Post: #1
Title: جعفر نميري "أب عاج" ينضم للمؤتمر الوطني
Author: علاء الدين يوسف علي محمد
Date: 03-02-2005, 02:21 AM
شفت الخبر دة أمس و جبتو ليكم من سونا للأنباء ، طبعاً ضحكت شديد و تذكرت إنضمام "حوتة" للحركة ، و أهو أب عاج ذاااااااااااااتو تقولّي شنو و تقولّشي منو ، خش مع الجماعة.
أهة صروا و خموا
كدي شوفوا ناس حمادة بت و ناس الكلالكة الـ.... ، أصلو المسألة بقت هلال مريخ.
بالمناسبة نحن راسنا دة "عذراوي" ما حصل بعناهو لجهة ، تشتروا؟؟
أها الخبر تحت بي "ذبابتو عشان الحسس و الحمام" يا كوتش الدافوري:
Quote: المؤتمر الوطني وتحالف قوى الشعب يشرعان في الإندماج [9:28 PM]
الخرطوم 1/3(سونا) وجهت الأمانة العامة للمؤتمر الوطني الدعوة للسادة أعضاء المكتب القيادي لحضور اللقاء الذي يضم غدا بدار الحزب قيادات المؤتمر الوطني وحزب تحالف قوى الشعب العاملة برئاسة المشير جعفر نميري وذلك في إطار اكمال الخطوات الجارية لدمج الحزبين في تنظيم سياسي واحد ومن المتوقع أن يحضر اللقاء المشير عمر البشير رئيس الجمهورية رئيس المؤتمر. وأكد البروفسير إبراهيم أحمد عمر أن مشروع الإندماج والتوحد الكامل بين المؤتمر الوطني وتحالف قوى الشعب العاملة يمثل دعوة تجد عند أهل المؤتمر الوطني وضع خاص وعزيمة صادقة على تنفيذها من أجل تحقيق الخير الكثير لكل السودان. وثمن الأمين العام للمؤتمر الوطني الذي سجل ظهر اليوم زيارة لرئيس حزب تحالف قوى الشعب العاملة بدار الحزب مبادرة المشير نميري بإعلان اندماج حزبه مع المؤتمر الوطني وأشار الي أن هذا يأتي تأكيدا لاهتمام الحزب بقضايا السودان جميعا وحرصه على المواطنين. وأوضح أن الحزبين سيكونان معا صفا واحدا وكلمة واحدة من أجل مستقبل زاهر لاهل السودان جميعا وأمن سيادته أن هذه الخطوة تأتي تأكيدا لحرص الطرفين على استقرار السودان ووحدة أهله والعمل لمصلحتهم. من جانبه أشار المشير نميري الي أن أعلان اندماج الحزبين يأتي من اجل وحدة واستقرار الوطن والمواطنين ودرء المخاطر المحدقة بالبلاد معلنا مد إيدي الحزبين لكافة القوى السودانية المخلصة التي ترقب في المساهمة في استقرار وبناء الوطن على أساس الاجماع الوطني الذي يحقق الوحدة الوطنية. وأكد نميري ثقته في قوة وتجميع الحزبين لمرحلة جديدة وآفاق أرحب تقوم على ما يجمع لا على ما يفرق ومشيرا الي أن مثل هذه الخطوة ستمكن من تخطى سلبيات الماضي وفتح صفحة جديدة للعمل الوطني. وأشار رئيس حزب تحالف قوى الشعب العاملة الي أن اتفاقية السلام التي تم توقيعها مؤخرا من شأنها إشاعة الأمن والاستقرار والتقدم وتحديث وخلق علاقات متينة للبلاد مع دول الجوار وفتح آفاق التعاون مع جميع دول العالم في تبادل المنافع كما تؤسس لعلاقات وطيدة للتعاون الدولي.
|
|
Post: #2
Title: Re: جعفر نميري "أب عاج" ينضم للمؤتمر الوطني
Author: عمر الفاروق شيخ الدين
Date: 03-02-2005, 02:31 AM
Parent: #1
الحبيب علاء الدين :
أب عاج يضحك علي أب عاجين ....
وبكرة نتوقع خبر في الجرايد مفاده الاتي :
- من يكسب توقيع المطربة حليمة بمبر الحركة الشعبية أم المؤتمر الوطني ..
- فاطنة لستك توقع للذي يدفع أكثر ...
