Post: #1
Title: أكثر انسان مفيد في سودانيز اونلاين!!
Author: قصي مجدي سليم
Date: 09-13-2012, 01:00 AM
Parent: #0
الى حين وصول (المرحوم واصل علي) أو معرفة خبره..
فهي -من وجهة نظري طبعا:
smart_ana2001
زوله ما ليها في الفارغة، ومتوحدة في البتعمل فيهو بي صورة عجيبة، ومفيدة تكنلوجيا لغاية ما بتعمل ليك صداع، وهميمة في المساعدة جدا.. وبرضك funny :) :) :)
لك التحية والاحترام
|
Post: #2
Title: Re: أكثر انسان مفيد في سودانيز اونلاين!!
Author: Rawia
Date: 09-13-2012, 01:03 AM
Parent: #1
معتصم محمد صالح بيجيب سعر الدهب والدولار كل يوم
_______
والليلة جاب الكانت السبب في انتشار الايدز في السودان والدول المجاورة
|
Post: #3
Title: Re: أكثر انسان مفيد في سودانيز اونلاين!!
Author: قصي مجدي سليم
Date: 09-13-2012, 01:38 AM
Parent: #2
يا راوية معتصم زول مفيد طبعا لكن بتاعة الأيدز دي قلب فيها هوبة وهو برضك طريف ----------------------------
هي الزولة دي ناشطة ولا شنو؟
|
Post: #4
Title: Re: أكثر انسان مفيد في سودانيز اونلاين!!
Author: حاتم الياس
Date: 09-13-2012, 01:55 AM
Parent: #3
هههههههه الجانب المشرق فى الأمر.هو .الأطمئنان على كفاءة شبابنا...خصوصاً أنو المحاكم هذه الأيام أمامها طلبات طلاق كثيره ومزعجة..تثير الشكوك حول مدى تأثير التحولات البيئية العالمية فى الوضع الراهن
|
Post: #5
Title: Re: أكثر انسان مفيد في سودانيز اونلاين!!
Author: قصي مجدي سليم
Date: 09-13-2012, 02:02 AM
Parent: #4
والزواج كيف؟؟؟ ما بثير الشكوك برضك !!!
|
Post: #6
Title: Re: أكثر انسان مفيد في سودانيز اونلاين!!
Author: Rawia
Date: 09-13-2012, 02:07 AM
Parent: #5
حسبة بسيطة عشان تجيب خبر 350 العدد الكلي بيكون كم؟؟
|
Post: #7
Title: Re: أكثر انسان مفيد في سودانيز اونلاين!!
Author: حاتم الياس
Date: 09-13-2012, 02:11 AM
Parent: #5
كعامل بيئى...؟ الرد فى هذا الأمر يحتاج لمختصين طبعاً..لكن أملك الأجابة بشكل أحصائى فى الجانب القانونى لذا تجدنى أسأل
|
Post: #8
Title: Re: أكثر انسان مفيد في سودانيز اونلاين!!
Author: قصي مجدي سليم
Date: 09-13-2012, 06:16 PM
Parent: #7
الأخت smart_ana2001 تستحق مني اعتذارا فانا لم أكن أعرف أنها أنثى والله لولا أن العزيزة راوية قد نبهتني لذلك! وهذا هو السبب وراء الضمير المذكر في بداية البوست وقمت بمحاولات "تصحيحية" علها أفلحت :)
|
Post: #9
Title: Re: أكثر انسان مفيد في سودانيز اونلاين!!
Author: الطيب شيقوق
Date: 09-13-2012, 06:55 PM
Parent: #8
وضاحة كان ربنا سخرها ليك لاي عمل خيري
بس هي ضنينة لكن كان قالت الله اكبر بتفزعك في الحين
|
Post: #10
Title: Re: أكثر انسان مفيد في سودانيز اونلاين!!
Author: عمار عبدالله عبدالرحمن
Date: 09-13-2012, 07:02 PM
Parent: #9
معــاوية حـــــــسين ,,,,,
|
Post: #11
Title: Re: أكثر انسان مفيد في سودانيز اونلاين!!
Author: smart_ana2001
Date: 09-13-2012, 07:54 PM
Parent: #10
Quote: زوله ما ليها في الفارغة، ومتوحدة في البتعمل فيهو بي صورة عجيبة، ومفيدة تكنلوجيا لغاية ما بتعمل ليك صداع، وهميمة في المساعدة جدا.. وبرضك funny :) :) :)
لك التحية والاحترام |
قصي مجدي سليم...سلامات... لكن دى ما فى زول سبقك عليها -غير دينا خالد اللى ختتنى "بعد تحنيس" فى قائمة النساء الاكثر نفوذ فى البورد. شكرا جزيلا..... __________________________ عشان بستعمل اسم مستعار- I think انى ممكن اشكر روحى ذى ما عازوه.و ما ح يكون فيها شبهة غرور و فلهمة. غرور كيف و اصلا قليلين اللى بيعرفونى هنا.?? That said بوستك ده ح يعمل لى سمعه يا اخى. كيف تقول "متوحدة"? انا زوله very Socially smart ....بالجد. انا يا اخى ابعد ما اكون من التوحد. كل البيعرفونى فى الدنيا بيفتكروا انى زوله مجاملة جدا. انا كمان مفيدة فى حجات تانية كتيرة خالص....انا و مريم الحسين عندنا بوستات و بوستات عن تربية الاطفال :). ده غير تنظيرى المتواصل فى الاقتصاد و الطبيخ و حقوق المراة. one more thing, I wish I was funny
____________________________ التعديل بالاحمر
|
Post: #12
Title: Re: أكثر انسان مفيد في سودانيز اونلاين!!
