Post: #1
Title: انتو عمر البشير شلالايفو ناشفة كدا ليه كان تشوفو ليهو مرطب
Author: هاشم نوريت
Date: 03-30-2009, 04:30 PM
Parent: #0
اثر اوكامبو كان واضحا على مظهر عمر البشير فى قمة المأزومين التى يستضيفها الابن العاق الذى يتبرع بعقد المصالحات بين زعماء افضلهم سيئ وهو اكثرهم حوجة لمسعى يجبر ما بينه وبين والده ولكن رئيسنا الهمام قراء خطاب مليئ بالاخطاء وكلو من اوكامبو فضلا عن الكذب المفضوح ولكن ماذا نتوقع من البشير الرعديد غير الكذب
المظهر الخارجى للبشير يقول انه يرتعد وحتى الورقة التى يقراء منها تهتز وبرضو من اوكامبو رسول الانسانية ومبعوث العناية الالية وعدالة السماء
ان الزعماء تعساء الجامعة العربية لن يقدموا للبشير اكثر مما قدموه لصدام والذى لا يعتبر بمن سبقوه لا يكون غير ابله واحمق يسير الى نهايته المحتومة ومحاولة ايهامنا بان البشير لا يعير اهتماما للمذكرة امر تفضحه سفرياته الدس دس وشلالايفو الناشفة التقول قطع الصحراء عدوا وبدل البهدلة ورمى السودان فى متاهات قرارات اممية سيكون المتضرر منها السودان واهله على البشير ومناصرية ان يعلموا بان النهاية قد ازفت لهذا المسلسل السخيف وان قتلانا لن تذهب دمائهم هدرا فلا تحدثون عن سلام لا تسبقه عدالة فاننا نتطلع الى عدالة عدالة عدالة وهذا ما يخيفكم ولايهمنا ان حاكم العالم اسرائيل ام لا فقتلانى لم تدكهم طائرات اسرائيلية بل ايادى نظام البشير الاثمة وسنعمل على محاكمة هذاالمجرم لان بهذه المحاكمة سيبداء سودان عزة وكرامة بالمعنى الحقيقى لهذه المفردات وليس سودان الرقص على جماجم القتلى وياعمر بدل العيش فى الرعب الذى انت فيه عليك تسليم نفسك ولن تنفعك خطب سوربا وجزر القمر التى قال فيها ابو الغيط قبل اسابيع " الشان العرب لا تقرره جزر القمر وجيبوتى" شوفت مناصريك تعبانين كيف وايضا سوريا فيها نظام مازوم زيك يبحث عن خرم ابرة والمحكمة الخاصة لمحاكمة قتلى الحريرى فى انتظاره وما تعتقد ان ضرب اسرائيل فى العمق السودانى جاء بدون علم عربى وغدا يمكن لقوة كوماندوس اسرائيل ان تختطفك ولن تجد من يقول لها بغم والبيانات والشجب لن تعيدك الى السلطة حينها
انصح مناصريك على الاقل يوفروا ليك مرطب لان شكلك يحنن والان القمة وقد القيت خطابك الذى يشبهك ويمثل رؤية نظامك المتهالك فيها ويبقى الان سنرى كيف ستتسلل متخفيا فى الظلام للعودة الى الخرطوم وحتى تصل سيكون انصارك متوترين غايتو سيدنا اوكامبو السواها فيك ما هينة
|
Post: #2
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: عز الدين بيلو
Date: 03-30-2009, 04:36 PM
Parent: #1
| Quote: انتو عمر البشير شلالايفو ناشفة كدا |
وإنت مالك (......)
|
Post: #4
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: Rawia
Date: 03-30-2009, 04:46 PM
Parent: #2
في الهلمة الحاصلة دي كلها الواحد ممكن يتحمل ويدخل البورد ويتفرج ويضاير روحو بجاي بجاي ويمشي بين أشلاء
الزملاء الانهزموا في المعركة الاسفيرية الطاحنة
وممكن نقبل حاجات كتيرة ونتصالح معاها
الا لما يصل الاسفاف درجة كدا.....
بيطمم البطن
ومابنعود قادرين على القعاد معاكم في البورد
فبالله رحمة بنا
|
Post: #3
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: فتحي البحيري
Date: 03-30-2009, 04:37 PM
Parent: #1
| Quote: سنرى كيف ستتسلل متخفيا فى الظلام للعودة الى الخرطوم وحتى تصل سيكون انصارك متوترين غايتو سيدنا اوكامبو السواها فيك ما هينة |
|
Post: #5
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: بشير أحمد
Date: 03-30-2009, 05:56 PM
Parent: #3
| Quote: انتو عمر البشير شلالايفو ناشفة كدا ليه كان تشوفو ليهو مرطب |
ياخوي انت عبدالواحد حواكير مالك ماطلبت ليهو مرطب
وواحد كده مين كده ماعارف بولاد .
