لا سبيل للوصول للسلطة إلا عبر انتخابات حرة ونزيهة ( التقول ما قلبا)

Quote: قال الرئيس عمر البشير إن الانتخابات العامة في البلاد ستجري في موعدها المحدد لها في عام 2008، وشدد الرئيس السوداني «ألا سبيل للوصول الى السلطة إلا عبر انتخابات حرة ونزيهة وفقاً لأحكام القانون والدستور واعتمادا على الديمقراطية والشفافية». ودعا البشير وهو يخاطب احتفالا جماهيريا ضخما أقيم ليل اول من امس في استاد الخرطوم بمناسبة الذكرى الثامنة عشر لقيام حكم الرئيس البشير المعروف بـ«ثورة الانقاذ الوطني»، ودعا الاحزاب السياسية للاستعداد لخوض الانتخابات المقبلة، والتي أكد انها ستقوم في مواعيدها، وتعهد البشير بالامتثال لنتائجها، وقال سنتخذ موقفنا حكما أو معارضة امتثالا لاختيار الشعب. وشدد البشير «ألا محيص عن السلام ولا نكوص عن الاتفاقيات التي تم توقيعها ولا عودة للحرب»، وقال «لن نغالي إذا اعتبرنا اتفاقية نيفاشا أهم حدث منذ الاستقلال، واعتبرها المتممة للاستقلال الذي ولد ناقصاً بسبب الحرب»، ووعد بالمحافظة على السلام بكل قوة، وقال إن السلام تحقق في الجنوب والشرق وسنسعى لتحقيقه في دارفور التي أخذت طريقها نحو الحل. وذكر أنه لا بديل لمسيرة التنمية الشاملة والمتوازنة والتي اشار الى انها قطعت شوطاً كبيراً في البترول والطرق والجسور وغيرها من المؤسسات، وأكد اعتماد الإنقاذ على نفسها في إعادة الاعمار وتوفير الخدمات والاهتمام بالريف ودعوة المانحين للالتزام بتعهداتهم، ودعا للعناية بالأمومة والطفولة والاهتمام بالمرأة وتنشئة الاجيال، وإعطاء الشباب دورهم الطليعي وإعدادهم لمواقع القيادة. وتعهد البشير برد المظالم كبيرة كانت أم صغيرة الى أهلها عدلا وإحسانا. ودعا البشير أبناء السودان كافة في الداخل للعمل من اجل رفعة البلاد ونهضتها. وأكد على الدور الحيوي الذي يلعبه الاعلام في إشاعة ثقافة السلام ونبذ العنف والتبشير بالمرحلة المقبلة والعمل على صيانة الوحدة الوطنية.

http://www.sudanile.com/

قصــة..

العزيز مجاهد
تحية طيبة

Quote: ألا سبيل للوصول الى السلطة إلا عبر انتخابات حرة ونزيهة وفقاً لأحكام القانون والدستور واعتمادا على الديمقراطية والشفافية

مبالغة وعناق للخيال..
لا تصدقوهم تيكتيكات مرحلية من يؤمن بالديمقراطية لا ينقلب عليها

يا جماعة هووي كلام البشير هذا ... كلام خارم بارم ساي ... الزول ده من كبار القتلة الفجرة ... و ده تاريخ و ليس تلفيق.

المحترم عبده

سلامي وتحياتي لك

بالله شوفت لا الناهية دي كيف..

وشوفت النزاهة ...

قال لا سبيل وهو ليس صاحب سبيل...

قلبه وقتل الناس الدايرين يقلبوها ..

وبعد ده يجي يقول لا سبيل ..

ولا يعلم أن فاقد الوسيلة لا يمكن أن يأتي بالوسيلة ..

الود لك ايها الشفيف ..

Quote: يا جماعة هووي كلام البشير هذا ... كلام خارم بارم ساي ... الزول ده من كبار القتلة الفجرة ... و ده تاريخ و ليس تلفيق.

نقول شنو عاد يابرير..

هو ده الله ودي حكمتو..

الناس ديل شكلهم بتصريح دايرين يمسحو التاريخ ..

وبعدين ما تنسى هو الكلام بقروش .ز

القسم والحليفة ما بقروش لمن بقى على الكلام..

شوفت الزول سعيد كيف ..

يقتلو القتيل ويمشوا في جنازتو..

لك الود وبكره قرررررررب ..

