حكاية الرجل أب سربادوق

شايف المسألة بقت كلها سراويل و لباسات و مايوهات و بكيني و كاريبي و حاجة كدة عجيبة
قلنا نأتيكم بالتراث و نذكركم بأصول السروال و جدوده ألا وهو السربادوق
و السربادوق أب تكة تحديداً

و السربادوق لا يمكن أن يكون (ستريت) أو (ناصل) في نص الصلب زي بناطلين أيام الزمن الردي دة و اللي قال فيها أحدهم للشباب اللابسنها موضة أنها تُلبس في السجون الأميريكية في إشارة لأن صاحبها يمكن أن يُفرِّض في عِرضه للزعامات في ذات السجن.
و سربادوقنا لا يمكن أن نرسم فيه صورة ميكي أو كيكي فهو خشن لا يمكن الرسم عليه مجوبك واااااااااااااااسع لن تتضح فيه معالم الرسمة و إن كانت.
يمكن أن تجد عليه وحلاً قام ببعض التشكيلات العشوائية التي قد توحي لأصحاب الخيال الرفيع و المزاج العالي أنها لوحات تشكيلية وهو وحل يكون من أثر الخُواجة (ما الخواجة حق المنعمين) في الطين.

و الرجل أب سربادوق لا بحلق كارلويس و لا بيشتغل وزير عريس ... يمكن أن يكون زير نساء بالحلال مزواجاً يحب التعددية فهو فحل بالطبيعة التي لا تحتاج للفياغرا أو المنشطات و الدفرة ، ما بلبس القطني المشكّل و مطقم فنلة مع لباس زول دواس وقت الحارة صعب المراس في الدارة.

و الرجل أب سربادوق لا بحلق كارلويس و لا بيشتغل وزير عريس ... يمكن أن يكون زير نساء بالحلال مزواجاً يحب التعددية فهو فحل بالطبيعة التي لا تحتاج للفياغرا أو المنشطات و الدفرة ، ما بلبس القطني المشكّل و مطقم فنلة مع لباس زول دواس وقت الحارة صعب المراس في الدارة.

و الرجل أب سربادوق لا يداهن بنو جلدته ولا يراهن على ذوات الجلد الناعم، فهو أخو البنات و عشا البايتات و ستّار البايرات.
ما بعرف التِلِصِق فيهن و لا الحكحكة و ما بحب المحركة ، و كل ما عكس ذلك مصارينو جوة بحرِّكة و بيعمل ليهو عصبي و هلوسة.

حباب علاء الدين والله
كل عام وانت بخير وناس البيت الكبير والصغير وكل احبابك
أها دحين كلامك السمح دا ما فيهو نماذج يا خوي ..

Quote: أها دحين كلامك السمح دا ما فيهو نماذج يا خوي ..

صور يعني ؟؟؟


هذه لا يفعلها الرجل أب سربادوق يا طلحة

و الرجل أب سربادوق لا يفهم كلامات ناس يا الشفيف و يا الوارف و يا كن بخير و يا كن كما تريد ، بالذات الإتنين الأخيرات ديل يمكن يمرق فيها من جووووووووووووووووووووووة سربادوقو عُكاز ليهو ضُل لي جنس الوليدات البقولن متل الكلام دة.

هو يمكن أن يقول ، كيف حالك ، عساك طيب آزول ، أريتك طيب و ما شابه

أب سربادوق دراج المحن
سمح يا خوي
تابع

أب سربادوق ما بتخفف و يتلفف و يكسِّر تلِج لهناي و هناية ، هناية العسل ، تكون عنوان بوست و هناي صديقي الهناي تحمل عنواناً يثقل كاهل الباندودث لأب صلعة
و أب سربادوق كان جمعتو صورة مع الجكس بقيف وقفة رجل فحل ما بيقول حبيبي ميل و عليك أميل عشان نميل سواء يا جميل أفووووووووووو دي بتطير فيها رقاب بل بقيف على بعد ميل من الفيميل عشان هو راجل مؤدب أب سربادوقاً تِكّتو تعتر

و أب سربادوق ما بترسل ليخوض حرباً بالوكالة أو يتحرش ليتحرش بآخر لأجل أخرى ، و إن كفت بيلفت خشم المكفوت و مرزبة تاني ما ترجعو للدرب ، و أب سربادوق ما بيناطح من أجل حفنة دولارات يبيع من أجلها أرضه و عرضه و يتمرغ في أرض العمالة ذليلاً مهانا ، و يجينا لابس بدلة و كرفتة و مسرِّح شعرو لي ورا كان سبيبي كان قرقدي كان مجعّد و خدودو نايرة و بنات عيلتو بايرة لأنو مشى يتدهنس لعجايز العم سام الملفوظات بعد أن بلغ بهن الكبر مبلغه و أصبحن من قواعد النساء لأجل أن يقوم بعملية تحسين جينات و عشان يقولوا اتزوج ليهو خواجاية و يجيبة يعمل خلعة لأهله في القرية لمن يقعد يرطن معاها قدامن نظام خلاص أنا ولدكن البقيت بروف في التنقليزي

هيييييييييييع
اب سربادوق متلبب عكازو وقانص ..




















كلامك سمح بلحيل آجنا

Quote: كلامك سمح بلحيل آجنا

طلحة ياخوي جيب ككرك وصنقر ساااى

خليوه يحكي يا اخوي

واصل ابو يوسف

قشه ماتعتر ليك








بعد السلام اااازول

Quote: الرجل أب سربادوق لا يفهم كلامات ناس يا الشفيف و يا الوارف و يا كن بخير و يا كن كما تريد ، بالذات الإتنين الأخيرات ديل يمكن يمرق فيها من جووووووووووووووووووووووة سربادوقو عُكاز ليهو ضُل لي جنس الوليدات البقولن متل الكلام دة.

يا علاء الدين

امبارح كنت بحكي لي ناس اصحابنا

عندنا عمن لينا ولدو الصغير مرة جا قال ليهو كلمة على شاكلة صباح الخير كدا
عمك فك الشافع بي سفروق بوظ كراعو

علاء

رايك شنو في السروال دا







وجعى ياناذر