Post: #1
Title: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-16-2012, 01:27 PM
http://www.sudaneseonline.com/news-action-show-id-71725.htm
"دار أبوك كان خربت"..صرف أجور شهرية ومخصصات وإمتيازات بأسماء بعض شهداء الخدمة المدنية
Quote: طلب توظيف " شهيد " مع التوصية بتكملة إجراءات ترقياته حتى يلحق دفعته،
09-16-2012 12:45 PM
الطاهر ساتي
شكراً للصُدفة ..!!
** وثيقة غريبة، رغم أن كل غرائب الدنيا أضحت مألوفة في بلادنا، بحيث يفسد المفسد ويترقى ليتمادى في الفساد، وليس في الأمر ما يُدهش..فلنقرأ الوثيقة التالية، نائب المراجع العام يخاطب الأمين العام لمجلس الوزراء بالنص القائل : ( خلال مراجعة فرق المراجعة لحسابات ولاية الخرطوم، إتضح صرف أجور شهرية ومخصصات وإمتيازات بأسماء بعض شهداء الخدمة المدنية، تقبلهم الله، وذلك منذ العام 2002 وحتى تاريخه..وقد تم هذا بناءً على قرار وزاري صدر عن مجلسكم بالرقم (615/ 1997)..وإستكمالاً لبياناتنا عن الموضوع، نطمع في مدنا بصورة من القرار رقم (615/ 1997)، وإفادتنا عن مدى سريان الإمتيازات الخاصة بالأجوروالمخصصات الأخرى لشهداء الخدمة المدنية، وشكراً..صلاح الدين محمد عثمان، نائب المراجع العام للإدارة والحكم القومي والولايات)، هكذا الوثيقة ..!!
** أغرب مافيها، أن الذين إنتقلوا إلى رحمة الله يصرفون المرتبات والبدلات كأنهم أحياء يعملون ويشغلون بعض وظائف الحياة..ليس هذا فحسب، بل إليكم الوثيقة التالية، وهي بتاريخ 28 مارس 2007، إذ فيها يتم تعيين أحد الشهداء باحدى الوظائف بعد ترقيته، فلنقرأ : ( السيد/ مدير عام وزارة الحكم المحلي.. السلام عليكم ورحمة الله ..الموضوع/ الشهيد (م).. للتكرم بتسكينه على وظيفة شاغرة، وتكملة إجراءات ترقياته حتى يلحق دفعته، وإفادة وزارة المالية بذلك..ولكم الشكر..صلاح الدين الأمين، الأمين العام لحكومة ولاية الخرطوم المكلف)، هكذا نص الوثيقة..وأغرب مافيها، تعيين من إنتقل إلى رحمة مولاه في وظيفة شاغرة، ثم ترقيته بحيث يتساوى راتبه وبدلاته ودرجته الوظيفية مع راتب وبدلات والدرجات الوظيفية لرفاقه بذات المرفق الحكوم..الأحياء من شباب بلادي يتخرجون في جامعاتهم ثم يبحثون عن الوظائف ولايجدونها حتى يصل بهم الحال سن المعاش، بيد أن ولاية الخرطوم توظف الموتى - رحمهم الله - بكل إمتيازات الوظيفة ثم ترقيهم، ترقية تلو أخرى، ولا أدرى كيف يتم تبليغهم - رحمة الله عليهم - بتلك الترقيات ..؟؟
**المهم، تلك الوثائق أربكت المراجع العام، حين وقعت في يدها - بالصدفة - بتاريخ 3 يوليو 2012، وسأل وزارة مجلس الوزراء عن مشروعية مايحدث.. إذ ليس من العقل ولا القانون أن يتم تعيين الموتى - شهداءً كانوا أم فقداء - في وظيفة شاغلها يخدم الأحياء، وليس أهل القبور..وكذلك ليس من العقل ولا القانون أن يصرف الموتى - شهداءً كانوا أم موتى - المرتبات والبدلات - بما فيها بدل وجبة وبدل ترحيل وبدل أعباء وغيرها- من وحداتهم الحكومية التي كانوا يعملون بها قبل أن ينتقلوا الى رحمة الله..هذا أمر غريب، علماً منظمة الشهيد هي الجهة المناط بها رعاية أسر الشهداء، وكذلك صناديق الرعاية الأخرى..لقد أدهش هذا الأمر الغريب المراجع العام، ولذلك سأل مجلس الوزراء عن محتوى القرار (615/1997)، والذي بموجبه يحدث ما يحدث.. !!
