شُكْراً أوكامبو

شُكراً أوكامبو
شكراً أوكامبو فقد ألهبت من جديد جذوة النار التي فينا ، شُكراً أوكامبو فقد حرّكت فينا كشعبٍ سوداني دواخل لا تهتز إلا لنائبات الدهر وهي فواجِعُ و لا تُحرِّك مشاعِره و أحاسيسه إلاّ الآلام الجِسام أو الأفراح العِظام ، شكراً أوكامبو و أنت توحِّد أهل السودان لتجعلهم على قلب رُجلٍ واحد وهُم مِن مِلّةٍ ذات أخلاق نادرة مِمّن يتوحّدون عِند الملمّات و يتدافعون ليتعانقون فلا تُمايز بينهم من تحت العُمامات ، يستميتون لفداء بعضهم البعض عند الأزمات كأخوة و أهل ضد الغريب و إن كان ما بينهم ما أفسده الدهر و لا يُصلِحهُ العطّار ولا تغسِله المُحيطات ولا البحار فشعارهم في هذا "أنا و أخي على إبن عمِّي و أنا و ابن عمِّي على الغريب ، شكراً لك و أنت تُجمِّعهم على كلِمة سواء و هُم يؤمِنون بأن تأبى الرِّماح إن إجتمعن تكسُّرا و إن إفترقن تكسّرت آحادا ، شُكراً لك و أنت تحتقِرنا و تُشعِرنا بأنّنا شعبٌ قاصِر لا يملِك زِمام أمرِه ، شعبٌ ذو كرامة يُمكِن امتهانها وسيادة يسهُل انتِهاكها ، فنحن كالذّهب لا تزيده النار إلاّ لمعانا ، شكراً لك أوكامبو مرّتين ، الأولى حينما أصدرت قرارك المهين باعتقال رئيسنا و رمز عِزّتنا و سيادتنا و كرامتنا فما رميت إذ رميت ولكن الله رمى ويالها من تسديدة قوية قد كانت ، حُبّ البشير في قلوب البشر مُباشرةً في تهديفةٍ كان سيُخطِئها أمهر لعيبتنا السياسيين لكِنّك لعبتها عنهم بالإنابة كلاعب مُحترِف و بلا أجر ، نعم أقول البشر لا السودانيين فقط ، و جميعنا يذكُر تِلكم الأيّام القريبات التي أعقبت مهزلة محكمتِكم الموجّهة و كمّ التعاطف الذي اكتسبه البشير حينها من كافة أصقاع العالم و بِقاعه ، تِلكم التظاهرات التي خرجت مُندِّدة و شاجِبة و مُستنكِرة لذلك ، شكراً لك أوكامبو و أنت تعيد ذات السيرة مرّة أُخرى في وقتٍ نحن فيه أحوج ما يكون لتوحيد الجبهة الداخلية من خلف البشير و انتِخابه رئيساً لدورة جديدة.
هيّا يا أوكامبو أنت و من معك من الإمّعات أمعِنوا في الإستهوان بِنا و ببلدنا و بشعبنا فالضربات تُقوِّينا و الأزمات تُوحّدنا ، هيا يا أوكامبو فقد اشتقنا لمسيرات الدعم و المساندة و البوح الصراح بحبنا لبعضنا البعض و تماسُك جبهتنا الداخِلِيّة ضد كل استهداف و تعدٍ للحدود ، هيّا أوكامبو فقد إشرأبّت أعناقنا لرؤية الفرقاء و هُم يتوحّدون رافضين تدخُّلاتكم و عنجهتِكم و أباطيلكم لا يقبلون ولو مُجرّد همهمة بالمِساس بأي سوداني و أنت تكاد تهُمْ للقبض على الرئيس نفسه يا صديق لتلُمّ شملهم و إن اختلفت المشارِب و المصبّات ، هيّا يا أوكامبو فإنّ آذاننا تصيخ السمع لصرخات الحناجر تشق سكون شوارع الخرطوم و أزِقّتها كما الخناجر و هي تقول "سير سير يا بشير" ، هيّا يا أوكامبو فقد شكتني عدسة كاميرتي بعد أن هجرتها و افتقد زر التصوير فيها ضغط سُبّابتي عليه و أنا أتصيّد بعدستها سيّارات المواطنين و هي مُغطّاة بصور الريِّس و حولها عبارات من شاكِلة "نحن خلفك لست وحدك " و "عُمُرْنا فِداك يا عُمَرْنا" ، هيّا يا أوكامبو علِّمنا رفع علمنا الوطني رمز عِزّتِنا الذي نُعِزّه و هو يودُّ مُعانقة هواء شوارِع الخرطوم مُرفرِفاً على مُقدِّمة مركِباتها من سيّارات و ركشات و موتسيكلات ، هيّا يا أوكامبو فقد حان الوقت لتأجيج مشاعر الغضب السوداني المهيب ضد هيمنة الغرب الغريب في تظاهِرات ستُشكِّل لوحدها أكبر حملةٍ إنتخابِيّة للبشير دونما أي صرفٍ ماديٍ أو معنوي لأجل ذلك ، وفِّروا أموالكم و أقوالكم يا أهل المؤتمر الوطني فأوكامبو قد دفع قيمة تكاليف حملتكم الإنتخابية كامِلةً مُسبقاً.
فشُكراً لك أوكامبو و لا عدِمناك و (إنشاء الله في الأفراح)