- قدورة يغني للحركة (وووب علي من جووون امسر اللون وبرقو سنون )..
|
Post: #3
Title: Re: جعفر نميري "أب عاج" ينضم للمؤتمر الوطني
Author: علاء الدين يوسف علي محمد
Date: 03-02-2005, 04:01 AM
Parent: #2
عمر على وزن "قلب للبيع" حق جعفرالسقيد
إيه رأيك في قصيدتيالجديدة:
راس للبيع
أهة يا عمر الراس تبيع ؟؟؟
|
Post: #4
Title: Re: جعفر نميري "أب عاج" ينضم للمؤتمر الوطني
Author: Balla Musa
Date: 03-02-2005, 06:43 AM
Parent: #3
يا علاء الدين
لك التحية
والله فى 1994 جلست مع جعفر نميرى فى مكتبه فى ميدان الظاهر لمدة ساعة كانت عبارة عن ونسة عن حال السودان بحضور عدد من مشجعيه. تصدق يارجل جلسة معه أزالت عنى كل الغموض الذى كان يعترينى عن سبب تخلف السودان? وأكثر من ذلك صرت أحس بأنى يمكن أن أكون رئيس السودان وربما أقدم حاجة أحسن رغم أنى كنت أعتبر مهمة رئيس لا يمكن أن يقوم بها إلا أشخاص ذوى مقدرات خارقة قبل هذا اللقاء.
|
Post: #5
Title: Re: جعفر نميري "أب عاج" ينضم للمؤتمر الوطني
Author: علاء الدين يوسف علي محمد
Date: 03-02-2005, 10:28 AM
Parent: #4
الحبيب بلة موسى
و العجب كان قعدتة مع "حوتة"
غايتو الراجل إلا يبقوهو بعدين والي "جزيرة الفيل" في ظل السودان الجديد
و أول بيان حيكون بعنوان "قبضوني ليه ليه ليه حبسوني في قفصاً كبييييييييير"
حوتة يا حركة
مع تحياتي
|
Post: #6
Title: Re: جعفر نميري "أب عاج" ينضم للمؤتمر الوطني
Author: علاء الدين يوسف علي محمد
Date: 03-02-2005, 10:45 AM
Parent: #5
دي قوية يا بلة
و تحياتي لجريدة الميدان
|
Post: #7
Title: Re: جعفر نميري "أب عاج" ينضم للمؤتمر الوطني
Author: Balla Musa
Date: 03-02-2005, 10:49 AM
Parent: #5
علاء الدين
| Quote: و العجب كان قعدتة مع "حوتة" |
ياخوى منو حوتة دا
تعرف ذكرتنى واحد إسمو ود الحوتة فى قرية المسياب فى الدامر. كانوا قاعدين فى فراش عزاء وكان فى واحد ختمى قال ياسيدى على, سمعو أنصارى سنة وقام فيهو وعظ وزجر. ود الحوتة زعل من أنصارى السنة وهو من أنصار المهدى, قام من مكانو وقعد قريب من أنصارى السنة وعاين ليهو وقام وقال كب يا المهدى الخلقتنى.. أنصار السنة قال ليهو والله إنت عارف الخلقك لكن دايرلك مشاكل ساكت.
فحوتك دا أن ما عرفتو
|
Post: #8
Title: Re: جعفر نميري "أب عاج" ينضم للمؤتمر الوطني
Author: علاء الدين يوسف علي محمد
Date: 03-02-2005, 11:08 AM
Parent: #7
شفيق يا راااااااااااجل
شنو يا بلة ياخ
حوتة البغني "في مدينة جوبا أجمل مديييييييييييييينة"
سبحان الله
مدينة و مداين و ميدان
يا راجل يا "منظّم" في كل كلمة و حرف و رد
معقول ما عرفتو لسة؟
مع التحايا
|
Post: #9
Title: Re: جعفر نميري "أب عاج" ينضم للمؤتمر الوطني
Author: Balla Musa
Date: 03-02-2005, 11:20 AM
Parent: #8
| Quote: مكتبه فى ميدان الظاهر |
|
Post: #10
Title: Re: جعفر نميري "أب عاج" ينضم للمؤتمر الوطني
Author: علاء الدين يوسف علي محمد
Date: 03-02-2005, 11:30 AM
Parent: #9
وقعت
|
Post: #11
Title: Re: جعفر نميري "أب عاج" ينضم للمؤتمر الوطني
Author: Balla Musa
Date: 03-02-2005, 11:56 AM
Parent: #10
ميدان الظاهر فى العباسية فى مدينة القاهرة
|
|