Author: smart_ana2001
Date: 09-13-2012, 08:00 PM
Parent: #11
شنو يا ناس راوية عملتوها لسته....
الاستاذ قصى بيتكلم عن زول واحد مفيد فى البورد....و قرر انو ده انا ![](http://www.sudaneseonline.com/db/attention/350_clap.gif)
انا ح انتهز هذه الفرصة و ابدى احتجاجى على ان بكرى ابوبكر رفض يعمل لى مكتبة.....اتخيلوا بعد فائدتى دى كلها
|
Post: #13
Title: Re: أكثر انسان مفيد في سودانيز اونلاين!!
Author: hassan bashir
Date: 09-13-2012, 08:03 PM
Parent: #11
Quote: كيف تقول "متوحدة"?
|
:):)
لا شك لدي أن الكاتب يقصد متفردة.
المفيدون كثر في في هذا الموقع ولكني أوافق الأخ قصي بأن الأخت سمارت من أبرزهم.
|
Post: #14
Title: Re: أكثر انسان مفيد في سودانيز اونلاين!!
Author: حامد محمد حامد
Date: 09-13-2012, 08:14 PM
Parent: #13
سلام يا قصي والتحية للاخت سمارت
|
Post: #15
Title: Re: أكثر انسان مفيد في سودانيز اونلاين!!
Author: Kostawi
Date: 09-13-2012, 08:23 PM
Parent: #14
تصدق يا قصي إسمارتي ما عندها مكتبة في سودانيز أون لاين! ___________________________________________________
و تصدق أيضا إنو ود الباوقة و حبوبة غريبة (عندهما) كنبتين.. أقصد مكتبتين!
|
Post: #17
Title: Re: أكثر انسان مفيد في سودانيز اونلاين!!
Author: Siham Elmugammar
Date: 09-13-2012, 08:36 PM
Parent: #14
يا إسمارت انتى سلامات و مبروك التصنيف الما مخجوج (لانو بتاع دينا كان مخجوج علنا) لكن الحقى روحك فى مداخلتك بتاعت انا ما متوحدة دى وقولى انا فاهمة قصى قاصد شنو ..بس حبيت اكون funny
![](http://www.sudaneseonline.com/db/attention/200_4e.gif)
قبل ما يجوك الجماعة ..
|
Post: #16
Title: Re: أكثر انسان مفيد في سودانيز اونلاين!!
Author: ombadda
Date: 09-13-2012, 08:28 PM
Parent: #13
تم ترشيح smart_Ana من ضمن افضل المشاركين فى المنبر للعام 2011
حسب نتائج استفتاء تم اعداده لاعضاء وقراء المنبر فى اواخر العام المنصرم.
:-)
|
Post: #18
Title: Re: أكثر انسان مفيد في سودانيز اونلاين!!
Author: قيقراوي
Date: 09-13-2012, 08:42 PM
Parent: #16
Quote: ده غير تنظيرى المتواصل فى الاقتصاد و الطبيخ و حقوق المراءة. |
غايتو الاخيرة دي اتوحدتي فيها .. قبلك وقبالك
--------
التوحد القاصدو قصي ما كعب .. وهو في ظني -غير الآثم- توحد المعتزلة ولايغرنك دالالة الاسم الظاهرية في معتزلة برضو .. جات كدا! لكن المعنى باطني غميس
|
Post: #19
Title: Re: أكثر انسان مفيد في سودانيز اونلاين!!
Author: قصي مجدي سليم
Date: 09-13-2012, 08:42 PM
Parent: #16
Quote: ومتوحدة في البتعمل فيهو بي صورة عجيبة |
:) :) :)
يا ناس التكنلوجيا عليكم الله إهتموا لينا معاكم بالعربي شوية ههههههههههههههههههههههههههه
التوحد هنا الأنا قصدته ما انو الزول يكون براهو، وبرضك ما المرض autism :) :) :)
متوحدة في البتعملي فيهو بتعني إنك (صميمة) في البتعملي فيهو وما بتلتفتي لي غيره وكأنك في المنبر ده: شمر ليك علم فأخذتي تطلبينه وكأنك ماشه لي هدف بي عينه... زي التقول قالوا ليك بنديك جايزة لو فهمتي الناس ديل "تكنلوجيا" "تكنلوجيا".
ربنا يديك الصحة والعافية ويزيدك من خيره ومن نعمة العقل. ---------------------------------------------------------------
يا بكري.. عليك الله ما بالغتة شوية مع أكتر زول اسمارت هنا!!!
|
Post: #20
Title: Re: أكثر انسان مفيد في سودانيز اونلاين!!
Author: معتصم محمد صالح
Date: 09-13-2012, 08:47 PM
Parent: #19
شكرا راوية
|
Post: #21
Title: Re: أكثر انسان مفيد في سودانيز اونلاين!!
