Post: #1
Title: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 10:23 AM
Parent: #0
يا ربِّي يكون المطعم (الشعبي) دة فتحو ليها البشير ذاااااااات نفسو؟
ولاّ يكون مموِّلو المُؤتمر الوطني؟
عجيبة لكِن يا فاطمة إنقاذ
|
Post: #2
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 10:27 AM
Parent: #1
الصور دي عُمرها لا يتجاوز الرُبع ساعة بأي حالٍ من الأحوال إلتقطّتها اللحظة من أحد الشوارِع المُتفرِّعة شرقاً من شارِع محمّد نجيب.
لفتت إنتباهي فهي تضع رمز الشّجرة و اسم البشير و تُعلِن على الملأ الأعظم وقوفها خلفه ، فصوّرت و لايف طوّالي من موقع المطعم نفسو يُخاطِبكم مُراسِلكم قناة المدينة
|
Post: #7
Title: Re: فاطمة إنقاذ (صور طازة بطعم الزقوم المدنكل)
Author: Yassir Tayfour
Date: 03-14-2010, 10:55 AM
Parent: #2
يا علاء
ده ما ياهو الزقوم ذاتو لووول..
___
بكرة ما واحد يتسمّم، تجو تقولو فاطمة إنقاذ دي رسلوها ناس الحركة..
|
Post: #16
Title: Re: فاطمة إنقاذ (صور طازة بطعم الزقوم المدنكل)
Author: علاء الدين يوسف علي محمد
Date: 03-14-2010, 11:51 AM
Parent: #7
طيفور سلامات
| Quote: بكرة ما واحد يتسمّم، تجو تقولو فاطمة إنقاذ دي رسلوها ناس الحركة.. |
يا اب تِفّة
زي براميل النفايات الناس الحركة قالوا عملوها الأمنجِيّة
|
Post: #3
Title: Re: فاطمة إنقاذ (صور طازة بطعم الفول المدنكل)
Author: ود الباوقة
Date: 03-14-2010, 10:28 AM
Parent: #1
كدا الجماعة اصبحوا محاصرين من
كل الجهات ..
حول ..
|
Post: #4
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 10:35 AM
Parent: #3
ود الباوقة يا حبيب
أوّل زيارة ليكم يا بورداب الرِيّاض معزومين عِند فاطمة إنقاذ
|
Post: #5
Title: Re: فاطمة إنقاذ (صور طازة بطعم الفول المدنكل)
Author: كمال سالم
Date: 03-14-2010, 10:45 AM
Parent: #4
Quote: يا ربِّي يكون المطعم (الشعبي) دة فتحو ليها البشير ذاااااااات نفسو؟
ولاّ يكون مموِّلو المُؤتمر الوطني؟ |
مسكينه ياعلاء الدين ,, عايزه تعيش ,, تسوى شنو
مع كلاب النظام العام !! بالطريقه دى ضمنت تقعد
فى الحته دى مية سنه ,, وبعدين حتدى صوتها لياسر
عرمان ,, حريفه والله يافاطمه !!
|
Post: #8
Title: Re: فاطمة إنقاذ (صور طازة بطعم الفول المدنكل)
Author: Frankly
Date: 03-14-2010, 10:55 AM
Quote: بالطريقه دى ضمنت تقعد
فى الحته دى مية سنه |
يعني أنت متأكد أنّ الإنقاذ دي ح تقعد مية سنة
Quote: , وبعدين حتدى صوتها لياسر
عرمان |
بعد مية سنة
| Quote: حريفه والله يافاطمه !! |
هي حريفة وذكية لكن أنت يقولوا عليك شنو؟
|
Post: #32
Title: Re: فاطمة إنقاذ (صور طازة بطعم الفول المدنكل)
Author: محمد فرح
Date: 03-14-2010, 01:52 PM
Quote: مسكينه ياعلاء الدين ,, عايزه تعيش ,, تسوى شنو
مع كلاب النظام العام !! |
يا اخوانا المعارضين ديل حيبقو جادين متين؟؟
ما علينا..
الخطاط أخد كم يا علاء الدين؟ طلبات فول ولا كاش
طبعاً ديل اكتر ناس مريحني اليومين دي ، ياخي شغلهم أخيراً دور بعد سنين عجاف
كامل تضامني مع الخطاطين المعتزلين
|
Post: #6
Title: Re: فاطمة إنقاذ (صور طازة بطعم الفول المدنكل)
Author: المسافر
Date: 03-14-2010, 10:50 AM
Parent: #4
Quote:
يا ربِّي يكون المطعم (الشعبي) دة فتحو ليها البشير ذاااااااات نفسو؟
|
بتكون فتحتو براها ذااااات نفسها !!!
