Post: #1 Title: بلادي أهلاً - السلام الوطني الإحتياطي Author: علاء الدين يوسف علي محمد Date: 01-18-2009, 08:24 PM Parent: #0
Post: #2 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-18-2009, 08:43 PM Parent: #1
تصوّر كيف يكون الحال لو ما كنت سوداني و أهل الحارة ما أهلي تصوّر !!!!
Post: #3 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-18-2009, 09:09 PM Parent: #2
بلادي بلادي أهلاً يا بلادي ألف تحية ليكي من الفؤادي بلادي بلادي اهلاً يا بلادي صدورنا حماية ليكي من الأعادي بلادي أنا بلاد ناسا مواريثهم في أول شي كتاب الله و خيل مشدود و سيف مسنون حداه درع و تقاقيبهم تسرج الليل مع الحيران و شيخًا في الخلاوي ورع وكم نخلات تهبهب فوق جروف الساب و بقرة حلوبة تتضرع وليها ضرع بلادي أنا تشيل الناس و كل الناس وساع بي خيرها لينا يسع و تدفق مياه النيل على الوديان بياض الفضة في وهج الهجير يشع بلادي سهول بلادي حقول بلادي الجنة للشافوها أو للبرة بيها سمع بلادي أنا ... تكرم الضيف و حتى الطير يجيها جيعان ومن أطراف تقيها شبع بلادي الصفقة و الطنبور و داراتا تنح في الليل و بنوتا تحاكي الخيل ...يشابن زي جدي الريل و شبالن مكنكن...في طريفو ودع بلادي بلاد من التاريخ من ترهاقا .. لي عن ميسنا ...حتى الجاي خيل و دروع بلادي أمان .. بلادي حنان .و ناسها حنان يكفكفوا دمعة المفجوع ...يبدُّوا الغير على ذاتهم يقسموا اللقمة بيناتهم ..و يدوا الزاد حتى ان كان ...مصيرهم جوع يحبوا الدار .. يموتو عشان حقوق الجار و يخوضوا النار .. عشان فد دمعة و كيف الحال .. اكان شافوها سايلة دموع ديل أهلي البقيف في الدارة و سط الدارة و إتنبّر و أقول للدنيا .. كل الدنيا ...ديل أهلي عرب ممزوجة بي دم الزنوج الحارة .. ديل أهلي و ديلة قبيلتي لما أدور أفصل .. ..للبدور فصلي أقول بعضي ألاقيهم تسربوا ..في مسارب الروح .. بقو كلي أصحاب روحي و الإحساس ...و سافر في بحار شوقهم كمان عقلي محل قبلت ألقاهم معاي...معاي .. زي ضلي لو ما جيت من زي ديل ...كان أسفاي .. وا مأساتي .. وا ذلي تصور كيف يكون الحال .. لو ما كنت سوداني ...و أهل الحارة ما أهلي
Post: #4 Title: Re: بلادي أهلاً - السلام الوطني الإحتياطي Author: عبدالوهاب علي الحاج Date: 01-18-2009, 09:14 PM Parent: #1
في بلادي سلام في بلادي سلااااااااام
_ كيفك
Post: #5 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-19-2009, 06:55 AM Parent: #4
وهبة إزيك تعرف يا عبد الوهاب الأغنية دي لما أسمعة أحس إني في عوالم تانية تماماً تلقاني متحزِّم و متلزِّم و حاسي إنو الدنيا دي ما حقت زول غيري و كل شعرة راس بتكون واقفة براها شريط الأغنية دي تلقاني أربعة و عشرين ساعة مشغلو في العربية و ما عندي غيرو أصلاً و جبتو مخصوص عشانة الناس البركبوا معاي باستمرار قالوا لي ياخي قديتنا قد واحد جا حلف علي و شال الشريط أول ناس راسم إنقطع الناس البركبوا معاي و قالوا قديتم ديل تاني يوم طوالي ركبوا معاي قالوا لي : الشريط وينو؟ قلت ليهم شالوا زول أمبارح قالوا لي: ياخ إتعودنا عليهو :)
و بلادي الصفقة و الطبمبور
Post: #6 Title: Re: بلادي أهلاً - السلام الوطني الإحتياطي Author: صلاح أبودية Date: 01-19-2009, 09:07 AM Parent: #5
أصحاب روحي و الإحساس ...و سافر في بحار شوقهم كمان عقلي
ديل أهلى !
