أكثر انسان مفيد في سودانيز اونلاين!!

الى حين وصول (المرحوم واصل علي) أو معرفة خبره..

فهي -من وجهة نظري طبعا:


smart_ana2001


زوله ما ليها في الفارغة، ومتوحدة في البتعمل فيهو بي صورة عجيبة، ومفيدة تكنلوجيا لغاية ما بتعمل ليك صداع، وهميمة في المساعدة جدا.. وبرضك funny
:) :) :)

لك التحية والاحترام

معتصم محمد صالح
بيجيب سعر الدهب والدولار كل يوم






_______

والليلة جاب الكانت السبب في انتشار الايدز في السودان والدول المجاورة

يا راوية معتصم زول مفيد طبعا
لكن بتاعة الأيدز دي قلب فيها هوبة
وهو برضك طريف
----------------------------

هي الزولة دي ناشطة ولا شنو؟

هههههههه الجانب المشرق فى الأمر.هو .الأطمئنان على كفاءة شبابنا...خصوصاً أنو المحاكم هذه الأيام أمامها طلبات طلاق كثيره ومزعجة..تثير الشكوك حول مدى تأثير التحولات البيئية العالمية فى الوضع الراهن

والزواج كيف؟؟؟ ما بثير الشكوك برضك !!!

حسبة بسيطة
عشان تجيب خبر 350 العدد الكلي بيكون كم؟؟

كعامل بيئى...؟ الرد فى هذا الأمر يحتاج لمختصين طبعاً..لكن أملك الأجابة بشكل أحصائى فى الجانب القانونى لذا تجدنى أسأل

الأخت smart_ana2001 تستحق مني اعتذارا
فانا لم أكن أعرف أنها أنثى والله
لولا أن العزيزة راوية قد نبهتني لذلك!
وهذا هو السبب وراء الضمير المذكر في بداية البوست وقمت بمحاولات "تصحيحية" علها أفلحت
:)

وضاحة كان ربنا سخرها ليك لاي عمل خيري

بس هي ضنينة لكن كان قالت الله اكبر بتفزعك في الحين

معــاوية حـــــــسين ,,,,,

Quote: زوله ما ليها في الفارغة، ومتوحدة في البتعمل فيهو بي صورة عجيبة، ومفيدة تكنلوجيا لغاية ما بتعمل ليك صداع، وهميمة في المساعدة جدا.. وبرضك funny :) :) :) لك التحية والاحترام

قصي مجدي سليم...سلامات...
لكن دى ما فى زول سبقك عليها -غير دينا خالد اللى ختتنى "بعد تحنيس" فى قائمة النساء الاكثر نفوذ فى البورد.
شكرا جزيلا.....
__________________________
عشان بستعمل اسم مستعار- I think انى ممكن اشكر روحى ذى ما عازوه.و ما ح يكون فيها شبهة غرور و فلهمة. غرور كيف و اصلا قليلين اللى بيعرفونى هنا.??
That said
بوستك ده ح يعمل لى سمعه
يا اخى. كيف تقول "متوحدة"?
انا زوله
very Socially smart ....بالجد. انا يا اخى ابعد ما اكون من التوحد. كل البيعرفونى فى الدنيا بيفتكروا انى زوله
مجاملة جدا.
انا كمان مفيدة فى حجات تانية كتيرة خالص....انا و مريم الحسين عندنا بوستات و بوستات عن تربية الاطفال :).
ده غير تنظيرى المتواصل فى الاقتصاد و الطبيخ و حقوق المراة.
one more thing, I wish I was funny

____________________________
التعديل بالاحمر

شنو يا ناس راوية عملتوها لسته....

الاستاذ قصى بيتكلم عن زول واحد مفيد فى البورد....و قرر انو ده انا




انا ح انتهز هذه الفرصة و ابدى احتجاجى على ان بكرى ابوبكر رفض يعمل لى مكتبة.....اتخيلوا بعد فائدتى دى كلها

Quote: كيف تقول "متوحدة"?

:):)

لا شك لدي أن الكاتب يقصد متفردة.

المفيدون كثر في في هذا الموقع ولكني أوافق الأخ قصي بأن الأخت سمارت من أبرزهم.

