لا لتحقير و تعذيب السودانيين بدولة الامارات

أخي بكري

تحية طيبة
أولا:
نرفض وندين ونستنكر تحقير السودانيين وإذلالهم وتعذيبهم في دولة الإمارات. كل هذه الأشياء ظهرت في هذه الشريحة.

ثانيا:
ما هي الملابسات وما هي الأسباب لما جرى لهؤلاء السودانيين التي عرفتها قناة سودانيز أونلاين يوتيوب التي وضعت الشريحة؟

ثالثا:
نرجو من الذين يعرفون شيئا عن هذه المسائل أن يكتبوا.. فقد مر أكثر من 500 قارئ من هنا ولم أجد سوى تعليق واحد وهو علامة استفهام من عمران حسن صالح.


وشكرا

ياسر

بوست غير موفق .. اطالب بحذفه

نعيش فى امارات الخير من سنين معززين مكرَمين مرفوعي الراس من غير اساء وتجريح.

شيخ زايد عليه رحمة الله وجميع شيوخ الامارات اياديهم بيضاء علي السودان والسودانين

واود تزكيرك ومن خلأل منبرك هذا اسهمت الشيخة فاطمة فى كل تكاليف علأج الاخت سناء ضحية ماء النار.
وهنالك الكثير من الاسهامات الجليلة المعلنة وغير المعلنة

Quote: لا لتحقير و تعذيب السودانيين بدولة الامارات

يا راجل عيب الكلأم ده وخلى العنوان موضوعى شوية

Quote: بوست غير موفق .. اطالب بحذفه نعيش فى امارات الخير من سنين معززين مكرَمين مرفوعي الراس من غير اساء وتجريح. شيخ زايد عليه رحمة الله وجميع شيوخ الامارات اياديهم بيضاء علي السودان والسودانين واود تزكيرك ومن خلأل منبرك هذا اسهمت الشيخة فاطمة فى كل تكاليف علأج الاخت سناء ضحية ماء النار. وهنالك الكثير من الاسهامات الجليلة المعلنة وغير المعلنة

صدقت أخي أشرف في كل ما قلته
أخي العزيز بكري

اقول لك كلمة حق

أن الشعب الإماراتي من أكثر الشعوب تهذيبا وأدبا وخلقا

ونحن كسودانيين عشنا معهم ولم نختلف معهم لانهم بمعاملتهم الكريمة واخلاقهم العالية

وقبل ذلك خوفهم من الله سبحانه وتعالى يمتصون اي غضب وينصفون الوافد أكثر من المواطن

رغم اختلافنا مع جنسيات أخرى موجودة في الامارات.

وهذا الفيديو نشاذ عن القاعدة

ومتأكد انو لو قدمناه للجهات المسئولة ستعاقب المسؤول

تحياتي

أخوك أسامة محمد إدريس

فيكم عذاب

في كهرباء وفي تخليع اظافر

في كلاب تاكلكم

العن من سجن بوغريب

Quote: فيكم عذاب في كهرباء وفي تخليع اظافر في كلاب تاكلكم العن من سجن بوغريب

مجرد كلأم بتقال فى اي قسم شرطة فى العالم للمشتبهه بهم كنوع من الضغط النفسى.. كدي امشى اسال اي ضابط شرطة عن هذا الموضوع.

ياخ الامارات دى الوجهه المفضلة للسودانين وهنالك اكثر من عشره رحلأت يومية تجارة وسياحة وعمل ..الخ

قام الاخ بكري بوضع هذا البوست كعنوان رئيسي فى قمة المنبر كنوع من الاثارة

عنوان البوست فيه كثير من التضليل واطالب بحذفه او علي الاقل تغير العنوان لاخر موضوعى.
Hate/Discrimination
Web pages that provide information that would encourage the oppression of a specific group of individuals.
This includes promoting, explicitly or implicitly, an agenda against groups based on race, religion,
nationality, gender, age, disability, or sexual orientation. Political parties with a specific hate-based agenda
may be included.
If involving jokes or humor, the focus of the entire site must be considered hateful or discriminatory to fall


قايتو الله يستر علي موقعك هنا يا بكري اذا ادي هذا البوست الى نوع من الكراهية والتجريح

الأخ الكريم/بكري أبوبكر
السلام عليكم ورحمة الله وبركاته

لا لإلقاء الكلام على عواهنه فالكلام هنا يخص دولة شقيقة ويمس مواطنين سودانيين
إن كنت ترى أن هذا المنبر قد أخذ صفة الريادة والقدرة على التأثير فينبغي أن يتسم طرحه بالنهج العلمي خاصة من قبل رائده لذا نرجو أن تتكرم بتبيان وجلاء الأمر حينها سنقف مع الحق.

للحقيقة

لم نجد من الامارات والاماراتيين الا كل معاملة حسنة
وللحقيقة فانهم يعاملونا معاملة خاصة جدا وايجابية عن بقية الشعوب
فلم اجذ الاماراتي يهظر الا مع سوداني

ثانيا كما تفضل اخوه عاليه
وجدنا شعب الامارات افضل شعوب الخليج اخلاقا وتعاملا واحتراما للغير

بوست غير موفق أطالب بسحبه وإيقاف صاحبه
الإمارات العربية المتحدة دولة مضيافةتحترم الوافدين وتوفر
لهم كل أسباب الحياة الكريمة لا فرق عندها بين سوداني ومصري وتايلاندي فالكل
في أرض زايد الخير سواسية يجدون الإحترام من المواطن الإماراتي وكأنه صاحب البيت
إلا من خرق القانون .

بكرى ابوبكر
صمت دهرا ونطق كفرا
اذا كانت هذه نوعية بوستاتك فانصحك بالاكتفاء بدور الادمن!
كم عدد السودانيين بالامارات وكم عدد من تعرضوا لهذه المعاملة بافتراض صحتها واسباب اللجوء اليها
للاسف السودانيين يتلقون فى بلاد الغربة افضل مما يتلقونه فى بلادهم التى تقصفهم بالانتنوف وتضطرهم الى اللجوء الى الكهوف
الامارات لا تتد خل فى شئون السودان بدعم طغاته كما تفعل الدول الاخرى

جنى

الصوت ما واضح .. لكن من الكلمات التى التقطتها
يبدو أنهم عمال فى مزرعة
و هناك تلاعب فى عملية شراء اسمدة من او بمعرفة باكسنانى
تم كشف العملية و ابلاغ الشرطة .. من صاحب المزرعة
حضرت الشرطة و اقتادهم للتحقيق فى مخفر الشرطة من مسكنهم الى يبدو انه سكن جماعى لحوالى 12 شخص
اعتقد ان الجملة التى قيلت عن التعذيب هى للتخويف و حمل المذنب او المذنين للاعتراف
______
و يبدو من الفيديو ان صاحب المزرعة فى حالة من الغضب الشديد لما حدث
لان السودانيين و خاصة من يعملون فى المزارع و غيرها مؤتمنين و يمنحون ثقة كبيرة

عنوان صاعق ومضلل !!

العز والمعاملة الكريمة اللقوهم السودانيين في دولة الإمارات
ما لقاهم سوداني في جميع دول العالم بما فيها السودان نفسو وطنو الأم
ولا لاقياها جنسية تانية

الإماراتيين يحبون السودانيين بأكثر مما يفعلون مع أي جنسية أخرى

عايزين تفتحوا فضايح الشرطة افتحوها في العالم كلو وابدوا بي غوانتنامو عشان نشوف التحقير والتعذيب الماخمج



والله عيب ..

Quote: بوست غير موفق أطالب بسحبه وإيقاف صاحبه

طلحة ... تظل دوما كاتبي المفضل ....


اضم صوتي لمن سبقوني ..عنوان البوست تضليلي ولم نجد من الاخوة الخليجيين الا المحبة والاحترام

بكري أبوبكر
صمت دهراً ونطق منكراً

يا باشمهندس أسحب البوست دا وأوقف نفسك لربع على الأقل
أي زول مقيم في الإمارات أو حتي جاءها زيارة فقط عندما يقرأ هذا البوست
سيتأكد له الإستهداف والتلفيق والظلم .
يا بكري إذا سألت أي زول مقيم في الإمارات أو كان مقيم أو جاء
زيارة سيقول لك بلا تردد أنه وجد كل الإحترام وكل الكرم وحسن الضيافة في أرض
زايد الخير .

اتمنى عدم حذف البوست او انزاله من العناوين

فهو افضل تصويت لرائ السودانيين في الامارات

وهذا الراي الذي تمنعنا شخصيتنا العجيبة من التعبير عنه


طيب وكت كلكم بتحبو الامارات وناس الامارات
ما بتعبروا عن الحبه ده ليه

والله هم بستاهلوا
وبعبروا عن تقديرهم ومحبنتهم لينا بصورة واضحة وعلنية

يا وليد المبارك
الإمارات شعبا وحكومة لا ينتظرون جزاء أو شكورا من أحد فهم يفعلون ما
يفعلون لان ثقافتهم التى رضعوها من والدهم الشيخ زايد الخير رحمه الله وأحسن إليه
هي الشهامة والكرم والإحترام فهم لا يتكلفون ولا يصطنعون هذه المشاعر بل هي تلقائية
خالصة.. وصدقني لا يعجبهم أبدا أن يمتدحهم الآخرون لأنهم يعتبرون ما يقومون به
واجب يرجون به مرضاة الله وحب الناس لهم من غير من ولا أذي .
الإمارات العربية المتحدة يا وليد شعبا وحكومة أكبر من كل كلمات الإطراء مهما
بلغ المادح من بلاغة وحسن خطابة.

ما اختلفنا يا طلحة

بس هم موصلين مودتهم لينا بصورة علنية ومباشرة

Quote: العز والمعاملة الكريمة اللقوهم السودانيين في دولة الإمارات ما لقاهم سوداني في جميع دول العالم بما فيها السودان نفسو وطنو الأم ولا لاقياها جنسية تانية الإماراتيين يحبون السودانيين بأكثر مما يفعلون مع أي جنسية أخرى

كلام صحيح 100%


عليه أخي بكري

الرجاء التكرم بسحب هذا البوست

لانه منافي للحقيقة وظالم لدولة الامارات وشعبها المضياف

Quote: اتمنى عدم حذف البوست او انزاله من العناوين فهو افضل تصويت لرائ السودانيين في الامارات وهذا الراي الذي تمنعنا شخصيتنا العجيبة من التعبير عنه طيب وكت كلكم بتحبو الامارات وناس الامارات ما بتعبروا عن الحبه ده ليه والله هم بستاهلوا وبعبروا عن تقديرهم ومحبنتهم لينا بصورة واضحة وعلنية

إنت ما عارف يا وليد (تهمة) البشكر ليهو بلد ولا يعبر عن إمتنانو عند السودانيين شنو؟

يا إما يكون منافق
أو بتاع دهنسة ولا الكلمة البايخة ديك

ما قادرين يستوعبوا الإمارات دي تحديداً عملت وقاعدة تعمل للسودانيين وغيرهم شنو ..
وإنو أي كلام شكر ما بيوفيها حقها ..

عارف يا تيسير
عشان كده قلت شخصياتنا العجيبة واضيف هسع المعقدة تمنعنا عن التعبير عن مشاعرنا


وعشان كده قلت البوست ده يقعد عشان فيه تصويت واضح لمحبتنا لهذه الدولة

ولو ما البوست ده والله ما كان قلتو بغم فيهم

خلوه قاعد وكت مرقت منكم بالقوه

يا وليد أنا إتولدت وإتربيت وإتعلمت وإتزوجت وأنجبت وإشتغلت في الإمارات
يعني عشت وعايشت معظم مراحل تطورها من زمن كانت تراااب لغاية الجيت شفتو داك

والله والله الغربة البحس بيها في السودان لمن أمشي لأي وزارة ولا مصلحة حكومية بسبب معملة من يفترض إنهم أولاد بلدي
ما بحس بيها في الإمارات ولا من شعب الإمارات !!



