إسمارت أنا وصفوف ال iphone 5 (طلع إشاعة) توجد صورة

والقوم يتدافعون كتدافع السودانيين على السفارة الليبية بيد أنه لم يقع حادث سوى طلوع الود الهندي أمريكي شهبور نياني على رجل الحسناء الأمريكية الإيطالية صوفيا فأحدث تورمآ على قدميها فقد على أثره مكانه في الصف مما جعل الشاب شهبور أنه أصيب بلعنة إلهه الباقواني لأنه خرج من ليل باكر ليبيت على الصف دون أن يؤدي صلاته الصباحية لكيما يتمكن من شراء ال iphone5. وجاء الأمر عندي في البيت حينما أستيقظت باكرآ كعادتي وقبل الدخول للحمام أمر على غرف أبنائي للإطمئنان عليهم وإلقاء التحية الصباحية عليهم ولكني فوجئت بأن سرير إبني الأكبر خالي وجهاز تلفازه على record وهذا أمر مقلق بالنسبة لي لأنه يفعل ذلك حينما يكون غائبآ ليسجل أحد برامجه المفضلة .. أصابني قلق عظيم وطفقت أفتش المنزل والمطبخ وحمام الضيوف و و وتأكدت أنه غير موجود بالمنزل .. سحبت هاتفي من chargaro وأتصلت به ليأتيني جرس طويل ثم الميل بوكس ! والقلق يصيبني أكثر .. وأعيد الإتصال مرة أخرى وفي هذه المرة تأتيني إشارة الميل بوكس من أول مرة .. كمان .. فيزداد قلقي .. وحقيقة أصابتني حيرة كبرى خاصة أن أبني والبالغ من العمر عشرين عامآ لاينام خارج المنزل أو حتى يخرج دون أن يخبرنا وحقيقة له صديق سوداني واحد وهو مثل شقيقه ترافقا وتصادقا من عمرهما ستة أعوام وهو الوحيد الذي ينام عندهم وينام صديقه معنا فهو في مقام الإبن لي ورغم ذلك يخبرنا .. فذهبت وإيقظت زوجتى وأنا قلق وأخبرتها بغياب إبننا فردت على بتثاؤب (هو أنا ما كلمتك ,, مشى مع أصحابه يقيفوا في صف الآي فون)
آه قطيعة تقطع Apple المقرومة دي .. إستيف جوب ومات يكون الفايف ده جهزو قبلي مايموت ولا الحكاية شنو ..وبيني وبينكم إرتحت نفسيآ لمعرفة مكان إبني
ودخول منزلنا عالم أل آيفون5 .. يعني up to date في تكنلوجيا الإتصال.
وإستلمت الموضوع بجدارة ومن الشغل أتصل بالمنزل أشوف الآي 5 وصل وشرفنا ولا لسة وأخيرآ عند العاشرة صباحآ رد على أبني وخاطبته بفرحة .. حمدالله على السلامة .. الآيفون 5 وصل فرد على إبني بي إحباط .. لا يابا صرفت النظر عنه
وهنا يصيبني الجنون .. ليه يا إبني !!! فواصل إبني إحباطه شفتو عند واحد إشتراه ومسكتو وفتحتو وقلبتو وعاينت للأبلكيشن والفيتشر لقيت مافي إي فرق عن ال إيفون4 بس حجمه شوية أكبر .. وهنا غلى الدم في عروقي الود طالع من الساعة 3 صباحآ عشان product طلع إشاعة .. ولا يهمك عندي خالتك إسمارت أنا خبيرة آيفون خليني أسألها ليك عن الفيتشر الجديدة بتاعة فنلة الآيفون 5 الغير موجودة في الآي فور ..
بالمناسبة الناس ديل باعوا 2 مليون جهاز في اليوم الأول ونفذت كل الكمية والآن أصبح بالحجز.. يوسودك البارد يا أستيف جوب.

