للجميع بدون فرز كل عام و أنتم بخير و عِيدنا في مروي بلد الحنان

و نشد الرحال إليك يا مروي
حضرة بين الأهل و استراحة من هم و غم العمل و محاولة إراحة للعقل كي يستكين قليلاً من التفكير في هروب من كل شيء إلا الخروف و اللحمة و الشربوت بالبركاوي و لكن لا أظن هيهات لنا راحة و إن كنا نتمناها.
للجميع التحايا و التبريكات بعيد سعيد و كل عام و أنتم بألف خير

كل سنة والجميع بخير
بالله وانت ماشي علي مروي
سلملي علي شبا وناسها
وان لقيت عبد الرحيم ود تميم في دكانه
قولو ود خالتك يسلم عليك

العزيز ود جبريل
كل عام و أنت بألف خير
و من مروي أكتب الآن من أرض العراقة و الحضارة و الجمال
و كيف إن قلت لك أنني مرمى حجر من دكان ود تميم حيث نقيم و أهلي
فكلما صحوت صباحاً ووقفت في الحوش التِحِت لأتنسم رائحة (الجزيرة) و التمر يطالعني كبري الصداقة الصينية و الصينية ذاااااااااتة
و اللافتة المكتوب عليها (شِــــــــــبا) المغروسة أمام سبيل ولاد ود اليمني حيث الفورديكيهات و الأزيار البااااااااااااااارة
كل عام و نحن في مروي يا طارق

انت مروي دي مالها اليومين ديل

ناس بيتنا كلهم معيدين هناك


________________

الاخبار وكده

عزيزي وليد
يبدو أنه قد حان موسم (الرجعة للشمال)
و بلدنا من غيرنا بيعمِّرها
و أهلك حبابم
أنا لسة في مروي لو قاعدين أديهم تلفوني نعزمهم ليك شربوت بس لا أضمن لك سلامة الوعي

بالله ضروري أديهم تلفوني
أو أديني تلفونهم

الاخ علاء الدين

كل عام وانت بالف خير

تسافر وترجع بالسلامة ان شاء الله

الأخ عبد الوهاب
تحياتي و كل عام و أنت بخير و جميع الأهل
شكراً لتمنيات العودة سالماً
و إن عدنا سالمين بإذن الله
نكون مأزومين
فنحن من فراقها مروي نعاني

القابلة كما تتمني يا علاء الدين

كل سنة وانت طيب ياعلاء الدين.

كل سنة وإنت طيب يا علاء
__
ماتجينا راجع بدون شربوت

كان مريت بدنقلا في طريقك سلم لي على عمتي عاشة سمح ؟

كل سنة وأنت بألف خير والقابلة عريس قوا آآآآآآآمين يارب العالمين

بخــــــــــــــــــــــتك !!
التهاني والاماني الطيبة لك اخي علاء بمناسبة عيد الاضحي
المبارك ولمــروي الحنـــان أهله

و ليك يا أحمد الحسن نزجي التبريكات بمناسبة العيد
و من مروي لك السلام و التحايا

Quote: كل سنة وأنت بألف خير والقابلة عريس قوا آآآآآآآمين يارب العالمين

يا نادية المرة الفاتت ظبطتني حرمنا المصون و أنا بقرأ ليك في مداخلة بعد تعب و شد و جذب و رقاد في الواطة أقنعتها إنو البت السمحة الأنا قاعد أعاين ليها دي أستاذة نادية مذيعة هارموني الإعلامية و الصحفية و زميلة البورد و و ما قاعد أعاين لي صورتة قعد أقرأ في الكلام المكتوب و عييييييييييييييييييك لمن إقتنعت

هسي الدعوة دي إلا نعمل بينكم لجنة لرأب الصدع و مبادرة أهل البورد

كل عام و أنتِ بألف خير يا أستاذة نادية و دوماً نراكِ نجمة في كل الوسائط الإعلامية

حبيبنا ود طيفور
كل عام و أنت بخير
يا حبيبنا
شربوتنا حّدو مروي
ما عندنا خلفية للأربعين

تعرِف أمِس اليوم كلو لا حِراك
طبعاً البيت بيكون فيهو جردلين كبااااااااااااار
واحد بيكون هجين (معايدات الجيران الشربويتة)
و التاني بيكون محلِّي
و المحلِّي داخل عطبرة
كسل سنة طيب

د. بلة
و إنت و الأسرة بألف خير
و من عواده
من هسي إنت معزوم عيد في مروي
سنة كم دي بتحددة إنت

الحبيب طلحة
و إنشاء الله من العايدين يا رب
و زي ما بيقولوا أهلنا الحنان في مروي ترجاهو طيِّب

.
.

