في دولة المشروع الحضاري يمنع دخول المنقبات احدي الكليات في السودان

في السودان وليس فرنسا

حسب ماهو موجود في دليل الكلية صفحة ٥٠
يمنع دخول المنقبات حرم الكلية

هل هذه الشروط تمت بموافقة وزارة التعليم العالي
في دولة المشروع الحضاري

هذه الكلية لوكانت خارج السودان لهتف المسلمون ضدها
ولكنها هنا في السودان دولة المشروع الحضاري

لوكان المسولون يعلمون فهيا مصيبة ولوكانوا لايعلمون المصيبة اكبر

Quote: هنا في السودان دولة المشروع الحضاري

المسلمى سلام
ياخ ما تاكلنا حنك ساى ياخ
مشروع شنو وحضارى منو
الحنك العاضى دا اندثر مع اندثار يونس (قط الانقلاب ) من ايام الفهد المروض
اصحىي يا بريش هذا فيما يختص بالمشروع الكبارى ( النظرية الثالثة وواحد من عشرة )
لان النظرية الثالثة تتبع الكتاب الاخضر
اما موضوع النقاب ( النينجا ) دا ما عندى فيهو كلام ومن حقها ان تلبس ما يناسبها من قماش اى حرية الاختيار المظهرى
لكن قصة وحنك المشروع دا مضحك كثيرا والله
وثلاث اشياء تم استهلاكهم فى عهد الانقاذ الكئيب هذا بشكل يدعو للاسى
الاستراتيجية الشنو كدا ما عارف
سقف زمنى لى شنو كدا ما عارف برضو
والمشروع الحمضاوى ( الرد ،، كبارى وسد )
هذا طبعا من بعد استهلاك ناكل مما( نلحس من المواطنين )ونلبس (مما نكوش من مال عام )
وبالمرة نتفسح فى اى مكان فى شرق آسيا


قاسم المهداوى

Quote: هنا في السودان دولة المشروع الحضاري

الاستاذ المسلمي بعد التحية ،،

انا بصراحة اصلي ما عرفت مفهوم كلمة (المشروع الحضاري)

هو شنو بالضبط ،، وهل ال23 سنة الفاتت دي كانت من ضمن المشروع الحضاري ،،
ولا بداء بعد الانفصال ،،
ولا حا يبداء من جديد،،
وشكلو كيف وبرنامجو شنو ،،
هل هو خاص بالاقتصاد ولا الدين ولا الجغرافيا ولا الديمغرافيا ،،

عشان انا شايف اي واحد بجي برمي الكلمة دي وبمشي

يا ريت تدينا مختصر مفيد عن المشروع الحضاري ،، وعلى ضؤئها بنعرف معاييره ونشوف اخدنا بمبة ال23 سنة الفاتت زي المصطلحات الكتار الهلكونا بيها ولا صاح الناس ديل عندهم مشروع حضاري ونحن ما حاسين بيه ،، ومصيرو يبان ويملا الارض عدلا بعد ان ملاءت جور،،

احترامي

ياخي معقولة ادخل لي أسرار ، أسرار بمعني سر، المنقب خطر علي الامن العام، لا ندري من خلف النقاب او القناع، كشف الوجة حالة أمنية مستقرة ام إخفائه فهي مصيبة، اخي أتحدث عن الدواعي الأمنية ،
فرار صائب

هل صاحب الكلية المعنية يحارب المسلمات المنقبات

عبذالرحمن قرشيً سلامات المنقبات داخلات الجامعة والا القيادة العامة حتي يمنعن الدخول

هل اعلنت الانقاذ الحرب علي الاسلام داخل الحامعات

هل الحكومة السودانية بدات في تنفيذ سياسة جديدة لمحاربة الاسلام
ومنع بناتنا المنقبات من احدي الكليات ياللعار

هل الحكومة السودانية بدات في تنفيذ سياسة جديدة لمحاربة الاسلام
ومنع بناتنا المنقبات من احدي الكليات ياللعار

هل تمت اجازة الكتيب الخاص بالجامعة من وزارة التعليم العالي

Quote: عبذالرحمن قرشيً سلامات المنقبات داخلات الجامعة والا القيادة العامة حتي يمنعن الدخول

الضمان شنو يكونوا طالبات شابات ما شباب ؟؟؟
حصلت قبل كدا مشاكل من النقاب والقصص كتير جدآ....
قبل كدا وقفوا عرسان من دخول احد الفنادق فى الخرطوم بسبسب النقاب ...
عادى جدا لو كلية خاصة ...
سلام الاخ محمد...

