أتَارِيهُو تَشْكِيل الحُرُوف سَاهِل كَدِي وأنا ما جايِب خَبَر

الفتحة مفتاح الـ shift + حرف الـ ض
تكتب الحرف اول شئ ثم مفتاح الشفت + حرف الـ ض
بالله الزمن دا كلو كنت قايل الحكاية دي صعبة خلاس
.
.
البشاري ومحمد ابراهيم ما تجوني ناطين لي في حلقي
لانو الدرس دا مهم جدا وماداير دوشة
خلوني انقش روحي وانقش المانقشين عشان تاني ما تطلعوا بيهم العالي
وتدلوا بالدقداق
وكت ما وريتونا بوري روحي و بوريهم براحة براحة جماعتي وانا بعرفهم كويس

ود البوش

دي عرفناها

هات الباقي

أخونا garjah
تحياتي

أصبر لي شوية شوية منها رسخان في الذهن ومنها فسيحة ومنهاجغيمة جغيمة
بالله ما لقيتا ساهلة الجماعة المتفلهمين ديل لاخمننا لخمة

أها واخدين بال حضرتكم انتهينا من قصة الفتحة
ونمشي وين ؟ للكسرة
ساااااااهلة ماتخافوا ساهي
أقع مفتاح الشفت وحرف الـ ش طوالي كع تكسر الحرف بالجرة
والله انا زمان قايل الجنيات بلصقوها تلصق ههههههههههه
بختكن سمك بُخار جاكن في كناركن

تدفع كم اديك برنامج اريحك في حنانك زاتو
لا تتعب تضغط شفت لا حاجة و لا تقعد تقول بالضمة و لا فتحة
تفتح البرنامج تكتب اي حاجة و بشكلها ليك زي الترتيب و تنسخ و تلصق محل داير

Shift + ث : الضمة
Shift + ء : السكون
Shift + ض : الفتحة
Shift + ش : الكسرة
Shift + ذ : الشدة
Shift + ئ : المدة
Shift + ص : تنوين فتح
Shift + س : تنوين كسرة
Shift + ق : تنوين ضم

علي طاهر
سلام يا زول
الشئ لا سلام ولا كلام فووووووو تكب الدفيس وتمرق
حيرتني كلو كلو ما تخلينا نونس ياخي
شكرا ياخي على الدفعة المدفوعا مقدما

حبيب الكل يا حبيبنا
سلام عليك يا زول

Quote: تدفع كم اديك برنامج اريحك في حنانك زاتو

الشئ شغلكم كلو ادفع ادفع أصلو كرتلة ولا ابواب اسبتاليات ؟
.
.
جيب البرنامج واجرك على الله
تكون ريحتنا من العتالة دي
ياخي انا كلامي كلو دارجي برا تشكيل بطلع خارم بارم انا ذاتي مرات ما بفهموا
شكرا مقدما

أها يا حبيب الكل قلت شنو ؟
نستناك تدينا البرنامج ولا نعتمد على ضراعنا وندهج ساهي دهجي بس
با نصب
بي خفض
بو رفع
اب جزم
باً نصبتين
.
.

وهكذا آنساتي سيداتي سادتي انتهى الدرس بالمخلص الذي اتحفنا به
اخونا علي الطاهر مشكورا علما بانني كنت ناوي اجيبو في اخر الحصة
بعد ان اهريكم هري بالنضمي والقلقصة ولكن لسان حال اخونا علي قال
يا زول ما تجننا ساهي بالنقنقة الفاضية دي
اتمنى ان اكون قدمت فائدة لبعض الناس الكانوا ما عارفين

لمزيدٍ من الإطلاع و التشكيل

هاك يا ود البوش دا البرنامج
تفتح الوصلة وتنزل البرنامج وتفك الضغط البرنامج بفتح معاك طوالي
واستخدامه ساهل ما بحتاج لشرح
ودا رابط مباشر للتزيل

http://bramegm.com/software/files/soft68/mishkal.zip
ونحن في الخدمة وبدون دفع كمان ههههههههههههههه

حبيبنا حبيب الكل
تحياتي
من علمني تشكيلا حفظت له جميلا

Quote: تفتح الوصلة وتنزل البرنامج وتفك الضغط البرنامج بفتح معاك طوالي

خائف اقوليك كيف نفك الضغط تقوم تزهج وتقول دي علة شنو دي الوقعت فيها دي ؟ ههههههه
.
.
لكن ما قصرت الباقي هين ... برضو فرصة نتعلم فيها فك الحرف وفك الضغط
شكرا جزيلا ياخي

ود البوش سلام وتحية

أخوك كان محتار في الموضوع دا حيرة شديدة .
بوست مفيد جداً
تسلم.

