهو
واليومين ديل انا عامل فيها بتاع كمبيوتر وببرز فى عضلاتى لناس محمد المرتضى
بانى حصلت على شهادة IC3
بعد كورسات استمرت اكثر من ثلاث اشهر فارقت فيها نومة النهار
لكن طلعت انا والشهادة اى كلام ،
تسلم يا ابوبكر
|
Post: #35
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 09:48 AM
Parent: #34
| Quote: ألأخ/أحمد القرشى..كفارة ليك يازول..والله حاجة مؤلمة خلاص..أصلآ بتجى للناس الطيبين امثالك ده إبتلاء.. |
الاخ العزيز / اسماعيل عباس
سلامات
دائما تزورنى فى بوستاتى وتقف معى
اسعد كثيرا بحضورك البهى والانيق
اتمنى ان نلتقى وتجمعنا الايام
لك كل التقدير والاحترام
|
Post: #36
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 09:55 AM
Parent: #35
| Quote: يا أخوي بعد دا أبقى عشرة علي باقي القريشات ومفتاح العربية[ |
يا ود المنسى والله اسه مشتاق لونستك الحلوه الفى الماسنجر
حرمنا منها هذا الحرامى
هاك الايميل الجديد ...
[email protected]
[email protected]
يا جماعة الايميلات مبذولة لكل الاحباء والاصدقاء وكل من يرغب
فى التواصل
|
Post: #37
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 10:00 AM
Parent: #31
Quote: حبيبنا المبدع أحمد القرشي
يا ربي إنت جهاتكم دي ما فيها بخور تيمان؟
كدي شوف الطيب شيقوق بيكون مخزن الحاجات دي |
العزيز / الفاتح ميرغنى
سلامات
تعرف عمان دى مشهورة باللبان
لكن استعماله لتعطير المكان فقط وازالة الروائح
وبعدين ود شيقوق دا فى مشاكل الكمبيوتر دى ما بفيدك بحاجه
لكن بخور التيمان دا بتلقاه عندو
وانت عارف زولك الا كان ما يشوف ليهو بوست فيهو دلوكه
يملاهو ليك دخان وكبريت
مودتى
|
Post: #38
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 10:03 AM
Parent: #37
Quote: كفارة ليك يازول يارائع
اللهم اجعل كيدهم في نحرهم ......... صادق مواساتي |
الاخ العزيز / منتصر محمد زكى
تحياتى
شكرا لحضورك واهتمامك الذى اسعدنى كثيرا
وربنا يحفظك ويحفظ ايميلاتك
مودتى وتقديرى
|
Post: #39
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 10:21 AM
Parent: #38
Quote: كن يا دكتور جبت آخرك سريع..
يعني الهكرة الجاية المعلومات كللللها جاهزة,, ما تجي تخرخر بعدين |
الاخت العزيزة / سارة على
سلامات
قلت امسح كلامى لقيتك اقتبستيهو
اسه الهكر دا كان ما جايب خبر مداخلتى دى ياكى نبهتيهو
وانا عملت حسابى المره دى
وتانى لو لقانى خليهو اليعبى جركانه
شكرا على حضورك اختى سارة
ولك كل الود والاحترام
|
Post: #40
Title: Re: لقد سرقوا بريدي الإلكتروني
Author: Ahmed al Qurashi
Date: 03-04-2010, 10:27 AM
Parent: #39
Quote: حاول اتصل بناس الياهو حيرجعو ليك حسابك وبيطلبو منك تغير الباسورد
حاول دائما ماتنسى log out وتنظف كمبيوترك من cookies بعد اى استخدام
ونصب ميكروسوفت إيسنتيال أنتى فايروس مجانا من ميكروسوفت |
عزيزى وقريبى /عبدالمنعم مالك
والله مشتاقين ، سنوات طويلة فصلتنا من بعض
ولكن ما زال الود والمحبة فى القلب
ان شاء الله ساعمل بنصحيتك وساكتب للياهو
تحياتى للاسرة
وللاخ مجدى عبدالمنعم واسرته
|
Post: #41
Title: Re: لقد سرقوا بريدي الإلكتروني
Author: تيسير عووضة
Date: 03-04-2010, 10:33 AM
Parent: #37
كفارة يا دكتور
والله سرقة الإيميلات والمعلومات دي أحر من سرقة القروش
نأمل في نجاح محاولات إسترجاعهم
ويا ريت تاني تعمل حسابك
أنا غايتو بعد إتكررت عمليات الإختراق وسرقة الإيميلات بالذات هوتميل وياهو
طوالي قلبت gmail أو google mail
أول شيء آمن جداً (على الأقل مقارنة بالإتنين التانيات)
والـ storage capacity بتاعتو كبيرة وفي زيادة مستمرة
والأهم من دا كلو فيهو خاصية إنو ينقل ليك جميع رسايلك الموجودة في باقي الإيميلات التانية
ويختها ليك في مكان واحد (دا في حال إنك كسلت من تغيير البريد الإلكتروني أو شعرت إنك مرتبط بي رسايلك القديمة وما عيز تسيب البريد عشانا)
ـــــــــ
دي مناسبة - وإن كانت غير سعيدة - إنك تعمل لينا بوست عن البريد والرسايل في الأغنية السودانية ..