علاء الدين ..

ان شاء الله عقبال في سماية موريس ...

آمين يا ود الباوقة
و بالله عليك لا تنسى وقتها شير الريِّس في الكشِف

كنت سبباً من قبل في هذا يا أوكامبو
وقد إشتِقنا واللهِ لرؤية هذا التلاحم الغريب ما بين القائد و القاعِدة

Quote: (إنشاء الله في الأفراح)

من هنا وانت ماشي يا علاء ، بإذن الواحد الأحد ايامنا كلها أفراح
سن الكاميرا كويس ، ومتعنا ، وأغلي الجماعة غلي ، وأكويهم كي

تعرِف يا هندسة
رُغم إني بدعو الله في سري و جهري و أقول اللهم أجعلنا عليهم خفيفين
لكن أشُكُّ في ذلك
خاصة مع موجة الإنسحابات الفُجائيّة من أحزاب الديناصورات للمؤتمر الوطني

Quote: اللهم أجعلنا عليهم خفيفين

والله يا علاء ما عايزين غير انهم يفتحوا يصحوا ويشوفوا الحاصل شنو
العالم دي نايمة نومة اهل لاالكهف

Quote: خاصة مع موجة الإنسحابات الفُجائيّة من أحزاب الديناصورات للمؤتمر الوطني

في الأخير لن يصح إلا الصحيح يا علاء

القول ما تقول يا هندسة
لن يصح إلا الصحيح
لكن صدِّقني يجب علينا فعلاً توجيه خطاب شُكر كبير لأوكامبو
و سترى فعل السحر الذي ستفعله حماقاته في حملة الرئيس الإنتخابيّة

أعْلنت «كاثرين مابيلا» رئيسة هيئة الدفاع عن المتهم الكنغولي «توماس لوبنغا» عند تقديمها لخطة الدفاع، أنّ لديها أدلة تثبت أن مكتب الادعاء بالمحكمة الجنائية الدولية برئاسة «أوكامبو» قدّم شهادات شهود ملفقة بهدف تضليل القضاة وإدانة المتهم بجريمة تجنيد أطفال قُصر للقتال مع مليشيا قبيلة الهيما ضد قبيلة اللندو في الفترة (2002 - 2003م)، وأشارت المحامية الفرنسية إلى أنّ المدعي العام قدم ثمانية أطفال كشهود اتهام على أساس أنهم كانوا جنوداً في مليشيا المتهم، وأكدت أنهم قدموا إفادات كَاذبَة عن قصد وذلك بعد تلقينهم وتدريبهم من قِبل وسطاء ومُنظمات مُتعاونة مع المحكمة على كيفية تقديم شهادات مُحَدّدة

لذلك وجب علينا شُكْره يا هيثم
فالناس لأنّها تعرِف أي صُعلوكٍ هو أوكامبو ستقِف ضِده و إن كان بعضهم ليس مع البشير ، و الناس لأنّها تعرِف أنّه دُمية في يد غيره يود بها ضرب عشزّتنا و كرامتنا ستكون له "جدري القيع البِفقِّع"
أوكامبو أجمل هدِيّة للمؤتمر الوطني في هذه الأيام تحديداً
و ستشكف لك الأيّام المُقبِلات حقيقة ما أقول

Quote: أوكامبو أجمل هدِيّة للمؤتمر الوطني في هذه الأيام تحديداً

أوكامبوا جاء مدردق للرئيس
وفق وقت يمكن ان نقول البشير محظوووووووظ ولعبها صاااااااااح
وما تقول الانتخابات على الابواب
والله جات مقشرة جاااااااهزة زي ما بيقولوا
ويستاهل البشير....
وعلى قولة البلابل (دي هدية من الله... والله بدي الجنة)..


