Post: #1
Title: أحسن حاجة عملها بكري إنو قلل المداخلات في الموضوع إلى 40
Author: محمد جلال عبدالله
Date: 09-07-2012, 09:09 PM
والله سبحان الله أول أمبارح كنت داير أكتب اقتراح لبكري إنو يقلل المداخلات في الموضوع إلى 50 في الصفحة الواحدة، وإذ بي أفاجأ بأن بكري قد قللها إلى 40 .. قلت مادام الزول واصل للدرجة دي - ما واصل علي - فيبقى يقوم يتمنى إنو بكري يرفد الشوايعة والشيعة والعلمانيين وصبري الشريف وود الصايم محمد من المنبر، فعسى ولعل إنو الحكاية تتحقق ^__^ قادر الله يضع سره في أضعف خلقه.
أها والله القرار ده كيفني جنس كيف يا ريس، خاصة إني أكثر ما أتصفح المنبر من التلفون، فعملية شاقة جدا زمان لمن كانت بالله 120 مداخلة الواحد روحو تمرق لامن الصفحة تتحمل، وبس الواحد لو داير ينزل من أول مداخلة لي تحت إلا يجيب ليهو سلبة عديييل، وبرضو ما تغير الحال لمن بقى 100 مداخلة أحمد وحاج أحمد، أها والله يا ريس 40 مداخلة مريحة خالس خالس، وكمان عشان في ناس حتعترض أقترح عليك إضافة خيارات لطريقة عرض المنبر فالداير 40 خليهو في 40 والداير مية يكون عنده خيار في مية، والطريقة دي موجودة في العديد من المنتديات، لكن ما عارف منتداك المن العصر الحجري ده حينفع وللا لا ^___^.
أخيرا نشكرك يا ريس وإلى الأمام إلى الأمام إلى الأمام.
|
Post: #2
Title: Re: أحسن حاجة عملها بكري إنو قلل المداخلات في الموضوع إلى 40
Author: دينا خالد
Date: 09-08-2012, 06:38 AM
Parent: #1
ابدا ياجلال
دى اكعب حاجة حصلت ... لانو عدد الاعضاء بقا كبير
وبالتالي عدد المداخلات بزيد ولما المداخلات تكون مرصوصة
ورا بعض بتسهل متابعة الفكرة وموضوع ابوست والكلام دا بكرى
عارفه وفاطن ليه ما عملها 120 وتحولت ل 80 مداخلة ..
افتكر هو قللل العدد عشان الموقع تقل وسرعة التصفح
بس دى ما اسبابها المداخلات لانها ظهرت مع اضافة الفيديو
اسفل المداخلات ولما معاوية حسين نبه للموضوع دا وبكرى شالها
المشكلة اوول موست اتحلت ... يبقى عشان سرعة الموقع
مفروض نشوف الحاجات المتقلاهو شنو من غير المداخلات
ونشيلها ... عشان ما يصدق علينا ويثبت زعم انو موقع تجارى
دى ! ولا كيف يا بكرى ؟ شكرا ياجلال لاثارة الموضوع ...
|
Post: #3
Title: Re: أحسن حاجة عملها بكري إنو قلل المداخلات في الموضوع إلى 40
Author: وليد التلب
Date: 09-08-2012, 06:53 AM
Parent: #2
Quote:
والله سبحان الله أول أمبارح كنت داير أكتب اقتراح لبكري إنو يقلل المداخلات في الموضوع إلى 50 في الصفحة الواحدة، وإذ بي أفاجأ بأن بكري قد قللها إلى 40
|
وده في الحلم ول في الواقع
اها ياجلال بن الخطاب !!!!!
Quote:
فيبقى يقوم يتمنى إنو بكري يرفد الشوايعة والشيعة والعلمانيين وصبري الشريف وود الصايم محمد من المنبر، فعسى ولعل إنو الحكاية تتحقق ^__^ قادر الله يضع سره في أضعف خلقه. |
ونسمي المنبر عنيزون اونلاين دوت كوم
|
Post: #4
Title: Re: أحسن حاجة عملها بكري إنو قلل المداخلات في الموضوع إلى 40
Author: محمد جلال عبدالله
Date: 09-08-2012, 08:05 AM
Parent: #3
شكرا دينا خالد
Quote: دى اكعب حاجة حصلت ... لانو عدد الاعضاء بقا كبير
وبالتالي عدد المداخلات بزيد ولما المداخلات تكون مرصوصة
ورا بعض بتسهل متابعة الفكرة وموضوع ابوست والكلام دا بكرى
عارفه |
والله بس لاحظي كمان كثير من متصفحي المنبر بتصفحوا من الجوال
ده لو ما كان أكثرهم لأنو ناس السودان بالذات معظمهم بخشوا من الجوال
فأنا أرى لو كان خيار تحديد المداخلات بيد المتصفح كما هو الحال في كثير من المنتديات
أنا شايف ده خيار يرضي جميع الأذواق
|
Post: #5
Title: Re: أحسن حاجة عملها بكري إنو قلل المداخلات في الموضوع إلى 40
Author: محمد جلال عبدالله
Date: 09-08-2012, 08:08 AM
Parent: #4
| Quote: اها ياجلال بن الخطاب |
حقد رافضي دفين فارسي خـبيث
على أمير المؤمنين عمر بن الخطاب رضي الله عنه
والذي حطم دولة الأكاسرة وكسرها تكسيرا
وخلى الفرس لافين صينية ساكت
أها الفرس الإيرانيين عرفناهم بي سبببهم
التيوس المتابعنهم ديل سببهم شنو!!!