|
Post: #42
Title: Re: لقد سرقوا بريدي الإلكتروني
Author: mamkouna
Date: 03-04-2010, 01:24 PM
Parent: #41
هو بالله دا ما إنتَ !؟؟...دا الهكر !!؟؟
يعني أرٌجع قروش الختٌة و باقي الدهيبات المرقتهن للصرف !!؟؟؟
|
Post: #43
Title: Re: لقد سرقوا بريدي الإلكتروني
Author: بكري الخير
Date: 03-04-2010, 02:29 PM
Parent: #42
ود القرشي ياخوي ما جمعت لسا؟ انا طبعا منتظر ..... عشان نعمل زيك في استرجاع الايميل المسروق لما فيه من معلومات هامة
قول يا جامع
|
Post: #44
Title: Re: لقد سرقوا بريدي الإلكتروني
Author: ايمن مستور
Date: 03-04-2010, 03:56 PM
Parent: #43
دكتور احمد كفارة وربنا يعوضك
جاءتني هذه الرسالة من الاخ بهاء في كندا موجه لك :
الرسالة:
سلام ايمن
أنا من قراء الدكتور أحمد القرشي في sudaneseonline.com :
، أود لو يمكنك تمرير هذا إلى الدكتور القرشي وقراء sudaneseonline.com.
1 -- تغيير كلمة السر الخاصة بك بشكل متكرر (أوصى كل شهر 6)
2 -- أدخل اسم الأول أو الأخير لا ينبغي أن يكون جزءا من كلمة السر الخاصة بك.
3 -- كلمة مرور قوية هي مزيج من الأرقام والحروف (الجزء السفلي والعلوي الحالة) ، والرموز ، على سبيل المثال :
٪!) ( كلمة مرور قوية)
90009 ( كلمة مرور ضعيفة)
bahaelsahib ( كلمة مرور ضعيفة)
أشكركم مرة أخرى
بهاء..
|
Post: #45
Title: Re: لقد سرقوا بريدي الإلكتروني
Author: Magdi Ahmed Elsheikh
Date: 03-04-2010, 04:47 PM
Parent: #44
اخي ودالقرشي
بعد التحية
الله ماعارف اقول ليك شنو !!
المهم في اربعةهنا في ايرلندا كانوا علي باب قوسين او ادني من ارسال الفلوس لك..
لكن اتصلوا علي لحثك لزيارة ايرلندا وحكوا لي القصة وربك ستر..
المهم يا اخوي ارجو ان تسعي جادا لتعيين وزيرة داخلية باسرع فرصة..
وستكون في امان باذن الله..
مع تحياتي..
|
Post: #46
Title: Re: لقد سرقوا بريدي الإلكتروني
Author: خالد علي محجوب المنسي
Date: 03-04-2010, 05:46 PM
Parent: #45
يا ود المنسى والله اسه مشتاق لونستك الحلوه الفى الماسنجر
حرمنا منها هذا الحرامى
هاك الايميل الجديد ...
.......................................................
أحمد نحن والله بالأكثر وفقدناك في الكثير الكنت عاوز اناقشه معك والأيام بيننا وممكن اجيك في عمان بس لو اضمن اني ما ألآقي ودشيقوق حليلك يا البطانة وقشك المفروك وحليلك قُبال يسولك جزارة وسوق
|
Post: #47
Title: Re: لقد سرقوا بريدي الإلكتروني
Author: Ahmed al Qurashi
Date: 03-05-2010, 09:13 AM
Parent: #46
| Quote: دي مناسبة - وإن كانت غير سعيدة - إنك تعمل لينا بوست عن البريد والرسايل في الأغنية السودانية |
الاخت العزيزة / تيسير عووضه
سلامات
تعرفى انا منذ عشرة سنوانت شغال بالهوتميل والياهو
نصحنى هيثم لبيب قبل فترة طويلة بعمل ايميل gmail
وبعد نصيحتك دى ان شاء الله حاعمل واحد اليوم، واشكرك عليها كثيرا
والله يا تيسير فكرة عمل بوست عن البريد والخطابات فكرة جميلة جدا
كنت بفكر اعمل بوست عن الكواكب والبدور فى اغنية الحقيبة ومادته جاهزة
لكن ابشرى بالخير حاجهز واحد قريبا عن الرسائل
واليك هذه الابيات هدية من اغنية الشاغلين فؤادى
والمقطع التانى غير مطروق ويتغنى به بادى محمد الطيب فقط ...