جمعة مباركة عليك وعلى كل من مر من هنا اخ علاء الدين

سترين يا ميّادة بأم عينيك مواطني و مواطنات هذا البلد الأبي وهُم يُزيِّنون مركباتهم العامة و الخاصة بصور البشير في أبهى حملة إنتخابية لرئيس يثمكِن أن تكون ، سترين يا ميّادة أعلامنا وهي تُرفرِف عالية خفّاقة وهي التي لم تُرفع بهذا العِشق الغريب منذ الإستقلال و بهذا الكم الكبير إلا بعد قرارات أوكامبو المعتوه ، سترين يا ميّادة أن الشعب هو مدير حملة إنتخابات الرئيس عُمر البشير لا أحد غيره.
يبدو أن أحدهم قد دعا الله صادِقاً و قال "اللهم اجعل تدبيرهم تدميرهم" وو أنت تريد يا أوكامبو و أنا أُريد والله يفعل ما يريد

جمعة مباركة ياعلاء الدين؛


شفت التوقيت كيف؛

الزول ده شغال معانا في الحملة الانتخابية ولاّشنو؟




_________


ولا مناتل ح يجي ماري من هنا ؛عارفين الردم حقك.

مرحبتين د.بشير
ياخي الريِّس دة مبيِّضة ليهو طوّاااااااااااااالي
حظ ما عادي
عارِف الشعب السوداني بطبيعتو من الصعب يجاهر بمشاعر الحُب و التعاطف
يعني تلقى الزول بحبّك موت لكن يتكلّم معاك و هو صاري ليك
و عشان ما يقولوا شوف كسّار التلِج دة لو لقوهو شايل ليهو صورة فيها الرئيس أو علم فيهو الرئيس أو طابعو في عربيتو في القزاز مااااااااااااااابيعمل كدة بسهولة.
لكن فيهو ميزة غريبة يُعبِّر عن حُبّه بصورة جماعية في الملمّات
و بكرة تشوف بي عينك صدور الناس و هي مُزيّنة بفريمات دائريّة عليها صورة البشير تجد الواحد فيهم يُعلِّقها على صدره كما النيشان وهو مرفوع الرأس بل و بجرأة و عيناه تقول "دة رئيسنا و الراجِل يجي يهبشو" و كما قال الرئيس "الزارعنا غير الله اليجي و يقلعنا"
علي الطلاق يا دكتور بشير أنا عندي واحدة من البعلِّقوها في الصدر دي من جبتها ما لبستها شان ما يقولوا بدوا تكسير تلِج و الإنتخابات على الأبواب ، لكن أوكامبو أدانا التبريرات الكافية لفعل ذلك و حرّم من بعد المُداخلة دي قايم أشوف دربها وين شان تِتعلّق في مكانها الذي يجب أن تكون فيه كما النيشان.

Quote: علي الطلاق يا دكتور بشير أنا عندي واحدة من البعلِّقوها في الصدر

علاء يا أخوي ما تجدع لي أخوك واحدة
مشيت أفتشها في السفارة لي مصعب ولدي ، كانت زمان راقدة حب اطرش ، قالوا لي sorry ، خلصت ، كان عايز احجز للدفعة الجاية ، شكلها دخلت سوق اسود
جمعة مباركة للجميع

ليك علي يا هندسة
ديباجة عليها صورة البشير و تي شيرت و كاب و علم
أبشِر بالخير

مقتطفات من مقالات للاستاذ فتحي شيلا ............