Author: Kostawi
Date: 09-13-2012, 08:47 PM
Parent: #20
Quote: انى ممكن اشكر روحى ذى ما عازوه |
ياخي ما تتاقلي شوية! خلي البوست يعمل خمسة صفحات و بعدين أمشي الكوفير و تعالي و بوش محمر....و قولي أحسن الله جزاءكم!
ناس شفقانة جنس شفوق!
|
Post: #23
Title: Re: أكثر انسان مفيد في سودانيز اونلاين!!
Author: قيقراوي
Date: 09-13-2012, 08:53 PM
Parent: #19
Quote:
قبل ما يجوك الجماعة ..
|
ايوة .. في زول بنادي؟ ![](http://www.sudaneseonline.com/db/attention/010_Smile.gif)
------
يا قصي ما تشكر لينا الراكوبة في الخريف .. اسي ايفون فايف، نزل .. مح يتوفر في الاسواق بعد اسبوع بس وما شفنا بوست!
|
Post: #22
Title: Re: أكثر انسان مفيد في سودانيز اونلاين!!
Author: اميرة السيد
Date: 09-13-2012, 08:50 PM
Parent: #16
وانا مثنية على اختيار قصي باختيار سمارت لأنها فعلا سمارت ومتفردة والله يدها الصحة والعافية
|
Post: #24
Title: Re: أكثر انسان مفيد في سودانيز اونلاين!!
Author: Siham Elmugammar
Date: 09-13-2012, 09:05 PM
Parent: #22
Quote: ايوة .. في زول بنادي؟ |
ههههههههههه والله يا صديقى انت مفروض تغير لاسم (اسمارت انا دا ما اسمارت هى) كاملا غير منقوص ولا اسفا على اسمارت انا فى اسمها... لانى بالجد كتبت اسماء وكتبت انو قيقا على رأس القائمة دى لكن مسحت الجزء ده خفت تفتحوا يا اخوى لى بيها بوست عشرة لووووووووووووووووووووول
_____________________________ ياقصينا الذى فتح النيران واتخارج very smart
|
Post: #25
Title: Re: أكثر انسان مفيد في سودانيز اونلاين!!
Author: قيقراوي
Date: 09-13-2012, 09:15 PM
Parent: #24
Quote: ياقصينا الذى فتح النيران واتخارج very smart
|
انت في دا ول قصي طلع فعلاً طفل معجزة :
http://www.sudaneseonline.com/db/attention/010_Smile.gif
---------
اما بعد ..
المافي شنو؟
يفتح في البوستات ساااي .. ما بلاش في مطعم الباشا دا مفروض بكري يعمل رسوم لفتح البوست .. ورسوم للمداخلة (مع التخفيض للزبائن المعتمدين طبعاً)
اسي شبك لينا اسمارت هي دي في المكتبة .. طول علينا الصف ساي كمان ابلصعة يقوم يصدق ويديها مكتبة سلفقة .. ديجانغو لا يفرز في ذمتك اسي زي مكتبة البروف دي لزوما شنو .. بس (بكسر الباء) دا بذار ساي !!
اها النحدثكم ضحى عاد : بكري يديها مكتبة قبلي، ارسمم ليك اللتنين
دا حق الاجيال القادمة .. مافيو مجاملة كلو كلو
|
Post: #28
Title: Re: أكثر انسان مفيد في سودانيز اونلاين!!
Author: smart_ana2001
Date: 09-13-2012, 09:37 PM
Parent: #25
قبل اى شيء لازم اقول يا جماعة انا بحب الشُكر ذى عيونى... فشكرا جزيلا....
ذه غير انى بكتب من اى فونى العزيز اللى بيكتب بمزاجوا. مرفوع عنى القلم فى حكاية الهجاء دى....سامع يا قيقراوي???
|
Post: #26
Title: Re: أكثر انسان مفيد في سودانيز اونلاين!!
Author: صديق الموج
Date: 09-13-2012, 09:20 PM
Parent: #24
بالله ياقصى متوحدة البت اسمارت يعنى عندها متلازمة داروين للاطفال المتوحدون ، قبلها (وحدها) وبراها لوووووووووول التحية للبت فيرى اسمارت دى، قصى اذكروا محاسن احياؤكم اكره تلك المقولة المتخاذلة الشكرو قدامو نبذوا ... ياخى شكروا كل من يستحق وصفقوا لكل من قدم ففى هذا تكريم وعرفان للناس ... تسلم قصى،،،،
|
Post: #27
Title: Re: أكثر انسان مفيد في سودانيز اونلاين!!
Author: داليا حافظ
Date: 09-13-2012, 09:27 PM
Parent: #24
أخير قبيل ..![](http://www.sudaneseonline.com/db/attention/200_4e.gif)
اسمارتنا والاغلبية هنا يا قصي من الناطقين بغيرها ..![](http://www.sudaneseonline.com/db/attention/200_4e.gif)
ــــــــــــــ
لكن جد كدة هي فعلا "صميمة" ياخ دي حافظة ليك الآي فون ده صم
|
Post: #29
Title: Re: أكثر انسان مفيد في سودانيز اونلاين!!
Author: قصي مجدي سليم
Date: 09-13-2012, 09:55 PM
Parent: #27
Quote:
أخير قبيل ..
اسمارتنا والاغلبية هنا يا قصي من الناطقين بغيرها ..