الأخ عادل
والله الموضوع دسم
وأكيد زائد الدسم بعد
حضور خالة ولدك المشي
للاي فون من الساعة تلاتة
ورجع من غيره!


فعلا الايفون 5 طلع "فشنك" وحقيقة
أنا شايف نبقي مع الفور اس بتاعنا دا
رقم انه محمد ولدي قافل عليه بحساب
أنني سأشتري الفايف! لكن للشايفو دا
موت الضان مع الفور اس


________



حتي عودة اسمارت


______
الحليلة

اولا...ربنا يرحم استيف جوبز و يبشبش الطوبة اللى تحت راسه. اكيد كان عن ده قول فى كل صغيرة او كبيرة فى التلفون ده.
ثانيا....سلامات اخونا عادل نجيلة. و ربنا يخلى الاولاد و يحفظهم و يغطيهم من كل شر.
طيب نجى للجد........ولدك عندو حق فى كلامه و (برضو) ما عندو حق. مستعد للبرى ????
طيب التلفون رغم ان شاشته اكبر من iphone 4 and iphone 4s لكن الشكل العام بيشبهمهم. دى اول حاجه . الحاجه التانية هى المُشغل. ابل ما غيرت من شكل ال operaion system خالص. طورت فيه حجات كتيرة لكن الشكل العام ما اتغير.
ابل قالت انها عملت حوالى 200 تغيير فى نظام التشغيل. و طبعا نظام التشغيل بيستفيد منه كل الاجيال القديمة من الiphone....
طيب الجديد شنو فى اى فون 5????من ناحية الشكل التلفون شاشته اكبر من 4S لكن وزنه اخف و thiner.
ده غير ان ابل اضافت سماعات و ماكيرفونات للتلفون و الكولتى بتاعة الصوت بقت خرافية. ابل برضو حسنت من نوعية الكاميرا الامامية. و بقت تصور فيديو برضو. الكاميرا الخلفية من زمان خرافية, الان ابل طورت من التكنلوجيا بتاعة ثبات الصورة اثناء التقاط الفيديو و برضوا اثناء التصوير فى الظلام.
ده كلو كوم و السرعة كوم تانى. اى فون 4S كان بيشتغل بشبكة من الجيل التالت 3G. مع ان AT&T كاتبه فيه 4G لكن دى كانت حركات منهم ساى. ال iphone 5 بيستخدم الجيل الرابع من تكنلوجيا الشبكات و اسمه LTE . و ده بيخلى التلفون سريع جدا جدا جدا. ابل قالت ان التلفون ح يكون اسرع مع the average WIFI . يعنى ح يكون التلفون فى الشبكة اسرع من التلفون فى الانترنت فى البيت. دى مقارنة بسيطة بين 5 و 4S.




موضوع السرعة ده هو اهم عامل فى اهتمام النلفون iphone 5 . طيب ممكن تقول لى انه فى تلفونات كيرة شغالة ب LTE قبل ابل. الفرق فى عمر البطارية. ابل ما دخلت التكنلوجبا دى فى تلفوناتها لانها معروفه
انها بتطلع عين البطارية. لكن فى التلفون ده ابل ظبطت الموضوع ده. و التلفون بيقعد زمن كويس قبل ما لبطارية تنزل

Quote: ده غير ان ابل اضافت سماعات و ماكيرفونات للتلفون و الكولتى بتاعة الصوت بقت خرافية. ابل برضو حسنت من نوعية الكاميرا الامامية. و بقت تصور فيديو برضو. الكاميرا الخلفية من زمان خرافية, الان ابل طورت من التكنلوجيا بتاعة ثبات الصورة اثناء التقاط الفيديو و برضوا اثناء التصوير فى الظلام. ده كلو كوم و السرعة كوم تانى. اى فون 4S كان بيشتغل بشبكة من الجيل التالت 3G. مع ان AT&T كاتبه فيه 4G لكن دى كانت حركات منهم ساى. ال iphone 5 بيستخدم الجيل الرابع من تكنلوجيا الشبكات و اسمه LTE . و ده بيخلى التلفون سريع جدا جدا جدا. ابل قالت ان التلفون ح يكون اسرع مع the average WIFI . يعنى ح يكون التلفون فى الشبكة اسرع من التلفون فى الانترنت فى البيت. دى مقارنة بسيطة بين 5 و 4S.