Post: #7 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-19-2009, 08:13 PM Parent: #6
أبو دية تحياتي نص جميل أنيق تجمعت فيه كل الأشياء الحلوة كلمات ود حد الزين بنية شيخنا إسماعين و حنجرة ميرغني النجار و التي هي الآن بين أيديكم لفرقة الصحوة أصحاب الصوت الشجن أغنية أقل ما يمكن أن يقال عنها أنها سلامٌ وطني بلا منازع
غايتو كان عملنا شمالستان يا أبو دية ياها الوكت داك البقت سلام وطني جدجد
Post: #8 Title: Re: بلادي أهلاً - السلام الوطني الإحتياطي Author: عبدالوهاب علي الحاج Date: 01-19-2009, 09:31 PM Parent: #1
علاء ياصديق ياخ الله يرضى عليك ادينا رابط للحفظ
Post: #9 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-19-2009, 09:50 PM Parent: #8
Post: #21 Title: Re: بلادي أهلاً - السلام الوطني الإحتياطي Author: Yassir Tayfour Date: 01-19-2009, 11:22 PM Parent: #20
الله يريح أعصابك يا علاء ياخ.. ريحت أعصابي..
Post: #22 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 06:58 AM Parent: #21
إنشاء الله دايماً أعصابك مرتاحة يا ود طيفور يا حبيب أولاد الصحوة عملوا ألبوم غاية في الروعة كلو أغاني شايقية حأرفم هنا كلهم متى ما وجدت وقتاً لذلك و أتمنى لك استماعاً طيباً مريحاً للأعصاب
Post: #23 Title: Re: بلادي أهلاً - السلام الوطني الإحتياطي Author: جعفر محي الدين Date: 01-20-2009, 07:10 AM Parent: #22
الأخ علاء الدين كلمات الأغنية المليئة باشجان الوطن تصلح لأن تكون فقرات في ميثاق الأمم المتحدة حب وطن + حقوق جار + إكرام ضيف + تكاتف اجتماعي + إيثار + أخوة + هبة وفزعة للمظلوم والمفجوع + تنمية اقتصادية وزارعية + سياحة + قوانين ودستور إلهية تاني في شنو
أبدع سماعين ود حد الزين هنا بلحيل
Post: #24 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 07:26 AM Parent: #23
عشان كدة قلنا تنفع سلام وطني تسلم أخونا جعفر
Post: #25 Title: Re: بلادي أهلاً - السلام الوطني الإحتياطي Author: صلاح أبودية Date: 01-20-2009, 08:10 AM Parent: #24
يا يمة ..!!
رسلى لى عفوك ...
ينجينى من جور الزمان !
Post: #26 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 11:52 AM Parent: #25
حلاة بلدي و حلاة نيلة حلاة بشيلة في دمي و أشيل طمبور أغنيلة حلاة بلدي
Post: #27 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 11:57 AM Parent: #26
Post: #29 Title: Re: بلادي أهلاً - السلام الوطني الإحتياطي Author: عبدالوهاب علي الحاج Date: 01-20-2009, 12:31 PM Parent: #1
حلات بلدي وحلات ناسها وحلات الطيبة والطيبين
Post: #33 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 03:00 PM Parent: #29
فعلاً حلاة بلدنا و حلاة ناسة يا وهبة
Post: #31 Title: Re: بلادي أهلاً - السلام الوطني الإحتياطي Author: شول اشوانق دينق Date: 01-20-2009, 02:44 PM Parent: #1
الله يخليك يا صاحب.
شول اشوانق _________________ حفظناهن chـــت والله
Post: #32 Title: Re: بلادي أهلاً - السلام الوطني الإحتياطي Author: Deng Date: 01-20-2009, 03:00 PM Parent: #1
Quote: بلادي بلادي أهلاً يا بلادي ألف تحية ليكي من الفؤادي بلادي بلادي اهلاً يا بلادي صدورنا حماية ليكي من الأعادي بلادي أنا بلاد ناسا مواريثهم في أول شي كتاب الله و خيل مشدود و سيف مسنون حداه درع و تقاقيبهم تسرج الليل مع الحيران و شيخًا في الخلاوي ورع وكم نخلات تهبهب فوق جروف الساب و بقرة حلوبة تتضرع وليها ضرع بلادي أنا تشيل الناس و كل الناس وساع بي خيرها لينا يسع و تدفق مياه النيل على الوديان بياض الفضة في وهج الهجير يشع بلادي سهول بلادي حقول بلادي الجنة للشافوها أو للبرة بيها سمع بلادي أنا ... تكرم الضيف و حتى الطير يجيها جيعان ومن أطراف تقيها شبع بلادي الصفقة و الطنبور و داراتا تنح في الليل و بنوتا تحاكي الخيل ...يشابن زي جدي الريل و شبالن مكنكن...في طريفو ودع بلادي بلاد من التاريخ من ترهاقا .. لي عن ميسنا ...حتى الجاي خيل و دروع بلادي أمان .. بلادي حنان .و ناسها حنان يكفكفوا دمعة المفجوع ...يبدُّوا الغير على ذاتهم يقسموا اللقمة بيناتهم ..و يدوا الزاد حتى ان كان ...مصيرهم جوع يحبوا الدار .. يموتو عشان حقوق الجار و يخوضوا النار .. عشان فد دمعة و كيف الحال .. اكان شافوها سايلة دموع ديل أهلي البقيف في الدارة و سط الدارة و إتنبّر و أقول للدنيا .. كل الدنيا ...ديل أهلي عرب ممزوجة بي دم الزنوج الحارة .. ديل أهلي و ديلة قبيلتي لما أدور أفصل .. ..للبدور فصلي أقول بعضي ألاقيهم تسربوا ..في مسارب الروح .. بقو كلي أصحاب روحي و الإحساس ...و سافر في بحار شوقهم كمان عقلي محل قبلت ألقاهم معاي...معاي .. زي ضلي لو ما جيت من زي ديل ...كان أسفاي .. وا مأساتي .. وا ذلي تصور كيف يكون الحال .. لو ما كنت سوداني ...و أهل الحارة ما أهلي
الاخوة جوك وشول.
