نعم الا رسول الله يا كاريكا .. الا رسول الله

Post: #1
Title: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 07:06 PM
Parent: #0

احبك ياخي!!

Post: #2
Title: Re: نعم الا رسول الله يا كاريكا .. الا رسول الله
Author: محمد البشرى الخضر
Date: 09-14-2012, 07:25 PM
Parent: #1

تخيل يا قيقرا امكن الاتحاد الافريقي يعاقبو
زي ما حصل مع ابوتريكة في امم افريقيا قبل كدا
لكن ابدا ما خسارة او غرموه مفروض الكل يساهم في دفع الغرامه عنه

Post: #3
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 07:30 PM
Parent: #2

"إلا رسول الله"

ما قادر اشوف وجه الجريمة هنا يا ابو حتوت؟

-------------

أي تعبير غير عنيف عن (الرأي) ما شايف ما يعيبو

Post: #4
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 07:34 PM
Parent: #3

http://sudangateone.com/pages.php?pageid=14

------------

لحدي ما يترفع القون .. والقون الاروع!

Post: #5
Title: Re: نعم الا رسول الله يا كاريكا .. الا رسول الله
Author: محمد البشرى الخضر
Date: 09-14-2012, 07:35 PM
Parent: #3

لا هي ما جريمة لكن ليها علاقة بلوائح الفيفا و مسألة استخدام السياسة أو الدين
قبل كدا ايام حصار غزة ابو تريكة رفع القميص عن شعار "كلنا غزة" فتم تغريمه

Post: #6
Title: Re: نعم الا رسول الله يا كاريكا .. الا رسول الله
Author: الصادق اسماعيل
Date: 09-14-2012, 08:42 PM
Parent: #5

السؤال لو ما كان جاب قون حيعبر عن شعورو كيف

Post: #8
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 08:57 PM
Parent: #6

هي حلاوتا في القون دا
لو ما جاب قون المعبر ليها شنو كمان؟

-----------

زمان ناس باكمبا الواحد يجيب ليو قون .. يغير مشيتو
لكن كاريكا جير خيلاء قونو ليعبر عن الملايين الصامتة .. او الحائرة ..
او المرتبكة ... ومتوزعاها النوازع زي حالاتنا كدا
عموماً الحركة دي اخدتني جداً .. وريحتني جداً
سجن سجن .. غرامة غرامة

Post: #9
Title: Re: نعم الا رسول الله يا كاريكا .. الا رسول الله
Author: محمد البشرى الخضر
Date: 09-14-2012, 09:03 PM
Parent: #6

سؤالك دا يا الصادق ذكرني بكلام قريتو لقيقرا عن ثقة وإيمان الزول البمشي صلاة الاستسقاء شايل مظلة
اها كاريكا كمهاجم واثق من رقبتو مشى الكورة مجهّز طريقة احتفالو بقونو

Post: #7
Title: Re: نعم الا رسول الله يا كاريكا .. الا رسول الله
Author: Ahmed musa
Date: 09-14-2012, 08:42 PM
Parent: #5

قبل كدا ايام حصار غزة ابو تريكة رفع القميص عن شعار "كلنا غزة" فتم تغريمه

كم ؟؟؟
عشان نعمل حسابنا ...

Post: #10
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 09:08 PM
Parent: #7

-----------

يا افكاتو اسي الغرامة دي قانونية

مش المسألة دي تندرج تحت حق التعبير، وفرقها شنو من المسلم البجيب قون وبسجد، و المسيحي البرسم الصليب؟
ول التكييف القانون للقصة دي كيف؟

Post: #11
Title: Re: نعم الا رسول الله يا كاريكا .. الا رسول الله
Author: Elawad
Date: 09-14-2012, 09:53 PM
Parent: #10

يا الله عليه ياخي... ذكرني الصحابي القال للرسول صلى الله عليه وسلم: متى الساعة؟ قال ليه: ما أعددت لها؟ قال ليه: ما أعددت لها من كثير صلاة ولا صيام ولا صدقة لكني أحب الله ورسوله. قال ليه: المرء مع من أحب. شكرا يا قيقا ياخي.