بوست مؤلم بالجد ..

ياخ نحن البنجيها طشاش يا تيسير مشروقين فيها

طبعا يا تيسير انا زول سوداني عوير ######يف وشناااااااااااااااااااااااف
ولفيت كتيييييييييييييييييييييير في العالم خواجات وعرب وافارقة

ما ارتحت الا في الامارات دي

ولي 6 سنوات دون انقطاع اجازتي السنوية الم والم والم والملم واقضيها في الامارات
وكل ما تجيني سفرية خارجية بقطع بطيرانها كان الاماراتية لاو التحاد قد ما اقدر
ولاذم ايها غشوة في الرجعة للسودان ومرات بتكون 24 ساعة بس

وده كله بسبب الاحترام الزول البلقاه هناك

أكثر من ثمانية سنوات قضيتها مقيما في دولة الإمارات ومنذ اليوم
الأول لي بهذه الدولة المضيافة باذخة الكرم والجود لم أشعر أبدا
إنني في غربة بل ع العكس شعرت بهذه الغربة عندما عدت في أول إجازة
للسودان لأنني في أرض زايد الخير وجدت ترحيبا وإحتراما لا يوصف وهو
بالضبط ما يحدث لكل (زول ) ساقته نيته الطيبة لهذا البلد الطيب.
في الإمارات وجدت الأمن والصحة والتعليم والإحترام كما لم أجدها في
في أي بلد في العالم وقد سافرت إلى معظم دول العالم تقريبا .
أحذف هذا البوست يا باشمهندس إحتراما ورأفة بمشاعر السودانين المقيمين بهذا
البلد الكريم أهله .

معليش .. بوست مجحف سـ خيف..

لا يوجد شعب مثالي ولا توجد مدينة فاضلة
لكن الساكت عن الحق شيطان أخرس ..

الإماراتيون يا بكري -بصورة عامة- من اكثر شعوب العالم تهذيبا .. كما انهم ناس مسالمين لدرجة بعيدة..
علاقتهم بالسودانيين علاقة فيها كثير من الثقة.. الإحترام.. والود الصـــــادق..
للإماراتيين طيبة لا يخطؤها القلب النظيف.. وصعب عليهم جدا كسر خاطر الآخرين ناهيك عن إيذائهم..
والله لكانما اتوا من زمن غير زماننا هذا..
الإمارات من اكثر دول العالم امنا وأمان.. يتعايش الجميع على اختلافاتهم في هارموني وسلام
ماشفنا شكلة ولا حجازين..

في الإمارات يا بكري الناس ممكن تنوم وابوابها غير موصدة..
في الإمارات لا تحتاج ان تراقب ممتلكاتك طول الوقت ولا تحسب ليك باقي في محل..
في الإمارات تسوق والشارع منور الى ان تصل لوجهتك.. بعد ساعة او اربعة ساعات..
في الإمارات لا يتعرض رجل لإمرأة في الشارع.. لا معاكسات ولا خدش لكرامة النساء..
الإماراتيون.. شعبا وحكومة لا يتدخلون في حياة الناس .. عش ودع غيرك يعيش..
ما بتلبوا عليك او يباروك ناس امن.. ولا شرطة نظام عام..

شعوب الخليج كلهم على جنب.. والإماراتيين على جنب لوحدهم..
شعب نقي الدواخل..

الناس ديل كحامل المسك ..عندما يمروا بجانبك -رجال كانوا ام نساء- تتنسم اجمل العطور
وكذلك دواخلهم.. ناس نضاف برة وجوة يا بكري..


____
أحذف يا باشمهندس وأخد ليك إجازة بعد الأرشفة..



التعديل لتمرير كلمة سخيف ..

اي امارات تقصد يا بكري ....
العذايب في دولتك ....والتي كانت بدورها جعلت اولادها واهلها يفرون ليتشتتوا في بقاع الارض ومنهم من اكرمه الله ليكون ف امان الله ليدخل بسلام امنا مطمئنا الى الامارات ....لا اكتفي بان اقول اهل الخير وناس الخير بل بلد العطاء والاخذ
بلد العلم والافاق المستنيرة
11سنة وانا داخل كل انواع الحراك ثقافي واجتماعي وسوداني ....تعلمنا القيم الانسانية واحترام الذات الانسانية التي لم تتوفر في بلادنا
علمونا كيف يرتقي الانسان بشعبه ..
علموناماذا يعني ان نقف احتراما لحاكم او شيخ بكل معاني الوقوف

ورغم ان هذا لا يمنع ان يقع احدنا في الاخطاء ليتعاقب داخل سجون الامارات التي تعج بالكثير ولكن يمكن ان تسال احدهم عندما التقيتهم يوما وكنا بصدد عمل خيري ليخرج من السجن من نستطيع في عمل خيري من الجالية السودانية قال لي احدهم لا اريد ان اخرج فانا هنا مرتااح ....
الاخ بكري هناك من السودانيين من يستاهل يجلدوه ويسجنوه ويرجموه لانهم يخربوا لنا ويزلزلوا لنا ما رسخهه من صفات جميلة سودانية القدامى الذين رسخوا لنا قيم وصفات جميلة حتى اصبحنا مميزين دون غيرنا من الشعوب
شكرا لشعب الامارات السمح خلقة واخلاق
وشكرا لحكام الامارات السبع لما يفعلونه مع شعبهم ليعطونا دروسا قيمه
وعفوا وعذرا جميلا لما وصلك اخي بكري من معلومات مغلوطة
محبتي

Quote: العز والمعاملة الكريمة اللقوهم السودانيين في دولة الإمارات ما لقاهم سوداني في جميع دول العالم بما فيها السودان نفسو وطنو الأم ولا لاقياها جنسية تانية الإماراتيين يحبون السودانيين بأكثر مما يفعلون مع أي جنسية أخرى

i agree 100%

بوست مضلل جدا يا بكري...

وفي عنوانه تعميم مخل

وبرغم أنني لا أعيش في الأمارات...الا انني أعرف حبهم
للسودان والسودانيين..وما عليك الا ان تشاهد اي
حفلة سودانية منقولة من الامارات ...ستجدهم هناك
بالرغم من انك لو بحثت عنهم في الشوارع فلن يصادفك
أماراتي من قلة عددهم...
ما ورد في هذا الفيديو..لا يعتبر تحقير ولم نري
تعذيبا فيه...ويبدو أنه مرحلة من مراحل التحري
وبمعرفة الشرطة...المتواجده في المكان...والذي
يبدو أنه سكن عمال مزرعة...إرتشوا...وفق ما ورد
في الفيديو...

ومع ذلك فقد إقتادتهم الشرطة للتحقيق والمحاكمة
ولم يساقوا الي جهة غير معلومة...وستثبت الايام
ان كانوا بريئين أم مذنبين؟؟
وستثبت الايام كذلك إن كانوا قد تعرضوا لتعذيب


فلم هذا الفيديو يا بكري وبهذا التعميم المخل...


أسحب يا رجل...ولا تعطي نفسك سلطة تحكيره أعلي
الصفحة...وتعكر مزاج جالية تنعم بكل الامان
والرعاية الكريمة بدولة الامارات...
وهي من اقدم الجاليات في الخليج...وأكثرها
تماسكا وتداخلا مع أهل البلد....

أرميه الخور غير مأسوفا عليه...وبدون تردد

Quote: أرميه الخور غير مأسوفا عليه...وبدون تردد

أكثر من ثمانية سنوات قضيتها مقيما في دولة الإمارات ومنذ اليوم
الأول لي بهذه الدولة المضيافة باذخة الكرم والجود لم أشعر أبدا
إنني في غربة بل ع العكس شعرت بهذه الغربة عندما عدت في أول إجازة
للسودان لأنني في أرض زايد الخير وجدت ترحيبا وإحتراما لا يوصف وهو
بالضبط ما يحدث لكل (زول ) ساقته نيته الطيبة لهذا البلد الطيب.
في الإمارات وجدت الأمن والصحة والتعليم والإحترام كما لم أجدها في
في أي بلد في العالم وقد سافرت إلى معظم دول العالم تقريبا .
أحذف هذا البوست يا باشمهندس إحتراما ورأفة بمشاعر السودانين المقيمين بهذا
البلد الكريم أهله .

البوست دا عبارة عن كومة كبيرة من البهتان والإفك
أسحب وأوقف نفسك ربعا ع الأقل يا بكري من أجل إستمرار ديمقراطية هذا المنبر .

لا لتحقير و تعذيب اى انسان في اى مكان
و لكن
ارجو مشاهدة الفيديو
و معرفة القصة الحقيقية
و اين هم الان

عملت في الامارات خمسة سنوات في (شرطة ابوظبي)

واقول :

خمسة سنين معاك يا زينة الأيام
يا نوّارة الحلوين مرّت حِلوة زي أنسام
وزي أحلام صبيّة نديّة، زي ياسمين
وزي لهفة بعيد مشتاق
يلاقي أحبّته الغايبن
خمسة سنين
ودرب الريد معاك أخضر
خمسة سنين، بريدك كل يوم أكتر
أحاول مرّة بس أنساك
عشان يا غالية أتذّكر
أجي وألقاك، ديمة معاي
وألقى هواك ملك دنياي
وفي أعماقي إتحكّر

يا بكرى انا قضيت اكثر من 14 عام فى دبي
واكثر اصدقائى من الاماراتيين
مابعرف عنهم غير الكرم والطيبة وحبهم لنا

بوست غير موفق ويسئ لبورداب الامارات فى المقام الاول

م. بكري لك تحية والود والتقدير

سمعت كثيراً عن تمييز الشعب الإماراتي ، ونبله وشهامته ، وتعامله الراقي جداً مع الشعوب المقيمة بدولتهم ـ

ولكن ترسخت قناعتي أكثر حينما زرت بدلهم لفترة وجيزة ، وما رئيته أكبر مما سمعت عنه

كما أنني وخلاف دول أخرى ، فكل مقيم بهذه الدولة ، وحينما تسأله عن معاملة الشعب الإماراتي معهم ـ يكيل لهم من المدح والثناء الكثير

هل تعلم ويعمل من مروا هنا أن وظيفة رئيس بلدية وهى بمرتبة وزير لم تمنح للاجانب سوى للسودانيين ، وفي يوم من الأيام وكما ذكر لي محدثي أن 5 من مجموع 7 بلديات كان روؤساؤها سوادانيين ومنهم كمال حمزة وأحسب أنه حتى اليوم يشغل منصب رفيع للغاية بالدولة

أغلب من تداخلوا في هذا البوست أمنوا على حديثي هذا ـ وأكدوا أن هذه الحادثة فردية ، وهى لا تؤكد وتجزم أن ضرراً لحق بهؤلاء

عليه أضم صوتي لأغلب من مروا هنا ـ وأناشدك سحب هذا البوست

حتى لا نكون كمن (يضطبز) عينه بأصبعه ، ونحن نحلق الضرر بعلاقة مميزة بشعب مميز

فمثل الإحترام الذي نجده من الشعب الإماراتي الأخرون بالفلوس ما محصلنو

التعديل لانو ما حاتداخل تاني .. ونشوف بكري ده نهايتو شنو!!!

Quote: سوف اقوم بنفسى ب .... موقعك ده

هكر البوست دا بس...لحقو أمات طه
باقي البوستات خليها..

::::::::::::::::::::::::::::::::::
وبعدين بكري دا من ما لصق صورتو
أم دقينة دي ...قلت الدقينة دي ما حا تعوس
طيبة....

الناس كلها تناشده يرمي البوست الخور...وهو يستحق التخوير بجدارة
ولا يستجيب...بينما...لو ناشده أحدهم بتخوير بوست عضو...تلقاه كف نجف
رماه في الخور دون أن يطرف له جفن...واحيانا حتي بدون أن يقرأه...

نفهم من ذلك أن بوستات الرئيس معفاة من التخوير وعندها حصانة؟؟؟
طيب دي ما الديكتاتورية زاتا اللحقت النميري الصح....