العزيز مجاهد
سلام
طيب مالو
خلاص رد المظالم/الشفافية من الان وتفعيل القضاء المحلي ايضا ..ننتظر لحدت زمن الانتخابات ونشوف
وبعدين \دي
نيفاشا والشراكة الذكية مع الحركة التي تدفعت بالبلد الذى هذه المرحلة وانتخابات 2008 من استحقاقات نيفاشا...التي يجهلها الحرس القديم واضنابهم في البورد
والعبرة بالخواتم...وكما قال الصحابي سهيل بن عمروبعد فتح مكة واعتناقه السلام اليت على نفسي اي مقام جلست فيه بجاهلية اجلس فيه بالاسلام وليس بعد نيفاشا كما هو قبلها
...........
الرجوع للشعوب هو اهم ملامح النظام العالمي الجديد ام تواكب او تنقرض وKحن جزء من هذا العالم... والبقاء في سلطة مغصوبة اصبح باهظ التكاليف....اليس كذلك(فيه محاكم جنائية دولية)

وهناك مثل اسباني يقول
يمكنك ان تصنع اشياء كثير بالرماح
فقط لا يمكنك الجلوس عليها

.........
والمرة دي انابصدق البشير وابصم بالعشرة وان غدا لناظره قريب....

Quote: نيفاشا والشراكة الذكية مع الحركة التي تدفعت بالبلد الذى هذه المرحلة وانتخابات 2008 من استحقاقات نيفاشا

الأخ المحترم عادل

سلام من الله عليك

أولاً جزيل شكري على مرورك وتعليقك وهميميتك لمآل السودان الذي وجب علينا أن نعمل ونعمل حتى نراه بين أمم العدل والخير ،ولا يفوتني أن احيى جهودك وتفائلك بالمستقبل المشرق للوطن .في البدء لابد لي من ان أعرج قليلاً للحالة الراهنة وقراءات المستقبل القريب للوضع في السودان والذي بات من المستحيل بمكان أن تعود له سيرته التي نرجو مالم تتحقق له بعض الشروط ،وتتمثل القراءة حول النظام الذي يتلون كالحرباء متنازلاً تارة ومترفع بعد زمن وجيز من التنازل تارةً آخرى ،نظام مازالت تسكن فيه عقيدة الصلف والفكر الوصولي المتزين بالإسلام ،نظام لايحترم عهوده ومعاهديه ،وفوق كل ذلك يرتجف بالكذب ويتشدد بالقهر والجبروت ،وحتى لو أسلمنا جدلاً بقديم في السودان او جديد فهو ملتحف الثوب من الجانبين ،فعندما يستهل لقائه بالحركة فهو مع السودان الجديد وعندما يجتمع بزمرة شوراه فهو من أصحاب العلو والرفعة والسؤدد في السودان القديم ،ولايخفى حتى للخارجية الأمريكية ان لهذا النظام وجهين ولكن يمثلان عملة واحدة هي الإرهاب الوصولي في شرنقة بدائية ،وساعده في ذلك كثير من المتغيرات الدولية التي أتت في صالح مشروعه والذي يمكن ان نقول أنه قد احسن إستخدامها ووفرت له الكثير من الوقت جالساً على سدة الحكم مغتصباً ،ولوت له عنق الثورية التي تحلت بها الحركة الشعبية فقسمت قضيتها في إطارها الجغرافي الممعن في التمزق وهنا يجب ان نقر بان النظام حقق جوهر صدقية رسالته بما يعتنق من أفكار وصولية مع ما يتزين من فهم إسلامي مجحف للدين نفسه .فالشرك الذي نصب في نيفاشا لايمكن ان نسميه إتفاقية على الإطلاق وهنا يبدو لي من فهم تعقيبك أنني قد إختلفت معك بعض الشيئ إختلاف لايفسد للود قضية ,فنيفاشا ما زلت اردد انها شراكة كاملة وغير منقوصة واقرب تشبيه لها انها كالزواج الكاثوليكي لايمكن ان تنفض إلأ لعلة تُمكن احد الطرفين من مواصلة المسيرة التي لابد وان تنتهي بموت احدهما أو أن تنشق الجغرافيا الي يمكن ان تجمعهما او ما يمكن أن نُعرّفه بالإنفصال وهو باب نذر لايمكن أن نستبعده إذا ما تمكن صقور الحركة من إمتلاك زمام الإمور .اما عن الكيفية التي تجعلني متاكداً من نيفاشا شراكة وليست إتفاقية هي التباين الفكري بين المنفستو وأهداف التنظيم الدولي للإسلاميين الذين ما فتئوا يرعون هذا النظام ،والضغوطات الدولية التي وجدها الراحل كي يجلس مع من يتحرّون الكذب ومن ينكلون بالآخر وناقضي العهود ،وأخيراً وليس آخراً طوال آمد الحرب وفاتورتها الباهظة للجانبين .وبعد الإتفاق ظهر الوجه الآخر للإنقاذ وهي تضرب ببنود نيفاشا عرض الحائط وتنفذ بعض البنود حسب التفسير الإنقاذي الضحل ،فأسلمت العاصمة بعد أن اغرت الحركة بعدم وجود أي تسلط من جانبها في الجنوب وهو خطأ وقعت فيه الحركة ولا يغتفر لها ،وضيقت على الحريات باكثر مما كان عليه والتي تم إكتسابه بالضغط الداخلي ،وإذداد قهرها وجبروتها تجاه الجبهات الآخرى ،وما زالت توالي في الصفعات والحركة لاحراك لها ولا متحرك،كما أن الإتفاق بين أصحاب القضايا يمكن أن تحدث فيه بعض التنازلات ولكن لايمكن أن يتميع المبدأ . أن دوافع الشراكة بين المؤتمر والحركة أكبر من دوافع الإتفاق ،وما زلت اردد فلا ضامن للحركة من الشمال سوى المؤتمر ولا مخرج للنظام وزيادة آمده سوى الحركة ،فالكل يلتقي عند مفهوم الحرية في الحكم او الكونفدرالية السودانية وهو لاوجود للمؤتمر في الجنوب وإن وجد كسيادة فإن الحركة هي ممثله ولاوجود للحركة في الشمال سوى تصريف وقبض اموال تعين الممثل في الجنوب ،أن ما يطلقه المؤتمر من تصريحات لايعدو ان يكون كذباً في كل الأحوال وكما إستشهدت أخي عادل بقول الصحابي فاني استشهد بالذي لايحدث عن الباطل الرسول عليه الصلاة والسلام القائل ان المؤمن لا يلدغ من جحر مرتين .فإن كان لك ان تصدق البشير هذه المره فهذا هو الذي يعيش عليه ويستمد قوة وجوده وطول آمده .

