عمايل الفكى وداسحق بدر الدين مع الجمهوريين!!

الجمهوريين وفقه تشييع النساء للجنائز ...

كلامك حلو
لكن زى حلاة التورتة المتلمى فيها الضبان..

أها ناكلا ول بتجيب لينا وجع اضان؟

يافكى
قالوا: الأقربون أولى بالنهى عن المنكر ( حديث حضارى)

نان عاد يافكى نسمع ليك كيف؟
وجماعتك كملوا استحياء النساء وقبلوا على استحياء الرجال..
مع العلم فرعون استحيى النساء فقط!

قالوا ( والله يدينا خير قالوا)
يافكى الواحد يدخل الورشة بتاعتكم وعادمو يجيب موية وعدادوا مصفر..
يطلع منكم
البودى مطفق
والمكنة قاطعة وش
ومويتو وزيتو مخلوطات
والعادم مطرطر..

وانت يافكى دا كلو مالقيت فيه فقه يستحق المفاكرة؟
كدى ماتقاربو لينا بأى فقه حتى لو فقه فرعون بن بكيزة والنمرود بن كنعان!

بالله بالمرة لو جاك ماري بجاي جيب لينا فتوة فقه الضرورة في تشييع الاسلاميات للمرحوم الزبير محمد صالح
اصلو بقرا سطر وبفط سطر

تحياتي يا بلة موسي وليحلنا بلة

لطفي

ومن ناحية اخرى
قاعدين في البورد دا
إحنا وود اسحق وكلنا
توفي وردي وشيعنه النساء
وتوفي حميد وقطع قلب النساء وشيعنه ايضا
توفي نقد وكانن أكتر من الرجال لو ما اخاف الكضب
وإنقص في عز شبابه نادر خضر وكن أيضا هناك
النسوان الوحيدات الفي جنازة لاحظ ليهن بدر الدين
حبيبة الجمهوريات البتعدن في أصابع اليد في مدينة سيدر ربد التي تبعد عنه مليون فرسخ وهو ماعارف طبيعة البلد ولا العلاقات الاجتماعية فيها



__________-
بدالردين أسحق
مشي المقابر ودفن عزيز ما نزهة بديعة في جو بديع
إن شاء الله ماتضوقها
وأريتني لو كنت كبيرة كفاية لاودع أبي لمثواه الاخير

يافكى بدرالدين
لو ساكت سمعنا سمع قريت على الجماعة بتاعنكم: (الحافظون فروجهم)
كنا قعدنا القرفصاء واستمعنا لمفاكرتك مع الجمهوريين..

يافكى
انت زول لصيص واكيد سمعت ب: كل المسلم على المسلم حرام..
فلو سمعنا منك يافكى توجيه لناسكم بأن كلمة (كل) تشمل ام فتفت أيضا..
لاستمعنا لما ستقوله للجمهوريين عن تشييع النساء للجنازة!

وخلينا نسهل عليك المهمة
ونجيب ليك توقيع من كل المعارضة بالسماح لناسكم بضرب المعتقلين ضرب يليق بالنساء والرجال المصادمين..
بس عايزين منك ترشدهم فى حرمة غيار الزيت فى ساحات الأسرى والمعتقلين.

تورتة شنو يا بله الله يهداك

ياخ دة متلمى فى أفضل الأحوال فى نضافة سمك .. وكان لقيت الضبان اللخدر كتر أعرف أنت وين

ووينو حلاوة كلامو .. هو بعرف شنو .. الحلاوة تكة الماوس فى القوقل .. الله مايكسبو القوقل .. عمل العنقالة علماء وشيوخ


وبعدين كان الكلام فيه أمية فى ذمتك ده وكتو .. الميت زميل والبورد موشح بالسواد .. وبوست الدفن مبارى بوستو .. هسة دى أنسانية


وكلو كوم ومنو الأكد ليهو النسوان الفى الصورة ديل جمهوريات كوم .. وكان فيهن ما أعتقد كلهن .. هو موت وفى غربة داير يصنف فيه الدفن والمشيعيين


بس زول طالع للكراهية وتفريق الصفوف

لطفى يا لطفى

خليهو يوعظنا ويقاربنا زى ماعايز
بس اليوعظ ناسو أولا!

ياراوية

قال ليك رجل لاتبدو عليه علامات الزفر
جاءهم وهو يسأل والبشير يجاوب
فعندما فرغ وذهب
قال البشير لمستشاريه:
هل عرفتم هذا الرجل
قالوا: البشير أعلم
قال: هذا بدر الدين ود اسحق جاءكم ليعلمكم أمور دينكم..