ياهاشم مناتلتك بقت بايخة.
|
Post: #6
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: Hassan Makkawi
Date: 03-30-2009, 06:03 PM
Parent: #3
| Quote: انتو عمر البشير شلالايفو ناشفة كدا ليه كان تشوفو ليهو مرطب |
طيب نشوف ليهو لجؤ سياسى عشان كلو يرطب...مش شلاليفو بس!!!
|
Post: #7
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: وليد شريف
Date: 03-30-2009, 08:17 PM
Parent: #6
| Quote: انتو عمر البشير شلالايفو ناشفة كدا ليه كان تشوفو ليهو مرطب |
هنيئاً للحكومة بمعارضة الشلاليف
|
Post: #8
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: بشير أحمد
Date: 03-30-2009, 08:32 PM
Parent: #7
**
فوق يا ابوشلاليف
|
Post: #10
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: ود الباوقة
Date: 03-30-2009, 08:35 PM
Parent: #8
بوست متزمزغ من رجل زمزاغ ...
الله يطمم بطنك ....
|
Post: #9
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: عمران حسن صالح
Date: 03-30-2009, 08:34 PM
Parent: #7
Quote: الا لما يصل الاسفاف درجة كدا.....
بيطمم البطن
ومابنعود قادرين على القعاد معاكم في البورد |
لا والله قاعدين قاعدين ..
لسبب بسيط وهو أن الآخر أصلاً يدع للآخرين فرصة في أن ينظروا دائماً لرأيه (برأي مسبق) طالما صار الأمر يهتم ( بشلاليفوا الناشفة ) وايديهو بترجف ... هذا سخف ما بعده سخف ودائماً مرحباً بما يفيد
|
Post: #12
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: عبد اللطيف بكري أحمد
Date: 03-30-2009, 08:46 PM
Parent: #9
إرتفاع شعبية البشير لم يأتي من فراغ ، فأمثال هؤلاء
يجعلون من محاربتهم بالبشير ضمانا لمستقبل أرحب
لوطن عبث به منعدمو الضمائر،،
سير سير يابشير ، فطريقك مفروش بالورود طالما
شلاليف دخلت قاموس النضال ،،
|
Post: #15
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: هاشم نوريت
Date: 03-30-2009, 09:03 PM
Parent: #12
ياشيخ عبداللطيف هدء من روعك الحكاية مامستاهلة انتو تدافعوا عن شلالايف مجرم ونحن نبكى اكثر من 300 الف قتل وشتان بين الامرين
| Quote: إرتفاع شعبية البشير لم يأتي من فراغ |
تقصد لم تأت من فراغ
شوفت الزعل يدخلك فى حتات عجيبة خذوا البشير بشلاليفة الناشفة واحفظوا لنا كرامة وطن واهله
بعدين انتو حتى الضمير بقى حقكم؟ حكم
سلم لى على الضمير ان شاء الله مستتر
قال ضمير قال
|
Post: #11
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: محمد على حسن
Date: 03-30-2009, 08:38 PM
Parent: #7
البشير يشرب انهار الدنيا كلها ما يروي
جرائم حرب
جرائم ضد الانسانية
مو هينة يا نوريت
القاتل يقتل و لو بعد حين
|
Post: #13
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: هاشم نوريت
Date: 03-30-2009, 08:55 PM
Parent: #11
اخى محمد على
دبايوا
الناس ديل بطنهم 300 الف قتيل دارفورى ماطمموا فقد قراءة وجهة البشير تجعلهم يزبدون هكذا هم محتكرى الوطنية ولكنهم لايعلمون مهما طال الانتظار فان البشير الى لاهاى مجرتك
|
Post: #14
Title: Re: انتو عمر البشير شلالايفو ناشفة كدا ليه كان تشوفو ليهو مرطب
Author: هاشم نوريت
Date: 03-30-2009, 08:58 PM
Parent: #13