اخوي ود المسلمي،

ياخي انحنا مالنا ومال النقاب، ياخي انحنا شعب مسالم وبنحب بعض شديد، الاخت وبت الجيران وزميلة الدراسة وما عندنا اصلو ثقافة نقاب ولا حجاب ذاتو، شعب طبيعي وتلقائي ونقي.

جاتنا ثقافات خليجية ودفعنا تمن عقليات متخلفة تخاف من الرجل وزوجة اخية، عشنا في الحوش وما بنعرف حاجة غير التوب السوداني والطرحة، لبسوهو حبوباتنا وامهاتنا وما سمعنا تب عيب في مجتمعاتنا،

دخلنا في نقاب وحجاب والذي منو، النقاب ليس من عاداتنا ولا من إسلامنا ولا كان السودان قبلة مشركا،

Quote: هل اعلنت الانقاذ الحرب علي الاسلام داخل الحامعات

الاخ محمد،

يازول استغفر، ماهي علاقة الاسلام بالنقاب؟ هل الاسلام عندك نقاب؟

الاخت نجاد سلامات
ديننا امر المراة ان تتحجب وهذه المنقبة هي تعبر عن ماتعتقدهةصحيح
فليس من حق الكلية كانت خاصة اوعامة ان تمنع من هي منقبة من الدخول
الي الكلية مع العلم ان الحكومة تدعي الاسلام

الأخ محمد المسلمي

تحياتي وحمداً لله على السلامة
حيث هناك بوست فتحه الزميل الرقيق في الترحيب بيك ف يالوطن
يا زول إت جيت بي بانكوك - دبي

ولا طوالي سيول - دبي - الخرطوم

وإلا إت بتكتب حالياً من مكان فوق السحاب ما الخرطوم الواحدة دي

والله وتمي بالله كان تجولت في الخرطوم دي ورويت من موية النيل تاني ما تكتب كلام زي دا