الزميلة العزيزة وخالة الأولاد إسمارت .. يعني تذكرت بحديثك هذا في شرح مفردات تميُّز الآيفون5 عن قرنائه من عائلات ال 4 جي إس والجلاكسي الأندرويتي .. ولقد عبر بي خيالي فيما مضى في عالم إتصالات القرن العشرين والناس ترغب في سماع أصوات بعضها فقط في محادثاتها الهاتفية من تلفونات منازلها كما وصفها الشيخ فرح ود تكتوك في المقولة التي نسبت إليه وفحواها (آخر الزمن الناس بتتكلّم بالخيوط وتسافر بالبيوت) وكان يعني التلفون و القطار ! فمالي أرى الآن أن تلك الخيوط قد أصبحت بفعل تقدّم ما يُعرف بالتكنلوجيا رجسآ من عمل شركة أبل وهي تحوِّل الهاتف من مجرد حديثٍ متادول بين شخصين إلى آلية متكاملة من البرامج التقنية ممثلة في أن هذا الهاتف أصبح مدخلا ألى كمبيوتر صغير تحمله في يدك وتؤدِّي به كل الخطاوي الممكنة من مخابرة وإيميل و يوتوب وكاميرا و تسجيل و و و الكثير من الفيتشرز .. وأصبح النّاس مفتونين بهذه الأعمال الخارقة وكأنما تواترت في عوالم النماء أشياء لا يدركها الحكماء!
ولكذب شركة أبل عبر الجدول المقارن المرفق فإن إختراع جهاز يعمل بأسرع من ال wifi فتلك فرية كبرى ! كيف يعمل هذا الجهاز بأسرع من شبكة إتصاله والتي لولاها لما إستطاع أن يكون أون لاين!
والفرية الثانية هي قوة البطارية وهي لم تعد مشكلة منذ أن أخترع مهندسو الإكترونات حمل ال charger في سيارتك وعمل boost للجهاز المحمول أو أية portable device .. يبقى فندنا نقطتين في ميزات الآي فايف .. كنت أتمنى من شركة أبل أن تحدث تغيرات جذرية في جهازها الجديد ولكن هذا لم يحدث وأن يتم تقييم كذبهم فتى من هو في عمر إبني .. وبصراحة الآيفون5 إشاعة فعلا ونصب على الناس!
إسمارت تحياتي وربنا يحفظكم و أولادكم.

سلامات يا عادل.

سمارت دي أنا شاكي أنها تكون عميلة لشركة أبل وشغالة معاهم.
الزولة دي بتشكر في التلفون الماسورة ده وبتعمل لينا من الفسيخ شربات ساكت.
والغريبة في رجفي جماعة العالم الثالث اللي معانا هنا في البورد!
سمارت مآكلة بعقلهم حلاوة.

Quote: سلامات يا عادل. سمارت دي أنا شاكي أنها تكون عميلة لشركة أبل وشغالة معاهم. الزولة دي بتشكر في التلفون الماسورة ده وبتعمل لينا من الفسيخ شربات ساكت. والغريبة في رجفي جماعة العالم الثالث اللي معانا هنا في البورد! سمارت مآكلة بعقلهم حلاوة.

العزيز دينق .. كيف أحوالك .. حقيقة أكون مندهشآ لو أن الزميلة إسمارت لا تعمل وكيلة لمبيوعات مجموعة أبل وبالأخص منتجات أجهزة الآيفون لما لها من دراية كبيرة في هذه الهواتف الذكية . ولو كنت مسئولا في شركة أبل لما ترددت من منحها شيكآ ثمينا لنشرها ثقافة مُنتج الآيفون لدى الثقافات الأخرى وعلى الأخص النّاطقين بالعربية.

