تالِتِن .. يتونّسِن يتضاحكِن ... تلقاهو زووووط في نصهن

تالِتِن .. يتونّسِن يتضاحكِن
تلقاهو زووووط في نصهن
بيحبهِن و بعيرو عاشق ناقتِن
ولداًً حبيب شايلاتنو هِن في صفحتِن
ما بقولة لأ ما شفتو مرة مغالتِن
و كان هازرِن يضحك يقوم و يشلِّتن
ياهو الخزين و سيد غناهن و نمّتِن
زولاً ظريف مأمور دوام بي كِلمتِن
بس الحبيب دايماً عيونو منطِطِن
لأي زول راسم جضمومو مشلِّخن
"يا ذنوجة هوي" كلماتو فينا يفلِّتِن
حاقد حسود شعراتنا يعني نقصقصن؟
جيب ليك كريم شعراتك أمسح و ملِّسن
نحن اللذاذ أفراحنا ديمة منغِّصن
من الدليب نقراتو لينا يرقِّصِن
بت النخل و الشلة قالوا نراقِصِن
و إن قلنا لأ...
يتلملمِن .. و يدمِّعِن .. يتقاودِن
يطنطنن و يخبِّثَن و يتزاعلِن و يتفالعِن
و المغسي فاقعي مرارتِن
و تالِتِن ياهو الزعيم في سيرتِن


و الحفلة لسة مدورة.



كتبنا بالدارجي قالوا ما بيفهم ما نفع ، بالعربي الفصيح قالوا مبروك عليك عربيك الفصيح دة.
و إصرار غريب على كلمة ذنوجة الشمال.
لجأنا للغتنا المحلية الحلوة و الكلام المقفى كصيغة جديدة للردود.

طبعاً يا أخوان القصيدي دي من تأليفي فلذلك أنا عافي لأي ملحن يجي و يقول عايز يلحنة.
و هي مهداة للأحبة و الما أحبة و للجداد و للقمح حبة حبة و للصغير يادبوو شبّا و للجميع مع المحبة.[/B