كل سنة وإنت طيب ياعلاء وكل أهل مروي طيبين وكل أهل السودان بخير .

كل سنة وإنت طيب يا علاء ... والسنة الجاية من العايدين .. والعيد ينبارك عليكم ...!!
سلامي كتير لي مروي منديل دموع العين .. ولي أهلها الحلوين ... ولي مغيربها البلبن قنانوا ما بيودر ...ولي غنيماتها .. وترابها ودعاشو المزين بالعديل والزين ...
الوصى بالمهلي ... تسلملي على مروي وكل أحيائها وقراها .. من منصوركتي لي حد الحامداب مروراً بأبي دوم غرباً ومن الحسينارتي وما قبلها لي عند الكاسنجر شرق ...
ولا تنسى ناس حي الدومة وسلامة الباشا والسوق والثورة والتعمير ونوم فايق والرجيلة ودويم ودحاج والمترات وواحة الغزالي ....
وإليك عزيزي علاء .. ولمروي حبيبتي ... ولكل الأحباب أهدي هذه القصيدة :

Quote: لومايةوهتافاية...إلي مروي حبيبتي ما كنت قايل إني بابعد كل دا ولا كنت فاكر إنو البرجعني بس فقد الحبايب والعزا بتحسر والوم نفسي الحبيسة علي زمن الجفا واقول ياريت مصايرنا وقداح عيشنا ... تودينا وتجيبنا علي مراحنا قفا ***** جيت عشان أترحم علي الميتين لقيت يا زولي مذهول وبتعجب علي الحيين القابضين علي جمر المحنة الزين الماسكين الوضوح بالكلمة حمرة عين برغم ناس الطبلة والتمكين لقيتك يا والدة يا مروي لكل أصالة إنتي عرين ما زلت ياكي صنب العزيزة وحضنك أب رياحين تودري كل من يرفع إنيفو عليك واللا ليكِ يشين ***** وقفت بعد حججاً كتيرة علي تراب اطلالك الشامخة مااحتجت لي لأياً ولا اتوهمت فشان اعرف الدار وريحتها الصارخة وافرق بين الراسخة والماسخة برغم حياً إسمه التعمير .. مسا مع الناس بترفض كل من نغمة مشروخة سلامة الباشا تتلقاك ... وحي الثورة يمشي معاك ... وحي الدومة يفرشلك أحلي الورود بي بسمة مطبوخة ***** وكتين سمع نغمة نساوين الحزن والخوف وييويبوي .. وييويبوي .. وييويبوي ... واسترجعت تاريخها تأكد لي تمام لومي الكتير .... وغيابنا المغلف دايماً باعزاراً مبيخة ومميسيخة !! ***** وبرغم السد وكبري النيل الشفتو فيك يا مهدي الجميل بيقلب كل نهاراً في جوايا ليل إنسان مروي بي أم برد والسهراجة ديمة عليل وأحياناً حزام ناراً وتايفويد مسوي الويل لا بيئة نضيفة ولاتثقيفاً يسبق التهليل وكلو صورنا مقلوبة ومحتاجة للتعديل ***** تعمير الشوارع والحجار .. يا مرحبابو ألف والخزان وكبريه .. نقيفلو ألف وتسوير أتر نبتة .. ندورو ألف لكن فشان يتعمر الإنسان ويبقي ألف عشان تتطور البيئة وتبقالا النضافة ولف وضد كُل ضببينة وبويعيضة نسوي حلف لا زمانة تشميرة وهتافاية ... تقول للدولة وينك يا أم شعارها وقف ؟؟ ***** الإسبتالية البدخلها سليم يمرض ويلقطلو علاية الممرضة توبها جاري وجناها فوق الصفحة وشايلالها إبراية ومحضر العملية بالعراقي والسروال وكمان عامل حكاية والدواء الملعون يا إما مافي .. يا إما القريشات ما كفاية أما الدكاترة البطينين يا تلقي واحد والا إثنين .. والمسيكنين حايرابهم الصرفة والغاية ***** ليش يا أبين كلاماً ديمة حلواً مر سويعة الحق ليش ما بتهاتفونا وتقولوا الحق ليش تداروا علينا وماتورونا الشق وصوت الطق ليش تخبوا علينا كل ما تجونا ... وما تدقوا جرس النجدة دقاً دق ***** النفس العزيزة خلتكم كما المضبوح وبيغني والكدسة السمان غشوكم وغشونا ونحن هناك بنغني جالسين كما الهمبول وقايلين الأهل في ديارنا متهني العذر مفقود ... والأسف آلاف ... وياريت سوات الصاح لي هسي مستني وداعاً ... وداع مشتاق وديمة مدلي شان نرجع سوا وتاني نقفز الجنًيِ بـــقـــــــلم:- صديق عبد الجبار محمد ( أبو فواز ) مدينة مروي في 10/مارس/2005م [email protected] [email protected] جوال : 00249912355113

