Post: #1
Title: مشهد من بروفة لوردي بدار الفنانين
Author: mustafa mudathir
Date: 09-05-2012, 03:52 AM
لا نذكر وردي محض مبدع بل نذكره أيضاً كمثال
للاستقامة والمهنية والإلتزام
مشهد من بروفة لوردي بدار الفنانين
(مصطفى مدثر)
يا عظيم رُوم* السمع
أنا بسمعك في الهسّا جاز!
الديوك**
ووليد***
وهاربي هانكوك واللذاذ
كل واحد منو فيك!
يا دقيق في شهقة الساكس
تشهِّقو حتى لو ما كان شهَق
عملتو في ياناسينا
وفي يا غيرها كم!
بتذكّرك بالسفّة والزهجة
وحراق روحْ المعلمْ
والشمس
ودرانة من درب الغروب
شمساً بتقلي الفولة
وحفلتك بعدين.
فيك قلق كل البحبو
الكلمة تهري
وبيشتهو الميلوديا
منك
وفيهم انت
ومن عظيم الشعر
أبيات رايعة
مستنينك تقولها
وفيهم الفارقنا عصفوراً
فرد جناحين كورديونه
وفجأة طار
وفيهم النّظم الأحوال زميل!
وفيهم العمرين
و"شاكر" كان صديق
هو الجابني ليك
ولداً بحبك
ومرة يحرد
وأغلب الاوكات بجيك
كورداته سبحات
زاهية
من لالوب هواك
!
وأنا في التوابع
زاهي ساي
ولي على عرصات هواك
ما قدلة، قدلات.
العازفين يوم داك كان زهجوك
والدنيا حر
فلغيتو تمرين قصيدة
"قبلك كنت
لا بحلم ولا موجود"
وركبت مرسيدس وقورة
وبيك فخورة
أديتنا عرض أكتاف عجاج
كنت بتقول صول لا دو ري
يردو هم
دغ مَا سا هي
لامن زهجت
وعِمّتك الما لبستها وانت جاي
مدروعة في كتفك
طلعتَ بكتف خالي
ما طريت ترجع معاك
وما عرفتك
كيف باصرت أمرك
لكنو بس حلا المسا
والليل برد
القاعة ضجت بأناقة طلتك
وأناقة الجوقة المعاك
إستمطروها النغمة
من شدة هواهم ليك
ومن شدة هواك
الكان عسير
وقت الهجير
عزفوه أحسن ما يكون
ودليلي أنك
وزعت ليهم طي بسيماتك
رضاك
ويااااااا
عظيم ُرُوم السمع
ما ظني يخلص فيك كلام
زولاً بحبك وإتوجع
-----------------
* روم هم القوم الذين كان اسمهم روم أو رومان، وليس غرفة
** الديوك هو ديوك إلنجتون أحد ملوك الجاز الأمريكان
متوفي وكذلك هاربي هانكوك ولكنه لسع حي يرزق
*** وليد هو وليد عبدالحميد الفنان السوداني الكندي المرموق
هنا صورة لديوك ألنجتون
|
Post: #2
Title: Re: مشهد من بروفة لوردي بدار الفنانين
Author: ibrahim fadlalla
Date: 09-05-2012, 11:20 AM
Parent: #1
Quote: يا عظيم رُوم* السمع
أنا بسمعك في الهسّا جاز!
الديوك**
ووليد***
وهاربي هانكوك واللذاذ
كل واحد منو فيك!
يا دقيق في شهقة الساكس
تشهِّقو حتى لو ما كان شهَق
عملتو في ياناسينا
وفي يا غيرها كم!
بتذكّرك بالسفّة والزهجة
وحراق روحْ المعلمْ
والشمس
ودرانة من درب الغروب
شمساً بتقلي الفولة
وحفلتك بعدين.
فيك قلق كل البحبو
الكلمة تهري
وبيشتهو الميلوديا
منك
وفيهم انت
ومن عظيم الشعر
أبيات رايعة
مستنينك تقولها
وفيهم الفارقنا عصفوراً
فرد جناحين كورديونه
وفجأة طار
وفيهم النّظم الأحوال زميل!
وفيهم العمرين
و"شاكر" كان صديق
هو الجابني ليك
ولداً بحبك
ومرة يحرد
وأغلب الاوكات بجيك
كورداته سبحات
زاهية
من لالوب هواك
!
وأنا في التوابع
زاهي ساي
ولي على عرصات هواك
ما قدلة، قدلات.
العازفين يوم داك كان زهجوك
والدنيا حر
فلغيتو تمرين قصيدة
"قبلك كنت
لا بحلم ولا موجود"
وركبت مرسيدس وقورة
وبيك فخورة
أديتنا عرض أكتاف عجاج
كنت بتقول صول لا دو ري
يردو هم
دغ مَا سا هي
لامن زهجت
وعِمّتك الما لبستها وانت جاي
مدروعة في كتفك
طلعتَ بكتف خالي
ما طريت ترجع معاك
وما عرفتك
كيف باصرت أمرك
لكنو بس حلا المسا
والليل برد
القاعة ضجت بأناقة طلتك
وأناقة الجوقة المعاك
إستمطروها النغمة
من شدة هواهم ليك
ومن شدة هواك
الكان عسير
وقت الهجير
عزفوه أحسن ما يكون
ودليلي أنك
وزعت ليهم طي بسيماتك
رضاك
ويااااااا
عظيم ُرُوم السمع
ما ظني يخلص فيك كلام
زولاً بحبك وإتوجع |
يا سلام عليك يا مصطفى ..كلام جميل ومعبر ونابع من الأعماق ...
