شوايقة يا رسول الله

ما أجمل أن يتكون في دواخلك حب إنتماء لمكان و زمان و عشيرة ، دون تجني على الوطن الكبير ووحدته ، فخر الإنتماء أعظم هبة.

شوفوا بالله الرد البليغ دة لسؤال:

بالله إنت شايقي!!؟
سؤال يا بت غريبب
أنا أيِّ شايقي
و بالتحديد بقولك بلدي أرقي
و كان دار تعرفي اصلي
في النيل و الجروف الخدرا في نوح السواقي
في نِغيم طمبور يبكي الليل و في لبس العراريق و الطواقي
و كان فتشتي في قلب الحسان من جُوة تلقي
أنا أيِّ شايقي
و جنسي شايقي و دمي شايقي
و جدي شايق
و كان دار تعرف اصلي أصبري لي دقايق
و خليني اللّدوِّر عجلة التاريخ و أسرد للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
أنا أيِّ شايقي و كمان قاري العلم و عارف الكتابة
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل و كتين أشم ريحة ترابي
أنا أي شايقي و الشايقية مازجي دماي في ذاتي و عروقي
كان مكضبة أقيفي أفصد ليكي إيدي و هاكي ضوقي
أنا أمي مهيرة بت عبود و شيخي الميرغني الختمي الطريقة
و جدي شايق شيّد الشايقية جدد ليها شوقي
أنا أيِّ شايقي و شايقي أيِّ
بسوم الروح و أقدِّمة لي حياة العز ضحية
و ما بهاب الموت مادام عيني حية
في وقت السِلِم بدرع و ألِم فوق كتفي طورية
و ساعة الحارة في وسط الصفوف تلقيني شايل البندقية
أنا أيِّ شايقي و شايقي أيِّ
و دة ياهو كلامي مهما قريت و اتعلمت و أصبح شاني سامي
و دة ياهو كلامي حتى ان كان بقيت سفير
و لّا كمان بقيت لجلاج أناطق الطير محامي
دة ياهو كلامي حتى ان كان بقيت عميد و قايد جيش نظامي
و دة ياهو كلامي حتى ان كان بقيت ريِّس و أصارع الموج ورا مِي
و دة ياهو كلامي حتى ان كان بقيت غوّاي و زي قيس في غرامي
دة ياهو كلامي أنا اصلي شايقي و ما بغير من كلامي
لما أقول أنا شايقي ما بقصد تِكِبِّر و إني أعلى من الثُريّا
لما أقول أنا شايقي ما بقصد أقسِّم و طني و أدعو العنصرية
لما أقول أنا شايقي بقصد إني سوداني و بسوق ستين سرية
و لما أقول إني شايقي بقصد إني بحمي حماي و احتضن الحرية
أنا أيِّ شايقي و شايقي أيِّ
و السودان عموم يا بت وطنّا ان كان نضمنا عديل
ولّا ان كان كسرنا الكِلمة حتى ان كان رطنّا
جُوارنا أمان و قلوبنا حُنان و أبيض من قطنا
و نحن المن زمان معروف نكِرم الضيف ولو نربط بطُنّا
أنا أيِّ شايقي و شققت العُقاب جيت من كريمة
زادي كسرة متمرة و حبّات جِريمة
لبسي جبة مبرقعة و غبشة و قديمة
و للبنادر جيت و كان أكبر جريمة أنا قلبي ما بدلتو بس بدّل هدومي
و ماني صايع ساكت آبت لا تلومي أنا أصلي أفندي في طرف الحكومة
عاد وحات اسم الله في شايقيتي فد يوم ما بزيِّف
و حبي للشايقية من ما قُمتة درفوناً خِفيِّف
و لما أبقى شايقي و بين ضلوعي دوام يفر قلبي الرِهِّيف
و لهجة الشايقية حلوة و في لساني يمين تكيِّف


نــــــــــادي الطمبــــــــور

UP UP

الشــــايقية : مرجع لكل من يبحث في قبائل الشايقية وتاريخها

حباب ود جعل
ود العم حباب

الأخ علاء الدين ..

سلامـــات..
إذا كان هذا البوست من أي جهة أخرى في غير هذا التوقيت .. كان ممكن أقول مصادفه أو ربما صدفة..

ممكن أعتبروا امتداد طبيعي للنقاش الكان داير بيناتنا امس .. وهل هي محاولة فتح جبهة حوار حول هذا الموضوع معي مباشرة ؟؟ مع مراعات انو شكل الحوار نهايتو كانت بيناتنا الاتنين ... مش كده ؟؟


ملحوظة صغيرة ..
عـــادة اتعودت الفصل بين ماهو شخصي وعام .. وبينما اناقشه خارج البورد .. وهنـــاتحديدا

ايماني أن للجميع حرية الاعتقاد والايمان بما يتماشي مع القناعات..
لكن تفضل الثوابت هي الثوابت ....

الأخ علاء
No comment

الأخ علاء.
Thanx 4Ur Clarification

i do my Ob..

الاخ علاء
تحياتى وحبى

Quote: لما أقول أنا شايقي ما بقصد تِكِبِّر و إني أعلى من الثُريّا لما أقول أنا شايقي ما بقصد أقسِّم و طني و أدعو العنصرية

نعم بهذا الفهم نستطيع ان نتعاطى الانتماء للوطن الاصغر فى حضرة الوطن الأكبر
قُنديل وباباى وتبلدى وفهوة معتَّقةفى(الضُل الوهيط)
وهذا ليس غريباً على الشايقية فشاعرنا العملاق اسماعين ود حسن زمااااان قبل الاحن والمحن
قال:
ديل اهلى
البقيف فى الدارة
وسط الدارة واتنبَّر
واقول للدنيا ديل اهلى
عرب ممزوجة بى دم الزنوج الحارة
ديل اهلى
محل قبَّلت القاهم
معاىَ معاىَ
زى ضلى
كان ما جيتَ
من ناس ديل
وآ اسفاى
وآ مأساتى
وآ ذلى

الحبيب شاذلي جعفر
شاعرنا الشفيف
بجيك بي روقة

أول مرة أعرف أنو ناس أرقي (بلد ناس بشري الفاضل وصديق أحمد) شوايقة. تعيش كثير تعرف كثير

NASR
نعطي من نشاء بغير حساب

بعدين سين سؤال يا ريت تقدر ترد عليهو زي ما الشايقي رد:

عبد الرحيم "أرقي" بغني باللاوندي ؟
ولا الكورس حقو بتاع راب !

يسكن المنطقة عند المنحني الجنوبي للنيل مجموعات من الناس بعضهم من أعراب الكبابيش والهواوير، بعضهم من البديرية والجوابرة وبعضهم من الفونج والركابية. جلهم أن لم يك جميعهم يتحدثون العربية بلهجة الشايقية. أو بالأدق هم والشايقية والمناصير وبعض الرباطاب يتحدثون بلهجة تتقارب أصواتها وكلماتها وإيقاعات غناها. ومن هذه المنطقة خرج الفنان الشهير المرحوم النعام ادم والفنان صديق أحمد وعدد غير قليل من الشعراء (المكاشفي محمد بخيت) والقصصين.