** المهم، كان رد مجلس الوزراء - بتاريخ 31 يوليو 2012- لسؤال المراجع العام، رداً فحواه : ليس هناك أي قرار بهذا الأمر، أما القرار رقم (615/ 1997)، لاعلاقة له بهذا الأمر، ولم يقرر ذلك.. بعد هذا النفي الغليظ، وجه المراجع العام ديوان الحكم المحلي بولاية الخرطوم بمعالجة هذا الأمر المخالف لقانون الخدمة العامة ولوائح المال العام، بل والذي لايتسق مع العقل، وأمرهم بشطب أسماء الشهداء من كشوفات المرتبات والبدلات وغيرها، وهذا ما حدث قبل شهرين تقريباً .. حسناً، بالصدفة وحدها وجد المراجع تلك الوثائق وكشف مخالفتها لقانون الخدمة ولوائح المال العام، ثم خاطب وزارة مجلس الوزراء لتأكيد المخالفة وأكدها بنفي مجلس الوزراء عن إصداره أي قرار حول هذا الأمر، ثم أزال المخالفة القانونية.. فالسؤال، من أين إستلهمت ولاية الخرطوم فكرة هذه المخالفة، ونفذتها - منذ العام 2002 وإلى عامنا هذا - دون الرجوع الى المراجع العام وقانون الخدمة العامة ولوائح المال العام ..؟؟
** إجابة ذاك التساول متوفرة بكثافة.. إستلهمت ولاية الخرطوم فكرة مخالفة قانون الخدمة ولوائح المال العام من القرار الوزاري التالي، والصدار بتاريخ 3 مارس 2002، ونصه كما يلي : ( عملاً بأحكام المادة 50، مقروءة بالمادة 64، أصدر القرار الآتي نصه : على جميع الوحدات التابعة لولاية الخرطوم معاملة الشهداء كأحياء حتى بلوغ السن القانونية للتقاعد الإجباري، وذلك بدفع مرتباتهم وامتيازاتهم واستحقاقاتهم وترقيتهم للدرجات الأعلى كما لوكانوا مستمرين في الخدمة ..غلام الدين عثمان، وزير الماليةن،ولاية الخرطوم )..هكذا خالف الوزير القوانين واللوائح قبل (10 سنوات)، بل خالف طبيعة العقل البشري وتفكيره السوي، وإمتثلت الوحدات الحكومية لتلك المخالفة حتى عامنا هذا.. ولولا الصدفة التي أظهرت تلك الوثائق في حسابات هذا العام لحكومة الخرطوم، لما نجح المراجع العام في كشف هذه المخالفة التي التي عقل بشر.. وعليه : شكراً للصدفة، وليست للمسماة مجازاً بالمؤسسية أو( طبيعة العقل البشري) ..!!
........
نقلا عن السوداني
[email protected] |
|
Post: #2
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: محمد إبراهيم علي
Date: 09-16-2012, 01:50 PM
Parent: #1
| Quote: الموضوع/ الشهيد (م).. للتكرم بتسكينه على وظيفة شاغرة، وتكملة إجراءات ترقياته حتى يلحق دفعته |
والله الكيزان اخدوا البلد فعلا غنيمة باردة
|
Post: #3
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: محمد مصطفي مجذوب
Date: 09-16-2012, 01:52 PM
Parent: #1
ما عارف يا الاحيمر ليه موضوعك ده ذكرني قصة فرعون وقلة عقله؟
اها كدي العارف يشرح لينا البمضي للمراحيم حضور وخروج منو ؟ عزرائيل عليه السلام!