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
اوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
|
Post: #48
Title: Re: لقد سرقوا بريدي الإلكتروني
Author: Ahmed al Qurashi
Date: 03-05-2010, 09:34 AM
Parent: #47
Quote: هو بالله دا ما إنتَ !؟؟...دا الهكر !!؟؟
يعني أرٌجع قروش الختٌة و باقي الدهيبات المرقتهن للصرف !!؟؟؟ |
ممكونة ازيك وطال غيابك من المنبر
اهلا ومرحبا بيك
الحمد لله ما قلتى لى حولت
المبلغ الطالبوا الحرامى دا داير ليهو اربع سنوات عشان اسدده
لكن احتمال كبير اعمل نائم
يعنى تانى لو طلبت منك دين بالدرب كده عديل فكرى كتير قبال ما ترسلى
مودتى
|
Post: #49
Title: Re: لقد سرقوا بريدي الإلكتروني
Author: عبداللطيف محجوب
Date: 03-05-2010, 11:01 AM
Parent: #48
عزيزي المُحترم، دكتور القرشي ..
أولاً كفارة ليك ..
وثانياً .. أرجو أن تكون حريصاً كما ذكر لك الإخوة ..
ثالثاً .. كُنت سأسألك هل تتذكر السؤال السري الخاص بحسابك ؟ وهل عندما أنشأت الحساب وضعت بريد إلكتروني بديل ؟ لكنني تذكرت أنه ربما أن الهكر وبالتأكيد سيكون قد غير السؤال السري وإجابته وكذلك البريد الإلكتروني البديل .. !!
..
رابعاً وأخيراً .. أنصحك بوسيلة أخيرة .. وهي الإتصال بـ Microsoft technical services ..
وهذه الأخيرة .. عليك فيها تزويدهم بمعلومات كاملة عنك وعلى الأقل ثلاثة أشخاص كُنت قد أضفتهم .. وأسمك ثلاثي وهكذا ..
وإذا إقتنعوا من رسالتك .. ولمسوا فيها جدية .. وأنك حقاً صاحب البريد الإلكتروني المعني .. سيرسلون لك رابط لتغيير كلمة سر بريدكم القديم .. هذا والله أعلم والله المُستعان ..
إحترامي الأكيد ..
|
Post: #50
Title: Re: لقد سرقوا بريدي الإلكتروني
Author: Dr. Salah Albashier
Date: 03-05-2010, 11:22 AM
Parent: #49
كفارة يادكتور والجاتك في إيميلك سامحتك
|
Post: #51
Title: Re: لقد سرقوا بريدي الإلكتروني
Author: Ahmed al Qurashi
Date: 03-05-2010, 06:35 PM
Parent: #50
Quote: ود القرشي ياخوي ما جمعت لسا؟ انا طبعا منتظر ..... عشان نعمل زيك في استرجاع الايميل المسروق لما فيه من معلومات هامة
قول يا جامع |
والله يا بكرى كل المحاولات فشلت
سبلناه
وسنبتدئ من الأول
شكرا لك عزيزى بكرى الخير
ولك منى الود والتقدير
|
Post: #52
Title: Re: لقد سرقوا بريدي الإلكتروني
Author: Ahmed al Qurashi
Date: 03-05-2010, 09:10 PM
Parent: #51
| Quote: جاءتني هذه الرسالة من الاخ بهاء في كندا موجه لك : |
الاخ العزيز / ايمن مستور
لك التحية والتقدير وعبرك
للاخ بهاء بكندا ، فلقد اسعدتنى رسالته ونصائحه كثيرا
وسوف اتبعها حرفيا
وازدادت سعادتى انه احد الذين يتابعون ما اكتب فى هذا المنبر
ذلك شرف كبير لى
لك وله الشكر الجزيل
محبتى وتقديرى
|
Post: #53
Title: Re: لقد سرقوا بريدي الإلكتروني
Author: د.محمد حسن
Date: 03-05-2010, 09:31 PM
Parent: #52
والعدة؟
|
Post: #54
Title: Re: لقد سرقوا بريدي الإلكتروني
Author: Ahmed al Qurashi
Date: 03-06-2010, 11:23 AM
Parent: #53
Quote: الله معارف أقول ليك شنو !!