يا ود البصير صدقني أنا كمقيم في الإمارات ما قلق لأنو البوست دا ممكن يخلق بلبلة
أو يضر بالعلاقة كما أشرت أنت.ز بالعكس أنا واثق أكثر من ثقتي بنفسي أن الإماراتيين إذا قرأوا هذا البوست
فهم أكثر ما يمكن أن يفعلوه أن يضحكوا على هذا الإفتراء فهم بطبعهم شعب حليم حكيم
لا ولن يتعاملوا مع الناس برد الفعل كما أعرفهم عن تجربة وإختبار.. هم أكبر وأعظم من هذه العواطف
اللزجة بملايين السنوات الضوئية.
شخصيا صدمني عنوان هذا البوست كما لم تصدمني أعتي الكوارث والمفآجات لأنه يعبر عن
النقيض تماما لواقع دولة كبيرة عظيمة ويرمي بإفك عظيم في وجه شعب معلم بحق .
مازلت أطالب الباشمهندس بكري بسحب البوست وتوقيع العقوبة على نفسه لأن البوست إفتراء علينا
قبل أن يكون إفتراء على الإمارات العربية المتحدة وشعبها .

هل بكري مهكر ؟



واللا الفهم شنو ؟












؟

Quote: البوست دا عبارة عن كومة كبيرة من البهتان والإفك أسحب وأوقف نفسك ربعا ع الأقل يا بكري من أجل إستمرار ديمقراطية هذا المنبر .

نوم الظالم عباده

وبكرى ظلم الاماراتيين كثيرا بهذا البوست

وبكرى يغط فى سابع نومه


.
.

زرت الإمارات مرات ثلاثة مرات، ومكثت فيها في مجمل الزيارات ما يقارب السنة، ومن خلال أهلي وأصدقائي عرفت عظمة هذا البلد المضياف وإحترامه للسودانين، وتعرفت على إماراتيين ووجدت منهم الكرم والإحترام والتقدير.. دولة الإمارات دولة محترمة وشيوخها كراماً واكثر إحتراماً وشعبها محترم وكريم..
يا بكري هذا الفيديو لا يُعرف ما وراءه، وما هي طبيعة وجودهم في هذا المكان ولا حتى سبب إعتقالهم.. أنت يا بكري تسيء لمنبرك بهذا العنوان المجحف، كان لك أن تسأل عن قضية هؤلاء السودانيين، وماهي جريمتهم فتترك الأمر لبورداب الإمارات وغيرهم للإجابة والسؤال عند الدوائر المسؤولة، ولكنك لم تترك لهم طريقاً لهذا المسلك الأمين.. على أي حال، انت صاحب المنبر تكتب فيه ما تشاء، ولكن تأكّد بأنك تضر السودانيين جميعاً بدولة الإمارات، الذين يعرفونها ويعرفون شعبها أفضل منك، الكائن بأريزونا.. والغيرة وحدها غير كافية..
___
إما أن تضع هذا البوست في مقامه الصحيح، بتغيير العنوان أولاً، أو- إن شئت- علقه على أستار المنبر، فتتم الناقصة، والشغلة عايرة أديها سوط..

بالجد سوق نخاسة عديل كدا
وكمية من العباطة والهبل والعوارة من جانب المحقق يجب ان أخذ هذا الشريط لشكوى رسمية
عن طريق السفارة الى الخارجية الاماراتية
احزنني جد حالهم ومهانتهم بالجد كتب علينا العذاب الابدي
الناس البتشكر الشعب الاماراتي لمعايشتهم لهم هذا الفديو يسئ الى بلادهم نبهوهم له
خلوهم يحققوا فيه لانه مسيئ لهم اكثر من للضحايا فيه

عشنا فى الامارات سنوات طويلة لم نجد فيها سوى التقدير والاحترام
شعب مهذب جدا ويتعاملون معنا بمودة
لى تجربة فى العيش فى اكثر من دولة عربية لم اجد فيها تعامل راقى مثل تعامل الشعب الاماراتى

شقيقى يعيش فى دولة خلجية اخرى
استغرب جدا عندما تركت باب السيارة مفتوح وصعدت للمنزل
قال لى عندنا هناك فى دقائق تلقاها مافى

عندما ادخل اى مرفق اماراتى اتمنى ان اجد الموظف اماراتى حتى انجز مهمتى

حين لفظتنا بلادنا استقبلتنا امارات الخير بأذرع مفتوحة وقلوب حانية ..ما وجدناه فيها لم نجده في بلادنا..لم نستجوب او نلاحق اونضام..انهم يكنون كل الحب لأهل السودان ..حكومتهم ومواطنيهم..وافضالهم لا تعد...وهي اكثر بلاد الله أمنا ..واكثرها رعاية لحقوق الانسان..فان اخطأ فرد فلا يحسب خطاه علي شعب وحكومة هما بكل المقاييس الافضل بين شعوب وحكومات العالم..هذا البوست غير موفق نرجو بشدة سحبه

Quote: في الإمارات يا بكري الناس ممكن تنوم وابوابها غير موصدة.. في الإمارات لا تحتاج ان تراقب ممتلكاتك طول الوقت ولا تحسب ليك باقي في محل.. في الإمارات تسوق والشارع منور الى ان تصل لوجهتك.. بعد ساعة او اربعة ساعات.. في الإمارات لا يتعرض رجل لإمرأة في الشارع.. لا معاكسات ولا خدش لكرامة النساء.. الإماراتيون.. شعبا وحكومة لا يتدخلون في حياة الناس .. عش ودع غيرك يعيش.. ما بتلبوا عليك او يباروك ناس امن.. ولا شرطة نظام عام..

** سيد الحوش ود الحلفايا.
** مساءك خير..
## كدى شوف كلام الزميله نجوان الفوق دا ,, ممكن تلقى هذا الأمن والأمان فى إى بقعه فى العالم بما فيها أمريكا التى تقيم بها!!؟؟
## أقيم بالإمارات مُنذ أكثر من 27 عاماً ماوجدته من إحترام وتقدير لم أجده فى بلدى..
** يكفى أن تكون آمناً فى بيتك وفى الشارع..
** يكفى الإحترام والتقدير الذى نجده..
** يكفى أننا نعيش وسط 204 جنسيه من كل بقاع العالم وبالرُغم من ذلك نُعامل مُعامله مُميزه وكريمه..
** يكفى إبتسامة موظف\موظفة الجوازات فى المطار وأنت قادم بإى مطار بالإمارات.
** يكفى أنها دولة قانون لايأكل حُكامها ولا أهلها أموال الناس بالباطل..
** يكفى أن كل شعوب العالم تتمنى زيارتها...
** ويكفى أن مؤسسها هو زايد الخير ..
** ويكفى أنها الصحراء التى اصبحت جنة الله فى الأرض ..

## وأخيراً كأعضاء فى هذا الحوش ومُقيميين بالإمارات نلتمس التكرم بتحرى الدقه عند نشر مثل هذه العناوين المُثيره وليسترح هذا البوست فى المكان الطبيعى الذى تُحال إليه مثل هذه البوستات من قِبلك..
(ودام الود والإحترام بين الجميع)
(ابو محمد فؤاد) - الماكيكى..

بالتأكيد كل أفراد الجالية في الامارات سيستنكرون هذا البوست لالسبب إلا لأن الواقع الذي يعيشونه ينطق بغير ذلك فالبلاد استأمنت معظمنا حتى على أجهزتها الاعلامية والسيادية وكثير منّا يتبوأون مواقع قيادية في مجال مهنهم .. فحينما ضاق بنا الوطن احتضنتنا الامارات وعن نفسي أكثر من عقدين عشتهما في الامارات لم أجد من أبنائها غير الصداقة والمعاشرة الطيبة .. وقد لا أتمكن مثلا من إقامة نشاط معين يختص بإبداعي العام في بلدي ولكنني أستطيعه هنا .. الامارات كما عرفتها في تجربة المعايشة وطن يفتح زراعيه للمبعين ويوفر لهم كل سبل وأجواء الابداع والاستقرار وميزان التقييم فيها هو الكفاءة لاالولاء والمحسوبية والطائفية والعرقية وما لفّ لفها وهو مرض منيت به أوطاننا بكل أسف ... هنا أمشي في الشارع دون أن أتلفت .. أمارس عملي دون أن يضايقني أحد .. يدرس أبنائي في أفضل المدارس ويسكنون في سكن ملائم وسيارتي لم تعرف يوما ( الدرب ) ولم يوقفها يوما شح نفط ... أمارس هواياتي بكل حرية .. إنها دولة قانون .. من يحترم القانون يستحق البقاء ومن يخالف القانون بالتأكيد لايستحق التسامح .. أما المعاملة التي يتحدث عنها البوست فتدحضها الكثير من الوقائع فكم من أسرة سودانية حظيتبمكرمة لتدريس أبنائها ، وكم من مريض وجد فاعل خير دفع كافة تكاليف مرضه وكم من أسرة تعيش على إعانات الجمعيات الخيرية .. وحتى عندما تضيق بعمل ما فليست هناك صعوبة للانتقال السريع إلى عمل آخر يناسبك طالما أنت تملك الكفاءة والقدرة .. لم نسمع بسوداني تم اعتقاله لرأيه ولم نسمع عن سوداني مات من الجوع أو الفقر والحديث يطول
مشكلتنا الحقيقية ليست في الآخرين ولكنها فينا ، فبكل أسف بعض المحسوبين على الانتماء السوداني يلفقون الأكاذيب أو يحدثون الفتن بين بعض الأفراد وأجهزة الدولة لممارسة تصفية حساباتهم معهم ومنهم مسؤولون دبلوماسيون بكل أسف وهو ما انعكس على بعض الأحداث كأحداث مجموعة النادي الوداني بدبي .
بالتأكيد من حق دولة كالامارات تضم أكثر من العدد المسجل في الأمم المتحدة من جنسيات بتباين طبائعهم أن تحافظ على أمنها واستقرارها ولكن بالمقابل لاتجيز الأخلاق السودانية ولا الاسلامية قطع الأرزاق فقطع الرقاب أهون ... ومهما كان حجم اختلافنا مع أولئك المبعدين فإننا نقول للمتسبب في إبعادهم من بني جلدتنا اتقوا الله وتذكروا القبر.
عودة للبوست فإنني أقول للأخ الراقي سيد الحوش أن من أرسل لك الفيديو كان له غرض ما حاول استخدامك فيه وقد نجح .. وأرفض تماما ما ألمحت به بعض الأقلام من هجوم على بكري فبكري صاحب موقع تأتيه الأخبار وله أولويات في النشر ولو أنه أخطأ هذه المرة بعدم تثبّته من وقائع التحقير والتعذيب وهو يملك صداقات سودانية واسعة في الامارات كان بإمكانه الاتصال بمن يثق فيه منها لمشاورته في الموضوع قبل إنزاله .. لأنني على يقين بأن معظم المتداخلين ماتمنى أحدهم أن يقف في رأي المنتقد لبوست يكتبه بكري الذي صنعت عقليته هذا الموقع بكل أبعاده

الأخ بكري أضم صوتي لم سبقوني
لم توفق في هذا العنوان
انا عشت وزرت كثير من الدول الأوروبية لم ألقى حسن معاملة أحسن من معاملة الشعب الأماراتي
للسودانيين 23 سنة في ملفات أوروبا وقبلها حياتي في بلدي المفروض يحترمني كمواطن
لم أجد حسن معاملة كما الحال في دولة الأمارات شعب وحكومة
السوداني معزز في هذه البلاد ويكرم أين ذهب وحلَّ
حسن معاملو لا تجده في دول تتشدغ بإكرام الإنسان
والإنسان عندهم درجات يهان حسب القطر الذي جاء منه
معاملة السوداني في كل دول الخليج وبالذات في الامارات أحسن والإحسان لشعب
وهذا بسبب وليس من فراغ
الذين جاءوا لدول الخليج من الرعيل الأول الذي هاجر وضعوا هذه البصمة السمحةنعيش في ظلها
نحن الآن ولكن للأسف بدءت من قلة بعض التصرفات التي لا يعرفها السوداني تظهر على السطح