بشورة دا ماظنيتو زول فول
|
Post: #9
Title: Re: فاطمة إنقاذ (صور طازة بطعم الفول المدنكل)
Author: mahmed alhassan
Date: 03-14-2010, 11:07 AM
Parent: #6
والله يا علا صورة معبــرة
افضل مــن العشرين دقيقة بتاعة القناة الفضائية 0
واصـــل الرش والــردم ولو كره المعارضون 0
|
Post: #10
Title: Re: فاطمة إنقاذ (صور طازة بطعم الفول المدنكل)
Author: omer osman
Date: 03-14-2010, 11:19 AM
Parent: #9
فاطمة إنقاذ 
|
Post: #11
Title: Re: فاطمة إنقاذ (صور طازة بطعم الفول المدنكل)
Author: Frankly
Date: 03-14-2010, 11:29 AM
Parent: #10
الصورة يا علاء الدين فيها دلالة قوية أكثر بكثير من رأي "فاطمة إنقاذ" في البشير فهذا رأيها ولا دخل لنا فيه
ولكن جهرها بهذا الرأي في مكان رزقها يعني أنّ زبائنها يرتضون هذا الفعل
ولو كانت تخشى مجرّد خشية من عدم قبول زبائنها بهذا الإعلان ممّا يهدد مصدر رزقها
لأحجمت عن فعله في الحال بل ولما فكرت فيه أصلاً
جهرها بتأييدها للبشير يعني تقرّبها من زبائنها الذين هم بالتالي يؤيدون البشير
هكذا أقرأ دلالة الصورة
|
Post: #12
Title: Re: فاطمة إنقاذ (صور طازة بطعم الفول المدنكل)
Author: أيوب خليل
Date: 03-14-2010, 11:36 AM
Parent: #11
اللهم إني أٍسألك بقدرتك وعظمتك وعزتك وجلالك وقوتك وسلطانك
أن تذهب أعداء عمر حسن أحمد البشير ومن والاهم بعيداً عن حكم السودان
اللهم يسر لشعب السودان حاكماً كالبشير يحترم شعبه ويحفظ أرضه ويصون عهده
اللهم ارزق شعب السودان حاكماً كالبشير يحترم الرأي والرأي الآخر
اللهم اعط شعب السودان حاكماً كالبشير لا يظلم أحداً ولا يفرض ضرائب ولا جبايات
اللهم امنح شعب السودان حاكماً كالبشير يحترم الحريات العامة والخاصة ويعرف رعاية حقوق الإنسان
اللهم اجعل البشير حاكم السودان يهتم لمصالح شعبه وبلده وترابه وأرضه فقط
آمين
آمين
آمين
|
Post: #13
Title: Re: فاطمة إنقاذ (صور طازة بطعم الفول المدنكل)
Author: ود الباوقة
Date: 03-14-2010, 11:43 AM
Parent: #12
Quote: اللهم إني أٍسألك بقدرتك وعظمتك وعزتك وجلالك وقوتك وسلطانك
أن تذهب أعداء عمر حسن أحمد البشير ومن والاهم بعيداً عن حكم السودان |
اللهم امين .....
|
Post: #14
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 11:45 AM
Parent: #13
Quote: الصورة يا علاء الدين فيها دلالة قوية أكثر بكثير من رأي "فاطمة إنقاذ" في البشير فهذا رأيها ولا دخل لنا فيه
ولكن جهرها بهذا الرأي في مكان رزقها يعني أنّ زبائنها يرتضون هذا الفعل
ولو كانت تخشى مجرّد خشية من عدم قبول زبائنها بهذا الإعلان ممّا يهدد مصدر رزقها
لأحجمت عن فعله في الحال بل ولما فكرت فيه أصلاً
جهرها بتأييدها للبشير يعني تقرّبها من زبائنها الذين هم بالتالي يؤيدون البشير
هكذا أقرأ دلالة الصورة |
قراءة سليمة مية المية فرانكلي
لك التحايا
|
Post: #20
Title: Re: فاطمة إنقاذ (صور طازة بطعم الفول المدنكل)
Author: بدر الدين اسحاق احمد
Date: 03-14-2010, 12:49 PM
Parent: #12
لولا المنبر ومشاكل التحميل كان جبــت ليكم صورة الشاب .
الذى قابلناهو ومجموعة من البورداب فى قندهار وهو يعلق صورة
الرئيس البشير على قميصــه ...
فسالناهو ادوك كــم (فرد منتفضــا ) انا بدفع ليهم ما هم بيدفعو ليه
وبعدين انا البشير دى بدفع ليهو دمــى زاتو ...