الحبيب المرهف الشاعر
صديق

كل عام و أنت بألف خير
إنشاء الله تسلم لي مروي
لي كورتي و مساوي و أوسلي و الباسا و القرير قوز قوز و تنقاسي و الرويس و للشرق كلو

Quote: لومايةوهتافاية...إلي مروي حبيبتي ما كنت قايل إني بابعد كل دا ولا كنت فاكر إنو البرجعني بس فقد الحبايب والعزا بتحسر والوم نفسي الحبيسة علي زمن الجفا واقول ياريت مصايرنا وقداح عيشنا ... تودينا وتجيبنا علي مراحنا قفا ***** جيت عشان أترحم علي الميتين لقيت يا زولي مذهول وبتعجب علي الحيين القابضين علي جمر المحنة الزين الماسكين الوضوح بالكلمة حمرة عين برغم ناس الطبلة والتمكين لقيتك يا والدة يا مروي لكل أصالة إنتي عرين ما زلت ياكي صنب العزيزة وحضنك أب رياحين تودري كل من يرفع إنيفو عليك واللا ليكِ يشين ***** وقفت بعد حججاً كتيرة علي تراب اطلالك الشامخة مااحتجت لي لأياً ولا اتوهمت فشان اعرف الدار وريحتها الصارخة وافرق بين الراسخة والماسخة برغم حياً إسمه التعمير .. مسا مع الناس بترفض كل من نغمة مشروخة سلامة الباشا تتلقاك ... وحي الثورة يمشي معاك ... وحي الدومة يفرشلك أحلي الورود بي بسمة مطبوخة ***** وكتين سمع نغمة نساوين الحزن والخوف وييويبوي .. وييويبوي .. وييويبوي ... واسترجعت تاريخها تأكد لي تمام لومي الكتير .... وغيابنا المغلف دايماً باعزاراً مبيخة ومميسيخة !! ***** وبرغم السد وكبري النيل الشفتو فيك يا مهدي الجميل بيقلب كل نهاراً في جوايا ليل إنسان مروي بي أم برد والسهراجة ديمة عليل وأحياناً حزام ناراً وتايفويد مسوي الويل لا بيئة نضيفة ولاتثقيفاً يسبق التهليل وكلو صورنا مقلوبة ومحتاجة للتعديل ***** تعمير الشوارع والحجار .. يا مرحبابو ألف والخزان وكبريه .. نقيفلو ألف وتسوير أتر نبتة .. ندورو ألف لكن فشان يتعمر الإنسان ويبقي ألف عشان تتطور البيئة وتبقالا النضافة ولف وضد كُل ضببينة وبويعيضة نسوي حلف لا زمانة تشميرة وهتافاية ... تقول للدولة وينك يا أم شعارها وقف ؟؟ ***** الإسبتالية البدخلها سليم يمرض ويلقطلو علاية الممرضة توبها جاري وجناها فوق الصفحة وشايلالها إبراية ومحضر العملية بالعراقي والسروال وكمان عامل حكاية والدواء الملعون يا إما مافي .. يا إما القريشات ما كفاية أما الدكاترة البطينين يا تلقي واحد والا إثنين .. والمسيكنين حايرابهم الصرفة والغاية ***** ليش يا أبين كلاماً ديمة حلواً مر سويعة الحق ليش ما بتهاتفونا وتقولوا الحق ليش تداروا علينا وماتورونا الشق وصوت الطق ليش تخبوا علينا كل ما تجونا ... وما تدقوا جرس النجدة دقاً دق ***** النفس العزيزة خلتكم كما المضبوح وبيغني والكدسة السمان غشوكم وغشونا ونحن هناك بنغني جالسين كما الهمبول وقايلين الأهل في ديارنا متهني العذر مفقود ... والأسف آلاف ... وياريت سوات الصاح لي هسي مستني وداعاً ... وداع مشتاق وديمة مدلي شان نرجع سوا وتاني نقفز الجنًيِ بـــقـــــــلم:- صديق عبد الجبار محمد ( أبو فواز ) مدينة مروي في 10/مارس/2005م [email protected] [email protected] جوال : 00249912355113