Quote: فعلا الايفون 5 طلع "فشنك" وحقيقة أنا شايف نبقي مع الفور اس بتاعنا دا رقم انه محمد ولدي قافل عليه بحساب أنني سأشتري الفايف! لكن للشايفو دا موت الضان مع الفور اس

سلام كتير للحليلة وتحايا غير منتهية..
ولي للإبن محمد تحيات خاصة وأنا مع حرية إختياره حتى ولو كان الآي فايف .. الشباب ديل أجيال واعية ومرتبة وعارفين هم بعملوا في شنو .. ربنا يحفظهم و خليهم .
تذكرت الطرفة الشهيرة والتي أخرجتها أجيال الفيسبوك في عشية عيد الفطر المضى حينما فاجأني كراكاتير أضحكني وأهتزَّ له جسدي على حائطي في الفيسبوك وهو يصوِّر زوجة تتصل تلفونيا بزوجها وهو يقودُ سيارته لقضاء حوائج العيد لأسرته وتذكّره بشراء خبيز البتي فور .. فيرد عليها قائلآ ( أفتكر مافي داعي أشتري البتي فور حقو ننتظر البتي فايف الحينزل في عيد الضحية ). وكان ساعتها يترقَّب العالم ظهور الآيفون5 . وحينما رأيت خيبة الأمل في وجه إبني مِهْيارْ بعد سهره الليل الطويل في طوابير الرّاغبين في الحصول على مخترع شركة أبل المقرومة من أجهزة المحمول الجديد ولقد أصيب بإحباط وهو يرى أمله يندثر مع خروج جيل الآيفون5 والذي لم تستطع شركة أبل المقرومة في أن تقدِّم جديدآ له ولأمثاله وقرنائه من الشباب في تقديم أفكارآ جديدة يحملها مخترعهم ألآي فايف !! ولقد كانوا يتعشمون في أن يروا شيئآ جديدآ يناسب هذه التطلعات ولكن!!!

الاستاذ عادل نجيلة صباح الخير
والله موضوع ايفون فايف عمل لينا وجع راس لكن جاب معاه فوائد جمة اهمها كثرة عروض بيع ايفون فور اس فى الايباى ونزول سعره
طبعاً بالنسبه لى الايفون ياهو الايفون ولانه يؤدى الاغراض الاساسيه من اتصالات وانترنيت وملفات وكاميرات
وزيكم اتغشينا وكنت فاكر مشكلة البطارية اتحلت وسمعنا انه ح يكون فيه نظام الشحن بالطاقة الشمسيه والشاشة والكيبورد ممكن يتشاف فيشوال وتظهر كده ساى فى الهوا زى بتاعة افلام حرب النجوم والخيال العلمى

Quote: وحقيقة أصابتني حيرة كبرى خاصة أن أبني والبالغ من العمر عشرين عامآ لاينام خارج المنزل أو حتى يخرج دون أن يخبرنا

الجملة دى لفتت انتباهى وابتسمت ابتسامة رضا وفرح ودعوت لكم ربنا يحفظكم ويخليكم لبعض والله بختكم وصورة رائعة هى صورة افراد الاسرة الذين يعيشون مع بعض
عندنا فى اسكندنافيا لامن الابناء يبلغوا سن ال16 سنة يبداء التحريش انهم خلاص كبروا ولازم يرحلوا من بيوت ابائهم اللى فى الغالب يعيشون فيها مع احد الابوين اما الام او الاب وتبتدىء ترسخ فكرة الاستقلال بحياتهم الشخصية
واليوم اليبلغوا فيه ال 18 سنة بيكون عندهم شقة من البلدية جاهزة ده لو ما اساساً اشترى من حق التوفير وكلها شهر شهرين ويقولوا للام او الاب باى باى ولا شكراً على عشرة ولا على تربية

