Post: #1 Title: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 12:49 PM
Quote: طالبت الخطبة باحترام قدسية المسجد ورعاية حرمته، وطالبت لجنة المسجد بتهيئته ليجد المصلون فيه راحتهم، كما طالبتها بمنع أي ممارسات لاتليق بحرمة المسجد، ولجنة المسجد تعرف فحوى التوجيه وحدوده؛ ففي جمع فائتة وجدت بقايا سجايروتمباك داخل المسجد.
السلام عليكم كنت غائبا طيلة شهر رمضان المبارك وما قبله ولما عزمت ألا أدخل المنبر أبدا ولا أشارك في رمضان احتراما لحرمة الشهر الفضيل وحرصا على الصيام :)
لاكين كانت بتجيني طراطيش كلام كده تنباك وسجاير وسفة تفوها في الجامع وكنت كل مرة نفسي بتحدثني أكتب في الموضوع ده لاكين أقول يا ولد الدنيا رمضان وإني صائم وكلام من النوع ده
أها بالله يا جماعة دايرين نعرف الكلام ده صحي وللا ما صحي؟ صحي بالله الشوايعة تفوا السفة في الجامع؟؟ الشوايعة ديل أنا عارفهم ليك لازم يكون في كفوة من وراهم ما بخشوا الجامع ساي .. لازم يكون في بلوى ومصيبة أكبر مدسوسة وراهم
أها أنا نظرت بعين الخيال .. وقلت الشيوعي يفكر ويفكر يا جماعة أنا عمري ده كلو بقول الدين أفيون الشعوب وبنبز الكيزان وبقول تجار دين .. وبستغلوا الدين لأغراضهم الشخصية وبرضو بقول إنو يجب تنزيه أماكن العبادة عن السياسة لأنو السياسة نجاسة أها بالله أودي وشي وييين أودي وشي وين؟ وبعدين عذاب الضمير عذاب الضمير الشيوعي
كيف أنا زول عمري كله محارب للدين وأجي في النهاية أستغل الدين وأماكن العبادة عذاب الضمير الشيوعي ده أخطر أنواع العذاب بخلي الزول يعض أصابع الندم ويبكي على خطيئته في محراب ماركس ولينين طالبا العفو والصفح عن ما اقترفه من مخالفة المبادئ الشيوعية
بسسسسس هوووووب فجأة كده جات الفكرة للشيوعي عشان يرضي ضميرو خلاص ما دام بقت الحكاية صلاة صلاة وجامع جامع خلاص الجامع ده زيو وزي أي نادي نسف ونسجر فيهو وكمان نتف السفة ونطفي فيهو السجارة .. خلاص ده ما بقى جامع ده بقى بؤرة من بؤر الثورة ونضال قوى الشعب العاملة
وهكذا تفتقت عبقرية الشيوعي إلى بصق السفة في الجامع حتى يرضي ضميره الشويعي أولا لو قام أنبه بي في الليل وحتى يشعر إنو لسة متمسك بالمبادئ الشوايعية
غايتو يا شوايعة شكيتكم على الله ذكرتوني بي نكتة الزول الكان متشاكل مع جماعة ولمن جاء ماشي الحج جاء يستعفيهم وقال ليهم: معليش ياخواننا والله أنا زمني ده كلو كنت ببول ليكم في الزير ^___^ أها يا أنصار الشوايعة ديل الوكت ده كلو كانوا ببزغوا ليكم في الجامع
وذكرتني القصة دي برضو بي نكتة الراجل القالوا ليهو الكيزان تعال صل بنديك قروش أها لمن جاء وصلى ما أدوهو وقالوا ليهو صلاتك دي بالدنيا كلها قام قال ليهم: أهو عشان المقالب بتاعكم ده أنا ذااااتو صليت بدون وضوء ^__^
Post: #2 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 12:55 PM Parent: #1
غايتو أنا بقترح على الأنصار يجيبوا جوز الحمام ده عشان يفتش ليهم على (مخلفات الشوايعة ) لأنو في منها أسلحة دمار شامل
صدقوني الجراثيم الشيوعية أسوأ أنواع الجراثيم وأكثرها فتكا وإضرار بالإنسان والحيوان والبيئة بالله يا أنصار جيبوا جوز الحمام الفوق ده يفتشها ليكم فتشوا كل حاجة الجامع .. السجاد .. الحوش .. البروش الحمامات أشفطوها .. حتى راس البيت بتاع المسجد
ما تخلوا أي حاجة .. حتى المصاحف دي راجعوها ما معروف يمكن في واحد تف السفة جواها وللا طفا فيها سجارة
ما دام في شوايعة شايفين القرآن فيهو أخطاء وغلطات لغوية وتاريخية .. يعني بعيد يبزغو في المصحف؟؟؟
صدقوني لو جبتوا البرادعي وبليكس أنا بتبرع ليكم بي حق االإيميل وحق القطر لي البرادعي يركبو من مصر .. أما بليكس ده فلا طاقة لي به
Post: #3 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 01:02 PM Parent: #2
يامحمد جلال ... سلام عندى واحد معرفة اغترب فى العراق 23 سنة لمن جاء حكى لينا عجائب وغرائب الشعية فى العراق تصدق قال انو عااااادى ممكن تولـع سجارتك فى الجامع ! وجنب كل عمود فى طفاية كمان !!