سلام يا قصي والتحية للاخت سمارت

Quote: smart_ana2001

تصدق يا قصي إسمارتي ما عندها مكتبة في سودانيز أون لاين!
___________________________________________________

و تصدق أيضا إنو ود الباوقة و حبوبة غريبة (عندهما) كنبتين..
أقصد مكتبتين!

يا إسمارت انتى سلامات و مبروك التصنيف الما مخجوج
(لانو بتاع دينا كان مخجوج علنا)
لكن الحقى روحك فى مداخلتك بتاعت انا ما متوحدة دى
وقولى انا فاهمة قصى قاصد شنو ..بس حبيت اكون funny


قبل ما يجوك الجماعة ..

تم ترشيح smart_Ana من ضمن افضل المشاركين فى المنبر للعام 2011

حسب نتائج استفتاء تم اعداده لاعضاء وقراء المنبر فى اواخر العام المنصرم.

:-)

Quote: ده غير تنظيرى المتواصل فى الاقتصاد و الطبيخ و حقوق المراءة.

غايتو الاخيرة دي اتوحدتي فيها .. قبلك وقبالك




















--------

التوحد القاصدو قصي ما كعب ..
وهو في ظني -غير الآثم- توحد المعتزلة
ولايغرنك دالالة الاسم الظاهرية في معتزلة برضو .. جات كدا!
لكن المعنى باطني غميس

Quote: ومتوحدة في البتعمل فيهو بي صورة عجيبة

:) :) :)

يا ناس التكنلوجيا عليكم الله إهتموا لينا معاكم بالعربي شوية
ههههههههههههههههههههههههههه

التوحد هنا الأنا قصدته ما انو الزول يكون براهو، وبرضك ما المرض autism
:) :) :)

متوحدة في البتعملي فيهو بتعني إنك (صميمة) في البتعملي فيهو وما بتلتفتي لي غيره
وكأنك في المنبر ده: شمر ليك علم فأخذتي تطلبينه
وكأنك ماشه لي هدف بي عينه... زي التقول قالوا ليك بنديك جايزة لو فهمتي الناس ديل "تكنلوجيا" "تكنلوجيا".

ربنا يديك الصحة والعافية
ويزيدك من خيره ومن نعمة العقل.
---------------------------------------------------------------

يا بكري..
عليك الله ما بالغتة شوية مع أكتر زول اسمارت هنا!!!

شكرا راوية

Quote: انى ممكن اشكر روحى ذى ما عازوه

ياخي ما تتاقلي شوية!
خلي البوست يعمل خمسة صفحات
و بعدين أمشي الكوفير
و تعالي و بوش محمر....و قولي
أحسن الله جزاءكم!

ناس شفقانة جنس شفوق!

Quote: قبل ما يجوك الجماعة ..

ايوة .. في زول بنادي؟

















------

يا قصي ما تشكر لينا الراكوبة في الخريف ..
اسي ايفون فايف، نزل .. مح يتوفر في الاسواق بعد اسبوع بس وما شفنا بوست!

وانا مثنية على اختيار قصي باختيار سمارت لأنها فعلا سمارت ومتفردة
والله يدها الصحة والعافية

Quote: ايوة .. في زول بنادي؟

ههههههههههه
والله يا صديقى انت مفروض تغير لاسم (اسمارت انا دا ما اسمارت هى) كاملا غير منقوص
ولا اسفا على اسمارت انا فى اسمها...
لانى بالجد كتبت اسماء وكتبت انو قيقا على رأس القائمة دى لكن مسحت الجزء ده
خفت تفتحوا يا اخوى لى بيها بوست عشرة
لووووووووووووووووووووول

_____________________________
ياقصينا الذى فتح النيران واتخارج very smart

Quote: ياقصينا الذى فتح النيران واتخارج very smart

انت في دا ول قصي طلع فعلاً طفل معجزة :

http://www.sudaneseonline.com/db/attention/010_Smile.gif




















---------

اما بعد ..

المافي شنو؟

يفتح في البوستات ساااي .. ما بلاش في مطعم الباشا دا
مفروض بكري يعمل رسوم لفتح البوست .. ورسوم للمداخلة (مع التخفيض للزبائن المعتمدين طبعاً)

اسي شبك لينا اسمارت هي دي في المكتبة .. طول علينا الصف ساي
كمان ابلصعة يقوم يصدق ويديها مكتبة سلفقة .. ديجانغو لا يفرز
في ذمتك اسي زي مكتبة البروف دي لزوما شنو .. بس (بكسر الباء)
دا بذار ساي !!