Post: #12
Title: Re: نعم الا رسول الله يا كاريكا .. الا رسول الله
Author: الصادق اسماعيل
Date: 09-14-2012, 10:37 PM
Parent: #11

Quote: سؤالك دا يا الصادق ذكرني بكلام قريتو لقيقرا عن ثقة وإيمان الزول البمشي صلاة الاستسقاء شايل مظلة
اها كاريكا كمهاجم واثق من رقبتو مشى الكورة مجهّز طريقة احتفالو بقونو

كلامك دا قولوا لفريق مجمموعتوا ما فيها فريق مغربي

Post: #13
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 10:50 PM
Parent: #12

Quote:
السؤال لو ما كان جاب قون حيعبر عن شعورو كيف

هاك المظلة دي:

سادومبا وسانييه وكاريكا عازمون على تمزيق الشباك ومضاعفة الافراح

النية كانت مبيتة يا حبيب

-------------

العوض يا ياسر ..

اعد مدحه فإن القلوب تحبه
يكفيه مديح ربه ( وَإِنَّكَ لَعَلى خُلُقٍ عَظِيمٍ )
لن يضيره فلم ولا هوليوود كلها!

Post: #14
Title: Re: نعم الا رسول الله يا كاريكا .. الا رسول الله
Author: Siham Elmugammar
Date: 09-14-2012, 11:03 PM
Parent: #12

اللهم صلى وسلم على سيدنا محمد
Quote: هي حلاوتا في القون دا
لو ما جاب قون المعبر ليها شنو كمان؟

هههههههههههههه قيقا والامبدئية

________________________________
غايتو مجتبى دافع عنك شديد ..بس ياهو حال كل من
دمه ازرق

Post: #15
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-14-2012, 11:19 PM
Parent: #14

Quote:
غايتو مجتبى دافع عنك شديد ..بس ياهو حال كل من
دمه ازرق

الهلال دا عقيدة عديييييل كدا

------------

نكضب عاد؟

Post: #16
Title: Re: نعم الا رسول الله يا كاريكا .. الا رسول الله
Author: Mohd Ibrahim
Date: 09-15-2012, 08:01 AM
Parent: #15

تصرف عاطفي... بعيد عن الروح الاحترافية...الرياضة لاتمت للدين بصلة
وفريق الكورة ممكن يشجعو اي زول من اي ديانة..سيتلقي عقوبة لاداعي لها ويستاهل..

Post: #17
Title: Re: نعم الا رسول الله يا كاريكا .. الا رسول الله
Author: عبدالله ود البوش
Date: 09-15-2012, 08:20 AM
Parent: #16

كنت احب كتاباتك جدا يا قيقا
.
.
.
.
.
--------------------------
واليوم حبيتك لله في الله
.
.
جهز كشف الغرامة ... ندفع الغرامة والباقي نحولوا لكاريكا
.
.
نعم الا حبيبنا رسول الله ... نعم الا رسول الله يا كاريكا

Post: #18
Title: Re: نعم الا رسول الله يا كاريكا .. الا رسول الله
Author: عبدالوهاب علي الحاج
Date: 09-15-2012, 08:48 AM
Parent: #17

يا سلام يا قيقا ياخ
الود دا أمس خلاني دمعت عديل والله
دا كلام كبير وقونو ذاتو كبير ولا يحرزه إلا لاعب كبير
الله يحفظك يا كاريكا

Post: #21
Title: Re: نعم الا رسول الله يا كاريكا .. الا رسول الله
Author: طلحة عبدالله
Date: 09-15-2012, 09:10 AM
Parent: #18

القون حلو والحركة أحلي
لكن على كاريكا أن يرجي الراجيهو
قال شاعر معاصر توفاه الله:
ذهبت السكرة وجاءت العلقة
أو كما قال المثل .

