ياسلام عليك ياعلاء ..مالك ياخ ...طلعت عينا ..الواحد ياخد أجازه عاجله ويجي ولا شنو؟؟ اتمنى الصحه وطول العمر لكل الأمهات
Post: #5 Title: Re: أُمِّي Author: علاء الدين يوسف علي محمد Date: 12-03-2009, 02:23 PM Parent: #4
تسلم يا دكتور الصادق و كل الأمنيات ليك بعيد سعيد و ربنا يحفظ كُل أُمّهاتنا و يطوِّل في عمرهِن و يتقبّل قبولاً حسناً كُل من تغمّدهُن الله برحمته الأُغنِيّة جميلة و حنينة و حزينة و عجبتني و قطّعت قلبي
Post: #17 Title: Re: أُمِّي Author: دينا خالد Date: 12-04-2009, 06:28 AM Parent: #16
عــــــــــــــــــــــلاء !!
تصدق ما عندى كلام اقولو فى الحته دى !!!
ـــــــــــــــــــــــــ بوستاتك بقت بتهبش فى حتات كعبه غيرها ياخ .. كل سنة وانت طيب ..
Post: #20 Title: Re: أُمِّي Author: علاء الدين يوسف علي محمد Date: 12-04-2009, 07:31 AM Parent: #17
أووووووووووو دُنّانتي العسُّولة سلامات ياخ و كل عام و إنتِ بألف خير يا فردة يا دُنّانة شنو ياخ نبقى شفيفين تشوفونا مشنّفين برضو؟
Post: #19 Title: Re: أُمِّي Author: علاء الدين يوسف علي محمد Date: 12-04-2009, 07:09 AM Parent: #16
أستاذتنا العزيزة الغالية نادية عُثمان نفس الكلام القلتو لعُمر عثمان هو ليك الأُم العظيمة هي البِتطلِّع لينا عُظماء زيّكم وزولة زي نادية عُثمان الواحد بسهولة بيقدر يتخيّل كيف كانت والدتها لها الرحمة و المغفِرة إنشاء الله
Post: #18 Title: Re: أُمِّي Author: علاء الدين يوسف علي محمد Date: 12-04-2009, 07:05 AM
جنابو عُمر يا زول مالك علينا مِن الصباح ياخ واللهِ أنا من النوع اللي في المُسلسل دمعتو مرّات ترقرِق ياخي هو والدتكم "ألف رحمة عليها" لو ما كانت إمرأة عظيمة كان طلّعت زول زيّك؟ زول بكل هذا النقاء و الجمال و الطيبة و الشهامة و المُرُوّة و الثبات و العزيمة و الطموح لو مرأة ما صالحة ما كان جابتو يا عُمر ياخ إنت قايِل البِرِبي مِنو؟ الأم و بس وصدق اللي قال : الأُمُّ مدرسة إذا أعددتها أعددت شعباً طيِّب الأعراقِ ربّنا يرحمها و يحسن إليها و يجعل قبرها روضةً مِن رياض الجنّة و يجزيها إحساناً بإحسان بقدرما أحسنت هي فينا بأن أهدتنا إنساناً و أخاً جميلاً خلوقاً صدوقاً هو أنت يا عُمر
Post: #21 Title: Re: أُمِّي Author: علاء الدين يوسف علي محمد Date: 12-04-2009, 07:34 AM Parent: #14
العزيز جِداً أمين سلامات يا الحبيب و ليك كُل الأُمنيات الجميلة بأعوام سعيدة و أعمار مديدة لأُمّهاتنا و آباءنا