لكن جد كدة هي فعلا "صميمة" ياخ دي حافظة ليك الآي فون ده صم |
الله يجازي محنك يا داليا والله أنا لما بكتب في "صميمة" دي قلتها سمارت تجي تقول لي: انا فهمت الأولانية عشان تجيب لي التانية.
|
Post: #30
Title: Re: أكثر انسان مفيد في سودانيز اونلاين!!
Author: Yassir Tayfour
Date: 09-13-2012, 10:03 PM
Parent: #27
نعم يا قصي أسمارتنا إمراة مفيدة وذكية ونجيضة*.. ___ صاحبة آراء ناضجة..
|
Post: #31
Title: Re: أكثر انسان مفيد في سودانيز اونلاين!!
Author: كمال عباس
Date: 09-13-2012, 10:57 PM
Parent: #30
تحياتي أخ قصي وشكرا علي هذا البوست المختلف , كتبت قبل إسبوع مداخلة مطولة حول تدور حول نفس الفكرة ورد فيها إسم الاخت الفاضلة إسمارت من ضمن من يطرقون - متميزة ومختلفة :- Quote: .... ثالثا مفترض الناس تراعي حالة التنوع والتبائن في الإهتمامات يعني أمسك - كنماذج إسمارات أنا ومريم بت الحسين والنصري أمين والأستاذة رحاب خليفة شوف ثراء المواضيع التقنية والعلمية والأكاديمية التي يتناولها..., شوف دور الناس اللي بتهتم بالمواضيع التوثيقية والخبرية وشوف ناس التراث والأدب والرياضة والثقافة والإجتماعيات الخ ........... وشوف الكم الكبيرمن الذين يكتبون بموضوعية ويحترمون ذواتهم والاخريين ولايثيرون صخبا أو ضجيجاأو عراكا ولا يسعون للنجومية
|
...
Re: بعد طول غياب ها قد عدت ياصحابي! ! تري كيف حالكم وحال المنبر؟؟ ولك ولها عميق الإحترام....
|
Post: #32
Title: Re: أكثر انسان مفيد في سودانيز اونلاين!!
Author: Rawia
Date: 09-14-2012, 00:40 AM
Parent: #31
واحدة من الحاجات الكتيييرة المفيدة البتعملها سمارتي انا كانت راعية وسبب لاني نزلت كم كيلو كدا مشتركين في قروب بتاع رياضة (ع الديئ) كدا في الفيس بوك كله نساء رائعات ومفيدات
|
Post: #33
Title: Re: أكثر انسان مفيد في سودانيز اونلاين!!
Author: د.نجاة محمود
Date: 09-14-2012, 00:58 AM
بالجد والله ليها التحية متوحدة ممكن تكون فوكسد ولا كيف مودتي
|
Post: #34
Title: Re: أكثر انسان مفيد في سودانيز اونلاين!!
Author: سفيان بشير نابرى
Date: 09-14-2012, 01:00 AM
Parent: #31
سلام يا قصي يا صاحبي و سلام للمحتفى بها و انا عندي ليها شُكر كتييير خلاص الزولة دي بس خايف راسه يكبر .
ـــــــــــــــــــــــــــــــــــــــــــــــــــــــــــــ
العاجبني في البوست دا انو غالبية ال(رعاع) بقو يعملوا حواشي تحت مداخلاتهم و يفسروا بعض الكلمات التي اتت في المتن (مثال الراع الاكبر ابتفه).
طبعاً يا (جيجا) بتتذكر مفاصلة القصر و المنشيه؟ اها مش في ناس لسه مفتكرنها خديعة؟ اها بعد ما ابتفه بقى زول حواشي اقطع (دراع صاحبك المسقف) انو بعض مفاصلي الفور اوول جزء من الخديعة لرفع قدرات الرعاع .
|
Post: #35
Title: Re: أكثر انسان مفيد في سودانيز اونلاين!!
Author: قيقراوي
Date: 09-14-2012, 01:18 AM
Parent: #34
طلع ما مسغفو ذاتو .. فاكيا فينا سااااي!
-----------
كل الكتب الاداني ليها طلعت طابعا الحزب الشيوعي ... وهو خاميها ملح ساي!! غنج بي كتب مزونة الفيها الثمرة سم انو ذاتو هو ما صاحبي .. متلبط بس
|
Post: #36
Title: Re: أكثر انسان مفيد في سودانيز اونلاين!!
Author: Ashraf el-Halabi
Date: 09-14-2012, 02:29 AM
Parent: #30
Quote: الأخت smart_ana2001 تستحق مني اعتذارا فانا لم أكن أعرف أنها أنثى والله |
أنقابو اراوند؟ ههههه يا قصي بالإضافة لاسمارت في كم زول مهمومين بحكاية المعرفة دي، أشعر بامتنان نحو ما يقدموه شيخنا محسن خالد معاوية حسين بنت الحسين النصري أمين وأخريات وآخرين
|
Post: #37
Title: Re: أكثر انسان مفيد في سودانيز اونلاين!!