فكانت صورة تحكى قصــة مشهــد ( لازم يكون هنــا )
انهــم اناس من بلادى ...
|
Post: #17
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 12:08 PM
Parent: #10
يا جنابو بُكرة عازمك فول عند فاطمة إنقاذ
|
Post: #15
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 11:48 AM
Parent: #9
الكريم محمد الحسن
زمااااااااااان قُلنا ليهم إنو الشعب قد قال كلِمته
لكن ماااااااا صدّقونا
أتمنى من الأخ الزميل بدر الدين إسحق يلحقنا بصورة لشاب أغبش لقيناهو في قندهار أمِس
معلِّق صورة البشير في صدرو
و شهود على الكلام دة عدد من البورداب
جلس جمبنا و التقط له الأخ بدر الدين صورة
دة الشعب يا ناس ياهوووووووووووو
|
Post: #18
Title: Re: فاطمة إنقاذ (صور طازة بطعم الفول المدنكل)
Author: سيف النصر محي الدين محمد أحمد
Date: 03-14-2010, 12:33 PM
Parent: #15
كدي يا علاء لما تعزم جنابو اسألها عفوها من النفايات و للا الضرائب و للا رسوم المحلية
الخ الخ..لأنو ما ممكن زول يشيل ايدو براهو يطبز بيه عينو.
|
Post: #19
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 12:39 PM
Parent: #18
أبو السِيوف يا دكتورنا
ولااااااااا بسأل ولا حاجة
أقرب إجازة معزوم عِندها و تسألها بي نفسك و نقول ليها مافي أي طريقة إلا نشوف الإيصالات
حتى نتثبّت
أنا عارِف زي الصور دي مااااااااا بتريِّح أعصابكمُ
لأنُّو مافيها أيييييييييييييييي ريحة
|
Post: #21
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 12:55 PM
Parent: #19
Quote: أتمنى من الأخ الزميل بدر الدين إسحق يلحقنا بصورة لشاب أغبش لقيناهو في قندهار أمِس
معلِّق صورة البشير في صدرو
و شهود على الكلام دة عدد من البورداب
جلس جمبنا و التقط له الأخ بدر الدين صورة
دة الشعب يا ناس ياهوووووووووووو
|
بدر الدين إسحق
ياريت تحِل مُشكِلة التحميل للصورة بتاعت الشاب الأمس
|
Post: #22
Title: Re: فاطمة إنقاذ (صور طازة بطعم الفول المدنكل)
Author: omer osman
Date: 03-14-2010, 12:56 PM
Parent: #19
Quote: يا جنابو بُكرة عازمك فول عند فاطمة إنقاذ
|
اظهر وبان ...... ميزانيات مرصودة ... بنود صرف خرافية ..... قد لايظهر الامنجية كمناصرين
بشكل واضح .... بل يمكن ان يظهروا في شكل محبي الفول بزيت السمسم ....... الخ
|
Post: #23
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 01:01 PM
Parent: #22
يا جنابو الزولة دي الحاجة الوحيدة الما مُتوفِّرة جمبها (كنتين) و بيّاع للكنتين دة
ما عِندك لينا واحد وارِد برّة
|
Post: #24
Title: Re: فاطمة إنقاذ (صور طازة بطعم الفول المدنكل)
Author: Faisal Elrasheed
Date: 03-14-2010, 01:06 PM
Parent: #23
Quote: يا جنابو الزولة دي الحاجة الوحيدة الما مُتوفِّرة جمبها (كنتين) و بيّاع للكنتين دة
ما عِندك لينا واحد وارِد برّة
|
قااااااااااااعد هسه بجيك طاير ..بكون بصلح في الرايت كلك حقت الماوس بتاعه (:
|
Post: #25
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 01:16 PM
Parent: #24
كان جا الطاحونة ما بمرق بدون ساي
|
Post: #26
Title: Re: فاطمة إنقاذ (صور طازة بطعم الفول المدنكل)
Author: سيف النصر محي الدين محمد أحمد
Date: 03-14-2010, 01:18 PM
Parent: #23
اول اجازة يا علاء حنجي و نتأكد. الزولة محتاجه شوية نقاش عشان راسها يستعدل
فخلينا عبرك نناشد الشباب هناك في الخرطوم يسجلوا ليها زيارة و لو ممكن ناس
"قرفنا" يعملوا ركن قدام المحل يكونوا برضو ما قصروا.
|
Post: #27
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 01:23 PM
Parent: #26
Quote: و لو ممكن ناس
"قرفنا" يعملوا ركن قدام المحل يكونوا برضو ما قصروا. |
ياها القايمة عليهم بالكُمشة
و بكرة تجوا تفتحوا لينا بوست:
شباب قِرِفنا يتعرّضون للسحل بالكُمَشْ (فيديو و صور كِمِّيات)
|
Post: #28
Title: Re: فاطمة إنقاذ (صور طازة بطعم الفول المدنكل)
Author: سيف النصر محي الدين محمد أحمد
Date: 03-14-2010, 01:31 PM
Parent: #27
| Quote: ياها القايمة عليهم بالكُمشة |
غايتو كان سوت جنس العملة دي ياداب حنتأكد انه كوزة..