نسيت أن أقول (ما أحمقني) أن الروائي الطيب الصالح ينتمي لنفس المنطقة موضوع حديثي.

علاء
السلام عليكم
يا أخى أرى فيك إمكانيات أنثوروبولوجية قوية
ليه يا أخى حارمنا منها
Pls. would you
concentrate on this issue
للفائده
أنا من منطقة الغريبه
هل تعرف هذه المنطقه
(طبعا ما شفتها في حياتى......لكن الكوم الكبير موجود حتى الآن)


Thanks

الأخ كوستاوي
الغريبة ؟ وهل يخفى القمر ؟
عزيزي والله ما في قلوبنا من محبة و حنين لكل من بقعة من بقاع السودان أكاد أجزم أنه لا يضاهى ، بس كيف يفهمونا.
و يا ريت لو راجعت اللنك المرفق مع الموضوع الفوق "نادي الطمبور" في جهد كبير من ناس حلوة.
و مرحب بيك و مشكور

علاء ازيك وكيفنك .. وخبارك؟

معليش على التخريمه...

Quote: ديل اهلى البقيف فى الدارة وسط الدارة واتنبَّر واقول للدنيا ديل اهلى عرب ممزوجة بى دم الزنوج الحارة ديل اهلى محل قبَّلت القاهم معاىَ معاىَ زى ضلى كان ما جيتَ من ناس ديل وآ اسفاى وآ مأساتى وآ ذلى

انا معجبه بالقصيده دي بصورة (هستيرية) بس الجزء ده تحديداً ما قدرت افهمه،يعني شنو الكلمات الآتيه
"الدارة" و "اتنبّر"؟

بنت الحسين

مريم يا بت الحسين :
القصيدة جميلة وإسماعيل حسن ما بيكتب كلام ساي ...

Quote: "الدارة

الدارة هي المحل البيرقصو فيها رقصة العرضة (بس ما تقولي لي العرضة دي كيف ؟؟؟)
يعني بي الدارجي كده الدارة دي محل الرقيييييييص ...

Quote: "اتنبّر"

ودي وصفة الرقصة بتاعت العرضة ...مش الرجال بي رفعوا يدهم فوووووووق ويهزوا يدينهم ويدقوا رجلينهم في الأرض ويقولوا " أبششششششششششششششششر " ..اها دي إسمها اتنبّر..
والعهدة علي الراوي ومافي بطن الشاعر

الأخت الغالية بنت الحسين
والله سعيد لطلتك و مرورك من هنا
و مقدر إعجابك بالقصيدة التي لطالما أصفها بأنها بمثابة "نشيد وطني" لما تضمنته من معان للرجولة و الشهامة و الوطنية و الكرم و كل ما هو جميل.
و الدارة كما شرحها عمر "و هو بيقالع في الجكس" هي مكان الرقيص الساحة البيرقص فيها الكورس مع الرقاصين نساء أو رجال.
و أقري دي:

تاني بقول وحات الله تراني حلفتة بي الله
وكت السمحة في هيباتة تتجلى
تشيل خطواتة في إيقاع و حلات إيدينه تتنى
توطي صديرة قدامة تخلي سبيبة يدّلى
تخلي الدارة فوق نيرانة تتقلى

و أما "اتنبر" فهي لوصف الحديث من مكان عال و تعني أنه حينما يتحدث عن عشيرته و انتمائه إليها لكأنما هو من الفخر جلوس على عرش و تاج على رأسه ، فأيما فخر هو ذاك يا مريم.
و أعتقد أنها مشتقة من كلمة "منبر" بس إشتقاق دارجي.
شكراً يا مريم للمرور

عمر الفاروق
إنت الرجاجيل ديل كلهللللللهم ما عجبوك ؟ بس تقوم ترد على بيت الحسين !

علاء الدين أخوي :

Quote: عمر الفاروق إنت الرجاجيل ديل كلهللللللهم ما عجبوك ؟ بس تقوم ترد على بيت الحسين !

هي لكن يا علاء الدين الرجاجيل ديل واحد فيهم قال لي الدارة معناها شنو ماف!!!
الرجاجيل ديل جاين سالين سيوفم سااااااااااااي وعاينو لي البوست ده كأنو بوست بتاع شكل...
تخريمة :
يابت الحسين إتنبر دي علاء الدين نجرا من راسو ساي غايتو أنا أول مرة أسمع بي كلامو ده ما يدقسك ...
وتاني يا علاء الدين لا مريم بت الحسين ولا مريم الأخري ولا مريم الشجاعة ما برد ليها وده طرفي ...

omer alfaroug
I ask you to leave this post Immediately

مريم بنت الحسين

اتنبر يتنبر تِنِبِّراً فهو متنبر و لا يتنبر المتنبر تِنِبِّراً إلا وهو على منبر والمنبر مكان التنبر و يقال فلان يلقى خطبة منبرية و يقال فلان المِنبري و برى يبري برياً منبرياً فهو عمر الفاروق دون شك .

UP

شكراً

هو بالله موضوع بدايتو تمبس و قفلتو بعمر الفاروق دة يرفعو ليهو علم ؟
والله فاضل ناس شتات و معتصم دفع الله.

ما أجمل أن يتكون في دواخلك حب إنتماء لمكان و زمان و عشيرة

دون تجني على الوطن الكبير ووحدته ، فخر الإنتماء أعظم هبة

الأخ العزيز الفاضل / علاء الدين

لك خالص تحياتى واشواقى

إنها لمقدمة رائعة وجميلة إنها تدغدغ

حواس غائرة وتشدنا إلى إرث نعتز به كثراً

وإلى إنتماء نفخر به أيما فخر وعزة وكبرياء

نحسد عليها

لا شوفةً تبل الشوق ولا رداً يطمِّن

أريتك تبقى طيب إنت أنا البي كلو هيِّن

عرب ممزوجة بي دم الزنوج الحارة .. ديل أهلي

و ديلة قبيلتي لما أدور أفصل .. ..للبدور فصلي

أخى العزيز لك كل محبتى

لى طلب صغير بسأل عن ويب سايد نادى الطمبور للغناء

أكون شاكراً لوتكرمت

أخوك/ عماد عثمان

شايقى ودنقلاوى اخوّة فايتة الحد

ايد فوق ايد تملّى بيبقوا ساعة الجد

فتيل ريحة وبخور عودين عبيرهم ند

لو تسأل عليهم تلقى عندى الرد!!