Post: #27
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 11:46 AM
Parent: #21

Quote:
القون حلو والحركة أحلي
لكن على كاريكا أن يرجي الراجيهو
قال شاعر معاصر توفاه الله:
ذهبت السكرة وجاءت العلقة
أو كما قال المثل .

يا طلحة الشيلة مفروض يشيلا كل من عبّر عنو فعل كاريكا
بل مفروض تشيلا الحكومة (الاسلامية) .. وتتبناها كموقف رسمي
ليس فيه ثمة ما يعيبه .. بدل الاحراج بحرق السفارات الالمانية و الانقليزية .. والخمج وازهاق الارواح السكتت عليو دا

فانهم حتماً مساءلون .. وامام عزيزٍ مقتدر
لا يظلم في محكمته أحد

-------

فما لي وللايام لا تستدينني وقلبي بدين الحب قد اغلق الرهنا
فيوما تراني بالعذيب ورامة ويوما بذات الضــال استنصـر المزنـى
اغالط عن سلمى بسعدى تنصلا،ً وما قصدي سعاد ولا لبنى
ما بغيتي الا قباً وقبابها وقرب الذي قد حل في المنزل الاثنى
فان قصرت مني يد الدهر عزمتي فيا خيبة المسعى وياتعب المضنى
تغنى بذكراه الشجي تشوقاً فحنت له الارواح من طيب ما غنى
واضحي برياه النسيم معطرا فاهدي لنا طيبا ومن طيبه طبنا
نبي الهدى ليس العدى سحب الندى مزيل الردى شافي الصدى كامل المعنى
دليل السرى خير الورى طيب القرى وثيق العرى رحب الذرى فائق الحسنى
رسول الرضى انواره تملا الفضاء وعنه العلى تروي فضائله الحسنى
هو القرشي الهاشمي الذي له مناقب فضل لا تبيد ولا تفنى
ترقى به الروح الامين الي العلى وفوق العلى حتي علي المقصد الاثنى
وبوأه الرحمن حضرة قدسه وادناه منه قاب قوسين او ادني

صلي على الحبيب

Post: #22
Title: Re: نعم الا رسول الله يا كاريكا .. الا رسول الله
Author: عمر علي حسن
Date: 09-15-2012, 09:14 AM
Parent: #18

Quote: تصرف عاطفي... بعيد عن الروح الاحترافية...الرياضة لاتمت للدين بصلة
وفريق الكورة ممكن يشجعو اي زول من اي ديانة..سيتلقي عقوبة لاداعي لها ويستاهل..

(محمد) و (ابراهيم) كمان ؟؟؟
اما الغرامة فانا متكفل بها كاملة .. فداء لمن يدافع بالتعبير الذي لا يؤذي احدا عن رسول الله ضد اساءة
لايسمح الاخرون ..ولا نسمح نحن .. بأن توجه الي رسلهم

عمر علي حسن

Post: #23
Title: Re: نعم الا رسول الله يا كاريكا .. الا رسول الله
Author: مرتضى احمد عبد القادر
Date: 09-15-2012, 09:20 AM
Parent: #18

قيقا و ود البشرى قون كاريكا دا ما تسلل ؟؟ سادومبا متسلل وشارك في اللعبة منع الحارس ييشوف

Post: #25
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 10:24 AM
Parent: #23

Quote:
قيقا و ود البشرى قون كاريكا دا ما تسلل ؟؟ سادومبا متسلل وشارك في اللعبة منع الحارس ييشوف

الناس في شنو والصهاينة في شنو!؟

-------

صلي على النبي يا مورتا

Post: #19
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 08:59 AM
Parent: #16

محمد ابراهيم سلام

Quote:
تصرف عاطفي... بعيد عن الروح الاحترافية...الرياضة لاتمت للدين بصلة
وفريق الكورة ممكن يشجعو اي زول من اي ديانة..سيتلقي عقوبة لاداعي لها ويستاهل..