والمرحوم ده قاعد في قبرة اربعة وعشرين ساعة بحسبوا ليهو اليوم بثمانية ساعات والباقي اوفرتايم واللا كيف؟
ونظام اجازاتهم المراحيم السنوية كيف؟ فيها تذاكر سفر إن شاء الله بالانتينوف ؟
اهم من ده كلو المراحيم بقبضوا رواتبهم كيف.. شيك واللا كاش؟
علم الله واسع
|
Post: #4
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: نور الدين عثمان
Date: 09-16-2012, 02:42 PM
Parent: #3
واضح فى حركة المراحيم دى الكيزان بحسدوا بعض لانهم متاكدين انه مافى كوز الا وولغ فى المال العام
نهبا وسرقة وعارفين ده حرام ويوم موتهم هو يوم ذهابهم الى جهنم .. لذا فما عايزين المرحوم
يستريح من النهب وعايزنو يواصل معاهم حتى يلتقوا فى الحطمة نار الله الموقدة واكيد ده مصيرهم .
|
Post: #5
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: nadus2000
Date: 09-16-2012, 02:50 PM
Parent: #3
سلامات
وشكراُ ليك وللأخ الطاهر ساتي:
إذا الوزير صاحب القرار، اللي هو وزير المالية بولاية الخرطوم، غير ملم بأبجديات الادارة المالية ومسك الدفاتر، وهذه مصيبة،
والمصيبة الأكبر ألا يكون في وزارة المالية الولائية حتى محاسب مبتدئي، لينصح بعدم صحة هذا الاجراء من كل النواحي:
وسأضيف لأسئلة الصديق الطاهر ساتي:
= من المعروف أن العلاوات والامتيازات في وظائف الدولة تتضمن تعويض عن نفقات يتحملها الموظف لتأدية عمله، أولها بدل التنقل (بدل المواصلات)، وهو بدل يدفع للتعويض تكلفة المواصلات للحضور والانصراف من المكتب، فعلى أي أساس يا ترى يصرف مثل هذه البدل!!!!
بما أن القرار قد ذكر بصراحة "المعاملة أسوة بزملاء المرحوم الأحياء، هل يا ترى صرفت له بدلات إجازات، وماذا فعلوا ببدل السكن!!
وبموجب هذا القرار يستحق المرحوم سلفية، ومن الممكن أن يذهب الامر الى بدل مأمورية،
مش دا ياهو زاتوا "معاملة الاحياء"
والفهم قسم:
كان يمكن أن يصدر قرار بمنح مكافأة شهرية للورثة، وكفى الله شر المؤمنين القتال...
|
Post: #6
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-16-2012, 04:45 PM
Parent: #5
Quote:
والله الكيزان اخدوا البلد فعلا غنيمة باردة |
محمد ابراهيم
اخدوها بااااااااااردة و و ســدونا البارده
و يا خوي من هـو الشـهيد , الوصف الدقيق شـنو ؟ و البداية من متى
غايتو حقو يعملوها باثر رجعي عشـان يدخل فيها شـهداء كرري وانت جاي
Quote: ما عارف يا الاحيمر ليه موضوعك ده ذكرني قصة فرعون وقلة عقله؟
اها كدي العارف يشرح لينا البمضي للمراحيم حضور وخروج منو ؟ عزرائيل عليه السلام!
