الهلال عادي والمريخ استحق النصر .

رغم هلاليتي الصارخه شعرت بالحزن من اجل الهلال . لا اتابع الرياضه السودانيه كثيرا ولكن شاهدت لقاء القمه اليوم وبصراحه الهلال كان الاسواء و
المريخ استحق الفوز فمبروك له الاداء . كلمتي لادارة الهلال واحده . اعيدوا لنا هيثم مصطفي مهما كلف فهو افضل لاعب هلالي .
لاعب المريخ رمضان لاعب جيد جدا وكلتشي خطير وشكل صداع وبصراحه لقد نجي الهلال من هزيمه كبيره في الشوط الاول .
في الختام اتمني الاستقرار الاداري في نادي المفضل الهلال . من مصلحة المريخ ان يكون الهلال قوي فنيا واداريا من اجل فائده الكره السودانيه .
سمعت ان هنالك اعمال عنف وخلع كراسي واتمني ان يكون المصابين بخير . دعونا نرتقي ونفكر قليل والموضوع مفروض يكون رياضه ومرح .

هدف ابراهيما سانيه في الحضري. روعة!!!!!!!

لا اشاركك هذا الرأي مطلقا
تسيد المريخ الشوط الاول و ليس تماما فقد استلم الهلال الكرة في بعضه بينما تسيد الهلال المبارة الشوط الثاني تماما و كانه يؤدي تمرين في الهجوم الكاسح و التوغل من العمق و الأطراف و ظل المريخ في وضع المدافع طيلة 40 دقيقة لذا لا اظن ان المريخ استحق التعادل حتي
و زي ما قال عبدالعظيم هدف سانيه في الحضري روعة

تكون اكتفيت بالشوط الاول و مشيت اتعشيت

يا زول قول بسم الله مريخ شنو الاستحق الفوز و هو ما شاف الكورة بى عينه فى الشوط التانى

بس عليهم انهم يشكروا الحضرى و يستحملوه مهما شتمهم او اساء لهم

لكن نحن عندنا ليه الدواء المر وكل مرة بنجيب ليه ساني دا لامن يشرد

و لك التحايا فى البدء و فى الختام

سلامات
وعوافي
رغم ضعف دفاع الهلال ..
الا ان الهلال في نظري كان جيدا لفترات قصيرة في الشوط الاول ..
والعلامة الكاملة في الشوط الثاني .. دا كان هلالي خالص ..
ياخي الشوط التاني دا والله انا اتمنيت يعملوا مية دقيقة ..
ماتنسوا ياجماعة النقص في وسط الهلال ..يعني المباراة لا عمر بخيت لا علاء الدين ..نص في السهلا ..
لولا براعة نزار حامد الذي قدم مباراة اكبر من كبيرة وظلم في نجومية المباراة هو واحمد الباشا من المريخ "طبعا الحضري بيستحقها بلا شك" ..
وكما قلت في بوست اخر ريكاردو قدم هدية للهلال باخراجه لاحمد الباشا .. لانو كان ركازة وسط المريخ وممول جيد لخط هجومه ..
انا بفتكر انو الهلال لعب مباراة كبيرة جدا .. وربنا يوفقو في بقية مباريات الممتاز والكونفدرالية ..
واسأل الله ان يكون كأس الكونفدرالية هلاليا خالصا ..
آمين ..

لم أشاهد المباراة وكنت أتابع نتيجتها من أنترينت الهاتف وفي كل دقيقة كنت أعيد الكرة وثقتي لم تهتز بأن الهلال سيعادل النتيجة وربما ينتصر ..ولم يخب ظني ...غير ان حشر هيثم مصطفي في كل شاردة وواردة هو أنكار لجهد هذه الكوكبة والتي تلعب افضل دونه.. الهلال لم يتجرع طعم الهزيمة طيلة غياب هيثم مشاكل هذا..وهذا المدرب الذي يعاديه هيثم باشا مع زمرة الاعلام الموالي له لم يخرج مهزوما في اي مباراة لعبها حتي الأن وديه كانت أم دوريه أو حتي في دوري الابطال والكونفدالية.. أنه أعظم مدرب مر علي الهلال بل علي السودان قاطبة...طالما كان هيثم بعيدا فالهلال بخير ...

الشكرا للجميع ..حقيقه انا لست كاتب رياضي او كروي متخصص وكتبت من القلب وبالطبع ليس كل ارائ صائبه . لقد شاهدت كل المباره ولكن المريخ بدا لي اكثر حماسه او جديه . من المحتمل وضع الهلال المريح في الصداره اثر علي العطاء
او النقص في بعض الخانات . بالطبع لا قصد التقليل من عطاء العناصر الموجوده في النادي حاليا ولكن بصراحه انا من محبين طريقه لعب هيثم مصطفي وهو لاعب فلته . مهند الطاهر طريقة قريبه من لعب هيثم ولكن ضعيف في الدفاع بحسب مشاهدتي له .
لقد شاهدت مباريات قمه افضل من مباراة الامس . تحيه للجميه ..