بعدين حكاية الفيديو و الصور دي بتعتمد على ظروف نجلاء سيداحمد.
|
Post: #29
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 01:38 PM
Parent: #28
إنتو منو الما كوز بس قولوا لينا
|
Post: #30
Title: Re: فاطمة إنقاذ (صور طازة بطعم الفول المدنكل)
Author: بشير أحمد
Date: 03-14-2010, 01:45 PM
Parent: #29
قلت لي الجماعة الطيبين يضربو الفولة
ويعاينوا للشجرة أُم صمغ دي ؛
ناس قرفنا زاتهم لو جو بياكلو فول بدون زيت
معاها كوز موية ويطلبو الله.
قال قرفنا قال.
_____
تحياتي يامراسل قناة المدينة.
|
Post: #35
Title: Re: فاطمة إنقاذ (صور طازة بطعم الفول المدنكل)
Author: فايزودالقاضي
Date: 03-14-2010, 02:09 PM
Parent: #29
ايوب والمتداخلين ...ٍسلامات ..
Quote: اللهم إني أٍسألك بقدرتك وعظمتك وعزتك وجلالك وقوتك وسلطانك
أن تذهب أعداء عمر حسن أحمد البشير ومن والاهم بعيداً عن حكم السودان |
عمر البشير يرأس حزب له تاريخه القمعى .. عذب وشرد وقتل وسرق مال الشعب واستغل خيرات البلاد لمصلحته الخاصه ...
وانت تعلم ذلك تماماً فهل تظن الله ليس بعادل ؟!! دعاءك ده والذى خلق السماء ما فايت رقبتك ثقة كثقتي بالله تعالى وعدله ..
| Quote: اللهم يسر لشعب السودان حاكماً كالبشير يحترم شعبه ويحفظ أرضه ويصون عهده |
ههههههه ضحكتني يصون ارضه دي ...حلايب في حفظ وصون المصريين !!! ولا ماكده ؟!!!
| Quote: اللهم ارزق شعب السودان حاكماً كالبشير يحترم الرأي والرأي الآخر |
بأمارة شنو ؟!!
| Quote: اللهم اعط شعب السودان حاكماً كالبشير لا يظلم أحداً ولا يفرض ضرائب ولا جبايات |
يازول الجبايات دى فاتت حد الفرض وبقت ثقافة للانقاذ ...قول حاجة مامعايشنها ..
| Quote: اللهم امنح شعب السودان حاكماً كالبشير يحترم الحريات العامة والخاصة ويعرف رعاية حقوق الإنسان |
هههههههههههههه والله كان حقوق انسان ماعرفنا ...
| Quote: اللهم اجعل البشير حاكم السودان يهتم لمصالح شعبه وبلده وترابه وأرضه فقط |
على حس التراب والارض .. عملت لينا شنو في حلايب ....
|
Post: #33
Title: Re: فاطمة إنقاذ (صور طازة بطعم الفول المدنكل)
Author: حافظ كنجال
Date: 03-14-2010, 02:02 PM
Parent: #28
ماشايف لي انقاذ في الصورة دي...
الفول ياهو الفول...
والكراسي ياها الكراسي..
حتى الشجرة ياهاذاته ..
يكون اقتباس الرمز من تلك الشجرة..
ذات الغضون النضرة ..
كيف كانت حبة وهسه صارت خطرة...
ياهو المكان قبال مايتم انقاذنا...
يعني الزمن واقف..يافطنة انقاذ...
وين الجداد....
|
Post: #31
Title: Re: فاطمة إنقاذ (صور طازة بطعم الفول المدنكل)
Author: Hadeer Alzain
Date: 03-14-2010, 01:49 PM
Parent: #27
يا علاء يا أخوي
طيب ما أهو إنتو مستفيدين من المنبر وعاملين دعاية كويسة للريس ..
الها(كر) دا المزعلو قدر دا شنو وجاي ناطي فينا كل يوم؟؟؟!!!
وبعدين إنتو خايفين من منو؟ وقاعدين تبرروا لشنو ؟؟!
ما إنتو فايزين فايزين .. دي عندك فيها مثقال ذرة من شك؟؟!
أما فاطمة إنقاذ التفتيحة دي
فبتكون بتستقطب في الإنقاذيين أبان جيوب مليانة يجو ياكلو عندها وتمشي
حالها وبس، صدقني لابكون هاميها بشير لا عرمان يفوز. يعني دا آخر همها!
إنت قايلنا نسوان طيرات ولا شنو؟
تحياتي لك
|
Post: #34
Title: Re: فاطمة إنقاذ (صور طازة بطعم الفول المدنكل)
Author: humida
Date: 03-14-2010, 02:06 PM
Parent: #31
يا علاء ..
في سوء فهم كبير بين الكيزان و الما كيزان في المنبر دا ..
لانه في عالمين ينتمي ليهم هذا الجمع المبارك ( عضوية سودانيزاونلاين ) ..
العالم الاول يقع في كوكب الارض .. ( تالت حجر من الشمش ) .. و العالم التاني ينتمي الي كوكب المظلات ( مجرة عين جالوت - درب الجمل ) ..