الحياة الاسرية فى الغرب تحتاج مجهود جبار ربنا يحفظنا جميعاً


اهديكم حاجة من قفشات ومقالب الايفون فايف فى اليوتوب

يا جماعة ما تسمعوا كلام دينق. دينق ده من الأعداء. شغال بتلفون اندرويد. ^_^

Quote: ولكذب شركة أبل عبر الجدول المقارن المرفق فإن إختراع جهاز يعمل بأسرع من ال wifi فتلك فرية كبرى ! كيف يعمل هذا الجهاز بأسرع من شبكة إتصاله والتي لولاها لما إستطاع أن يكون أون لاين!

شكلو كلامي ما كان واضح.
طيب، معروف أن أي اسمارت فون بيشتغل في الشبكة بتاعة اللي مشترك فيها حامل التلفون ذي AT&T . لكن لما تكون في البيت أو في استاربكس أو ماك دونالد او المطارات، التلفون بيتحول لشبكة ال wifi. معروف أن ال wifi اسرع جداً من شبكات شركات الاتصالات. لان ال wifi عبارة عن إنترنت في شبكة صغيرة في منطقة صغيرة. طيب الجديدة في تكنولوجيا التلفونات الجديدة أن التلفون اسرع في شبكة شركة الاتصالات من نفس التلفون في شبكة ال wifi.
تعرفوا يا جماعة كلكم بيقولوا التلفون ماسورة ليه؟ لانه بتظهر في الإنترنت فيديوهات ذي أفلام الخيال العالمي و بتقول أن ال أي فون الجديد ح يكون كده. و تكون اللي في الفيديو تكنلوجيا أصلا ما موجودة في الدنيا لسه أو ما متطورة كفاية عشان تتخته في تلفون
لكن صدقوني، ال أي فون الجديد افضل تلفون موجود في السوق الان.
لكن طبعا حب الناس مذاهب. أنا شخصيا عاوزه تلفون ممكن اسمع فيه الموسيقي بتاعتي و برامج الراديو بسهولة و بضغطة زر. عاوزه تلفون تنزل فيه افضل التطبيقات الجديدة اول بأول و ما اقعد انتظر ذي ناس اندرويد شهور و شهور لحدي ما المطورين يحنوا علينا.
و أي زول ( ذي دينق) يقول التلفون ماسورة ح نقول ليه the market has spoken
اليوم الاتنين بعد 3 يوم بس من نزول التلفون في السوق ابل باعت 5 مليون تلفون. و ما باعت اكتر من كده ما لانه الناس ما عاوزه التلفون. أبدا. السبب هو أن التلفون كمل من المحلات. و الناس في انتظار الشحنات القادمة.
One more thing ( عبارة الرحوم الشهيرة)، التلفون دي فيه أجمل شاشة في السوق الآن.

Quote: شكلو كلامي ما كان واضح. طيب، معروف أن أي اسمارت فون بيشتغل في الشبكة بتاعة اللي مشترك فيها حامل التلفون ذي AT&T . لكن لما تكون في البيت أو في استاربكس أو ماك دونالد او المطارات، التلفون بيتحول لشبكة ال wifi. معروف أن ال wifi اسرع جداً من شبكات شركات الاتصالات. لان ال wifi عبارة عن إنترنت في شبكة صغيرة في منطقة صغيرة. طيب الجديدة في تكنولوجيا التلفونات الجديدة أن التلفون اسرع في شبكة شركة الاتصالات من نفس التلفون في شبكة ال wifi.

سمارتي.

أها نبقى على جنس ده!