Quote: شكراً للمدعي العام الذي وحد مشاعر الامة السودانية التي اتفقت وبابجماع نادر رغم خلافاتها مع المؤتمر الوطني حتي قبل صدور القرار بايام قليلة ، تجلت عظمتها حين يكون المساس بامن الوطن واستقراراه وكرامته وعزته فاعلنت كل القوي السياسية وضع سلاحها ارضاً واشهرت اسلحة الدفاع عن الوطن فلم يختلف اليمين ولا اليسار وكل الوسط ، حتى تواجهه المخاطر والمهدات. المؤتمر الوطني خبر دروب إدارة الازمات لكثرة تجاربه معها وعلى عكس ما توقعه الكثيرون فقد وضع الكرة ارضاً وتعامل بكل الهدوء العقل والحكمة والمسئولية اللازمة في مثل هذه الاحوال

Quote: شكراً للمدعي العام فقد ساهم قراراه باقرار مشاركة القوي السياسية وزعماء العشائر واتفق المهدي والبشير في رؤية واحده حيث كان اختلاف الرؤي بينهما واضحا

انتخاباتكم دى بلوها و خلو الرئيس يشرب مويتها
ما في دولة مؤثرة في العالم حا تعترف بيها لان نتيجتها معروفة
ياخ انتو انتخابات الجامعات بتزوروها
بعد انفصال الجنوب خلو رئيسكم يعمل النطيط البيعمل فيهو الايامات دي الناس ساكتا ليهو عشان ما ينط من اتفاقية السلام

Quote: انتخاباتكم دى بلوها و خلو الرئيس يشرب مويتها ما في دولة مؤثرة في العالم حا تعترف بيها لان نتيجتها معروفة

إتا قاعد وين ياخوي؟ماقاعد تسمع اخبار ولا شنو؟


الإتحاد الاوربي ح يرسل اكبر بعثة في تاريخه
لمراقبة الانتخابات.

لِسّع واقفين محلّك سِرّك و ستظلُّون

Quote: انتخاباتكم دى بلوها و خلو الرئيس يشرب مويتها

دي قالوها ليكم إنتو و كلبكم أوكامبو
و الفِعل ما ترى مُش كلام خارِم بارِم ساي
البشير سيفوز
بعدين تقولوا تزوير
تقولوا سوء تقدير
تقول أمر خطير
زووووووووووووووول شغّال بيكم ماف

و هاهو أوكامبو يعيدها مرة أخرى في شكل هدية لحزب المؤتمرالوطني
و يا بختو

Quote: مقتطفات من مقالات للاستاذ فتحي شيلا ............

لك و له السلام و الإحترام

لا زلنــا نبحــث عــن مكزنات للحملة القومية للرئيس كرئيس للسودان ..

جاتنــا على طبق من ذهــب ..

Quote: شكراً أوكامبو فقد ألهبت من جديد جذوة النار التي فينا ، شُكراً أوكامبو فقد حرّكت فينا كشعبٍ سوداني دواخل لا تهتز إلا لنائبات الدهر وهي فواجِعُ و لا تُحرِّك مشاعِره و أحاسيسه إلاّ الآلام الجِسام أو الأفراح العِظام ، شكراً أوكامبو و أنت توحِّد أهل السودان لتجعلهم على قلب رُجلٍ واحد وهُم مِن مِلّةٍ ذات أخلاق نادرة مِمّن يتوحّدون عِند الملمّات و يتدافعون ليتعانقون فلا تُمايز بينهم من تحت العُمامات ، يستميتون لفداء بعضهم البعض عند الأزمات كأخوة و أهل ضد الغريب

والله رئيسكم دا بقى زي ديك العدة و كمان شغال بنظرية يا فيها يا افسيهاياخ والله ما عندو ضمير و لا اخلاق مضيق على 40 مليون مواطن و حا تضيق اكتر

هيّا يا أوكامبو مزيداً من التأجيج
هيّا

صدقني يا بدر الدين
أوكامبو من عينة الغبي النافع
مشكور على المرور

Quote: الإتحاد الاوربي ح يرسل اكبر بعثة في تاريخه لمراقبة الانتخابات.

هذا جزء من رد الدكتور بشير احمد


علي المدعو ناجي الجاهل


ولو ماجاهل كان تابع خبر بعثة المراقبين الاوربية للانتخابات السودانية في خبر تصدر جميع نشرات

الفضائيات .

شكرا اخي علاء

ونحمد الله علي المنة التي جاءت في وقتها

فقد سخر (اليهودي ) اوكامبو ليحرك القضية في هذا التوقيت السليم ليلهب مشاعر السودانيين من

جديد .