يا محتكرى الوطنية انا عارف المسهركم شنو مش شلالايف المجرم دا لا لا بس انتو عاملينها سبب لكن البجد منكد عليكم هو خوفكم مايصل الخرطوم ويكون فى قبضة اوكامبو رسول العدالة بدل البهدلة دى المرة الجاية ربطوا فى الخرطوم عشان انا خايف على اعصابكم
|
Post: #16
Title: نكاية
Author: عبد اللطيف بكري أحمد
Date: 03-30-2009, 09:37 PM
Parent: #1
ياشيخ هاشم أنا لم أقصد((تاتي) بل قلتها يأتي
والضمير عائد لللإرتفاع وليس للشعبية،،
لو ناقشت في لم يأتي ولم يأت لكنت أقرب للصواب،،
هاشم العزيز،،
كن على يقين بأن موت البشير الآن سيخدم مايسعى
إليه أكثر من حياته،، صدقني أرباب السياسة في العالم
لن يخاطرو بإختطاف البشير أو إسقاط طائرته بعد أن
تحول إلى بعبع يكشف زيف إزدواج المعايير ،،
البشير الآن أصبح ورطة لأوكامبو أكثر مما تظن ، فقل
لي بربك متى كان رئيس دولة عربية محور حفاوة
وإجماع داخلي بوخارجي بمثل ما حظي به البشير؟؟؟
وبعدين ياشيخ هاشم: ياخ أهلك كلهم في الشرق أجمعوا
على مسيرة السلام ونبذوا القتال فمع من تعارض؟
معا لنسقط البشير بالعقل والوعي ومن خلال خطاب يستقطب
جموع أهل السودان الواعية للمخطط العالمي الإستعماري
ومن خلال صناديق الإنتخاب الحر والذي تتحفز له كل القوى
بالداخل ،، ولنصارع معا من أجل أن تكون إنتخابات حرة نزيهة
يسقط فيها الكيزان مثلما حصل في دائرة الصحافة!!!
ياخي الكريم : أنتم تحاربون الوطن وتطيلون عمر حكومة البشير بشعارات كهذي!!
أسأل الله لي ولك السداد في قول الرأي،
|
Post: #17
Title: Re: نكاية
Author: هاشم نوريت
Date: 03-30-2009, 10:10 PM
Parent: #16
عبداللطيف
دبايوا
Quote: كن على يقين بأن موت البشير الآن سيخدم مايسعى
إليه أكثر من حياته،، صدقني أرباب السياسة في العالم
لن يخاطرو بإختطاف البشير أو إسقاط طائرته بعد أن
تحول إلى بعبع يكشف زيف إزدواج المعايير ،،
|
مصطلع ازدواج المعايير يستخدم فى غير موضعه والحقائق تؤكد ان الحكومة هى التى تنتهك كل المعايير
صديقى هل اخلاق ومعايير الحكومة دفعتها لمحاسبة شهداء بورتسودان؟ هل معاييرها التى لا يات الباطل من خلفها ولا من امامها
جعلتها ترفع الظلم عن اهلنا فى دارفور وتوقف القتل على الهوية هناك ؟ سيكون من الصعب الدفاع عن نظام اتخذ من الدين ستارا
لقتل البشر وبل سيكون من غير المنطقى التحجج بمصطلحات تلفزيون امدرمان
Quote: البشير الآن أصبح ورطة لأوكامبو أكثر مما تظن ، فقل
لي بربك متى كان رئيس دولة عربية محور حفاوة
وإجماع داخلي بوخارجي بمثل ما حظي به البشير؟؟؟ |
اخى فى اكثر الدول الديمقراطية لا يحصل الحاكم على اكثر من 51 هنالك حالات قليلة ولكن ليست هذه المشكلة بل الطامة ان يغمد البعض عينيه عن افعال عمر البشير والبعض يعتبرها رجولة ووطنية الا يحرك عند البعض مقتل 300 الف دارفورى حسا انسانيا اى نوع هذا الضميرالحمد لله الذى عفانا منه
Quote: وبعدين ياشيخ هاشم: ياخ أهلك كلهم في الشرق أجمعوا
على مسيرة السلام ونبذوا القتال فمع من تعارض؟ |
عندما انت تقول انهم اجمعوا يكونوا اجمعوا انتم ادرى منا بالتأكيد
Quote: معا لنسقط البشير بالعقل والوعي ومن خلال خطاب يستقطب
جموع أهل السودان الواعية للمخطط العالمي الإستعماري
ومن خلال صناديق الإنتخاب الحر والذي تتحفز له كل القوى
بالداخل ،، ولنصارع معا من أجل أن تكون إنتخابات حرة نزيهة
يسقط فيها الكيزان مثلما حصل في دائرة الصحافة!!!
