كترابة .. مهنتين تقسى قلوب ممارسيها .. الطب والعسكرية

لا اعلم هل هذا في السودان فقط ام في بقية العالم كذلك ؟!

اقسى فيئتين تعاملا مع البشر قابلتهم هاتين الفيئتين .. والغريب الاثنين يتعاملون مع الانسان في اضعف حالاته ... المرض وعدم الامان ..
ويبدو ان كثرت مشاهداتهم للحظات ضعف الانسان .. ومرورهم بحالات .. تمثل قمة الضعف الانساني .. هون لديهم مشاكل الاخرين فاصبوا ينظرون اليها وكانها شي بسيط ... فمن يموت بين يدية يوميا انسان .. لا يجد في الاسهال والملاريا مشكلة كبيرة ... ومن يتعامل مع المجرمين .. او يغمس نعله في دم الناس ابان الحروب .. يهون عليه الانسان الحي

الاطباء في بلادي اجارك الله منهم .. وعافاك ورحمك من الذهاب اليهم والتعامل معهم .. تعالي وقندفة واستهتار .. يتعامل معك الطبيب وكانك لا شي .. الحديث من طرف الانف .. هذا ان حدثك ولم يتجاهلك فترة من الزمن .. وكان هذه الفترة جزء من العلاج ..

اما العسكر .. الله لا وقعك معاهم .. صلف وعنجهية وسوقية .. لا ينفع معهم ان كان حديثك لين او غير ذلك .. في الحالتين انت منتهر منتهكة ادميتك لا محالة ..

هم على النقيض تماما في ترتيب السلم الاجتماعي
الطبيب في قمة الهرم .. والعسكري في قاعه
الاول اغتر ... والثاني حقد

انشاء الله لا نمشي لا القسم ولا المستشفى


ملحوظة : اطباء الاسنان مستثنون عن هذه الحالة .. لا اعلم لماذا!!! . ولا استثناء عند العسكر

وليد سلامات
غايتو ما خليت ليهم صفحة يرقدوا عليها
كان دكاترة كان عساكر ههههههههههههههه

الا اننى ارى رايا مخالفا لك تماما خاصة فيما يخص الدكاترة
الدكتور ان لم يكن انسان لا يجب ان نقول عليه دكتور او حكيم او
طبيب كما اعتدنا على تسميه الانسان الذى اقصده هو الانسانية والرحمة
ومشاهدة الموتى يوميا لا تعنى بالضرورة ان يكون القلب قاسى
بل العكس تماما..
عموما بجيك كان مد الله فى العمر

حبابك امينة وفي انتظارك

البوست ده حتى الان هو عبارة عن عتاب خشن شوية بعد ما فشلت كل الاشارات السطحية والعتاب اللين

نحن في الدول الاقل تقدما ( الصحيح الاكثر تخلفا )
محتاجين للاتنين اكثر من غيرهم لانو مشاكلنا مشاكل صحة وامن

فبراحة علينا يا لابسي الابيض والاخدر

يا شفت صباح الخير

Quote: الاطباء في بلادي اجارك الله منهم .. وعافاك ورحمك من الذهاب اليهم والتعامل معهم .. تعالي وقندفة واستهتار .. يتعامل معك الطبيب وكانك لا شي .. الحديث من طرف الانف .. هذا ان حدثك ولم يتجاهلك فترة من الزمن .. وكان هذه الفترة جزء من العلاج ..

انت عارف السبب شنو يا وليد - السبب اجتماعي بحت بالمناسبة
لأنو الطفل في السودان مما يلدوهو هو دكتور عند امو وابوهو
والدكتور قبل ما يبقى دكتور بكبرو ليهو راسو مليار مليون مرة
عشان كدا لمن يدخل كلية الطب ما بكون في بالو انو الشغلة دي شغلة بتاعت انسانية في المقام الأول

وطبعاً الكلام دا ما عام على كل أطباء السودان
فمنهم الانسان بحق وحقيقة
بس حقيقة أنا لا يعجبني تعامل الدكتورات السودانيات فهمن اكثر صلافة وجلافة وتعالي (بما انهن اناث) إلا من رحم ربي منهن طبعاً

أما العساكر ولو مغالتني اسأل جنابو عمر

كل تعاملهم داخل ثكناتهم ومكاتبهم عبارة عن أوامر وبس
انسانية مافي (طبعاً دا إلا لو كانو هم عارفين حاجات جواهم نحن ما عرفنها كمدنيين)

دا بذكرني البوست الفتحو حبيب نورة زمان بتاع الدكتورة والزواج منها وما ادراكما الزواج من الدكتورة

يا شفت ياخ ماتظلمنا ساكت على الأقل خت معانا الرسامين وبتوعين حقوق الانسان , وش ضاحك .