أول مرة ألتقي امارتي كان في ايام عملي بدولة كوسوفا بعد حرب 1999 وكان الجيش الأماراتي
من ضمن قوات الناتو العاملة هناك ... لم اجد معاملة احسن من معاملة الشعب الأمارتي
كنت ازور بعض الاخوة السودانيين في معسكر الامارات وكان جند ( عساكر ) وواحد طبيب برتبة نقيب
( دكتور أمين ) ....
الجنود السودانين كانوا في نفس مساكن الجنود المواطنين .. والضابط دكتور امين مع ضباط الامارات ( المواطنين لا فرق ولا أمتياز

ورأيت بأم عيني كيف كانت معاملة المواطنين لاخوتهم من السودان
لما يقول ليك ( زول )
الكلام وقف
وهذا وبعزة الله وقسم أن اختار دولة الامارات
بعد أن قررت تقصير المسافة نحو العودة للوطن بعد 23 سنة في أوروبا
وها انا في الامارات عزيز مكرم مادام احترم نفسي مواطن سوداني

ولم اجد تواضع في شعب كما في الشعب الاماراتي
وكل جريمة لابد أن تقابل بما سمعته في ذلك الفيديو
اغتصاب الحق عزيز
وصاحب المزرعة أغتصب حقه هولاء بغير وجه حق
وكان لابد أن يجدوا عقابهم

ولك التحيو والمودة اخي بكري

الأخ بكري أضم صوتي لم سبقوني
لم توفق في هذا العنوان
انا عشت وزرت كثير من الدول الأوروبية لم ألقى حسن معاملة أحسن من معاملة الشعب الأماراتي
للسودانيين 23 سنة في ملفات أوروبا وقبلها حياتي في بلدي المفروض يحترمني كمواطن
لم أجد حسن معاملة كما الحال في دولة الأمارات شعب وحكومة
السوداني معزز في هذه البلاد ويكرم أين ذهب وحلَّ
حسن معاملو لا تجده في دول تتشدغ بإكرام الإنسان
والإنسان عندهم درجات يهان حسب القطر الذي جاء منه
معاملة السوداني في كل دول الخليج وبالذات في الامارات أحسن والإحسان لشعب
وهذا بسبب وليس من فراغ
الذين جاءوا لدول الخليج من الرعيل الأول الذي هاجر وضعوا هذه البصمة السمحةنعيش في ظلها
نحن الآن ولكن للأسف بدءت من قلة بعض التصرفات التي لا يعرفها السوداني تظهر على السطح

أول مرة ألتقي امارتي كان في ايام عملي بدولة كوسوفا بعد حرب 1999 وكان الجيش الأماراتي
من ضمن قوات الناتو العاملة هناك ... لم اجد معاملة احسن من معاملة الشعب الأمارتي
كنت ازور بعض الاخوة السودانيين في معسكر الامارات وكان جند ( عساكر ) وواحد طبيب برتبة نقيب
( دكتور أمين ) ....
الجنود السودانين كانوا في نفس مساكن الجنود المواطنين .. والضابط دكتور امين مع ضباط الامارات ( المواطنين لا فرق ولا أمتياز

ورأيت بأم عيني كيف كانت معاملة المواطنين لاخوتهم من السودان
لما يقول ليك ( زول )
الكلام وقف
وهذا وبعزة الله وقسم أن اختار دولة الامارات
بعد أن قررت تقصير المسافة نحو العودة للوطن بعد 23 سنة في أوروبا
وها انا في الامارات عزيز مكرم مادام احترم نفسي مواطن سوداني

ولم اجد تواضع في شعب كما في الشعب الاماراتي
وكل جريمة لابد أن تقابل بما سمعته في ذلك الفيديو
اغتصاب الحق عزيز
وصاحب المزرعة أغتصب حقه هولاء بغير وجه حق
وكان لابد أن يجدوا عقابهم

ولك التحيو والمودة اخي بكري

Quote: عنوان صاعق ومضلل !! العز والمعاملة الكريمة اللقوهم السودانيين في دولة الإمارات ما لقاهم سوداني في جميع دول العالم بما فيها السودان نفسو وطنو الأم ولا لاقياها جنسية تانية

اخي الباشمهندس بكري
لا يقلل هذا العنوان المضلل من احترامي لك .. فقد تكون انت قد تعرضت لتضليل من شخص تثق به وقد زودك
بهذا التسجيل الباهت فاعتمدت ماتكوّن عندك من راي المصدر وقمت بتبنيه رغم ان دورك في هذا المنبر يتيح
لك صلات مع الكثيرين ممن كان يمكنك الرجوع اليهم لمزيد من التمحيص والتأكد ..

انا مقيم بالامارات منذ 15 عاما .. عملت خلالها باكاديمية الشرطة بالشارقة لعامين .. وتدربت لاحقا في اكاديمية
الشرطة بدبي للحصول علي ترخيص للعمل بمجال الامن الخاص بالدوله .. وظل عملي لصيقا بالشرطة فيما تلي
ذلك .. ليس بشرطة الامارات وحدها وانما بشرطة كل دول الخليج ومصر وسنغافورة وكينيا والفلبين والهند
وسريلانكا ونيبال وغيرها من الدول التي كانت للشركة التي اعمل بها مصالح تجعلني كثير التردد عليها
والاتصال بشرطتها .. فوجدت ان شرطة الامارات اميزها في حقوق الانسان واحترام الفرد دون تمييز ..
وهي الشرطة الوحيدة في الخليج التي تقيم مكتبا في كل مركز شرطة لحقوق الانسان .. يختص علي رأس
اختصاصاته بحماية المتهمين من التعذيب وانتزاع الاعترافات والتحيز لشحص ضد الاخر وتضليل العداله
وتوجيه التهم الباطلة الملفقة للناس .. وهو مكتب تابع لمكتب القائد العام مباشرة ولا سلطان لاحد عليه ممن
يعملون بمركز الشرطة الذي يوجد به .. وعملت كذلك من خلال مركز اشارك فيه في تنفيذ كثير من الدورات
التدريبيه للشرطه .. وقد تعجب اذا قلت لك ان اكثرها يتعلق بحقوق الانسان ودور الشرطة المجتمعيه وسرعة
الاستجابه وغير ذلك مما يؤصل في شخصية الشرطي انه خادم وليس واليا علي الناس ..

وتعرضت في شخصي لمواقف لي وضدي وجدت خلالها من حسن المعاملة ما فاق تصوري عن مثالية التعامل
التي كنت انادي بها وانا قائد في شرطة بلادي ولم احصد منها في النهاية وبعد تقاعدي وتقدم سني الا اهانة قصوي
واربعة مسدسات موجهة الي صدري وانا معتقل داخل سيارة صغيره وبيني وبين بابيها رجلي شرطة وعلي
مقعدها الامامي آخران .. وكان يستحيل هروبي منها ولو كانت المسدسات الاربعة بيدي .. ولم يكن يحق لي
كمنفذ للقبض ان ادين المتهم او اشتم امه واباه او اصفه باي صفات بذيئه الا لاشباع غريزة مريضة في نفسي
لم يروضها احد او يعيد صياغتها ...

يا سيدي .. اننا نجد هنا مالا نجده في بلادنا .. من جار لا يربك سمعك بما يحدثه من ضجيج ومواطن لا يشعرك
بالحب بل يعبر عنه وهو ممتن لما تقدمه لبلده ، ومن شرطة اذا رايتها او جئتها طمأنتك واعطتك من حسن الاستماع
ونجاعة التصرف ما يحفظ حقك ويرد غبنك دون جور او عدوان علي احد ..

فإذا قامت الشرطة باعتقال كل من بالمزرعه فانها لاتأخذ البرئ بالمذنب .. ولعل الخطوة التاليه التي لم يسجلها
الشريط كانت ستكون كيفية مواجهتهم بالتحقيق وجمع الادلة منهم .. ثم اعادة الابرياء منهم وبنفس (البوكس) الي
المكان الذي اخذوا منه ..

لا ازيد .. فهذا افك وافتراء اربأ بك وانت صاحب هذا المنبر وكبيره ان تقع فيه فلا ينفعك القول بانك تدافع عن
كرامة السوداني وعزته ..

ولك كل الاحترام والتوقير

عمر علي حسن

بكري اختشي ...

هل انت شخصيا مقتنع من قلبك بالكلام ده ؟؟؟

يا راااااااجل .....

بكري أبو صلعة أبو بكر
انت ايش لك فى الإمارات؟؟؟
خلاص مشاكل السودان خلصتها
بقيت تدور في خصوصيات الإمارات
خلك فى سودانك
وما لك خص فى الإمارات
احسن لك ولى المقيمين فى الإمارات
ولا تفتح ابواب لا تخصك

يقرأ مع هذا الرد: Re: قطر فيها حاجة ؟ ^_______^

محمد جلال عبدالله
السلام عليك
رجاء بعض الجدية لو أمكن .

الفيديو هذا قديم جدا يمكن من 2007
وأعتقد أنه يخص الشيخ عيسى بن زايد
وكان قد اختلف مع تاجر حبوب باكستاني
وقام بتعذيبه بإدخال عصا في مؤخرته
ويقال أنه أدخل مجموعة من السودانيين في غرفة
ولما حاول ضربهم بالعصا أمسك بها أحدهم
وقال له:
لو ضربتني سأضربك .. اسجني أو حاكمني أو فنشني
فتركهم وسجنهم في هذه الغرفة وبعد مدة أطلقهم

لو فتشتوا في اليوتيوب ستجدوا شيخ إماراتي يعذب باكستاني
ومن قام بفضح هذا الشيخ موظف لبناني كندي كان عنده
وقد نشر الفيديوهات في قناة كندية وربما حاول أن يبتز بها الشيخ

المهم في القضية أن هذا الشيخ قد حوكم - أو هكذا قالوا -
وأنه دفع تعويضا للتاجر الباكستاني
وفي النهاية الموضوع قدييييييييييييييييييم ومر عليه دهر
والقضية انتهت فأرى أنه لا جدوى منه وأرى حذفه
حتى لا تتضرر الجالية السودانية الإماراتية

يا بكري ..
عليك الله يلقوها منك وللا يلقوها من حكومة السجم
يعني السوداني حكومتو مطلعة زيتو
يمشي يغترب في بلد تاني يحترموهو ويعاملوهو معاملة كريمة
في بيتهم ذاتو ما يلقاها
يجي بكري يطلع زيتو ويهدد عيشتو بعنوان مضلل في سودانيزأونلاين

الأخ/ طلحة عبد الله
وعليكم السلام

Quote: محمد جلال عبدالله السلام عليك رجاء بعض الجدية لو أمكن .

المعذرة .. استدعيت مداخلة الأخت وضاحة
لأني ضحكت فيها كتير اليومداك

عذرا..

أحسنو الظن بأخيكم بكري يا شباب



غالباً حساب بكري بكون مهكر

عييييك يا عملات بشاشا
علّق البوست على رأس المنبر بالبونط الكبير
____
تمر الفكي شايلو ومشتهي

بكـري ابوبكـر بلـع يا رجالـة






كامـل تضامـني

Quote: بصراحة معاهم حق يا بكري .. عليك الله يلقوها منك وللا يلقوها من حكومة السجم يعني السوداني حكومتو مطلعة زيتو يمشي يغترب في بلد تاني يحترموهو ويعاملوهو معاملة كريمة في بيتهم ذاتو ما يلقاها يجي بكري يطلع زيتو ويهدد عيشتو بنشر فيديو في سودانيزأونلاين اعمل حساب الناس الغلابة دي يا ريس واحذف الموضوع هسي الناس المغتربة في الامارات كلها تلقاها خاتة يدها في قلبها وتلقى الآي دي بتاعهم عند المباحث ^_____________^

مين قال ليك يا محترم إنو الناس الدخلت وأنصفت وقالت كلمة حق عن الإمارات خايفة على معيشها؟
خليك من القاعدين فيها حتى الجوها زايرين حاولوا يقولوا الشافوهو فهل ديل برضو خايفين على معيشتهم؟
شابكنا اليوم كلو قال الله وقال الرسول
الله والرسول ما قالوا ليك ما تبهت الناس بالباطل؟

ياقول الأخ طلحة
الإماراتيين لو قروا البوست دا ممكن يضحكوا ويقولوا الزول الله يهداه
مش يهددوا معيشة زول ولا يحجبوا الموقع ودا الفرق بينهم وبين الباقين ..