|
حتى لا نقع فى فخ الاستعمار العالمى كما تنصحنا ونعمل على اسقاط الحكومة عبر الاحتكام للشعب فهذا امر يعتبر افضل للجميع وهذه حقيقة
ولكن الحقيقة التى لا تغيب عن فطنتك هى ان النظام لا يمكن ان يفرط فى الحكم الم تقراء تصريح نافع الذى قال نحن قادمون بانتخابات وبغيره؟ فى تقديرى الحكومة تبحث عن شرعنة انقلابها وهذه هدية لا يمكن منحها لها والانتخابات اخى لكى تكون نزيه وحره لها شروط ان فسد شرطا واحدا فسدت العملية الانتخابية فما هى تلك الشروط اذا يامولانا
1- قضاء حر مستقل
2- صحافة حرة
3- مفوضية انتخابات مستقلة
اضمن لى انت هذه الشروط انا اضمن لك وطن يحكمه خياره
Quote: : أنتم تحاربون الوطن وتطيلون عمر حكومة البشير بشعارات كهذي!!
|
عن اى شعارات تتحدث؟ المهم اراك ميالا للتعميم ولكن اخى تخوين الاخرين وسحب الوطنية منهم ونعتهم بعديمى الضمير هذه النعوت لن تخلق لنا مجتمعا معافا
وفى الختام قل لى رائيك فى وصف نافع على نافع المعارضين باولاد الحرام
لك ودى
|
Post: #18
Title: Re: نكاية
Author: Sobajo
Date: 03-30-2009, 10:36 PM
Parent: #17
كان بقا ده النضال ، واحد ماشي يفتش في شلاليفو ، والتاني يهابش في حريمو ..
على الدنيا السلام ...
شي مقزز
|
Post: #19
Title: Re: نكاية
Author: طلال جبير جابر
Date: 03-31-2009, 11:04 AM
Parent: #18
منتهي الاسفاف والسقوط
خليك موضوعي شنو شلاليف وغيرو
انت شغال في محل كريمات عندك كريم مرطب باير ولا شنو!!!!
قال شنو قال .........
|
Post: #20
Title: Re: نكاية
Author: الصادق صديق سلمان
Date: 03-31-2009, 11:27 AM
Parent: #19
| Quote: انصح مناصريك على الاقل يوفروا ليك مرطب لان شكلك يحنن |
لمن أراد أن يتوهب ..
إليكم الوهابية في ثوبها الجديد ..
شعارنا هو "توهب ولا مانع من أن تتحنكش" ..
وأنس كلام سيدنا عمر الكان بقول "إخشوشنوا فإن النعم لا تدوم" ..
أقول ليك حاجة أنس السلف الصالح كلو .. مالك ومال التلتلة والغلبة ..
|
Post: #21
Title: Re: نكاية
Author: Rawia
Date: 03-31-2009, 11:37 AM
Parent: #20
Quote: اخى محمد على
دبايوا
الناس ديل بطنهم 300 الف قتيل دارفورى ماطمموا فقد قراءة وجهة البشير تجعلهم يزبدون هكذا هم محتكرى الوطنية ولكنهم لايعلمون مهما طال الانتظار فان البشير الى لاهاى مجرتك |
يبقى ماوقع ليك كلامنا يا الخزين
_____________________
جني وجن زول يتوهم إنه مركز الكون
لو أسف وهبل بي روحو وجاب كلام الطير في الباقير
وزول تاني قال ليهو كدي شوف البتسوي فيهو دا شنو
يقول ليك 300 الف دارفوري
ياخ قوم لف
هسة الـ300 الف دارفوري خليتهم يتململوا في قبورهم بالسخف البتسوي فيهو دا
|
Post: #22
Title: Re: نكاية
Author: ALazhary2
Date: 03-31-2009, 12:08 PM
Parent: #21
.
.
بالله ده كلام ده؟
أريتها معارضة التابا عباس ود فاطنة !!
بختك إنه الأرشفة جات عشان ماتمرمط أكتر من كده يا أبا الغضنفر الذباح الأثري السلفي .
.
.