الكيزان وجهازامنهم عندهم سوابق اغتصاب رجال ونساء وسرقة وكل جرائم الكون التى يتورع عنها ابلييس - ده غير القال عنها كرم الله الشيخ بتاعة اللواط - فهل تبينتوا ان الشيوعيين تفوا السفة في الجامع خاصة وان القرآن والسنة بقولوا تبينوا حتى لاتظلموا احد ..
يامحمد عداءكم للشيوعيين لا يجعلكم تخالفون الدين ...
Quote: فتشوا كل حاجة الجامع .. السجاد .. الحوش .. البروش الحمامات أشفطوها .. حتى راس البيت بتاع المسجد
ما تخلوا أي حاجة .. حتى المصاحف دي راجعوها ما معروف يمكن في واحد تف السفة جواها وللا طفا فيها سجارة
وحتى يعود للدين مجده بالمرة , أنزعوا كل التوصيلات اوالأجهزة الكهربائية ومكبرات الصوت المصنوعة في الصين الشيوعية او اليابان البوذية إذ يمكن لهؤلاء الملاحدة من تسخير الجان الملحد لتحريف الآذان على شكل موجات كهرومغناطيسية تضل طريقها ولا تصل إلى حيث يبنغي لها ان تصل مما يفسر عدم استجابة دعواتنا ,وتأكدوا ان المصاحف قد طبعت بمكاين طباعة مسلمة لا شية فيها .
Post: #9 Title: Re: يا أنصار .. صحي الشوايعة تفوا السفة في الجامع؟؟؟ Author: عماد حسين Date: 09-10-2012, 07:42 PM Parent: #8
Quote: وحتى يعود للدين مجده بالمرة , أنزعوا كل التوصيلات اوالأجهزة الكهربائية ومكبرات الصوت المصنوعة في الصين الشيوعية او اليابان البوذية إذ يمكن لهؤلاء الملاحدة من تسخير الجان الملحد لتحريف الآذان على شكل موجات كهرومغناطيسية تضل طريقها ولا تصل إلى حيث يبنغي لها ان تصل مما يفسر عدم استجابة دعواتنا ,وتأكدوا ان المصاحف قد طبعت بمكاين طباعة مسلمة لا شية فيها .
انت طاشي شبكة ولّ شنو يا معاوية :)
شنو علاقة قضية (السفة الشوعاعية) بالمخترعات الحديثة :)
Post: #28 Title: Re: يا أنصار .. صحي الشوايعة تفوا السفة في الجامع؟؟؟ Author: عماد حسين Date: 09-10-2012, 10:11 PM Parent: #11
Quote: يا عمدة .... تحياتي
أن ما طاشي شبكة , لكن قلت ألحق المزاد ده .
شنو ليك خرتا ليك جلا ل , ولا ما خرتو ؟.
ازيك يا معاوية
حتى الآن أنا شايف محمد جلال لاعب بــ : جوز ما يخسر :)
Post: #12 Title: Re: يا أنصار .. صحي الشوايعة تفوا السفة في الجامع؟؟؟ Author: محمد المسلمي Date: 09-10-2012, 08:02 PM Parent: #10
Quote:
قمة الافلاس ........