المافي شنو؟

اللحظة كووووولها كانت عاطفية جداً ..
وانا ذاتي كنت عاطفي جداً لمن خليت الكورة وجيت جاري فتحت البوست دا

------

ليه تشيئ الانسان دا؟
لو كضبنا او صدقنا .. فكلنا بشر من دم ولحم ..
ولن نصبح آلة في يوم

المهم -اخلاقياً وقانونياً- اننا نتحمل تبعات (عاطفتنا) دي
ونحن لها

سؤال وانا ماشي:

لمن لاعب (مسلم او مسيحي) يجيب قون ويعبر عن شكره لله بالسجود او رسم الصليب، هل برضو بكون ما (محترف) ويجب عقابه؟
دي تفرق شنو؟

هل كاريكا دعى لكراهية أحد، ام عبر عن جائشة تخصه تماماً!؟

Post: #20
Title: Re: نعم الا رسول الله يا كاريكا .. الا رسول الله
Author: nazar hussien
Date: 09-15-2012, 09:09 AM
Parent: #19

يا قيقا...

من المباراة كلها لم تهزني الا هذه اللقطة...وبكيت ولا هماني شي..
كاريكا...كبير...كبير...وهذه اللفتة لا تأتي إلا من الكبار ...
وقطع شك حا تكون هزت الملايين...

غرامة شنو ؟ في الزمن المكهرب دا؟؟

هسي الموضوع الرئيسي زاتو جاب ليه...دخنة
والله أنا ما كنت قايلو كدي...وغشوني
ووحات الله تاني ما بسوييها..

يجوا يغرمو كاريكا في (إلا رسول الله)...
طيب اليغرمو في السجدة...عشان الفيفا زاتا تعرف حاجة

Post: #24
Title: Re: نعم الا رسول الله يا كاريكا .. الا رسول الله
Author: محمد عبدالرحمن
Date: 09-15-2012, 09:55 AM
Parent: #20

وأحسن منك لن تر قط عيني
وأجمل منك لم تلد النساء
خلقت مبرأ من كل عيب
كأنك قد خلقت كما تشاء

الحمد لله ..تنبات بما حدث للذين حضورى معى المباراة ..
قلت ليهم انو كاريكا لو احرز هدف سيعبر بهذه
الطريقة ...وقد كان ..فقد شاهدته اكثر من مرة يعبر
بهذه الطريقة ...التحية للاعب الخلوق المهذب مدثر
الطيب ...

اللهم صلى على سيدنا محمد السابق للخلق نوره ، ورحمة
للعالمين ظهوره ، عدد من مضى من خلقك ومن بقى ، ومن
سعد منهم ومن شقى ، صلاة تستغرق العد، وتحيط بالحد ،
صلاة لاغاية لها ولا منتهى ولا انقضاء ، صلاة دائمة بدوامك،
وعلى اله وصحبه وسلم تسليما مثل ذلك ..

Post: #26
Title: Re: نعم الا رسول الله يا كاريكا .. الا رسول الله
Author: مرتضى احمد عبد القادر
Date: 09-15-2012, 10:58 AM
Parent: #24

طلعتني صهيوني :) خلاص مافي تسلل

Quote: صلي على النبي يا مورتا
علية افضل الصلاة واتم التسليم

Post: #28
Title: Re: نعم الا رسول الله يا كاريكا .. الا رسول الله
Author: اسامه المتعارض
Date: 09-15-2012, 11:48 AM
Parent: #26

Quote:
السؤال لو ما كان جاب قون حيعبر عن شعورو كيف

اها ربنا وفقو وجاب قوون نصر رسوله فنصره
قال تعالى : ( لتؤمنوا بالله ورسوله وتعزروه وتوقروه) .

