(منى عمسيب)بيننا نوارة(هولندا) السودانيه....يا للفرح....

آخيرا نجمة البالتوك
و الاديبه و الشاعره و العاشقه للشعر و الادب ونهر الاستنار
واحد اشهر نساء هولندا الفاعلات
شعلة الناشط وجبل العطاء و الوفاء......لشعبنا وقيمه....
احتفوا اخوتي واخواتي معي ورحبوا بالحبيبه منى عمسيب....كنداكه صلبه آخرى من هولندا....


منورنا يا مهيرة البالتوك.....

الف الف مرحبا

مهيرة البالتوك.....منى عمسيب

الحبيبة تراجي

تشكراتييييييي الخجولة يا حبيبة وان شاء الله يوم شكرك ما اجي وتسلمي لي
والله مشتاقة ليك وسألة عنك لعك طيبة انت وكتاكيتك وان شاء الله حا اتصل بيك .

الاخ العزيز \ عبد العزيز

تحياتي وتقديري وشكري
ومشكور علي الورود الجميلة .

ياخوانا معقولة بس
والله قاعد متكي في عنقريبي ده
ولا شغال بسودانيز ولا الدنيا بما فيها
بس جاني نسم من باب الشارع اسمع ليك
السماعات الساوند سستم الو تست تست
واحد اتنين تلاته
قلت اتخبر
لقيتك حفلة مدووورة منى عمسييييب لاحولالالالا
ده كلام زي الورد كان كده النمشي نقشر ونجي

Quote: الاخ العزيز \ عبد العزيز تحياتي وتقديري وشكري ومشكور علي الورود الجميلة .

هلا بيك يا منى

شرفت الديار


شكرا ام حازم

مرحب بيك يا كنداكة شباب التغير و الامين العام لاتحاد المرأة و الطفل بهولندا

الحوش منور بيك مني عمسيب

شكراً تراجي
مودتي

أستاذة منى وإسعاد ..
يا مرحى ..
هولندا سٌكرتا يا تراجي..
.
.

Quote: كنداكه صلبه آخرى من هولندا

الكلام كمل ..
شكراً .

مني يا جميله....
وين الحي بيك؟! مشتاقين يا غاليه وبركه الريحنا بكري واداك الباس ورد آخير...

Quote: الحبيبة تراجي تشكراتييييييي الخجولة يا حبيبة وان شاء الله يوم شكرك ما اجي وتسلمي لي والله مشتاقة ليك وسألة عنك لعك طيبة انت وكتاكيتك وان شاء الله حا اتصل بيك .

الكتاكيت بخير ويسلموا عليك....تلفوني اتغير....

مره آخرى مرحب بك و الله سعيده الشفتك.

يا سلام ي عبد العزيز على منى عمسيب ومعدن منى عمسيب....

Quote: الف الف مرحبا مهيرة البالتوك.....منى عمسيب

منى نهر الوفاء.....انذبحت حزنا برحيل نجمة البالتوك صلحه الكارب
ولا زالت تشرف على غرفه بالتوك باسم الشاعره الراحله صلحه الكارب.

حقيقة هي من المعادن النادره.....فيا بختنا بوجود امثالها من الاصيلات.

ناهيك عن وعيها وحسها الوطني.

حقيقي منوره المنبر يا منى.

ياسلالالالالالالالالالام يا احلي ذكريات
ود العربي والله ليك قومة وسلام مجيه كيفك يا رجل يا فنان والله يا اخونا
مع عارفين نشكر منو زاتو الخلانا نلاقي اعز الناس ديل اسه زي ود العربي
ده نعمل شنو من شوقنا ليهو هههههههههههه ونقابلو كيف هههههههه ياخي
مشتاقين ليك وطن والمهم نشوف لينا وسيلة ونسة . تحياتي للجميع بدون فرز .

سلماااااااااااااات وشووووووووووووق ,,,

يا سعادة صاحبتي اللذيذه والله مشتاقة ليك وتسلمي علي المقابلة الرقيقة زيك
واهو اخيرآ اتلمينا عشان اتحادنا نزيد مساحتو باهنا يا اسعاد بذات انتوا يا مسؤلين الاجتماعية .
وان شاء الله ربنا اوفقنا .

يا حبيبنا ود الملك

مليووووووووون سلام ,, وبختنا علي رفع المعنويات الليها زمن منعدمه .
ومشكور . وتحياتي للجميع .

مشكوره يا تراجي والله اخجلتيني والبنعمل فيهو ده انتي بتعملي فيهو مضاعف الله اديك العافية
ونحن حبيبتي ما مشحودين علي البنعمل فيهو ده دي حقوقنا المفروض نستردها بأي طريقة مشروعة.
وبالمناسبة يا تراجي الليامات دي روم صلحة الكارب مباشرة عملها وحا نستضيف فيها بعض الناس
وانت من ضمنهم فعشان كده لو سمحتي تختي لي تلفونك عشان نشوف مواعيدك كيف .
وفي امان الله وتلقي مرادك والفي نيتك .