صدق شميتو شم ...لأنو من العنوان الواحد يتوقع صورة ول فيديو للمشهد ....
لاكين العارفك رسام حروف ....ما بيغلبو التخمين ...في ظني القلب خمنك ....
تسلم يا خي ...على السهل الممتنع ده ...
|
Post: #3
Title: Re: مشهد من بروفة لوردي بدار الفنانين
Author: mustafa mudathir
Date: 09-05-2012, 04:06 PM
Parent: #2
At work where no Arabic keyboard can be found
I thank yo Ibrahim for interacting
|
Post: #4
Title: Re: مشهد من بروفة لوردي بدار الفنانين
Author: بله محمد الفاضل
Date: 09-06-2012, 09:29 AM
Parent: #3
(*)
|
Post: #5
Title: Re: مشهد من بروفة لوردي بدار الفنانين
Author: mustafa mudathir
Date: 09-06-2012, 08:10 PM
Parent: #4
Thank you Ball
we are lost here
but poetry must be published to all
thanks again
|
Post: #6
Title: Re: مشهد من بروفة لوردي بدار الفنانين
Author: Tagelsir Elmelik
Date: 09-06-2012, 08:46 PM
Parent: #5
مصطفي مدثر
أمضي بلا تعليق
شكرا لك
|
Post: #7
Title: Re: مشهد من بروفة لوردي بدار الفنانين
Author: mustafa mudathir
Date: 09-07-2012, 05:03 AM
Parent: #6
شكرًاً لمن زار وخف.
عروض ليكم ذاتو ما عندي!
كفاية زاروني أدباء وهسع رفعته عشان
شخص واحد قليل أدب قال عايز يقرا
القُر الذي لا ينفع فيه الصوف!
|
Post: #8
Title: Re: مشهد من بروفة لوردي بدار الفنانين
Author: mustafa mudathir
Date: 09-08-2012, 03:34 AM
Parent: #7
خلاص ح أحكي عن وردي رايكم شنو؟
|
Post: #9
Title: Re: مشهد من بروفة لوردي بدار الفنانين
Author: tmbis
Date: 09-08-2012, 10:14 AM
Parent: #8
| Quote: خلاص ح أحكي عن وردي رايكم شنو؟ |
والله انا بالذات ما عندي مانع بس بي نفس الطريقة بتاعت الأخوان دي .. جني وجن الواحد يحكي ليك يصعب ليك الحاجات ..
قصيدتك الفوق دي مدهشة يادرش كالعادة ..
لقيت فيها عمر وعمر .. وعصفور وشاكر .. واحتمال كمان كان غرقته كدا اشم ليك ريحة النوار بتاع شجر السنط دا طبعا في حال انك قطعته الشارع ودحرجته نفسك للبحـر ..
بروفة زي دي يا مصطفى زمان كان ما بتمشي فينا ساكت .. تضرب بروفه زي دي .. وتمشي تضرب ليك صير .. يا كمان تملى جيبك (موارك) بتاعت كوارع وتأجل المشروع دا لي البروفه الجاية ..
عليك الله الحتة بتاعت ( الموارك ) دي ما ريحتك ..؟ 
|
Post: #10
Title: Re: مشهد من بروفة لوردي بدار الفنانين
Author: mustafa mudathir
Date: 09-08-2012, 09:54 PM
Parent: #9
تمبس أنا كنت عارفك ح تخش هنا وعارفك ح تبدع!
Quote: واحتمال كمان كان غرقته كدا اشم ليك ريحة النوار بتاع شجر السنط
دا طبعا في حال انك قطعته الشارع ودحرجته نفسك للبحـر ..
بروفة زي دي يا مصطفى زمان كان ما بتمشي فينا ساكت .. تضرب بروفه زي دي ..
وتمشي تضرب ليك صير .. يا كمان تملى جيبك (موارك) بتاعت كوارع وتأجل المشروع
دا لي البروفه الجاية ..
|
بالغت يا تمبس! دي ماالشاعرية ذاتها.
كتابة طبقات من حكي وجواها أسرار إنتماء!
الموارك دي وقعت لي في جرح الذكريات ذاتو قام سكت من نتَحي!
العازفين في قصيدة فيهم أيضاً المرحوم عبدالرحمن عبدالله وكان كي في الجروب
البتعزف مع وردي. ياخي وردي دا كان معاهو فرودين كبار عبدالعزيز عصفور
وعبدالرحمن عبد الله. بعدين عمر فتح الله وعمر منصور (أولادنا) كان وردي فرحان
بيهم كيف في حفلة عدن لما قدمهم: عمر وعمر!
الزول دا (وردي) كان صياد عازفين. آخر صيد ثمين ليهو كان كاميليو!
الجيتاريست الوحيد (مع تقديري لصلاح خليل وشاكر والفاتح حسين) كاميليو
الوحيد الكان وردي بيخليهو يرتجل أي شيئ لدرجة انو في تسجيل لبناديها
الزول دا أضاف موسيقى كتيرة جداً ما حقت وردي.
مرة في القاهرة وردي قال لي الصولات البتسمعوها دي كلها تأليفي أنا ذاتي.
لكن طبعاً ما صدقته! ههههههههه يا حليلو ياخ كان فنان عظيم بحق.
|
|