والمرحوم ده قاعد في قبرة اربعة وعشرين ساعة بحسبوا ليهو اليوم بثمانية ساعات والباقي اوفرتايم واللا كيف؟
ونظام اجازاتهم المراحيم السنوية كيف؟ فيها تذاكر سفر إن شاء الله بالانتينوف ؟
اهم من ده كلو المراحيم بقبضوا رواتبهم كيف.. شيك واللا كاش؟ |
محمد مصطفى
شـنو الأسـئلة المن جووووو الكفن دي , ما تنســى كمان في بدل مأموريات
وفي بدل انتداب و بدل إعارة .................الخ
بس المحيرني بدل الاجتماعات بياخدوا ؟ وبجتمعـوا مع الاحياء كيف ؟
Quote: وعارفين ده حرام ويوم موتهم هو يوم ذهابهم الى جهنم .. لذا فما عايزين المرحوم
يستريح من النهب وعايزنو يواصل معاهم |
نور الدين
ذكرتني الشـايقي القغـد يبكي على جارو الميت بحـرقة شــديدة
والجماعة يسـكتوا فيهو, وفالوا ليهو بتبكي كدي ليه انت ما عارف الميت جعـلي
قال ليهم ( مش البكا بعـذب الميت )
|
Post: #7
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-16-2012, 09:38 PM
Parent: #6
|
Post: #12
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: أيمن الطيب
Date: 09-17-2012, 06:51 AM
Parent: #7
تحياتى أستاذنا محمد مجذوب ,,
| Quote: اها كدي العارف يشرح لينا البمضي للمراحيم حضور وخروج منو ؟ عزرائيل عليه السلام! |
أصحاب التواقيع بالنيابة عن الشهداء المراحيم تقبلهم الله القبول الحسن هم أنفسهم الشفوت الذين يوقعون على إستلام المرتبات والحوافز والبدلات وتزاكر السفر آخر الشهر وإحتمال لى قدام شوية يحصل نقل ملكية لما تركه الشهيد من حرث وضرع ومتاع وزوجات,,
أرجو أن تكون الرؤية قد إتضحت,,,
سلامات يا إحيمر
|
Post: #13
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالكريم أحمد الامين
Date: 09-17-2012, 07:50 AM
Parent: #7
** ود إحيمر ..
** سلام وصباحك خير..
## بفقه الضـــروره كلو جايز ,, يعينوا الشهيد ويتدرج فى الوظيفه ويعرسو مرتو ##
## الضرورات تبيح المحظورات !!!!!!!## (وكمان بدل المواصلات ماشى فى الراتب وغلاء المعيشه وبدل الإجتماعات ............)
(اللهم أنقذنا مِن من أتوا لإنقاذنا)
(ابو محمد فؤاد)
|
Post: #14
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-17-2012, 08:39 AM
Parent: #7
Quote: ..وقد تم هذا بناءً على قرار وزاري صدر عن مجلسكم بالرقم (615/ 1997)..وإستكمالاً لبياناتنا
عن الموضوع، نطمع في مدنا بصورة من القرار رقم (615/ 1997)، |
المراجـع يطلب القرار التحفة الذي زعموه لتبرير المأكلة والفسـاد
ومجلس الوزراء يـرد
Quote: كان رد مجلس الوزراء - بتاريخ 31 يوليو 2012- لسؤال المراجع العام، رداً فحواه : ليس هناك
أي قرار بهذا الأمر، أما القرار رقم (615/ 1997)، لاعلاقة له بهذا الأمر، ولم يقرر ذلك |
المراجع عرف أنه لا يوجد قرار ولا يحزنون , إذن لماذا لم يرفع المخالفة للقضاء
و من اين اسـتمد الجماعة الحـق في صـرف مرتبات للشـهداء و ترقيتهم
|
Post: #9
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: الطيب شيقوق
Date: 09-17-2012, 05:44 AM
Parent: #6
ود المجذوب
Quote: ما عارف يا الاحيمر ليه موضوعك ده ذكرني قصة فرعون وقلة عقله؟
اها كدي العارف يشرح لينا البمضي للمراحيم حضور وخروج منو ؟ عزرائيل عليه السلام!