سلام يا عبد الله
لا لا ياخ بس قلنا نختصر ليك الموضوع
و نديك الزبدة و البرنامج بتاع حبيب الكل ده مفيد جدا
و بمناسبة فك الضغط بتعمل رايت كليك على الملف المضغوط
و تضغط على Extract here بقوم بوّلد ليك الملف المطلوب في نفس المجلد

http://www.arabic-keyboard.org/

اضغط على المصيبة دي وعاين في الركن
الشمال تحت بتلقى التشكيل قاعد مقنطر.
اكتب الحرف و بعديها التشكيل بمزاج
طبعاً دا كلو بالماوس يا حمام

مع تحيات استديو وادي حلفا

اوووووووو ولدنا المعلم الكبير فيسل هليل
مشتاقين ياخي
عمك احمد جابوهو ليهو جواب فتحو وقبل على عمك مختار
دحين دا مو الواو الضكر ؟
انا كان بعرف الواو الضكر قاعد معاكم هنا يا طير
.
.
شكرا على البرمجة والله اقدرنا على الاستفادة منها
.
.
استديو ابوكابورة دا ما كان تجدع لينا منو صورة ؟


شكرا مع التحية يا حبيب

أخونا العزيز علي طاهر
سلام وتحية واحترام

Quote: لا لا ياخ بس قلنا نختصر ليك الموضوع

بالعكس ياخي انا ما كنت ح اعرف ارصهم زي رصتك دي
وشكرتك في سري وهظرت جهرا
.
.
اكرر شكري وتقديري وايضا اشكرك على طريقة فك الملف المضغوط
يا زول هو انا وخالد المحرب وصديق الموج ناس سعية ساهي ما تشوفنا كدا
ما عارفين ائ حاجة وبرضو في ناس كتار اجغموا والبدوا وبعد اعرفوا الليلة دي
بكرة اعملوا ليك فيها معلمين ......
شكرا جزيلا ياخي

أخونا مرتضي عبدالجليل
سلام وتحية

Quote: أخوك كان محتار في الموضوع دا حيرة شديدة .

نحمد الله كلنا بفكة الحيرة والشباب ما قصروا نشكرهم جميعا
هنيئا لك بالاستفادة
وتسلم من كل شر

ود البوش

تَشْكِيل ساهل للبعرفوا عربي

وناس الشهادات الكندية و البريطانية ديل كيف

Quote: وناس الشهادات الكندية و البريطانية ديل كيف

فيرست تو بوسس اربيك كيبورد
سكند تو ديفرنشيت بيتوين التاء المربوطة وحمزة القطع
وبعد كدا عادي ممكن اقربوا بالدحيشة والعبو كنبلت
.
.
سوري آي هاف نو انجليش كيبورد تو اكسبريس ماي سيلف آذ ويل
لكن للضمان كدا ثانكيو فيري متش وداهة

ما قصرت يا ود البوش اجتهاد منك مقدر

الاخ/ ودالبوش

والله طلعت شفت عديل كدة
بصراحة معلومة جديدة والحكاية بتاعة التشكيل دي مستفزاني عدييييل

لكن في واحد تاني اشفت منك نفك الرابط ونشوف


لكم مودتي

Quote: والله طلعت شفت عديل كدة

يعني اشفت من مفتاح الشفت ؟
.
.
عمنا سعد الله يرحمو كان بلعب الضمنة وزميلو اُمْحَدحمد ولدو وفي احدى التوزيعات
امحدحمد ولدو دكاها قال اربعة شفوت وحسب النظام بتدك الورق
الجماعة احسبك احسبك لقيهن تلاتة بس قاليهو ارفع ورقك
قام عمي سعد فوووووو جدع الورق قال الشفت الرابع امحدحمد ولدي دا
.
.
استاذ اسامة شكرا جزيلا ياخي مع تحياتي
وساعدنا بفك الرابط المربوط دا وتعال راجع ورينا الحصل شنو

بصورة جادة يا وضاحة اللغة العربية من اصعب اللغات في العالم
ومعقدة جدا ومن الصعب تعلمها في الكبر الا بعد جهود جبارة
عشان كدا يتوجب على الاباء والامهات بالدول الناطقة بغيرها الا يضيعوا فرصة
تعليم ابنائهم اللغة العربية منذ الصغر في المدارس العربية بالخارج
او حتى في البيت .......
وبهذه المناسبة يا دكتورة اعرف انك عشتي كل حياتك بالخارج
فكيف تعلمتي اللغة العربية ؟ وذلك للفائدة العامة
مع جزيل الشكر والتقدير
وتحياتي