Quote: لما أقول أنا شايقي ما بقصد تِكِبِّر و إني أعلى من الثُريّا لما أقول أنا شايقي ما بقصد أقسِّم و طني و أدعو العنصرية لما أقول أنا شايقي بقصد إني سوداني و بسوق ستين سرية و لما أقول إني شايقي بقصد إني بحمي حماي و احتضن الحرية أنا أيِّ شايقي و شايقي أيِّ

علاء الدين
صدقنى كنت ابحث عنك منذ زمن طويل وها انت تعود علاء الذى اعرف
اتمنى ان لا يحرمنا علاء من علاء

تحياتى

الحبيب أوسلي
صدقني دوماً أنا أبحث عنك و عنهم وعن كل ما يحمي عزتنا و كبرياءنا و كرامتنا و شموخنا ، فبينما كنت تبحث عني كنت و لا أزال و سأظل دوماً باحثاً عن ذاك ، فقط إعلم أنك و ما تحب مني أن أحب في الدواخل و الثنايا
شكراً لمرورك أوسلي الحبيب

الأخت الغالية الأستاذة نادية عثمان
شكراً لصاحبة الجلالة المتمثلة فيك روحاً و قلماً و شكراً لك و أنتي لا تزالين تنفحيننا بعبير ورد القصيد و الكلم الجميل ، و أصدقك القول أن عنوان هذا البوست كان يجب أن يكون "شوايقة يا رسول الله - هدية للأستاذة نادية عثمان" لما تضمنته القصيدة بعاليه من معاني الأخوة و المحبة بين الشوايقة و الدناقلة ، و أما عن مداخلتك هنا فبصراحة شديدة جداً لو كانت الأبيات الواردة في مداخلتك من كتاباتك فتستحقين عليها التهنئة الحارة جداً.
شكراً للمرور

الاخ العزيز الاكرم علاء الدين يوسف

Quote: شكراً لصاحبة الجلالة المتمثلة فيك روحاً و قلماً و شكراً لك و أنتي لا تزالين تنفحيننا بعبير ورد القصيد و الكلم الجميل

الشكر ليك انت ياعلاء ..وسعيدة حروفى عندما تجد اهتمام الاعزاء ..ولان صاحبة الجلالة قد سمحت لنا بالوجود على بلاطها الغالى فاننى اعمل مابوسعى لاكون بقدر هذه المسئولية العظيمة.

،

Quote: و أصدقك القول أن عنوان هذا البوست كان يجب أن يكون "شوايقة يا رسول الله - هدية للأستاذة نادية عثمان" لما تضمنته القصيدة بعاليه من معاني الأخوة و المحبة بين الشوايقة و الدناقلة

ربنا يديم بينا المعروف يارب..وبين كل قبائل السودان ..ويكفى النيل ابونا والجنس سودانى..

Quote: ، و أما عن مداخلتك هنا فبصراحة شديدة جداً لو كانت الأبيات الواردة في مداخلتك من كتاباتك فتستحقين عليها التهنئة الحارة جداً. شكراً للمرور

فى دى بالغت ياعلاء ومعناها انك ماقريت بوست ركن الدوبيت السودانى !!!

لازم تمشى تفتشو هسة كان كده وتقرأ الربنا يقدرك عليهو من الرباعيات عن الشوايقة وكل قبائل السودان..

الأخ الحبيب عماد عثمان
والله أنا لو عارف مواضيع زي كدة بتمرقك لينا كل يوم أكتب ليك واحد ، ياخي طلتك بالدنيا يا غالي و بالله ما تحرمنا من الشوفة.

Quote: و دة ياهو كلامي حتى ان كان بقيت غوّاي و زي قيس في غرامي

علاء الدين

لول

بس إلا الغواية دي

اتنبر تعني الثبات
وقصد بها من تنبير المسمار أي ثباته

والوقوف في وسط الدارة يعني في وسط الحلقة المتحلقة للطرب واللعب وهي نطق بلدي للدائرة وهنا فهو يعني الوقوف للمباطنة ويثبت للجلد بالصوت من أيدي العريس لأنه وحده الذي يحق له جلد الذين علموا الجبل الثبات

لأن الرقيص مافيه وقوف وما هو المقصود

ويقصد بأنه يقف وسط الدارة ويتسدر

أي يثبت ويرفع صدره عالي ويميل بيديه بالجوانب وفي هذا المظهر مظهر ثبات المسمار المنبر أي المبرشم من الأكتاف العليا، وأن الصوت عند الجبد فهو لا يميل ولا يتزحزح

وكما ترى فهو فعل ليس قول

المسافر يا حبيب :
تعرف انا خايف عليك من علاء الدين ده يجي يرد ليك زي واحد أخونا ويقول ليك :

Quote: I ask you to leave this post Immediately

ليك التحيات علي الدارة وراجين معني (يتبر ) !!!

عمر الفاروق
you said nothing

الأخ العزيز "حسب الصورة"
المسافر
شكراً كتير لمرورك و التوضيح اللازم ، لأنو فعلاً أنا كنت في شكك من أمري بخصوص الكلمة دي لذلك سبقت شرحها بكلمة "أعتقد"
مشكور كتير و كدة إنت علمتني حرف
يعني خلاص جيب حبلك و أربط

يا باشمهندس

Down
انت قايل لييه؟؟
انا جبت لي شريطين لي حنان النيل بالطمبور حاجه ما تخلص ..

ومجهز حاجات جميلة جدا..
قمت لطشت البوست انت طبعا..

وقام

الجهاز ضرب كرت شاشة.. ومظر بورد والرامات راحت في الرجلين .. حسع انا تاكلو عند معتصم وبوش لي تلاتة ايام وراسي مقطوع ..

داون تاني
شوف لينا طريقة مظر بورد .. معتصم ده انا عزبتو معاي

UP
اتركو مساحة للطمبور ..ولصوت حنــان النيل الشجن

يا تمبس، ألاحظ إبداعك الدائم.. والرامات مني ليك هدية.. بس إن شاء الله تكون في الرياض... إتصل علي تلفوني تلقاهو في ا لبروفايل.

عوض الله أحمد الطيب

Elawad Eltayeb
فيها رامات و توزيعات !!
تمبس ..
عمولتي برّة
الملحة دي جاتك في بوست حقي يبقى بالنص

الأخ عمر الفاروق

أنا عارف علاء ده عاوز يقدم طلب إنضمام إلى قائمتنا النعيمية
لكن هو حايكون النظر في طلبو بعد قبول طلب الأخت شايننغ
بالرغم من أنه بعد إنضمامه لنا حا يكون
add nothing

كتبت معنى اتنبر مع الوقوف والثبات يقصد بيها البرشمة، وهي من النبرة ،
وفي استخدام آخر نقول الكورة نبرت وينبر الكرة أي الإهتزاز السريع وكذلك مأخوذة من فعل الضرب على المسمار بنفس السرعة والتردد لتحقيق الثبات
اتنبر هنا يعني يثبت ( يعلم الجبل الثبات)

أخونا المسافر وين تخلينا لي شوقنا وذكري ماضينا !!!!
إنت صحي مسافر وين ؟؟؟

Quote: أنا عارف علاء ده عاوز يقدم طلب إنضمام إلى قائمتنا النعيمية

والله علاء الدين ده لا نعيمية ولا تقلية ولاااااااااااااااا عصيدة بي ملاح روب تخليهو ينضم لي قائمة الشرف دي (الشوايقة يمتنعون ...)..