والمرحوم ده قاعد في قبرة اربعة وعشرين ساعة بحسبوا ليهو اليوم بثمانية ساعات والباقي اوفرتايم واللا كيف؟
ونظام اجازاتهم المراحيم السنوية كيف؟ فيها تذاكر سفر إن شاء الله بالانتينوف ؟
اهم من ده كلو المراحيم بقبضوا رواتبهم كيف.. شيك واللا كاش؟ |
ههههههههههههها يجازي محنك يا مسنوح ضحكتني ياخ الله يضحكك في الدارين وراتبك وعلاواتك تكون ماشة في الدارين
|
Post: #10
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: أيمن الطيب
Date: 09-17-2012, 06:20 AM
Parent: #3
تحياتى أستاذنا محمد مجذوب ,,
| Quote: اها كدي العارف يشرح لينا البمضي للمراحيم حضور وخروج منو ؟ عزرائيل عليه السلام! |
أصحاب التواقيع بالنيابة عن الشهداء المراحيم تقبلهم الله القبول الحسن هم أنفسهم الشفوت الذين يوقعون على إستلام المرتبات والحوافز والبدلات وتزاكر السفر آخر الشهر وإحتمال لى قدام شوية يحصل نقل ملكية لما تركه الشهيد من حرث وضرع ومتاع وزوجات,,
أرجو أن تكون الرؤية قد إتضحت,,,
سلامات يا إحيمر
|
Post: #8
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: MOHAMMED ELSHEIKH
Date: 09-17-2012, 05:23 AM
Parent: #1
سلام يا عبد الله وكل سنة وانت طيب.
عشان الشهيد دا -رحمه ورحمنا الله جميعا- وظيفتوا تشغر ويستفيد منها زول تاني حي ,لازم يموت تاني وبشرط يكون موت طبيعي مش شهادة ودا طبعا مستحيل في ظل الدولة الرسالية حيث الشهادة توزع على الأموات مثلها ومثل شهادات الدكتوراه المالية البلدبدون ضابط او رابط!!!!
|
Post: #11
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: محمد هاشم ابوزيد
Date: 09-17-2012, 06:37 AM
Parent: #8
| Quote: علماً منظمة الشهيد هي الجهة المناط بها رعاية أسر الشهداء |
سلام وتحيه عبدالله
نالت تلك المنظمه نصيب الاسد من تجاره السودان (استيراد) كل شي حتي تساهم في دعم الشهداء
الظاهر والله اعلم انها ترعي الاحياء منهم (مرحله ما قبل الشهاده) فقط.
|
Post: #15
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: Alshafea Ibrahim
Date: 09-17-2012, 08:45 AM
Parent: #11
الله يستر المراحيم ديل ما يطلعوا مظاهرات ردا على هذه الإجراءات الظالمة التي (تنوي) جهات معادية للمشروع الحضاري القيام بها ..
