Post: #1 Title: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:17 AM
والصور المنشورة كانت محض (هندسة فوتوشوب)
Post: #2 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:20 AM Parent: #1
لم تكن هناك ثورة في أرض الواقع......
بل كانت في شاشات الكمبيوتر فقط.
Quote: لما كان البمبان والثورة تنطلق في فيس بوك والمنابر انا كنت في ارض الحدث اقطع العاصمة المثلثة يوميا
من السامراب وامر في مشيتي بجامعة المشرق وشرق النيل والخرطوم وجامعة السودان وجامعة افرقيا ومأمون حميدة الى ان اصل امتداد الدرجة التالتة وكل شيئ هادئ الا حين افتح كمبويتري واجد الثورة في السماء
Post: #3 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:22 AM Parent: #2
Quote: الخبر الاكيد انه لا يوجد ثورة شعبية وهذا شاهد عيان موش سمعتا ولا جابو لي
Post: #4 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:26 AM Parent: #3
Quote: صحيت الصباح يوم جمعة "لحس الكوع" اظنها فتحت النت الثورة لقيتها وصلت العنان العصر مشينا نشيل فاتحة في العرضة شلتا معاي كمامة حيث اني اعاني من ربو حاد والكمامة دي اشتريتها غالية لما وصلنا العرضة وقعدنا مع الناس ما في زول جاب اي سيرة لمظاهرة ولا يوجد لساتك محروقة ولا حرائق كما يجتهد ناس الفوتو شوب ناس السايبر في عملها
الصور كلها طلعت محض تركيب فوتوشوب
Post: #5 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:28 AM Parent: #4
Quote: يوم السبت مشيت شمبات جنب جامعة شرق النيل مافي اي مظاهرة ولا ناس يوم الاحد مشيت من السامراب الى امتداد الدرجة التالتة للمغتربين وبعدها مرقتها في اركويت ما شوفتا اي حاجة يوم الاحد جيت المغتربين ومشيت العمارات مافي اي حاجة يوم الاثنين مشيت المغتربين والعمارات والديم مافي اي حاجة يوم الثلاثا مشيت المغتربين وامتداد الدرجة التالتة جنب العشرة مافي اي حاجة يوم الاربع جيت المغتربين ومشيت شمبات مافي اي حاجة. يوم الخمبس توفيت حبوبة اولادي مشيت الامتداد الى يوم 27 يوميا بمشي الامتداد وبمشي جبرة والازهري والمقرن والمنشية والعمارات ما بلاقي اي حاجة ولا اي زول قالي في مظاهرات في الحتة الفلانية
Post: #6 Title: Re: مظاهرات يونيو/ يوليو لم تحدث إطلاقاً Author: Hani Arabi Mohamed Date: 09-06-2012, 10:29 AM Parent: #3
لو تابعت تويتر في الخامس والعشرين من يناير عام 2011 لوجدت نفس الكلمات مع اختلاف القائلين.
Post: #7 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:30 AM Parent: #6
Quote: دي رحلتي الى الخرطوم في عز الجمعات اام اسامي
Post: #8 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:31 AM Parent: #7
Quote: كل رحلاتي المكوكية هذه تبدا من السامراب او شمبات 23 يوم وما شوفتا حاجة وبمر بعشرات الجامعات والكليات
Post: #9 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:32 AM Parent: #8
Quote: حكاية 2000 معتقلين دي راجعها خاصة لو مصدرها السايبر عندهم اختلال في تقدير الارقام
Post: #10 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 10:52 AM Parent: #9
يكون عمر البشير قاصد كتاب المنابر لما قال (شذاذ آفاق)؟
إحتمال.
Post: #11 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 11:33 AM Parent: #10
Post: #12 Title: Re: مظاهرات يونيو/ يوليو لم تحدث إطلاقاً Author: أبو ساندرا Date: 09-06-2012, 12:30 PM Parent: #11
من هنا:
سقوط الاقنعة وورقة التوت في النضال من بلاد برة ---------------------------------------------------
والله كنت قايلك ناقل من علاء الدين يوسف
Post: #13 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 07:34 PM Parent: #12
Quote: لو تابعت تويتر في الخامس والعشرين من يناير عام 2011 لوجدت نفس الكلمات مع اختلاف القائلين.