اها النحدثكم ضحى عاد : بكري يديها مكتبة قبلي، ارسمم ليك اللتنين

دا حق الاجيال القادمة .. مافيو مجاملة كلو كلو

قبل اى شيء لازم اقول يا جماعة انا بحب الشُكر ذى عيونى...
فشكرا جزيلا....

ذه غير انى بكتب من اى فونى العزيز اللى بيكتب بمزاجوا.
مرفوع عنى القلم فى حكاية الهجاء دى....سامع يا قيقراوي???

بالله ياقصى متوحدة البت اسمارت يعنى عندها متلازمة داروين
للاطفال المتوحدون ، قبلها (وحدها) وبراها
لوووووووووول التحية للبت فيرى اسمارت دى،
قصى اذكروا محاسن احياؤكم اكره تلك المقولة
المتخاذلة الشكرو قدامو نبذوا ...
ياخى شكروا كل من يستحق وصفقوا لكل من قدم ففى هذا
تكريم وعرفان للناس ...
تسلم قصى،،،،

Quote: (صميمة)

أخير قبيل ..



اسمارتنا والاغلبية هنا يا قصي من الناطقين بغيرها ..



ــــــــــــــ


لكن جد كدة هي فعلا "صميمة" ياخ دي حافظة ليك الآي فون ده صم

Quote: أخير قبيل .. اسمارتنا والاغلبية هنا يا قصي من الناطقين بغيرها .. لكن جد كدة هي فعلا "صميمة" ياخ دي حافظة ليك الآي فون ده صم

الله يجازي محنك يا داليا
والله أنا لما بكتب في "صميمة" دي
قلتها سمارت تجي تقول لي:
انا فهمت الأولانية عشان تجيب لي التانية.

نعم يا قصي أسمارتنا إمراة مفيدة وذكية ونجيضة*..
___
صاحبة آراء ناضجة..

تحياتي أخ قصي
وشكرا علي هذا البوست المختلف , كتبت قبل إسبوع مداخلة مطولة حول تدور حول نفس الفكرة ورد فيها إسم الاخت الفاضلة إسمارت من ضمن من يطرقون - متميزة ومختلفة :-

Quote: .... ثالثا مفترض الناس تراعي حالة التنوع والتبائن في الإهتمامات يعني أمسك - كنماذج إسمارات أنا ومريم بت الحسين والنصري أمين والأستاذة رحاب خليفة شوف ثراء المواضيع التقنية والعلمية والأكاديمية التي يتناولها..., شوف دور الناس اللي بتهتم بالمواضيع التوثيقية والخبرية وشوف ناس التراث والأدب والرياضة والثقافة والإجتماعيات الخ ........... وشوف الكم الكبيرمن الذين يكتبون بموضوعية ويحترمون ذواتهم والاخريين ولايثيرون صخبا أو ضجيجاأو عراكا ولا يسعون للنجومية

...

Re: بعد طول غياب ها قد عدت ياصحابي! ! تري كيف حالكم وحال المنبر؟؟
ولك ولها عميق الإحترام....

واحدة من الحاجات الكتيييرة المفيدة البتعملها سمارتي انا
كانت راعية وسبب لاني نزلت كم كيلو كدا
مشتركين في قروب بتاع رياضة (ع الديئ) كدا في الفيس بوك
كله نساء رائعات ومفيدات

بالجد والله ليها التحية
متوحدة ممكن تكون فوكسد ولا كيف
مودتي

سلام يا قصي يا صاحبي
و سلام للمحتفى بها و انا عندي ليها شُكر كتييير خلاص الزولة دي
بس خايف راسه يكبر .


ـــــــــــــــــــــــــــــــــــــــــــــــــــــــــــــ

العاجبني في البوست دا انو غالبية ال(رعاع) بقو يعملوا حواشي
تحت مداخلاتهم و يفسروا بعض الكلمات التي اتت في المتن (مثال
الراع الاكبر ابتفه).