شكرا صاحب البوست وضيوف رواتب ومخصصات الشهيد
الشفيع إبراهيم
|
Post: #16
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-17-2012, 09:30 AM
Parent: #11
| Quote: وإحتمال لى قدام شوية يحصل نقل ملكية لما تركه الشهيد من حرث وضرع ومتاع وزوجات,, |
ايمن الطيب
ســلامات
نقـل الملكية دا خارج نطاق عمل المراجع العـام عشـان كدا
نقـول أمـا المنقولات ما خفـي اعظـم
| Quote: بفقه الضـــروره كلو جايز ,, يعينوا الشهيد ويتدرج فى الوظيفه ويعرسو مرتو |
عبد الكريم ( الما كيكي )
صباح النور
وفي الشــهادة ســـبع فوائـد
| Quote: حيث الشهادة توزع على الأموات مثلها ومثل شهادات الدكتوراه المالية البلدبدون ضابط او رابط!!!! |
ود الشــيخ
وينك ياخي
يا محمد انت الضباط الحاكمننا ديل و بربطوا في البلد ما شــايفهم
و مرفعينين رابط وضابط شــقوا بطن الشــعب البجاهد
Quote: نالت تلك المنظمه نصيب الاسد من تجاره السودان (استيراد) كل شي حتي تساهم في دعم الشهداء
الظاهر والله اعلم انها ترعي الاحياء منهم (مرحله ما قبل الشهاده) فقط. |
الأخ محمد هاشــم
لك التحـايا
ترعى الأحياء و ترعى ( بتخفيف الراء ) في اموال الشـعب
|
Post: #17
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عمر خليل علي
Date: 09-17-2012, 10:15 AM
Parent: #16
يا جماعة الناس دي شغالة بالدين (مش الشهداء احياء عند ربهم يرزقون)
الناس دي اخدت (عند ربهم ) يعني برضو في الدنيا(يعني جنس فهم ....؟)
الشهيد ده يعني بجي مكتبو وشغلو ماشي وبستلم راتبو بنفسه
كمان ....والشهدا ديل خشم بيوت يعني لازم يكون من الجماعة والا فهو
غير شهيد .... مش اخونا بتاع المجلس الوطني قال عن المرحوم (مكي علي بلايل) ممكن نعتبروا
شهيد مع انه معارض (هههههههههه) .....فشهداءهم ما زي بقية الشهداء....عشان
كده يصرفوا رواتب ....يصرفوا تعينات يدوهم علاوات انتو (حارقكم وين)؟
بس المحيرني مش هو عندو راتب وموجود بينا في الدنيا بعرسو مرتو ليه وياخدوها؟....
ومنوالكان بصرف حقوقهم؟ هل اسرهم ولا بتتشفط ؟
|
Post: #18
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: صديق الموج
Date: 09-17-2012, 10:18 AM
Parent: #16
كدى ورونا قبال يصرفو ليه ويرقوه هو منو البقرر انه فلان شهيد وفلان ما شهيد؟
لانى العارفه انا الزول بقول توفى فلان و نحسبه شهيد ،يعنى قرار شهيد ده يملكه
الحق عز وجل فقط..
تانياً البتتوفى فى الولادة شهيدة والذى يتوفى بداء البطن شهيد والغريق شهيد هل كل
هولاء يشملهم القرار التحفة ده ام القرار فقط للشهداء البتددهم الانقاذ؟
سؤال برى جداً ،،،
|
Post: #19
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-18-2012, 10:20 AM
Parent: #18
| Quote: وماذا فعلوا ببدل السكن!! |
Quote: والفهم قسم:
كان يمكن أن يصدر قرار بمنح مكافأة شهرية للورثة، وكفى الله شر المؤمنين القتال... |
اخي نادوس
لك الشـكر والسـلامو الاعتذار على الرد المتأخـر عى مداخلتك القيمة
بدل السـكن بكون أعلى لأن السـكن عندهم أغلى فالأرض محدود و السـكان كتار
ما شـايف أحيانا يجوا يحفـر يلقوا نفسـهم بيحفروا ســكن أحدهم
كما قلت الفهـم قســم
| Quote: بس المحيرني مش هو عندو راتب وموجود بينا في الدنيا بعرسو مرتو ليه وياخدوها؟ |
عمـر خليل
لك الود
انهـم كأحياء والأحياء عندنا هـم الأمـوات
صــورة مقلوبة
|
Post: #20
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: انس العاقب
Date: 09-18-2012, 11:45 PM
Parent: #19
يا خوانا ما تخرمو كتير أول حاجه شهداء أو ما شهداء ديل أموات مسلمين واجب علينا تأكيد حرمة الموتى فهم رحمهم الله لا ذنب لهم حتى
لو صرفت الفلوس لأسرهم بغير حق
ثانيا انا شخصيا ماقادر أصدق أن مثل هذا يحدث فى دوله تصر على انها تحكم بالشريعه (ودا طبعا ما حاصل) فعلى أى نص شرعى أو سابقة
فى التاريخ الإنسانى كله (ربما فى عصر المماليك) إعتمد قرار يعتبر الموتى فى زمرة الأحياء إلى أن يحالوا للمعاش؟
ثم لماذا التفريق الوظيفى بين من مات شهيدا وزميل آخر مات موت الله (كما يقال)..