|
Post: #6
Title: Re: أحسن حاجة عملها بكري إنو قلل المداخلات في الموضوع إلى 40
Author: الطيب عبد الرحيم خلف الله
Date: 09-08-2012, 08:43 AM
Parent: #5
| Quote: أحسن حاجة عملها بكري إنو قلل المداخلات في الموضوع إلى 40 |
فعلاً،
مع أنو الجرجرة والمطاولة في البوستات يا خوي محمد غالباً ما تأتي من الشعللة والبلبلة زي البتسو فيهو إنت وأخونا وليد التلب تحت عنوانك هذا...
| Quote: .... فيبقى يقوم يتمنى إنو بكري يرفد الشوايعة والشيعة والعلمانيين وصبري الشريف وود الصايم محمد من المنبر، فعسى ولعل إنو الحكاية تتحقق ^__^ قادر الله يضع سره في أضعف خلقه.... |
Quote: Quote: اها ياجلال بن الخطاب
حقد رافضي دفين فارسي خـبيث
على أمير المؤمنين عمر بن الخطاب رضي الله عنه
والذي حطم دولة الأكاسرة وكسرها تكسيرا
وخلى الفرس لافين صينية ساكت
أها الفرس الإيرانيين عرفناهم بي سبببهم
التيوس المتابعنهم ديل سببهم شنو!!! |
وبدون قصد ونية في صب الزيت،،،، حقيقة يا محمد إنت أبتديت...
مع تحياتي وتقديري للجميع..
|
Post: #7
Title: Re: أحسن حاجة عملها بكري إنو قلل المداخلات في الموضوع إلى 40
Author: محمد جلال عبدالله
Date: 09-08-2012, 09:38 AM
Parent: #6
الأخ المحترم/ الطيب عبد الرحيم خلف الله
كلامي عادي جدا والقصد منه المزاح كما هو مفهوم من صيغته والابتسامات التي يزخر بها
ولو لاحظت من ضمن من ذكرتهم محمد الصايم فهل يطلب عاقل رفد ود الصايم
الموضوع عادي والكلام عادي وظاهر أنه مزاح
فكون المدعو أعلاه عنده شيء معي واستغله ليصطاد في الماء الذي عكره فليس ذنبي أنا
وبعدين شايفك انتبهت لي دي:
ولم تنتبه إلى أنها رد على كلامه الذي قاله:
|
Post: #8
Title: Re: أحسن حاجة عملها بكري إنو قلل المداخلات في الموضوع إلى 40
Author: محمد عبد الماجد الصايم
Date: 09-08-2012, 09:43 AM
Parent: #7
غايتو لو لقى طريقة يقلّل لينا كلام الناس يكون ما قصّر!!
ويختكـ إنت ووليد التلب في الـرج لمدة 17 رُبع!!
_
+ حيييييييييييييي أنا
|
Post: #9
Title: Re: أحسن حاجة عملها بكري إنو قلل المداخلات في الموضوع إلى 40
Author: وليد التلب
Date: 09-08-2012, 11:55 AM
Parent: #8
Quote:
التيوس المتابعنهم ديل سببهم شنو!!! |
كمان علي العليك جابت ليها بلادة !!
عنزيون اونلاين دوت كم ياوهم نسبة لمدينة عنيزة وليست تصغير العنزة حتي تكتب تيوس
لكن في النهاية التيس اخير من العنيزة
|
Post: #10
Title: Re: أحسن حاجة عملها بكري إنو قلل المداخلات في الموضوع إلى 40
Author: ناذر محمد الخليفة
Date: 09-08-2012, 12:22 PM
Parent: #9
!!!!!
| Quote: لكن في النهاية التيس اخير من العنيزة |
ياتو نهاية ومن ياتو ناحية التيس أحسن .؟!
|
Post: #11
Title: Re: أحسن حاجة عملها بكري إنو قلل المداخلات في الموضوع إلى 40
Author: الطيب عبد الرحيم خلف الله
Date: 09-08-2012, 12:44 PM
Parent: #10
| Quote: ياتو نهاية ومن ياتو ناحية التيس أحسن .؟! |
الأحباب وليد التلب ومحمد جلال،
ياهو متل كلام الحبيب ناذر الخليفة دا المقصود بصب الزيت على النار
وتحية وحسن نية ومعايدة لأخونا ناذر
|
|