طبعاً يا (جيجا) بتتذكر مفاصلة القصر و المنشيه؟ اها مش في ناس
لسه مفتكرنها خديعة؟ اها بعد ما ابتفه بقى زول حواشي اقطع (دراع
صاحبك المسقف) انو بعض مفاصلي الفور اوول جزء من الخديعة لرفع
قدرات الرعاع .

Quote: صاحبك المسقف

طلع ما مسغفو ذاتو .. فاكيا فينا سااااي!

















-----------

كل الكتب الاداني ليها طلعت طابعا الحزب الشيوعي ... وهو خاميها ملح ساي!!
غنج بي كتب مزونة الفيها الثمرة
سم انو ذاتو هو ما صاحبي .. متلبط بس

Quote: الأخت smart_ana2001 تستحق مني اعتذارا فانا لم أكن أعرف أنها أنثى والله

أنقابو اراوند؟ ههههه
يا قصي بالإضافة لاسمارت في كم زول مهمومين بحكاية المعرفة دي، أشعر بامتنان نحو ما يقدموه
شيخنا محسن خالد
معاوية حسين
بنت الحسين
النصري أمين
وأخريات وآخرين

يا قصي( خلاص رفعنا الكلفة و بقينا نقول قصي من غير استاذ). حتى لو قلتا علي متوحده بتاعة الاوتزم ما ح يكون عندى مشكلة. و بالمناسبة حتى وصفك ده :

Quote: متوحدة في البتعملي فيهو بتعني إنك (صميمة) في البتعملي فيهو وما بتلتفتي لي غيره وكأنك في المنبر ده: شمر ليك علم فأخذتي تطلبينه وكأنك ماشه لي هدف بي عينه... زي التقول قالوا ليك بنديك جايزة لو فهمتي الناس ديل "تكنلوجيا" "تكنلوجيا".

وصف زول اوتستك ( او علي الاقل geek )
الاوتزم التعريف الجديد ليه بقي واسع جداً. من الزول البيكون ما بقدر يتواصل مع الناس نهائي، لحدى الزول اللي بيكون بس socially challenged. ما كان عندك قبل كده صاحب بيفضحك قدام الناس. بيتكلم بصوت عالي و بيقول اي حاجه قدام اى زول؟؟؟؟
ممكن اكتب بالانجليزى؟
Sometimes, I think I am kinda autistic. I am antisocial(sometimes). The good thing is that I am very attuned to other people feelings and I am also  a very good actress( not professionally, of course). I might be autistic, but I am definitely an introvert. 

اخى قصى

سلامات

Quote: انا ح انتهز هذه الفرصة و ابدى احتجاجى على ان بكرى ابوبكر رفض يعمل لى مكتبة.....اتخيلوا بعد فائدتى دى كلها

ومثلك يااختى Smart, رفض بكرى بشده ان يمنحنى مكتبه رغم قراء بعض خيوطى تعدى اكثر من 10000 لذلك ساقلل مشاركتى فى البورد واكتفى بخيوطى المفتوحه حاليا و ساقوم انشاء الله بفتح خيوط متابعة الانتخابات الاميركيه فى موقع سودانيات فى الفترة القادمة. المسأله فى سودانيزاونلاين هى خيار وفقوس, ولايوجد تقدير للعطاء ياSmart من صاحب المكان لكن مثل الاخوة الاخرين فإننى
اشيد بمساهماتك القيمه.
سلامى وتقديرى للجميع

شكرًا جزيلا حسن بشير. قصي قاصد كل خير. انا متأكده. 
و شكرًا جزيلا حامد محمد حامد. 


كوستاوى، شنو يا اخي؟؟؟ لو كنت بكتب باسمي كنت ح اكون تقلتة شديده. لكن هسي مااااخده راحتي.
صحبك بكرى ضربتا ليه تلفون ما هببني. قال لازم شهادة الميلاد و كرت التطعيم و قسيمة زواج الحاج و الحاجة. 


سهام، مخجوجة شنو يا اخي؟ بيني و بينك دينا ده زولة مجاملة شديد خلاص.  
شكرًا على الوصية، لكن قررتا أتمسك بموقفي. اهو ناس قيقراوى دورا already

شكرًا يا د. امبدة. شكلى ما كان عندى موضوع السنة الفاتت. و مقضيها كلها بورد. 