مع إنو إتغيرت حاجات كتيرة بالحيل يا محمد لكن برضو هناك سودانوية روابه

زي ما قال ليك زميل فوق نحن يا زول فينا من القديم حاجات

بحيراوي

Quote: ﻳﺎﺥ ﻣﺎ ﺗﺎﻛﻠﻨﺎ ﺣﻨﻚ ﺳﺎﻯ ﻳﺎﺥ ﻣﺸﺮﻭﻉ ﺷﻨﻮ ﻭﺣﻀﺎﺭﻯ ﻣﻨﻮ ﺍﻟﺤﻨﻚ ﺍﻟﻌﺎﺿﻰ ﺩﺍ ﺍﻧﺪﺛﺮ ﻣﻊ ﺍﻧﺪﺛﺎﺭ ﻳﻮﻧﺲ ) ﻗﻂ ﺍﻻﻧﻘﻼﺏ ( ﻣﻦ ﺍﻳﺎﻡ ﺍﻟﻔﻬﺪ ﺍﻟﻤﺮﻭﺽ ﺍﺻﺤﻯﻲ ﻳﺎ ﺑﺮﻳﺶ ﻫﺬﺍ ﻓﻴﻤﺎ ﻳﺨﺘﺺ ﺑﺎﻟﻤﺸﺮﻭﻉ ﺍﻟﻜﺒﺎﺭﻯ ) ﺍﻟﻨﻈﺮﻳﺔ ﺍﻟﺜﺎﻟﺜﺔ ﻭﻭﺍﺣﺪ ﻣﻦ ﻋﺸﺮﺓ ( ﻻﻥ ﺍﻟﻨﻈﺮﻳﺔ ﺍﻟﺜﺎﻟﺜﺔ ﺗﺘﺒﻊ ﺍﻟﻜﺘﺎﺏ ﺍﻻﺧﻀﺮ ﺍﻣﺎ ﻣﻮﺿﻮﻉ ﺍﻟﻨﻘﺎﺏ ) ﺍﻟﻨﻴﻨﺠﺎ ( ﺩﺍ ﻣﺎ ﻋﻨﺪﻯ ﻓﻴﻬﻮ ﻛﻼﻡ ﻭﻣﻦ ﺣﻘﻬﺎ ﺍﻥ ﺗﻠﺒﺲ ﻣﺎ ﻳﻨﺎﺳﺒﻬﺎ ﻣﻦ ﻗﻤﺎﺵ ﺍﻯ ﺣﺮﻳﺔ ﺍﻻﺧﺘﻴﺎﺭ ﺍﻟﻤﻈﻬﺮﻯ ﻟﻜﻦ ﻗﺼﺔ ﻭﺣﻨﻚ ﺍﻟﻤﺸﺮﻭﻉ ﺩﺍ ﻣﻀﺤﻚ ﻛﺜﻴﺮﺍ ﻭﺍﻟﻠﻪ ﻭﺛﻼﺙ ﺍﺷﻴﺎﺀ ﺗﻢ ﺍﺳﺘﻬﻼﻛﻬﻢ ﻓﻰ ﻋﻬﺪ ﺍﻻﻧﻘﺎﺫ ﺍﻟﻜﺌﻴﺐ ﻫﺬﺍ ﺑﺸﻜﻞ ﻳﺪﻋﻮ ﻟﻼﺳﻰ ﺍﻻﺳﺘﺮﺍﺗﻴﺠﻴﺔ ﺍﻟﺸﻨﻮ ﻛﺪﺍ ﻣﺎ ﻋﺎﺭﻑ ﺳﻘﻒ ﺯﻣﻨﻰ ﻟﻰ ﺷﻨﻮ ﻛﺪﺍ ﻣﺎ ﻋﺎﺭﻑ ﺑﺮﺿﻮ ﻭﺍﻟﻤﺸﺮﻭﻉ ﺍﻟﺤﻤﻀﺎﻭﻯ ) ﺍﻟﺮﺩ ،، ﻛﺒﺎﺭﻯ ﻭﺳﺪ ( ﻫﺬﺍ ﻃﺒﻌﺎ ﻣﻦ ﺑﻌﺪ ﺍﺳﺘﻬﻼﻙ ﻧﺎﻛﻞ ﻣﻤﺎ ) ﻧﻠﺤﺲ ﻣﻦ ﺍﻟﻤﻮﺍﻃﻨﻴﻦ ( ﻭﻧﻠﺒﺲ ) ﻣﻤﺎ ﻧﻜﻮﺵ ﻣﻦ ﻣﺎﻝ ﻋﺎﻡ ( ﻭﺑﺎﻟﻤﺮﺓ ﻧﺘﻔﺴﺢ ﻓﻰ ﺍﻯ ﻣﻜﺎﻥ ﻓﻰ ﺷﺮﻕ ﺁﺳﻴﺎ ﻗﺎﺳﻢ ﺍﻟﻤﻬﺪﺍﻭي

الاخ قاسم المهداوي المفروض علي الحكومة منح الحرية التي لاتمانع بها انت في لبس الحجاب للاخوات لارتداء النقاب في كل مكان المافي شنوا شنو ياقول اخونا قيقراوي

الاخ المستشار البحيراوي الله يقبل حمدك
يااخي انا مندهش ليى حكومة تدعي الدين للناس واحدي كلياتها تمنع دخول المنقبات
ولو كان الكلام ده في غير السودان لادانه الناس وخرجت المظاهرات وهنا يتم المنع
في البلد المسلمة وحاكمة باسم الدين واخر النهاية طلع كلام
نرجوا من المسولون المراجعة لهذا القرار

Quote: عبذالرحمن قرشيً سلامات المنقبات داخلات الجامعة والا القيادة العامة حتي يمنعن الدخول

شكراً يا ود المسلمي

كفيتنا عناء الرد على الحجة الضعيفة لــ عبدالرحمن قرشي

Quote: الضمان شنو يكونوا طالبات شابات ما شباب ؟؟؟ حصلت قبل كدا مشاكل من النقاب والقصص كتير جدآ.... قبل كدا وقفوا عرسان من دخول احد الفنادق فى الخرطوم بسبسب النقاب ... عادى جدا لو كلية خاصة ... سلام الاخ محمد...