Author: smart_ana2001
Date: 09-14-2012, 07:02 AM
Parent: #36
يا قصي( خلاص رفعنا الكلفة و بقينا نقول قصي من غير استاذ). حتى لو قلتا علي متوحده بتاعة الاوتزم ما ح يكون عندى مشكلة. و بالمناسبة حتى وصفك ده :
Quote: متوحدة في البتعملي فيهو بتعني إنك (صميمة) في البتعملي فيهو وما بتلتفتي لي غيره وكأنك في المنبر ده: شمر ليك علم فأخذتي تطلبينه وكأنك ماشه لي هدف بي عينه... زي التقول قالوا ليك بنديك جايزة لو فهمتي الناس ديل "تكنلوجيا" "تكنلوجيا". |
وصف زول اوتستك ( او علي الاقل geek ) الاوتزم التعريف الجديد ليه بقي واسع جداً. من الزول البيكون ما بقدر يتواصل مع الناس نهائي، لحدى الزول اللي بيكون بس socially challenged. ما كان عندك قبل كده صاحب بيفضحك قدام الناس. بيتكلم بصوت عالي و بيقول اي حاجه قدام اى زول؟؟؟؟ ممكن اكتب بالانجليزى؟ Sometimes, I think I am kinda autistic. I am antisocial(sometimes). The good thing is that I am very attuned to other people feelings and I am also a very good actress( not professionally, of course). I might be autistic, but I am definitely an introvert.
|
Post: #38
Title: Re: أكثر انسان مفيد في سودانيز اونلاين!!
Author: Elmoiz Abunura
Date: 09-14-2012, 07:24 AM
Parent: #37
اخى قصى
سلامات
Quote: انا ح انتهز هذه الفرصة و ابدى احتجاجى على ان بكرى ابوبكر رفض يعمل لى مكتبة.....اتخيلوا بعد فائدتى دى كلها |
ومثلك يااختى Smart, رفض بكرى بشده ان يمنحنى مكتبه رغم قراء بعض خيوطى تعدى اكثر من 10000 لذلك ساقلل مشاركتى فى البورد واكتفى بخيوطى المفتوحه حاليا و ساقوم انشاء الله بفتح خيوط متابعة الانتخابات الاميركيه فى موقع سودانيات فى الفترة القادمة. المسأله فى سودانيزاونلاين هى خيار وفقوس, ولايوجد تقدير للعطاء ياSmart من صاحب المكان لكن مثل الاخوة الاخرين فإننى اشيد بمساهماتك القيمه. سلامى وتقديرى للجميع
|
Post: #39
Title: Re: أكثر انسان مفيد في سودانيز اونلاين!!
Author: smart_ana2001
Date: 09-14-2012, 07:26 AM
Parent: #37
شكرًا جزيلا حسن بشير. قصي قاصد كل خير. انا متأكده. و شكرًا جزيلا حامد محمد حامد.
كوستاوى، شنو يا اخي؟؟؟ لو كنت بكتب باسمي كنت ح اكون تقلتة شديده. لكن هسي مااااخده راحتي. صحبك بكرى ضربتا ليه تلفون ما هببني. قال لازم شهادة الميلاد و كرت التطعيم و قسيمة زواج الحاج و الحاجة.
سهام، مخجوجة شنو يا اخي؟ بيني و بينك دينا ده زولة مجاملة شديد خلاص. شكرًا على الوصية، لكن قررتا أتمسك بموقفي. اهو ناس قيقراوى دورا already
شكرًا يا د. امبدة. شكلى ما كان عندى موضوع السنة الفاتت. و مقضيها كلها بورد.
قيقراوى، خاف الله. بوست ال اى فون انفتح قبل حوالى أسبوعين. و يوم ( يوم شنو ! دقيقة) الاعلان عن التلفون البوست كان شغال على الهواء مباشرة من سانفرانسسكو للبورد.
تسلمي يا أميرة. و يديك الصحة و العافية.
|
Post: #40
Title: Re: أكثر انسان مفيد في سودانيز اونلاين!!
Author: smart_ana2001
Date: 09-14-2012, 07:42 AM
Parent: #39
قيقا، اطمئن. بكري بعضمة لسانو قال لي ما في مكتبة. المعز ابونورة، مالك علينا؟؟؟ ما تقطع في سيد العدة. هسي يقرر يطردنى، و لما يحنسوه لي يقوم يسجلني باسمي الحقيقي خماسي. طول بالك. و ان شاء الله مكتبتك تظهر قريب.
صديق الموج، شكرًا جزيلا. تسلم.
داليا، مشتاقون مشتاقون مشتاقون. " صميمية" و " معتزلة" و كل الحجات دى بتدل على قوة الرأس. صح يا قصي؟؟؟ :)
شكرًا يا ياسر علي الكلمات الطيبات. تسلم.
شكرًا أخونا كمال عباس. الحمد لله علي السلامة. و شكرًا على حسابي من البروف و رحاب و مريم و النصري. كلهم ناس مطلعين و لما يفتحوا بوست بيكتبوا بإخلاص.
راوية. مشتاقين يا اخي. لكن زغتي ممننا في بوست النصري.
د. نجاة شكرًا جزيلا. تسلمي. بيكون عندى حبة توحد كده.
سفيان يا فردة. كيفك؟؟؟ طبعا راسي ح يكبر. اعمل حسابك. تاني ما بتقدروا تقعدوا معاى في البورد ده.
شكرًا اشرف الحلبي. تسلم.
|
Post: #41
Title: Re: أكثر انسان مفيد في سودانيز اونلاين!!