قيقراوى، خاف الله. بوست ال اى فون انفتح قبل حوالى أسبوعين. و يوم ( يوم شنو ! دقيقة) الاعلان عن التلفون البوست كان شغال على الهواء مباشرة من سانفرانسسكو للبورد. 


تسلمي يا أميرة. و يديك الصحة و العافية. 

قيقا، اطمئن. بكري بعضمة لسانو قال لي ما في مكتبة.
 
المعز ابونورة، مالك علينا؟؟؟ ما تقطع في سيد العدة. هسي يقرر يطردنى، و لما يحنسوه لي يقوم يسجلني باسمي الحقيقي خماسي. طول بالك. و ان شاء الله مكتبتك تظهر قريب. 


صديق الموج، شكرًا جزيلا. تسلم. 

داليا، مشتاقون مشتاقون مشتاقون. 
" صميمية" و " معتزلة" و كل الحجات دى بتدل على قوة الرأس. صح يا قصي؟؟؟ :)


شكرًا يا ياسر علي الكلمات الطيبات. تسلم. 

شكرًا أخونا كمال عباس. الحمد لله علي السلامة. و شكرًا على حسابي من البروف و رحاب و مريم و النصري. كلهم ناس مطلعين و لما يفتحوا بوست بيكتبوا بإخلاص. 

راوية. مشتاقين يا اخي. لكن زغتي ممننا في بوست النصري. 

د. نجاة شكرًا جزيلا. تسلمي. بيكون عندى حبة توحد كده. 

سفيان يا فردة. كيفك؟؟؟ طبعا راسي ح يكبر. اعمل حسابك. تاني ما بتقدروا تقعدوا معاى في البورد ده. 

شكرًا اشرف الحلبي. تسلم. 

غايتو أرييييح حاجة في بوستات الشكر دي إنها ما بتكلف. كاتب البوست الرد على المتداخلين..
أسة شوفو فلانة دي إستلمت الردود كيييف:-):-):-):-)

و الله يا عمر هسسسي كنت بفكر في الموضوع ده

إسمارت يا إنتي..
مجرد التفكير لا يكفي..لابد من إجراءات عملية حول هذا الموضوع..:-):-):-)
التقلة صنعة يا بتي..:-):-):-):-)

تقلة من يا عم؟ عشان الحركات دى بكتب باسم ساى.
تعرف يا عمر انا عندى اصحاب صعبين خلاص. لو عرفوا دى انا ح يمرقونى من الكرة الأرضية.
و كل ما اكتب حاجه كده و لا كده ح يضربوا لي تلفون يهروشوني

Quote: ممكن اكتب بالانجليزى؟

أها..قلنا شنو نحن ياقصي؟



والله مشتاقين بالاطنان ..راي فيك عارفاهو مافي داعي اعيدوا في كل محفل..



ياعمر اسمارت هي من الناس الواثقين في نفسهم جدجد والقصة دي ما بتقسم مع التقلية ..

Quote: قيقا، اطمئن. بكري بعضمة لسانو قال لي ما في مكتبة.

عالم خوافة
اسي لولا تهديدي .. كان اداك مكتبة بي ليل


















---------

انتو فاهميني غلط ياخ ..
انا ما داير مكتبة .. لا لا ياخي
انال دايرو يقلع من امين المكتبة .. غثاءو البكتبو هنا دا خليو تذرؤه الريح ساي
الاجيال القادمة تستفيد منو شنو بس (بكسر الباء)!؟

ذات إت
(آي هاف نو اربك كيبورد رايت ناو)

ممكن اكتب باللنقليزي؟

I'll be back

انتهى

شكراً

Quote: ذات إت (آي هاف نو اربك كيبورد رايت ناو) ممكن اكتب باللنقليزي؟ I'll be back انتهى شكراً

اول حاجة يا شمشار انت هي ما قالت ما عندها كيبورد عربي.. هي قالت ممكن أكتب بالإنكليزي
عشان تشح نفسها كويس

عالم سانّة سكاكسنها وجاهزة..