منطق فقير وكسيح

طيب خليهم يوقفوا الشرطة، من أجل من يلبسون لبسها وينتحلون شخصيات رجالها

Quote: منطق فقير وكسيح طيب خليهم يوقفوا الشرطة، من أجل من يلبسون لبسها وينتحلون شخصيات رجالها

طول بالك ياشيخ دى حقائق ...
بارك الله فى الاخ الوضح رفض الكلية من دخول المنقبات وانتهى الامر.

فى يوم من ايام هذا المشروع لم يكن يسمح للطالبات المحجبات بالدخول الى جامعة مــا فى امدرمان
وكان وزير التعليم العالى د. ابراهيم احمد عمر وذهبنا لــه وكانت له غضبة لله فى الانتصار لهذا الدين

اليوم من هو المسئول عن إنفاذ موجهات وضوابط الدراسة فى التعليم العالى وما هو دوره فى إثبات هذا الحق
للمرأة فى أن تلبس ما تشاء / ما تؤمن بــه لتحقيق معتقداتها الدينية
جامعة النيلين بموجب لائحة داخلية للجامعة ( يمنعون ) لبـس الطالبات ( الكارينا لوحدها او تحت قميص تي شيرت )
جامعة امدرمان الاسلامية / القران يمنعون بنص شروط القبول من دخول الطالبات الى الحرم الجامعى دون لبس الحجاب
ثم لا يعنى انها كلية خاصــة ان مالكها لهو الحق فى أن يشترع ما يشاء من اللوائح بحث يمنع شكل من اشكال التدين
يؤمن بــه كثير من المسلمين .


هل الخيار هو كما إقترح من قبل د. قاسم بدرى بتحديد زى للطالبة الجامعية لكل الجامعات ( مبرراتــه ذات طابع عملى )





_______

هو يا مسلمى يوجد هناك من لا يؤمن إبتداءاً بالحجاب كإحدى موجهات الاسلام للمرأة ..

الاخ المسلمي كدي خلينا من المنقبات
المشروع الحضاري ده وين لمشروع سندس.......؟

المسلمي

و ما دخل النقاب بالاسلام يا هذا؟؟؟!!!

ولا أقول ليك....ما هو الإسلام نفسه؟؟!!

Quote: كفيتنا عناء الرد على الحجة الضعيفة لــ عبدالرحمن قرشي

الشيخ عماد السلام عليكم ورحمة الله هذ الكلام كان موضوع خطبة الجمعة في مسجد الشيخ محمد سيدحاج عليه حمة الله وقد احض الخطيب الشيخ ابرلهيم الكتيب الخاص بالكلية وتعجب الشيخ منهم ونصح الحكام بان ماتفعله الكلية يعتبر من ضمن الاساءة للاسلام والمسلمون
ياليت المسولون يسمعون ويزيلون الضرر

محمد سلامات

محمد عاوزة اسالك ليه النساء في الحج او العمرة ما بتنقبوا ؟؟؟

Quote: فى يوم من ايام هذا المشروع لم يكن يسمح للطالبات المحجبات بالدخول الى جامعة مــا فى امدرمان وكان وزير التعليم العالى د. ابراهيم احمد عمر وذهبنا لــه وكانت له غضبة لله فى الانتصار لهذا الدين اليوم من هو المسئول عن إنفاذ موجهات وضوابط الدراسة فى التعليم العالى وما هو دوره فى إثبات هذا الحق للمرأة فى أن تلبس ما تشاء / ما تؤمن بــه لتحقيق معتقداتها الدينية جامعة النيلين بموجب لائحة داخلية للجامعة ( يمنعون ) لبـس الطالبات ( الكارينا لوحدها او تحت قميص تي شيرت ) جامعة امدرمان الاسلامية / القران يمنعون بنص شروط القبول من دخول الطالبات الى الحرم الجامعى دون لبس الحجاب ثم لا يعنى انها كلية خاصــة ان مالكها لهو الحق فى أن يشترع ما يشاء من اللوائح بحث يمنع شكل من اشكال التدين يؤمن بــه كثير من المسلمين . هل الخيار هو كما إقترح من قبل د. قاسم بدرى بتحديد زى للطالبة الجامعية لكل الجامعات ( مبرراتــه ذات طابع عملى )