مطارات وماكدونلاند وستاربكس؟
It is 4G network. You have it or you don't

غايتو شخصيا بعد تجربة غير موفقة مع السامسونج ..ثبت
لى بما لايدع للشك انو الاجهزة دى بتضيع الزمن ..وعايزة
زول بالو طوييييل يقعد يعافر فى الحروف وال(touch)
الما بنتهى ..المهم بعد فشلت فى التعايش مع القصة دى ..
تخلصت من الجهاز ورجعت لحبيبى النوكيا ..كل العايزو
منو يتصل ويستقبل ..مكالمات ورسائل عند الضرورة ...
ووفرت على حالى مبلغ (يدنقد) ليهو حواشة كاملة زى
ما قال صاحبنا ...
هذا واستغفر الله لى ولكم ...

Quote: يدنقد

السلام عليكم أهلنا أهل العوض
الأخ محد
والله رجعتني ذي 25 سنة لي وراء

لكن بيني وبينك كلمتك دي دايرة ليها شرح

يا حليل زمان الدقندي حتي في البلدات (المطري)
اليوم كان أديت حواشتك كلها لي زول
أقول ليك ما دايرها


تحية خاصة للاخت اسمارت

وبنرجع بعد شوية



_______
الحليلة

لينا زمان نفتش ليك وجيت الليلة كايسنا
المقطع اعلاة مهدى إلى الأخت اسمارت وبقية المتداخلين
فى شيئ غريب دائر ليهو تفسير , بى الصدفة المحضة اكتشفت انو I have access to App Store من غير ماتظهر الرسالة بتاعت 1009 فقمة وريت كمية من الشباب فى نادى الإيباد
وقدرنا نزل كمية من ال app وبى كدة اتشجعنا انو ننزل الإصدار الجديد من iOS 6 ولى لحظة كتابة الكلام دة قادرين نعمل داون لود لى app بس عن طريق ال SIM card
المسالة دى حاولناها بى wiFi بتدينا الرسالة الثقيلة بتاعت 1009
على العموم اللهم لا حسد وخايف ناس ابل يسمعو الكلام دة ويقفلو المنفذ تانى
طيب ورونا أية اللى بيحصل دة \\\' الحاجة دى حصلت لى قبل كدة اليوم اللى انتقل ليهو بل جوبز للرقيق الأعلى

من شوية جربة انزل app على الإيباد مستخدما شبكة WiFi والغريبة زبطت معاى ونزلتة الابليكيشن بتاع weather بى مزاج

Quote: أها نبقى على جنس ده! مطارات وماكدونلاند وستاربكس؟ It is 4G network. You have it or you don't

دينق، كبرتا و خرفتا يا ولدنا
يا فرده أي تلفون بيشتغل كده. في حالة توفر ال WIFI التلفون بيستعملها طوالي. و دي حاجه مهمة جداً للتلفونات دي
عشان ناس شركات الاتصالات ما يبيعوني هدومي.
نتفلكس دي بتشتغل ساي كده اليوم كلو في التلفون و ال أي باد لو ما التلفون شغال بشبكة البيت او المطار و في طيرات ( الآن في بلو جت)
طلعتا عايش في البندر لكن ود أقاليم يا دينق. نوديك أريزونا بعد كده.

اها يا سمارت دا ال5 استلمتو اليوم ومافي فرق بينو وبين ال 3g
تبدلو بال 4s؟

يا سمارتي.

ليه أنا أقعد أكوس في المطارات والقهاوي والمطاعم!
شركة أبل وAT&T بيعملو في دعايات تضليلية ويحاولون أقناع الناس بأن الاي فون it is 4G ولكنهم في نفس الوقت لا يقولون أن ال 4G تلفون من غير ال 4G network لا يساوي شئ. زي تكون أشتريت لك عربيةسريعة جدا ولكنك مجبور أن تلتزم بالسرعة المحددة.
بالمناسبة. هسع في أمريكا بجانب T-Mobile and Verizon منو تاني عندهم شبكة 4G؟