الاخ معتصم التحية لك كلام الصعوت والسجائر ده قالوه الأنصار في بيان مكتوب ورسمي من الهئية حقتهم والأخ محمد جلال لم يقم بشي غير النقل والتعليق فأخلي روحك رياضية وابقي زول حوار والتحية للأخ قيقراوي صاحب المقولة المافي شنو
Quote: وكنت كل مرة نفسي بتحدثني أكتب في الموضوع ده لاكين أقول يا ولد الدنيا رمضان وإني صائم وكلام من النوع ده
الأخ محمد جلال عبدالله سلام
ما أظن فايت عليك إنو المساجد هي بيوت الله و من الواجب على المسلم حمايتها و تجنيبها ما لا يليق بها و ما أظن فايت عليك و جوب تغيير المنكر و لو بمثل بوستك دا
و ما أظن فايت عليك إنو رمضان شهر جهاد و الطاعة في رمضان أكثر ثوابا عند الله من الطاعة في غيره
فليه ياخي فوت على نفسك فرصة أن تطيع الله بالبوست دا و أنت صائم؟
حتى في ده برضو افلاس ... الزول يا عبد الله لو عندو نكتة بااااااااايخة شديد وما عندو غيرا وكل ما يلاقيك يحكي ليك النكتة البااايخة .... ده حتقول عليهو شنو ؟؟؟ موش مفلس ..... غايتو المنبر ده يوم بجلط ليهو زول ... يجلط دي من جلطــــــــــــة
Post: #24 Title: Re: يا أنصار .. صحي الشوايعة تفوا السفة في الجامع؟؟؟ Author: علي دفع الله Date: 09-10-2012, 09:48 PM Parent: #18
Quote:
وذكرتني القصة دي برضو بي نكتة الراجل القالوا ليهو الكيزان تعال صل بنديك قروش أها لمن جاء وصلى ما أدوهو وقالوا ليهو صلاتك دي بالدنيا كلها
الكيزان الواحدين ديل ولا كيزان تانيين ، يعني حتى لمن دعوا الشيوعي كانت المادة هي المحفز الاساسي للصلاة والعبادة ،
_____________________________ نعلم جيدا هذه المحفزات يسيل لها لعاب تجار الدين ومريديهم والمطبلاتية والدراويش ، منذ فترة مرابحاتهم في الفيحاء وتجارة البطاطا والبصل ، والاحتكار والسوق الاسود ، يا اخي شوف ليكم اي حاجة حاولوا اقنعوا بيها الناس الا الدين ، لأنه ببساطة الدين القاشرين بيه طيلة ال23 سنة ديل دا ما الدين ، دا حاجة كدى غبشة غشاشة للزول البعيد والمتلهف بشوفها حاجة جميلة لكن بمجرد معايشتها بكتشف انها شيء مقلد تقليد بدائي سخيف ،، وعلى فكرة مسألة التجمع في المساجد واستنساخ الربيع القطري دي كانت اسخف حاجة ادت الى افقار تحركات الشباب القابض علي جمر القضية ، وكانت معول هدم اساسي لبدايات التغيير والثورة ، لانها كانت عبارة عن المستجير بالرمضاء بالنار لأن كل اليمين طينة واحدة سواء كانوا انصار او ختمية ، اقصد القيادات وليس القواعد الغبش ، وشفنا الخزلان ، ودي في حد ذاتها تجربة جيدة لنضوج الوعي الجمعي لكل مؤمن بحتمية التغيير عليه اختيار المكان المناسب لديمومة التغيير هو الشارع سلما او جبهات القتال حربا ، ختام القول الطريقة الفجة والسخيفة المقلدة للمتهكم العنصري الطيب مصطفى في تجميل القبيح وايراد الخيالات المريضة وترديدها حتى تصدق من كثرة التداول اصبحت اسطوانة صدئة ، المسيحي او الا ديني السوداني يعرف جيدا حرمة المسجد فما بالك بالشيوعي السوداني دا ترديد ببغاوي لا يستند لا اي عقل او منطق ودليل على هوان الفكر والطرح اذا كان هاديه وعرابه العنصري البغيض الطيب مصطفى
استنفذتوا كل شروط وجودكم والمسألة مسالة وقت واصحاب الحقوق هم من من يعدل دفة الوطن في اتجاهها الصحيح وعن قريب
Post: #30 Title: Re: يا أنصار .. صحي الشوايعة تفوا السفة في الجامع؟؟؟ Author: عماد حسين Date: 09-10-2012, 10:21 PM Parent: #18