خالص الود لك اخي عادل ..

الاخ العزيز مجاهد
سلام
الانتخابات ضرورة عالمية وهي جذرة امريكية خلفها عصا غليظة

وصراع الرؤى في السودان جعلنا الا بين وعيين
دولة مدنية فدرالية ديموقراطية وهذا مشروع الحركة الشعبية
دولة هلامية تزايد بالدين على مستويات مختلفة وهذا هو رؤى السودان القديم واسؤاها على الاطلاق تجربة الاخوان المسلمين التي وجدها ناس الحركة امامهم بعد اجهاض المؤتمر الوطني الدستورى

والناس ديل امريكا جبتم من قفاهم وليس كما يدعون من يدهم كما فعلت مع الحركة الشعبية ...اما يمشو على العجين وما يلغبطوش او لاهاي قاعدة وربك عادل والديان لا ينوم وكما تدين وتدان وما جرى لصدام ليس عنكم ببعيد فهم مخيرين بين الموت لسريرى(الانتخابات) وان احسنا نحن استثمارها او الموت بيد اصحاب القبعات الزرقاء

فقط كيف تفهم القوى الديموقراطية الحقيقية في الشمال المازوم بجهاته الثلاث ان مشروع الحركة الشعبية(الدولة المدنية الفدرالية الديموقراطية) وان جاء من الجنوب افضل لهم من سراب بقيعة يحسبه الظمان ماء..وهذا ما تروج له احزاب السودان القديم دون استثناء لاعادة انتاج نفسها ليس على مستوى الاحزاب ومشاريعها الهلامية بل على مستوى الاشخاص وكما ترى الازمة في لسودان الان ازمةوعي واجهزة اعلامية قادرة على توصيل ما هو صحيح بل دعنا نقول ما هو حقيقي في زمن ثورة المعلومات

وقصة البشير بقى ذى قصة القراءة العربية(اكلني النمر) حتى اذا صدق بقى مافي زول بصدقو
هسه قال حيعوض المفصولين للصالح العام كدي نشوف دي لو صدقت حاصدق طوالي ما بعدها...