لست مقيم ولا أعمل بالامارات
ولكني زرت دولة الامارات مرتين لم أسمع او أرى إلا كل خير من الامارتيين حكومة و شعباً...شعب يفوق الشعب السوداني بمراحل في الرقي و التهذيب!
و كل من تحدث عن هذا البلد ممن أعرفهم, لم يقل إلا كل خير عنهم
...
بعدين تعذيب شنو يا بكري؟؟
كدي إتخيل معاي نفس العكشة دي بواسطة البوليس في السودان...شوف الكفيت و الشلاليت و"أقعد يا زول تحت...و بالدبشك تااااخ طيييخ"
باشمهندس بكري عهدناك نبيهاً و حكيماً...الحاصل شنو...كورتك فكت؟؟!!!

أول مره بكري يبلع بوست

بصدق يابكري البوست مسيء جداً
الشعب الإماراتي شعب كريم ومضياف ومحب جداً جداً جداً للسودان والسودانيين
وكمان مساهماتهم في العمل الإنساني في السودان لاتعد ولاتحصى والله وليس آخرها طائرة الإغاثه الرسلوها لضحايا الفيضانات السنه دي
صدقني يابكري هؤلاء الكرام لايستحقون منا سوى كل التقدير والإحترام والحب

مؤونة عشرة أعوام من الود للشعب الإماراتي

صديقي طلحة


امسح الكلام الكتبتو دا .. صدقني ما بشبهك












_________
استهدى بالله .. واستغفر

والله بكرى أبوبكر فارقه الصواب فى هذا البوست..
بعنوانه الغريب

ومن غير السليم أن نأخذ شعب كامل عرف عنه الأدب
والكرم وحسن المعاملة بجريرة فرد أو مجموعة منه
وإن أخطأوا ,,فالتعميم مخل فى مثل هذه الأمور ويكفى
أهل الإمارات الكلمات الطيبات والشهادات المضيئة
ممن عاشوا بينهم ومازالوا,,


أخونا محمد جلال هنا المقام مختلف عما تعتقد..
الشباب أخدوا الموضوع على محمل الجد ومعهم حق
فمن غير المعقول أن تتهكم ياخ..

تحياتى..

لا تخلو بلد في العالم من تفلتات رجال الشرطة وقد حدثت هنا في النرويج التي تعتبر دولة مثالية في مسائل المساواة وحقوق الإنسان.

الولايات المتحدة الأمريكية من أكثر بلدان العالم التي تستخدم فيها الشرطة وسائل العنف الممنهج وبصورة عنصرية وما حادثة لوس أنجلس الشهيرة ببعيدة. ولقد رأيت ذلك بنفسي رأي العين في هيوستن.


رغم أني لا أري في مقطع الفيديو شئ فيه إفراط في العنف اللفظي والجسدي ولكن حتي ولو حصل برضو يجب الحذر في نشر هذه الأشياء التي يمكن أن يكون ضررها أكبر بكثير من نفعها وعلي جالية سودانية كبيرة تعيش في الأمارات وخاصة أن شعوب الخليج يتعاملون بردود أفعال متطرفة.

عموما البوست جاء بنتائج عكسية حيث إتفق الجميع علي كرم وأصالة الشعب الأماراتي وكما يقال رب ضارة نافعة

أقول هذا وانا لم أزر الأمارات إلا مرة واحدة ولمدة أسبوع وشعرت بأن السودانيين هناك أوضاعهم جيدة مقارنة مع بلدان أخري.

أنا كان من رأيي حذف البوست ولا يزال
مش عشان الامارات دولة عظيمة
ولا عشان الشعب الإماراتي شعب مضياف
بس لأنو القضية دي انتهت زماااان ومافي داعي لإثارتها هسي
الموضوع ده من 2007 وانتهى

بس بالجد بستغرب في الناس البجوا يشكروا الإمارات
أو شعب الإمارات ويعتبروا أن هذا البوست فيه إساءة لهم
والغريبة البعض يجوا يتباروا في مدح الأمارات وشعبها وينسوا معاناة مواطنيهم في الفيديو!!
هذا الفيديو ليس فيه إساءة للإمارات ولا شعبها
بل هذا الفيديو يفضح ممارسات كريهة لا تمثل الامارات ولا شعبها
هنالك شخص مواطن إماراتي انتهك حقوق مواطنين سودانيين
دي القصة كده ويجب أن تثار في هذا الإطار
العنوان يمكن أن يعدل بطريقة أكثر لياقة ومافيها تعدي

لكن المطالبة بحذف البوست ( لو كانت الفيديو جديد) خطأ كبير وفيه نوع من الأنانية
أخي المقيم بالإمارات أو أي بلد:
إذا كنت تلقى معاملة كريمة حيث تقيم فهنالك مواطنون سودانيون مثلك
تلقوا معاملة غير كريمة حيث تقيم وواجبك أن تقف معهم وتدافع عنهم حتى ينالوا حقوقهم
ما بتقدر تعمل كده وخايف على معايشك - على الأقل اسكت - ومافي زول طالبك بموقف
ولكن تذكر أن هذه المعاملة كان يمكن أن تلقاها أنت أو شخص قريبك
وعندها كنت ستفتح بوست في المنبر وتحكي مأساتك وتطلب من الناس الوقوف معك

أخي المقيم بالإمارات أو أي بلد:
إذا كان البوست يهدد معايشك حيث تقيم فلا تدخله ولا تشارك فيه
ولا تدخل المنبر من أساسه .. لكن لا تفرض (تخوفك) على الآخرين

خلاصة كلامي:
- أؤيد حذف البوست لأنه لا جدوى منه والموضوع منتهي من 2007
- أرفض حذف أي بوست يخص مظلومين سودانيين لأن هذا البوست قد يضر بالمقيمين حيث هم
- التصرفات السيئة لمواطني أي دولة في حق مواطنينا لا يجوز أن تكون معيارا لتقييم الدولة أو الإساءة إلى مواطنيها،
ولكن بالمقابل لا يجوز السكوت على الانتهاكات باعتبار فضائل تلك الدولة على السودانيين أو كرم مواطنيها ( ده كوم وداك كوم تاني )

Quote: احزنني جد حالهم ومهانتهم بالجد كتب علينا العذاب الابدي الناس البتشكر الشعب الاماراتي لمعايشتهم لهم هذا الفديو يسئ الى بلادهم نبهوهم له خلوهم يحققوا فيه لانه مسيئ لهم اكثر من للضحايا فيه

اليقرا الكلام دا يا دكتورة نجاة ما يقرا كلامك القبل 24 ساعة عن السودانيين الدمهم سال بواسطة الشرطة التركية !!
الناس الجات دي كلها ما نكرت فحوى الفيديو بقدر ما إستنكرت تحامل بكري وعنوانو المضلل ..


رغم إنو يا دكتورة جوك ناس عديل وقالوا جهاز الأمن إغتصبهم طعنتي في مصداقيتهم وشككتي في رواياتهم وطالبتي بالأدلة
هسي لمن يجي زول مش يشكك في الفيديو بل يحاول ينصف المتهمين تعملي ريدايركشن ؟؟

يا لطيف يا لطيف

اليلة يا بكرى جبتها كبيرة

وليش السودانيين عملوا كده بلد اكرمتهم المفروض يحترموها ويكونوا عفيفين

حولة رشوة ليش كده

يا للفضيحة يا للفضيحة

بث الاماراتية ما لهم حق ان يعاملهم بهذه المعاملة السئية

هولاء بشر ليش كده

يا حيف عليكم يا الاماراتية

رأيت البوست وكاد قلبي يتوقف، ودار في ذهني سؤال فوري ما الذي فعله السودانيون بدولة الإمارات ليجدوا التعذيب والتحقير، ولما دخلت وجدت أن محتوى البوست لا يعبرعن عنوان البوست الصادم ..
كل المقيمين والزائرين لدولة الإمارات من عرب وعجم يجدون أفضل معاملة من الإماراتيين ومن غير الإماراتيين، فالناس هنا يحترمون بعضهم ويحتكمون للقانون في حالة نشوب أي نزاع.. ولو كانت الإمارات يا بكري بنفس الطريقة التي أردت أن تصورها بها لما ظل يعيش على أرضها أكثر من مائة وخمسين جنسية ولما استقبلت مطاراتها يومياً عشرات الألاف من الزائرين والمقيمين، وأنا شخصياً لو وجدت عشر المعاملة التي أجدها في الإمارات لما تركت أهلي ووطني..
ربما يكون ما جاء بالبوست صحيحاً لكن هذه حالة خاصة وربنا لم يخلق مدينة فاضلة في هذه الدنيا، ولو اشتكى المتضرر لوجد المعتدي جزاءه بكل شفافية.. توجد هنا لجنة لحقوق الإنسان، وهي لجنة فاعلة تستقبل تظلمات الناس وتبت فيها بأسرع ما يكون رغم أن الإماراتيين كشعب من أرقى وأطيب شعوب العالم ولا يبادروا بالسوء أو يضمروه..
أود أن أنتهز هذه الفرصة لأشكر دولة الإمارات حكومة وشعباً على كرم ضيافتهم لي ولأسرتي وأود أن أعبر لهم عن كامل رضائي على معاملتهم لي ولغيري من الوافدين.. اسأل الله أن يحفظ دولة الإمارات وشعبها والمقيمين عليها من كل سوء ومكر وأن يديم عليها الخير والرفاهية والأمان..
هذا بوست مضلل للحد البعيد أردت منه الكسب لمنبرك لكنك ظلمت فيه دولة الإمارات وشعبها..
وبالتأكيد أن كل من زار الإماارت أو أقام بها سيكذب هذا البوست..

محمد جلال الدين
تحترمني أحترمك شوية واللا كتير على حسب
تسخر مني كما فعلت في البوست أسخر منك وهكذا ..
إتا جيت البوست صورتني أنا (كمقيم في الإمارات ) بمظهر الخايف على أكل عيشو مع وشوش
ضاحكة ولم تتوفر لك حسن النية التى تدعو لها بأنه ربما أكون غضبت لأجل كلمة الحق التى
تنادي بها في هذا المنبر ولا تتورع في سبيلها في شتم وتقريع كل من يختلف معك بمختلف
الأساليب فهل تريدني أن أسكت على تريقتك مني واللا أقول ليك جزاك الله خير ؟؟
لا تسخر مني ولا تقل أدبك علي لأنو أنا برضو عندي كيبورد وبعرف كيف أرص حروفو كرد فعلك لأسلوبك..
بالنسبة للنقاش في موضوع البوست فأنت لست مؤهل لأناقشك فيه.. فقط أحترم نفسك ولا
تضعني موضع تلميحاتك التفيهة كتفكيرك يا رجل .

لا يوجد شيء يدعو إلى حذف هذا البوست ...

التهديد بالعذاب ماثل ومسموع .. حيبقى حذف البوست عشان شنو يعني ؟

صيغة العنوان عامة ولكن مضمونه شرح حالته الخاصّة ...

وعذاب مواطن سوداني واحد يعني لي عذاب كل السودانيين ...


ولا لتحقير وتعذيب السودانيين أينما حلّوا ...

صبري طه ..

Quote: لا يوجد شيء يدعو إلى حذف هذا البوست ... التهديد بالعذاب ماثل ومسموع .. حيبقى حذف البوست عشان شنو يعني ؟ صيغة العنوان عامة ولكن مضمونه شرح حالته الخاصّة ... وعذاب مواطن سوداني واحد يعني لي عذاب كل السودانيين ... ولا لتحقير وتعذيب السودانيين أينما حلّوا ...