Author: عمر الفاروق
Date: 09-14-2012, 08:23 AM
Parent: #40
غايتو أرييييح حاجة في بوستات الشكر دي إنها ما بتكلف. كاتب البوست الرد على المتداخلين.. أسة شوفو فلانة دي إستلمت الردود كيييف:-):-):-):-)
|
Post: #42
Title: Re: أكثر انسان مفيد في سودانيز اونلاين!!
Author: smart_ana2001
Date: 09-14-2012, 08:27 AM
Parent: #41
و الله يا عمر هسسسي كنت بفكر في الموضوع ده
|
Post: #43
Title: Re: أكثر انسان مفيد في سودانيز اونلاين!!
Author: عمر الفاروق
Date: 09-14-2012, 08:30 AM
Parent: #42
إسمارت يا إنتي.. مجرد التفكير لا يكفي..لابد من إجراءات عملية حول هذا الموضوع..:-):-):-) التقلة صنعة يا بتي..:-):-):-):-)
|
Post: #44
Title: Re: أكثر انسان مفيد في سودانيز اونلاين!!
Author: smart_ana2001
Date: 09-14-2012, 08:42 AM
Parent: #43
تقلة من يا عم؟ عشان الحركات دى بكتب باسم ساى. تعرف يا عمر انا عندى اصحاب صعبين خلاص. لو عرفوا دى انا ح يمرقونى من الكرة الأرضية. و كل ما اكتب حاجه كده و لا كده ح يضربوا لي تلفون يهروشوني
|
Post: #45
Title: Re: أكثر انسان مفيد في سودانيز اونلاين!!
Author: داليا حافظ
Date: 09-14-2012, 10:51 AM
Parent: #44
Quote: ممكن اكتب بالانجليزى؟ |
أها..قلنا شنو نحن ياقصي؟![](http://www.sudaneseonline.com/db/attention/010_Smile.gif)
والله مشتاقين بالاطنان ..راي فيك عارفاهو مافي داعي اعيدوا في كل محفل..
ياعمر اسمارت هي من الناس الواثقين في نفسهم جدجد والقصة دي ما بتقسم مع التقلية ..
|
Post: #46
Title: Re: أكثر انسان مفيد في سودانيز اونلاين!!
Author: قيقراوي
Date: 09-14-2012, 12:01 PM
Parent: #45
Quote: قيقا، اطمئن. بكري بعضمة لسانو قال لي ما في مكتبة.
|
عالم خوافة اسي لولا تهديدي .. كان اداك مكتبة بي ليل![](http://www.sudaneseonline.com/db/attention/010_Smile.gif)
---------
انتو فاهميني غلط ياخ .. انا ما داير مكتبة .. لا لا ياخي انال دايرو يقلع من امين المكتبة .. غثاءو البكتبو هنا دا خليو تذرؤه الريح ساي الاجيال القادمة تستفيد منو شنو بس (بكسر الباء)!؟
ذات إت (آي هاف نو اربك كيبورد رايت ناو)
ممكن اكتب باللنقليزي؟
I'll be back
انتهى
شكراً
|
Post: #47
Title: Re: أكثر انسان مفيد في سودانيز اونلاين!!
Author: قصي مجدي سليم
Date: 09-14-2012, 01:01 PM
Parent: #46
Quote: ذات إت (آي هاف نو اربك كيبورد رايت ناو)
ممكن اكتب باللنقليزي؟
I'll be back
انتهى
شكراً |
اول حاجة يا شمشار انت هي ما قالت ما عندها كيبورد عربي.. هي قالت ممكن أكتب بالإنكليزي عشان تشح نفسها كويس
عالم سانّة سكاكسنها وجاهزة..
ههههههههههههههههههههه لكن حلوة وريحتني في ديني عشان في ناس بكون فعلا عندهم عربي وحابين اتفلهموا :) :)
لكن اسمارت حاشاها... --------------------------------------
يا عمر الفاروق ياخ ازيك اولن
ثانين كلامك صح ثالثن مع الثلامة :)
|
Post: #48
Title: Re: أكثر انسان مفيد في سودانيز اونلاين!!
Author: عمر الفاروق
Date: 09-14-2012, 03:15 PM
Parent: #47
هي لكن عاد يا داليا التقلية ويين مع النعيمية دي..:-):-) غايتو بس ذكروني كلان نواعم..:-) ..تخريمة كلمتك إنو تعليق اﻹكستينشن جعل منك كاتبتي المفضلة للإسبوع المنصرم؟:-).. حليييل أيام ضنب الحصان البتلقاهو معلق في دكان البرقاوي :-):-)
|
Post: #49
Title: Re: أكثر انسان مفيد في سودانيز اونلاين!!
Author: عاطف عمر
Date: 09-14-2012, 06:05 PM
Parent: #48
Quote: تقلة من يا عم؟ عشان الحركات دى بكتب باسم ساى. تعرف يا عمر انا عندى اصحاب صعبين خلاص. لو عرفوا دى انا ح يمرقونى من الكرة الأرضية. و كل ما اكتب حاجه كده و لا كده ح يضربوا لي تلفون يهروشوني |
نطالب إذاً بإلغاء الأسماء المستعارة ليضطر ( المتوحدون ) للكتابة بأسمائهم الحقيقية ( ثنائية أم كانت أم خماسية ) وحتى يتعلم ( من يهمه الأمر ) التقلة التي هى صنعة أو يكون جاهزاً لـ ( هرشة ) أصدقائه أو نفيهم له خارج الكرة الكرة الأرضية
__________________________
إنت يا عمر وكت شديد ولضيض قدرا دا ما كان ترد على ( فنانا ) الكبير الهرشك بالنحوي لحدي ما خلاك ما تعرف الفرق بين عاطف عمر وعاطف خيري
|
Post: #50
Title: Re: أكثر انسان مفيد في سودانيز اونلاين!!