ان شاء الله دايما ضاحك يا فيصل

الرسامين الايام دي فاتوكم بهناك :)

مرحب الصادق صباح النور
طبعا بالتأكيد ما كل الاطباء

واشارتك لقسوة الطبيبات اكثر من الاطباء في محلها تماما ... الان حينما اجد نفسي مجبرا على الذهاب الى المستشفي مع احد الاولاد .. احاول جاهدا ان لا اقابله بطبيبة ...

والعجب كان بقت سمحة
اييييييييييييييييييييييييييييييييييييييييك .. تدخل عندك ملاريا تمرق عندك نفسيات جراء الافتراء

واتفق معاك برضو في كلامك عن منهجية اعداد الجنود ( العساكر ) فعلا بعدوهم على منهجية معينة تبلد الاحاسيس وتقسي القلوب

سلامات يا شفت

ياخي ظلمت الدكاترة ديل ظلم شديد
اما العساكر فما لي بيهم انشا الله تدقهم دق العيش

هل وليد الشفت عنصري في حلة جديدة ؟؟

ياوليد ربنا بيوديك النار

ماكلهم يأخ ، لكن كدة مرات القسوة برضو علاج



أسع بيجيك عمر عثمان لابس لبس خمسة

يالباهي خنقتو الزول كتمتو نفسو

فكوه ياخ
:-)

فعلا ما كلهم لكن جلهم .. والطبيبات خاصة زي ما قال الصادق

جنابو جا وبصم كمان

صاح ياولي ممكن ممارسة الطب أو العسكرية تقسي قلوب ممارسيها

إلا من أتى الله بقلب سليم .....

لكن في نفس الوقت في ناس (قساة) جداً من غير ما يكونوا اشتغلوا

اطباء او عساكر ...... صاح !!

تحياتي وليد محمد المبارك، وضيوفه الكرام.

استعير هنا مداخلتي في بوست لحبيب نورة في ربع سابق - ورغم أن الأمر كان يتعلق بالطبيبات ... لكن له علاقة بما يدور هنا:

Quote: 27-05-2012, 08:04 AM Hani Arabi Mohamed تاريخ التسجيل: 25-06-2005 مجموع المشاركات: 2196 Re: ( نصيحة ) لا تتزوج طبيبة لأنها .... (Re: حبيب نورة) الانسان ابن مهنته ... كل إنسان يؤثر في مهنته ويتأثر بها .... ارتبطت مهنة الطب بالقراءة ... يمضي الطالب حياته مدفوناً بين الكتب لساعات وساعات وساعات وأيام وأسابيع وشهور وسنين. ينفصل طالب الطب شيئاً فشيئاً عن المجتمع من حوله ويبدأ في بناء عالمه الخاص. القراءة الكثيرة تفتح طاقات كبيرة للمخ البشري وتفتح مسارات - غير مستخدمة عند أغلب الناس - لذا تجد تفكير الأطباء مختلف - وإبداعهم مختلف - وفهمهم للعالم من حولهم أيضاً مختلف. ويسجل دخول المشرحة تجربة تغيّر مفاهيم الطبيبة للعالم من حولها بشكل كبير .... وينمو فيها برود عجيب .... مستمد من برودة ثلاجات الموتى ... يجد الطالب نفسه محاطاً بالتبجيل والاحترام اينما ذهب - فتبدأ "الأنا" العليا في النمو والازدهار كاغصان شجر الدمس أمام بيت خرطومي مترف. تحتل القراءة والعمل المكانة العليا في ترتيب أولويات طالب الطب. بعد التخرج يتواصل عذاب السهر والعمل المتواصل ويجد الطبيب نفسه في مواجهة أعتى القرارات ... قرارات تتعلق بالموت .... مما يكسبه أو يكسبها قدرة على التعامل الحاسم والقاطع مع أي شيء. ..... جزئية الموت هذه مهمة جداً في تكوين شخصية الطبيب .... وهي التي تفقد العديد من الطبيبات أنوثتهن ويجعلهن يتعاملن "برجولة" في كثير من نواحي الحياة. عندما تجتمع كل العوامل السابقة مع عوامل اخرى غير مذكورة تتشكل شخصية الطبيبة النهائية والتي لا تناسب معظم ما يبحث عنه الرجال في "شريكة حياة" .... نعم ببساطة ...... دون زخرفية لفظية أو زركشة قولية ..... من كان يبحث عن زواج تقليدي بين رجل وامرأة وأراد من زوجته أن تقدم له ما كان يرى أمه تفعله في المنزل وما رأى نساء العالمين يفعلنه منذ طفولته .... فليست الطبيبة خياره .... وهي مسكينة لا ذنب لها في ذلك .... قمغ سنوات القراءة والعمل تحور اهتمامها وتغيرت أولوياتها واختلفت طريقة تفكيرها. هي أنثى .... لكن الأنثى في داخلها مدفونة .... وحتى ان اجتهدت هي في إخراجها .... خرجت مشوهة .... من يختار أن يتزوج طبيبة عليه أن يذهب إلى أقرب صيدلية ليصرف "صبر أيوب 500 مليجرام" ويتناوله ستة مرات في اليوم على أقل تقدير. إذا كنت "ماسوشيا" تحب الأذى وجلد الذات .... الطبيبة هي افضل خيار لك لتتزوجه. إذا كنت تبحث عن زوجة "Some Times" ولا تريدها أن تكون في حياتك طوال الوقت .... فالطبيبة هي افضل اختيار ... إذا كنت تتزوج وتظل مستمتعاً بطقوس العزوبية المجيدة .... فلن تجد أفضل من الطبيبة ... . أما قوة الراس فهذه باب آخر .... مواجهة الموت الذي ذكرتها أعلاه تصنع من الطبيبة إنسانة ذات شخصية قوية جداً وذات قرارات لا تقبل التراجع ولا التنازل ، وهنا تبدأ المشكلة في البيت الزوجي الذي يتطلب فيه الأمر وجود طرف لين ووجود طرف قوي \ أو هكذا اعتاد الناس. قرار زواج طرفه طبيبة ... هو قرار وجود رجلين في المنزل