Quote: وبعدين كان الكلام فيه أمية فى ذمتك ده وكتو .. الميت زميل والبورد موشح بالسواد .. وبوست الدفن مبارى بوستو .. هسة دى أنسانية

دا ما الفلم زااااتو يارأفت
أول انت قايل الموضوع درس عصر؟


يافكى بدر الدين
رأفت دا نصرانى ماداخل فى كل المسلم على المسلم حرام
عامله بالضبط كما يعامل بوش وأوباما عندكم ولا تأخذك به نومة نايم!

لفحتوها من طرف لساني
يا رأفت وبلة
في (إن سنستيفيتي ) ماعارفاها
خاصة بالبورد دا ولا عادة اصيلة في السودانيين
الخاتم عدلان مسخوا لينا بكاهو بسبب فلجة محمد حامد
وفتحة البدلة بتاعتو
وهسة في حكمة مشروعية مشي الجمهوريات فقط وليس كل النساء ورا الجنازة

ياراوية
ياستى خايفين عليكم من النار
ياخى الكيزان ديل الله يديهم الهافية مسئولين مننا دنيا وآخرة..

انتى ماشفتى الفيديو بتاع الزول داك الحولوه فى فنادق الأمن لولدان مخلدون؟

Quote: بدالردين أسحق مشي المقابر ودفن عزيز ما نزهة بديعة في جو بديع إن شاء الله ماتضوقها وأريتني لو كنت كبيرة كفاية لاودع أبي لمثواه الاخير

اختنا راوية
مشي المقابر بالنسبه ليهم منجهه .. واستعراض
ولهم فيه مأراب اخر ... يااختي ديل حقهم براهوا ... قبلم ووحدًم

وبهذه المناسبة نهدى أغنية (ذابحنى دايما مبتسم) للفكى بدر الدين..

دكتور بلة وضيوفه الكرام ،،،،،

بعد مساء الجمال ،،،،

والله أنا كان نفسي اقول لبدر الدين أن الحزن يتوزع بين الناس كل بقدر عزمه بغض النظر عن جنسه وانتمائه السياسي والفكري الحزن حالة انسانية خاصة كما الحب تجتاح الذين ينتمون للانسانية بحق ولايحسه القتلة والمجرمين والمتاجرين بقضايا الناس لذلك أنت لم تستحي ان تفتح هذا البوست في خضم حزن الآلاف من محبي متوكل وعشاق الفكرة ياخي ماذا يضيرك يابدر الدين لو أجير الحزن النساء على تشييع المتوكل ماذا يضيرك لو بكت الحرائر هذا الرجل في المنزل أو في المقابر أو في المنافي أو في الوحدة القاتلة التي استحدثها نظامك . ماذا لو كان حزننا أكبر من أن يستوعبه فقهك الذي مرت عليه آلاف السنين ومازال حزننا وفرحنا وحتى ضحكتنا رهينة باب تيمية وبن القيم وبن الفلان والفلان ياخي عليك الله أرحم ضعفنا وحزننا وهواننا على الناس وخلي مشاعرنا واحزاننا تتدفق حرة ظالما كبتها نظامك وجماعتك ياخي حتى الحزن مستكثرنوا علينا وعايزيين تقننوهوا باقى بس تاخدوا عليهو ضرائب ،،،

و الله شفتا البوست ما عرفتا ذاتو أقول شنو!!!
معرفتها عدم زوق، تخانة جلد!!!!
معقول زول يكون ما حاسس بحزن الناس او حتي شايفه!!

يادكتور بلة وضيوفه سلام الفكي بدر الدين متخصص مقابر ودفن اكثر من 15 علم مقابر حلة حمد
الان شمبات والحلفايا هو ومجموعة من الشباب يتبادولون الر سائل للحضور للحفر والتشييع
ومتمكن في فقه الدفن وممار س لمهنة الحفر والتشييع

وبعدين فتح البوست للنقاش والار اء الشر عية وليس للسخر ية منهم

ـــــــــــــــــــــ
بعدين المييت يحتاج للدعاء الصالح ماتصوير وخلافه

سلام ياعمر مصطفى

كدى أول حاجة أسأل بدر الدين:
هل يجوز الحزن على الجمهورى حال وفاته؟

smart_ana2001

محمد المسلمى قال ليك فكى بدر الدين متخصص مقابر وموتى..
يعنى احتمال يكون وصل درجة يبرد البتيخة فى تلاجة الموتى بجانب جثة
وبعدين يبستفا عادى جدا..

Quote: وبعدين فتح البوست للنقاش والار اء الشر عية وليس للسخر ية منهم

محمد المسلمى
يعنى لو فتح قبلها بوستات من عينة:
ماهو رأى الشرع فى أكل رجال الأمن لام فتفت؟
كنا سألناه؟

بدر الدين لم يرمش له جفن وهو يغرف من النت وينسب لنفسه،
حرمة ميت وخصوصية حزن شنو ليكم كمان عشان تلوموهو؟
لا نقول إلا الاستحوا ماتو.