أونسرية أونسرية والمصل موجود!!

أونسرية أونسرية والمصل موجود!!


09-25-2012, 02:30 PM


  » http://sudaneseonline.com/cgi-bin/sdb/2bb.cgi?seq=msg&board=400&msg=1348579822&rn=0


Post: #1
Title: أونسرية أونسرية والمصل موجود!!
Author: Balla Musa
Date: 09-25-2012, 02:30 PM


لما كنت عا الزيرو
مشيت السعودية عمرة وزوغة.
وانا بتاوق فى شباك الرسول صلى الله عليه وسلم, الشرطى السعودى قال لى:
تحرك يازول..
والله وماطالبنى حليفة قربت اقالدو
جانى احساس بأنو الزول دا بعرفنى..
وهكذا الحال استمر بعد العداد فات الميتين ألف كيلو وعملت كم عمرة وشوية تغيير وشوش وشمبرات..
لاحظت الجماعة بستعملو معانا كلمة يازول لما يكونوا مبسوطين وعايزين يحسسوك بأن الحالة ون!

اتاريهم اولاد الهرمة أونسريين ويازول زاتا طلعت أزرط وأفسى كلمة من ناحية اونسرية..

المختبراتى بتاعنا كان جازانى يعنى من موديلنا
والممرض صومالى
وانا كالشامة فى خد جورج كلونى..

واحد من الهيومن رسورس من النوع التشوف الدم ماشى فى عروقو..
دمو خفيف الود دا

واقفين أربعتنا نحن وسيدنا بتاع الهيومن رسورس (أبيضانى)
قال للجازانى محمد دا ابن عمك قاصد الصومالى وعينو على العبد لله..
فالجازانى قال ليه: كلنا اخوة فى الله
قمت انا قلت ليه:
لاياحبيب, الزول دا عايز يقول نحنا التلاتة كتاكيت..

وصاحبنا اللبيض دخن وجاب زيت..
فالسواقة بترس تقيل كعبة وبتخليك فى دقيقة فى خانة المهاجم واكيد بتجيب قون..

فخويانا الشهارنة والقحاطين ومن طاف طوافهم بإحسان أو فقرى,
لما نقعد نتقهوى بحاولوا يؤكدوا أننا خويانم وعرب متلهم..
بس العبد لله عارف موديلو وماركتو..
ونقعد نضحك حتى تسيل اونسريتنا على حواف المكاتب..

أهااا الفاتح عامل فيها تفتيحة وماخد المصل..
قام قال لبلاك امريكان وسب اب نقر..
البلاك امريكان زعل لما طاقيتو انشرطت..
وعايز يخم ليك الفاتح بونية..
الفاتح قال ليه وتس رونق, وى اووول نقر
قام البلاك امريكان قال ليهو:
دو نوت ايفن ثنك تو سيى ات اقين..

وتوتا توتة خلص مصل الفاتح ورجع لجدو العباس عم الرسول
ومن يوما بقى يقول وس اب برا..

واحد جنوبى كان سواق أول نايب رئيس للبشير
سايق ليك عربية كرت ومكندشة وهاك يا شارع عبيد ختف
وواقع ليك البنات المصنفرات من اللائى يسقطن من حواف الكأس المترع بالجلبنة..
ويفتخر بذلك ويتجشأ كروزه كل ما أصاب واحدة منهن ويحس بأنه قد فتح الخرطوم وأطار رأس العباس..

ويومها شاف واحد من بقايا اﻹسترقاق وحملات الدفتردار ومحمود ودأحمد (حسب شهادة آدم صيام), فذاك المسترق قريبنا ويظن أنه خالص ومشفى حتى العباس وليس فى جسده شحمة إلا وتنطق بأنها قرشية هاشمية خالصة..
والاتنين سواقين فى القصر..
وسواق النايب الجنوبى مغيوظ من نفخة هذا الفرخ العباسى..
فقال له: انا بنات ارب ديل كلهم بامل مآهم الآيزو..

فرد الفرخ العباسى:
يازول اركب على كيفك, لكن تأكد الركبتها بالحرام دى زااااتا ان جيت عايز تعرسا مابنديك ليها!

أهااا على سيرة الأونسرية العصرية الجديدة
فترسانة الكيزان مليانة بالأسلحة غير الأونسرية
ديل ياخى عندهم صواريخ س س
من النوع المزود بكاميرا فى مقدمته يصور من الشرج الى القولون
ومن أطراف المهبل الى الرحم..
وعندهم ناس متخصصين فى التعامل مع مثل هذه المنصات وإطلاق صواريخها..

ونحن نلعب هنا لعبة أونسرية أونسرية..

غايتو نحن كجلابة اولاد هرمة عندنا مصل ضد الأونسرية..
المصل دا اسمو العزة بالنفس..
نقابل ياعمك ناس مناحى وذيب وباسندوة بابتسامة عريضة كمضادات لصواريخهم الأونسرية وحالا نحولها من صواريخ هجومية لدرقات دفاعية..

العايز المصل دا من الناس الماكملوا تطعيمهم يقول عوك
المصل موجود وبكمية متوفرة بس الطعنة حارة جدا
عشان كدا كل زول يحضر جأباتو!!

Post: #2
Title: Re: أونسرية أونسرية والمصل موجود!!
Author: Balla Musa
Date: 09-25-2012, 04:32 PM
Parent: #1

بوست لخم رماد هذا الربع!

رجاءا مافى زول ينسى نعلاتو.