ههههههههههههههههههههه
لكن حلوة وريحتني في ديني عشان في ناس بكون فعلا عندهم عربي وحابين اتفلهموا :) :)

لكن اسمارت حاشاها...
--------------------------------------

يا عمر الفاروق ياخ ازيك اولن

ثانين كلامك صح
ثالثن مع الثلامة
:)

هي لكن عاد يا داليا التقلية ويين مع النعيمية دي..:-):-) غايتو بس ذكروني كلان نواعم..:-)
..تخريمة
كلمتك إنو تعليق اﻹكستينشن جعل منك كاتبتي المفضلة للإسبوع المنصرم؟:-)..
حليييل أيام ضنب الحصان البتلقاهو معلق في دكان البرقاوي :-):-)

Quote: تقلة من يا عم؟ عشان الحركات دى بكتب باسم ساى. تعرف يا عمر انا عندى اصحاب صعبين خلاص. لو عرفوا دى انا ح يمرقونى من الكرة الأرضية. و كل ما اكتب حاجه كده و لا كده ح يضربوا لي تلفون يهروشوني

نطالب إذاً بإلغاء الأسماء المستعارة
ليضطر ( المتوحدون ) للكتابة بأسمائهم الحقيقية ( ثنائية أم كانت أم خماسية )
وحتى يتعلم ( من يهمه الأمر ) التقلة التي هى صنعة
أو يكون جاهزاً لـ ( هرشة ) أصدقائه
أو نفيهم له خارج الكرة الكرة الأرضية




__________________________

إنت يا عمر وكت شديد ولضيض قدرا دا
ما كان ترد على ( فنانا ) الكبير الهرشك بالنحوي
لحدي ما خلاك ما تعرف الفرق بين عاطف عمر وعاطف خيري

اشرف الحلبي

Quote: أنقابو اراوند؟ ههههه

معقولة يعني الواحد يستمتع بي بوست؟؟؟

الواحد يقرا يقرا يلقى القطيعة ^__*











انا لاقي كتاباتي تشبه كتابات الطفل المعجزة بتاع منبر الصفوة



شكراً يا حلبي









_____________
اصبت يا قصي بالفعل الهميمة اسمارت
من اكثر الزملاء المفيدين .. ولو احتجتها
بتلقاها





هسة لو اخدوني اللوتي ح اتلحا
ههههههههههههههههههه






تحياتي واحترامي

يا قصي... غايته سمارت فعلاً زوله مفيده لأقصى درجة ممكن تتخيلها... والفي المنبر ده قليل من كتير... عندي علاقة خاصة بيها وقاعده اقشر بيها في الطالعة والنازلة... امي وابوي واخواني بسمعوا عنها كتير جداً منّي... وليها بصمة في حاجات كتيرة في يومي... الظريف انه صحبتنا متفقين على عمقها من غير ما نقول... ياخ كفاية انها مسمية واحد من اطفالها باسم عزيز جدا جدا على قلبي.... (انا عارفاك حتضحكي على الحته دي)...

غايته للضمان كده، قلت اقول ليك، بعتز بصداقتك جداً يا سمارت، شكراً لأنك بتفقديني وبتسألي عنّي، وانك بتتذكريني وبتخافي علي وعلى اطفالي ... وفي عز انشغالك، بتلكزيني لما اختفي...


شكرا يا قصي...

عاطف يا أخوي..
صدقني انا شديييد ولضيض..وشايفك جادي في قصة زولك دي..انا والله كنت قايلك بتهظر..زولك ده ما رديت عليهو عشان الكلام المجوبك ما النحوية والسيبويهية..
نحن لسة فيها يا حبوب..الكلام قاعد أمشي جيبو وتعال أشرحو لي إنت الفهمتو وليك علي أرد ليهو..

Quote: المعز ابونورة، مالك علينا؟؟؟ ما تقطع في سيد العدة. هسي يقرر يطردنى، و لما يحنسوه لي يقوم يسجلني باسمي الحقيقي خماسي. طول بالك. و ان شاء الله مكتبتك تظهر قريب

بسم الله يااختى Smart, كلام ابوغسان ده ماقطيعة, ده رأى عديل كتبته فى خيوطى وخيوط غيرى عن سياسة الخيار والفقوس لصاحب البورد وأثارها السلبيه
على الاعضاء. وبعدين اذا قرر يطردنا.. مايطردنا هو حيطردنا من الجنة يازعيمه.
مع ودى وتقديرى

يا سلام يا قصي كل يوم بتثبت فعلا إنك طفل معجزة:). فعلا سمارت من أفيد الناس في البورد وبتحب تشارك الناس بالمعلومات العندها وبتختار مواضيع الناس فعلا بكونا محتاجنها. شخصيا استفدت منها كتير وهي من الناس الواحد بتابع مداخلاتهم.