الأزهري
كل عام و أنت بخير و صحة و عافية
و العيد مبارك عليك

علاء الدين

عيدك مبارك وكل عام وأنت بخير... الأبيات أدناه من قصيدة تراثية للشاعر الرباطابي عبد الحفيظ محمد أحمد من جزيرة مقرات:

البلد مشتاقلو والخاتر مو طايب
عليهو بنبكي وأما البكا مو جايب
علي فرقتنا أبكن يا الحبايب
الجدي المرعاه في الوادي أب دبايب
علي تاه دربو في وديان حلايب
البعيد ماب يقلبو الكلب أب سبايب

الحبيب الفنان مامان
كل عام و أنت في غربتِك (ردك الله منها) بألف خير و عافية
و مروي طنابيرة سِلِك سِلِك مشتاقالك
و دارة دارة تسأل عنّك
و شبال شبال فاقداك

داير انط الحوش دردرب
وداير اضوق سجنك يا صنب


بالله خدلك وقفه عند مروي الثانوية
اصلها في دربك
وعند شيخنا ود حاج
سوي السلام و الدعاء

ود رغيم
لك و لدويم ود حاج ناس و قُبّة
السلام و المحبة

ش

الأخ شكري
تحياتي و شكري الجزيل و أدام الله الإخاء و المحبة
و كل عام و انت بخير

السلام عليكم
علاء الدين عيدك مبارك
طبعاً مطايبكم ما عندها حد
لكن عليك الله كرة الثلج دي في زيها في الدنيا ؟
كرة الثلج دي انا قعد اشبهبها لفة يوم العيد
يبداها زول لابسلو جلابية بيضاء كالعادة يمشي لناس يباركلهم العيد
بعد المعايدة يكونوا بقوا اتنين يمشوا لجيرانهم
بعدها يكونوا بقوا تلاتة
ولغاية يصلوا طرف الحلة
تكون كرة الثلج فيها ما لا يقل عن 20 زول
.....
عليك الله طالما انك في شبا ومروي شرق
مغرود لي في تسجيل جيد "لجوابات ست الدار بت أحمد جابر"
اللت حميد
بصوت محمد النصري
يبقالي آب تغلبك !!!

...

الزول
ما أروعك و أنت تصِف لفّة العيد بكرة الثلج البضاء
بياض من الداخِل و الخارِج
و إنشاء الله غردك (بالدال) مقضي تب
و كان ما لقيتة ليك في سوق كريمة
بجيبة ليك من ود النصري ذاتو
باقي الولد دة إتعلم دق الكمبور تحت نيماتنا

كل عام و أنت بألف خير