Quote: غايتو المنبر ده يوم بجلط ليهو زول ... يجلط دي من جلطــــــــــــة
حبة اسبرين يومياً يا معتصم
وفترة نقاهة، مع الامتناع عن تناول البوستات المجلطة والمجلبطة :)
تحياتي
Post: #19 Title: Re: يا أنصار .. صحي الشوايعة تفوا السفة في الجامع؟؟؟ Author: Dr.Mohammed Ali Elmusharaf Date: 09-10-2012, 09:15 PM Parent: #17
الاخ محمد جلال تحياتي ياخي انت عارف انو الكيزان ديل بتاعين اشاعات والله سبحانه وتعالي قال( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين) ولا ارى فساقا اكثر من الكيزان. اما اذا كان هذا البوست بغرض التبين فــ ادع إلى سبيل ربك بالحكمة والموعظة الحسنة وجادلهم بالتي هي أحسن
بعدين ياخي الشيوعين ديل دخلو ليك المسجد ياخي ممكن واحد كده يسمع ليه اية او يشوف المصحف والله يهديه ياخي انا لو منك اسال الله يجوا داخلين المسجد كل يوم.
انا اعتقد بان الكيزان اكثر خطرا على الدين من الشيوعين ( إن المنافقين في الدرك الأسفل من النار ولن تجد لهم نصيرا ) احترامي
Post: #20 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 09:21 PM Parent: #19
أجمل حاجة في البوست ده إنو جاب كثافة الشوايعة راجع ليكم .. زول زول ورد رد وزنقة زنقة
Post: #21 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 09:27 PM Parent: #20
الأخ مزمل خيري
Quote: يامحمد جلال ... سلام عندى واحد معرفة اغترب فى العراق 23 سنة لمن جاء حكى لينا عجائب وغرائب الشعية فى العراق تصدق قال انو عااااادى ممكن تولـع سجارتك فى الجامع ! وجنب كل عمود فى طفاية كمان !!
الشيعة أصلا معروفين بتاعين محن زي دي وانت شوف المراجع بتاعنهم ذاتو ببخبخوا طبعا الشيعة ديل أولاد عم الشوايعة شيعي وشيوعي الفرق حرف الواو بس ^_^
Post: #22 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 09:32 PM Parent: #21
حبيبنا ود القاضي الرجل الذي أحترمه كثيرا
Quote: يامحمد عداءكم للشيوعيين لا يجعلكم تخالفون الدين ... تحياتي ،،،
الحاصل يا حبيبنا مش عداءنا للشيوعيين الحاصل إنو عداء الشيوعيين لينا خلاهم شغالين فينا قرف في الفترة الفاتت وتفتح المنبر تلقى 500 بوست عن السلفية والسلفيين وبعضه تجني ظاهر ونحنا كنا مركلسين في رمضان ما عندنا وكت نقابض في ده وفي ده فكانت استراحة بسيطة ودايرين هسي نرد ليهم الدين ^___^
Post: #25 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 09:52 PM Parent: #22
Ashraf el-Halabi
Quote: البسفو ويتفو في الجامع أخير من البسفو ويبلعو باسم الدين
وأخير منهم الاتنين اللا بسف ويتف ولا بسف ويلعب بالدين بسسس الشوايعة هسي مستغلين الدين لمن عملوا المظاهرات في الجامع ^__^
Post: #26 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 10:02 PM Parent: #25
معتصم ود الجمام
Quote: قمة الافلاس ........
ما عارف أرد عليك بي شنو لكن ما دام فيها فلاس هاك استلم
Post: #23 Title: Re: يا أنصار .. صحي الشوايعة تفوا السفة في الجامع؟؟؟ Author: محمد أبوالعزائم أبوالريش Date: 09-10-2012, 09:33 PM Parent: #21
Post: #27 Title: Re: يا أنصار .. صحي الشوايعة تفوا السفة في الجامع؟؟؟ Author: عماد حسين Date: 09-10-2012, 10:10 PM Parent: #23
Quote: بما انى كنت محتار ارمى سفتى دى وين الحمد لله انى دخلت البوست دا .. دا انسب بوست يستاهل الواحد يتف فيها السفة دى اتفووووووووووووو
مافي مشكلة...
