ان لم تنشرها فأعلم أن الشيطان منعك

يعنى هو الشيطان طوالى مشيلينوا وش القباحه
ياخى مرات ما بتعجبنا الفكره الملصقين فيها العباره دى
يا ما متفقين فيها معاكم لانها بتكون مرات كده ماااااااااااااااااااااا بتدخل عقل
واصلا انا حرررررررررررررره
ما عايزه انشرها يبقى مزاجىىىىىىىىىى المنعنى يا فهمى يا فكرى يا سقاله منى عشان الجمله المكتوبه دى

الله ما يسامح عديل
غايتو قربوا يدعوا على الزول الله يخسف بيه الواطه كان ما عمل كده
دا ياتو فهم
الدين ما بيدعو للخير بالطريقه المستفزه دى
ولا من حق زول يشيل زول امانه غصب ويجبره يطيعه بلا اراده وفهم
بغض النظر عن القصه والموعظه
الطريقه المتبعه مرفووووووووووووضه
لان الزول لو حابى ينشرها حينشرها بارادته وبرغبته
ما خوف من عبارات ووعيد ما من حق زول يتوعد بيها من طرف

أجهل الامم فى عصرنا هذا هم الاعراب. الفيسبوك والانترنت زادهم جهل على جهل واستغلوه لنشر سخافتهم.

رانية سلام.

كيفك امبده
زمان كان فى الايميلات الرسايل البتصل عن حلم معين وما عارفه اكتبها 10 مرات ووزعها يا حتحصل ليك مصيبه
ومع تطور العولمه الحاجات دى فعلا بقيت تطور لكن الطريقه بقيت مستفزه وبيضيعوا فكرة الموضوع الحابين يعكسوا
النصيحه ما تهديد ووعيد
واصلا البينصح زول قدام ناس يبقى اسائه
الناس مشكلتها خالطه الامور بطريقه مؤسفه
وهل فعلا هم مقتنعين انهم بيعملوا الصح ولا بيكونوا عارفين ان اسلوبهم مرفوض
لان فى طائفه بتستغل الفجوات دى وبتسيىء لدين