انا كتبت لي مريم بت الحسين الكلام ده عن التنبرة :

Quote: ودي وصفة الرقصة بتاعت العرضة ...مش الرجال بي رفعوا يدهم فوووووووق ويهزوا يدينهم ويدقوا رجلينهم في الأرض ويقولوا " أبششششششششششششششششر " ..اها دي إسمها اتنبّر.. والعهدة علي الراوي ومافي بطن الشاعر

وعلاء الدين جا طلع كلامي غلط ..ياربي يكون عمل نظرية " أمكم غارت " عشان انا الرديت لي بت الحسين ؟؟؟

تحياتي وتشكر علي المعلومات وبعد ده انا صدقت إنك جيت الخرتوووووووووووووم سنة 64

حبابك ألف ...

تيمبوسي
العمرة مبروكة

الصورة الجميلة دي ما عندها أخت صغيرة
عاوز أختها في بروفايلي عشان تعجب علاء ده

عمر الفاروق ..

إنت لي هسه قاعد هنا ..
ما قالو ليك شتت ياخي ..


الحبيب علاء
تعرف أنا عندي غرام شديد مع أغاني الشوايقة بحبها وبستمتع بيها ..
وزي ما قال ليك تامبا الجراب مليان بس خلينا نجي بي رواقة كده ..

رااااااااااااااجع ..

الحبيب وجيه الرياض و محبوب بوردابه
معتصم الغالي
ياخي شوفتك ترد الروح
حبابك و في انتظار الجية التانية و ما تبقى زي ما قال وردي:
جميلة و مستحيلة

ثلاثة شلوخ ..
رمز الأرض .. أصالة الطين ..
انسان وشلة ضوء وساقية حنين ..
قمر قاعد في قوز الرملة ..
النجم الضاوي حنان والليل الساكن ..
"شايقي وما محسوب" .. طنبورو يغني ..
يناجي النيل ..
ينادى عليك الشوق الكامن ..
جروف العافية .. الفرح الأخضر .. توشوش ليك ..
الريد استوطن ..
سماك السافر فينا .. حروف نديانة محنة ..
عافية وقافية .. أمان وسكن ..
الطيف الراحل نازل في كفينا ..
شايل لون البهجة ..
سحاب عينيك .. غطى الساحة غمامة ..
وفينا أتمكَّن ..
وطيرنا الهاجر صيف ..
النخل العالي ..
عناق الريح ..
جزاير الوردة ..
البحر الآمن ..
نهاجر ليك ..
نشيل الغيمة والتذكار ..
نطاول الليل ..
دليلنا عيون ..
وعيونا الراحن في المشوار ..
دموعنا الكبَّن ..
فرحة ولهفة ..
ونوصل ليك ..
..
هين هينين ..
والود موصول ..
جزيرة هنا .. جزيرة هناك ..
نيل .. نيلين ..
والقافية تطول ..
نخيل الفرحة .. جروف الليل ..
مسدار الطيبة .. حكاوي تقول ..
تغنى حنان الضفة ..
معاني اللهفة .. وعمق البين ..
الرهو الراحل ..
رمش العين ..
رسائل الشوق ..
والجو الحاضن ريد اتنين ..
ونتلاقي غزال ورهيد ..
شجرة ظليلة .. وعصفورين ..
كنارنا يدندن ..
والود موصول ..




الأخ العزيز علاء ..
لعلهـا سياحة بيئية .. اجتماعية .. عاطفية .. في الربوع الشايقية ..
لعلها انتماء بالانتساب "شايقي وما محسوب" ..
ولعلها لقاء على ضفة .. وشلة ضوء .. وساقية حنين ..
ولعلها ..
الشايقية أصالة .. بسالة .. كرم .. تاريخ .. جمال وحنان .. وسجل طويل من الإبداع ..
وهم ركن هام في إطار التنوع الذي يعزز جمال اللوحة الوطنية ..

أضغط على هذا الرابط :
عندما كانت الديناصورات تحكم العالم

Quote: بدعوة شايقية كريمة التف النيل العظيم .. ليحل ضيفا في كريمة .. هناك عند المنحنى وملتقى الضفاف .. في ضيافة النخيل .. ونكهة الطين والجروف وسحر الأصيل هناك الشمس أنثى مشلخة عوارض .. الشايقية .. مروي .. كورتي .. الصمود .. الاستبسال جميع الشهداء .. وكل من حط على التاريخ سطرا بالدماء أحمد خير .. النضال .. الاستقلال .. وكفاح الجيل .. .. السواقي .. الجزائر .. المسادير .. الطنابير .. اسماعيل حسن .. المتمدد فوق النيل من الشلال للشلال .. المهاجر فوق ريش الرهو رحَّـال .. المعشعش في خاطر الغبش موَّال .. حد الزين .. حليلك يا بنية شيخنا اسماعيل والروح تنوح فوق الدروب .. وا خوفي من صوت الرياح وكتين تنوح وتسوي هـو زيك غريب والغربة طالت يا مسيكين مثلي يا طير الرهو التراب ملينا عيشتو .. اريتني زيك كل يوم يحضني جو .. .. السر الطيب .. الدابي .. محمد جبارة .. محمد كرم الله .. حتى الطيف رحل خلاني ما طيب لي خاطر اما النوم أبى وجافاني واصبحت داجي ساهر اقيف يا طيف اقيف وارجاني ياني معاك مسافر حتى الطيف رحل خلاني ما طيب لي خاطر .. .. هناك استطالت مهيرة كقمم الحراز العالية .. وارتدت النيل وشاح .. وغنت .. من قمت فوق هذا التراب .. ما غنيت للناس الغنايا ومن قلبي البينزف كان سقايا .. غنيت للزرَّاع .. والزرَّاع عراريقن على درب الأمل أشرف عبايا ومن جلدي الرهيف فصَّـلت نعلتَّ الحفايا .. صلاح / شتات 21/3/2004م

كل الود ..
صلاح / شتات

شتاااااااااااااااااات !!!!!!!
أنا لا أعتقد !!!!!!!!
أنت تعتقد ؟ أنا لا أعتقد !!!!
من خلف هذا الجبل يا رفاق !!!!!!!