Author: حافظ انقابو
Date: 09-14-2012, 06:28 PM
Parent: #49
اشرف الحلبي
Quote: أنقابو اراوند؟ ههههه |
معقولة يعني الواحد يستمتع بي بوست؟؟؟
الواحد يقرا يقرا يلقى القطيعة ^__*
انا لاقي كتاباتي تشبه كتابات الطفل المعجزة بتاع منبر الصفوة
شكراً يا حلبي
_____________ اصبت يا قصي بالفعل الهميمة اسمارت من اكثر الزملاء المفيدين .. ولو احتجتها بتلقاها
هسة لو اخدوني اللوتي ح اتلحا ههههههههههههههههههه
تحياتي واحترامي
|
Post: #51
Title: Re: أكثر انسان مفيد في سودانيز اونلاين!!
Author: مريم بنت الحسين
Date: 09-14-2012, 06:36 PM
Parent: #50
يا قصي... غايته سمارت فعلاً زوله مفيده لأقصى درجة ممكن تتخيلها... والفي المنبر ده قليل من كتير... عندي علاقة خاصة بيها وقاعده اقشر بيها في الطالعة والنازلة... امي وابوي واخواني بسمعوا عنها كتير جداً منّي... وليها بصمة في حاجات كتيرة في يومي... الظريف انه صحبتنا متفقين على عمقها من غير ما نقول... ياخ كفاية انها مسمية واحد من اطفالها باسم عزيز جدا جدا على قلبي.... (انا عارفاك حتضحكي على الحته دي)...
غايته للضمان كده، قلت اقول ليك، بعتز بصداقتك جداً يا سمارت، شكراً لأنك بتفقديني وبتسألي عنّي، وانك بتتذكريني وبتخافي علي وعلى اطفالي ... وفي عز انشغالك، بتلكزيني لما اختفي...
شكرا يا قصي...
|
Post: #52
Title: Re: أكثر انسان مفيد في سودانيز اونلاين!!
Author: عمر الفاروق
Date: 09-14-2012, 06:54 PM
Parent: #51
عاطف يا أخوي.. صدقني انا شديييد ولضيض..وشايفك جادي في قصة زولك دي..انا والله كنت قايلك بتهظر..زولك ده ما رديت عليهو عشان الكلام المجوبك ما النحوية والسيبويهية.. نحن لسة فيها يا حبوب..الكلام قاعد أمشي جيبو وتعال أشرحو لي إنت الفهمتو وليك علي أرد ليهو..
|
Post: #53
Title: Re: أكثر انسان مفيد في سودانيز اونلاين!!
Author: Elmoiz Abunura
Date: 09-14-2012, 07:09 PM
Parent: #52
Quote: المعز ابونورة، مالك علينا؟؟؟ ما تقطع في سيد العدة. هسي يقرر يطردنى، و لما يحنسوه لي يقوم يسجلني باسمي الحقيقي خماسي. طول بالك. و ان شاء الله مكتبتك تظهر قريب |
بسم الله يااختى Smart, كلام ابوغسان ده ماقطيعة, ده رأى عديل كتبته فى خيوطى وخيوط غيرى عن سياسة الخيار والفقوس لصاحب البورد وأثارها السلبيه على الاعضاء. وبعدين اذا قرر يطردنا.. مايطردنا هو حيطردنا من الجنة يازعيمه. مع ودى وتقديرى
|
Post: #54
Title: Re: أكثر انسان مفيد في سودانيز اونلاين!!
Author: Elawad
Date: 09-14-2012, 07:19 PM
Parent: #53
يا سلام يا قصي كل يوم بتثبت فعلا إنك طفل معجزة:). فعلا سمارت من أفيد الناس في البورد وبتحب تشارك الناس بالمعلومات العندها وبتختار مواضيع الناس فعلا بكونا محتاجنها. شخصيا استفدت منها كتير وهي من الناس الواحد بتابع مداخلاتهم.
|
Post: #55
Title: Re: أكثر انسان مفيد في سودانيز اونلاين!!
Author: Elawad
Date: 09-14-2012, 07:19 PM
Parent: #53
آسف مكرر.
|
Post: #56
Title: Re: أكثر انسان مفيد في سودانيز اونلاين!!
Author: عاطف عمر
Date: 09-14-2012, 08:04 PM
Parent: #52
فاروقنا يا عمرQuote: صدقني انا شديييد ولضيض..وشايفك جادي في قصة زولك دي..انا والله كنت قايلك بتهظر..زولك ده ما رديت عليهو عشان الكلام المجوبك ما النحوية والسيبويهية.. نحن لسة فيها يا حبوب..الكلام قاعد أمشي جيبو وتعال أشرحو لي إنت الفهمتو وليك علي أرد ليهو.. |
جادي شنو يا عمك ... ؟؟؟ الله يهدينا ويهديك صدقني إنت بى عدم فهمك دا طلعت من كلامو بجملتين تلاتة أنا يخربني ... أبو النوم ما طلعت بيهو .. زى نكتة المسطول مع الطيرة لكن النصيحة لى الله حيرتك ولفة رأسك بتغري ( أعدقائك ) الزينا
نتفسح فيك متين يعني ؟؟؟
|
Post: #57
Title: Re: أكثر انسان مفيد في سودانيز اونلاين!!