وإنت في طريقك اغشى البوست دا
فيهو صور تعذيب وليس تهديد بالتعذيب ماثلة ومرئية

ولا لتحقير وتعذيب السودانيين بلا بلا بلا



ـــــــ
اليوم تأكدت تماماً أن غرض البعض من دخلوهم الإنتقائي للبوستات ليس دعم أو مناهضة القضايا
بقدر ما هو مساندة أو مشاكسة الأشخاص ..


طوبى وطوبة ..

Quote: اليوم تأكدت تماماً أن غرض البعض من دخلوهم الإنتقائي للبوستات ليس دعم أو مناهضة القضايا بقدر ما هو مساندة أو مشاكسة الأشخاص ..

يا أخت تيسير .. لك التحية ...
أولاً: تنبيه ... آلية الردود على البوستات في المنبر دة مايلة ... يعني عشان تضمن ردّك ينزل كآخر رد في البوست لازم تضغط على رد على آخر مُداخلة وهذا ما فعلته بخصوص ردّي حيث وجدت أنّ ردّك هو آخر رد ...
هذا باعتبار إنّك إذا افتكرتي إنّي أنا ردّيت عليك إنتي من دون خلق الله وحاولت أشاكسك وكدة ...

ثانياً: من الذي قال لكِ أنّ دخولي انتقائي .. الناس ظروف .. وما معنى إنّي ما ردّيت في بوست يدعم نفس القضية إنّي زول انتقائي .. فما لفت نظري لهذا البوست هو إنّو معلق فووووق ولو ما مصدّقة يمكنك الذهاب إلى أعلى الصفحة لتعرفي إنو في حاجة بتنبه الواحد ...

ثالثاً: لمّا دخلت البوست كان ممكن أقرأ وأمشي ساي .. لكن لفت انتباهي مطالبة البعض بحذف البوست .. وقد استغربت لهذا الطلب ... هذا كل ما في الأمر ...

رابعاً: بالنسبة لتضامني مع كافة القضايا ما ضروري أكتب لي حروف في أي منتدى حوار عشان الناس تعرف تضامني دة وإني لابس نمرة 10 زي ميسي وكدة ...

خامساً: أفوّضك تفويض كامل بالرد بالنيابة عنّي في أي بوست بتاع تضامن أو مُناهضة .. عشان أتجنّب رشاش الكلمات البتصنّف الواحد إنو مُشاكس وكدة ... يعني تكتبي المُداخلة وتكتبي تحتها عن: أخوي صبري طه

سادساً: انصدمت من ردّك هذا صدمة كبيرة .. ما فضل لي حاجة إلاّ أبكي .. جنّي وجن سوء الظن العريض




ولكِ كل الود والتقدير ،،،


ـــــــ

بالجد اضربتو بالحتة الفيها الحديدة يا تايسا
هل الفديو دا مسرحية ولا حقيقة?؟
بعدين الفارق بين ناس تركيا وديل انه ديل متعاقدين وما قادين السلك
و اي زول يقد السلك ما عنده اي حقوق لكن ديل عندهم حقوق وما بعني انه وظيفتهم مافي مكتب مكندش
حيهينوهم بالطريقة دي
النصيحة المفروض لو كنا بالجد رعايا دولة محترمة دا ما بحصل
بعدين ممكن اعرف منو الناس الاغتصبوهم ديل جابت ليها نجر كمان
واسع عندك دليل انه الفيديو دا اتهانوا فيه سودانين في الدولة السمحة الانتو فيها
رأيك شنو في الفديو؟
وهذه هي المسألة

Quote: بعدين الفارق بين ناس تركيا وديل انه ديل متعاقدين وما قادين السلك

لو في مبدئية يا دكتورة ندين التعذيب اول بعد داك نشوف نوع الجريمة والعقاب ..
القادين السلك ديل برضو بشر وبشر قد يكونو أعف من الشفتيهم في الفيديو ديل
كل جريمتهم إنهم هاربين من جحيم عشان يقعوا جحيم تاني ..

Quote: بعدين ممكن اعرف منو الناس الاغتصبوهم ديل جابت ليها نجر كمان

أنا ما قاعدة أنجر
أو بالأحرى ما محتاجة أنجر!

Quote: واسع عندك دليل انه الفيديو دا اتهانوا فيه سودانين في الدولة السمحة الانتو فيها رأيك شنو في الفديو؟

رأيي في الفيديو وغير الفيديو وفي إهانة البشر بشكل عام معلوم بالضرورة ولا يقبل المزايدة
ولا شيء في الدنيا يبرر التعذيب والإهانة ..

تبرير إراقة دماء سودانيين بحجة الهجرة غير المشروعة عند البعض
لا يعني بالضرورة تبرير التهديد بالتعذيب عند البعض الآخر !!

بصراحة عشت اكثر من 11 سنة بدولة الامارات العربية المتحدة ،ماشفت منها الا الخير ..
بلد مؤدب اهلها .
وجدنا الاحترام والتقدير ..
شعب مختلف والله ..
قيادة حكيمة ..
شرطة لاتفرق بين صاحب البلد وغيره ..
واهم شيء القانون سيد الكل ..
لايضيع حقك لو لك حق..

الأخ بكري أبوبكر
السلام عليكم ورحمة الله وبركاته
المعلوم بالضرورة في إجراءات التحقيق الأولية وأخذ الاعترافات يلجأ رجال الشرطة إلى الضغط النفسي على المتهم /ين لأخذ الاعتراف وهو إجراء عادي في كل دول العالم ...وهذا الفيديو الذي قمت برفعه مشين في حق الجالية السودانية هنا ..وكل من يخالف القوانين المعمول بها في البلد المضيف فليتحمل عاقبة المخالفة ..وقد أقمت في هذه البلاد قرابة العشرين عاماً ولا زلت ولم أتعرض لأي مضايقة من أي جهة شرطية أو أمنية ، عشت عزيزاً كريماً بين أهلي وعشيرتي الإماراتيين وبيننا وبينهم الاحترام والتقدير واكن لهم كل الحب والتقدير شيوخاً وشعباً ومقيمين .أرجو شاكراً سحب هذا البوست ودام الاحترام .

Quote: لا يوجد شيء يدعو إلى حذف هذا البوست ... التهديد بالعذاب ماثل ومسموع .. حيبقى حذف البوست عشان شنو يعني ؟ صيغة العنوان عامة ولكن مضمونه شرح حالته الخاصّة ... وعذاب مواطن سوداني واحد يعني لي عذاب كل السودانيين ... ولا لتحقير وتعذيب السودانيين أينما حلّوا ...

اتفق معك الاخ صبري ولا لتحقير السودانيين في الامارات اوغيرها

Quote: وكمية من العباطة والهبل والعوارة من جانب المحقق يجب ان أخذ هذا الشريط لشكوى رسمية عن طريق السفارة الى الخارجية الاماراتية

الدكتوره المحترمة نجاة

صدقيني .. كما يقول الاماراتيين (ما يحتاج) !
فقد وصل الشريط لهم منذ عام 2007 .. وهم لا يصمون آذانهم ولا عيونهم عن النقد ولذلك فتحوا مكاتب حقوق
الانسان التي اشرت اليها في مداخلتي السابقه

ويبدو إن صح القول انك وصلت الي حقيقة ان الامر لا يخرج عن (عوارة) للمحقق .. ولا بد انه قد تلقي عليها ما يستحق

عمر علي حسن

وين التحقير والتعذيب فى البوست دا
حملة مداهمة بتاعة شرطة لمجموعة مخالفة للقانون عادية جدا
والله يا باش مهندس كان تطلع ليك حملة بتاعة نظام عام فى السودان عشان تعرف التعذيب والتحقير البجد....
حسى وين التحقير والتعذيب هنا
والله ديل فى نعمة شديدة على بالحرام دا لو كان فى السودان كان من الارض لقو نفسهم جو البكس

ودا نموزج

حزف للتكرار

للاسف عنوان الفيديو ده صادم ؛
بس ح انقلو بي ضبانته

اعتذار لإخواني المقيمين في الإمارات

يعلم الله لم أرد بكلامي السالف الإساءة إلى أحد منكم أو ازدرائه

وإنما هو نوع من المزاح قد جانبني فيه الصواب

وهذا هو أسلوبي الذي أكتب به في المنبر دائما

وما كل إنسان يحتمل المزاح .. ولكل مقام مقال

ولأنه لا كبير على الحق .. فإني أعتذر منكم جميعا

سأقوم بتعديل مداخلتي ... سامحونا والعفو والعافية .

قرأت العنوان وأصابني رعب لا يقل عن رعب سواد الصفحة..
قرأت ماداخل البوست بعد أن عجزت من مشاهدة الفيديو لسبب فني..
وفرحت بكل هذا الحب لدولة الإمارات وأهلها من جميع المتداخلين وإحترمت شعب الإمارات حتي دون أن أعرفهم أو أزور دولتهم..
ثم حاولت من كومبيوتر آخر وشاهدت لفيلم..وصدمت (بضم الصاد)
ليس فقط لأن هؤلاء سودانيين..
بل فقط للإتهام والأرغام علي الإعتراف بجريمة تحت التهديد من قبل الشرطة..اي عدالة هذه؟؟
لقد شاهدت خوفهم وترددهم في أن يعترفوا خوفا مما قد يصيبهم أو يصمتوا ويتحملوا النتيجة مهما كانت!
هم قلة..لكن يستحقون العداله..
قد يكونوا مذنبين..لكن ليس قبل التحقيق معهم بحسب القانون..

........
.......

بينما عنوان بكري قد عمم فأخطأ في هذا..ومثل هذا الخطأ يكون مشابها في ظلمه لما حدث في الفيلم..
فإن الدفاع التام أيضا بهذا الشكل فيه ظلم وإنتهاك لمبدأ العدالة..
إنتهاك حق شخص واجد مثله لا يقل عن إنتهاك حق أي عدد من الأشخاص..فالمبدأ واحد..
........
........

قطعا وجود ظالم واجد او جسد ظالم صغير في جسد عادل كبير هو خلل ويتطلب لفت النظر له..
لا نظالب بعدم معاقبة من أجرم بل نطالب بالعدل في التحقيق وفي عدم تعريض اي متهم للتعذيب حتي ولو بالكلمات
وأن يكون حسابه وعقابه بعد إثبات تهمته بالقوانين....
التحقيق في مثل هذه الأمور لا يشكل إهانة لأهل الإمارات بل يرفع من قدرهم ويحميهم كدولة وشعب من إجرام الوافدين..
وكذلك يحفظ للوافدين حقوقهم..ويعاقبهم إن خرقوا القانون..
.............
.............
أمام بكري الآتي..

الإستمرار في هذا البوست وتحمل نتائج ذلك..
أو سحبه نهائيا..

أو تنزيل بوست جديد بعنوان جديد يراعي فيه الدقة وعدم التعميم ..

وفي كل الأحوال يمكن البحث عن آلية تحقيق داخل الإمارات في شأن هذا الفيديو..

وشكرا..

this is monetized video

قال لي محدثي :

أيام سأت العلاقة لحد كبير بين السودان والإمارات في بدايات ناس الإنقاذ ـ ايام التهور والتطاول ، والشتائم العجيبة ديك

قام نفر كريم من أبناء السودان ممن يحظون بمناصب رفيعة في الإمارات ، ويحوزون إحترام كبير من مسئوليين رفيعي المستوى بالدولة

قاموا بمبادرة لرأب الصدع ، وإعادة العلاقة بين البلدين

ولكن وفي الإجتماع الذي ضم هذا النفر من أبناء السودان ووفد إماراتي رفيع ـ إضافة لممثلين للنظام الحاكم في السودان

أنفض الإجتماع فجأة ـ وأخرست المفاجأة أصحاب هذه المبادرة من أبناء السودان المقيمين بالأمارت ـ وعقدت الدهشة لسانهم ـ وبالداجي كدا ـ ما عرفوا يقولوا شنو ويودوا وشهم وين ؟

تدرون ما السبب ـ !!!!!