مرحبتين يا سيدح
ياخي ديل يقولوا ليهم تيس يقولوا أحلبوهو
نِظامهم كدة
ما عايزين يفهمو
و عايزين يعارضو لأجل المُعارضة ليس إلا
مافي في راسهم فهم

Quote: فأوكامبو قد دفع قيمة تكاليف حملتكم الإنتخابية كامِلةً مُسبقاً.

هـــذه حقيقــــة لاينكرها الا مكابر
المدعـــو اكامبو يقود البشير مـن حيث لايدري لفترة رئاسية قادمـــة وذلك بضربه
في الوتر الحساس للخطوط الحمراء للشعب السوداني 0
تحياتي علاء
أبقوا عشرة علي دائرة مــروي

شُكْراً سودانايل لنشرِكم لهذا الموضوع

http://www.sudanile.com/index.php?option=com_content&vi...9-17-14-27&Itemid=55



و شكراً محمد الحسن على المرور الكريم
و إطمئن دائرة مروي لمن ينفعها
و لم ينفعنا غير هؤلاء

ارجو مراجعة ماسنجرك

شُكْراً هشام

قلنا ليكم مستنين الجنوب ينفصل بعد داك ديك العدة الا يشوف ليه جحر الجماعة لابديين ليه عشان ما ينط من اتفاقية السلام

ناجي
أوعى زلّوط يكون قريبك بس

يا باشمهندس والله عمر البشير ده

حظو من السما

ياخي أوكامبو ده تقول شغال ليهو بتاع شارز

كلما بطارية الرئيس تقرب تنزل

والناس يبدوا ينتقدوا النظام ويزهجوا

يجي يشحن ليك البطارية يوقف الشعب الف أحمر

يعني بالعقل كدة أنا لمن ألقى الرئيس السوداني

واقف ضدوا واحد زي أوكامبو ده

ح أأيد منو؟؟؟

والله ده حظ مبالغ ياخ

كدي تحت تحت كدة مش يمكن أوكامبو ده كوز ونحنا ما عارفين؟؟

Quote: ليك علي يا هندسة ديباجة عليها صورة البشير و تي شيرت و كاب و علم أبشِر بالخير

بالله يا علاء أنا عاوز تلاتة من كل واحدة

(أولادي عمر=9 سنة، علي= 4 سنة، علا = 2 سنة)

وبدفع حقي

بس اجدع لي جوالك في الماسنجر

ولا اعمل لي مسكول هنا عشان في زول جاي هنا قريب

يلحقا لينا


00966506771772

بالله استعجل يا هندسة عليك الله

مرحبتين د.قناوي

Quote: كلما بطارية الرئيس تقرب تنزل والناس يبدوا ينتقدوا النظام ويزهجوا يجي يشحن ليك البطارية يوقف الشعب الف أحمر يعني بالعقل كدة أنا لمن ألقى الرئيس السوداني واقف ضدوا واحد زي أوكامبو ده ح أأيد منو؟؟؟ والله ده حظ مبالغ ياخ كدي تحت تحت كدة مش يمكن أوكامبو ده كوز ونحنا ما عارفين؟؟

أضحكتني أضحك الله أيّامك و جعلها سعداً و هناءا

و بالنسبة للتي شيرتات و مطبوعات و بروشات و بروشورات الحملة الإنتخابِيّة ليك علي لكل من ذكرت و زيادة تُسلّم للشخص الذي طرفك هُنا
و أبشِر بالخير
و حرّم لو أوكامبو دة كان جمبي هسي كان رميت فوقو شبّال و قُلت ليهو هيييييييييييييع أبشر آآآآآآآآآآآآآزول أبشِر
لمن ما يفهم حاجة ذاتو

قلنا ليكم مستنين الجنوب ينفصل بعد داك ديك العدة الا يشوف ليه جحر الجماعة لابديين ليه عشان ما ينط من اتفاقية السلام