دي قصيدة تعرف السودان كدولة إسلامية عربية, كيف يفوت عليكم ذلك?
قد تصلح قصيدة ولكن ليس نشيد وطني.
دينق
Post: #34 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 03:02 PM Parent: #32
Quote: الاخوة جوك وشول.
دي قصيدة تعرف السودان كدولة إسلامية عربية, كيف يفوت عليكم ذلك?
قد تصلح قصيدة ولكن ليس نشيد وطني.
دينق
لولا ودي الحفاظ على مسار هذا البوست لكان لي رد آخر
Post: #35 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 03:06 PM Parent: #34
Quote: الله يخليك يا صاحب.
شول اشوانق _________________ حفظناهن chـــت والله
العزيز شول أتمنى أن تستمتع بالإستماع و سأقوم بإنزال بقية الألبومإنشاء الله
Post: #36 Title: Re: بلادي أهلاً - السلام الوطني الإحتياطي Author: شول اشوانق دينق Date: 01-20-2009, 03:49 PM Parent: #1
الأخ/ دينق
Quote: الاخوة جوك وشول.
دي قصيدة تعرف السودان كدولة إسلامية عربية, كيف يفوت عليكم ذلك?
قد تصلح قصيدة ولكن ليس نشيد وطني.
دينق
بصراحة انا جيتى هنا عشان احفظ الأغانى ديل ... مش تاييد منى إنو الغنى ده بينفع كسلام وطنى. اللحن والاداء هم الجبرونى احفظهم واشكر صاحبى علاء الدين عشان الفرصة ده. بعدين علاء عارف الكلام ده تمام وهنا قالها بالواضح لابودية:
Quote: غايتو كان عملنا شمالستان يا أبو دية ياها الوكت داك البقت سلام وطني جدجد
Quote: العزيز شول أتمنى أن تستمتع بالإستماع و سأقوم بإنزال بقية الألبومإنشاء الله
علاء الدين ... عاطر التحايا يا صاحب
شول اشوانق دينق
Post: #39 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 04:17 PM Parent: #36
Quote: اللحن والاداء هم الجبرونى احفظهم واشكر صاحبى علاء الدين عشان الفرصة ده. بعدين علاء عارف الكلام ده تمام وهنا قالها بالواضح لابودية:
العزيز شول أُقدِّر فتهّمُك للأمر و أنه من باب الهزل و المرح ليس إلا لأنو الأغنيات دي بتعيذِش الواحد في عوالم تانية
و ليك يا صاحب باقي الألبوم كلو حينزِل
Post: #37 Title: Re: بلادي أهلاً - السلام الوطني الإحتياطي Author: بشير أحمد Date: 01-20-2009, 03:53 PM Parent: #1
المهندس/علاء الدين
تحياتي؛؛؛
ياخي شعر جِلدنا كلبت عدييل
الله يعطيك العافية.
تكويعة:لو امكن اجدع لي تلفونك
dr_bas2004 (at) hotmail.com
Post: #40 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 04:20 PM Parent: #37
الأخ الحبيب بشير أنا لي شهر من الشريط دة طلع بسمعو كل يوم و لِسع شعر جِلدي بيتراقص مع كل نقرة دليب فيهو
تجديعة: جدعناهو يا راقي
Post: #38 Title: Re: بلادي أهلاً - السلام الوطني الإحتياطي Author: الطاهر ساتي Date: 01-20-2009, 04:01 PM Parent: #1
بوست مريح ياخى .. الله يريحك دنيا وآخرة علاء
حاجة كدة لى حنان النيل بى طمبور .. ممكن ..؟
Post: #41 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 04:22 PM Parent: #38
حبيبنا و أستاذنا الطاهر ساتي شرّفت الدارة (أقصد البوست)
ياخ إنت تأمر جاري التنفيذ
Post: #42 Title: Re: بلادي أهلاً - السلام الوطني الإحتياطي Author: شول اشوانق دينق Date: 01-20-2009, 04:58 PM Parent: #1
Quote: العزيز شول أُقدِّر فتهّمُك للأمر و أنه من باب الهزل و المرح ليس إلا لأنو الأغنيات دي بتعيذِش الواحد في عوالم تانية
و ليك يا صاحب باقي الألبوم كلو حينزِل
واصل يا علاء فقد جلست القرفصاء فى إنتظارك ياخ.