يجب ان تكون الرياضه مثل ذالك كلها محبه

Post: #29
Title: Re: نعم الا رسول الله يا كاريكا .. الا رسول الله
Author: ismeil abbas
Date: 09-15-2012, 11:48 AM
Parent: #26

قيقراوى السلام عليكم وكل عام وأنت بخير....دى أول مداخلة لى بعد ما عدت من أجازة العيد مع ألأهل بالسودان....

مدثر الطيب كاريكا مفخرة..وتصرفه الجميل بأ علان ((إلا رسول الله صلى الله عليه وسلم....)) زاد من إحترامنا له.. هذا الشاب خلوق وبعمل حاجاته بفهم..نسأ الله أن يوفقه للأمام..شوف كم مليون من البشر عبر عنهم هذا ألأعلان..

تقديرى وإحترامى لك.....

Post: #30
Title: Re: نعم الا رسول الله يا كاريكا .. الا رسول الله
Author: الفاتح خليل الفكي
Date: 09-15-2012, 01:06 PM
Parent: #29

الأخ / قيقراوى

السلام عليكم

نعم يا كاريكا الا رسول الله صلى الله عليه وسلم

فقد عبر الخلوق كاريكا عننا وعن المسلمين

فلك التحية والتقدير اخي مدثر كاريكا وربنا يوفقك

اللهم صلى على سيدنا وحبيبنا محمد

أبو كريم

Post: #31
Title: Re: نعم الا رسول الله يا كاريكا .. الا رسول الله
Author: عمر الفاروق
Date: 09-15-2012, 01:36 PM
Parent: #30

غايتو يا ود البشرى بي مناسبة صلاة الإستسقا والمظلة دي السعودية في السنوات الفاتت دي كان ما فيها مطر فأمر الملك عبد الله إنو الناس تطلع تصلي صلاة الإستسقا..
أها قالوا الصلاة لمن إنتهت المطرة صبت في بنغلاديش ..

تخريمة:
غايتو الفيفا ما بيجيب خبرا كان ختت مزمل ابو القاسم :)

Post: #32
Title: Re: نعم الا رسول الله يا كاريكا .. الا رسول الله
Author: الصادق خليفة
Date: 09-15-2012, 01:45 PM
Parent: #31

اللهم صلى وسلم عليك يا رسول الله

شكراً كاريكا عبرت عنا

شكراً قيقا وانت كذلك عبرت عنا

Post: #33
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 03:26 PM
Parent: #32

Quote:
نعم الا حبيبنا رسول الله ... نعم الا رسول الله يا كاريكا

تعرف يا ود البوش المسلمين ممكن يختلفوا في أي تفصيلة ..
وكان ما لقوا سبب للاختلاف ممكن يصنعوهو ..

الا رسول الله

الا رسول الله

------

يا شباب معليش على الفطفطة ..

قاعد ارد على الصهاينة .. والمارقين بس

الا حبيبنا ود البوش

Post: #34
Title: Re: نعم الا رسول الله يا كاريكا .. الا رسول الله
Author: Abdulrahman Gorashi
Date: 09-15-2012, 03:51 PM
Parent: #33

أنا بستغرب من الناس البقولو عايزين ننصر رسول الله، تنصرو من شنو؟ لقد نصرة ربة وأتم رسالتة وتوفاه الله، الحكاية خلصت علي كدا،

نجي لموضوع الإساءة في الأفلام او الرسومات ، لقد حدث في زمن الرسالة ان الرسول أسئ و قذف بالحجارة فما كان فاعل؟ كان مسامحا وسهلا وباشا ولم يكن منتقما ولا جبارا،

مادام الرسول كان قدوة حسنه فينا فلما لا نجعلة قدوة لنا اليوم، لقد زهقت دماء برئية وحرقت ممتلكات من غير وجه حق فاين ذلك من الاسلام الحق ؟ هذة جريمة يعاقب عليها الدين قبل القانون.