قام أحد أعضاء الوفد الإماراتي بتشغيل شريط تسجيل ـ وقال للحاضرين ـ هذا لسان حال حكومتكم التي تودون أن نعيد علاقتنا بها ـ وهذا التسجيل تم قبل أيام من أذاعتكم الرسمية ـ

كان التسجيل لسئ الذكر يونس محمود ـ وفيه يكيل من الشائم والإساءات وقبيح القول ، للشيخ زائد ولكل الأسرة الحاكمة

فرغم كل ذلك تحمل الإماراتيون هذا الأذى ـ وأستمر السودانيين المقيمين يحظون بنفس الإحترام والتقدير ـ بل وعادت الإمارات تمد الأيدي البيضاء للسودان حكومة وشعب

الأخوة والأخوات المتداخلون

أي إجراء من الشرطة يتم بناءً على موافقة النيابة العامة مهما كان الشخص
والذي شاهدناه في الفيديو عبر الموبايل هذا يتم في كل البلاغات الكبيرة والصغيرة للإستدلال بها في المحكمة
في الإمارات لا فرق بين إماراتي ولا أجنبي والقانون يطبق على الكل ويمكنكم أن تروا إماراتي تم القبض عليه في المطار بسبب مبلغ إحتمال
يكون أقل من 500 درهم لصالح شركات إتصالات أو .. أو وهنا في الإمارات لو عندك دين لجهة ما أو شخص ولم تسدده في وقته ومهما كان المبلغ
فمصيرك الحبس.
عشان تعرفوا بساطة هذا الشعب لم نرى طيلة العيش هنا وإلا نادراً أن رأينا احد المسؤولين يسير في الشوارع بموكب حتى رئيس الدولة ونوابه الكرام
إلا في حالات معينة لبعض الرؤساء الزائرين والله أحياناً يكون هنالك رؤوساء زوار للبلد ونفاجأ بذلك في الجرائد.

السودانيين الذين عملوا مع شيوخ الإمارات الكرام من أراد منهم جنسية الدولة أعطوه ومن رفض تملكوه عقارات (أين تجدون هذا في العالم)

أرجع لموضوع الفيديو وأذكر لكم أهم وأخطر قضايا في الدولة وتصنف بالدرجة الأولى هي:
المخدرات
القتل
التزوير والغش ومن ضمنهم (السحرة والمشعوذين)
الرشوة

الآن من يعرف الحقيقة فيما رأيناه؟؟؟؟ فهل رأيتم تعذيب في الفيديو؟؟؟ أما الكلام كما ذكر المتداخلون والقانونيين يعرفون ذلك بأنه تهديد
وأخيراً للعلم أن بالإمارات لجنة لحقوق الإنسان هذا غير (السفارات)؟؟؟؟ التي تشرف على مسجونيهاومواطنيها وحتى العاملات (أو كما يقولون الخدمات)

Quote: اعتذار لإخواني المقيمين في الإمارات يعلم الله لم أرد بكلامي السالف الإساءة إلى أحد منكم أو ازدرائه وإنما هو نوع من المزاح قد جانبني فيه الصواب وهذا هو أسلوبي الذي أكتب به في المنبر دائما وما كل إنسان يحتمل المزاح .. ولكل مقام مقال ولأنه لا كبير على الحق .. فإني أعتذر منكم جميعا سأقوم بتعديل مداخلتي ... سامحونا والعفو والعافية .

وأنا (كمقيم بالامارات ) أقبل اعتذارك وأقبلك على رأسك وأرجو أن تقبل اعتذاري
لمخاشنتي لك وتبا للشيطان ياخ ..
قم بتعديل مداخلاتك لأقوم بتعديل ردودي .

بصراحة عشت اكثر من 15 سنة بدولة الامارات العربية المتحدة ،ماشفت منها الا الخير ..

* بلد مؤدب اهلها .

* وجدنا الاحترام والتقدير ..

* شعب مختلف والله ..
* قيادة حكيمة ..

* شرطة لاتفرق بين صاحب البلد وغيره ..

*** واهم شيء القانون سيد الكل ..
ولايضيع لك حق

Quote: الأخوة والأخوات المتداخلون أي إجراء من الشرطة يتم بناءً على موافقة النيابة العامة مهما كان الشخص والذي شاهدناه في الفيديو عبر الموبايل هذا يتم في كل البلاغات الكبيرة والصغيرة للإستدلال بها في المحكمة في الإمارات لا فرق بين إماراتي ولا أجنبي والقانون يطبق على الكل ويمكنكم أن تروا إماراتي تم القبض عليه في المطار بسبب مبلغ إحتمال يكون أقل من 500 درهم لصالح شركات إتصالات أو .. أو وهنا في الإمارات لو عندك دين لجهة ما أو شخص ولم تسدده في وقته ومهما كان المبلغ فمصيرك الحبس. عشان تعرفوا بساطة هذا الشعب لم نرى طيلة العيش هنا وإلا نادراً أن رأينا احد المسؤولين يسير في الشوارع بموكب حتى رئيس الدولة ونوابه الكرام إلا في حالات معينة لبعض الرؤساء الزائرين والله أحياناً يكون هنالك رؤوساء زوار للبلد ونفاجأ بذلك في الجرائد. السودانيين الذين عملوا مع شيوخ الإمارات الكرام من أراد منهم جنسية الدولة أعطوه ومن رفض تملكوه عقارات (أين تجدون هذا في العالم) أرجع لموضوع الفيديو وأذكر لكم أهم وأخطر قضايا في الدولة وتصنف بالدرجة الأولى هي: المخدرات القتل التزوير والغش ومن ضمنهم (السحرة والمشعوذين) الرشوة الآن من يعرف الحقيقة فيما رأيناه؟؟؟؟ فهل رأيتم تعذيب في الفيديو؟؟؟ أما الكلام كما ذكر المتداخلون والقانونيين يعرفون ذلك بأنه تهديد وأخيراً للعلم أن بالإمارات لجنة لحقوق الإنسان هذا غير (السفارات)؟؟؟؟ التي تشرف على مسجونيهاومواطنيها وحتى العاملات (أو كما يقولون الخدمات)

*** فــوق

*** أحسنت الأخ فتحي عباس

Quote: وأنا (كمقيم بالامارات ) أقبل اعتذارك وأقبلك على رأسك وأرجو أن تقبل اعتذاري لمخاشنتي لك وتبا للشيطان ياخ ..

أشكرك على اعتذارك
والعفو والعافية

ايام الفلم المسئ للاسلام اغلب الناس عملوا اضان الحامل طرشا
وشبكونا ليك حرية تعبير وغوغاء وغوغايين
وعييك وعاك
ولمّن الكلام وصل حوش الزول ؛الجقلبة حصلت؛

ياخي الاساءة للدين بقت زي شراب الموية بناكلها دقداق ساي
واساءتنا بنقيف فيها الف احمر ونقعد نطبطب ونغطغت .

أطالب بسحب البوست وإيقاف صاحبه لربع ع الأقل بسبب الإفتراء والتدويل ..
يتبع .....

Quote: بصراحة عشت اكثر من 15 سنة بدولة الامارات العربية المتحدة ، ماشفت منها الا الخير .. * بلد مؤدب اهلها . * وجدنا الاحترام والتقدير .. * شعب مختلف والله .. * قيادة حكيمة .. * شرطة لاتفرق بين صاحب البلد وغيره .. *** واهم شيء القانون سيد الكل .. ولايضيع لك حق

100%
يا خي بلد ما تشوف فيها الشرطي الا لمن تغلط
وجواز سفرك الا لمن تجي تسافر
ربنا يخفظ بلد زايد

والله يا بكرى أبوبكر الكلام القلنا للمتهمين (قبل أن تثبت إدانتهم ) لنزع البينات وإدانتهم لو لأ نعشم فى مغفرة المولى وفضله لو عبدنا الله حق عبادته وصلينا حتى تفطرت الاقدام ما نأمن أن يغفر الله لنا .

دخلت أخى بكرى أبوبكر (يبدو من غير قصد ) فى لجة عميقة وهاوية سحيقة ربما (ودت حوشك ولحقتو آمات طه ) !!يا أخى زرت الامارات ثلاثة مرات وأعرف عدد مقدر من أهلى عملو بها وكذلك من الزملاء من الشرطة وما زالوا لم يذكروها إلا بالخير .
والان إستجابة لرغبة 99% من المتداخلين أرجو أن تكون ديمقراطى وتسحب البوست (وتدعى نفسك جزاء من عندك !! أو أمشى لى بوست الضابط المناوب نصرف ليك من هناك !!!) .

أسحب ... أسحب.. وبالنار حاول ما تلعب
فى شعب شيخ زايد لا نافق لا داهن أو كذّب
وكل سودانى عزيز ومكرّم فى بلدو وشارب من أعذب
من أعذب بى أخلاق أخوانو والكل الكل تلقاهو مهذّب

Quote: معليش .. بوست مجحف سـ خيف.. لا يوجد شعب مثالي ولا توجد مدينة فاضلة لكن الساكت عن الحق شيطان أخرس .. الإماراتيون يا بكري -بصورة عامة- من اكثر شعوب العالم تهذيبا .. كما انهم ناس مسالمين لدرجة بعيدة.. علاقتهم بالسودانيين علاقة فيها كثير من الثقة.. الإحترام.. والود الصـــــادق.. للإماراتيين طيبة لا يخطؤها القلب النظيف.. وصعب عليهم جدا كسر خاطر الآخرين ناهيك عن إيذائهم.. والله لكانما اتوا من زمن غير زماننا هذا.. الإمارات من اكثر دول العالم امنا وأمان.. يتعايش الجميع على اختلافاتهم في هارموني وسلام ماشفنا شكلة ولا حجازين.. في الإمارات يا بكري الناس ممكن تنوم وابوابها غير موصدة.. في الإمارات لا تحتاج ان تراقب ممتلكاتك طول الوقت ولا تحسب ليك باقي في محل.. في الإمارات تسوق والشارع منور الى ان تصل لوجهتك.. بعد ساعة او اربعة ساعات.. في الإمارات لا يتعرض رجل لإمرأة في الشارع.. لا معاكسات ولا خدش لكرامة النساء.. الإماراتيون.. شعبا وحكومة لا يتدخلون في حياة الناس .. عش ودع غيرك يعيش.. ما بتلبوا عليك او يباروك ناس امن.. ولا شرطة نظام عام.. شعوب الخليج كلهم على جنب.. والإماراتيين على جنب لوحدهم.. شعب نقي الدواخل.. الناس ديل كحامل المسك ..عندما يمروا بجانبك -رجال كانوا ام نساء- تتنسم اجمل العطور وكذلك دواخلهم.. ناس نضاف برة وجوة يا بكري..