جب جب يا شتات شتتة ليك سكر

معقولة لكن
والله دي دايرة غنية يا الهليت فرحت قلوبنا
ياخي مرحب حباب شتات
و المداخلة مبالغات مبالغات مبالغات
يا زول يا لذيذ

الحبيب / علاء الدين

ارفق لكم اخر قصيده كتبها فنان الطمبور الكبير الاستاذ / محمد جباره- له الف تحية اشهد انها تمثل روح السودان كله وليس الشايقية فحسب ولك علاء خالص مودتي

صفن بقن على الوطن

كما اللبن

بدأ التصافي فى العلن

بشائر الفرح بدن



كما السماح لغي السلاح

بدينا صاح

كما العلاج صبح متاح

بدينا صاح

من الصباح نقوم رباح

علي الفلاح شداد نصاح

لاعلل ولاكلل

لاقهر لاغلب

لارسوم علي الكتب

لافصل بينقفل

امام طفل

فصل اساسو مكتمل

طفل حفل

ح يحتفل

في الحصص روي القصص

عن الوطن

بكل نفس ح تنغرس

محبة كاملة للدرس

ولا المعاني تلتبس

ولا الغناوي تنحبس

غناوي هادفة تلتمس

ظروف مواتية تنعكس

علي البلاد نما وغرس

علي الولاد لبس لبس

علي الشباب عرس عرس

وطن مكانو فى الرمش

نمش نباهي بي الشمس




اها رأيك شنو ؟؟؟
الف شكر

الحبيب أبو عثمان

Quote: وطن مكانو فى الرمش نمش نباهي بي الشمس

أها بعد دة في رأي

يا سلام على محمد جبارة شاعر و طنباري و فنان و ملحن ربنا يحفظو و يطول في عمرو لعشاقو و محبيه ، و مشكور للمرور

علاء

دا بوست ممتاز وممكن يكون واحد من بوستات العام التوثيقية.

هل توجد القصيدة الافتتاحية كتسجيل؟؟

بوست يستحق الإشادة.

واصل

الحبيب إسمعيل التاج
شكراً لتميز البوست في نظرك و نعم يوجد تسجيل جميل جداً للقصيدة سأعمل جاهداً على إنزاله قريباً لتكون نصية و مسموعة.
و أقتنص هذه السانحة آملاً السماح لي بنقل الخطى من هذا البوست للبوست الكبير "نادي الطمبور" ففيه جهد كبير و واضح من قامات و متبحرون في الفن الشايقي فالمواصلة فيه تكون أجمل و فائدتها أكبر.
تحياتي.

أخى الغالى / علاء الدين

لى طلب صغير بسأل عن ويب سايد نادى الطمبور للغناء

أكون شاكراً لوتكرمت

أخوك/ عماد عثمان

الحبيب عماد عثمان
تحياتي
حسب علمي أن الموقع لا يعمل حالياً أو غير مفعل و عنوانه القديم sudanonnet.com بس لا يعمل ، و كنت قد أبديت استعداداً لتفعيل الموقع ولو كان موقعاً جديداً و دار نقاش حول ذلك بيني و بين الأخ "أبو يسرا" من بورداب السودان حيث كان ينقل لنا وجهات نظر أهل النادي في السودان.
ودة موقع للطمبور برضو و عامل و أتمنى إنو يكون شغال كويس لأنو شكلو مساحة مجانية موقع تجريبي لنادي الطمبور
أشكر لك اهتمامك بأمر النادي يا عماد و أتمنى مثلك أن نراه على قمة المواقع السودانية

Quote: عاد وحات اسم الله في شايقيتي فد يوم ما بزيِّف و حبي للشايقية من ما قُمتة درفوناً خِفيِّف و لما أبقى شايقي و بين ضلوعي دوام يفر قلبي الرِهِّيف و لهجة الشايقية حلوة و في لساني يمين تكيِّف

سلامات ياعلا

والسلام موصول لجنيات دار شايق لحدهم

ادعوالله ياعلا ربنا يديني فرقة واقدر اتواصل مع البوست دا

وأوعدك ماحاخليك تحتاج لطنابير (الجلابة) ناس تمبس ومعتصم

- تخريمة : علا تمبس خلي اللطش والزم إختصاصك وشوف ناس اليسابي وين

Quote: وأوعدك ماحاخليك تحتاج لطنابير (الجلابة) ناس تمبس ومعتصم

جابت ليها حقارة كمان ..
والله كويس ..
يرضيك كده يا علاء ؟ ..

أضغط على الأغنية لتعمل معك ..
عشان يا تامبا الشغل يكون منظم وتمام ..

البوست ده كان واقع تحت

تشر يا واد يا خطير
سلمت يداك حبيبي تمبس

شنو .. رجعتو و للا دا تضقيل منك ساكت!!

بدءاً الشكر الجزيل للأخ بكري أبوبكر لسماحه لنا الإطلالة مرة أخري عبر سودانيز أون لاين الوطن ، و الشكر للأخوة الأفاضل الذين أسهموا بما خطته أقلامهم مناداة بعودتنا في ذلك ، و أشكرهم دون ذكر للأسماء خوفاً من أن نستثني منهم أحداً دونما قصد.
و خالص عزائي لثلة تري الموت ولا تراني ، و هم لهم مني الآتي: أنا علاء الدين يوسف علي ، لا أخطيء علي أحد ، لم أنل شرف الباديء يوماً في هجومٍ ما ، و لن أسكت علي حق أبدا.

أما ناس الحركات الجعانة ديلك بتاعين كوبي و بيست ، فمن كان بيته من زجاج فليتورع قبل قذفنا بما يخرج من رأسه من درّاب.
و ما ينسوا إنو في قوانين للمنبر يلتزموا بها كما نحن فاعلون.
مرة أخري شكراً بكري

-----------------------------------------------------------
ملاسي الحبيب
دة رجوع عديل
-----------------------------------------------------------
كنت عايز أفح بوست مخصوص بالكلام الفوق دة لكن نزولاً لرغبة الأخ بكري التي تراءت لي في أختياره لهذا المدخل الرائع (البوست الجميل شوايقة يا رسول الله) فسأكون عند حسن ظنه بي و لن أخذلك يا رجل

Quote: دة رجوع عديل

هلا هلا .. بعد دا الزول ينوم قفا.

حباب حبيبو .... ومليون مرحب بالسوداني الاصيل .....

Quote: أنا أيِّ شايقي و جنسي شايقي و دمي شايقي و جدي شايق و كان دار تعرف اصلي أصبري لي دقايق و خليني اللّدوِّر عجلة التاريخ و أسرد للحقايق دنقل عيال منصور جعل و رباط و شايق لا نهاية الدنيا أولاد عم شقايق أنا أيِّ شايقي و كمان قاري العلم و عارف الكتابة كلامي سمح و أكلي قمح و من النيل شرابي و بملا العين و أزيد شبرين و أهز عضلات شبابي و أشق أعداي عديل و كتين أشم ريحة ترابي أنا أي شايقي و الشايقية مازجي دماي في ذاتي و عروقي كان مكضبة أقيفي أفصد ليكي إيدي و هاكي ضوقي أنا أمي مهيرة بت عبود و شيخي الميرغني الختمي الطريقة و جدي شايق شيّد الشايقية جدد ليها شوقي أنا أيِّ شايقي و شايقي أيِّ بسوم الروح و أقدِّمة لي حياة العز ضحية

وامى مهيرة بت عبود وشيخى الميرغنى الختم وجدى شايق
الله يبارك فيك يابكرى ويعدلا عليك دنيا واخره

الحق يا عمر الفاروق صحبك علاء الدين جاء واقع


فك تسجيلات ... وعلاء لاعب اساسي في الباك الشمين
مرحب بيك..... سمعت عنك ولم ادركك نسبة..... لعمليات الشطب






اختك بت عجاج

مرحب علاء الدين
سيرتك سابقة
نخليك تنجم
وبعدين نجيك للكلام السمح
يا لون الجرف الشارب خدرت لون الزول
الزول السمح الخاتف خدرت لون الليمون
تسلم ومراحب كتيرة
السموءل بدرالدين
بديري دهمشي لي الاضان

!!