وتحياتي ليك يا مجاهد
بعدين التحول الديموقراطي من نظام شمولي اكتنف العالم انتو قاعدين وين ..كينيا وانجولا واخيرا مورتانيا
واصلو الزول مابوعي ولا بتغيير ولا شنو يا فردة
الترابي ذاتو بقى علماني وليس في الامر عجب
واحب العجب واكره الرشاشات الهلالاب الفتة

Quote: الذكرى الثامنة عشر لقيام حكم الرئيس البشير

يحتفل بالإنقلاب ويقول لا سبيل..

عجباً..

الحبيب مجاهد

Quote: ( التقول ما قلبا)

ديل لو ما الدبابة ما يقدرو يقلبو صحن فول

ياخي الحرامي لو تسلق جدار بيت ومعه سكينة يسرق البيت كلو

في انتخابات حرة ونزيهة اخدوها سيك في قبولهم

بئس ما يقولون

Quote: ياخي الحرامي لو تسلق جدار بيت ومعه سكينة يسرق البيت كلو

حيدر الأسد

المشكلة مش أنو يسرق البيت كلو

المشكلة أنو يحذر الحرامية التانين من سرقت ما سرق

وشر البلية ما يضحك ...

قال لا سبيل قال

الود لك ..

ياجماعة الخير الزول ده بقول في درر بس ما لاقي البفهمو

إنتخابات حره وين في السودان يا راجل إستغفر ربك

ودابكدوك

الأخ مجاهد سلامات,

قبل كده ما قالو لينا الزارعنا غير الله اليقلعنا!!!!!!

وضوح اكتر من كده تانى يكون كيف!!!!!!!

( التقول ما قلبا) قلبا كيف

شر البلية ما يضحك!!

ومن قلب الماساة تخرج النكتة!!!!!!!!سبحان الله.

مودتى

Quote: ( التقول ما قلبا)

المجاهد والله ضحكتنى لحدى وقعت

عندك حلاة سخرية تجنن

Quote: ياجماعة الخير الزول ده بقول في درر بس ما لاقي البفهمو إنتخابات حره وين في السودان يا راجل إستغفر ربك

ودابوكدوك

تحياتي يا بطل

هو كان ما أنحنا فعلاً جماعة خير كلام ذي ده بقدر زول تاني يقولو ..

أصبح المؤتمر الوطني كالمسيح الدجال

قابض على كل الحياة في السودان

ما ليهو حق يجي يقول إنتخابات نزيهة.

شوفت المرض ده كيف يا ود ابوكدوك ..

خالص الود لك ...

Quote: قبل كده ما قالو لينا الزارعنا غير الله اليقلعنا!!!!!!

وكمان يا شفيف قالوا البلاقينا متحزم بنلاقيهو عريان..

وهو الكلام بقروش..

انت عارف يا ايمن

حكومتنا دي ثورة الكلام الوطني..

لكن الغريبة الحرامي بحذر أخوه

قال حرة نزيهة قال..

قوموا لفوا...

الود لك أخي ايمن الطيب ..

Quote: ضحكتنى لحدى وقعت

عشان تاني يا ودشيقوق تجي وتقول انا همباتي

شوفت أخلاق الهمبتة بتاعت الإنقاذ دي

يسرقوا ويقول ليك إياك أن تسرق مما سرقوه

وبعدين السلطه الأكلوها سنة 89 كانت بدكوه ولا شنو

قال إنتخابات قال..

العسكري خايف من العساكر..

ومن هو البقلبا ..

والله يا ود شيقوق هو ذاتوا ماعارف حاجة ..

الحكاية مقلوبة لكن البطلعنا من تحته شنو ..

تحياتي لك يا فارس البطانة..

Quote: الترابي ذاتو بقى علماني وليس في الامر عجب

ما هي دي المشكلة ذاته يا عادل

الجماعة ديل مثل الحرباء يستطيعون تغير الوانهم متى ما إذدادت الضغوطات

لكن النفسية ياها نفسها

أعتقد أن الحل الوحيد هو نشر الوعي وأعلم أنه يحتاج الى مجهود كبير

ولا يتأتى ذلك إلأ بالتحالف الموضوعي ووضوح الإستراتيجية بين المتحالفين

وهو السبيل الوحيد لدحر الفهم الوصولي من الوطن..

خالص الود لك أيها الهميم ..