شكراً نجوان عبرتي عني
كذلك عبر عني كثير من الأخوان
هذا البوست بالتعمم المخل في عنوانه صادم لنا كسودانيين يعيشون على هذه الأرض الطيبة لمدة جاوزت ربع القرن من الزمان لم نجد فيها إلا كل إحترام
وهذا البوست بالتعمم المخل في عنوانه ظالم لدولة وقفت على إمتداد تاريخها ولا تزال تقف مع السودان في أزماته المزمنة ووقفت ولا تزال تقف مع السودانيين مهما تسافه بعضهم وأخلوا بشروط الضيافة .
أربأ بك يا بكري أن تكون وأنت المالك لهذا الصرح الكبير أربأ بك أن تكون ساعياً لإثارة حتى لو كان نتيجتها ظلمك لدولة لم نرى منها إلا كل توقير
وأربأ بك أن تكون ساعياً لإثارة تكون نتيجتها الإضرار بجالية كبيرة وجدت في سوح هذه الدولة ملاذاً وأمناً
وأربأ بك أن تكون ساعياً لإثارة تكون أخف أضرارها حجب موقعك هذا في أكثر دولة مسالمة ومتسامحة في العالم

في ظننا أنك أكبر من هذا
وأنك أعقل من هذا
لذلك ننصحك بحقك علينا في النصح أن تسحب هذ البوست

انت عارف يا بكري لو كنت قاعد تكتب معانا كل يوم

كان جبت ضقلا يكركب


مخير الله

Quote: فيكم عذاب في كهرباء وفي تخليع اظافر في كلاب تاكلكم العن من سجن بوغريب

صُدمت أكثر لردود السودانيين و السودانيات الذين يستشهدون بأحوالهم الشخصية علي أن الإمارات العربية جنة الله في الأرض و حكامها ملائكة و السودانيون فيها أعزّاء كرام ....
هل تدرون إهانة سوداني واحد ظلما و نعته ب يازول هي إهانة لكل السودانيين؟؟!!
اليوم عرفت تماما لماذا لن تقوم ثورة لإصلاح الوطن ... لأن هناك من بدّل وطنه لقاء راحته الشخصية ليردد بلا خجل (لم أجد في الإمارات إلا معاملة كريمة) ...
المعاملة الكريمة التي تتلقاها ستكون في وطنك عندما تكون أنت حرّا فيها ..... و ليس في أي مكان مهما (أحسنوا اليك) في ظرف ما .... ألم تقولوا ذلك عن بلاد خليجية كثيرة قبل إجتياح صدام للكويت؟؟
الآن أنتم حقا إستمرأتم العيش الرغد .. في الحفر ...
و هب جنة الخلد الإمارات أو اليمن ... لا شئ يعدل الوطن
بغض النظر عن طول المدة (بعضهم يستدل علي تاريخ الفيديو لنفي تهمة إساءة السودانيين) .. و بعضهم يعدد المعاملة الكريمة التي لقيها و يلقاها شحصيا ....
بغض النظر عن كل هذا ... فالمهان هنا سوداني .... و يهدد بالتعذيب ....
و تاريخ الإمارات غير مشرف .... لأنهم عند صفاء علاقتهم بالنظام الدموي في السودان ... فإنهم يقبضون علي أعدء النظام السودانيين و يرحلونهم الي نظام الإنقاذ .... أو يبعدوهم من الإمارات .....
الشعب السوداني لو كان مثل من تداخلوا هنا دفاعا عن الإمارات خوفا علي مصالحهم الشخصية ... يكون الشعب السوداني إنتهي ..... حتي المصريين الذين أصبحوا ملطشة في وقت ما .. لم يصلوا الي هذا الحد من التخلي عن نصرة أي مصري في العالم ..
دعك عن الوقوف مع الحق ..

شكرا بكري ..... فلقد أثبت أن المبادئ لا تتجزأ ....
الحل هو أن تنتصروا لوطنكم ... و تستعيدوه ممن إختطفه منكم .... و إلا
ومن لم يهوى صعود الجبال عاش أبد الدهر بين الحفر

محمد سليمان أو أيا كان إسمك
هازول ما تصدم كان مصدوم إتا شن نفرك ؟ قفة واللا أضان قفة
الإماارتي لم يسىء أبدا لسوداني كما تفعل إتا دون أن تجد من
يكبس ليك دلقان قديم في خشيمك دا ..
قوم لف بلا الله أداني بلا وهم معاك ..
التوقيع :
طلحة عبدالله أحد الذين صدموك في فاخورتك الماكنة دي .

Quote: و نعته ب يازول

نلسون مانديلا جااااكم..

والله يامغتربين اﻹمارات مافيكم فايدة
ياخى معقول حصلت كمان ينعتوكم بيازول وتسكتوا؟

Quote: بغض النظر عن طول المدة (بعضهم يستدل علي تاريخ الفيديو لنفي تهمة إساءة السودانيين) .. و بعضهم يعدد المعاملة الكريمة التي لقيها و يلقاها شحصيا .... بغض النظر عن كل هذا ... فالمهان هنا سوداني .... و يهدد بالتعذيب ....

لا يوجد أبرع من السودانيين في تحقير وتعذيب السودانيين...

لا لتعذيب السودانيين في أي مكان
لكن لا أيضا لخرق قوانين الدول المضيفة أوالاساءة لها

سلام يا جماعة

أتفق مع ما قاله الأخ محمد سليمان.
لا أظن أن حكومة تحترم نفسها سوف تغضب من مثل هذا البوست، أو توقف سودانيز أونلاين بسببه، أو تغضب من السودانيين في الإمارات بسببه. العنوان لم يقل أن الحكومة هي المسئولة. هناك شيخ أو أمير ومعه فريق من الشرطة هم المسئولون، فلماذا يريد الذين طلبوا من بكري سحب البوست أخذ المسألة تجاه الحكومة أو شعب الإمارات. فاليوتيوب مليء بشرائح الشيخ عيسى. وبتجاوزاته هو ومعه فريق من رجال الشرطة. ربما يكون هذا الشيخ مريض ولم يتم اكتشاف ذلك إلا مؤخرا [إذن أن الشرائح قديمة] مثل هذه الشريحة.. هسي دا زول نصيح؟؟

http://www.youtube.com/watch?v=EChcMg5Lzjo&fe...ure=player_embedded#!

ياسر الشريف يا حبيب
ها زول إتا بتقول في شنو ؟؟؟؟؟
خليك من الفيديو وسحب البوست وما أدراك
يعني عاجبك القاعدين يجوا يتريقوا ويسخروا ويلمحوا ضد بورداب الإمارات
واللا كيف ؟؟
لشنو الناس دي عايزا الباقين تشوف وتسمع وتفكر بعيونم وأضنينم وعقلم هم ؟؟
أي زول يجىء يقول رأيو لكن ما يمارس وصايتو واساذيتو علي ...
بالنسبة لي أية أساءة أو تمليح بالأساءة بردها بعشر أمثالها لأني ما قاعد أسىء لزول لا
هنا ولا في أي مكان .

يا طلحة سلام عليك وعلى كل الكرام من إخواننا وأخواتنا في الإمارات
أنتم كرام ، وعموم أهل الإمارات كرام كما قرأنا وشاهدنا من شهادات الناس هنا. ولكن هناك ظلم وقع من جهة ما على بعض السودانيين.

قولك
((يعني عاجبك القاعدين يجوا يتريقوا ويسخروا ويلمحوا ضد بورداب الإمارات
واللا كيف ؟؟))

أنا اتفقت مع ما قاله محمد سليمان وهو لم يتريق ولم يسخر من أحد. وقد قال الحق بكل احترام وتهذيب.

قولك:
((لشنو الناس دي عايزا الباقين تشوف وتسمع وتفكر بعيونم وأضنينم وعقلم هم ؟؟
أي زول يجىء يقول رأيو لكن ما يمارس وصايتو واساذيتو علي ...))
أنت والكرام الآخرين قلتم رأيكم. وآخرون لم يتفقوا معكم فيما ذهبتم إليه، وأنا منهم. ولكن ما أفتكر أنو في زول بيقدر يفرض وصايتو هنا على الآخرين.

قولك:
((بالنسبة لي أية أساءة أو تمليح بالأساءة بردها بعشر أمثالها لأني ما قاعد أسىء لزول لا
هنا ولا في أي مكان .))
أقول دا كلام زعل ما بتقصدو. ولكن إذا كنت تقصد ذلك فأقول لك: يا زول "اتق الله". فالحق عز وجل قال: "وجزاء سيئة سيئة مثلها، فمن عفا وأصلح فأجره على الله"
فأين تضع رد الإساءة بعشر أمثالها؟؟

ياسر

Quote: اعترف الشيخ عيسى بن زايد آل نهيان، شيق حاكم الإمارات، بقيام السلطة في تعذيب وترويع المعتقلين أثناء التعذيب، وقال الشيخ عيسى بن زايد آل نهيان عبر شريط قام بتسريبه رجل الأعمال الأمريكي من أصل عربي بسام النابلسي; أن التعذيب يتم أثناء التحقيق في سجون الإمارات العربية المتحدة عبر إستخدام الكهرباء وقلع الأظافر وإستخدام الكلاب المتوحشة وكان يدلي بهذه الإعترافات أمام أفراد من الشرطة الإماراتية وبحضور مجموعة من السودانيين كان أعد العدة من أجل تسفيرهم لبلادهم بعد إتهامهم بفساد في مزرعته. ويعد هذا أول إعتراف مباشر من أحد أفراد الأسرة الحاكمة في دولة الإمارات االعربية المتحدة عن ما يجري في سجون الإمارات والتي تعج بالآلاف من مواطني هذه الدولة ورعايا عرب وأجانب تم إتهامهم في قضايا مختلفة تحيط بصحتها شكوك عديدة خاصة بعد ان ثبت في قضايا أخرى بأن حكام هذه الدولة فوق القانون. وقد وردت في الآونة الأخيرة شهادات عديدة تؤكد التعذيب أثناء التحقيق بحق مفكرين ودعاة سجنوا مؤخرا في الإمارات العربية المتحدة. وعيسى بن زايد هو إبن الرئيس الراحل دولة الإمارات العربية المتحدة الشيخ زايد بن سلطان آل نهيان، والأخ الغير شقيق للرئيس الحالي للإمارات الشيخ خليفة بن زايد آل نهيان، وقد سبق وأن تورط فيما لا يقل عن خمس وعشرين عملية تعذيب أشهرها عملية تعذيب التاجر الأفغاني والتي أحدثت ضجة عالمية بعد ان بثت شريط التعذيب قناة آ بي سي نيوز الأمريكية، حيث قام هذا الشيخ السادي بضرب هذا التاجر بالسياط وبقطعة خشب تحوي مسمارا وتعذيبه بالكهرباء وإدخال العصا في مؤخرته ثم دهسه بالسيارة. ومع ذلك قامت المحاكم الإماراتية بتبرئته من هذا الجريمة عام 2010 في ظل إنتقادات عديدة من منظمات حقوقية.

الحديث عن حق الانسان في الكرامة والاحترام
لايقبل الموازنات

أعتقد أن هذا الشيخ حوكم ولكن أيضاً من حاكمه كان قاضي سوداني
واذكر أن القاضي حكم له بعدم الادانة في قضية الافقاني
وقد فتحت الزميلة تراجي بوست عاصف جداً تناول تلك البراءة
متهمة القاضي بكثير من التهم
ياليت أحدهم او تراجي يجلب رابط البوست

العنوان فضفاض..والبوست "أفض "أن صح التعبير منو ..يا باشمهندس..

بس اوعا يكون البوست ده مضاد لبوست قصي مجدي سليم الشكر فيهو شرطة دبي ..

على اي حال العذاب القلوتو ده ما شفناهو في الفيديو المرفق ..ولا حتى في واحد رفع يدو وضرب أي واحد من المتهمين ..لكن ده ما بنفي أنو في نوع من التهديد والترويع ..، بس قصة انو الشرطي وهو بقيض على المتهم بيذكروا بي حقوقه وأنو ما يقول كلام ممكن يدان بيهو ده ما قاعدين نشوفها إلا في الافلام الأمريكية ..والناس العايشين هناك أو في كثير من الدول المتقدمة "حقوقيا" ممكن يكون ده واقع معايش بالنسبة ليهم ..بس ده ما الحاصل للاسف في معظم الدول العربية والافريقية ..، عشان نطالب بيهو الامارات تحديدا ونعتبره تحقير وتعذيب ومستهدف بيهو السودانيين كمان!! وأمكن ده الخلى معظم السودانيين المقيمين في الامارات يستنكروا ده ..لأن من وجهة نظرهم دي ما الحقيقة الكاملة ..ده جزء وجزء مظلم ما فيهو وقائع كاملة ..وحكم بالنوايا..!

عموما نعم لمحاكمة عادلة للمتهمين ..فهم أبرياء حتى تثبت التهمة عليهم ولا لممارسة أي إكراه على الاعتراف بأي وسيلة كانت ..