وعندك فرصة برضو عشان تطرش الأبيض ضميرك :)
Post: #29 Title: Re: يا أنصار .. صحي الشوايعة تفوا السفة في الجامع؟؟؟ Author: عماد حسين Date: 09-10-2012, 10:16 PM Parent: #23
Quote: أجمل حاجة في البوست ده إنو جاب كثافة الشوايعة راجع ليكم .. زول زول ورد رد وزنقة زنقة
البوست ده بيعمل قطايع يا محمد
بالله واصل طوالي
الليلة طلعوا لينا ناس جديدين جداد شديد خلاس :)
Post: #31 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-10-2012, 10:32 PM Parent: #29
هشام عباس
Quote: اتفووووووووووووو
انت زول قاعد تتجمل في ردودك وقاعد تظهر إنك بتحترم الناس وعلى هذا الأساس قاعدين نكن ليك قدر من الاحترام فما في داعي للأسلوب البايخ ده اللي هو ما بغلب زول على العموم سأعتبرها مزحة أو زلة غير مقصودة
Post: #32 Title: Re: يا أنصار .. صحي الشوايعة تفوا السفة في الجامع؟؟؟ Author: جمال محمود Date: 09-11-2012, 04:58 AM Parent: #31
Post: #33 Title: Re: يا أنصار .. صحي الشوايعة تفوا السفة في الجامع؟؟؟ Author: عماد حسين Date: 09-11-2012, 05:01 AM Parent: #31
Quote: انت زول قاعد تتجمل في ردودك وقاعد تظهر إنك بتحترم الناس وعلى هذا الأساس قاعدين نكن ليك قدر من الاحترام فما في داعي للأسلوب البايخ ده اللي هو ما بغلب زول على العموم سأعتبرها مزحة أو زلة غير مقصودة
دي من أعراض الحمى يا محمد
Post: #34 Title: Re: يا أنصار .. صحي الشوايعة تفوا السفة في الجامع؟؟؟ Author: عاطف مكاوى Date: 09-11-2012, 06:56 AM Parent: #33
Quote: الحاصل إنو عداء الشيوعيين لينا خلاهم شغالين فينا قرف في الفترة الفاتت وتفتح المنبر تلقى 500 بوست عن السلفية والسلفيين وبعضه تجني ظاهر ونحنا كنا مركلسين في رمضان ما عندنا وكت نقابض في ده وفي ده فكانت استراحة بسيطة ودايرين هسي نرد ليهم الدين ^___^
إذن إنكرب يا محمد جلال .......
------------------------
لكن الجميل أنك تستخدم التصاوير والتشكيل التي كنتم تُحرمونها يوماً.
Post: #35 Title: Re: يا أنصار .. صحي الشوايعة تفوا السفة في الجامع؟؟؟ Author: أيمن الطيب Date: 09-11-2012, 07:31 AM Parent: #33
سلامات يا محمد جلال,,
حاضرا كل الصلوات ,, مؤذنا رغم قبح صوته وإبتلاعه لمعظم الحروف !!! إقامة الصلاة له متى ما توفرت فرصة أو تأخر صاحبها أو أخطأ (الميكروفون) ومر بجانبه!!! مقيما فى المسجد بعد أن قرر مسؤولى الحى أن الرجل يستحق أن يوفر له مسكنا وبما أن هنالك غرفة من ملحقات المسجد فهو يستحقها طالما يملك غرة صلاة تغطى جبهته ولحية توحى بالورع والصلاح وأصبح ضيفا كريما فى معظم مناسبات الحى وبعض أهل الخير لم تدرى يسارهم بما ناولته يمينهم!!!
لم يجهد نفسه كثيرا فى إقناع طفل من أطفال الحي جيران المسجد دأب أهله على إرساله للصلاة ظنا أن كل من دخل بيوت الله فهو آمن من كل شرور خلق الله, وبدلا من قضاء الوقت فى اللعب والجرى فى الشارع فمن الخير أن يقضى وقت فراغه هناك ,, أرسله الرجل للمئذنة ولحق به هناك بعد صلاة ظهر يوم من أيام صيف حار!!!