المهم في اربعةهنا في ايرلندا كانوا علي باب قوسين او ادني من ارسال الفلوس لك..
لكن اتصلوا علي لحثك لزيارة ايرلندا وحكوا لي القصة وربك ستر..
المهم يا اخوي ارجو ان تسعي جادا لتعيين وزيرة داخلية باسرع فرصة.. |
الأخ العزيز والصديق / مجدي الشيخ
لك التحية والود
أصدقائي وأحبتي في ايرلندا أهل شهامة ومروءة
لا أنسى حرصكم يا مجدي على زيارتي لكم في اجازتى السابقة
لك ولهم المحبة والمودة والتقدير
وعبرك التحايا لكل الأصدقاء
|
Post: #55
Title: Re: لقد سرقوا بريدي الإلكتروني
Author: Ahmed al Qurashi
Date: 03-06-2010, 01:38 PM
Parent: #54
| Quote: أحمد نحن والله بالأكثر وفقدناك في الكثير الكنت عاوز اناقشه معك والأيام بيننا وممكن اجيك في عمان بس لو اضمن اني ما ألآقي ودشيقوق حليلك يا البطانة وقشك المفروك وحليلك قُبال يسولك جزارة وسوق |
الأخ العزيز / خالد المنسي
أشكرك كثيرا فأنت أول من تواصلت معه بالايميل الجديد عبر الماسنجر
سعيد جدا بالتواصل معك مجددا
مودتي
|
Post: #56
Title: Re: لقد سرقوا بريدي الإلكتروني
Author: Ahmed al Qurashi
Date: 03-06-2010, 02:50 PM
Parent: #55
| Quote: ثالثاً .. كُنت سأسألك هل تتذكر السؤال السري الخاص بحسابك ؟ وهل عندما أنشأت الحساب وضعت بريد إلكتروني بديل ؟ لكنني تذكرت أنه ربما أن الهكر وبالتأكيد سيكون قد غير السؤال السري وإجابته وكذلك البريد الإلكتروني البديل .. !! |
الاخ العزيز / عبداللطيف محجوب
سلامات
تعرف الهكر غير اى حاجه وأنا أتحمل مسئولية فقدان هذا الايميل
لاننى أعطيته الرقم السري وتاريخ الميلاد من خلال الرسالة التي خدعني
بها وكانت تحمل شعارات الياهو ،
أرسلت رسالة للياهو ولكن البعض قال لي أنهم نادرا ما يهتمون بهذه الرسائل خاصة إذا تم تغيير المعلومات من قبل الهكر ، والسبب في ذلك إن هذه الخدمة تقدم مجانا .
شكرا جزيلا عزيزي عبداللطيف على هذه المشاركة الطيبة والمفيدة وسعيد جدا بحضورك
لك كل الود والتقدير
|
Post: #57
Title: Re: لقد سرقوا بريدي الإلكتروني
Author: Ahmed al Qurashi
Date: 03-06-2010, 03:12 PM
Parent: #56
| Quote: كفارة يادكتور والجاتك في إيميلك سامحتك |
الاخ الدكتور / صلاح البشير
شكرا جزيلا لحضورك ووقوفك معي
لك كل الود والاحترام
|
Post: #58
Title: Re: لقد سرقوا بريدي الإلكتروني
Author: Ahmed al Qurashi
Date: 03-06-2010, 03:50 PM
Parent: #57
الله يجازى محنك يا د. محمد حسن
دا انت ولا الهكر
|
Post: #59
Title: Re: لقد سرقوا بريدي الإلكتروني
Author: Magdi Ahmed Elsheikh
Date: 03-06-2010, 04:20 PM
Parent: #54
| Quote: المهم يا اخوي ارجو ان تسعي جادا لتعيين وزيرة داخلية باسرع فرصة |
ماتعمل نايم..!!
|
Post: #60
Title: Re: لقد سرقوا بريدي الإلكتروني
Author: Ahmed al Qurashi
Date: 03-06-2010, 08:55 PM
Parent: #59
المهم يا اخوي ارجو ان تسعي جادا لتعيين وزيرة داخلية باسرع فرصة
ماتعمل نايم..!!
لكن يا مجدى مخنا بقا تخين
ما فهمتها الا بعد التكرار
ربنا يستر من التعلم بكثرة التكرار
يا مجدى وزراء الداخلية اشتهروا بالتعذيب
والشدة والقسوة
احسن حاجه نبعد منهم، ولو كان وزير الداخلية مدنى ومنتخب
ممكن نفكر.