يا علاء زلوط دا منو والله يغباني كان بعرفه

زلُّوط دة واحِد أخونا راقِد مفخِّم و شغّال شخير و أحلام يصنع دنياه الخاااااااااااصة في عوالم الوهم و الضياع
بينما الآخرون يعملون على أرض الواقع يفلحون الأرض و يحصدون الزرع
و الأمور في أيديهم لأنّهم يعملون بينما زلوُّط لأنه نائم لا شيء بيده غير الأحلام
خخخخخخخخخخخخخخخخخخخخخخ نوم شديد
النبي يا ناجي كان بتعرِف ليك سِكّة لي أوكامبو دة كان ما سلّمت لي عليهو و قول ليهو عندي واحد إسمو علاء الدين قال ليك إنت رجل عظيم و أنا بحِبّك و إنت ماما و إنت بابا و إنت عُمري و إنت دنيتي و باللبناني قول ليهو "لك تِئبُرني" و بالسعودي قول ليهو "كفو يا رِجّال كفو" و بالمصري قول ليهو "إنت اللي فيهم يا سبع البُرمبة" و بالتنجليزي قول ليهو Well Done Okambo
و بالصيني謝謝你，親愛的
و بالروسي Спасибо тебе, любимый
وبالعبري תודה לך, אהוב
و بالفرنسي Merci vous, bien-aimée
و بالبرتغالي Thank you, querida
و بالألماني Wir danken euch, geliebte
و بالهندي आपको धन्यवाद, प्रिय
و بكل لغات الدنيا بلِّغه حُبّنا و تقديرنا

غايتو انا بشخر علا قدر ما حاولت احلم ما قدرت
اوكامبو ما بدور لو شكر لانو بسوي في شغله و بدفعولو عليه ماهية علا ماهيتو ماقدر البشير

بعدين اتفاجات بتعدد اللغات

مواهب و احلام مدفونة

نحن ما عندنا حاجة قعد ندفِنة
ولا قعد ندّخر شيء لي باكر
كل ما يفيد الناس مارِق للناس
صحصِحوا معنا شِويّة و أدونا من العِندكم كان تستفيد منو بلدكم بدل شغّالين زي التروس في مكن ما حقّكم

يا علاء نحنا البر البلد لو السودان ما بهمنا البخلينا نصاقر الانترنت و sudaneseonline ونتابع اخبار البلد شنو
الواحد كان ممكن يمسح السودان من مخيلته و يعمل فيها امريكي اسود و بدل وجع القلب دا الواحد يتابع american football, basketball و اخبار beyonce
لكن نحن لسه مربوطيين بالبلد و حاسين بتدهور حالة الاهل و اهو كل يوم في مصيبة و الله يستر من يوم بكرة

طيِّب يا ناجي لو السودان بهِمّك و دة كلام جميل مِنّك أحترِمك عليهو للغاية و أقِف لك إجلالاً بسببه.
كرامتو ما بِتهِمّك؟
تقدر ترفع راسك قِدّام صاحب أي جنسية أُخرى و رئيسك يقبضو واحد صعلوك زير نساء زي أوكامبو و يحاكمنُّو حريم؟
ما تقول لي عمل و أباد و سوّى
دي تُهم مُلفّقة و لو داير نعيد ليك يوتيوبات فيديوهات المُنظّمات و هي تُزيّف الجراح لتتكسّب بها ممكن نعيد ليك.
ولو نقول في جرايم
هل في جرايم زي جرايم بوش؟
أو شارون؟
ليه ما طلبوهم للمحاكمة؟
يا ناجي ما قُلنا نقبل حُكّامنا على أخطاءهم لكن نحكِّم عقولنا لنحكم على هذه الأخطاء

Quote: يا ناجي ما قُلنا نقبل حُكّامنا على أخطاءهم لكن نحكِّم عقولنا لنحكم على هذه الأخطاء

صح لسانك يا باشمهندس

وبرضو نزيد انو المخطئ يحاسب

مهما كام منصبه

وبي كدة نحقق العدالة

التي ينادي بها الإسلام

لكن عدالة بوش وصعاليك الخواجات

ده طرفنا منها

_____________________

منتظر اتصالك أو مسكلتك

يا علاء انا شخصيا ما بهمني صعلقة اوكامبو و لا مماراسته دي حياته الشخصية ما دام هو بيطبق في القانون و جايب ادلة لكل التهم الموجهة ضد البشير
والله يا علاء السودان دا لو فيه قضاء عادل و مستقل تماما عن الدولة كنا بنقيف معاكم و نشيل يافطاتنا قدام الامم المتحدة كل weekend
و كرامتهو كانت بتهمنا
و في ظل غياب الاستقلالية في البلد تبقي المحكمة الدولية هي الخيار الافضل لجلب العدل