اخونا ود البوش
قبل حداشر سنة( اتخيل) كنت محتار جدا في قصة الصور البنزلوها في البوستات دي
لمن حبيبنا اساسي وطبعا كان اسمه رومانسي( ما كان بتاع حجج زي هسع) فك لي الشفرة واداني الكودات لقيت انه الموضوع بسيط جدا
اها وبقيت اردم في الصور لو قلت لي السلام عليكم ارد عليك بصورة ههههههههه
هسع يا اخوي اوع كمان تردمنا بالتشكيل دا ههههه
مع خالص الود والاحترام

شُكراً ود البُوش ..
الله يعَدِل حالك ..
الله يعلم لينا زمن نفتش للتشكيل ..
امس القريبة دى فيسل هليل طاعنّى فى عنوان بوستى و قال لى ّ( عيّان ) و لمل رديت رأسى ضَربْ
ما عرفت اسوى شنو فى التشديد .
الله يستر حالك .

Quote: الله يعَدِل حالك ..

Quote: الله يستر حالك .

والله يا انور اخوي دعواتك دي اخير لي من حمر النعم ذاتن
ربنا اقبل دعاك واديك اضعافو واهديك الله اخليك

.
.
شكرا ياخي مع كل الود

Quote: قبل حداشر سنة( اتخيل) كنت محتار جدا في قصة الصور البنزلوها في البوستات دي

وفي زمنك دا ذاتو انا كنت محتار اصلا في الصور دي كيف تدخل كمبيوتر الجن دا
واتذكرت ليك لمن كنا صغار نفتح الراديو بالجنبة التانية كنا قايلين الفنانين
صغاااااااار جوة الرادي يغنوا ساااااااهي ... نفس حكاية تكسر البلية عشان نشيل الوردة الجواها
.
.
دا هين يا حبيب الكل تصدق في نفس الفترة دي او ( اتخيل ) عشان اتفلهم شوية
واحد قريبي وجامعي عشان ما تقول زول عوقة ساهي سألني سؤال لاسع محتار فيهو
قال لي اسمع ات الورقة البتجي بالفاكس دي كيفن بتدخل السلك وتمرق منو نضيفة
ولا عفصة واحدة ما فيها .... اتخيل بس اتخيل
.
.
اقوليك حاجة يا حبيب الكل عشان تعرف التكنولوجيا دي مشت سريع كيف
اها اسع قاليك بفكروا في ادخال شريحة في جسم الانسان تحتوي على كل معلوماته
وتكون مربوطة بسيرفرات عالمية وبعد كدا افكوك بطريقتك عجل بصريمتك
محل تمشي معلوماتك معروفة لا جواز ولا بطاقة ولا ورقة ولا اخدي ولا تعالي
دخلتك المطار تقيف قدام الجهاز طوالي تعمل dedecting
وطبعا دي مقصود بيها محاربة الارهاب محل ما تقبل خطواتك كلها في شريحتك بطريقتك
علما بان هذه الشريحة تجري فيك مجرى الدم يركبوها ليك من يوم الولادة واول معلومة فيها
الاسم وتاريخ الميلاد
غايتو قيامو وقامت
كلامي كتير .. صاح هريتك هري
ما صدقت مسكت المكرفون
شكرا جزيلا وان عدتم نعود ههههههههههههههههههههه

Quote: محل ما تقبل خطواتك كلها في شريحتك بطريقتك

والله دي مصيبة يعني لو شريحتك ظهرت ليهم ملصقة مع شريحة فلانة في السيرفر ما بظنه فيكم اخير اصلا ههههههههههههههههه

Quote: والله دي مصيبة يعني لو شريحتك ظهرت ليهم ملصقة مع شريحة فلانة في السيرفر ما بظنه فيكم اخير اصلا ههههههههههههههههه

الخوف ما من دي يا الحبيب
الخوف جماعتنا في السودان اقددوا جلدنا دا قديد
مرة اقوليك الشبكة كعبة ومرة اقوليك الشريحة حرقت تمش بيتكن طاشي شبكة
وطبعا في السودان بتكون مدتها سنتين بس عشان رسوم التجديد
الكلام دا صحي صحي يا الحبيب
قريب دا تسمع بيهو
.
.
.
يا ربي انا الكلام دا حلمت بيهو ولا خيال واسع ساهي ما عارف والله صحي
وهذا تحوطا للمصداقية

احيانا عدم التشكيل يغير معنى الكلمة تماما

لمزيد من الاطلاع لتعم الفائدة