الشهدا هم أحياء عند ربهم يرزقون لكن ماقيل أيضا أحياء فى الخدمه المدنيه وكمان يرزقون ويترقون
وينالون مرتباتهم والبدلات والمخصصات وهم هناك فى رحاب العلى القدير
أنا شخصيا متلخبط مع إنى مصدق المعلومه ...لكن فى حاجات كده ما بتدخل العقل ....
معقوله بس مواطن يموت يلتحق بالرفيق الأعلى ومع ذلك يملأ وظيفتو فى الديا وماهيتو وبدلاتو ومخصصاتو ماشه زى الترتيب وكمان يترقى ؟...
دى حاجه تمخول... تجنن ... تحبط اى واحد عندو ذرة عقل ...
فى حاجات فى الدنيا مفهومه برغم صعوبتها زى الظلم والمحسوبيه والفساد وقتل النفس البريئه و..و...
سألت نفسى بكل حياد ######ريه : (هل أنا فى نظر الخدمه المدنيه حى أم ميت وأنا أتقاضى معاش 361 جنيه شهريا منذ 5 سنوات بعد 49 سنه خدمه )
مش حقو الوحد يجن ويزيد فى الجن ورحم الله الفنان الكحلاوى ...
ومع تحياتى للجميع أرجوكم ما تخرمو كتير وتحولو الحكايه إلى إستطرادات كوميديه سوداء
وماذا عندنا من المضحكات .....كملو الباقى ......!!!!!!؟؟؟؟؟؟
|
Post: #21
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: abdalla elshaikh
Date: 09-19-2012, 00:21 AM
Parent: #20
الأخ ألأحمر وضيوفه
سلام عليكم! وعبركم أنقل مظلـمتي للكائنات الخرافيه التي تدير دولة بلاد السودان وأقول لهم أنا الكائن الحي الـمسمي عبدالله عبدالوهاب الشيخ تـمت إحالتي للصالح العام من مصلحة الثقافة بتأريخ ثلاثين أكتوبر سنة(1990) تحت الـماده ج{ 6 }ج ولـم يتـم إرجاعي ولـم تصرف لي أية مستحقات منذ ذلكم التأريخ وحتي كتابة هذا العرضحال!
تخريـمه:- يا جماعه الناس ديل جننوا إبليس ذاتو لحدي ما طفش وخلي ليهم البلد! ديل كائنات خرافيه
|
Post: #22
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-19-2012, 01:38 PM
Parent: #21
| Quote: كدى ورونا قبال يصرفو ليه ويرقوه هو منو البقرر انه فلان شهيد وفلان ما شهيد؟ |
صديق الموج
سـلامي و تحياتي
الاجابة على سـؤالك دا هي الضـو البكشــف الدغمســـة الحاصلة
Quote: يا خوانا ما تخرمو كتير أول حاجه شهداء أو ما شهداء ديل أموات مسلمين واجب علينا تأكيد حرمة الموتى فهم رحمهم الله لا ذنب لهم حتى
لو صرفت الفلوس لأسرهم بغير حق
ثانيا انا شخصيا ماقادر أصدق أن مثل هذا يحدث فى دوله تصر على انها تحكم بالشريعه (ودا طبعا ما حاصل) فعلى أى نص شرعى أو سابقة |
انس العاقب
كيف الحال
ياخي مافي زول تكلم عن الشـهداء ولكن تركز رفض واسـتهجان المداخلات في
الفعل الغريب من الحكومة والذي قلت عنه ( فعلى اي نص شـرعي او سـابقة )
الشـيء الذي يؤكد اتفاقك مع المسـتغربين بل زاد اسـتغرابك عنهم بقولك
( ما قادر اصدق ..........الخ )
ياخي انت ود شــيخ العاقب ولا انس آخر