طيب نجي لموضوع كاريكا ، لمن تلك الرسالة التي وجها كاريكا ليلة البارحة؟ اكيد اولا الي الجماهير في الاستاد وثانيا الي مشاهدي الجزيرة وثالثا الي جماهير أنجولا ربما، وحتي اذا كانت موجة للادارة الامريكية فهم قد ادانو ذلك الفيديو قبل ان تصحي الخرطوم البارحة،

الخلاصة: هذا تطرف وغسيل أفئدة وادمغة اكثر منة رياضة، وتاني حاجة كاريكا خرق قانون المنافسة ومتعمدا وهذا ضد مبادي الاسلام.

Post: #35
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 04:04 PM
Parent: #34

عبد الرحمن قرشي سلامات ياخوي

ممكن تهدي نفسك شوية؟

مافي زول هنا دعم العنف، ولا زول اعلن قبولو للخراب الحصل، والانفس الراحت سمبلا
كان بهمك تعرف مواقف الناس الشاركو هنا، فشوفا في منظانها ..

موضوعنا هنا محصور فيما فعله كاريكا فقط لا غير

------

Quote:
خرق قانون المنافسة ومتعمدا وهذا ضد مبادي الاسلام.

رأي برضو!

Post: #36
Title: Re: نعم الا رسول الله يا كاريكا .. الا رسول الله
Author: تبارك شيخ الدين جبريل
Date: 09-15-2012, 04:41 PM
Parent: #35

Quote: لمن لاعب (مسلم او مسيحي) يجيب قون ويعبر عن شكره لله بالسجود او رسم الصليب، هل برضو بكون ما (محترف) ويجب عقابه؟
دي تفرق شنو؟

لا اعتقد ان هنالك قانون كروي ينظم السجود والصلاة المسيحية ... والعلامات والإشارات والحركات التعبيرية ...

ولكن هنالك قانون كروي ينظم الزي الكروي والألوان والشعارات ...

مخالفة القانون ... لا تعدو أن تكون سوى مخالفة القانون ...

... المهم ....

Post: #37
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 09:40 PM
Parent: #36

Quote: ولكن هنالك قانون كروي ينظم الزي الكروي والألوان والشعارات ...

مخالفة القانون ... لا تعدو أن تكون سوى مخالفة القانون ...

الفنيلة الداخلية زي!؟

--------

جيب لينا نص قانون السراويل الداخلية دا

Post: #38
Title: Re: نعم الا رسول الله يا كاريكا .. الا رسول الله
Author: تبارك شيخ الدين جبريل
Date: 09-15-2012, 10:02 PM
Parent: #37

Quote: جيب لينا نص قانون السراويل الداخلية دا

انا ما بتاع كورة ولا بعرف قوانينها (الغريبة بعرف الريح كاريكا معرفة شخصية!) ... لاكين البعرفو انو لو رباط الجزمة اتفكّ مفروض اللاعب يستأذن من الحكم ويطلع برة الميدان عشان يربط الجزمة ...

قصة انو لاعب لابس زي فريقو وفيهو الشعار واللون القانوني يقوم يمرق الفنيلة ويختها ورا رقبتو أثناء المباراة ... دي ما أظنها قانونية ... بغض النظر عن كونو لابس فنيلة داخلية ولاّ لأ ... أو الفنيلة الداخلية فيها شنو ...

(غير كدا ما عندها معنى ... وتدل على عدم معرفته بموت الرسول (ص) منذ فترة!)

... المهم ...
________________
طبعًا "الصاد" دي بقيت بختها لى متلقين الحجج والبيقروا بى إضنينهم ... انشالله ما تنفعهم ...

Post: #39
Title: Re: نعم الا رسول الله يا كاريكا .. الا رسول الله
Author: داليا حافظ
Date: 09-15-2012, 10:05 PM
Parent: #37

ياقيقا سلام ..

Quote: الفنيلة الداخلية زي!؟

يا اهلة القصة مافي تفتيش تغرات في القانون لايجاد مخارجة ..

لانو عمق الفكرة بيكمن في انو عاااارف الراجيهو وراضي ..أوما فارق معاهو ..