مازال يحيرنى منظر كل تلك الدماء التى ملأت المكان وملابس الرجل,, عنف من إكتشفوا الواقعة كان غير محدودا!! البوليس رفض إستلام حطام ذلك الرجل وكاد يأمر بالقبض على من قام بالإعتداء عليه.....
حادثة إغتصاب طفل برئ حقيقية فى مسجد من مساجد الله فى عاصمة المشروع الحضارى!! بالله قارنها بتفة السفة فى مسجد علما بأن حزب ذلك المجرم المريض لا يعني شيئا!!!
Post: #43 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-12-2012, 03:41 AM Parent: #40
Quote: خجيت "السعون" يا أبو عبدالله، حتى دشرت "الفرصة" :)
هي سعون ساي يا شيخ عماد هي ما سعون وقرب وجحور مرقت الدبايب والنصايب غاااايتو بس جنس غايتو
Quote: صاحبك "موكا" براهو عندو في اليومين ديل 4 أشرطة، ما بين قديم (معتل) وجديد (عشانك مفصّل)
صاحبا موكا عامل حريف عامل سوداني ما بخش البوستات البنفتحا ليهو بإسمو بس بفلح في الهرجلة واللف والدوران بي جا ي وبي جاي خليهو معذور الراجل شيوعية وسقطت تاني يقول شو؟؟
Quote: وشوف الخال/ أبوالشوش بعد ما تفا السفة الليتو، الظاهر ختالو سفتن تانية "من الوطنية بحري" ومشى يبرم في خيت أرشحه للدخول في موسوعة: "إعلام الشوايعة والشوايعيات، يكيفية تشتيت البوستات" :)
دي من مقتضيات اتفاقية الدفاع المشترك الشيعي والشيوعي شغالين زي ثنائي العاصمة حبيبي أمسك لييي وأنا أقطع ليييييك ويس غطي ليييي وأنا أغطي لييييك .. تررررم تممم ترررم
الله يجازيك يا الصادق المهدي لغيت اتفاقية الدفاع المشترك :(
Post: #44 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-12-2012, 03:45 AM Parent: #43
معاوية الأرباب
Quote: وحتى يعود للدين مجده بالمرة , أنزعوا كل التوصيلات اوالأجهزة الكهربائية ومكبرات الصوت المصنوعة في الصين الشيوعية او اليابان البوذية إذ يمكن لهؤلاء الملاحدة من تسخير الجان الملحد لتحريف الآذان على شكل موجات كهرومغناطيسية تضل طريقها ولا تصل إلى حيث يبنغي لها ان تصل مما يفسر عدم استجابة دعواتنا ,وتأكدوا ان المصاحف قد طبعت بمكاين طباعة مسلمة لا شية فيها .
والله كل شي جايز على مذهب العجايز أقترح عليك بما إنك صاحب المقترح ده إنك تقدم الاقتراح بتاعك في صندوق المقترحات التابع للمسجد هذا .. إن وجد
Post: #45 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-12-2012, 03:47 AM Parent: #44
Quote: يا أبوعبدالله
في واحد رفع ليك البوست مرتين
خليهم يرفعوا يا مولانا أهو يوفروا لينا مداخلات نستخدمها في ضربهم ^__^
Post: #46 Title: Re: يا أنصار .. صحي الشوايعة تفوا السفة في الجامع؟؟؟ Author: د.نجاة محمود Date: 09-12-2012, 05:15 AM Parent: #45
بنشجع اللعبة الحلوة ودا بوست حلاوة دربس بس
شغلك نضيف يا مولانا.....
Post: #47 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-12-2012, 05:24 AM Parent: #46
Quote: بنشجع اللعبة الحلوة ودا بوست حلاوة دربس بس شغلك نضيف يا مولانا.....
شكرا يا دكتورة شهادة أعتز بها ^__^
Post: #48 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-12-2012, 05:25 AM Parent: #47
الغريبة مافي واحد من أنصار المهدي ولا من حزب الأمة جاء ماري بي جاي عشان يدينا النجيضة مع إنو البوست مفتوح باسمهم!! السبب شنو يا ترى؟!
Post: #49 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-13-2012, 01:24 AM Parent: #48
*
Post: #50 Title: Re: يا أنصار .. صحي الشوايعة تفوا السفة في الجامع؟؟؟ Author: محمد جلال عبدالله Date: 09-20-2012, 07:07 PM Parent: #49
