في حالة اني مبسوطة من بني كجة

احد الابناء بماليزيا يحتاج لكم يا اعمام وخالات واخوان واخوات

حينما فتحت هذا البوست كنت اتوقع ان يكون مردوده بسيط
ولكن دهشت جدا لتجاوب عدد كبير مع الناس معه وكل الذين يقومون بدفع التبرعات يرفضون ذكر اسمهم

الحمدلله نجحنا في حل مشكلة الشاب الاول
وقد قمت بنشر

شكرا يا اعمام وخالات واخوان واخوات فرجتم عن اولادكم واخوانكم

اتصل بي اخ كريم واخبرني انه اودع مبلغ من المال لمساعدتنا وانه لم ير البوست الا متاخرا
وعندما اخبرته ان قضية الولد انتهت بخير اصر ان يكون المبلغ في الصندوق الخيري حتى نحل به مشاكل
من يحتاج وما اكثرهم
في هذه اللحظة حسيت بحب غامر للسودانين والسودان وامة محمد التي وعدنا رسولنا الكريم ص
ان الخير لن ينقطع منهاالى يوم الدين


شكرا لمن ارسل لنا بعد فتح البوست الثاني ووعدنا لكم ان كل ما ارسلتموه سيسخر الى مساعدة الابناء في السجون الماليزية
حيث نعجز كثيرا عن مساعدتهم لضيق ذات اليد ولآن التذاكر من ماليزيا الى الوطن غالية الثمن
ونرحب باي دعم لصندوق الجالية الخيري لحل مشاكل العالقين هنا
وتأكدوا ان اللجنة التفيذية للجالية ستقف مع كل من يحتاج المساعدة

ونود ان نعلمكم

عاد المواطن الثاني المذكور في البوست الاول الى حضن اسرته والوطن يوم السبت شاكرا مقدرا لكم جميعا

ونشكر كل من سهل ذلك من السفارة والجالية وقراء وكتاب سودانيزاونلاين

وربنا يحفظكم جميعا وشكرا لكم على الثقة الغالية التي تأكدوا انها ستكون في محلها...

اذا حسيت انك عايز تسهم معانا في تسفير العالقين

راسلني على هذا الايميل

[email protected]

فوق

Quote: حسيت بحب غامر للسودانين

يامنت كريم يارب

مسحتي مالك؟
مش إنت برضو الرسلتي الماسنجر قلتي بتكرهي السودانيين وبتحتقريهم؟
هسة إحنا فرحانين إنك بقيتي تحبينا
نحمدك يارب

Quote: مش إنت برضو الرسلتي الماسنجر قلتي بتكرهي السودانيين وبتحتقريهم؟

شكرا يا دكتورة نجاة وربنا يوفقك دائما لعمل الخير

وبعدين عيب يا راوية ونايف ترصد الأخت نجاة بدل أن تشكروها علي ما قامت به.

بوستات مساعدة المحتاجين والاعمال الخيرية يجب أن يتكاتف حولها الجميع وأن تبعد من تصفية الحسابات الشخصية حتي لا تحرفها عن غرضها.

أما حكاية كراهية السودان والسودانيين التي نتفوه بها أحيانا فهي لا تعدو أن تكون ردة فعل لزعل شديد وكلنا نقع فيها وعادي تسمع زول حصل ليهو غبن يقول إنعل أبوك بلد وإنعل أبو السودان علي السودانيين وهي لا تعدو كونها ردة فعل آنية لحالة غضب قوية كلنا نقع فيها ولا تعني حقيقة مشاعرنا وأنا متأكد ما فايتة عليكم

اب
للاحتفاء بحب السودانيين

قمت بحذف المداخلة بعد مرور الأخت راوية من هنا وتجاهلها
التام لما كتبت، فمن حق نفسي عليّ ان احترمها، اقل شئ
إلغاء ما كنت أظن انه يستحق ولو حتي مجرد تعليق


اقدم اعتذاري للاخت راوية كوني أقحمت نفسي في أمر
لا يخصني
لا أخفي احباطي الذي بحق دفعني لمسح المداخلة




______
الحليلة

في حالة إننا مبسوطين بحب الدكتورة الجانا فجأة
السعادة غامرانا

يادكتورة....
حبينا عشان فينا ريحة الدعاش
حبينا عشان فينا لون الطمي
حبينا عشان طيبة الجروف
حبينا عشان الغيمة المبتقة
.... محنة وطيبة
حبينا عشان إحنا منك
وإنت مننا
مش عشان رسلنا قرشين فكينا حيرة
زول مننا وفينا





____
ماتبقي مادية
ياوحشة

شكرًا الأخ اسامة
في ميزان حسناتك



_______
الحليلة

وكمان زعلان يا زين العابدين؟؟
ياخ والله ما إتجاهلتها لكن بعد العشرة ديك كلها
قلت عيب أقول ليك كلام يغضبك
شفت إحنا برضو بنعرف العيب

السلام عليكم الأخت راوية
والله العظيم لم اكتب ما مسحته
تحت أي نوع من التحامل عليك أو الأخت
نجاة، وبحق كتبت ما كتبت من باب حب الخير
للكل
وبالطبع فانا غير مؤهل للقيام بدور الواعظ
ولا أظن ان هنا من هو محتاج لذلك
ولكنه العشم في الأخوة والأخوات
دائماً
ولك العتبي حتي ترضي



______
زين العابدين