Quote: أما ناس الحركات الجعانة ديلك بتاعين كوبي و بيست ، فمن كان بيته من زجاج فليتورع قبل قذفنا بما يخرج من رأسه من درّاب.

هيععععععععععععععععععع !!!


وجع وجع علاء رجع ..

Quote: علاء الدين يوسف علي محمد . تاريخ التسجيل: 28-06-2007 مجموع المشاركات: 1

حمد لله علي السلامة يا معلم .

Quote: أنا أيِّ شايقي
و جنسي شايقي و دمي شايقي
و جدي شايق
و كان دار تعرف اصلي أصبري لي دقايق
و خليني اللّدوِّر عجلة التاريخ و أسرد للحقايق
دنقل عيال منصور جعل و رباط و شايق
لا نهاية الدنيا أولاد عم شقايق
أنا أيِّ شايقي و كمان قاري العلم و عارف الكتابة
كلامي سمح و أكلي قمح و من النيل شرابي
و بملا العين و أزيد شبرين و أهز عضلات شبابي
و أشق أعداي عديل و كتين أشم ريحة ترابي
أنا أي شايقي و الشايقية مازجي دماي في ذاتي و عروقي
كان مكضبة أقيفي أفصد ليكي إيدي و هاكي ضوقي
أنا أمي مهيرة بت عبود و شيخي الميرغني الختمي الطريقة
و جدي شايق شيّد الشايقية جدد ليها شوقي
أنا أيِّ شايقي و شايقي أيِّ
بسوم الروح و أقدِّمة لي حياة العز ضحية

حسين ملاسي
ماجدة عوض خوجلى
ajaj
السمؤال بدرالدين
ناذر محمد الخليفة
فيصل نوبي

لكم الشكر الجزيل الجميل بترحابكم الأصيل أصالة نيلنا و تمرنا و ترابنا.


* يا ناذر عايز تعرس بدون تدينا خبر ؟
يا جبااااااااااان

المطبلاتي عمر الفاروق وييييييييييييييييييييييينك
تعال بشٍّر لناس الحوبة و شيل الفاتحة مع ناس هناي ديلك قالوا عندهم بكا

http://albrkal.com/agani/agani.htm

القلب النابض

إنشاء الله نابض دوماً فرحاً و روحاً

مدخل البوست كلمات الشاعر الاستاذ سيد احمد الدوش و وهو ابناء ارقي مركز الشعر والشعراء ومنها
علاء الدين ابوسير شاعر " عافي منك وراضي عنك " و عبد الله ابو سير و المرحوم فؤاد ابو سير شاعر اغنية مسكين انا والاستاذ و عبد المنعم الملك شاعر اغينة "طيبة القرية يا خلايا" والشاعر محمد عثمان عبيد والشاعر الدكتور احمد فرح شادول وهي والقرير والجابرية يمثلن المثلث الشعري الاصيل في السودان واللماعاجبو يشرب من المحيط وفي المحيط من مثلث برمودا ونحن عشاقهن
ومنها الفنان صديق احمد رائد اغينة الطنبور وعبد الرحيم ارقي وشكرا لهذا البوست الراقي

Asma Ali

يا سلام عليك ياخ
أول حاجة عملتها سمعتة محمد كرم الله في : سر غرامك فينا كامن هيج العين شال منامة
و تاني حاجة حفظت الموقع في المفضلة
شاكرين للمرور

حمد الله على السلامه علاء الدين

ماشاء الله انا ذاتي شايقيي بت شايقي ..ابوي شايقي ود شايقي..امي شايقيه بت شايقيه..وجدي الكبير شايق وحبوبتي مهيره وبلدي الزومه وكريمه وكمان خت معاها مقاشي..

انت الشايقيه ديل بيحبوا حرف الشين كتير ليه؟

تحياتي لك وللجميع

الف مليوووووون مراحب

وحمد الله على سلامة العوده
وطبعا انا هنا ما لاقيتك
بس انا من شلة النيلين القديمه ( المامسجل )

ولك الود

العزيز /على محمد على بشير
ياخي تسلم إنت و ناس النيلين و بلد النيلين
من سلاوي لأمير الحسن لكل الرائعين الهناك

محمد الكردى
الله يسلمك يا غالي
مني خوجلي
مرحب بيك يا ستي و بكل مهيرة سودانية أصيلة

الأخ علاءالدين
مرحبا بك مرة أخرى و مع الترحيب بك أهمس في أذنك اعتداء الآخرين علينا يبرر الرد في حدود يجب ألا نتجاوزها احتراما لذواتنا قبل كل شيئ. لا أقول لك تقيد بقوانين المنبر بل التزم أحكام دينك و تعاليم نبيك صلى الله عليه وسلم و ما بتجيك عوجةإن شاء الله.

حبيبنا Eawad
تابع النجمات حبابك
و سلمت علي المرور الأنيق و الهمس الحنين ، همس الوصاية الجاي من زولاً يهمك و تهمو
و ربنا يهون يا الغالي

علاءالدين
الف مرحب بيك

اتمنى لك اقامة طيبة بيننا ....

شنو جاينا بشوايقة يا رسول الله طوالى ...


اتمنى لك اقامة طيبة
ومرحب بك مرة اخرى فى دارك ...

تسلم

مدخل البوست كلمات الشاعر الاستاذ سيد احمد الدوش و وهو ابناء ارقي مركز الشعر والشعراء ومنها
علاء الدين ابوسير شاعر " عافي منك وراضي عنك " و عبد الله ابو سير و المرحوم فؤاد ابو سير شاعر اغنية مسكين انا والاستاذ و عبد المنعم الملك شاعر اغينة "طيبة القرية يا خلايا" والشاعر محمد عثمان عبيد والشاعر الدكتور احمد فرح شادول وهي والقرير والجابرية يمثلن المثلث الشعري الاصيل في السودان واللماعاجبو يشرب من المحيط وفي المحيط من مثلث برمودا ونحن عشاقهن
ومنها الفنان صديق احمد رائد اغينة الطنبور وعبد الرحيم ارقي وشكرا لهذا البوست الراقي

Quote: 9-03-2005, 10:01 ص علاء الدين يوسف علي محمد . تاريخ التسجيل: 28-06-2007 مجموع المشاركات: 5

يا الله ..
سلامات يا علاء يا رائع ..
خير مفتتح..