مودتى
|
Post: #61
Title: Re: لقد سرقوا بريدي الإلكتروني
Author: عادل سهل
Date: 03-14-2010, 08:03 AM
Parent: #60
أخوتا القرشى ، يأخى والله المصايب الاسفيرية اتوالت عليك ، شكلك بقيت تاخر صلاة الفجر حتى الشروق
يأخى انت راجل دقيق جدا ، والسرقات دى بتحصل للناس " المقهين " على قولة سيف الدولة احمد خليل ، زى ناس طارق مصباح رد الله غربته
تعرف ضياع العناوين البريدية وارقام التلفونات ، خسارة لا تعوض ، وقد حدثت لى الثانية ذات مرة ، فمن يومها صرت اعمل نسخة احتياطية على الدوام ( Backup)
المهم احترس من السرقات اللا اسفيرية ايضاً فهى منتشرة بشدة هذه الايام فى منطقة الخليج ، خاصة المتعلقات البنكية
وكلمة ود الصايم دى : | Quote: ضريبة الشهرة ياخ!! |
حقيقية يادكتور .
فالهكر يعرف من اين تؤكل الكتف ، وعارف لو انه هكر ليه زول نكرة ما راح يجيب " مريسة تامزينة " .
بس طمنا ما يكون شرك الهكر صاد ليه احد احباء ود القرشى ، خاصة بالصيغة البتقطع القلب دى .
تحياتى يادكتور ومشتاقين ،
عادل سهل
|
Post: #62
Title: Re: لقد سرقوا بريدي الإلكتروني
Author: Ahmed al Qurashi
Date: 03-14-2010, 04:34 PM
Parent: #61
| Quote: يأخى انت راجل دقيق جدا ، والسرقات دى بتحصل للناس " المقهين " على قولة سيف الدولة احمد خليل ، زى ناس طارق مصباح رد الله غربته |
الاخ العزيز / عادل سالم جمعه سهل
لك التحية والتقدير
الغربة دى يا عادل خلتنا نقهى ونسرح ردنا الله منها غانمين سالمين
وتحياتى لطارق مصباح ذلك الابيض النقى
تعرف يا عادل حتى الان مافى واحد قال لى انا حولت ومعظم اصدقائى مثلك
حساسين ورقيقين لو حولوا ما بكلمونى بس ربنا يستر
مودتى وحبى
|
Post: #63
Title: Re: لقد سرقوا بريدي الإلكتروني
Author: Ahmed al Qurashi
Date: 03-14-2010, 04:58 PM
Parent: #61
| Quote: يأخى انت راجل دقيق جدا ، والسرقات دى بتحصل للناس " المقهين " على قولة سيف الدولة احمد خليل ، زى ناس طارق مصباح رد الله غربته |
الاخ العزيز / عادل سالم جمعه سهل
لك التحية والتقدير
الغربة دى يا عادل خلتنا نقهى ونسرح ردنا الله منها غانمين سالمين
وتحياتى لطارق مصباح ذلك الابيض النقى
تعرف يا عادل حتى الان مافى واحد قال لى انا حولت ومعظم اصدقائى مثلك
حساسين ورقيقين لو حولوا ما بكلمونى بس ربنا يستر
مودتى وحبى
|
Post: #64
Title: Re: لقد سرقوا بريدي الإلكتروني
Author: Ahmed al Qurashi
Date: 03-20-2010, 03:38 AM
Parent: #63
وأخيرا أسترديت بريدى الالكترونى من الهكر
[email protected]
سيكون مفعلا مع الايميلات الجديدة
شكرا لكل من حاول معى استرجاع الايميل
والشكر الى الاخ هيثم لبيب على بذله الحهد ومحاولاته المتكررة
|
Post: #65
Title: Re: لقد سرقوا بريدي الإلكتروني
Author: الطيب شيقوق
Date: 03-20-2010, 08:14 AM
Parent: #64
جمعت؟
غير باسويردك كل مرة عشان ما تبقى تكيّة للناس ما بحترموا الملكية الفكرية
التحية ليك ود اللبيب ولك اخي ود سهل
|
Post: #66
Title: Re: لقد سرقوا بريدي الإلكتروني
Author: Ahmed al Qurashi
Date: 03-20-2010, 11:34 AM
Parent: #65
شكرا عزيزى الطيب شيقوق
والحمد لله استطعت ارجاع ايميلى من هذا اللص
وخلى بالك من ايميلاتك الكتيرة دى
مودتى
|
|