غايتو ياقيقراوي عليك اتنين هلالابي وغالاط

اللهم صلي وسلم على الحبيب المصطفى ..

Post: #40
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 10:44 PM
Parent: #39

قلنا عقيدة يا داليا

------

يا اخوانا نحن ما عندنا هوليوود ... ياها حيلتنا الكورة دي
وهو تعبير سلمي في الآخر. ... مش احسن من غيرو؟
وبالنعمل فيو نحنا دا ... ما احسن من المغصة!؟

في ذمتكم اسي منو البرضى في حبيبو او حبيبتو؟
دا انُزِل منزلة الحبيب

ما ح يحصل ليو اي حاجة ... لن يجرؤوا
وح نشوف الموازنات والمساومات الحضارية

Post: #41
Title: Re: نعم الا رسول الله يا كاريكا .. الا رسول الله
Author: تبارك شيخ الدين جبريل
Date: 09-15-2012, 11:03 PM

Quote: في ذمتكم اسي منو البرضى في حبيبو او حبيبتو؟
دا انُزِل منزلة الحبيب

يا قيقا ...

من يمدح الرسول (ص) ... ينال بركة المدح ...

ومن يذم الرسول (ص) ... ينال لعنة الذم ...

في الحالتين ... لا الرسول (ص) بيكسب من المدح ولا بيخسر من الذم ... لا في زول عندو حق حماية الرسول (ص) من الخسائر أو تشجيع الرسول (ص) على المكاسب ... الراجل اتوفي يا اخواننا صلوا على النبي ...

... المهم ....

Post: #42
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-15-2012, 11:11 PM
Parent: #41

والله فاجأتني بانو الرسول اتوفى دي يا تبارك!

--------

من ولدونا لقيناو متوفي
واتعبعناو متوفي
واحببناو متوفي

لكن منو هو القال بعمل في البعمل فيو دا عشان النبي بتأذى او بستفيد؟

كدي جيب لينا مقتبس؟

Post: #43
Title: Re: نعم الا رسول الله يا كاريكا .. الا رسول الله
Author: تبارك شيخ الدين جبريل
Date: 09-16-2012, 00:52 AM
Parent: #42

Quote: لكن منو هو القال بعمل في البعمل فيو دا عشان النبي بتأذى او بستفيد؟

طيب الناس دي مالها؟

كدى انت اقتبسهم ليّ واحد واحد ...

(وأي واحد داير يتبرع ويبرر البيعمل فيهو دا لو ما عشان النبي بيتأذى يورينا عشان شنو! يكون ما قصّر ... انا غايتو اقترح "احمد البشير")

... المهم ....

Post: #44
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-16-2012, 05:48 PM
Parent: #43

في الضهاري بقوا :

الك_لب بهوهو خوفاً علي ي ضنبو

-------

الناس دي بتكورك لانو مشاعرها هي الاتأذت .. مش الرسول
يا طبارك انت بيدك الفرشة .. ؤ بتعرف معنى الرمز ..
وبتعرف مركزية الرسول في الاسلام!!

Post: #45
Title: Re: نعم الا رسول الله يا كاريكا .. الا رسول الله
Author: malik_aljack
Date: 09-16-2012, 07:30 PM

قيقراوي يا أخضر

كان كده بترضاها للباقين ولا شنو؟
لأنو الباقين ديل الله ذاتو من ضمنهم؟؟!!

Post: #46
Title: Re: نعم الا رسول الله يا كاريكا .. الا رسول الله
Author: تبارك شيخ الدين جبريل
Date: 09-16-2012, 07:52 PM
Parent: #45

يا قيقا لو الفاتيكان سيّرت جحافل "الحملات الصليبية" لتثأر لـ"مشاعر المسيحيين" المتأذية من "يحرّفون الكلم عن مواضعه" (صدق الله العظيم) ...

حا تعمل لينا بوست "نعم إلا إنجيل الله يا بينيدكتوس ... إلاّ إنجيل الله" ...