في عالم المظلات عندهم مرشح اسمه ياسر عرمان سوف يكتسح الانتخابات وييييييي .. ما بكتسحها وآآآي وآآآي .. يكتسحها ويييييي .. ركز معاي في الحتة دي ..
و في كوكب الارض مرشح اسمه عمر البشير .. هو الرئيس الحالي و الرئيس القادم .. ( بالانتخابات و لا بدونها - بتزوير و لا بنزاهة - رجالة و لا حسنة ) .. مرشح مفتوح علي جميع الخيارات ..
و من الاول يعني ما في زول اداها ليهو .. قلعا براهو ..
و عموم سكان الارض ما بحبوا العوارة الشديدة .. و عندهم قراءات بتوقع ليهم الفهم .. و عندهم مثل قديم بيقول الجواب بتعرف من عنوانه ..
في كوكب المظلات الوضع مختلف .. كون التركيبة السكانية من البلونات و اكياس النايلون ( الاغلبية جيلاني ) .. فالواقع بتاعهم دايما بيكون شايله الهوا .. ( لعدم وجود جاذبية في كوكب المظلات ) ..
..
..
صورة توضح مخلوقات كوكب الارض ..
صورة توضح مخلوقات كوكب المظلات ..
..
..
|
Post: #36
Title: Re: فاطمة إنقاذ (صور طازة بطعم الفول المدنكل)
Author: فايزودالقاضي
Date: 03-14-2010, 02:17 PM
Parent: #34
| Quote: و من الاول يعني ما في زول اداها ليهو .. قلعا براهو .. |
صدقت ياحميدة قلعا براهو ...
|
Post: #37
Title: Re: فاطمة إنقاذ (صور طازة بطعم الفول المدنكل)
Author: عمران حسن صالح
Date: 03-14-2010, 02:24 PM
Parent: #36
يا علاء الوش الفوق ده فاتحين ليهو موضوع أيقونات مخصوصة للمنبر العام " أيقونات الوشوش الخدر دي ما كافية "
أما العاجبني طبعاً شغلكـ النضيف ده
يعني ما مضيع ليكـ أيِ فرصة في سبيل حاجاتكـ
غايتو مبدئياً كده أنا مع راي هدير الزين ده
وراي حميضة حق القلع ( القبيل) و ( البعدين )
|
Post: #38
Title: Re: فاطمة إنقاذ (صور طازة بطعم الفول المدنكل)
Author: عبد المنعم ابراهيم الحاج
Date: 03-14-2010, 02:39 PM
Parent: #37
Quote:
لا شك أن لكل كاتب في هذا المنبر الحر أو العدد الأكبر من كتابه ذكريات أليمة و مريرة مع الإنقاذيون و لأني ممن عانوا من جورهم و ظلمهم الذي طالني و بعض أعضاء أسرتي في مصادر الرزق و حرية الحركة و التواجد داخل الوطن فقد قررت و أنا بكامل قواي العقلية و الجسدية أن أبدأ في سرد ما أذكره فقط من ذكريات أليمة مع هؤلاء البغضاء رغماً عن أن اسمي سيرد رباعياً في كتاباتي دون "لقب" يلبسني طاقية الإخفاء كغيري من أعضاء المنبر مما قد يعرضني و أسرتي للعديد من المخاطر من هؤلاء الجبابرة الظالمين و هذا بالطبع خطأ أحمله للأخ بكري أبوبكر الذي تكرم مشكوراً مأجوراً بإضافتي كعضو لهذا المنبر لكن لم يتواني عن كتابة إسمي رباعياً لكن لا بأس فالإنسان يموت مرة واحدة فقط.
سأحاول قدر الإمكان سرد معاناتي في تسلسل حسب مراحلي العمرية و حسب التسلسل التاريخي لهذه الذكريات الأليمة مع الإنقاذييون و حسبما تسعفني به الذاكرة لكثرة المرارت.