ناس مُدهشين والله يا هاني
Post: #14 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-06-2012, 09:45 PM Parent: #13
Quote: والله كنت قايلك ناقل من علاء الدين يوسف
بالله يا عبدالرحمن مش حاجة تحير؟
أنا بس عايز أعرف حاجة واحدة: لما عمر البشير قال ديل شذاذ آفاق ...... كان بيتكلم عن منو؟
Post: #15 Title: Re: مظاهرات يونيو/ يوليو لم تحدث إطلاقاً Author: tasneem Date: 09-06-2012, 09:58 PM Parent: #14
كنت في السودان في تلك الفترة كانت في مظاهرات في كل الاوقات حتي كانت بالليل بتقوم لكن كمية من الاحتياطي المركزي ما عادية
تحياتي
Post: #16 Title: Re: مظاهرات يونيو/ يوليو لم تحدث إطلاقاً Author: ibrahim alnimma Date: 09-06-2012, 10:18 PM Parent: #15
يبدو اننا بصدد مراجعة مصادرنا من اجهزة اعلام مقرؤة وبالتحديد النت ومسموعة ومشاهدة .......لتصبح مصادرنا هذه العيون التي ترى نيابة عنا .....فهم عيننا التي ترى واذننا التي تسمع ولساننا الذي يتحدث وقلمنا الذي يكتب.........فما اصدق هذه الاقلام التي تكتب وما انجع سيفهم الذي يقطع الالسنة .............قال السيد رئيس الجمهورية بطريقة أداء اقرب لتلك التي يتقنها الشعراوي ، فالشعراوي كان يقول لتلاميذه : قل هو الله احد ،الله ايه؟ فيسألهم ليكملو الاية الكريمة ......فيقول رئيسنا عمر البشير بنفس الطريقة .......ياخوانا الارزاق بيد منو؟؟؟؟؟؟؟ فهذا االضرب من الخطابة الذي يعرف ب leadig questions تقتل المستمع وتجعله اسير للمتحدث يخضع له تماماً فهو غير مطلوب منه غير الطاعة والإمتثال .......ولذلك فهم يريدوننا ان نسمع عنهم ونغلق اذننا عن الاخرين .......طالما حضرتهم تمشو الي اركويت ولم يجدو مظاهرات وثم كمان سالو ولم يدلهم احد علي المظاهرات .......فانها حتماً غير موجودة غير ايه؟ غير موجووووووووووودة خالص ونحن ياكافي البلاء بس المؤمن صديق طوالي نقوم نصدق سيادتهم .......... سلام يا ابو العزائم
Post: #17 Title: Re: مظاهرات يونيو/ يوليو لم تحدث إطلاقاً Author: Abdlaziz Eisa Date: 09-07-2012, 00:00 AM Parent: #16
الاخ ابوالريش
سلام
قـد تنكر العين ضوء الشمس من رمــد و ينكر المريض طعم المـاء من سقـم
Post: #18 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-07-2012, 11:04 AM Parent: #17
سلام تسنيم ...
Quote: كنت في السودان في تلك الفترة كانت في مظاهرات في كل الاوقات حتي كانت بالليل بتقوم لكن كمية من الاحتياطي المركزي ما عادية
كدي راجعي نفسك ....... يمكن كنتي حلمانة.
Post: #19 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-07-2012, 04:29 PM Parent: #18
أبراهيم النعمة سلام ....
ياخ الأصل إثبات إنها موجودة والا إنها غير موجودة؟
ده زي لما جهة تطالبك بإثبات إنك على قيد الحياة.
غايتو ... دنيانا محن.
Post: #20 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-09-2012, 09:24 PM Parent: #17
عبدالعزيز عيسى ...
ياخوي ضوء شمس شنو وطعم ماء شنو؟
ديل يغالطوك في إسمك
Post: #21 Title: Re: مظاهرات يونيو/ يوليو لم تحدث إطلاقاً Author: abdelrahim abayazid Date: 09-09-2012, 10:46 PM Parent: #20
الاخ محمد ابوالعزائم ابوالريش
سلامات
مافي كلام يتقال
Post: #22 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-10-2012, 06:06 PM Parent: #21
عبدالرحيم أبايزيد ....
يا زول أتاريهو المناضلين ديل كانوا بيضحكوا علينا .... وكنا قايلين الدنيا مولعة ....
والكبسيبة كانت في شاشات كميوتراتنا دي ....
Post: #23 Title: Re: مظاهرات يونيو/ يوليو لم تحدث إطلاقاً Author: Amani Al Ajab Date: 09-10-2012, 07:41 PM Parent: #22
Quote: صحيت الصباح يوم جمعة "لحس الكوع" اظنها فتحت النت الثورة لقيتها وصلت العنان العصر مشينا نشيل فاتحة في العرضة شلتا معاي كمامة حيث اني اعاني من ربو حاد والكمامة دي اشتريتها غالية لما وصلنا العرضة وقعدنا مع الناس ما في زول جاب اي سيرة لمظاهرة ولا يوجد لساتك محروقة ولا حرائق كما يجتهد ناس الفوتو شوب ناس السايبر في عملها
جمعة لحس الكوع أمدرمان ود نوباوي لقد تطورت المعارضة جداً في " الفوتو شوب "! مظاهرات الواق واق ننسبها بعين قوية للسودان ! --------------------------------------- شكراً الأخ محمد أبو العزائم ودمت بالف خير ..
Post: #24 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-11-2012, 09:00 PM Parent: #23
أماني العجب سلام .....
أتاريكم طلعتو حريفين في الفوتوشوب ومنتجتو صور المتظاهرين؟
بس في سؤال حارقني من البداية.
لقطات الفيديو دي عملتوها كيف؟
Post: #25 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-12-2012, 06:52 PM Parent: #24
Quote: يبدو اننا بصدد مراجعة مصادرنا من اجهزة اعلام مقرؤة وبالتحديد النت ومسموعة ومشاهدة .......لتصبح مصادرنا هذه العيون التي ترى نيابة عنا .....فهم عيننا التي ترى واذننا التي تسمع ولساننا الذي يتحدث وقلمنا الذي يكتب
Post: #26 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-22-2012, 08:28 PM Parent: #25
بعدين حكاية ((أنا كنت هناك)) دي بقت مكررة شديد .... حقو تشوفوا حاجة جديدة.
Post: #27 Title: Re: مظاهرات يونيو/ يوليو لم تحدث إطلاقاً Author: Amani Al Ajab Date: 09-22-2012, 08:44 PM Parent: #26
Quote: أماني العجب سلام .....
أتاريكم طلعتو حريفين في الفوتوشوب ومنتجتو صور المتظاهرين؟
بس في سؤال حارقني من البداية.
لقطات الفيديو دي عملتوها كيف؟
والله أنا ذاتي حيرتني! لكن سرنا مابنوح به ! دمت بالف خير
Post: #28 Title: Re: مظاهرات يونيو/ يوليو لم تحدث إطلاقاً Author: محمد أبوالعزائم أبوالريش Date: 09-23-2012, 06:59 AM Parent: #27