ياهو كدى؟ ... ولاّ المافي شنو؟

... المهم ....

Post: #47
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-16-2012, 07:57 PM
Parent: #45

الله يعبده كل المؤمنين ..

-----------

القضية بالنسبة لي شخصياً هي حق التعبير ود الك_لب دا ذااااتو ... في ي ي ي عضمو!
ول حقوق اللنسان دي ما بتمشي فينا نحنا؟
ما دام الناس التزمت اللاعنف ... هم اليعملوا افلامنو ... ولعبية الكورة يملصوا فنايلم
ونحن نمدح مديحنا

ول كان ما حاسبننا انسان .. ذاتو الاعتقاد لينا شنو .. ومشجعين الهلال لي شنوذاتو!

ما عارف كان مطلوب من المسلمين شنو!؟

Post: #48
Title: Re: نعم الا رسول الله يا كاريكا .. الا رسول الله
Author: malik_aljack
Date: 09-16-2012, 08:06 PM
Parent: #47

المسلمين ياتم؟

أنصار السنه؟ الأخوان؟ الشيعة؟ الصوفية؟....

لو سلمنا إنو ضيقهم من مسألة الفيلم دا وحدهم في الزعل..ما أعتقد إنو موحدين في فكرة "يعملوا شنو"

مثلا يطلعوا فيلم يردوا بيهو؟ ...ما تقول لي ما عندهم قروش؟؟؟

ممكن أتقبل "ما عندهم" حاجه تانيه

Post: #50
Title: Re: نعم الا رسول الله يا كاريكا .. الا رسول الله
Author: قيقراوي
Date: 09-16-2012, 08:39 PM
Parent: #48

Quote:
المسلمين ياتم؟

أنصار السنه؟ الأخوان؟ الشيعة؟ الصوفية؟....

لو سلمنا إنو ضيقهم من مسألة الفيلم دا وحدهم في الزعل..ما أعتقد إنو موحدين في فكرة "يعملوا شنو"

مثلا يطلعوا فيلم يردوا بيهو؟ ...ما تقول لي ما عندهم قروش؟؟؟

ممكن أتقبل "ما عندهم" حاجه تانيه

سلامات يا مالك ياخي
وآسف على. عدم رد التحية. ما جفا والله .. لكن يادوب داخل وحاسي انو عندي هوم ويرك كتير ..
فكنت بحاول الاحق
امسحا في وش طبارك

اما بعد
العقيدة عندي مسألة فردية .. وما شايف اي سبب لدعوتك المتعسفة اعلاه
كل زول يعبر بما يليه .. لكن يلتزم لينا اللاعنف
وعلى قول تبارك ... القانون برضو
وبارك الله في عبر .. وخف
ولم يغلط في (حق) غيرو .. المحمي بالدساتير والقوانين.

سمبلي المسألة عاملة كدا جواي

----------

السينما متخلفة جداً في دار الاسلام ..
ولن تكون وسيلة جيدة للرد ..ولو ارادوا
مدثر كاريكا كان ذكي جداً افتكر .. الكورة مشجعينها اكتر من السينما عندنا
فعبر وما عبر قوانين الكاف كلو كلو
المهم

يتحمل النتيجة ..
ونتحمل انحنا

Post: #49
Title: Re: نعم الا رسول الله يا كاريكا .. الا رسول الله
Author: تبارك شيخ الدين جبريل
Date: 09-16-2012, 08:08 PM
Parent: #47

Quote: القضية بالنسبة لي شخصياً هي حق التعبير ود الك_لب دا ذااااتو ... في ي ي ي عضمو!

يعني الما بيخالف قانون جنائي ... ويعتدي ويحرق ويهدم ويقتل؛ على الأقل يخالف قانون كروي ...

وكلّو باسم "ود الكـلـب" حق التعبير دا ظاطو ... المافي شنو؟

والله محرجين يا الهلالاب ....

... المهم ....