Quote: ليه أنا أقعد أكوس في المطارات والقهاوي والمطاعم! شركة أبل وAT&T بيعملو في دعايات تضليلية ويحاولون أقناع الناس بأن الاي فون it is 4G ولكنهم في نفس الوقت لا يقولون أن ال 4G تلفون من غير ال 4G network لا يساوي شئ. زي تكون أشتريت لك عربيةسريعة جدا ولكنك مجبور أن تلتزم بالسرعة المحددة. بالمناسبة. هسع في أمريكا بجانب T-Mobile and Verizon منو تاني عندهم شبكة 4G؟

هنا مربط الفرس يادينق

يا عادل نجيلة و دينق الفرس اصلا ما موجود
دينق....يا اخى ما تبقى غالاط (ذى زول صاحبنا كده).^_^
1-يا اخى انا ما قلت ليك امشي فتش المطارات و القهاوى. قلت ليك التلفون ده ح يكون اسرع فى شبكة شركات الاتصالات من الانترنت فى المقاهى.يعنى هسي ما بتحتاج تمشي المقاهى عشان السرعة
2- استعمال المقاهى ما ليه دخل بسرعة الجهاز. الناس الان بيستعملوا المقاهى ما عشان السرعة. بستعملوها عشان شركات الاتصالات بقى ما عندها حاجه اسمها unlimited data ...و بيدوك كوته معينة بعدها بيدفعوك بالكيلو بايت.
3- و ده الاهم....معلوماتك قديييييمة......دى قايمة المدن اللى فيها 4G -LTE من AT&T

Alabama
•Birmingham
Alaska
•Anchorage
Arkansas•Fayetteville-Springdale-Rogers
Arizona•Phoenix
California•Bakersfield
•Los Angeles
•Modesto
•Oakland
•Sacramento
•San Diego
•San Francisco
•San Jose
Connecticut•Bridgeport
Delaware•Wilmington
District of Columbia
•Washington, D.C
Florida•Ft. Lauderdale
•Jacksonville
•Miami
•Naples
•Orlando
•Sarasota-Bradenton
•Tampa-St. Petersburg
•West Palm Beach
Georgia•Athens
•Atlanta
•Gainesville
Hawaii•Honolulu
Illinois•Chicago
Indiana•Bloomington
•Indianapolis
•Lafayette
•Muncie
Kansas•Wichita
Louisiana•Baton Rouge
•New Orleans
Maryland•Baltimore
Massachusetts•Boston
•Worcester
Michigan•Detroit
Missouri•Kansas City
•St. Louis
Nebraska•Omaha
Nevada•Las Vegas
New York•Albany
•Buffalo
•New York City
•Rochester
•Syracuse
North Carolina•Burlington
•Chapel Hill
•Charlotte
•Fayetteville
•Greensboro-Winston-Salem
•Raleigh-Durham
•Wilmington
Ohio•Akron
•Canton
•Cincinnati
•Cleveland
Oklahoma
•Oklahoma City
Oregon
•Portland
Pennsylvania
•Philadelphia
•Pittsburgh
Puerto Rico
•San Juan
Tennessee
•Lawrenceburg
•Memphis
•Nashville
Texas
•Austin
•Bryan-College Station
•Corpus Christi
•Dallas-Fort Worth
•Houston
•San Antonio
•Waco
Washington
•Seattle
و دى مدن شغالين فيها:

Arizona
•Tucson
Arkansas
•Little Rock
California
•Salinas-Monterey-Seaside
Colorado
•Denver-Boulder
Connecticut
•New Haven
•Hartford
Florida
•Ft. Myers
Idaho
•Boise
Indiana
•Gary
Kentucky
•Louisville
Maine
•Portland
Massachusetts
•Springfield
Michigan
•Grand Rapids
Minnesota
•Minneapolis
New Hampshire
•Nashua
New Mexico
•Albuquerque
Ohio
•Columbus
•Toledo
Oklahoma
•Tulsa
Pennsylvania
•Allentown
•Harrisburg
•Lancaster
•Reading
•Wilkes-Barre
Rhode Island
•Providence
South Carolina
•Charleston
•Columbia
•Greenville
Tennessee
•Knoxville
Texas
•El Paso
Utah
•Salt Lake City
Wisconsin
•Milwaukee
•Green Bay
بعدين ما دام انت (فاكر) ان ال 4G فى T-Mobile and Verizon ...ابل عندها ايفون 5 فى Verizon ..