|
Post: #23
Title: Re: نكاية
Author: محمد فرح
Date: 03-31-2009, 12:09 PM
Parent: #21
حسّي إنت عامل في شلاليفك مرطّب
يعني بترطب شلاليفك يومياً قبال ماتمرق من بيتكم
سيدي الرئيس
صدقني
الحبه مابتجيك إذا كان معارضيك كلهم زي الراجل ده
|
Post: #24
Title: مستواك حضيض
Author: علاء الدين يوسف علي محمد
Date: 03-31-2009, 12:26 PM
Parent: #23
لكن يا نوريت لقيتك مستوى حضيض حقيقي
صُدِمت فيك تماماً لو دة مستواك
طيب ياخي جاد عِندو مليون حق في كلامو لو دة فهمك
لأنك زي ما قُلتة إنو أساء لأهلك ناس الشرِق
كمان إنت أسأت إساءة بليغة للجعليين
لأنو الإنسان إبن بيئته
معناها لو البشير بيعمل مُرطِب للشفاه يبقى الجعليين كِدة
ياخي إنتة أتاريك أُمفكّو ساي و أنا قايل تحت القُبة فكي أتاريها فاخورة ساي
|
Post: #25
Title: Re: مستواك حضيض
Author: هاشم نوريت
Date: 03-31-2009, 01:25 PM
Parent: #24
ياعلاء فى ناس غير التجاهل ما ينفع معاها لان دافعها تار قديم لكن انت عندما تفسر الامر بهذه البساطة وتريد ان تعمم وتعملها جعلية وبجا وشايقية تكون انت دخلت فى حتة غريقة وتاييد لكلام جاد فهو يضعك فى مستوى جاء الذى اساء الى البجا وان كنت ترى الاساءة للقبائل سلوك مفضل لديك فهذا خيارك واعلم انا لم اتجاوز حدودى مع الكوز جاد ليس خوفا او قلة حيلة بل لان اطلاق الاساءات وتعميمها فى تقديرى امر غير مقبول واراك انت عن قصد تقحم الجعليين والبجا ابتعتد عن مواطن الخطر
Quote: صُدِمت فيك تماماً لو دة مستواك
طيب ياخي جاد عِندو مليون حق في كلامو لو دة فهمك
لأنك زي ما قُلتة إنو أساء لأهلك ناس الشرِق
كمان إنت أسأت إساءة بليغة للجعليين
لأنو الإنسان إبن بيئته
معناها لو البشير بيعمل مُرطِب للشفاه يبقى الجعليين كِدة
ياخي إنتة أتاريك أُمفكّو ساي و أنا قايل تحت القُبة فكي أتاريها فاخورة ساي |
ركز ياعلاء وماتحاول تحريف البوست وخلينا فى شلالايف الجبان دا
|
Post: #26
Title: Re: مستواك حضيض
Author: هاشم نوريت
Date: 03-31-2009, 01:34 PM
Parent: #25
Quote: حسّي إنت عامل في شلاليفك مرطّب
يعني بترطب شلاليفك يومياً قبال ماتمرق من بيتكم
|
يافرح المرطب عمر محتاج ليهو بدل البهدلة ياخى الراجل التقول وصل جرى مش فى طائرة رئاسية الظاهر عليه الخوف كاتلو يامحمد قبل ما يكون امام الكاميرات راجعوا شكل رئسكم بالله لو اصبح فى لاهاى شكلو حايكون كيف
تذكر ناس البعث فى العراق بقيادة صدام قبل الغزو الناس ديل ظهورها على الشاشة كان كلو اناقة لبس وتسريح شعر وربطة عنق بس مما جاتم امريكا التى دنى عزابها كل ما يقبضوا واحد كل الناس تتغالط هو ما هو انت بنفس ايه رايك فى صورة صدام الكان بظهر بيها قبل الغزو وصورته بعد ان قبض عليه وطارق عزيز والبقية
عمركم دا كان زول اخر لبس ووشو ناعم ومفرهد لكن من سيدنا اوكامبو لما فيهو بهدل كيانو والان دورك اتاكدوا من مظهروا قبل الوقوف امام الكاميرا
Quote: سيدي الرئيس
صدقني
الحبه مابتجيك إذا كان معارضيك كلهم زي الراجل ده |
الحبة مابتجيه لك شكلو يقول انو كلامكم دا ما واقع ليه امبارح بقراء من ورقة التقول الارض بتحتو بترجف تتهوزز هوززة الخوف الزى دا بتقتل
|
Post: #27
Title: Re: مستواك حضيض
Author: علاء الدين يوسف علي محمد
Date: 03-31-2009, 01:46 PM
Parent: #26
| Quote: واراك انت عن قصد تقحم الجعليين والبجا ابتعتد عن مواطن الخطر |
هل دة تهديد يا نوريت!!!؟
شوف يا سيِّد
لحد قبل البسوت المهبِّب دة انا كنت بحترمك حقيقةً
لكن بعده فلا أظن
فشوف و اسمع
لا أراني لا أراك
كلامي واضح
بما إنو الإنسان إبن بيئته يبقى إنتة قاصِد
ما تشبكني قصدي و قصدك
هسي لو قلتة ليك المناضِل هاشِم نوريت يتمسّح بالديانا و يُلوِّن شفتاه بالروج و يتعطّر بالخُمرة و يتغنّج في مِشيته ، بتقول شنو يا أدروب؟
ياخي إحترم عقول الناس و إحترم المُعارضة لو دي معارضة
|
|