العزيزة تراجي

دعيني أولآ أحييك وأحي جهودك المضنية على طريقتك من أجل عالم جميل.

وأما بعد

فمنى عمسيب نجمة من نجومنا الزاهية بهولندا. وعندي أنها مثال الإنسان السوداني "البيرفكت" والذي هو الآن وللأسف في شبه حالة إنقراض وربما أحتجنا إلى محمية طبيعية للحفاظ على نماذج منه كي نريها الأجيال المقبلة!. وأتمنى أن ينتصر الجمال على المأساة!.

وآذني لي لدى هذه العجالة أن أذيعك سرآ أن منى عمسيب واحدة من أربعة أشخاص ألهموني من على البعد كثير من التصورات التي قلت بها عن "سايكلوجية الزول السوداني" أي أنني أشتغلت عليهم (كما طبيعتهم وسجيتهم) كإستنادرد للزول السوداني في كماله القيمي (كريمآ جوده جود أروش) وهم : 1- نور الدين شرفي (زول النادي النوبي بلاهاي) 2- الحاج فضل (شقيق عبد العاطي وعبد الوارث) 3- المكاشفي (عادل عوض الكريم) وطبعآ 4- العزيزة منى عمسيب.

تحياتي

محمد جمال

---التعديل---
إصلاح الترقيم برغم أن لا أهمية له فقط للنظام!.

شكراً تراجي لتنبيهنا وتعريفنا بجهلنا ..

أعذرينا الأخت منى عمسيب على التأخير، فهذه السيرة العطرة تستحق الإحتفاء بها.

حللتي أهلاً ونزلتي سهلاً

الاخوة الاحبة ,,

محمد جمال
والاخ ابو العزائم

تسلموا لي وانا سعيدة جدآ بهذا الاستقبال الاخجلني حقيقة لكن دي
المحرية فيكم يأ هل الكرم والجود . ومشكروووووووين من غير حدود .

مراحب مني عمسيب

إضافة حقيقية للبورد

هنا حائط البورد - أرسمي لنا زكرياتك ، وشغفك ، وتجاربك...


ثم إمنياتك ما ظهر منها وما بطن.


أبقي قدام...

مرحباً بك منى
.
.
.
مرحباً بمقدمك

وعسى أن يطيب لك المقام

هلا وغلا منى

سعيد بوجودك هنا معنا بعد لقاءنا السريع بحفلة لاهاى السنة الفاتت.

احمد العربي
سلامات
ومنور يا اخي....بوستي هذا...للاحتفاء بصديقتنا جميعا منى عمسيب:

Quote: ياخوانا معقولة بس والله قاعد متكي في عنقريبي ده ولا شغال بسودانيز ولا الدنيا بما فيها بس جاني نسم من باب الشارع اسمع ليك السماعات الساوند سستم الو تست تست واحد اتنين تلاته قلت اتخبر لقيتك حفلة مدووورة منى عمسييييب لاحولالالالا ده كلام زي الورد كان كده النمشي نقشر ونجي

يعلم الله هي الورد بعينه...رنبا يحفظها لينا يا احمد بكل جمالها ونقائها وحبها لشعبها وللقيم الانسانيه.



يلا حفلتنا مدوره من اجل حضور منى عمسيب لهنا.

صديقي العزيييييييييز ,,,

محمد ادم الرجل المتفرد

يا زول مشتاقة ليك قدر الوطن .
اما الامنية اتحققت تب في اجمل من اني اكون في حوشكم ده ؟
ومشكووووووووووووووور يا ابو حميد ولنا اكيد لقاء

الاخ الفاضل الكريم بله

تحياتي واحترامي ,,
والف شكر علي كرم الاستقبال والضيافة يا اعظم ناس .

معقولة بس دكتور ابراهيم عبد الحليم الرجل الفنان الملاك من المرحبين بي ؟
يا للسعااااااااااااااادة . وذكريات اللحظة الانسانية وانت اول المتضامنين والمستقبلين للاستاذ الشاعر
الانسان محجوب شريف متعه الله بالصحة والعافية .
فعلآ كان لقاءآ عابرآ ولكن ما زالت بصماته في حياتي وذكرياتي .
تسلم يا دكتور ابراهيم وربنا اديك الفي مرادك واكتر من امثالك .
والف شكر وتقدير لك .

الحبيبة تراجي ,,

كيفك بت امي وكيف كتاكيتك ؟

الفضل ارجع ليك ولي جميع الصديقات والاصدقاء , والله اقدرني علي جزاكم علي حفاوة الاستقبال والكرم
يا اروع ناس . والله حفلة مبالغة والحمد لله ما عندنا طؤاري كل يوم حفلتنا صباحي هههههههههههه .

ألف مراحب بالانسانة والاديبة والمناضلة منى عمسيب
المنبر نور يا مني ...