يا ريت لو الأخوان ... كل اغنية ينزلوا كلماتو هنا إن امكن.
شول اشوانق دينق ____________________ سير سير يا علاء عوجة ما بتجيك
Post: #43 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-20-2009, 08:22 PM Parent: #42
أستاذنا الطاهر ساتي النصيب لحنان النيل و لما كانت لكل أغنية شايقية قصة فهذه قصتها أن شاعر الأغنية هو العاشق الولهان سيد أحمد عبد الحميد ود القرير المُتدفِّق حناناً و لهفةً لمحبوبته التي تزوجت و جاءت (للحلة) بعد طول اغتراب و لما كانت بنت عمومته و رغم عشقه ووله بها إلا أنها لم تزرهم هو و أسرة عمّها فما كان منه إلا أن قال :
أخلف للوعود و عذرتو قلتة نصيب و أقسام طاف كل الفريق في عيدو زار كل البلد حام لكن طول إجازتو أبانا لامن كمّلا و قام حرام والله نحن البينا أرحام
الله الله الله الله على الكلِمة و النغم و الصوت المُغنِّي ملحوظة: البدق في الطمبور لحنان النيل هو نفسه عاشقنا الولهان و شاعر الأغنية الأستاذ سيد أحمد عبد الحميد سماعاً ممتعاً
Post: #44 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-21-2009, 07:04 AM Parent: #43
لمن الطمبور يرن يخلِّي قلب الكافِر يحن ما أجملك يا إيقاع الدليب
Post: #45 Title: Re: بلادي أهلاً - السلام الوطني الإحتياطي Author: بشير أحمد Date: 01-21-2009, 09:46 PM Parent: #1
تشكر ياجميل.
Post: #47 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-22-2009, 07:08 AM Parent: #45
تسلم يا دكتور بشير و سعدنا بسماع صوتك عبر الأثير
Post: #46 Title: Re: بلادي أهلاً - السلام الوطني الإحتياطي Author: الطاهر ساتي Date: 01-21-2009, 10:47 PM Parent: #1
أوتارو الحنيني تملِّي عايشي معانا في الريف والحضر ومحل ما تمشي خطانا الله لو بشيشي تداعبو إيد فنانة تتراقص جميع الدنيا بي أركانا
لو قلبك حجر وغنانا شايفو رطانه أول ما يرن تلقاك طربتا معانا إحساسك يذوب قامتك تميل طربانه زي مرّالنسيم وكتين يداعب البانه
الطمبور سماحتو القمرة مالي سمانا الليل والسكون والرملة كالمرجانه نتلملم نكون في شلة زاهية الوانا نضحك ننبسط لما الصباح يلقانا
الله يطراك بالخير يااوسلى2 يابكري متين تفك لينا حظر الزول ده ياخى ..؟
Post: #48 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-22-2009, 07:11 AM Parent: #46
Quote: الله يطراك بالخير يااوسلى2 يابكري متين تفك لينا حظر الزول ده ياخى ..؟
الحبيب الأستاذ الطاهر ساتي شاكرين على الإضافة الجميلة لأغنية الطمبور لأولاد العامراب و نضم صوتنا إليك نناشد بكري بعودة أوسلي 2
Post: #49 Title: Re: بلادي أهلاً - السلام الوطني الإحتياطي Author: وليد محمد المبارك Date: 01-22-2009, 12:06 PM Parent: #48
البوست ده مشلخ عديل كده
Post: #50 Title: Re: بلادي أهلاً - السلام الوطني الإحتياطي Author: علاء الدين يوسف علي محمد Date: 01-22-2009, 04:08 PM
Quote: البوست ده مشلخ عديل كده
عارف يا مشلّح عدييييييييييييل كدة أنا نفسي إشتغل في زين و سوداني عارف ليه؟ عشام لما أكون عايز غتصل عليك أخش السيستم أكتب إسمك و أشوف آخر رقم إنت عملتو و أضرب فيهو ياخ كرهتنا التلفونات... مشتاقين أضرب لي
ياها الوكت داك البقت سلام وطني جدجد