يوم حمتني أمريكا و أنا داخل السودان
كنت في سن المراهقة في بداية سنوات الشباب و تفتحت عيناي علي تلكم الجميلة الرائعة التي أحببتها بكل صدق و تفاني ، كنت لا أملك وقتها دخلاً خاصاً بي إذ لا زلت وقتها طالباً للعلم أقتات من مصروفي الذي يمنحني إياه تارة أبي و تارة أحد أخوتي كيفما شاءت الظروف و سمحت الأوضاع ... و لضيق ذات اليد وقتها و لعدم قدرتي علي أن أجالس من أحبها في مكان عام "كفتيريا أو حديقة" كنا نهييم علي وجوهنا دونما خارطة طريق واضحة أو خطة عشرية أو إستراتيجية شاملة .. فتقودنا أقدامنا لأي مكان كان لا يهم... نمشي أي عدد من الكيلوميترات لا يهم ... تتعفر أقدامنا بالأتربة و الغبار و الوحل لا يهم ... تنبح علينا كلاب الطريق و نركض خوفاً منها أحياناً لا يهم ... نقطع الكباري الثلاث في رحلة من الثامنة صباحاً إلي الثانية عشر أو الثانية مساءاً لا يهم ... المهم أن نكون معاً و أن يمر الوقت ونحن في صحبة و إلفة و ود و الحب يسرح بينا و يبقي جناحين و يطير بينا .... هل تصدقوني إن قلت لكم أننا يوماً "كدراوية" قطعنا المسافة ما بين الخرطوم أبو جنزير إلي الحاج يوسف لفة الردمية و عدنا أدراجنا "يو تيرن" لنفس المسافة ؟؟؟ و في يوم آخر من صينية كبري كوبر المقابلة لمطار الخرطوم إلي الساحة الخضراء التي ما كنا نملك حق دخولها فدرنا حولها في شكل صينية و عدنا لنفس النقطة ؟ و في مرة أخري من قاعة الصداقة إلي أمبدة الحارة العاشرة ؟ و كل رحلاتنا كانت تتميز عن سودانير أنها منضبطة إذ أن الذهاب يعقبه إياباً مضموناً أكيداً دونما حوجة للتزود بوقود أو لصيانة أو لغيره و لكم كنا نستمتع مع بعضنا البعض و نحن نقطع هذه المسافات بشكل شبه أسبوعي و نحن في حالة من نشوة الحب و فرحة اللقيا.
و ذات يوم و كانت وقتها قد أنشئت من قبل الحكومة ما يسمي باللجان الشعبية "جنجويد يعني" بس جنجويد عاصمي لابس جلاليب و ماسك السكر و باقي التمويين ، فبدأنا جولتنا المارثونية كالعادة أنا و فتاتي و في نهاية الجولة المارثونية إستقر بنا المقام أمام فيلا من الجمال بمكان لا أستطيع وصفه في قاردن سيتي ذات أسوار في شكل أعمدة حديدية تطل من خلفها حديقة غناء تجلس تحت أحد شجيراتها الوارفة فتاة "مولدة" زي ما بنقول يعني في دم زنجي ودم خواجاتي فبدت كاكاوية اللون ذات ملامح تشع منها الطيبة و الرقة و كنا قد تعودنا الجلوس على أحد المساطب الملتصقة مع حائط هذه الفيلا كلما أرستنا أقدامنا في هذه المنطقة من الأرض و يبدو أن الفتاة قد تعودت علينا كثيراً و رغم أنها لم تتجرأ يوماً بالحديث إلينا ربما لظنها أننا لن نفهم حرفاً مما ستقول و هذا بلا شك هو واقع الحال فنحن وقتها لا نعرف ما هو الفرق بين "إز وواز" إلا أنها كانت أحياناً ترسل إلينا علب عصائر مكرتنة بمصاصات كنا نمتصها و نحن نعاني ما نعاني من العطش و الإرهاق الذي كنا نكتمه حتي لا يفقدنا حلاوة اللحظات التي تضمنا و كانت عصائرها الباردة تأتينا مع أحد حراس الفيلا الذي كان يرتدي ثياباً تدل على أنه رجل أمن فيسلمنا علب العصير دون أن يلتفت إلينا أو يكثر من حديث و إن صح التعبير كان لا يتحدث بالمرة ، و بعد أن نستلم معلبات العصير كنا نحول نظراتنا تجاه الحديقة لتلوح لنا يدا الفتاة التي يقول جسدها الممتليء المتناسق الممشوق أنها ذات عشرين ربيعاً أو ما يزيد رغم قناعتي أن شهادة ميلادها لن تشهد لها بأكثر من ستة عشر أو ربما أقل فهؤلاْ القوم يتقدمون علينا في كل شيء حتي في أجسادهم الممتلئة "الربيانة" و ذات يوم و نحن جلوس تحت شجرة الفيلا "من الخارج طبعاً" على المسطبة إذا بثلاث جلاليب بيضاء تحوي في داخلها أجساد ثلاث من بنو جلدتي يقفون فوق رؤسنا فجأة و يقول أحدهم في صوت أجش مخيف ... إنتو يا صعاليك قاعدين هنا تعملوا في شنو ؟ و كانت وقتها الساعة تمام الثانية عشر ظهراً و الشمس في كبد السماء ، و أردف القول بسؤال أدخل في قلبي كثير من الهلع و الخوف ... وين بطاقاتكم و البت دي منو و ساكنيين وين ؟ و و و و و و و في الخلاصة قوموا أرح معانا ... لم أتفوه بكلمة راعني ما رأيت و ببراءة المراهق لم يكن لدي ما أقوله سوي إنتو منو ؟ فقال لي بشيء من الكبر و الفخر و الغرور :لجنة شعبية ... فقلت له نحن بنحب بعض ... فضحكوا علينا هازئين و أصروا على أن نذهب معهم إلي أين الله أعلم و هم من هذا في علم غيبه أيضاً و بدأوا يشدونني من ملابسي و يتقاذفون جسدي الهزيل و فتاتي في حالة من الرهبة و الرعب و أنا أفكر في مصيري المجهول مع أسرتي و أسرة فتاتي و لا أدري لأين سيذهبون بي ... و أصبحت ستة من الأيدي الغليظة تتجاذبني في غير رحمة و هم يحاولون جرجرتي غصباً و قوة و لا زلت أذكر رغم خوفي الشديد كيف علا صوتي و نهرت أحدهم حينما حاول أن يمد يده ليجذب فتاتي من يدها ليقتادها معي فكانتي صرختي في وجهه التي لم تتكرر كافية لأن يبتعد عن فتاتي ... و بينما نحن في مدٍ و جذر و تجاذب و تلاطم و الأصوات تتعالى إذا بالفتاة الكاكاوية تخرج و لأول مرة من أسوار الفيلا كاسرة قاعدة النعام آدم "حور في سور و سيدو معلي سورو و الجيران ما قادرين يزورو" إذا بها تأتي راكضة سافرة عن جمالها الأخاذ و يركض خلفها حارس ا لأمن و بلغة إنجليزية لم أسمع مثلها إلا في سينما النيل الأزرق وقتها بدأت تصرخ و تردد كلمات خمنت أنها تعني بها "أتركوهم أتركوهم" و يداها تبعد أكف الرجال التي كانت تكمشني من ياقة قميصي المهترئة و كم كانت فرحتي حينما إبتعدت عني أيدي حثالة اللجان الشعبية و الكاكاوية توجه لهم سيلاً من الكلمات الصارخة التي و رغم عدم فهمي لها إلا أنني أجزم أنها كانت لعنات و شتائم بحق من أرادوا فض سامرنا الشيء الذي أخرج الفتاة ليس عن صمتها فقط إنما من أسوار فيلتها الأنيقة و علمت حينها أن الفتاة ذات شأن و بأس إذ أن الرجاجيل الثلاثة إبتعدوا منا في شيء يشبه الركض و الخوف ملء أعينهم و لا شك أن وجود الحارس مفتول العضلات و السلاح الذي يلتف حول خاصرته كان له أكبر الأثر في أنهم أناس ذوي سلطة و نفوذ ... و بعد أن إبتعد الجنجويد عنا بدأت الفتاة و أنفاسها متسارعة و غضب عارم في نفسها تجاه ما حدث لنا و أخذت فتاتي في حنية غريبة و ضمتها إلي صدرها و وضعت كفها على كتفي و تفوهت بعبارات لم أفهمها لكن يبدو أنها كانت تعتذر و كانت تشير لحديقة فيلتها من الداخل ما عنى لي أنها كانت تدعوننا لأن نحول جلساتنا القادمات إلي داخل حديقة الفيلا و أكد ذلك الحارس الزنجي الذي كان سودانياً خالصاً حينما قال لي بالعربية "ممكن تاني تجوا تقعدوا معانا جوة في الحديقة" و دونما إرادة سقطت من عيني دمعة شكر و عرفان لهذه الفتاة و لحارسها الذي سألته عمّن هي هذه الفتاة فقال لي إنها بنت مسئول كبير في السفارة الأمريكية.
إنتهي
هذه أول مراراتي و حسب السرد التاريخي للأحداث القادمة فكلما كبر عمري كبرت الأحداث من حيث الحجم و المعنى و إلي لقاء |
|
Post: #40
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-14-2010, 06:33 PM
Parent: #39
لحين عودة
|
Post: #41
Title: Re: فاطمة إنقاذ (صور طازة بطعم الفول المدنكل)
Author: mayada kamal
Date: 03-14-2010, 06:45 PM
Parent: #40
يا علااااااااااااء الدين يوسف
لو عندها مخلل بالفول كلموني
انا العازماكم ... من اول مرتب طبعا
هههههههههه
|
Post: #42
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-15-2010, 05:08 AM
Parent: #41
ما تنُطِّي يا ميّادة
|
Post: #43
Title: Re: فاطمة إنقاذ (صور طازة بطعم الفول المدنكل)
Author: وجن
Date: 03-15-2010, 05:31 AM
Parent: #42
فاطمة إنقاذ عاوزة تعيش في الغابه الصعبة دي يا علاء يا أخوي
عاوزة تربي وليداته
هم المافاطمه انقاذ بعملوا اكتر من كده
نتمنى ليها الرزق الطيب الحلال الواسع
وربنا يبعد عنها شرور الغابه
وان شاء الله دعايتك دي ترفع اسهمه كمان وكمان