| Quote: سلام عليكم! وعبركم أنقل مظلـمتي للكائنات الخرافيه التي تدير دولة بلاد السودان وأقول لهم أنا الكائن الحي الـمسمي عبدالله عبدالوهاب الشيخ تـمت إحالتي للصالح العام من مصلحة الثقافة بتأريخ ثلاثين أكتوبر سنة(1990) تحت الـماده ج{ 6 }ج ولـم يتـم إرجاعي ولـم تصرف لي أية مستحقات منذ ذلكم التأريخ وحتي كتابة هذا العرضحال! |
عبدالله الشــيخ
وعليكم السـلام ورحمة الله و بركاته
ياخي نضـم مظلمتك للملايين التي تنادي برفع الظلم
بس لو سـمحت اقترح عليك بدون زعل ( ان تسـتشـهد وقبل ذلك تحصل على شــهادة منهم بانك شـهيد
عشـان ما تتمقلب .............. ياخوي بعـد طول عمــر )
الأخوة الأعـزاء زوار البوسـت
أحســن الله عزاكم في اخـونا متوكل رحمة الله عليه و مغفـرته
و العـزاء موصول لهله واصدقائه
|
Post: #23
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: يحي قباني
Date: 09-19-2012, 01:43 PM
Parent: #22
عبدالله احيمر
سؤال خارج النص
انت عبدالله احيمر الدرس في المنصورة ؟؟
|
Post: #24
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: انس العاقب
Date: 09-19-2012, 04:51 PM
Parent: #22
يا شيخ عبدالله أنا مش مستغرب ولا مستهجن أنا أرفض تماما هذا الفساد بإسم الشهداء وأن هذا الأمر خرق سافر لكل القوانين والأعراف
انا لم أسخر من المداخلات والتعليقات الذكيه الأسيفه الممروره أردت فقط مناقشة الأمر من زاوية الواقع الذى نعيش فيه وهو واقع مرير وممرور
ناس تمشى الصالح العام ظلما وتفقد المرتب وناس يمشو المعاش بفتات مرتب وناس تركو الدنيا ومرتباتهم مستمرع هنا يا عبدالله مربط السؤال
بعدين أنا مش بس ود شيخ العاقب أنا ود رابحه بت رضوان خليفه مادح الرسول صلى اللع عليه وسلم ... بارك الله فيك
|
Post: #25
Title: Re: نعـم يالطاهـر سـاتي ؟؟؟ الشـهيد يصرف مرتب و يترقى كمان
Author: عبدالله احيمر
Date: 09-20-2012, 06:07 PM
Parent: #24
Quote: عبدالله احيمر
سؤال خارج النص
انت عبدالله احيمر الدرس في المنصورة ؟؟ |
اهـلالالالالا و ســـهلالا يحـي
عرفتك من بوسـتك بتاع الكوتشــينة و قلت
الزول البرمي الســبعة دا لازم يكون يحي البعرفو صاحب سـامي جـون
يحي ياخي السـبعة دي قلب الكوتشــينة إل يقلعا من يدي
عارف في ناس كتار بتذكروا الله في الحريق , الواحد يكون مزنوق و الشـمالو
زايد عليهو الزنقة , اها كل ما يجر كرت يقول ليك الله في
كيف حالك و الأســرة
| Quote: بعدين أنا مش بس ود شيخ العاقب أنا ود رابحه بت رضوان خليفه مادح الرسول صلى اللع عليه وسلم ... بارك الله فيك |
أخي الأكبر انس العاقب
لك ســلامي و تحياتي
رجعت اتذكـر زمن زمين , ايام كسـلا حي الجســـر و الخلوة طشـاش طشـاش و اولاد الفكي رضـوان
عثمان وهاشــم لهم الســـلام و التحية
|
|