سلامات يا سمارت

Quote: .يا اخى ما تبقى غالاط (ذى زول صاحبنا كده).^_^

والله انا لو كان عندى منصب عالى فى Apple كونتا طوالى عملتك marketing manager

المعروف انّو ماقى طرقة دعايه احسن من ال verbal marketing و سمارت على ما اعتقد خلت ناس كتارعبر بوستاتها يشترو اجهزة Apple ال(useless) :)

انت متأكده انك ما شغّاله مع ناس Apple:)

Quote: ال(useless)

تف من خشمكـ.

أبل دي زي العربية الميني كوبر ما دايرة زبائن إلا يكونو مقتنعين يشيلو تلفون أبل
الماركت قدامكم و كلو زول يفتش الداير يسوق ياباني يمشي للياباني و الداير يسوق أمريكي يمشيي لأمريكي و من تنازعه نفسه للألماني يمشي عليهو
و تبقي الميني كوبر سيارة صغيرة جداً لكن لا يقودها الا محبيها أو من هو مقتنع بأنها تؤدي دور السيارة المطلوبة.

رانى و امين ولدنا....يا جماعة انا مساهرة اشتغل...ما تشغلونا....خلونا نشتغل.^_^
اول حاجه مبروك يا رانى التلفون. ربنا يكتب ليه فيه الخير
لكن خاف الله.....كيف يعنى ذى 3g??? . رسلوا لى ...برسل ليك بدله 4S ...انا ماشه السودان شهر ١٢. لو ناس At&T رفضوا يفكوه لى بفكر اشترى ليه تلفون مفتوح و اشوف ليه بيعة فى الخرطوم. اها يا ناس الخرطوم .....800$ اى زول فيكم عاوز تلفون ????


امين...ايوه (تف من خشمكـ) يا اخى. مالك علينا???
يا ريت لو كنتا شغالة فى ابل. انا بس نوع الناس اللى بتحمس فى الدنيا لحجات قليلة جدا. لكن لو اتحمستا لحاجه ما بسيبها بالساهل.
ذى حماسي لكتب رجل المستحيل و لافلام star war و ساينفيلد و د. هاوس.

اقول ليك سر? اليوم مشيت لناس ال IT فى شركتنا عشان مشكلة كده فى كومبيوتر. المهم...لقيت عندهم تابلت HP شغال ب ويندوز 8. و عجبنى شديد. و الزولة اللى كانت شغالة فيه قالت لى السيرفر بتاع ماكيروسفت ح يكون خرافى.....غايتو لو تلفونهم و تابلت بتاعهم عجبونى ببيع ابل ذى العجب^_^

انت يا سمارت ليه ما ممكن انقل بيانات من ال iphone ل باقى الموبايلات الا ب ال Bluetooth من تلفون ما jailbreaked؟.......شكلهم عايزين الترانسفيرز كلها تكون عن طريق Itune لزيادة الارباح(تحليل خاص)

Quote: امين...ايوه (تف من خشمكـ) يا اخى. مالك علينا??? يا ريت لو كنتا شغالة فى ابل. انا بس نوع الناس اللى بتحمس فى الدنيا لحجات قليلة جدا. لكن لو اتحمستا لحاجه ما بسيبها بالساهل. ذى حماسي لكتب رجل المستحيل و لافلام star war و ساينفيلد و د. هاوس.

رجل مستحيل شنو...........روايات عبير ماله.....محمد ولد بس :)

يل قيتس منع اسرته مت استخدام منتجات ابل......wise