يديك العافية يا هاني عربي

مرحب جنابو وكفارة هنا برضو

وكلامك صاح

مرحب يا كونت

ياخ انا بقدر اظلمهم ... لكن الدكاتر بقوا صعبين يا كونت
صعبين شديد

اممممممم .. بوست ملغم غايتو ،
لكن للضمان كدا التعميم دائماً مخل !
وواضح انك لتحاول تعمم تجربتك الشخصية (:
الاستعلاء والتعامل بعنجهية بقت سمة مميزة للشخصية السودانية (بلا تعميم)
كان دكتور ولا سواق ولا حلاق !!
اي سوداني هو دكتور وأخصائي أعشاب ومحلل رياضي وسياسي محنك ويوجد تركيب عطور كمان (:
وكلنا بنفهم اي حاجة في اي حاجة وباقي الناس طير ساي (شوية صلافة كدا وصلحو)

وعليك الله وريني فئة واحدة في السودان الوطن الواحد دا ما بتتعامل مع المواطن بعنجهية !!
(ركز على الفئات الاكثر احتكاكا بالجمهور)
(بلا تعميم تاني)
موظفي المكاتب الحكومية (مشى يفطر .. مشى يصلي.. الخ)
مكاتب شركات الاتصالات ( في حالة انك ما جاي تدفع .. جاي مطالب)
الزول البيديك سندوتش الطعمية في لذيذ ( انا عندي يدين اتنين بس ياخ !!)
بتاع ايسكريم 41 العمارات ( عايز بكام خلصني ومعانا تكشيرة من تحت النضارة)


لقيت الدكاترة والعساكر الحيطة القصيرة غايتو (:

الدكاترة والعساكر حيطة قصيرة !!!

والله بالغتي يا داليا

كلامك فيه كتير من الصاح
لكن الامر عند الدكاترة والعساكر متضخم
واحتمال بسبب الوضع الخاص البجيهم فيه الانسان

يعني البمشي لي موظف بقدر يلفها معاه حتى لو خسر الخدمة التي اتى من اجلها

فلن تتوقف الحياة ولن يخسر حريته


في حالة الطبيب .. لا يستطيع لانو بجيه مرضان او مع زول مرضان ... ومافي زول بقدر يحرد العلاج
وفي حالة العساكر برضو ياتيه في حالة ضعف لا يمكن ان يتجاوزها

بالنسبة لتجربتي الشخصية .. كدي شوف الزول داك خلي يوريك تجربتو الشخصية :-)
انا زوجتي بتاعة IT

يا وليد انشاالله ينقلوك من التعليم العالي لإدارة نظم المعلومات بالسلاح الطبي

سلامات يا ولي
طيب عشان كده أنا ماحا أرد عليك قرضمه وفلهمه ساكت والله لاجابك لي عيان.....
ياخ اسع من عنوان بوستيك ده قلنا عاوز تناقش مسألة قسوة القلب وعلاقتها بأنو الناس ديل دائما عايشين وسط الحالات الصعبه .. وغيرو...وفجأه ألاقيك فاتح نيران في كل الإتجاهات ....
يازول لاماكنت صفوه كان تعبت معاي ..
تحياتي

مرحب حبيبنا الصادق

ياخ ما قلنا الا من رحم ربي :-)

عموما يا ذوق هو عتااااب لعله يجد الطريق الى قلوب وعقول من نعاتبهم ..

وتحياتي يا صفوه

مالك علي يا منتصر ياخ


ناس السلاح الطبي فاتحين فيني بلاغين بسبب المنبر ده


هاهاهاهاهاهاهاهاهاهاهاها

تسلم كابيلا

يديك العافية وتشكر على الكاركاتير

المثل بيقول : الشايقي إن نجح للعسكرية .. وإن فشل للطبية ...

ما في طورية هنا لأنو دي من الأمثال المسكوت عنها ....


دا المثل السوداني الجعلي بالمناسبة ...!


وعلى ذلك قس يا شفت ...!!