الاخ بدرالدين المسولية والاثم في هذ القرار تتحمله لدولة وسنجهر لهم بقول الحق حتي ازالة الباطل ولعل الكتابة في هذا الموضوع ترفع الحرمان عن بناتنا من دخول الكلية

ــــــــــــــــــــ
انت ياشيخ بدرالدين الناس ديل دائرنها بدون ضوابط شرعية

الأخ محمد المسلمى
بعد الصهيونية المسيحة يبدو أن الصهيونية الإسلامية تتبلور
بعد تهجير الهاشميين وسيطرة الأعراب على البترول وإقامة شراكة
مع تجار الدين هنا وهناك لقمع الناس بإسم الدين مع تمرمغهم فى النعيم ...
من قال أن منع النقاب يعنى محاربة الإسلام ؟ كفاية لعب بالعواطف وتجارة بالدين !!

Quote: هل الحكومة السودانية بدات في تنفيذ سياسة جديدة لمحاربة الاسلام ومنع بناتنا المنقبات من احدي الكليات ياللعار

====================

( المقنع الكندى )
أحد شعراء العصر الأموي ينتسب على قبيلة كندة وهي من اعرق القبائل اليمنية واشهرها والتي عرفت بسيادتها،.
يرجع المؤرخون لقب المقنع الذي عرف به لأن القناع كان من صفات الرؤساء، وكل من غطى رأسه فهو مقنع، كما قيل
أنه كان شديد الجمال فكان يستر وجهه مخافة العين.

Quote: في دولة المشروع الحضاري

بالله هو الإسم ده لسة موجود؟

طبيعي أن تُمنع المنقبات من الدخول، فالوجه هو عنوان الشخص للتعرف عليه (ID) ..... كما أنها لن تستطيع حمل جواز سفر أو بطاقة شخصية أو رخصة سواقة .... أي أنها لن تستطيع السفر أو قيادة سيارة أو حتى الجلوس لإمتحان ........ فما الذي يجعل دخول الجامعة أهم؟

هذا إذا سلّمنا أن النقاب الذي نراه الآن هو من متطلبات الإسلام.

Quote: وقد احضر الخطيب الشيخ إبراهيم

إبراهيم ميرغني حسن الطاهر،، من قرية "النية" جنوب الجيلي

يا شيخ محمد.. أبلغه تحياتي الشخصية لو شفتو

دا استهبال بتاع كيزان من نوع جديد انته جاى تشتكى لينا حكومتك ؟

قدم استقاتك من جهاز الامن لو ما عجبك الكلام دا

Quote: Quote: عبذالرحمن قرشيً سلامات المنقبات داخلات الجامعة والا القيادة العامة حتي يمنعن الدخول شكراً يا ود المسلمي كفيتنا عناء الرد على الحجة الضعيفة لــ عبدالرحمن قرشي

حبيبنا عماد حسين،

ياخي ما عندي اي حاجة، حجتي هي عقلي وقرائن الأحوال ،

أنا ما عارف عمرك كم يا عماد لكن لو رجعت حبة من الزمن الي ماضي السودان سوف لن تجد حاجة اسمها نقاب من اصلو الهم الا عادات تنتشر هنا وهناك للتأقلم مع ظروف الطقس من سفايه ولا وأتربة ، حتي الحجاب ما كان خلاص منتشر، كانو الناس بمشو الجوامع وبمشو الحج وبعملو اي فريضة، لم ينتقص احد من اسلام اهل السودان لانو مافي نقاب، هذة عادات غزت السودان قريبا ولا تمت البتة بالإسلام ، عندنا بت الجيران ذي الاخت والحياة كانت جميلة ومتسامحة، عندنا ديوان الرجال لكن لم يكن البتة يعني فاصل لداخل البيت، ماعًرفنا فلسفة المراءة تندسا من الرجال بتلقي ود الجيران محكر في نص اخواتنا وبرضو في النهاية اخو واكثر غيرة علي بت الحلة من اخوها، كان في تصافي وعفوية وتسامح، الجماعة مشو علي الخليج وجو معاهم نقاب وحجاب وفرز البت من الولد، يعني شلنا اسؤء طرقهم وافتكرنا الشغل دا اسلام، والله الاسلام بري جداً من هذة المذمة،