أبونون

أبو أو نستا الفي أون لاين
تسلم يا حبيب
بس أوعي تكون عندك آدمنية هنا باقي مقصك أشتر
تحياتي للأولاد

ويييييييييييييييييييين يا ماش
إزيك يا عاصم ياخي مشتاقين يا عنصري

والله يا حبيب دة مدخل إختارو لي الأخ الفاضل بكري أبوبكر و قلت ما مشكلة المشكلة جيتك بقت هي المشكلة يا ود يا علاء و غايتو ناس هناي ديلك الله يلزمهم الصبر
يا زول وينك أدينا تلفون نمرتك رايحة مننا

Quote: السموءل بدرالدين بديري دهمشي لي الاضان

خلاص عاوزين تعملوا لينا حزب هنا ولا شنو ؟؟؟


عرفنا علاء يا سمؤال انت مالك ؟؟؟

الاخ/ علاء
مرحب بطلتك تاني ونورت المنبــر
وأعمــل حسابك الاشارت الحمـراء هنا كثيرة (مثل شارع الفرزدق)
وبمناسبةعنوان هذا البوست 0رمز الشايقيةود اليمني لك خالص تحياتي 0

=http://www.sudaneseonline.com/][/url]

السنجك محمد الحسن
نفترق لنلتقي مجدداً
حبابك

يا سلام عليك يا محمد علي حسن ..

Quote: مدخل البوست كلمات الشاعر الاستاذ سيد احمد الدوش و وهو ابناء ارقي مركز الشعر والشعراء ومنها علاء الدين ابوسير شاعر " عافي منك وراضي عنك " و عبد الله ابو سير و المرحوم فؤاد ابو سير شاعر اغنية مسكين انا والاستاذ و عبد المنعم الملك شاعر اغينة "طيبة القرية يا خلايا" والشاعر محمد عثمان عبيد والشاعر الدكتور احمد فرح شادول وهي والقرير والجابرية يمثلن المثلث الشعري الاصيل في السودان واللماعاجبو يشرب من المحيط وفي المحيط من مثلث برمودا ونحن عشاقهن ومنها الفنان صديق احمد رائد اغينة الطنبور وعبد الرحيم ارقي وشكرا لهذا البوست الراقي

كدة تكون المداخلة ولا بلاش ..

ومنكم نستفيد ..

Quote: ثلاثة شلوخ .. رمز الأرض .. أصالة الطين .. انسان وشلة ضوء وساقية حنين .. قمر قاعد في قوز الرملة .. النجم الضاوي حنان والليل الساكن .. "شايقي وما محسوب" .. طنبورو يغني .. يناجي النيل .. ينادى عليك الشوق الكامن .. جروف العافية .. الفرح الأخضر .. توشوش ليك .. الريد استوطن .. سماك السافر فينا .. حروف نديانة محنة .. عافية وقافية .. أمان وسكن .. الطيف الراحل نازل في كفينا .. شايل لون البهجة .. سحاب عينيك .. غطى الساحة غمامة .. وفينا أتمكَّن .. وطيرنا الهاجر صيف .. النخل العالي .. عناق الريح .. جزاير الوردة .. البحر الآمن .. نهاجر ليك .. نشيل الغيمة والتذكار .. نطاول الليل .. دليلنا عيون .. وعيونا الراحن في المشوار .. دموعنا الكبَّن .. فرحة ولهفة .. ونوصل ليك .. .. هين هينين .. والود موصول .. جزيرة هنا .. جزيرة هناك .. نيل .. نيلين .. والقافية تطول .. نخيل الفرحة .. جروف الليل .. مسدار الطيبة .. حكاوي تقول .. تغنى حنان الضفة .. معاني اللهفة .. وعمق البين .. الرهو الراحل .. رمش العين .. رسائل الشوق .. والجو الحاضن ريد اتنين .. ونتلاقي غزال ورهيد .. شجرة ظليلة .. وعصفورين .. كنارنا يدندن .. والود موصول .. الأخ العزيز علاء .. لعلهـا سياحة بيئية .. اجتماعية .. عاطفية .. في الربوع الشايقية .. لعلها انتماء بالانتساب "شايقي وما محسوب" .. ولعلها لقاء على ضفة .. وشلة ضوء .. وساقية حنين .. ولعلها .. الشايقية أصالة .. بسالة .. كرم .. تاريخ .. جمال وحنان .. وسجل طويل من الإبداع .. وهم ركن هام في إطار التنوع الذي يعزز جمال اللوحة الوطنية ..

أخي الحبيب علاء الدين
يا ألف مرحب
لنا

الأخت الحبيبة جداً
لنا
لكم افتقدتك و زوجك الغالي و أنتم كنتم و لا زلتم تشكلون "لحمة أهل" و لكم أشكركم علي اهتمامكم الدائم بالسؤال عن أحوالنا خاصة في تلكم الفترة الحرجة التي ما انقطعتم فيها عنّا البتة.
فلكم مني كل الحب و الود و التقدير دوماً و أبدا
و لكم أنا سعيد بمطالعة أحرفك الذهبية و كدأبك دوماً ترصعين بوستات المنبر نقشاً عليها مما يجود به معدنك الأصيل
إزيك يا غالية

Alla

Welcome back

Waiting for you to continue this fantastic post

I think it is much better to come back this way

Good luck and have a fruitful time here

Ismail

Quote: 27-03-2005, 08:01 ص علاء الدين يوسف علي محمد . تاريخ التسجيل: 28-06-2007 مجموع المشاركات: 11

نورالدين حسن نمر


آآآآآآآآآآآآي
لكن بأسنانو يا أخوي

أي خدمات؟

الأخ إسماعيل التاج
مشكور علي المرور و الترحيب و صدقني توقيعي الكنت كاتبو زمااااااااااااان داك ما كضب
إنو نحن زي النحل نلقي الزهور نخرج عسل نلقي الشرور لسع إشتغل

و يا سيدي نأمل أن نكون عند حسن ظنك بنا

أنا قلت الزول دا جاء متين كاتب الكلام دا كلو
ولغاية ما جات مداخلتي بعد داك قلت في سري وأنا أضحك معقول أنا أكون كتبت رد هنا وأنا ما عارف
ياخي حمدلله على السلامة والبركة في الشوفه ..

تحياتي وسلام بالكوم يا علاء ..