Author: smart_ana2001
Date: 09-15-2012, 11:38 PM
Parent: #56
مريوم أختي. و الله يا مريم اي شي قلتيه هنا بيعبر عني انا تماماً. كل أهلي بيعرفوك. و مريوم دي يا جماعة و قفت معاي في موافق ما ح أنساها ما حييت. اخوات شقيقات ما بيعملوا لاخواتهم العملتو لي مريوم. ربنا يديها الصحة و العافية و يخلي ليها أولادها. و بالمناسبة.... الاسم ما نادر. ؛) داليا، عمر الفاروق ده عندو نار بايت معاي، عامل فيها مطنش الان لكن يوما ما ح ينتقم مني.
عاطف عمر، مالك علينا؟ لولو الاسماء المستعارة لمنعتني أمي ( ايوه، أمي) من الكتابة في البورد. يا زول انا أمي هسي حاميني الفيسبوك.
المعز ابو نورة، انا بهظر ساي يا اخي. بكري نوع البوستات دي اصلا ما اظن بيفتحها.
العوض، شكرًا يا اخي علي الكلمات الطيبات. تسلم.
|
Post: #58
Title: Re: أكثر انسان مفيد في سودانيز اونلاين!!
Author: ناصر فراج
Date: 09-16-2012, 00:55 AM
Parent: #57
مع اسمارت انا صاحبة التكنلوجيا الحديثة برشح طارق جبريل مخور البوستات وبرشح الاخت نجلا سيد احمد فى التحرك الاعلامى
|
Post: #59
Title: Re: أكثر انسان مفيد في سودانيز اونلاين!!
Author: smart_ana2001
Date: 09-16-2012, 05:33 AM
Parent: #58
حافظ، لو عاوز اللوتري، ان شاء الله تجيك يترتب. و ربنا يقدرنا علي
ناصر فراج، شكرا
|
Post: #60
Title: Re: أكثر انسان مفيد في سودانيز اونلاين!!
Author: فيصل نوبي
Date: 09-16-2012, 07:22 AM
Parent: #59
شهادتنا* فيها مجروحة بختكـ يا فردة بقيتي إنتي و الآيفون 5 دعايتكم في وقت واحد ![](http://www.sudaneseonline.com/db/attention/200_4e.gif) البوست ده هسي رسلت الرابط بتاعو لصاحبتكـ ![](http://www.sudaneseonline.com/db/attention/200_4e.gif) شكراً يا قصي و إنت زاتكـ زول مفيد ياخ.
_ * نوبي و نوبية
|
Post: #63
Title: Re: أكثر انسان مفيد في سودانيز اونلاين!!
Author: حافظ انقابو
Date: 09-21-2012, 06:37 PM
Parent: #59
Quote: حافظ، لو عاوز اللوتري، ان شاء الله تجيك يترتب. و ربنا يقدرنا علي |
يا سلام عليك
اها وانت برضو لو ليك خدمة في السودان ادينا اشارة
|
Post: #61
Title: Re: أكثر انسان مفيد في سودانيز اونلاين!!
Author: داليا حافظ
Date: 09-16-2012, 07:46 AM
Parent: #48
Quote: كلمتك إنو تعليق اﻹكستينشن جعل منك كاتبتي المفضلة للإسبوع المنصرم؟:-).. |
حكمتو بالغة ..اليوم الابقى المفضلة عندك البوست يضايروهو..![](http://www.sudaneseonline.com/db/attention/010_Smile.gif)
الله يبعد عننا عيون العوازل ..ههههه
|
Post: #62
Title: Re: أكثر انسان مفيد في سودانيز اونلاين!!
Author: Hussein Mallasi
Date: 09-21-2012, 06:12 PM
Parent: #61
ليس تكنولوجياً فحسب بل وصاحبة عقل راجح ورأي سديد.
|
Post: #64
Title: Re: أكثر انسان مفيد في سودانيز اونلاين!!
Author: Amin Salim
Date: 09-21-2012, 07:20 PM
Parent: #62
سمارت زوله واعايهه و ظريفه و مثقفه و اكتر حاجه بستمتع بيها هى المغالطات بينى وبينها
ربتا يوفقك و يفرّخك ب اولادك
|
Post: #65
Title: Re: أكثر انسان مفيد في سودانيز اونلاين!!
Author: smart_ana2001
Date: 09-21-2012, 07:58 PM
Parent: #64
و الله يا جماعة فيصل نوبى ده افيد منى شديد فى مواضيع التكنلوجيا دى. نوبى و نوبية....يديكم الافية و يخلى ليكم اولادكم
شكرا يا ملاسي يا اخى.... عاجزين عن الشكر
امين....ود الانجليز (و ولدنا برضو)..... شكرا يا اخى....انت اللى الغلاط معاك متعة
|
Post: #66
Title: Re: أكثر انسان مفيد في سودانيز اونلاين!!
Author: رشا سالم
Date: 09-24-2012, 08:19 PM
Parent: #65
اسمارت وكفى،،
|
|