مسلمي

حمدالله علي سلامة الوصول .. ان شاء الله الدولار يكون انستر معاك

Quote: ديننا امر المراة ان تتحجب وهذه المنقبة هي تعبر عن ماتعتقدهةصحيح فليس من حق الكلية كانت خاصة اوعامة ان تمنع من هي منقبة من الدخول الي الكلية مع العلم ان الحكومة تدعي الاسلام

يلا يا شيخنا تعال فهمنا الفوق دا ..

اولا يا ديجانقو افرز بين الحجاب والنقاب

المسلمى يبدو انه وقع فى (خير) اعماله
الكلية المقصودة هى الكلية الوطنية لصاحبها البروفيسور قرشى محمد على و هو كادر جبهجى معروف من ايام كان طالبا بالثانوية و قد تولى مناصب عديدة فى ايام الانقاذ هذه قبل ان يستقل بعمله الخاص
اما راى الشخصى فى ما قام به فهو محق 100% فمعظم الكليات عنده كليات طبية و لا مناص من ان يقف الطالب او الطالبة على تفاصيل حميمة اثناء التدريب تتضمن ضمن ما تتضمن الاعضاء الحساسة فى جسم الانسان: فكيف يستقيم ان تسال طالبة الطب مريضا ما عن حياته الجنسية و تكشف عليه فى تى مكان من جسمه و هى ترى حرجا فى كشف وجهها
الامر عندئذ يبدو مضحكا جدا

Quote: جامعة النيلين بموجب لائحة داخلية للجامعة ( يمنعون ) لبـس الطالبات ( الكارينا لوحدها او تحت قميص تي شيرت ) جامعة امدرمان الاسلامية / القران يمنعون بنص شروط القبول من دخول الطالبات الى الحرم الجامعى دون لبس الحجاب

Quote: ديننا امر المراة ان تتحجب وهذه المنقبة هي تعبر عن ماتعتقدهة صحيح فليس من حق الكلية كانت خاصة اوعامة ان تمنع من هي منقبة من الدخول الي الكلية

الأخ المسلمي بنفس المبدأ التي لا ترتدي الحجاب و غيرها تعبر عن ما تعتقده صحيح فهل تتحلى بالمبدئية في موضوع (حرية الزي للفتيات في الجامعات) وتطالب بإسقاط شرط منع دخول الطالبات الى الحرم الجامعى دون لبس الحجاب من شرط القبول في جامعتي (امدرمان الاسلامية / القران الكريم) وإسقاط اللائحة الداخلية في جامعة النيلين التي تمنع إرتداء الكارينا ؟؟

الاخوة المشاركون شكرا للمرور
اليوم منع النقاب وبكرة منع المحجبات
وبعد بكرة حاجات كتيرة مامعروفة ولكنها قد تفرح احمد حنين الذي لايفضب لمنع طالبة ملتزمة بالحجاب الشرعي
الشي ده ماموتمر وطني الشي ده حجاب وسترة




-------
احمد حنين !!!!!!!!!!!!!!

الخوذة بتاعة المواتر ما ممنوعة ... وانتو اصلاً متعودين على التلاعب على القوانين ... والمنظر ما بيهمكم كتير ...

(وأهو بالمرة التبخة بتاعة الخوذة أأمن من الدلقان بتاع النقاب!)









... المهم ....

الاخ محمد والمتداخلون سلام وتحية:
الكلية التي تتحدث عنها يمنع فيها النقاب لان بها زي موحد للطلاب ومثله للطالبات وقبل بدء الدراسة عليك الالتزام بهذا الزي وهو زي محتشم للطالبات والطلاب ويمنع من الدخول كل من لم يرتدي هذا الزي الجامعي الموحد.....

واضيف ليك معلومة عشان الناس ما تصطاد في الماء العكر صاحب هذه الجامعة ومديرها من حفظة القرآن الكريم ومشهود له بالنزاهة والاستقامة.......

.