الحبيب الغالي معتصم دفع الله
ما بقدر أقول ليك أكتر من الشوق ليك جد بحر و بلغتو قبل كدة لود الفاروق ما عارف كان خان الأمانة ولا وصلت ليك ، و المثل للحبيب شتات.
يا زول أنا مش بقيت نسيبكم؟

Welcome back

yasiko

تسلم يا غالي و أكتر علي المرفقات

Quote: عارف حديثك ذوق وفن وين كنتي كايس ليك زمن جايانا بعد الليل سكن راحن نجيماتو إتّكن وين كنتي كايس ليك زمن بان الصباح و نسايمو جن و بلابلو في الأغصان شدن وين كنتي كايس ليك زمن

مردودالك ياود العم

Quote: عاد وحات اسم الله في شايقيتي فد يوم ما بزيِّف و حبي للشايقية من ما قُمتة درفوناً خِفيِّف و لما أبقى شايقي و بين ضلوعي دوام يفر قلبي الرِهِّيف

شوااايقة يارسول الله

Quote: علاء الدين يوسف علي محمد

اهلا اهلا اهلا .... اهللللللن

و لهجة الشايقية حلوة و في لساني يمين تكيِّف


حباب الملكة ملكة القنديلة و الباجوري و الساموري و البنطون

في حضرة الشايقية يكون الحديث ذو شجون فنحن لانتحدث عن قبيلة بل ثقافة وحضارة وارث غني عن التعريف
شكرا علاء الدين

amar hussain

سلمت علي المرور الأنيق و الكلمات الواصفة المعبرة

عوداً حميداً

شوايقة لي الحلق


كيف كان يكون الحال لو ما كنت شايقي واهل الطمبور ديل اهلي

حبيبنا Ahmed Mohammed Osman


احكي ليك القصة دي هسي يجو يقولو عنسري

إتنين شعراء أصحاب واحد شايقي و التاني من حتة تانية في الشمال و الإتنين معروفين زمان رحمة الله عليهم
حبّوا بت واحدة و متنافسين عليها و كل زول يكسر في تلجو و يمسِّخ في شربات التاني قدام ست البنات

فجا الدور علي الشايقي عشان يشكر نفسوا و يبهدل الطرف التاني فقال ليهو:

(فرتكاني)و جنسك رخيص و إن نجح طباخ إنجليز
نحن شايقية و عبابيس فينا مِن نايب و مِن رئيس
و فينا من واقفلو بوليس

(فرتكاني) دي إشارة لقبيلة عريقة جداً ما حبيت أورد ذكرها عشان ما يقولوا نبذنا و المسألة من باب الفكاهة برضو يا ناس عنسري.

سمح ؟

جينا نقول سلام علي الحبان

طارق جبريل
(البركل - شبا)

حبابك طارق جبريل
يتو شبا يا أخوي
وين من ناس ود تنقاسي أو ناس ود الجاز
تعرف الكسول؟
أولاد شنان؟
أولاد الحاج حاكم؟
الكتلة و بيت علي جعفر؟

أها دة كلووووووووووو كوم و سبيل اليمني كوم
بتعرفو؟

و إن جينا للبركل وين من ناس نادر و ناصر و ياسر رشاد

بختك

متجدع ساااااااااااااااااااااااكت

ولا في زول سالك

Quote: بختك متجدع ساااااااااااااااااااااااكت ولا في زول سالك

يا حاقد

يعني إنت إلأا تخسرني و اشتري البفباف

Quote: (فرتكاني) دي إشارة لقبيلة عريقة جداً ما حبيت أورد ذكرها عشان ما يقولوا نبذنا و المسألة من باب الفكاهة برضو يا ناس عنسري

لوووووووووووووووووووووووووووول
ديل ناس المقولة الشهير
(فرتكانة) يا رسول الله

يا عمك كلو مزاح في مزاح
والشايقية بي طبعهم وفطرتهم حنينين وبحبو الكل
وفي شان خاتر الناس بقبلو نكاتهم
اصلو قلبوم ابيض

Quote: (فرتكانة) يا رسول الله

دي ما ياها ذاااااااااااااااتة حقت

أوريكم أول حرف من إسمو ؟
إسمو أحمد محمد عثمان


يا أخوي ما ناقصين
إنت ما عارف الكوم العندي ما داير عليهو زيادة
ناس أوزون و محبي اللغة العبرية و كوبي آند بيست كسارين التلج تخصص رقاد واطة

يوم بابورو صفَّر يا حليلو الراسي
إدريس إبراهيم

Quote: حبابك طارق جبريل يتو شبا يا أخوي وين من ناس ود تنقاسي أو ناس ود الجاز تعرف الكسول؟ أولاد شنان؟ أولاد الحاج حاكم؟ الكتلة و بيت علي جعفر؟ أها دة كلووووووووووو كوم و سبيل اليمني كوم بتعرفو؟ و إن جينا للبركل وين من ناس نادر و ناصر و ياسر رشاد

سلام علاء الدين
القلتهم ديل كلهم اهلي
بيوتنا لو بتعرف شبا كويس
بين السواعير والكرسناب
وحتتنا في شبا اسمها القرونة
لو بتعرف دكان ود تميم ود خالتي بس وصلت
وفي البركل لو بتعرف ناس الصيدا والبلك وناس يعقوب وهاشم وصلتني تب

ود جبريل
بالله انت من شبا
انا من الدبة لكن لدي معارف في شبا
عبد الحي تميم
عبده التوم
الساعوري ( الضرائب)
بشري
مجدي ومحمد فاروق
زروق
تسلموا

السمؤل كيفنك
عبد الحي ولد خالتي
السواعير خيلاني
مجدي دة بيتم فاتح في بيت جدنا طوالي
زروق ود عمي عديل واخوهو متزوج اختي

يا زول وصلت تب

عاد الكان كدي السلام امانة
سلم عليهم كتييييييييير وقتين تصلن
تسلم

السمؤل
نوم قفا ساكت
سلامك وصل

العزيز طارق جبريل
لي يوم الليلة بتذكر دكان ود تميم لما كنا نجي نشتري و نوقف حميرنا جمب سبيل الموية الخاص بيها لزق الدكان ، و لا زلت أذكر عبد الحافظ تميم أب خدرةَ نديانة في سروالوا و عراقيهو يبشارنا في البيع و الميزان و حاشاه أن يكون من المطففين.
أما السواعير و الكرسناب فهم يمنتنا و يسرانا.
ساعوري النيلين و ساعوري الزكاة و ساعوري مستشي القلب أينما كانوا فهم أعلام كدأب ملتنا أم شلوخ.

شنو يا علاء وسمؤال وطارق جبريل

عملتهوها حلة وجيران واولاد خالات وجدود ....

يعنى نسميه حزب يمينى يسارى متطرف متشدد خارج علينا من الارض ولا شنو ...

اعملوا حسابكم

قبل ما نوريكم العين الحمرة ...

يعني أنصلو ما نعمل شوية (حركات) في الدنيا يا عاصم

Quote: يعني أنصلو ما نعمل شوية (حركات) في الدنيا يا عاصم

ما بتقدروا

جعجاعيين ساى يا علاء ...

Quote: ما بتقدروا

نتمسّح فيكم يعني ؟