واللهِ يا ناجي زي كلامك الجميل الفوق دة برضو شان أورِّيك إنو نحن ما بعيدين مِنّك
لو كان لنا أن نتأكّد إنو البشير وراء جرائم قتل دعمها ووقف خلفها لتحزّمنا بالقنابل و فجّرنا أنفسنا فيه ، لكن لأنُّو تلفيق زي الفوق دة تجدنا نقف هذا الموقِف.
أنا عندي دليل قِدّامك أهو إنو دي مُنظّمات أجنبِيّة مُصوّرة و هي تُلفِّق في جراح و آلام .
ولو داير بجيب ليك خبر أوكامبو اللي قالوا إنُّو لفّق شهادات زور و الخبر كان في أعلى المنبر اليوم مثبِّتو بكري ذاتو.
أها إنت وريني دليل صور ولو بالأقمار الصناعية فيها البشير دة واقف و بيأمر في جيشو لإبادة كائن أو مكان.
ما يجيني واحد يقعد يلقِّط لي في صور ضحايا حرب بين طرفين كُل واحد يصيب الآخر بنفس ما أصاب به أخيه ، و أكيد في الحرب لن تُتاح لنا فُرصة رؤية المتحاربين وهُم يتعانقون أو يُقدِّمون باقات الورد لبعضهم البعض.
يا ناجي شوف فِلِم المُنظّمات الفوق دة و أقرأ الموضوع دة عن أوكامبو
http://www.sudaneseonline.com/ar1/publish/article_4935.shtml
و راجع نفسك في مسألة المحكمة الجنائية دي لواحد من أبناء جلدك ووطنك.
الباقي كلللللللللو مقبول مِنّك طالما داخِل الحوش الكبير

ولو لقيت ليك زمن يا ناجي عليك الله عرِّج معاك على البوست دة
المؤرقة :يوميات موظفة إغاثة غربية في دارفور.
و بعدها أديني رأيك عن المصادر التي استقى مِنها أوكامبو الصُعلوك أدِلّته
و بالمناسبة ممكن أجدعك برضو بي مؤتمر ناس دارفور بتاعين الحركات العملوهوا في أثيوبيا عن شهاداتهم الزور في محكمة أوكامبو ضد البشير.
في أثيوبيا يعني ما في الخرطوم
دون أي ضغط
ناس برااااااااهم جوا إعترفوا

تاني يا علاء
ما حا تقدر تتاكد انه البشير ما ليه علاقة بالجرائم الحصلت في دارفور الا عن طريق قضاء مستقل و ما دام البلد بيحكمها حزب واحد و حا يظل يحكمها حتى بعد الانتخابات يبقى ما في سلطة في البلد تقدر تحاكم قيادتها السياسية
معليش انا في الشغل ما حا اقدر اشوف اليوتيوب

انتظِر ردّك بعد مُشاهدة اليوتيوب و قراءة الموضوعين المُرفقين
و بالتوفيق في عملك

بالروح و البنين نحن البشير نفديهو
نريد الرايدو برضو نعادي لمعاديهو
قول لي أوكامبو تِمُّو قرارك الباديهو
نِحن رئيسنا غير ما نفنى ما بندِّيهو
بشوف أوكامبو للحبل البِشرِّك فاتِل
تقول خالِقنا و لينا زارِع و شاتِل
فوق درب البشير الـ للكرامة بناتِل
وحات إسم الله بعد الموت عُضامنا تقاتِل

Quote: شُكْراً أوكامبو

الأخ علاء الدين
أبلغنا الأخ أوكامبو جزاه الله خيراً أن نوصل لك التحيات الطيبات
ويقول لكم لا شكر على واجب..
نحن جاهزين فى أى وقت !
you welcome anytime على حسب قوله بعضمة لسانه !!!!

كدة يا حبيبنا أب ديّة
تقابلوا حبيبي من دون عِلمي
ياخ كان تخبِّرونا شان نقوم معاهو بأحلى واجب
النبي ما بُستو لي؟

وينك يا ناجي؟

اها يا اوكامبوا تاني منتظر شنو

والله بقينا نخرم لي تصريحاتك

ان شاء الله قول لي واصل انك بتسلم علينا


ساي


رجل السلام ياتي بالسلام من الدوحه

سيعود الريِّس منصوراً اليوم
إنشاء الله