|
Post: #44
Title: Re: فاطمة إنقاذ (صور طازة بطعم الفول المدنكل)
Author: الشفيع وراق عبد الرحمن
Date: 03-15-2010, 05:34 AM
Parent: #42
Quote: والله يا علا صورة معبــرة
افضل مــن العشرين دقيقة بتاعة القناة الفضائية 0 |
Quote: الصورة يا علاء الدين فيها دلالة قوية أكثر بكثير من رأي "فاطمة إنقاذ" في البشير فهذا رأيها ولا دخل لنا فيه
ولكن جهرها بهذا الرأي في مكان رزقها يعني أنّ زبائنها يرتضون هذا الفعل
ولو كانت تخشى مجرّد خشية من عدم قبول زبائنها بهذا الإعلان ممّا يهدد مصدر رزقها
لأحجمت عن فعله في الحال بل ولما فكرت فيه أصلاً
جهرها بتأييدها للبشير يعني تقرّبها من زبائنها الذين هم بالتالي يؤيدون البشير
هكذا أقرأ دلالة الصورة |
ده كلام ممنطق وصحيح 100%
والناس عادة ما بتجازف في معايشها
تسلم فرانكلي
|
Post: #45
Title: Re: فاطمة إنقاذ (صور طازة بطعم الفول المدنكل)
Author: Hassan Makkawi
Date: 03-15-2010, 08:47 AM
Parent: #44
والدنيا بخير
شوف:
|
Post: #46
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-15-2010, 08:52 AM
Parent: #45
نِعم المُلاحظة يا مكّاوي
ناس تاكُل و تدي غيرها
ويقول ليك مِعزة و إن طارت
|
Post: #47
Title: Re: فاطمة إنقاذ (صور طازة بطعم الفول المدنكل)
Author: داليا حافظ
Date: 03-15-2010, 09:24 AM
Parent: #46
يا باشمهندس
مالكم مسيسين لينا حبيب الشعب (الفول ) ..
غايتو انا بقف خلف فاطمة طالما عايشة من الـ "ِقدرة" دي..
حتى لو طلعت فاطمة خالد زاتا ..
ــــــــــ
|
Post: #51
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-15-2010, 03:06 PM
Parent: #47
داليا حافِظ
يا أُستاذة
سلامات ياخ
فاطِمة إنقاذ براااااااااااااها السيّست نفسها و حرّم جيت صُدفة لقيت الكلام دة قُلت من المُهِم نقله لكم
أها أنا ما عندي شرط مقطوع برضو إنو أعمل حظر إقتصادي (بُطيني) لو لقيت مثلاً
داليا حافِظ للزغني
عادي باكل عِندِك
|
Post: #48
Title: Re: فاطمة إنقاذ (صور طازة بطعم الفول المدنكل)
Author: مصطفى توفيق
Date: 03-15-2010, 09:26 AM
Parent: #46
هى بس شاطرة استغلت الظروف الإنتخابية وعملت المطعم والدعايةدى عشان تاكل عيش وتكسب واحسن شى فى المناسبات الزى دى استغلال الظروف بالذات مع الناس الغلبانيين
يعنى ممكن يكون فى واحدةاسمها عشة ختمية تفتح مطعم فى كسلا ويجوها الناس والمكسب يكون 200 % 100 فلا تستغرب لإستغلال الظروف والأحداث
عقبال مطعم الشعبى والشعبية
|
Post: #49
Title: Re: فاطمة إنقاذ (صور طازة بطعم الفول المدنكل)
Author: محمد صلاح
Date: 03-15-2010, 09:40 AM
Parent: #48
مافي اي مانع من الدعاية الانتخابية او ان تقيف فاطمة انقاذ خلف او امام قائد الانقاذ
لكن من ينقذنا منها ومن قائدها ويقدم لهؤلاء السمر طعام صحي ونظيف وفي مكان لائق !
قطع شك لاهي ولاهو ولا حزبهم سوف يفعلوا
|
Post: #50
Title: Re: فاطمة إنقاذ (صور طازة بطعم الفول المدنكل)
Author: علي الكرار هاشم
Date: 03-15-2010, 10:38 AM
Parent: #49
قال الريس عمر البشير
زمان
كان
الناس
تقيف صوفوف للرغيف
الليله
الرغيف واقف صفوف
تحياتي لفاطمه انقاذ
وكل الحرائر اخوات مهيره
|
Post: #52
Title: Re: فاطمة إنقاذ (صور طازة بطعم الفول المدنكل)
Author: السيد المسلمي
Date: 03-15-2010, 03:56 PM
Parent: #50
شوف بالله الناس دي مستمتعين كيف !!
وهم تحت رعاية حاجة فاطنة المؤتمرجية ..
ــــــ
والله ياعلاء .. شغل مؤسس وجميل جدا .
تستحق التهنئة .
|
Post: #53
Title: Re: فاطمة إنقاذ (صور طازة بطعم الفول المدنكل)
Author: علاء الدين يوسف علي محمد
Date: 03-18-2010, 11:07 AM
Parent: #52
شُكراً يا شباب و نأسف على تأخُّر التعقيب عليكم
نبدأ بآخر حبيب
ود المُسلّمي أبو السيد
ياخي مرّات تُجبر على إنّك إنتهباهك يتشدّ
و دة الحصل معاي في قِصّة فاطمة إنقاذ دي
|
|