Post: #3
Title: Re: أونسرية أونسرية والمصل موجود!!
Author: Balla Musa
Date: 09-25-2012, 04:39 PM
Parent: #2

من قوانين البوست

ماتملص اخلاقك
واذا ملصتها تخليها تحت كرعيك

Post: #4
Title: Re: أونسرية أونسرية والمصل موجود!!
Author: معتصم محمد صالح
Date: 09-25-2012, 04:43 PM
Parent: #3

والله يا دكتور الليلة انت نعلات تخليها ما تلقاها ..


تحياتي وتقديري

Post: #5
Title: Re: أونسرية أونسرية والمصل موجود!!
Author: Balla Musa
Date: 09-25-2012, 04:47 PM
Parent: #4

سلام يانستا

لالا ماتخاف
أنا ممصل للجد الأخير..

أخدنا المصل لما كان بطعنوه فى الضراع..

انت كيف؟

Post: #6
Title: Re: أونسرية أونسرية والمصل موجود!!
Author: ombadda
Date: 09-25-2012, 05:02 PM
Parent: #3

د.بلة
تحية وسلام
بداية عميق اسفى على الرد المنفلت فى بوست ادم صيام.
والشئ الثانى، لسع ممغوص من استعمالك كلمة " اونسرية" بدلا عن "عنصرية" خاصة عندما تخاطب احد اخواننا من غرب السودان وهم من المشهورين بتحويل حرف الصاد الى سين، وحرف العين الى ألف عند النطق. مما يشى بتعريض وغمز للهجاتهم المحلية والسخرية منها.
وربما يكون عندك التبرير الذى بجعلك تستعمل تلك المفردة أو ربما يكون لها معنى اخر. وفوق كل ذو علم عليم.
عميق اسفى مرة اخرى، ويبقى باب النقاش مفتوحا لسودان خالى من العنصرية والحقد والكراهية بين اهله.

Post: #7
Title: Re: أونسرية أونسرية والمصل موجود!!
Author: معتصم محمد صالح
Date: 09-25-2012, 05:06 PM
Parent: #6

Quote: انت كيف؟




Post: #8
Title: Re: أونسرية أونسرية والمصل موجود!!
Author: معتصم محمد صالح
Date: 09-26-2012, 11:04 AM
Parent: #7

يا دكتور .. معقول ( نعلات ما تخلي )

يظهر المصل بتاعك ده فشنك أو ( بيش ) ..

Post: #9
Title: Re: أونسرية أونسرية والمصل موجود!!
Author: Balla Musa
Date: 09-26-2012, 02:07 PM
Parent: #8

سلام يادكتور ombada
والعذر مقبول
والعفو والعافية
وطالبنك السماح

أما مايختص بالأونسرية
فممكن تتخيل الناطق بها بنية أبنوسة لها كزيمة
وتقول أليك دينك يادكتور بتل اونسرية..

واحد صاحبنا كان صديقتو حبشية
قال لايطرب لتكسير العربية إلا عندما تهرسها شفتيها
وكانت بتغنى ليهو
بقليبك تقول لى تآل وتآل

دا ما الموضوع
لأن الآكسنت لايقلل من إنسان
ولكن الكلام فى الأونسرية ذات نفسو دا.
والناس الفاكريننا بنتنافس مع العرب وماعارفننا نحنا ماخدين المصل وما فارق معانا الناس بشوفونا كيف!

Post: #10
Title: Re: أونسرية أونسرية والمصل موجود!!
Author: Balla Musa
Date: 09-26-2012, 02:12 PM
Parent: #9

يانستا
شايفك كاسر ركبة هنا
شكلك كدا نزلت الراية
وعايز تاخد البكرى وتدفق المشك..

المهم خلى سرهيتك فوق كرعيك وياحبذا لو مضببة بجلد فار.

Post: #11
Title: Re: أونسرية أونسرية والمصل موجود!!
Author: أمير عثمان
Date: 09-26-2012, 02:55 PM
Parent: #10

سلامات يا دكتور ...
Quote: المصل دا اسمو العزة بالنفس..
نقابل ياعمك ناس مناحى وذيب وباسندوة بابتسامة عريضة كمضادات لصواريخهم الأونسرية وحالا نحولها من صواريخ هجومية لدرقات دفاعية..


وتحياتى ...

Post: #12
Title: Re: أونسرية أونسرية والمصل موجود!!
Author: رأفت ميلاد
Date: 09-26-2012, 03:09 PM
Parent: #11

بله موسى أذيك ومشتاقين


ده خم رماد بكم كرت هههههههه

Post: #13
Title: Re: أونسرية أونسرية والمصل موجود!!
Author: Balla Musa
Date: 09-26-2012, 04:47 PM
Parent: #12

سلام يا أمير عثمان

أوعك تكون زى حالتنا من بقايا البقط وحملات الدفتردار ومحمود ود أحمد
كما قال سيدنا آدم صيام رضى المنبر عنه وأرضاه.

Post: #14
Title: Re: أونسرية أونسرية والمصل موجود!!
Author: Balla Musa
Date: 09-26-2012, 04:53 PM
Parent: #13

سلام يا رأفت الغايب (على وزن بلة الغايب)

ومرحب بالعودة ( شكلك أخدت حق العودة قبل الفلسطينيين)

والله يا حبيب كبرنا خلاص وبقى كرت واحد يخلينا نتخيل نفسنا فى المكتب البيضاوى فى البيت الأبيض مكان الرجل الأسود!