آسف مكرر.

فاروقنا يا عمر

Quote: صدقني انا شديييد ولضيض..وشايفك جادي في قصة زولك دي..انا والله كنت قايلك بتهظر..زولك ده ما رديت عليهو عشان الكلام المجوبك ما النحوية والسيبويهية.. نحن لسة فيها يا حبوب..الكلام قاعد أمشي جيبو وتعال أشرحو لي إنت الفهمتو وليك علي أرد ليهو..

جادي شنو يا عمك ... ؟؟؟
الله يهدينا ويهديك
صدقني إنت بى عدم فهمك دا طلعت من كلامو بجملتين تلاتة
أنا يخربني ... أبو النوم ما طلعت بيهو .. زى نكتة المسطول مع الطيرة
لكن النصيحة لى الله حيرتك ولفة رأسك
بتغري ( أعدقائك ) الزينا

نتفسح فيك متين يعني ؟؟؟

مريوم أختي. 
و الله يا مريم اي شي قلتيه هنا بيعبر عني انا تماماً. كل أهلي بيعرفوك. و مريوم دي يا جماعة و قفت معاي في موافق ما ح أنساها ما حييت. اخوات شقيقات ما بيعملوا لاخواتهم العملتو لي مريوم. ربنا يديها الصحة و العافية و يخلي ليها أولادها. 
و بالمناسبة.... الاسم ما نادر. ؛) 
داليا، عمر الفاروق ده عندو نار بايت معاي، عامل فيها مطنش الان لكن  يوما ما ح ينتقم مني. 


عاطف عمر، مالك علينا؟ لولو الاسماء المستعارة لمنعتني أمي ( ايوه، أمي) من الكتابة في البورد. يا زول انا أمي هسي حاميني الفيسبوك.


المعز ابو نورة، انا بهظر ساي يا اخي. بكري نوع البوستات دي اصلا ما اظن بيفتحها. 


العوض، شكرًا يا اخي علي الكلمات الطيبات. 
تسلم. 

مع اسمارت انا صاحبة التكنلوجيا الحديثة
برشح طارق جبريل مخور البوستات
وبرشح الاخت نجلا سيد احمد فى التحرك الاعلامى

حافظ، لو عاوز اللوتري، ان شاء الله تجيك يترتب.
و ربنا يقدرنا علي

ناصر فراج، شكرا

شهادتنا* فيها مجروحة
بختكـ يا فردة بقيتي إنتي و الآيفون 5 دعايتكم في وقت واحد
البوست ده هسي رسلت الرابط بتاعو لصاحبتكـ
شكراً يا قصي و إنت زاتكـ زول مفيد ياخ.



_
* نوبي و نوبية

Quote: حافظ، لو عاوز اللوتري، ان شاء الله تجيك يترتب. و ربنا يقدرنا علي

يا سلام عليك



اها وانت برضو لو ليك خدمة في السودان ادينا اشارة

Quote: كلمتك إنو تعليق اﻹكستينشن جعل منك كاتبتي المفضلة للإسبوع المنصرم؟:-)..

حكمتو بالغة ..اليوم الابقى المفضلة عندك البوست يضايروهو..



الله يبعد عننا عيون العوازل ..ههههه

ليس تكنولوجياً فحسب بل وصاحبة عقل راجح ورأي سديد.

سمارت زوله واعايهه و ظريفه و مثقفه و اكتر حاجه بستمتع بيها هى المغالطات بينى وبينها

ربتا يوفقك و يفرّخك ب اولادك

و الله يا جماعة فيصل نوبى ده افيد منى شديد فى مواضيع التكنلوجيا دى.
نوبى و نوبية....يديكم الافية و يخلى ليكم اولادكم

شكرا يا ملاسي يا اخى....
عاجزين عن الشكر

امين....ود الانجليز (و ولدنا برضو).....
شكرا يا اخى....انت اللى الغلاط معاك متعة

اسمارت وكفى،،